როგორც მან საქართველოს ეკონომიკის განვითარების კორპორაციის პრეზენტაციაზე გამოსვლისას აღნიშნა, კორპორაცია მნიშვნელოვან როლს შეასრულებს ენერგეტიკის სექტორში. ამასთან, ირაკლი გაბრიაძის თქმით, კორპორაციის საქმიანობის ერთ-ერთი მთავარი მიზანი ინვესტიციების წახალისებაა.„მიზანი გვაქვს, რომ მომდევნო 10 წლის განმავლობაში დადგმული სიმძლავრე 2.5-ჯერ გაიზარდოს და მსხვილი სტრატეგიული, სტრატეგიული ობიექტები აშენდეს. სხვადასხვა მიმართულებით ვგეგმავთ, რომ ფინანსებზე ხელმისაწვდომობის არსებული პროგრამებით 16 მილიარდ ლარზე მეტ ინვესტიციას წავახალისებთ, ახალი ფინანსური ინსტრუმენტებით 7 მილიარდ ლარზე მეტ ინვესტიციას შევუწყობთ ხელს“, - განაცხადა ირაკლი გაბრიაძემ.ამასთან, ეკონომიკის განვითარების კორპორაციის გენერალურმა დირექტორმა ხაზი გაუსვა, რომ დაგეგმილია 2000 ექსპორტიორის მხარდაჭერა, რაც, მისი შეფასებით, ძალიან ამბიციური გეგმაა, რადგან დღეის მდგომარეობით ბაზარზე სულ 2500 ექსპორტიორია.„მხარს დავუჭერთ ასევე კერძო ფასიანი ქაღალდების გამოშვების მიმართულებით 16 მილიარდ ლარამდე ინვესტიციას და 1 მილიარდ ლარამდე გაიზრდება კერძო საინვესტიციო ფონდების აქტივების მოცულობა, ისეთი აქტივების, რომლებიც წილობრივ მონაწილეობაში მიიღებენ მონაწილეობას. ჯამურად აღნიშნული წაახალისებს მომდევნო 10 წლის განმავლობაში 40 მილიარდი ლარის ინვესტიციას ქართულ ეკონომიკაში“, - განაცხადა ირაკლი გაბრიაძემ.

1792503827

ფორუმის მიზანი სოფლის მეურნეობის სექტორში არსებული გამოწვევებისა და შესაძლებლობების განხილვა, აგრარული პოლიტიკის სამომავლო პრიორიტეტების განსაზღვრა და სახელმწიფოსა და კერძო სექტორს შორის თანამშრომლობის გაძლიერება იყო.მისასალმებელ სიტყვაში დავით სონღულაშვილმა საქართველოს აგრარული სექტორის განვითარების პრიორიტეტებზე, დარგის ეკონომიკური და საექსპორტო პოტენციალის გაძლიერებისა და სასურსათო უსაფრთხოების მნიშვნელობაზე ისაუბრა.„მოხარული ვარ, რომ ეკონომიკური ფორუმის ფარგლებში სოფლის მეურნეობის განვითარების შესახებ მოსაზრებების გაცვლის შესაძლებლობა გვაქვს. ვფიქრობ, ჩვენი დიალოგი შედეგიანი იქნება და ხელს შეუწყობს სახელმწიფოსა და კერძო სექტორს შორის თანამშრომლობის გაღრმავებას. სოფლის მეურნეობაში თანამედროვე ტექნოლოგიების დანერგვა, ფინანსურ რესურსებზე ხელმისაწვდომობის გაუმჯობესება და აგროდაზღვევის განვითარება ის მნიშვნელოვანი მიმართულებებია, რომლებზეც ერთობლივი ძალისხმევით უნდა ვიმუშაოთ, რათა გავაძლიეროთ ქართული აგრარული სექტორის კონკურენტუნარიანობა და ეფექტიანად გამოვიყენოთ მისი პოტენციალი“, - განაცხადა დავით სონღულაშვილმა.ფორუმის პანელური დისკუსიის ფარგლებში მონაწილეებმა სახელმწიფო აგრარული პოლიტიკის პრიორიტეტები და სოფლის მეურნეობის განვითარების ხელშემწყობი ძირითადი მიმართულებები განიხილეს. ყურადღება გამახვილდა თანამედროვე აგროტექნოლოგიების დანერგვის შესაძლებლობებზე, საინვესტიციო გარემოს განვითარებასა და საკანონმდებლო ჩარჩოს სრულყოფაზე, სურსათის უვნებლობისა და ხარისხის კონტროლის სისტემის გაძლიერებაზე, აგრეთვე აგროდაზღვევისა და ფინანსურ რესურსებზე ხელმისაწვდომობის მნიშვნელობაზე.დისკუსიაში დავით სონღულაშვილთან ერთად მონაწილეობდნენ საქართველოს პარლამენტის სოფლის მეურნეობის კომიტეტის თავმჯდომარე გელა სამხარაული, „თეგეტა ჰოლდინგის“ მთავარი აღმასრულებელი ოფიცერი ეკატერინე ქავთარაძე, საერთაშორისო ანალიტიკური ლაბორატორიის დამფუძნებელი ნათია ცაბუტაშვილი, სადაზღვევო კომპანია „ალდაგის“ გენერალური დირექტორი გიორგი ბარათაშვილი და „საქართველოს ბანკის“ გენერალური დირექტორის მოადგილე ზურაბ ქოქოსაძე.საქართველოს ეკონომიკური ფორუმი კერძო და საჯარო სექტორებს შორის დიალოგის პლატფორმაა, რომლის ფარგლებში სახელმწიფო, ანალიტიკური და ბიზნესსექტორის წარმომადგენლები ქვეყნის წინაშე არსებულ აქტუალურ ეკონომიკურ გამოწვევებსა და განვითარების შესაძლებლობებს განიხილავენ. ფორუმის დამფუძნებელი და ხელმძღვანელი გიორგი აბაშიშვილია.

1792496765

მთავრობის მეთაურის თქმით, ხელისუფლების სწორი ეკონომიკური პოლიტიკის შედეგად, ქვეყნის ეკონომიკა სწრაფი ტემპით ვითარდება, შესაბამისად, იზრდება კერძო სექტორის შესაძლებლობებიც და ამ პროცესს შემდგომი მხარდაჭერა ესაჭიროება.„ამ წინსვლას, რაც გვაქვს ჩვენ ეკონომიკის სფეროში, მნიშვნელოვანი სტიმული მისცა 2014 წელს სააგენტოს - „აწარმოე საქართველოში“ შექმნამ, რომელმაც კონკრეტული ხელშესახები შედეგები მოიტანა. 2014-2025 წლებში სამთავრობო პროგრამებით 20 000-ზე მეტმა მეწარმემ ისარგებლა; განხორციელდა 8,5 მილიარდ ლარამდე ინვესტიცია და შეიქმნა დაახლოებით 90 000 სამუშაო ადგილი; მცირე და საშუალო ბიზნესის სექტორში დასაქმებულთა რიცხვი 405 ათასიდან 544 ათასამდე გაიზარდა; პროდუქციის გამოშვებამ 14,8-დან 54 მილიარდს გადააჭარბა. საშუალო ზომის კომპანიებში შრომის ანაზღაურებამ 998-დან 2760 ლარამდე მოიმატა. ეს მაჩვენებელი მსხვილ კორპორაციებში დასაქმებულთა ანაზღაურების მაჩვენებელსაც აჭარბებს. მცირე და საშუალო საწარმოების ექსპორტის მოცულობა 1,3-დან 2,7 მილიარდ დოლარამდე გაიზარდა.ამ  მიღწევების შესანარჩუნებლად უფრო ფართო და გრძელვადიანი ხედვა გვჭირდება. ბიზნესის გაძლიერებასთან ერთად, საჭიროა სახელმწიფო მხარდაჭერის მასშტაბის გაფართოებაც. სწორედ ამიტომ, სხვადასხვა უწყებაში დაგროვილი ცოდნისა და ფინანსური რესურსების გაერთიანებით, ჩვენ ჩამოვაყალიბეთ საქართველოს ეკონომიკის განვითარების კორპორაცია. ეს ცვლილება მხოლოდ სტრუქტურული გარდაქმნა არ არის. ჩვენი მიზანია, მეწარმეების ხელშეწყობა კიდევ უფრო კოორდინირებული და შედეგზე ორიენტირებული გახდეს“, - განაცხადა პრემიერ-მინისტრმა.

1792492947

პროგრამების ფარგლებში მოსწავლეებს შეუძლიათ, შეიძინონ ახალი უნარები, გაეცნონ მათთვის საინტერესო პროფესიებს და მიიღონ ცოდნა საქართველოს ბანკის სრული დაფინანსებით.საქართველოს ბანკის მიერ შექმნილი განათლების შესაძლებლობები მოსწავლეებისთვის:სტიპენდია პროფესიულ აკადემიებშისაქართველოს ბანკი სკოლის მოსწავლეებს აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს 20-მდე პროფესიულ აკადემიაში საქართველოს ბანკის სტიპენდიით.ინიციატივის ფარგლებში, მოსწავლეებს შეუძლიათ აირჩიონ სასურველი კურსი ვებპროგრამირების, გრაფიკული და UI/UX დიზაინის, IT პროექტების მართვის, პროგრამირების საფუძვლების, ხელოვნურ ინტელექტისა და სხვა მიმართულებებით. დეტალური ინფორმაციის მისაღებად და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებით დაინტერესებულიახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა ექნებათ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მაახალგაზრდამ დაიწყო სწავლა.STEM განათლების ხელშეწყობა მთელი საქართველოს მასშტაბითსაქართველოს ბანკისა და კომაროვის STEM სკოლა VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით. სკოლაში გაკვეთილები ონლაინ ტარდება, რაც მოსწავლეებს შესაძლებლობას აძლევს, სასწავლო პროცესში საქართველოს ნებისმიერი კუთხიდან ჩაერთონ. ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს.ფოთის საჭადრაკო კლუბი - შესაძლებლობა მომავალი ჩემპიონებისთვისსაქართველოს ბანკი ფოთის ნანა ალექსანდრიას სახელობის ლეგენდარული საჭადრაკო კლუბის მთავარი პარტნიორია. თანამშრომლობის ფარგლებში, საქართველოს ბანკი 10 ნიჭიერ მოსწავლეს, ერთი წლის განმავლობაში, სწავლას სრულად დაუფინანსებს.UWC-ის სტიპენდია მოსწავლეებისთვის - ისწავლეთ მსოფლიოს 18 სკოლაშისაქართველოს ბანკი გაერთიანებული მსოფლიო სკოლებთან (UWC) თანამშრომლობის ფარგლებში 15-17 წლის მოსწავლეებისთვის სასტიპენდიო პროგრამას ახორციელებს და მათ შესაძლებლობას აძლევს, მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა.Code IT - პირველი ნაბიჯები პროგრამირებაშიპროგრამირებით დაინტერესებული 14-18 წლის მოზარდებისთვის Code IT-ის პროგრამა ხორციელდება, რომელიც ახალგაზრდებს საქართველოს სხვადასხვა რეგიონის ტექნოპარკში პროგრამირების საფუძვლების შესწავლის შესაძლებლობას აძლევს. პროგრამის მონაწილეები HTML-ს, CSS-სა და JavaScript-ს შეისწავლიან და ტექნოლოგიურ სფეროში პირველ ნაბიჯებს გადადგამენ.საქართველოს ბანკის მიერ შექმნილი განათლებისკიდევ უფრო მეტი შესაძლებლობის აღმოსაჩენადეწვიეთ ვებგვერდს.

1792490576

საქსტატის ცნობით, 2026 წლის აგვისტოსთან შედარებით ფასები 0.1 პროცენტით შემცირდა სამთო-მოპოვებითი მრეწველობისა და კარიერების დამუშავების ჯგუფზე, რამაც -0.01 პროცენტული პუნქტით იქონია ზეგავლენა ჯამური ინდექსის ცვლილებაზე. ამავე პერიოდში -0.1 პროცენტით ფასები შემცირდა დამამუშავებელი მრეწველობის პროდუქციის ჯგუფზე, რამაც -0.05 პროცენტული პუნქტი შეიტანა მთლიანი ინდექსის ცვლილებაში. გარდა ამისა, ფასების 0.4-პროცენტიანი ზრდა დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.04 პროცენტული პუნქტი შეადგინა.„12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 12.6 პროცენტით, რაც მთლიანი ინდექსის ცვლილებაზე 0.88 პროცენტული პუნქტით აისახა. ჯგუფში აღსანიშნავია ფასების მატება ლითონის მადნებზე (12.1 პროცენტი);დამამუშავებელი მრეწველობის პროდუქცია: ფასები გაიზარდა 4.1 პროცენტით, რამაც მთლიანი ინდექსის ზრდაზე 3.22 პროცენტული პუნქტით მოახდინა გავლენა. ფასები გაიზარდა კვების პროდუქტებზე (4.1 პროცენტი) და ძირითად ლითონებზე (8.5 პროცენტი); ელექტროენერგია, აირი, ორთქლი და კონდიცირებული ჰაერი: ფასები გაიზარდა 3.2 პროცენტით, რამაც მთლიანი ინდექსის წლიურ ცვლილებაზე 0.34 პროცენტული პუნქტით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 5.8 პროცენტით, რამაც მთლიან ინდექსზე 0.18 პროცენტული პუნქტით იქონია გავლენა“, – აღნიშნულია საქსტატის მიერ გამიქვეყნებულ ანგარიშში.

1792488885

მარნეულის მუნიციპალიტეტში, სოფელ კუშჩუში,  წმინდა გიორგის მიმყვან არხზე  გადამღვრელი კვანძი მოეწყო. განხორციელებული სამუშაოები გააუმჯობესებს წყლის რეგულირების პროცესს და ხელს შეუწყობს დაახლოებით 700 ჰექტარი სასოფლო-სამეურნეო მიწის მორწყვას.საექსპლუატაციო სამუშაოები დასრულდა გარდაბნის მუნიციპალიტეტშიც. ვაზიანის მიმყვან არხზე მოწყობილი გადამღვრელი კვანძი ჭარბი წყლის დროულად გადაღვრას  უზრუნველყოფს, რაც წყლის რეგულირებას გაამარტივებს. აღნიშნული არხით დაახლოებით 650 ჰექტარი სასოფლო-სამეურნეო მიწის ფართობი ირწყვება.ინფრასტრუქტურის მოწესრიგება და წყლის რესურსების რაციონალურად გამოყენება მნიშვნელოვნად ზრდის გასარწყავიანებულ ფართობებს, რაც გადამწყვეტია სასოფლო-სამეურნეო წარმოების განვითარებისა და პროდუქტიულობის ზრდისთვის.

1792487362