ნინო თანდილაშვილმა BSMEFFGS-ის მმართველი კომიტეტის ღონისძიებაში მიიღო მონაწილეობა

„საქართველოს ბანკისთვის მნიშვნელოვანია, საზღვარგარეთ მცხოვრებ ჩვენს მოქალაქეებს არა მხოლოდ საბანკო სერვისებითა და პროდუქტებით დავუჭიროთ მხარი, არამედ ისეთი ინიციატივები შევქმნათ, რომლებიც მათთვის რეალურ ღირებულებას ქმნის. ვიცით, რამდენად მნიშვნელოვანია მშობლებისთვის, შვილებმა ქართულ ენასთან და კულტურასთან კავშირი შეინარჩუნონ, განსაკუთრებით მაშინ, როდესაც ისინი საზღვარგარეთ იზრდებიან. სწორედ ამიტომ შევქმენით ახალი საგანმანათლებლო პროექტი იავნანა - ქართული ენის პირველი გაკვეთილი. გვჯერა, რომ სამშობლოსთან კავშირი ხშირად სწორედ ასეთი პატარა, ყოველდღიური გამოცდილებებით მყარდება“, - ამბობს თამარ ნოზაძე, საქართველოს ბანკის ფიზიკური პირების მარკეტინგის გუნდის უფროსი.პროექტი ეფუძნება ადრეული ასაკის ბავშვების ენის ათვისების პრინციპებს. კვლევების მიხედვით, ბავშვები ახალ ენას ყველაზე ეფექტურად რიტმის, განმეორებისა და ემოციური კონტექსტის საშუალებით სწავლობენ, ხოლო იავნანა ერთ-ერთი პირველი მუსიკალური ნაწარმოებია, რომელსაც ბავშვი ადრეულ ასაკში ყოველდღიურად მრავალჯერ ისმენს.„პროექტზე მუშაობისას ერთი მარტივი კითხვა გვქონდა - როგორ შეიძლება ბავშვმა ქართული ენა ისე ისწავლოს, რომ ეს მისთვის გაკვეთილი კი არა, ყოველდღიურობის ნაწილი იყოს? სწორედ მაშინ მივხვდით, რომ ყველაზე ხშირად განმეორებადი ხმა ბავშვის ცხოვრებაში იავნანაა. სწორედ ამ კონტექსტმა მოგვცა შესაძლებლობა, იავნანა ბავშვის პირველი ქართული ენის გაკვეთილად გვექცია”, - ამბობს კრეატიული სააგენტო სუპერმარკეტის თანადამფუძნებელი  ეკა ყიფიანი.სწორედ ამ პრინციპზე დაყრდნობით, პედაგოგებთან, მწერლებთან, თარჯიმნებთან და კომპოზიტორებთან თანამშრომლობით, შეიქმნა ერთსაათიანი ორენოვანი მუსიკალური ჩანაწერები, რომლებიც ქართულ ენას ბავშვისთვის უკვე ნაცნობ ენებთან აერთიანებს. იავნანას ახალი ვერსია ოთხ ძირითად თემას მოიცავს: ოჯახს, სხეულს, ბუნებასა და ცხოველებს - იმ სიტყვებსა და ცნებებს, რომლებსაც ბავშვები ყველაზე ადრეულ ასაკში ეცნობიან.თითოეულ კომპოზიციაში ბავშვი ჯერ მისთვის ნაცნობ ენაზე ისმენს მარტივ სიტყვებსა და წინადადებებს, შემდეგ კი იმავე მნიშვნელობას ქართულად. ასე ახალი სიტყვები იზოლირებულად კი არ ისწავლება, არამედ უკვე ნაცნობ მნიშვნელობასა და კონტექსტს უკავშირდება, რაც მათ ბუნებრივად დამახსოვრებას უწყობს ხელს.„პროექტზე მუშაობისას ჩვენი მთავარი ამოცანა იყო, იავნანას სიმშვიდე და ემოციური ხასიათი სრულად შეგვენარჩუნებინა. ამიტომ ახალი სიტყვები და ფრაზები მელოდიაში ისე ჩავაქსოვეთ, რომ იავნანა ყოფილიყო ის, რასაც მშობლები ყოველ საღამოს შვილებს ჩაურთავდნენ. გვინდოდა, ბავშვებისთვის ეს ყოფილიყო არა სასწავლო ჩანაწერი, არამედ თბილი, დამამშვიდებელი იავნანა, რომელსაც თან ბუნებრივად მოჰყვება ქართული სიტყვების დამახსოვრება”, - აღნიშნავს Heima Production-ის თანადამფუძნებელი და მუსიკის ავტორი მებო ნუცუბიძე.იავნანა ამ ეტაპზე ინგლისურ, იტალიურ და ბერძნულ ენებზე შეიქმნა - იმ ქვეყნების გათვალისწინებით, სადაც ქართველი ოჯახები განსაკუთრებით მრავალრიცხოვანია.აღსანიშნავია, რომ პროექტი ერთჯერადი კამპანია არ არის. იავნანა - ქართული ენის პირველი გაკვეთილი მუსიკალურ პლატფორმებზე (Youtube, Spotify, Soundcloud) ეტაპობრივად განთავსდება და მისი მოსმენა ბავშვებს ყოველდღიურად, ძილის წინ შეეძლებათ. ასე ქართული ენა ბავშვის ყოველდღიური გარემოს ბუნებრივ ნაწილად იქცევა მაშინაც კი, როდესაც ის სამშობლოდან შორს იზრდება.ზოგჯერ სამშობლოსთან კავშირის შენარჩუნება სწორედ ერთი იავნანათი იწყება. 

1784016698

პრესტიჟულ გერმანულ მედია ჰოლდინგ Meininger-ტან თანამშრომლობის ფარგლებში, აღნიშნულ ღონისძიებაზე ქართული ღვინოების ბრმა დეგუსტაცია ჩატარდა, რომელშიც ღვინის ინდუსტრიის პროფესიონალები, კომერციული სექტორის წარმომადგენლები, სომელიიები და ჟურნალისტები მონაწილეობდნენ.აღნიშნული დეგუსტაციის მიზანი იყო საუკეთესო ქართული არაქვევრის ღვინოების შერჩევა. შედეგები ქულების მიხედვით გამოქვეყნდება სექტემბრის თვეში სპეციალურ სტატიებში ჟურნალ Weinwirtschaft-სა  და  SOMMELIERS-ში .WEINWIRTSCHAFT-ი წარმოადგენს Meininger-ის გავლენიან B2B (ბიზნესი ბიზნესისთვის) ჟურნალს. იგი განკუთვნილია ღვინით მოვაჭრეების, სომელიეებისა და ინდუსტრიის პროფესიონალებისთვის. ჟურნალი ყოველწლიურად ავლენს საუკეთესო ღვინის მაღაზიებსა და სუპერმარკეტების სექტორებს.SOMMELIER-ი Meininger-ის კიდევ ერთ მაღალპროფესიული და პრესტიჟული ჟურნალია, რომელიც სპეციალურად უმაღლესი კლასის რესტორნების სომელიეებისთვის, რესტორატორებისა და პრემიუმ კლასის სასმელების ენთუზიასტებისთვისაა შექმნილი. SOMMELIER-ი მაღალი ხარისხის ღვინის კულტურასა და გასტრონომიულ ტენდენციებზეა ფოკუსირებული.აღნიშნული მარკეტინგული აქტივობა ქართული ღვინის პოპულარიზაციისა და იმიჯის ზრდის დამატებითი შესაძლებლობაა გერმანიის ბაზარზე.გერმანია ევროპაში ყველაზე დიდი იმპორტიორი და ღვინის მომხმარებელი ქვეყანაა. ღვინის ეროვნული სააგენტოს მიერ მხარდაჭერილი აქტივობებისა და ქართული ღვინის მწარმოებლებთან თანმიმდევრული თანამშრომლობის შედეგად, შექმნილია ქართული ღვინის ექსპორტის მზარდი ტენდენცია. მიმდინარე წლის იანვარ-ივნისში საქართველოდან გერმანიაში ექსპორტირებულია 784 ათას ლიტრამდე ღვინო, რაც გასული წლის ანალოგიურ პერიოდთან შედარებით 22%-ით მეტია.

1784016000

როგორც ორგანიზაციაში აღნიშნავენ, მონიტორინგის დაწყების პირველივე ხანებში შეისწავლეს ნათია ჯანაშიას მიერ ბრიტანულ სასამართლოში შეტანილი სარჩელი და აღმოაჩინეს, რომ იგი პოლიტიკური ელფერით ცდილობდა მისს გაჯერებას, სავარაუდოდ, იმ მიზნით, რომ სასამართლოს ეს სარჩელი განსახილველად მიეღო.“მონტორინგის საწყის ეტაპზევე, ჩვენ ნათლად დავინახეთ, რომ ნათია ჯანაშიას მხრიდან სახეზე გვქონდა ორი ურთისაპირისპირო ქმედება. ერთის მხრივ, საქართველოში ხელისუფლებისადმი ლოიალური და მხარდამჭერი დამოკიდებულების აქტიური დემონსტრაცია და შესაბამის ლობისტებზე ამ სახით მანიპულირება, ხოლო, მეორეს მხრივ, ბრიტანეთის სასამართლოში მოქმედი ხელისუფლების, ბიძინა ივანიშვილის ხელისუფლების, ოლიგარქიულ რეჟიმად წარმოჩენა და სახელისუფლებო შტოების კორუმპირებულობაზე აქცენტირება. სავარაუდოდ, ნათია ჯანაშიას მიაჩნდა, რომ ეს მას ბრიტანეთში სარჩელის შეტანის დასაბუთებაში უნდა დახმარებოდა.ნათია ჯანაშია სარჩელში მოქმედ ხელისუფლებას, - ბიძინა ივანიშვილის ხელისუფლებას, უწოდებს კორუმპირებულ და ოლიგარქიულ რეჟიმს, ხოლო საქართველოს სახელმწიფოს - კორუმპირებულ ქვეყანას, რომელმაც გადაუხვია ევროპის გზიდან რუსეთისკენ.ეს წინააღმდეგობრივი მიდგომა, თავისთავად მიუთითებს, რომ დავის პროცესში ნათია ჯანაშიასთვის სიმართლე და ფაქტობრივი გარემოებები საერთოდ არ არის მთავარი დასაყრდენი. მთავარია, ის, თუ კონკრეტულ მომენტში რომელი სცენარი მოუტანს მეტ სარგებელს და ვის და რას გამოიყენებს უკეთ”, – მიაჩნიათ აფბაში.ორგანიზაციაში ხაზგასმით აღნიშნავენ, რომ სარჩელში გამოყენებული ნარატივი ეწინააღმდეგება დავის სამართლიანად წარმოების ფუნდამენტურ პრინციპებს და სიყალბის ტირაჟირებას ემსახურება. ერთი საკითხია, როცა სარჩელში ნათია ჯანაშია პირდაპირ წერს, რომ „ის საქართველოში ეფექტიან სასამართლო საშუალებებზე ხელმისაწვდომობის გარეშე დარჩა, ვინაიდან საქართველოს სასამართლო სისტემაში არსებობს სერიოზული პრობლემები სასამართლოს დამოუკიდებლობის კუთხით (ამონარიდი სარჩელიდან) .- ასეთი და ნებისმიერი სხვა სახის მოსაზრების ქონა, ცხადია, მისი უფლებაა, მაგრამ მეორე საკითხია ის, რაც  სარჩელის ამ პუნქტის შემდგომ ნაწილში ნათია ჯანაშიამ წარმოაჩინა და რაც ნათლად მეტყველებს მისი ჩანაფიქრის ფიქციურობაზე და ქმედების არაკეთილსინდისიერებაზე. - ამბობენ ორგანიზაციაში და მიუთითებენ ციტატაზე სარჩელიდან.  კერძოდ, კი პუნქტის იმ ნაწილზე, სადაც ნათია ჯანაშიამ მოსამართლეები, რომლებმაც საქართველოში მისი სარჩელები განიხილეს, პროვოკაციულად, ყოველგვარი საფუძვლისა და მტკიცებულებების გარეშე დააკავშირა სხვა მოსამართლეებს, რომელთა მიმართაც ბრიტანეთის, აშშ-ს და უკრაინის ხელისუფლებებმა სანქციები გამოიყენეს.აფბაში აცხადებენ, რომ სარჩელში წერია შემდეგი: „მოსამართლეები, არჩილ კოჭლამაზაშვილი და ლაშა თავართქილაძე მუშაობენ იმ სისტემაში, რომლის მთავარი მოქმედი პირები დასანქცირებულები არიან აშშ-ს, დიდი ბრიტანეთის და უკრაინის ხელისუფლებების მიერ. 2025 წლის 2 აპრილს, დიდი ბრიტანეთის საგარეო, თანამეგობრობის და განვითარების სამინისტრომ სანქციები დაუწესა ორ სასამართლო ფიგურას, მიხეილ ჩინჩალაძეს და ლევან მურუსიძეს. მოსარჩელეს (ნათია ჯანაშიას) სჯერა, რომ სასამართლო სისტემაში არსებული ზეგავლენებისა და გავლენების ჯაჭვის გათვალისწინებით, ასევე სასამართლო დამოუკიდებლობასთან დაკავშირებით საერთაშორისო შეშფოთების ცნობაში მიღებით, საქართველოში მისი საქმეების სამართლებრივი საფუძვლების მიხედვით განხილვას არანაირი გონივრული პერსპექტივა არ აქვს”. (ციტატის დასასრული-სარჩელის ამონარიდი).“სარჩელში პერსონალური თავდასხმის მთავარ ობიექტებად დასახელებულნი არიან: არჩილ კოჭლამაზაშვილი – საქართველოს უზენაესი სასამართლოს უვადოდ არჩეული მოსამართლე და იუსტიციის უმაღლესი საბჭოს წევრი. ლაშა თავართქილაძე – თბილისის სააპელაციო სასამართლოს უვადოდ დანიშნული მოსამართლე.ფაქტია, არცერთი აღნიშნული მოსამართლე არ იმყოფება ამერიკის შეერთებული შტატების, დიდი ბრიტანეთის ან სხვა რომელიმე სახელმწიფოს სასანქციო სიებში. მიუხედავად ამისა, ჯანაშიას სარჩელში მათი სახელები პირდაპირ და მიზანმიმართულად არის დაკავშირებული დასანქცირებულ ფიგურებთან, რაც მათ შორის, სხვა არაფერია, თუ არა იმის მცდელობა, რომ მოსამართლეები მოექცნენ საერთაშორისო პარტნიორების მხრიდან პოტენციური სანქცირების შიშის ქვეშ, რაც ფსიქოლოგიური ზეწოლისა და ინსტიტუციური შანტაჟის კლასიკური ნიშანია”, - აცხადებენ აფბაში.ორგანიზაციაში ამბობენ, რომ პრინციპში, იმთავითვე სრულიად გასაგები იყო, ერთი შეხედვით გაუგებარი საქციელი, ანუ ის, თუ რაში დასჭირდა სარჩელში ქართველი მოსამართლეების პროფესიონალიზმისა და დამოუკიდებლობის დაკნინება ნათია ჯანაშიას და რაც მთავარია,  ბიძინა ივანიშვილის ხელისუფლების  ოლიგარქიულ რეჟიმად მოხსენიება, რომელმაც ევროპის გზიდან რუსეთისკენ გადაუხვია.იკითხება, რომ ეს  “თაღლითური ხრიკი”  - პოლიტიკური კონტექსტი მიაკერონ და დააკავშირონ იგი “საქართველოს განათლების ჯგუფთან” დავასთან, ჯანაშიამ მხოლოდ იმიტომ გამოიყენა, რომ როგორმე ლონდონის სასამართლო საქმის მიღებასა და შემდგომში განხილვაზე დაიყოლიოს. შესაბამისად, შეგვიძლია გარანტირებულად განვაცხადოთ, რომ ასეთი სიყალბე მყისიერად გამომჟღავნდება და ნათია ჯანაშიას მოუწევს თავის მართლება უკვე ლონდონელი მოსამართლეების შეცდომაში შეყვანის მცდელობისთვის.უპრეცედენტოა, რომ ნათია ჯანაშიამ ლონდონის სარჩელში კორუფციაში, არაპროფესიონალიზმსა და დამოუკიდებლობის არარსებობაში დაადანაშაულა არამარტო კონკრეტული მოსამართლეები, ან თუნდაც  საქართველოს სასამართლო სისტემა მთლიანად და საქართველოს ყველა მოსამართლე, არამედ  ბიძინა ივანიშვილის ხელისუფლება”, – აცხადებენ აფბას მონიტორინგის სამსახურში.

1784014973

უსინათლო მომხმარებლებისთვის ფიზიკურ სივრცეებში, ციფრულ სერვისებსა და საბანკო ინფორმაციაზე წვდომის პროცესში არსებული ბარიერები ხშირად ზღუდავდა ფინანსურ მომსახურებაზე დამოუკიდებელ წვდომას. საქართველოს ბანკისთვის ხელმისაწვდომობა მხოლოდ ტექნიკური ადაპტაცია არ არის. ის მომხმარებლის უფლებების პატივისცემის, თანასწორი შესაძლებლობებისა და ინკლუზიური განვითარების განუყოფელი ნაწილია.“ფინანსური ინკლუზია მხოლოდ ფინანსურ სერვისებზე წვდომას არ ნიშნავს. ის ნიშნავს შესაძლებლობას, ადამიანმა დამოუკიდებლად მართოს საკუთარი ფინანსები, მიიღოს გადაწყვეტილებები და სრულფასოვნად ჩაერთოს ეკონომიკურ ცხოვრებაში.სწორედ ამ ხედვით შევქმენით გარემო, სადაც უსინათლო და მცირემხედველ მომხმარებლებს შეუძლიათ საბანკო მომსახურებით დამოუკიდებლად, უსაფრთხოდ და ღირსეულად ისარგებლონ. ჩვენთვის ეს გაცილებით მეტია, ვიდრე სერვისების ადაპტაცია. ეს არის იმ ბარიერების მოხსნა, რომლებიც ადამიანებს დამოუკიდებლობას და თანასწორ შესაძლებლობებს უზღუდავდა.გვჯერა, რომ ფინანსური სერვისები ადამიანებს შესაძლებლობებს უნდა უხსნიდეს და არა დამატებით ბარიერებს უქმნიდეს. სწორედ ამიტომ ვაგრძელებთ ისეთი გარემოს შექმნას, სადაც თითოეულ მომხმარებელს შეუძლია საკუთარი ფინანსური ცხოვრება დამოუკიდებლად მართოს“, – განაცხადა ანა ოსაძემ, საქართველოს ბანკის ESG და მდგრადობის მიმართულების ხელმძღვანელმა.დღეისათვის საქართველოს ყველა რეგიონსა და თბილისის თითოეულ რაიონში მომხმარებლებისთვის ხელმისაწვდომია მინიმუმ ერთი სრულად ადაპტირებული ფილიალი, რაც უსინათლო და მცირემხედველი ადამიანებისთვის საბანკო მომსახურებაზე დამოუკიდებელ და თანაბარ წვდომას უზრუნველყოფს.იმისთვის, რომ მომხმარებლებმა მომსახურება დამოუკიდებლად და კონფიდენციალურ გარემოში მიიღონ, სრულად ადაპტირებულ ფილიალებში მოწყობილია კერძო შეხვედრების ოთახები. ამ სივრცეებში უსინათლო და მცირემხედველ მომხმარებლებს შეუძლიათ ტექსტის ხმოვანი წაკითხვის პროგრამის გამოყენებით გაეცნონ საბანკო პროდუქტებისა და ხელშეკრულებების პირობებს და დამოუკიდებლად მიიღონ ინფორმირებული გადაწყვეტილება. ტაქტილური ბილიკები და სპეციალურად ადაპტირებული ფილიალები კი მათ უსაფრთხო და დამოუკიდებელ გადაადგილებას უწყობს ხელს.საქართველოს ბანკმა საბანკო მომსახურების ხელმისაწვდომობა გააფართოვა არა მხოლოდ ფილიალებში, არამედ თვითმომსახურების სერვისებშიც. 2025 წლის 31 დეკემბრის მდგომარეობით, უსინათლო პირებისთვის 300 ბანკომატია ადაპტირებული. შემუშავებულია აუდიო ინსტრუქციები, ეკრანის ავტომატური დაბლარვის ფუნქცია და კონფიდენციალურობაზე ორიენტირებული  დიზაინი.განხორციელებული ცვლილებების შედეგად, მომხმარებლებს შეუძლიათ დამოუკიდებლად აწარმოონ საბანკო ოპერაციები და შეინარჩუნონ საკუთარი ფინანსების მართვის სრული კონტროლი.„საქართველოს ბანკის მიზანია, შექმნას ფინანსური გარემო, სადაც ნებისმიერ ადამიანს ექნება თანაბარი შესაძლებლობა, ისარგებლოს საბანკო მომსახურებით და მონაწილეობა მიიღოს ეკონომიკურ ცხოვრებაში“,- განაცხადა ანა ლომთაძემ, საქართველოს ბანკის CSR მიმართულების ხელმძღვანელმა.ინფორმაციისთვის, ინკლუზიური საბანკო მომსახურება ნიშნავს: მომხმარებლების შესაძლებლობას, დამოუკიდებლად მართონ საკუთარი ფინანსები; მიიღონ ინფორმირებული ფინანსური გადაწყვეტილებები; ჰქონდეთ საბანკო სერვისებზე თანაბარი წვდომა; მიიღონ სრულფასოვანი მონაწილეობა საზოგადოების ეკონომიკურ ცხოვრებაში. „ჩვენთვის წარმატება არ იზომება მხოლოდ იმით, რამდენად ბევრი ადამიანი სარგებლობს ჩვენი სერვისებით, არამედ იმითაც, რამდენად შეუძლია თითოეულ მომხმარებელს ამ სერვისებით დამოუკიდებლად, ღირსეულად და თანაბარ პირობებში სარგებლობა. გვჯერა, რომ რეალური ინკლუზია იწყება მაშინ, როდესაც ბარიერები აღარ განსაზღვრავს ადამიანის შესაძლებლობებს“, – განაცხადა ანა ოსაძემ.

1784014485

BDO-ს საკანონმდებლო მიმოხილვის მიხედვით, ახალი რეგულაციით, გადასახადის გადამხდელს აქტიური სტატუსი შეიძლება მიენიჭოს, თუ მის სახელზე რეგისტრირებულია მოქმედი POS-ტერმინალი, მობილური POS-ტერმინალი ან ელექტრონული კომერციის ტერმინალი, აქვს აქტიური საბანკო ანგარიში, გამოწერილი აქვს საგადასახადო დოკუმენტი, ფლობს მიკრო, მცირე ან ფიქსირებული გადასახადის გადამხდელის სტატუსს, ან რეგისტრირებულია დღგ-ის გადამხდელად და ეს რეგისტრაცია მოქმედია.ამასთან, აქტიური სტატუსის მინიჭება მხოლოდ აღნიშნულ პირობებზე არ არის დამოკიდებული. დოკუმენტის თანახმად, გათვალისწინებულია სხვა გარემოებებიც, მათ შორის ახალი რეგისტრაცია, კანონით განსაზღვრული დეკლარაციების დროულად წარდგენა, საგადასახადო ვალდებულებების შესრულება და საკონტროლო-სალარო აპარატზე ბრუნვის დაფიქსირება.ფინანსთა სამინისტროში განმარტავენ, რომ გადასახადის გადამხდელის საქმიანობის შეფასების მიზნით მას შეიძლება მიენიჭოს ერთ-ერთი სტატუსი: აქტიური გადამხდელი, პასიური გადამხდელი, არამეწარმე ფიზიკური პირი ან ლიკვიდირებული/გარდაცვლილი გადამხდელი.

1784013644

QR თვითმომსახურების სერვისით სარგებლობისთვის საჭიროა Gulf Club-ის მობილური აპლიკაციის გადმოწერა, ავტორიზაციის გავლა და საბანკო ბარათის დამატება. ამის შემდეგ მომხმარებელი აპლიკაციით ასკანერებს სადგურზე განთავსებულ QR კოდს, ირჩევს საწვავის ტიპს, უთითებს სასურველ თანხას ან ლიტრაჟს, იხდის თანხას და თავად ასხამს საწვავს. QR გადახდისას საწვავის ღირებულების დაფარვა შესაძლებელია როგორც საბანკო ბარათით, ისე Gulf Club-ის ქულებით.QR თვითმომსახურების სერვისის მთელ ქსელში გაფართოებით, გალფი მომხმარებლებს აძლევს არჩევანის მეტ თავისუფლებას - ისარგებლოს როგორც ჩამსხმელი ოპერატორის მომსახურების სრული სერვისით, ასევე სურვილის შემთხვევაში ისარგებლოს თვითმომსახურების უპირატესობებით რაც საწვავის შეძენის უფრო თანამედროვე, სწრაფ და ხელსაყრელ შესაძლებლობას გულისხმობს.

1784012884