"ჯეპრა" ხელისუფლებას მოუწოდებს არ გავიდეს საკონსტიტუციო წესრიგიდან - "ჩვენი მიზანი არის და იქნება ევროკავშირი"

როგორც მან BMG-სთან განაცხადა, „ქართული ოცნების“ გადაწყვეტილება, ფაქტობრივად, ნიშნავს უარს ევროკავშირთან ურთიერთობაზე.თემურ ჭყონიას სურვილია, საქართველო დაბრუნდეს ევროინტეგრაციის გზაზე, ამიტომ მიესალმება და მონაწილეობს ქვეყანაში მიმდინარე საპროტესტო აქციებში.„მე მივდივარ [პროევროპულ] აქციაზე... არ მგონია, რომ ჩემს წასვლას დიდი დატვირთვა აქვს, მაგრამ ჩემი პატარა მოქალაქეობრივი ვალდებულება უნდა შევასრულო“ - ამბობს თემურ ჭყონია.ბიზნესმენის აზრით, მმართველი პარტიის გადაწყვეტილება და ზოგადად, ევროკავშირთან და აშშ-თან პოლიტიკური ურთიერთობების გაფუჭება ნეგატიურად აისახება ბიზნეს-ურთიერთობებზეც."როდესაც ქვეყნებს შორის პოლიტიკური ურთიერთობა არ არსებობს ან ფუჭდება, ეს გავლენას ახდენს ბიზნესებს შორის ურთიერთობაზეც.შექმნილი სიტუაცია, რბილად რომ ვთქვა, უხერხულ მდგომარეობაში აყენებს საქმიან ადამიანებს, ბიზნესმენებს, რომელთაც ევროპასთან ფრენჩაიზებით აქვს ურთიერთობა; როცა ქვეყნებს შორის პოლიტიკური ურთიერთობა არ არსებობს, ბიზნესურთიერთობაც ეჭვის ქვეშ დგას ხოლმე და ერთგვარად, სიამაყის, თავდაჯერების მომენტს გიკარგავს, რადგან შენ ხარ ქვეყნის წარმომადგენელი, რომლის მთავრობაც შენი პარტნიორების სახელმწიფოებთან არ თანამშრომლობს.თუ გავითვალისწინებთ იმას, რომ ქართველი ბიზნესმენების პარტნიორები არიან, ძირითადად, ევროპელი და ამერიკელი საქმიანი ადამიანები, ქვეყნებს შორის პოლიტიკური ურთიერთობების დაძაბვა უხერხულობას შექმნის... ჯამში, ძალიან ცუდია ეს სიტუაცია განვითარებისთვის, სერიოზული საქმიანი წინადადებისთვის, მომავლისთვის.მეგობრებო, ჩვენ, ბიზესმენებმა რა ვქნათ - ჩვენც უნდა ვუთხრათ კოლეგა ბიზნესმენებს, რომ რადგან თქვენი და ჩვენი პოლიტიკოსები ვერ მორიგდნენ, ჩვენი ურთიერთობებიც ოთხი წლით უნდა გადაიდოს და როდესაც მორიგდებიან, მერე დავლაგდეთ?! ეს ხომ გადამდებია?!.. ისინიც კულტურულად გვეტყვიან, რომ როცა ჩვენი პოლიტიკოსები დალაგდებიან, დიდი სიამოვნებით ვიქნებით თქვენ გვერდით“, - განაცხადა თემურ ჭყონიამ bm.ge-სთან და „ოცნების“ გადაწყვეტილების შეფასებისას კიდევ ერთხელ აღნიშნა, რომ „ძალიან ცუდ შემთხვევასთან გვაქვს საქმე“.წყარო: BM.GE

1732887960

მისი თქმით, მესტიის თვითმმართველი ორგანო ხელს ადგილობრივი მოსახლეობისკენ იშვერს, ვისაც თითო მაინერი აქვს, ელექტროენერგიის „დიდ დამტაცებლებს“ კი რეიდებს არ უტარებს.მან აღნიშნული სიტუაცია ფონიჭალაში ნარკორეალიზატორების დაკავებებს შეადარა, რომლითაც ძალოვანი უწყება თითქოს აქტიურად ებრძვის ნარკოდანაშაულს, პრობლემის სათავე კი ხელშეუხებელი რჩება.„მესტიაში ბევრ ადგილობრივს აქვს მაინინგი და ამუშავებენ. ეს მათთვის შემოსავლის წყაროა, რომლითაც ადგილზე ბევრ საქმეს აკეთებენ, შვილებს სწავლის ფულს უხდიან და ა.შ.მესტიის მერიის, ასევე სემეკის გახმოვანებული პოზიცია დაახლოებით იმას ჰგავს, როდესაც მუდმივად ხდება ფონიჭალაში ნარკობარიგების დაკავების შესახებ ინფორმაციის გავრცელება. ერთი-ორ ადამიანს დააკავებენ და თითქოს ამით უზარმაზარ პრობლემას ებრძვიან. ახლაც ალბათ გულისხმობენ ადამიანებს, რომლებსაც მხოლოდ ერთი მაინერი აქვთ, რომელიც მათ ათბობთ და პლუს აძლევთ თანხას. ისინი გაუტოლეს ნარკორეალიზატორებს და ალბათ, აპირებენ დაჰყვნენ მოსახლეობის სახლებს და თითო მაინერი ამოიღონ. ამას ტაშს დაუკრავს საზოგადოება, მაგრამ მთავარი პრობლემა ისევ დარჩება.არც ერთი რეიდი არ ჩატარებულა ელექტროენერგიის რეალურად დიდ დამტაცებლებთან. ლოგიკურად, იბადება კითხვა - რატომ? თუ ამხელა პრობლემაა მაინერები, რატომ არ ხდება მათი გამოვლენა. მეორე მხრივ, მაინერების შემთხვევაში ვერ მოიტყუები. ე.წ. „ჰაშ რეითი“ საქართველოში გაზრდილი არ არის. შესაბამისად, ვერ ვიტყვით, რომ მაინერების რაოდენობა გაზრდილია“,- აღნიშნა ავთანდილ კუჭავამ.როგორც მან განმარტა, სვანეთში ელექტროენერგიის მიწოდების პრობლემა მოძველებული ინფრასტრუქტურის გამო იქმნება, რომლის განახლებისთვისაც არაფერი კეთდება.„რეალურად, პრობლემა მაინერების ჩართვა კი არ არის, არამედ მოძველებული ინფრასტრუქტურა. საბჭოთა კავშირის შემდეგ ქსელები არ განახლებულა. ტრანსფორმატორებიც მხოლოდ იმის გამო დადგეს რომ მეტი ელექტროენერგია სჭირდება დიდ კრიპტომოწყობილობებს.მხოლოდ ერთი მაინერი მოიხმარს იმდენივე ელექტროენერგიას, რასაც ერთი ელექტროგამათბობელი. უფრო ზუსტად, ელექტროღუმელს უფრო მეტი დენი სჭირდება. კრიპტომაინინგი, რომელიც ადგილობრივებს უდგათ - L7, იმით არის კარგი, რომ მისი გამომუშავებული თანხა ადგილობრივებს და ადგილობრივ ეკოსისტემას ხმარდება. შემოსავალი თვეში დაახლოებით 1000 დოლარი აქვთ ამით ადამიანებს. თვითონ მერიამ რა გააკეთა მოსახლეობისთვის, რომ ადამიანებს ეს შემოსავალი წაართვას?“, - განაცხადა ავთანდილ კუჭავამ.მან მიკროჰესების მშენებლობებისთვის ნებართვის მოპოვების სირთულეებზეც გაამახვილა ყურადღება.„ჩემი პოზიციით, პრობლემა მაინერები კი არა, ისაა, რომ მოსახლეობის წარმომადგენლებს მიკრო ჰესების მშენებლობის ნებართვას არ აძლევენ, თუ ვინმე წილში არ ჩაუჯდება მაღალი ეშელონებიდან. ასევე, ვიღაცებს წინასწარ აქვთ ნაყიდი ლიცენზიები და ვინმეს, საკუთარ ტერიტორიაზე მიკრო ჰესის აშენება რომ მოუნდეს, ლიცენზია იმისგან უნდა შეიძინოს, ვისაც ეს წინასწარ აქვს ნაყიდი.თითო მაინერების პატრონები შიშში და შანტაჟში ჰყავთ. მიმდინარეობს მათი გაშავება, თუკი ხმას ამოიღებენ. რეალურად, მათი წილი ელექტროენერგიის მოხმარებაში მინიმალურია. პრობლემას ქმნის ის, რომ ელექტროენერგიის 50%-ს მიწოდებისას კარგავენ ქსელის უხარისხობის და გაუმართაობის გამო. კაბელები ღობეებზე და ხეებზე არის გაყვანილი. თუ ვინმეს არ სჯერა, ავიდეს სვანეთში და ნახოს“, - განმარტა „კრიპტო ბაზრის“ დირექტორმა.მისი თქმით, კრიპტომაინინგები კი არ უნდა გამოირთოს, პირიქით, ამ ბიზნესის განვითარებას ხელი უნდა შეეწყოს და საქართველოში მაინინგი ყველას უნდა ჰქონდეს ჩართული.„მაინერებმა გამოაცოცხლეს სვანეთი. ადგილობრივებს რომ მაინერები არ ჰქონოდათ, ძალიან ცუდ მდგომარეობაში იქნებოდნენ. მაინერებამდეც სვანეთში დღეში სამჯერ ითიშებოდა დენი. ამიტომ კრიპტომაინინგები კი არ უნდა გამოირთოს, ინფრასტრუქტურა უნდა განახლდეს. დაასახელონ ბიზნესის სხვა სფერო, რომელმაც ასეთი ეკონომიკური დოვლათი მოუტანა მოსახლეობას. ამიტომ, მხოლოდ მესტიაში კი არა, კრიპტომაინინგები. მთელ ქვეყანაში, ყველას უნდა გვქონდეს ჩართული“,- განაცხადა ავთანდილ კუჭავამ. წყარო: Bpn.ge 

1732882592

უფრო კონკრეტულად, ბირჟაზე Bank of Georgia Group PLC-ის აქციების ფასი 5.21%-ით შემცირდა. ერთი აქციის ფასი 4.755 გირვანქა სტერლინგს უტოლდება.რაც შეეხება „თიბისი ბანკს“, TBC Bank Group PLC-ის აქციების ღირებულება 6.37%-ით არის შემცირებული, რაც ნიშნავს, რომ ერთი აქციის ფასი 3.020 გირვანქა სტერლინგს შეადგენს.ბიზნესპრესნიუსი

1732878752

ანალიტიკოს პაატა ბაირახტარის შეფასებით, აჟიოტაჟური მოთხოვნის და  დევალვაციის მიზეზი ირაკლი კობახიძის გუშინდელი განცხადებაა, სადაც საქართველოს პრემიერმა აღნიშნა, რომ 2028 წლამდე ,,ქართული ოცნება" ევროკავშირთან ურთიერთობას წყვეტს.,,ეს არის აჟიოტაჟური მოთხოვნა და წნეხი კურსზე. მსგავს კრიზისებზე ეროვნული ვალუტა საკმაოდ ხისტად რეაგირებს. ის, რასაც ჩვენ ვადევნებთ თვალს Bloomberg-ის სავაჭრო პლატფორმაზე, არის სრულად ლოგიკური თუ გავითვალისწინებთ იმ განცხადებებს, რაც გუშინ პრემიერმა ბრიფინგზე თქვა.  ჩვენ ახლა ინფლაციის პრობლემის წინაშე არ ვდგავართ, ეს დევალვაციაა, ანუ ეროვნული ვალუტის მერყეობა.ამ რეალობაში, ეროვნულ ბანკს ნამდვილად გააჩნია რესურსი, რომ მოკლე შოკი მართოს, მით უმეტეს , რომ ეს არ არის გარეფაქტორებიდან წამოსული სტრესი და მაკროეკონომიკური კრიზისი. ამის მართვა ეროვნულ ბანკს შეუძლია, თუმცა უნდა გავითვალისწინოთ, რომ არაჯანსაღი და არასტაბილური გარემო ეროვნული ვალუტისთვის კარგი არ არის",- თქვა პაატა ბაირახტარმა. commersant.ge

1732878461

საქართველო კანდიდატ ქვეყნებთან შედარებით ევროკავშირში გასაწევრიანებლად ყველაზე მეტად არის მზად, მაგრამ ხელისუფლებაში ითქვა, რომ დღეს ბლოკში გაერთიანება ქვეყანას უფრო მეტ ეკონომიკურ ზიანს მოუტანს, ვიდრე სარგებელს. ეკონომისტთა ნაწილი ამ მოსაზრებას ეთანხმება და მიიჩნევს, რომ საქართველოს მთავრობის მიზანი არა ევროკავშირის წევრობა, არამედ ქვეყნის განვითარებასა და კეთილდღეობაზე ზრუნვა უნდა იყოს.საქართველოს ევროკავშირის კანდიდატის სტატუსი თითქმის ერთი წლის წინ, 14 დეკემბერს მიანიჭეს. როგორც მაშინ ითქვა, ქვეყანას რიგი ღონისძიებები აქვს გასატარებელი იმისათვის, რომ საბოლოოდ ევროკავშირის წევრი სახელმწიფო გახდეს. ახლა კი როგორც პარლამენტის თავმჯდომარემ შალვა პაპუაშვილმა განაცხადა, ევროკავშირის წევრობა ბევრ ქვეყანასთან თავისუფალი ვაჭრობის ხელშეკრულებების და უვიზო მიმოსვლის შეწყვეტას გამოიწვევს, ეკონომიკურად კი რამდენიმე სექტორს დააზარალებს."ევროკავშირის წევრი დღეს რომ გავხდეთ, იცით რამდენი თავისუფალი ვაჭრობის ხელშეკრულების გაუქმება მოგვიწევს? რომლებიც დადებული გვაქვს, თუნდაც ჩინეთთან და ბევრ ქვეყანასთან, დსთ-ს წევრ ქვეყნებთან... ამ ყველაფრის გაუქმება მოგვიწევს. უვიზო მიმოსვლის გაუქმება იცით რამდენ ქვეყანასთან მოგვიწევს? ვიქნებით შენგენის სივრცის ნაწილი და, საქართველოში შემოსვლა ნიშნავს, რომ შევლენ შენგენის ტერიტორიაზე. ვისთანაც არ აქვს ევროკავშირს უვიზო მიმოსვლა, მათ საქართველოში ვერ შემოვუშვებთ ჩვენ... აბა, შეხედეთ ღვინის სექტორს, დღესვე რომ გავწევრიანდეთ ჩათვალეთ, რომ ღვინის სექტორი ჩამოინგრევა.ევროკავშირმა კარგად იცის, როდისაა ქვეყანა მზად გაწევრიანებისთვის და ყველაზე დიდი არაკეთილსინდისიერებაა, რომ ამბობენ, ჩვენი კარი ღიაა და მობრძანდითო, ქართველ ხალხს ამის განჭვრეტა შეუძლია, ასეთ კარგაღებულ ნატოსთან ვდგავართ ამდენი წელია. ჩვენ უნდა მოვემზადოთ, რომ იმ მომენტში გავხდეთ ევროკავშირის წევრი, როცა ამით ჩვენ მოვიგებთ და არა წავაგებთ, დღეს რომ გავხდეთ წევრი, რეგულაციებით ჩვენს ეკონომიკას დავანგრევთ", - განაცხადა "რუსთავი 2”-თან პაპუაშვილმა.ხელისუფლებაში იმასაც ამბობენ, რომ საქართველოს დღეს ევროკავშირში გაწევრიანების კუთხით გამოწვევა ბევრი მიმართულებით ექნება. როგორც ეკონომიკის მინისტრმა ლევან დავითაშვილმა აღნიშნა, ბევრი ქვეყანა, რომელიც ევროკავშირში გაწევრიანდა, საწყის ეტაპზე, ეკონომიკური კუთხით პრობლემებს განიცდიდა.ეკონომისტთა აზრი განსხვავებულია. მათი ნაწილი მთავრობის პოზიციას ეთანხმება. როგორც ანალიტიკოსმა ირაკლი გოგავამ აღნიშნა, ნებისმიერი საერთაშორისო გაერთიანების წევრობა, ისედაც შეზღუდული სუვერენიტეტის უფრო მეტად დათმობას გულისხმობს."საქართველოს ინტერესებში არ შედის, რომ მივეჯაჭვოთ რომელიმე ეკონომიურ ინტეგრაციულ ერთობას. ჩვენი გეოგრაფიული და გეოპოლიტიკური მდებარეობიდან გამომდინარე, გაცილებით მეტი სარგებლის მომტანი ყველა ეკონომიკურ ცენტრთან და დიდ ქვეყანასთან სამართლიანი სავაჭრო ურთიერთობების დამყარება იქნება. ცნობილია, რომ ევროკავშირის პროექტი აღმოსავლეთ ევროპის ქვეყნების ხარჯზე  დასავლეთ ევროპული ქვეყნების გამდიდრებას ემსახურება. საფრანგეთი, გერმანია, ჰოლანდია, ბელგია, სკანდინავიის სახელმწიფოები, შვეიცარია და სხვები ბუნებრივ რესურსებს, კვალიფიციურ კადრებს და იაფ მუშახელს სწორედ აღმოსავლეთ ევროპიდან, სამეზობლოდან და ყოფილი კოლონიებიდან „ქაჩავენ“.ევროკავშირმა საქართველოს ეს მოდელი დიდი ხანია მოარგო და შედეგად ჩვენი ქვეყნის კოლონიალური ექსპლუატაცია აქტიურად მიმდინარეობს. მათ ჩვენგან გააქვთ: ოქრო, სპილენძი, ხე-ტყე, მანგანუმი, დიატომიტი, ფერადი ლითონები და სხვა რესურსი. იწვევენ ჩვენს ხალხს იაფ მუშახელად და ევროპის ეკონომიკაში მესამედ ფასში ამუშავებენ. სანაცვლოდ კი შემოაქვთ საკუთარი სამრეწველო პროდუქცია ყოველგვარი საბაჟო ტარიფების გარეშე. ევროპა ჩვენთან ვაჭრობაში წელიწადში 3 მილიარდ აშშ დოლარს გვიგებს. „ფორდ-კრაისლერის“ ლეგენდარული ტოპ-მენეჯერი ლი იაკოკა ამბობდა: „ქვეყანა, რომელიც ყიდის ბუნებრივ რესურსებს და სანაცვლოდ ყიდულობს სამრეწველო საქონელს - კოლონიაა“.გარდა ამისა, შევხედოთ ბულგარეთს და რუმინეთს. ეს ქვეყნები ევროკავშირში უკვე 17 წელი არიან და იქ სიღარიბის დონე საქართველოზე მაღალია. რუმინეთში და ბულგარეთში სიღარიბის ზღვარს მიღმა მოსახლეობის 22% ცხოვრობს, ხოლო საქართველოში 15%-ზე ნაკლები. საქართველოს გაცილებით მეტი წარმატების და განვითარების მიღწევა შეუძლია მეგა ინტეგრაციულ პროექტებში მონაწილეობის გარეშეც.უნდა გვესმოდეს, რომ ნებისმიერი საერთაშორისო გაერთიანების წევრობა, ისედაც შეზღუდული სუვერენიტეტის უფრო მეტად დათმობას გულისხმობს. მაგალითად ევროკავშირის წევრობის შემთხვევაში საქართველოს სავაჭრო პოლიტიკას, საბაჟო ტარიფებს მთლიანად ბრიუსელი უხელმძღვანელებს. ასევე ბრიუსელის გამგებლობაში გადავა ენერგეტიკული პოლიტიკა, საგარეო ურთიერთობები, სოფლის მეურნეობა, თევზჭერა, მრეწველობა და ბევრი სხვა დარგი. იქ არის სფეროები, რომელსაც ბრიუსელი წყვეტს შენს ნაცვლად, შერეული პასუხისმგებლობის და ნაციონალური უფლებამოსილების თემები.ევროკავშირის წევრობა მკაფიოდ გულისხმობს ყველა არაევროკავშირის წევრ სახელმწიფოსთან, მათ შორის ჩვენს უშუალო მეზობლებთან (სომხეთი, აზერბაიჯანი, თურქეთი, ირანი, რუსეთი, უკრაინა) სავაჭრო რეჟიმების შეცვლას, სადაც ბრიუსელი იმპორტზე თავის ტარიფებს დააწესებს, რასაც აუცილებლად მოჰყვება ამ ქვეყნების მხრიდან ქართულ პროდუქციაზე საბაჟო ტარიფების სარკისებური ზრდა. ეს კი, დღევანდელი რეალობის გათვალისწინებით, საქართველოში ეკონომიკურ კოლაფსს გამოიწვევს. იგივე ეხება ჩინეთთან, შუა აზიასთან, ყაზახეთთან, ინდოეთთან ვაჭრობას”, - განუცხადა "რეზონანსს” ირაკლი გოგავამ.ეკონომისტთა მეორე ნაწილი კი მიიჩნევს, რომ ევროკავშირში გაწევრიანება უფრო მეტ სიკეთეს მოუტანს საქართველოს, ვიდრე ზარალს. მთავრობის მოსაზრებას კატეგორიულად არ ეთანხმება ახალგაზრდა ფინანსისტთა და ბიზნესმენთა ასოციაციის წევრი, ეკონომისტი პაატა ბაირახტარი და მიიჩნევს, რომ საერთოდ გაუგებარია რა შუაშია ღვინო და რატომ უნდა შეექმნას მის ექსპორტს პრობლემა."ამ მოსაზრებას კრიტიკულად ვერ დავეთანხმები. რა თქმა უნდა, ევროკავშირი, სხვადასხვა მიმართულება, გარკვეული სახის ვალდებულებას გვაკისრებს, რასაც წლების განმავლობაში ვასრულებდით კიდეც, მაგრამ მოსაზრებას იმასთან დაკავშირებით, რომ ევროკავშირში გაწევრიანებამ შეიძლება უფრო მეტი ეკონომიკური პრობლემები შეგვიქმნას, ვიდრე აქედან დივიდენდებს მივიღებთ, კრიტიკულად არ ვეთანხმები. ეს ასე ნამდვილად არ არის.რაც შეეხება ღვინის ნაწილს, ჩემთვის საერთოდ გაუგებარია რა შუაშია ღვინო და რატომ უნდა შეექმნას მის ექსპორტს პრობლემა. ჯერ ერთი, ახლაც გადის ევროპაში ქართული ღვინო და თუ ევროკავშირის წევრი გავხდებით, ისინი არ გვიკრძალავენ, რომ ჩვენ სხვა ბაზრებზეც გავიტანოთ ღვინო. ევროკავშირის ძალიან ბევრ ქვეყანას რუსეთში ღვინო ახლაც გააქვს ექსპორტზე.საბოლოო ჯამში, არ ვიზიარებ პოზიციას იმასთან დაკავშირებით, რომ ევროკავშირში გაწევრიანება ეკონომიკურად ჩვენთვის მომგებიანი არ იქნება. პირიქით, ამ ბლოკთან გაერთიანება ეკონომიკურად ძალიან ბევრ შესაძლებლობას გაგვიჩენს”, - განუცხადა ბაირახტარმა "რეზონანსს”.დაახლოებით იგივე მოსაზრება აქვს ეკონომისტ მერაბ ჯანიაშვილს, მისთვის გაუგებარია, თუ აქამდე ევროკავშირში ინტეგრაცია ეკონომიკური სტაბილურობისთვის გვჭირდება და ახლა რატომ აღმოჩნდა, რომ გაწევრიანება ეკონომიკურად დაგვაზარალებს."თუ საქართველო ევროკავშირში გაწევრიანებით ეკონომიკურად დაზარალდება, მაშინ რატომ ცხოვრობენ ამ ბლოკის წევრი ქვეყნები ჩვენზე 2-ჯერ, 3-ჯერ, 4-ჯერ და 5-ჯერ უკეთესად? თუ ევროკავშირში ინტეგრაცია ეკონომიკურად დაგვაზარალებს, რატომ ვართ ჩვენ ღარიბები და ისინი რატომ არიან მდიდრები?ევროკავშირში გაწევრიანებით, საწყის ეტაპზე, უამრავი დახმარებებია. ახალ წევრ სახელმწიფოებში დიდი რაოდენობით თანხები მიედინება, ეკონომიკის განვითარებისთვის. იგივე პოლონეთი, ერთ-ერთ ყველაზე სწრაფ განვითარებად ქვეყანას ითვლება, სწორედ ევროკავშირის დახმარებების შედეგად მოხდა. მოლდოვა იღებს 2 მილიარდ ევროს, იმის გამო, რომ მოლაპარაკებებზე გადავიდა ევროკავშირთან. ჩვენი ეკონომიკა რაიმე ასეთი სახის დახმარებას იღებს?საერთოდ, როდესმე თუ მივხვდებით იმას, რომ თავისუფალი ვაჭრობის ხელშეკრულება არაფერი კარგის მომტანი არ არის. ჩვენ, ღარიბ ქვეყანას, თავისუფალი ვაჭრობის ხელშეკრულება გვაქვს თუნდაც ჩინეთთან. ამის გაკეთება უბრალოდ სიგიჟეა. 20 წელიწადია რაღაც პოლიტიკას ვატარებთ, თავისუფალი ვაჭრობის ხელშეკრულებებს ვაფორმებთ ჩვენზე ძლიერ ქვეყნებთან, რომელთა პროდუქციამ, იმპორტმა, წალეკა ეს ქვეყანა. ამის შედეგად კი, ჩვენი ადგილობრივი წარმოება ძალიან სუსტია, უმუშევრობა მაღალია, ემიგრაცია მზარდია და ამაზე ვამბობთ, რომ კარგია. ინდოეთთანაც რომ გავაფორმოთ თავისუფალი ვაჭრობის ხელშეკრულება, ესეც კარგი იქნება? არაფერი კარგი არ მოგვიტანა თავისუფალი ვაჭრობის ხელშეკრულებებმა და ამ თემას კიდევ ისე მოვიხსენიებთ, რომ, თითქოს, რაღაც კარგ მივაღწიეთ და არ უნდა დავკარგოთ.აქამდე სულ იმაზე ვსაუბრობდით, რომ ევროკავშირში ინტეგრაცია ეკონომიკური სტაბილურობისთვის გვინდა და ახლა შალვა პაპუაშვილი ფიქრობს, რომ გაწევრიანება ეკონომიკურად დაგვაზარალებს, ანუ აღარ შევიდეთ ევროკავშირში და ამ მიმართულებით აღარ უნდა ვისწრაფოდეთ?” - აღნიშნა "რეზონანსთან” საუბრისას ჯანიაშვილმა.წყარო: resonancedaily.com

1732876354

ევროპარლამენტარი სოციალურ ქსელში წერს, რომ ქვეყნის ევროინტეგრაციის არჩევანის გაუქმებას საქართველო დიდ გაურკვევლობაში მიჰყავს."მმართველმა „ქართულმა ოცნებამ“ მიიღო არაკონსტიტუციური გადაწყვეტილება, გააუქმოს ქვეყნის ევროინტეგრაციის არჩევანი. პოლიტიკის ამ ფუნდამენტურ ცვლილებას საქართველო რუსეთის მიჯაჭვულობისა და დიდ გაურკვევლობაში მიჰყავს.ევროკავშირმა უნდა გაუუქმოს უვიზო რეჟიმი დიპლომატიური პასპორტების მფლობელებს და დააწესოს ინდივიდუალური სანქციები",- აღნიშნავს ევროპარლამენტარი.

1732874579