ნათია თურნავა: სებ-ისა და მთავრობის წარმატებული რეფორმების შედეგად, საქართველო დღეს იმ საერთაშორისო ქსელის ნაწილია, რომელიც მსოფლიოს წამყვან ფინანსურ ცენტრებს აერთიანებს

გამოფენაში 40-მდე ქართული კომპანია მონაწილეობდა, უზბეკეთის მხრიდან კი ღონისძიებას 1,400-ზე მეტი კორპორაციული სექტორის წარმომადგენელი დაესწრო, მათ შორის უმაღლესი რგოლის მენეჯერები და გადაწყვეტილების მიმღები პირები.ორდღიანი პროგრამა მოიცავდა დახურულ ბიზნესკონფერენციას, საერთაშორისო გამოფენას, ადგილობრივ კომპანიებში ვიზიტებსა და მიზნობრივ B2B შეხვედრებს. ღონისძიების ფარგლებში 90-ზე მეტი პირისპირ ბიზნესშეხვედრა გაიმართა, რამაც მონაწილეებს შესაძლებლობა მისცა, უზბეკეთის ბიზნესსექტორის წარმომადგენლებისთვის საკუთარი პროდუქცია და მომსახურება წარედგინათ და სამომავლო თანამშრომლობის შესაძლებლობები განეხილათ.გამოფენის საერთაშორისო მასშტაბის ზრდას ხელი შეუწყო სტრატეგიულმა პარტნიორობამ უზბეკეთის წამყვან ბიზნესინსტიტუციებთან - The Europe-Uzbekistan Association for Economic Cooperation (EuroUZ)-თან და უზბეკეთის სავაჭრო-სამრეწველო პალატასთან.„საქართველო - უზბეკეთი აბრეშუმის გზა“ საერთაშორისო ბიზნესდიალოგის, ახალი პარტნიორობებისა და გრძელვადიანი ეკონომიკური თანამშრომლობის განვითარების პლატფორმაა, რომელიც ქართულ კომპანიებს ცენტრალური აზიის ბაზარზე საკუთარი შესაძლებლობების წარმოჩენასა და საქმიანობის გაფართოებაში ეხმარება.

1793100682

ჯგუფში სომელიეები, HoReCa სექტორის, მედიის და კომპანია „Glodow Nead Communications“-ის წარმომადგენლები შედიოდნენ.ვიზიტის ფარგლებში სტუმრები ქართლსა და კახეთში ქართული ღვინის მწარმოებელ მარნებსა და კომპანიებს ეწვივნენ. მათ დააგემოვნეს როგორც კლასიკური, ისე ტრადიციული მეთოდით დამზადებული ქართული ღვინოები და ქართული მეღვინეობის მრავალსაუკუნოვან ისტორიას, კულტურასა და ტრადიციებს გაეცნენ.„შესაძლებლობა მოგვეცა, გვემოგზაურა ქართლსა და კახეთში და გაგვეცნო ორი განსხვავებული ტერუარი. ღვინოები დავაგემოვნეთ როგორც ცალკე, ისე ტრადიციულ და თანამედროვე კერძებთან შეხამებით. ეს გამოცდილება განსაკუთრებით მნიშვნელოვანი იყო ჩვენი ბაიერებისთვის, რომლებიც აშშ-ის სხვადასხვა ქალაქიდან, მათ შორის ლას-ვეგასიდან, მაიამიდან, ნიუ-იორკიდან და სან-ფრანცისკოდან ჩამოვიდნენ. ქართველმა მეღვინეებმა დეტალურად აგვიხსნეს როგორც ქვევრში ღვინის დაყენების ტექნოლოგია, ისე მეღვინეობის ევროპული მეთოდები.  ბევრ ახალ ინფორმაციას ვიღებთ, რომელსაც აშშ-ში გავაზიარებთ“, — აღნიშნა კომპანია „Glodow Nead Communications“-ის წარმომადგენელმა ლორა ბურგესმა (Laura Burgess).აშშ ქართული ღვინის ერთ-ერთ სტრატეგიულ საექსპორტო ბაზარს წარმოადგენს. ღვინის ეროვნული სააგენტოს მხარდაჭერით, 2013 წლიდან აშშ-ში განხორციელებული მიზანმიმართული მარკეტინგული აქტივობები ქართული ღვინის ცნობადობის ამაღლებასა და ექსპორტის ზრდას უწყობს ხელს.მიმდინარე წლის პირველი ცხრა თვის მონაცემებით, საქართველოდან აშშ-ში დაახლოებით 750 ათასი ლიტრი ღვინოა ექსპორტირებული, რაც გასული წლის ანალოგიური პერიოდის მაჩვენებელს 3%-ით აღემატება.

1793098978

მინისტერიალის მაღალი დონის სეგმენტი 27-28 ოქტომბერს იმართება და სხვადასხვა ქვეყნის მინისტრებს, საერთაშორისო ორგანიზაციებისა და ფინანსური ინსტიტუტების, სამოქალაქო საზოგადოებისა და კერძო სექტორის წარმომადგენლებს აერთიანებს.საქართველოს ეროვნულ განცხადებაში დავით სონღულაშვილმა ბიომრავალფეროვნების დაცვის მიმართულებით ქვეყნის მიერ მიღწეულ შედეგებზე, დაცული ტერიტორიების გაფართოებაზე, გადაშენების საფრთხის წინაშე მყოფი სახეობების აღდგენის ღონისძიებებსა და საერთაშორისო თანამშრომლობის მნიშვნელობაზე ისაუბრა.„საერთაშორისო ვალდებულებების სანდოობა იზომება არა მხოლოდ იმ ამბიციური მიზნებით, რომლებსაც ვაცხადებთ, არამედ იმ შედეგებითაც, რომლებსაც რეალურად ვაღწევთ. საქართველოს შეუძლია მნიშვნელოვანი როლი შეასრულოს ჩვენს რეგიონში მშვიდობის მშენებლობის პროცესში, გარემოსდაცვითი თანამშრომლობის კოორდინაციის მიმართულებით “, - განაცხადა დავით სონღულაშვილმა.დავით სონღულაშვილმა ყურადღება გაამახვილა ბიომრავალფეროვნების კონსერვაციის მიმართულებით განხორციელებულ ღონისძიებებზეც. 2024 წელს საქართველოში დამტკიცდა გადაშენების საფრთხის წინაშე მყოფი სახეობების აღდგენის გეგმა. მისი განხორციელების ფარგლებში, სამუხის ველზე ჯეირნის პოპულაცია აღდგა და დღეს 500-ზე მეტ ინდივიდს მოიცავს. პარალელურად, აღდგენის ღონისძიებები კიდევ ხუთი სახეობისთვის ხორციელდება.ბიომრავალფეროვნების დაცვის ერთ-ერთ მნიშვნელოვან მიმართულებას დაცული ტერიტორიების განვითარება წარმოადგენს. ბოლო ათი წლის განმავლობაში საქართველოში დაცული ტერიტორიების ფართობი გაორმაგდა და მილიონ ჰექტარს გადააჭარბა, რაც ქვეყნის ტერიტორიის 15%-ზე მეტია. საერთაშორისო აღიარების მქონე კონსერვაციული ტერიტორიების გათვალისწინებით, ბუნების დაცვის სივრცეები ქვეყნის ტერიტორიის დაახლოებით 23%-ს მოიცავს. მხოლოდ 2026 წელს საქართველოში შეიქმნა 12 ახალი დაცული ტერიტორია, რომელთა საერთო ფართობი 136 185 ჰექტარია.აღნიშნული საქმიანობა უკავშირდება კუნმინ-მონრეალის ბიომრავალფეროვნების გლობალური ჩარჩოს მე-3 მიზანს, რომელიც 2030 წლისთვის ხმელეთის, შიდა წყლების, სანაპირო და საზღვაო ტერიტორიების სულ მცირე 30%-ის დაცვას ითვალისწინებს.საქართველოს ბუნებრივი მემკვიდრეობის დაცვის მნიშვნელობაზე მეტყველებს კოლხური ტყეებისა და ჭარბტენიანი ტერიტორიების UNESCO-ს მსოფლიო ბუნებრივი მემკვიდრეობის ნუსხაში შეტანაც.CBD COP17 ბიოლოგიური მრავალფეროვნების შესახებ კონვენციის მხარეთა კონფერენციის მე-17 შეხვედრაა, რომლის ფარგლებში ქვეყნები ბიომრავალფეროვნების დაცვის მიმართულებით მიღწეულ პროგრესს აფასებენ და გლობალური მიზნების შესრულების გზებზე მსჯელობენ.

1793097226

ღონისძიება სინგაპურის გლობალური ფინანსებისა და ტექნოლოგიების ქსელის ( GFTN) აღმასრულებელმა დირექტორმა სოპნენდუ მოჰანტიმ გახსნა. სტუმრებს მისასალმებელი სიტყვით საქართველოს პრემიერ-მინისტრმა ირაკლი კობახიძემ, ეკონომიკისა და მდგრადი განვითარების მინისტრმა მარიამ ქვრივიშვილმა და ეროვნული ბანკის პრეზიდენტმა ნათია თურნავამ მიმართეს.„უკვე მეორე წელია, საქართველო იმ საერთაშორისო ქსელის ნაწილია, რომელიც მსოფლიოს წამყვან ფინანსურ ცენტრებს, მათ შორის სინგაპურს, იაპონიასა და შვეიცარიას აერთიანებს. ეს არის საქართველოს მთავრობისა და საქართველოს ეროვნული ბანკის მიერ განხორციელებული წარმატებული რეფორმების შედეგი“, - განაცხადა საქართველოს ეროვნული ბანკის პრეზიდენტმა ნათია თურნავამ სამიტის გახსნაზე.მისი თქმით, გლობალური გამოწვევების მიუხედავად, საქართველომ ფინანსური სტაბილურობა და ეკონომიკური ზრდის მაღალი ტემპი შეინარჩუნა. ბოლო ხუთი წლის განმავლობაში ეკონომიკის საშუალო წლიურმა ზრდამ 9.3% შეადგინა, საერთაშორისო რეზერვები კი ბოლო ორი წლის განმავლობაში გაორმაგდა და 8.14 მილიარდ აშშ დოლარს მიაღწია. გაუმჯობესდა რეზერვების ადეკვატურობის მაჩვენებელიც, სსფ-ს მეთოდოლოგიით განსაზღვრული მაჩვენებელი (ARA metric) ადეკვატურობის 100%-იან ზღვარს მნიშვნელოვნად აღემატება და 128.2%-ს შეადგენს.ნათია თურნავას განცხადებით, ქართული საფინანსო სექტორი მაღალი კაპიტალიზაციითა და ლიკვიდობის ძლიერი ბუფერებით ხასიათდება, რაც საერთაშორისო ინვესტორებისთვის მის მიმზიდველობას ზრდის. 2025 წელს საფინანსო სექტორში პირდაპირი უცხოური ინვესტიციების წლიურმა ზრდამ 18.7% შეადგინა.სამიტის მთავარი თემაა რეგიონული ეკონომიკური და ფინანსური კორიდორების განვითარება პოლიტიკის, ფინანსებისა და ტექნოლოგიების გადაკვეთის წერტილში. ორდღიანი ღონისძიების ფარგლებში მონაწილეები იმსჯელებენ ცენტრალური ბანკების პრიორიტეტებზე, ფინანსურ სტაბილურობაზე, ციფრულ აქტივებზე, გადახდების მომავალზე, ხელოვნურ ინტელექტსა და ფინანსური სისტემების კიბერუსაფრთხოებაზე.საქართველოს ეროვნული ბანკის პრეზიდენტი მონაწილეობას მიიღებს მაღალი დონის პანელურ დისკუსიაში - „ცენტრალური ბანკების პრიორიტეტები 2027 წლისთვის“.„თბილისის ფინანსური სამიტი“ საქართველოს საერთაშორისო ფინანსურ და ტექნოლოგიურ ეკოსისტემაში პოზიციების გაძლიერების, საერთაშორისო პარტნიორებთან თანამშრომლობის გაღრმავებისა და საინვესტიციო შესაძლებლობების წარმოჩენის მნიშვნელოვანი პლატფორმაა.სამიტი საქართველოს ეროვნული ბანკის, საქართველოს ეკონომიკისა და მდგრადი განვითარების სამინისტროსა და სინგაპურში დაფუძნებული გლობალური ფინანსური და ტექნოლოგიური ქსელის (GFTN) ერთობლივი ორგანიზებით ტარდება.

1793096792

ღონისძიების ერთ-ერთი მნიშვნელოვანი პარტნიორია Wolt – საერთაშორისო ტექნოლოგიური კომპანია, რომელიც მნიშვნელოვან როლს ასრულებს ელექტრონული კომერციისა და ციფრული გადახდების განვითარებაში. თავისი მასშტაბითა და ტექნოლოგიური ინფრასტრუქტურით Wolt თანამედროვე ციფრული ეკონომიკის ერთ-ერთი მნიშვნელოვანი მონაწილეა, რომელიც მომხმარებლებს, ბიზნესებსა და ფინანსურ სერვისებს ერთმანეთთან აკავშირებს. Wolt-ის პარტნიორობა DGFI 2026-თან ხაზს უსვამს მსხვილი ტექნოლოგიური კომპანიების მნიშვნელობას ფინანსური ეკოსისტემის განვითარებაში და კიდევ უფრო აძლიერებს კონფერენციის როლს ტრადიციულ ფინანსებსა და ტექნოლოგიურ ინოვაციებს შორის დიალოგის ხელშეწყობაში.DGFI 2026-ის ორდღიანი პროგრამა მოიცავს საერთაშორისო სპიკერების გამოსვლებსა და პანელურ დისკუსიებს ციფრული გადახდების, საბანკო სექტორის ტრანსფორმაციის, სტეიბლკოინების, ტოკენიზაციის, ციფრული აქტივებისა და მომავლის ფინანსური ინფრასტრუქტურის შესახებ. კონფერენციაში მონაწილეობენ Tether-ის, Solana-ს, Binance-ის, Polygon Labs-ის, Stellar Development Foundation-ისა და სხვა საერთაშორისო ორგანიზაციების წარმომადგენლები. ღონისძიებას ოფიციალურად გახსნის საქართველოს ეროვნული ბანკის საბჭოს წევრი, ვიცე-პრეზიდენტი ნინო ჯელაძე.კონფერენციის მიზანია საქართველოს პოზიციონირების გაძლიერება, როგორც ციფრული ფინანსებისა და ფინანსური ტექნოლოგიების რეგიონული ჰაბისა, ასევე საერთაშორისო თანამშრომლობისა და ახალი ბიზნესშესაძლებლობების ხელშეწყობა.ღონისძიებაზე დასწრება Regular Pass-ით უფასოა, წინასწარი რეგისტრაციის საფუძველზე. ხელმისაწვდომია VIP ბილეთებიც.30–31 ოქტომბერი, 2026  |  Pullman Tbilisi, Axis Towersუფასო რეგისტრაცია: https://luma.com/gn09u5i7VIP ბილეთები: https://tkt.ge/dgfi2026

1793096055

სოპნენდუ მოჰანტიმ ხაზი გაუსვა საქართველოს ეროვნული ბანკის როლს ფინანსური ინოვაციების განვითარებაში და აღნიშნა, რომ ქვეყანა ღია ბანკინგის დანერგვით უკვე მნიშვნელოვან ნაბიჯებს დგამს ფინანსური სისტემის მოდერნიზაციის მიმართულებით. მისი შეფასებით, საქართველოს აქვს შესაძლებლობა, ამ გამოცდილებას დაეყრდნოს და ფინანსური ტექნოლოგიების განვითარების მომდევნო ეტაპზე გადავიდეს.“ღია ბანკინგი, მარეგულირებელი ლაბორატორია, ციფრული ბანკები,  ციფრული ლარი,  თქვენ უბრალოდ კი არ ნერგავთ ტექნოლოგიას,  თქვენ თავად ქმნით მას. მაგრამ ტექნოლოგია არ არის მიზანი. მიზანი არის ფინანსური სისტემა, რომელიც პროდუქტიული, მდგრადი და სანდოა, რადგან ტექნოლოგია განსაზღვრავს იმას, თუ რისი გაკეთება შეუძლია ფინანსებს. ნდობა კი გადაწყვეტს, თუ რამდენად შორს შეუძლია მას წასვლა. მოდით, ვაქციოთ თბილისი ადგილად სადაც ეს ორი ერთმანეთს ხვდება” - განაცხადა სოჰნენდუ მოჰანტიმ.GFTN-ის ჯგუფის აღმასრულებელმა დირექტორმა საქართველოს განვითარების პერსპექტივებზე საუბრისას აღნიშნა, რომ საქართველოს ფინანსური სექტორის შემდგომ განვითარებაში განსაკუთრებული მნიშვნელობა ექნება სამ მიმართულებას: ხელოვნურ ინტელექტს, ტოკენიზაციასა და კვანტურ ტექნოლოგიებს.ხელოვნურ ინტელექტზე საუბრისას მან აღნიშნა, რომ ტექნოლოგიის განვითარება უკვე ახალ ეტაპზე გადადის, როდესაც ხელოვნური ინტელექტი არა მხოლოდ ინფორმაციას ამუშავებს და კითხვებს პასუხობს, არამედ დამოუკიდებლად მოქმედებს კიდეც. მისი შეფასებით, ფინანსურ სექტორში ხელოვნური ინტელექტის გამოყენება ხელს შეუწყობს თაღლითობის სწრაფ გამოვლენას, რისკების უფრო ზუსტ შეფასებასა და მომხმარებლებისთვის მომსახურების გაუმჯობესებას. ამასთან, მნიშვნელოვანიაშესაბამისი მარეგულირებელი ჩარჩოების არსებობა, რომლებიც ინოვაციების განვითარებასა და ფინანსური სისტემის უსაფრთხოებას უზრუნველყოფს.მეორე მნიშვნელოვან მიმართულებად სოპნენდუ მოჰანტიმ ტოკენიზაცია დაასახელა. მისი განმარტებით, ტოკენიზებული ფინანსური ბაზარი შესაძლებლობას იძლევა, ფულისა და აქტივების ანგარიშსწორებამყისიერად განხორციელდეს. მან აღნიშნა, რომ საქართველომ ციფრული ფულის მიმართულებით ადრეულ ეტაპზევე გადადგა ნაბიჯები და გამოთქვა იმედი, რომ ქვეყანა ამ გამოცდილებას სრულყოფილი ტოკენიზებული ბაზრის განვითარებისკენ მიმართავს.“ღირებულება იზრდება მაშინ, როდესაც მას ვაზიარებთ და საქართველო ამ პრინციპით ცხოვრობს” - განაცხადა  GFTN-ის ჯგუფის აღმასრულებელმა დირექტორმა.

1793093719