სტამბოლის 42-ე საერთაშორისო წიგნის ბაზრობაზე, 16 დეკემბერს, დათო მაღრაძე „ბარაქიანი მიწის“, „უსადაუროს“ და „ჯაკომო პონტის“ თურქულ გამოცემებს წარადგენს

ტრენინგს უძღვებოდნენ „საქართველოს ეკონომიკური წიგნიერების ინიციატივის" თანადამფუძნებელი და ეკონომისტი - ბაქარ ბარათაშვილი და ანა ქათამაძე - სკოლის პედაგოგი და ტრენერი.სტუდენტებს, მიუხედავად მათი ფაკულტეტისა თუ კურსისა, შესაძლებლობა ჰქონდათ, მიეღოთ საბაზისო და პრაქტიკული ინფორმაცია ფინანსურ რჩევებთნ დაკავშირებით.„სესიაზე დეტალურად განვიხილეთ თემები, რომლებიც პირადი ფინანსების მართვის საწყის ნაბიჯებს ქმნის. მაგალითად: როგორ ფუნქციონირებს ბაზარი და რა როლი აქვს მოთხოვნა-მიწოდების ბალანსს; როგორ ხდება ბიუჯეტის შედგენა და რესურსების სწორი გადანაწილება; რა განსხვავებაა სურვილებსა და საჭიროებებს შორის და რატომ არის ეს ცოდნა პასუხისმგებლიანი ფინანსური ქცევის საფუძველი. განსაკუთრებული ყურადღება დავუთმეთ იმ ფსიქოლოგიურ ფაქტორებს, რომლებიც ხშირად გაუცნობიერებლად გვაღებინებენ ფინანსურ გადაწყვეტილებებს - იმპულსურ ხარჯვას, რისკებისადმი დამოკიდებულებას. გარდა ამისა, შევეხეთ ინვესტირების საწყის პრინციპებსაც: რატომ იწყება ყველაფერი გრძელვადიანი მიზნების განსაზღვრით და რა არის რისკისა და სარგებლის ბალანსი“,- აღნიშნა ბაქარ ბარათაშვილმა, „საქართველოს ეკონომიკური წიგნიერების ინიციატივის" თანადამფუძნებელმა.„მოხარულები ვართ, რომ ტრენინგზე სტუდენტების აქტიური ჩართულობა და ინტერესი გამოიხატა არაერთი შეკითხვით, დისკუსიითა და პრაქტიკულ მაგალითებზე მუშაობით - ეს კიდევ ერთხელ ადასტურებს, რომ ახალგაზრდებში ფინანსური განათლების შესახებ მეტი ინფორმაციის მიღების საჭიროება და მოტივაცია საკმაოდ მზარდია“,- აღნიშნა ანა ქათამაძემ, სკოლის პედაგოგმა და ტრენერმა.„ჩვენთვის, როგორც ფინანსური ინსტიტუტისთვის, განათლების და განსაკუთრებით, ფინანსური განათლების მხარდაჭერა, ერთ-ერთი უცვლელი პრიორიტეტია. გვინდა, სტუდენტებს მაქსიმალურად შევუწყოთ ხელი ფინანსური განათლების მიღებაში და მათთვის ისეთი ტრენინგების ჩატარებაში, რომელიც სტუდენტების საჭიროებებზე, ინტერესებზე და სპეციფიკაზე იქნება მორგებული. ვფიქრობთ, ფინანსური ცოდნა აუცილებელია ყველასთვის, განურჩევლად იმისა, თუ რა არის სტუდენტის ძირითადი ფაკულტეტი თუ მიმართულება“,- აცხადებს ანა ლომთაძე, საქართველოს ბანკის კორპორაციული სოციალური პასუხიმგებლობის (CSR) მიმართულების ხელმძღვანელი.ინფორმაციისთვის, ამ ტიპის შეხვედრები როგორც სტუდენტებისთვის, ასევე სხვა აუდიტორიისთვის კვლავ ჩატარდება. თვალი ადევნეთ ჩვენს ფეისბუქ გვერდს ან ეწვიეთ საქართველოს ბანკი - გზა სულ არის, არ გაჩერდე

1763982960

კომიტეტში სიტყვით გამოსვლისას, ნათია თურნავამ ყურადღება გაამახვილა წლიური ინფლაციის შედარებით გაზრდილ მაჩვენებელზე და განმაპირობებელ ფაქტორებზე. მან ხაზი გაუსვა, რომ მიზნობრივ, 3 პროცენტიან მაჩვენებელთან შედარებით, ინფლაციის ზრდას ძირითადად სურსათის ინფლაცია განაპირობებს, რაც ნაწილობრივ წინა წლის დაბალი საბაზო ეფექტისა და ეგზოგენური ფაქტორების ასახვაა. ხოლო სურსათის გამორიცხვით, ინფლაციის მაჩვენებელი და ამავდროულად შედარებით ხისტი ფასების საზომები, რომლებიც კარგად ასახავენ გრძელვადიან ინფლაციურ მოლოდინებს, მიზნობრივ დონესთან ახლოს ნარჩუნდება.მისივე თქმით, გამომდინარე იქიდან, რომ წინა ორი წელი ინფლაციის დონე იყო 3-ჯერ ნაკლები ვიდრე მიზნობრივი 3%, ანუ 1.1%-ის დონეზე იყო, წელს, თუნდაც ამ დაბალი ბაზის გამო, ინფლაცია გადასცდა 3%-იან ნიშნულს. ამას დაემატა რამდენიმე გარე ფაქტორი, მაგალითად საგარეო ბაზრებზე სხვადასხვა სასაქონლო კატეგორიის გაძვირება, მაგრამ ესაა ერთჯერადი ფაქტორები რომელთა მილევაც უახლოეს თვეებშია მოსალოდნელი.„მიმდინარე ცენტრალური სცენარით, ინფლაცია დროებით 3%-იანი მაჩვენებლის ზემოთ შენარჩუნდება და 2025 წელს საშუალოდ 4.0 პროცენტი იქნება. თუმცა საშუალოვადიან პერიოდში მკაცრი მონეტარული პოლიტიკის, ერთობლივი მოთხოვნის ნორმალიზაციისა და სურსათის ფასებიდან მომდინარე ინფლაციური ეფექტების მილევის პირობებში, ინფლაცია მიზნობრივი მაჩვენებლის გარშემო დასტაბილურდება,“ - აღნიშნა მან.ამასთან, ნათია თურნავას განცხადებით, ინფლაციური მოლოდინებიც არაა გაზრდილი, ვინაიდან 5.2%-იანი მაჩვენებელი ძირითადად მომდინარეობს მიწოდების ფაქტორებიდან და არა მოთხოვნის ზეწოლიდან. ასეთ დროს ცენტრალური ბანკები ნაკლებად რეაგირებენ ხოლმე, თუმცა სებ-ი მზად არის გაზარდოს რეფინანსირების განაკვეთი, თუკი ეს პროცესები გაგრძელდა.„ჩვენი ნეიტრალური განაკვეთია 7%. დღეს გვიჭირავს 8% და ცენტრალური სცენარის მიხედვით ესეც უნდა მოხდეს თუ რაიმე გაუთვალისწინებელი არ მოხდა. კვლავაც ვინარჩუნებთ შედარებით მკაცრ პოზიციას. 8% მოგეხსენებათ შედარებით მაღალია, ვიდრე ნეიტრალური დონე და ვართ ყურადღებით“, - აღნიშნა სებ-ის პრეზიდენტმა.

1763981321

ღონისძიებაზე მომხსენებელი გოგხან ჩინგიზხანი, მოდერატორი კი ფეჰმი უზალი იქნება.პრეზენტაცია 15:00 საათზე გაიმართება.

1763979666

თუმცა აუცილებელი არაა, შავი პარასკევი სტრესული იყოს. სწორი სტრატეგია და წინასწარ გაწერილი გეგმა დაგეხმარება, გადაურჩე შავ პარასკევს, შეიძინო უფრო მეტი, ვიდრე სხვა ნებისმიერ დღეს, და კიდევ უფრო მეტი.რჩევები, რომლებიც შენს შოპინგ გამოცდილებას გაცილებით უფრო მარტივს და სასიამოვნოს გახდის: შეადგინე მკაფიო გეგმა - მნიშვნელობა არ აქვს, ზამთრისთვის ახალი ქურთუკი გჭირდება, ბლუთუზ ყურსასმენი გაგიფუჭდა, თუ თავის მოვლის საშუალებების მარაგი გაქვს შესავსები. მთავარია, შეადგინო სია, სადაც წინასწარ გაწერ - რა ნივთები გჭირდება რეალურად და რის ქონას ისურვებდი. ეს დაგეხმარება, იმპულსური შოპინგი აირიდო თავიდან.მკაცრად განსაზღვრე ბიუჯეტი და დარწმუნდი, რომ მას დაიცავ - შავი პარასკევის შეთავაზებები ხშირად მაცდური და თვალისმომჭრელია. თუმცა გახსოვდეს, რომ ასობით ლარის დახარჯვა პროდუქტებზე, რომლებიც არ გჭირდება, ფულის დაზოგვაში არ გეხმარება. არა, არც იმ შემთხვევაში, თუ ყველაფერს ნახევარ ფასად შეიძენ. წინასწარ განსაზღვრე ლიმიტი და დარწმუნდი, რომ მას არ გადააჭარბებ. ხოლო თუ თიბისის მომხმარებელიც ხარ, არ დაგავიწყდეს, რომ ბიუჯეტში გაითვალისწინო ქეშბექიც, რომელსაც თიბისი ბარათით გადახდისას მომენტალურად მიიღებ.შეადარე შეთავაზებები წინასწარ - მას შემდეგ, რაც განსაზღვრავ, რა გჭირდება, წინასწარ, ონლაინ ან ფიზიკურ მაღაზიაში შეადარე, სად იყიდება ეს ნივთები ყველაზე დიდი ფასდაკლებით. შეადარე ფასები კატეგორიების მიხედვით და გადაწყვიტე, რომელი ბრენდის სპორტული სამოსის თუ კოსმეტიკის შეძენა იქნება უფრო მოგებიანი.იშოპინგე ადრე და თავი აარიდე პიკის საათებს - როცა შავი პარასკევის შეთავაზებები გრანდიოზულია, ნივთები ხშირად მალე ქრება თაროებიდან, პიკის საათებში კი, განსაკუთრებით 18:00 საათის შემდეგ, გასახდელებთანაც გრძელი რიგი დაგხვდება. ამიტომ დარწმუნდი, რომ საყიდლებს დღის პირველ ნახევარში მოილევ. ამით სასურველი ნივთების შეძენასაც უფრო მარტივად შეძლებ. მეტიც, შეგიძლია, სამოსი მაღაზიაში წინა დღეებში მოიზომო, რათა ფასდაკლებების დღეს კიდევ ერთი ცხელი წერტილი აირიდო თავიდან.რაც მთავარია, არ დაგავიწყდეს, რომ თიბისიმ Black Friday-სთვის  თავის ერთგულ მომხმარებელს წელსაც მათზე მორგებული შეთავაზება მოუმზადა. მნიშვნელობა არ აქვს, რის შეძენას დაგეგმავ: ტანსაცმელი, ფეხსაცმელი, პარფიუმერია, თავის მოვლის საშუალებები თუ აქსესუარები - რადგან ახალი თიბისი ბარათით დაზოგავ უფრო მეტს.მხოლოდ 28 ნოემბერს, გადაიხადე 100-მდე შერჩეული ბრენდის ფიზიკურ მაღაზიებში ახალი თიბისი ბარათით ან ერთგული საკრედიტო ბარათით და მომენტალურად, ლოდინის გარეშე, დაიბრუნე გახდილი თანხის 30% - ჯამში მაქსიმუმ 100 ლარი. თიბისი კონცეპტის მომხმარებლები ახალი თიბისი კონცეპტ ბარათებით ან ერთგული საკრედიტო ბარათით გადახდის შემთხვევაში კი, 150 ლარს.თუ ერთგულ ყულაბაში მომენტალურად დაბრუნებული თანხის მიუხედავად, სასურველი ნივთის შესაძენად ფული არ გყოფნის, დაიმტკიცე ერთგული საკრედიტო ბარათის ლიმიტი მობაილბანკიდან და ისარგებლე ახალი თიბისი ბარათის იდენტური შეთავაზებით.იმ შემთხვევაში კი, თუ ახალი თიბისი ბარათი არ გაქვს, 28 ნოემბრამდე დრო ჯერ კიდევ არის: ახალი თიბისი ბარათის აღება თიბისის მობაილბანკში სულ რაღაც 30 წამში, სრულიად უფასოდ არის შესაძლებელი. თანაც, შავი პარასკევის შემდეგაც, ახალი თიბისი ბარათით ყოველ დღე დაზოგავ უფრო მეტს: ამ ბარათით ნებისმიერ ტერმინალზე შესრულებულ ყველა გადახდაზე, გადახდილი თანხის 0.5% ერთგულ ყულაბაში მომენტალურად დაგიბრუნდება.

1763978400

მისი თქმით, საერთაშორისო საკრედიტო სარეიტინგო სააგენტოს ეს ნაბიჯი ასახავს იმ პოზიტიურ მაკროეკონომიკურ ტენდენციებს, რომლებიც ქვეყანაში ფიქსირდება.ეკატერინე მიქაბაძის განმარტებით, Fitch-ის ანგარიშში ერთ-ერთ მთავარ ფაქტორად მოყვანილია საერთაშორისო სავალუტო რეზერვების მნიშვნელოვანი ზრდა. გასული წლის ოქტომბერთან შედარებით, რეზერვები 37.2%-ით გაიზარდა და 5.6 მილიარდ აშშ დოლარს მიაღწია, რაც ისტორიულ მაქსიმუმს წარმოადგენს.როგორც სებ-ის პირველი ვიცე-პრეზიდენტი აღნიშნავს, რეზერვების ასეთი დინამიკა სტაბილურობისთვის განსაკუთრებით მნიშვნელოვანია.სარეიტინგო სააგენტო ასევე მაღალი შეფასებით ეხმიანება საქართველოს საბანკო სექტორს, რომელიც გამოირჩევა მომგებიანობით, მაღალი კაპიტალიზაციით და აქტივების ხარისხით. სებ-ის პირველი ვიცე-პრეზიდენტი აღნიშნავს, რომ სარეიტინგო სააგენტოს მიერ ასევე პოზიტიურად არის შეფასებული ლარიზაციის ტენდენციებიც.აღსანიშნავია, რომ Fitch Ratings პროგნოზების მიხედვით, 2026-2027 წლებში საშუალო ინფლაცია 3.2%, მიზნობრივ მაჩვენებელთან ახლოს იქნება, იქნება, ხოლო 2025 წელს საქართველოს ეკონომიკა 7.3%-ით გაიზრდება.

1763977199

ირაკლი რუხაძის თქმით, ეკონომიკის მთავარი დამფინანსებელი დღეს საბანკო სექტორია.„საქართველოს საბანკო სფერო და ქართული ბანკები არის მთავარი დამფინანსებლები საქართველოს ეკონომიკის. დღე ასეა. რა თქმა უნდა, ჩვენ გვინდა, რომ ეს რაღაც ამბავში შეიცვალოს და გაჩნდეს სხვადასხვა დაფინანსების წყაროები, მაგრამ საბანკო სფერო აფინანსებს დღეისათვის საქართველოს ეკონომიკას - ეს არის მთავარი დამფინანსებელი. ამასთან ერთად, არსებობენ სხვადასხვა კერძო ჯგუფები, რომლებიც ასევე აფინანსებენ საქართველოს ეკონომიკას.მე ბანკის ერთ-ერთი თანამფლობელიც ვარ და ასევე სხვადასხვა ბიზნესებში მაქვს ინვესტიცია, და ამიტომ ვიცი, რომ საბანკო სექტორის გარეშე ჩვენ იმის ნახევარიც ვერ გავაკეთებდით, რასაც ვაკეთებთ. ამიტომ საქართველოს ეკონომიკისთვის ძალიან მნიშვნელოვანია, რომ ასეთი სფერო არსებობს და ასეთი ძლიერია, მაგრამ ეს ასევე ნიშნავს, რომ თუ წელი კარგი იყო საქართველოს ეკონომიკისთვის - და წელი ნამდვილად კარგი იყო - ასევე კარგი იყო ქართული ბანკებისთვის“, - აცხადებს რუხაძე.ბიზნესმენი მიიჩნევს, რომ კერძო სექტორმა და მთავრობამ აქტიურად უნდა იმუშაოს იმაზე, რომ მეტი ფული მოიზიდოს საქართველოში, რადგან მეტი დაფინანსების წყაროების გაჩენა შეამცირებს დაფინანსების ფასს.„საერთოდ, მოთხოვნის თემა არის და რაც უფრო მეტი მიმწოდებელი იქნება ფულის, საქართველოს ეკონომიკისთვის უფრო ნაკლები ღირებულება ექნება ამ ფულს. ძალიან მნიშვნელოვანია - ჩვენ, ვისაც შეგვიძლია, და განსაკუთრებით საქართველოს მთავრობა - შეეცადოს, რომ მეტი ფული მოიზიდოს საქართველოში. იმიტომ, რომ რაც უფრო მეტი ფული შემოვა, ახალი დაფინანსების წყაროები გაჩნდება, საქართველოში გაჩნდება მეტი კონკურენცია ბანკებისთვის და მით უფრო შემცირდება დაფინანსების ფასიც. უნდა გავაჩინოთ ბევრი ალტერნატიული წყარო საქართველოს ეკონომიკის დაფინანსებისთვის“, - აცხადებს ირაკლი რუხაძე.

1763975234