კაკაურიძე - გასულ წელს, მასწავლებელთა ხელფასი საშუალოდ 500-ლარით გაიზარდა, შესაბამისად, მომდევნო წელს ეს გათვალისწინებული აღარ არის - გათვალისწინებულია იმ ადამიანების ხელფასების ზრდა, რომლებსაც ამ მოცულობით არ გაზრდიათ

ფორუმის ერთ-ერთი მნიშვნელოვანი ნაწილი იყო პანელური დისკუსია „Trading of Securities in the Secondary Market“, რომელშიც გალტ & თაგარტის გენერალური დირექტორის მოადგილემ, ქეთევან თოიძემ გამოცდილება გააზიარა. პანელის სხვა სპიკერებს შორის აზერბაიჯანის ეროვნული დეპოზიტარის, ბაქოს საფონდო ბირჟისა და DriveWealth-ის წარმომადგენლები იყვნენ.დისკუსიის ფარგლებში, ქეთევან თოიძემ განსაკუთრებული ყურადღება გაამახვილა საქართველოსა და აზერბაიჯანს შორის კაპიტალის ბაზრების მიმართულებით თანამშრომლობის გაღრმავების პერსპექტივებზე.მისი შეფასებით, ეკონომიკური თანამშრომლობის ერთ-ერთი უმნიშვნელოვანესი ნაწილი კაპიტალის ბაზრების მიმართულებით ინიციატივების განხორციელება:„ჩვენ შეგვიძლია, მნიშვნელოვნად გავზარდოთ კაპიტალის ნაკადები ბაზრებს შორის რეგულაციების თანხვედრის, ინფრასტრუქტურული ინტეგრაციის, ინვესტორებისთვის ინფორმაციის ხელმისაწვდომობისა და ციფრული პლატფორმების ურთიერთდაკავშირების გზით. უფრო მჭიდრო თანამშრომლობა ბირჟებს, საინვესტიციო კომპანიებსა და მარეგულირებლებს შორის ინვესტორებისთვის ახალ შესაძლებლობებს შექმნის და რეგიონში ფინანსურ მდგრადობას გააძლიერებს“ - განაცხადა ქეთევან თოიძემ.გალტ & თაგარტი, როგორც ქვეყანაში წამყვანი საინვესტიციო ბანკი, კაპიტალის ბაზრის განვითარებასა და საერთაშორისო ბაზრებზე საქართველოს პოზიციონირების გაძლიერებაზე მუშაობას აქტიურად განაგრძობს.

1764762360

Baku Caviar გლობალურად ცნობილია როგორც მსოფლიოში პირველი მდგრადი ხიზილალის მწარმოებელი. კომპანია იყენებს თანამედროვე აკვაკულტურულ ტექნოლოგიებს, ზუსტად იცავს ზუთხის გენეტიკურ სისუფთავეს და პასუხისმგებლობით მართავს კასპიის ზღვის რესურსებს. ბრენდის ერთ-ერთი ყველაზე გამორჩეული მიდგომაა ეკოლოგიური პასუხისმგებლობა: თითო შეძენილ ხიზილალაზე კომპანია კასპიის ზღვაში ათ ზორჩას აბრუნებს, რითაც მნიშვნელოვან წვლილს შეაქვს რეგიონის ეკოსისტემის დაცვასა და ზუთხის პოპულაციის აღდგენაში.აზერბაიჯანი, როგორც კასპიის ზღვის მთავარი და ისტორიული ხიზილალას აკვანი, აწარმოებს უნიკალურ, უმაღლესი ხარისხის პროდუქტს, რომელიც მრავალი ათწლეულია მსოფლიო გურმანებისა და ლუქს-ინდუსტრიის პროფესიონალების აღიარებულია.„„ლუკასი“ სიამაყით აცხადებს, რომ საქართველოში ოფიციალურად გახდება მსოფლიოში ერთ-ერთი ყველაზე ავტორიტეტული და მაღალი ხარისხის აზერბაიჯანული ხიზილალის ბრენდის, Baku Caviar-ის, ექსკლუზიური წარმომადგენელი. ეს თანამშრომლობა არა მხოლოდ საწარმოსთვის, არამედ ქვეყნისთვისაც მნიშვნელოვანი ეტაპია“ განაცხადა ქეთევან გერსამიამ, კომპანია „ლუკასის“ დამფუძნებელმა.„საქართველოს ბიზნეს ასოციაცია ულოცავს წევრ კომპანია „ლუკასს“ ამ წარმატებულ მოლაპარაკებასა და პროექტს. პრემიუმ-სეგმენტის პროდუქტების შემოსვლა ქვეყანაში არა მხოლოდ გემოვნების სტანდარტებს ამაღლებს, არამედ მუდმივად უბიძგებს ადგილობრივ ბაზარს სიახლისა და მაღალი ხარისხისკენ. მსგავსი საერთაშორისო ბრენდების შემოსვლა ქმნის ინვესტიციების ახალ ნაკადს, ასპარეზს აძლევს ადგილობრივ საწარმოებს და საბოლოოდ აძლიერებს ქვეყნის ეკონომიკურ ეკოსისტემას“ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1764761999

ყოველწლიური ღონისძიება ლონდონში ტარდება და მსოფლიოს სხვადასხვა ქვეყნიდან 1000-ზე მეტ ლიდერს აერთიანებს. Global Banking Summit-ზე ბანკების ხელმძღვანელები, ტექნოლოგიური კომპანიები, ანალიტიკოსები და რეგულატორები ერთად განიხილავენ ფინანსური სექტორის ტენდენციებსა და შესაძლებლობებს.გიორგი თხელიძესთან ერთად პანელში მონაწილეობდნენ: წამყვანი ბრიტანული კომერციული ბანკის - Lloyds - საცალო საბანკო საქმიანობის აღმასრულებელი დირექტორი, ასევე, შვეიცარიული ტექნოლოგიური კომპანიის - Temenos-ისა და ბრიტანული პროგრამული უზრუნველყოფის კომპანია - Encompass-ის  წარმომადგენლები.“Financial Times დაინტერესდა თიბისი ჯგუფის წარმატებით, რაც საქართველოსა და უზბეკეთში მოწინავე ტექნოლოგიების ადრეულ ეტაპზე დანერგვით არის განპირობებული. თიბისი პირველი იყო, რომელმაც საქართველოში ინტერნეტ ბანკი 2001 წელს დანერგა. ჯგუფმა განვითარება ტექნლოგიებისა და ინოვაციების ინტეგრაციით განაგრძო. საქართველოს გამოცდილებამ მყარი საფუძველი შექმნა, რომ უზბეკეთში პირველი სრულიად ციფრული ბანკი განგვევითარებინა,  სადაც უკვე 22 მილიონი მომხმარებელი და თვეში 6 მილიონი აქტიური კლიენტი გვყავს.ფორუმზე აქცენტი ტექნოლოგიურ განვითარებაზე გავაკეთეთ: თიბისის მომხმარებელთა 70% ბანკთან უკვე ციფრულ არხებში ურთიერთობს, ტრანზაქციების 95% კი ელექტრონულად სრულდება. თვეში 1 მილიონი ინტერაქცია AI აგენტების მეშვეობით ხდება, რაც მომხმარებელთა მოთხოვნის 50%-ს მოიცავს.ამ ეტაპზე AI ინსტრუმენტების სრულყოფაზე ვმუშაობთ. 70 პროცესზე მეტი ბანკში უკვე ავტომატიზებულია, შედეგად, ვაჩქარებთ ბიზნეს პროცესებს და ვაუმჯობესებთ მომხმარებელთა გამოცდილებას. ვცდილობთ, ბანკირებს კიდევ უფრო მეტი მონაცემზე დაფუძნებული ინფორმაცია მივაწოდოთ პერსონიფიცირებული მომსახურებისთვის; ხოლო იქ, სადაც ადამიანის ჩართულობა აუცილებელი არ არის, AI ინტერაქცია უფრო ეფექტიანად დავნერგოთ.მეამაყება, რომ Financial Times-მა ყურადღება სწორედ საქართველოზე და თიბისი ჯგუფზე შეაჩერა. შედეგად, მოგვეცა საშუალება, ჩვენი გამოცდილება საერთაშორისო აუდიტორიისთვის გაგეზიარებინა”,- გიორგი თხელიძე, თიბისის გენერალური დირექტორის მოადგილე.

1764761600

აღნიშნულ მონაკვეთზე, მდინარე ყვირილას საჰაერო გადასასვლელის მიმდებარედ, მდინარის კალაპოტის ცვლილების შედეგად, მნიშვნელოვნად დაზიანდა მარჯვენა სანაპირო, რაც საფრთხეს უქმნიდა როგორც მაგისტრალური გაზსადენის გამართულ ფუნქციონირებას, ისე ადგილობრივი მოსახლეობის სახნავ-სათეს მიწებსა და  სოფლებთან დამაკავშირებელ გზას. სანაპიროს გასამაგრებლად და ზიანის თავიდან ასაცილებლად  წარეცხილი დამბის მონაკვეთზე 510 მეტრიანი ქვაყრილი ეწყობა.სამუშაოებს, ნავთობისა და გაზის კორპორაციის დაკვეთით კონტრაქტორი კომპანია  ასრულებს. ამ დროისთვის, სამუშაოების უმეტესი ნაწილი შესრულებულია და ქვაყრილის  მშენებლობა 2025  წლის დეკემბერში დასრულდება.შალვა კიკნაველიძე დეტალურად გაეცნო შესრულებულ და გეგმით გათვალისწინებულ  სამუშაოებს, რომელიც გაზსადენის გამართულ და შეუფერხებელ ფუნქციონირებას უზრუნველყოფს.

1764761372

რვაკაციანი ჯგუფის შემადგენლობაში სომელიეები, იმპორტიორები და ინფლუესერები შედიოდნენ, რომელთა მხრიდან მაღალია ინტერესი მოიძიონ ახალი პარტნიორები საქართველოში, რაც მნიშვნელოვანია ქართული ღვინის ცნობადობისა და ექსპორტის ზრდის კუთხით.ტურის ფარგლებში, კორეელი ღვინის პროფესიონალები ქართული ღვინის კომპანიებსა და მარნებს კახეთში ესტუმრნენ; ადგილზე გაეცნენ ქართული ღვინის დაყენების ტექნოლოგიას და ტრადიციებს; თბილისში გაიმართა რამდენიმე მწარმოებლის ღვინის დეგუსტაცია.„ქართული ღვინოები უფრო და უფრო პოპულარული ხდება კორეის ბაზარზე. კორეელი მომხმარებლები კარგად იცნობენ მსოფლიოს ღვინოებს; ისინი აფასებენ ორიგინალურ, ავთენტურ გემოებს და უნიკალურ მახასიათებლებს. ამის გათვალისწინებით, ქართულ ღვინოს დიდი პოტენციალი აქვს კორეაში. ქართული ღვინო ადრე თუ არც ისე ცნობადი იყო კორეის ბაზარზე, ახლა მისი იმპორტი სწრაფად იზრდება. მჯერა, რომ ქართულ ღვინოს ძალიან ძლიერი მომავალი აქვს კორეაში და ჩვენ ნამდვილად გვჭირდება უფრო და უფრო მეტი მრავალფეროვნება“, - აღნიშნა ჩან ჯუნ პარკმა.კორეის რესპუბლიკის ბაზარზე ღვინის ეროვნული სააგენტო უკვე მეექვსე წელია აქტიურად ახორციელებს სხვადასხვა მარკეტინგულ აქტივობას. შესაბამისად, 2019 წლიდან კორეის რესპუბლიკა გამოიკვეთა, როგორც ქართული ღვინის პოპულარიზაციისთვის მნიშვნელოვანი ბაზარი, სადაც ღვინის ეროვნული სააგენტოს ორგანიზებითა და მხარდაჭერით არაერთი მნიშვნელოვანი ღონისძიება გაიმართა.

1764760107

სტუდენტებისთვის განკუთვნილია ახალი თიბისი ბარათი, რომლითაც ისინი სხვადასხვა პარტნიორ ობიექტებში, განსაკუთრებული შეთავაზებებით სარგებლობენ.დეკემბრიდან პარტნიორ ობიექტებს დაემატა Shuffle Boar, სადაც ახალი თიბისი ბარათის მფლობელი სტუდენტები (18-23 წელი) shuffleboard-ის თამაშისას, 25 დეკემბრის ჩათვლით, 20%-იანი ქეშბექით ისარგებლებენ.შეთავაზება მოქმედებს ახალი თიბისი ბარათით თიბისის პოს-ტერმინალზე გადახდისას და 1 მომხმარებელს ჯამში მაქსიმუმ 50 ლარი უბრუნდება.shuffleboard- სპორტული სამაგიდო თამაშია, რომელიც მოთამაშეებისგან სიზუსტეს და სტრატეგიულ აზროვნებას მოითხოვს. ის მარტივად სწავლებადია და შესანიშნავი საშუალებაა განტვირთვისა და მეგობრული შეჯიბრებებისთვის. Shuffle Boar ცეხის ტერიტორიაზე, თამარ მეფის 18 ნომერში მდებარეობს.შეთავაზებების პირობების სანახავად, გადადით ბმულზე.აიღე ახალი თიბისი ბარათი და ისარგებლე შენს სტუდენტურ ცხოვრებაზე მორგებული შეთავაზებებით.

1764759620