განათლება, როგორც მუდმივი ძიება და აღმოჩენა | Forbes Under 30-ის 2025 წლის გამარჯვებული, ხატია თარგამაძე

საქართველოს საზღვაო ნავსადგურებსა და ტერმინალებში ჯამურად გადამუშავებულმა ტვირთების რაოდენობამ 13.7 მილიონი ტონა შეადგინა, რაც გასული წლის ანალოგიურ პერიოდთან შედარებით 24%-ით მეტია. ეს მაჩვენებელი ბოლო 10 წლის განმავლობაში იანვარ-აგვისტოს პერიოდის ყველაზე მაღალი შედეგია, ამასთან, მატება დაფიქსირდა ტვირთის ყველა კატეგორიაში. ამავე პერიოდში ნავსადგურებში გადამუშავებული კონტეინერების რაოდენობამ 554,174 TEU შეადგინა, რაც წინა წელთან შედარებით 9%-ით გაზრდილი მაჩვენებელია და ასევე ათწლეულის რეკორდს წარმოადგენს.სარკინიგზო სექტორში ჯამურად გადაზიდული ტვირთების რაოდენობამ 9.7 მილიონ ტონას მიაღწია, რაც გასული წლის ანალოგიურ პერიოდს 11%-ით აღემატება. განსაკუთრებით აღსანიშნავია უშუალოდ ტრანზიტის რეჟიმში გადაზიდული ტვირთების მოცულობა, სადაც 14%-იანი ზრდა დაფიქსირდა. აღნიშნული შედეგი კიდევ ერთხელ უსვამს ხაზს საქართველოსა და შუა დერეფნის მზარდ როლს საერთაშორისო სატრანსპორტო დაკავშირებადობაში.რაც შეეხება საჰაერო კარგოს, ამ სეგმენტში ტვირთბრუნვის კუთხით, აეროპორტების მიერ გადამუშავდა 29.3 ათასი ტონა ტვირთი, რაც წინა წლის ანალოგიურ მაჩვენებელს 30%-ით აღემატება და ასევე ათწლეულის რეკორდია.საავიაციო სექტორში დადებითი დინამიკაა მგზავრთგადაყვანის მიმართულებითაც. საქართველოს საერთაშორისო აეროპორტები საანგარიშო პერიოდში 5.7 მილიონ მგზავრს მოემსახურა, რაც გასულ წელთან შედარებით 1%-ით მეტია და ბოლო ათწლეულის მანძილზე, წლის პირველი 8 თვის ჭრილში, ყველაზე მაღალ შედეგს წარმოადგენს. ამასთან, უშუალოდ აგვისტოში გადაყვანილი მგზავრების რაოდენობით, თვიურ ჭრილშიც ისტორიული მაქსიმუმი დაფიქსირდა.

1789376421

„ასკანელი“ საქართველოს ერთ-ერთი წამყვანი ღვინისა და ალკოჰოლური სასმელების მწარმოებელი კომპანიაა, რომელიც 1880 წლიდან დაწყებულ ოჯახურ მეღვინეობის ტრადიციას თანამედროვე, სრული ციკლის წარმოებასთან წარმატებით აერთიანებს.დღესდღეობით „ასკანელი“ 453 ჰექტარ ვენახს ფლობს და თანამედროვე ქარხნებსა და სახდელებს მართავს საქართველოს სხვადასხვა რეგიონში კახეთში, თბილისსა და გურიაში. კომპანიის მრავალფეროვანი პორტფელი მოიცავს მშრალ და ცქრიალა ღვინოებს, ტრადიციულ ქვევრის ღვინოებს, დავარგებულ ბრენდისა და ჭაჭას. წარმოების მთელ ციკლზე მკაცრი ხარისხის კონტროლითა და თანამედროვე ტექნოლოგიების დანერგვით, კომპანია განსაკუთრებულ როლს ასრულებს საქართველოს მეღვინეობის მემკვიდრეობისა და კულტურული იდენტობის შენარჩუნებასა და პოპულარიზაციაში.წლიური წარმადობით, რომელიც 20 მილიონ ბოთლს აღემატება, „ასკანელმა“ მყარი საერთაშორისო პოზიციები დაიმკვიდრა და საკუთარ პროდუქციას მსოფლიოს 30-ზე მეტ ქვეყანაში ექსპორტზე ახორციელებს.„მოხარულნი ვართ, მივესალმოთ „ასკანელს“საქართველოს ბიზნეს ასოციაციაში. ეს არის კომპანია, რომელიც იდეალურად ითავსებს საუკუნოვან ქართულ მეღვინეობის ტრადიციებსა და თანამედროვე, მაღალტექნოლოგიურ წარმოებას. „ასკანელის“ წარმატება და მისი გლობალური მასშტაბები კიდევ ერთხელ უსვამს ხაზს ქართული პროდუქციის მაღალ კონკურენტუნარიანობას საერთაშორისო ბაზრებზე. დარწმუნებული ვართ, რომ ჩვენი თანამშრომლობა იქნება ნაყოფიერი და მნიშვნელოვან წვლილს შეიტანს როგორც ასოციაციის, ისე მთლიანად ეროვნული ბიზნესსექტორის განვითარებაში“, - განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1789375593

სარწყავი სისტემა 1977 წლიდან ფუნქციონირებს. ამჟამად გ-7 გამანაწილებელზე არსებული მილსადენები და ჭები ამორტიზებულია, რის გამოც წყლის მიწოდება შეფერხებულია და სოფელ მატანის აღმოსავლეთით მდებარე სასოფლო-სამეურნეო მიწის ფართობები სრულად ვერ ირწყვება.პროექტის ფარგლებში გათვალისწინებულია ამორტიზებული მილსადენების ახლით ჩანაცვლება, შემტბორავი და დამცლელი ჭების მოწყობა და თანამედროვე ჰიდრანტების, ანუ წყალაღების სპეციალური მოწყობილობების, დამონტაჟება.რეაბილიტაციის შედეგად, გამანაწილებელ ქსელში წყლის საჭირო მოცულობის შეუფერხებელი მიწოდება იქნება შესაძლებელი, რაც 380 ჰექტრამდე სასოფლო-სამეურნეო მიწის სტაბილურად მორწყვის შესაძლებლობას შექმნის.ტენდერის სავარაუდო ღირებულება 7 731 929 ლარია. წინადადებების მიღების ბოლო ვადა 25 სექტემბერია, სამუშაოების შესრულების ვადა კი შემსყიდველის წერილობითი დავალებიდან 704 კალენდარული დღეა. აღნიშნული ვადა მოიცავს მხოლოდ მშენებლობის პერიოდს და არ ითვალისწინებს საირიგაციო პერიოდსა და მძიმე კლიმატურ პირობებს.

1789375498

ეს დავა პრეცენდენტულია, ეხება ბიზნესის ისეთ სენსიტიურ სეგმენტს, როგორიცაა განათლების სექტორი და იმავდროულად, თავისი მასშტაბით იმდენად მოცულობითია, რომ ბუნებრივად ხვდება ეკონომიკური მედიის ყურადღების ქვეშ.ბუნებრივია, დავასთან მიმართებით, მხარეთა პოზიციებთან დაკავშირებით, ჩნდება მთელი რიგი კითხვები, რომლებზე პასუხების გაცემაც ყველაზე უკეთ მხარეთა ადვოკატებს ხელეწიფებათ.სამწუხაროდ, “აკადემიის” მინორიტარი აქციონერის (30%), ნათია ჯანაშიას ადვოკატები, ბატონი ტარიელ კაკაბაძე და ქალბატონი თამთა ჯანიაშვილი, უკვე სამი თვეა, ჩვენს კონკრეტულ კითხვებზე პასუხებს თავს არიდებენ. ისინი უბრალოდ აიგნორებენ, აღნიშნულ დავასთან დაკავშირებით, “ბანკები და ფინანსების” მიერ მათ მიმართ გაგზავნილ კითხვებს.არადა, არის საკმაოდ ბევრი საკითხი, რაც სწორედ ადვოკატის პოზიციიდან ითხოვს დაზუსტებასა და განმარტებას. სამწუხაროდ, საზოგადოება ამ განმარტებებს ვერ ისმენს.თავდაპირველად, ბატონ ტარიელს, კითხვებით 2026 წლის 16 ივნისს მივმართეთ. შემდგომ, განმეორებით, 28 ივლისს.როგორც ითქვა. ამ პერიოდში, ქალბატონ თამთა ჯანიაშვილთანაც ორგზის გვქონდა კომუნიკაციის დამყარების მცდელობა. - არანაირი უკუკავშირი. ნათია ჯანაშიას ადვოკატები, ისიც შიგა და შიგ, მხოლოდ ვიდეო-მონოლოგებით ახსენებდნენ თავს საზოგადოებას. ამ ბოლო დროს, ეს ფორმატიც აღარ გვხვდება მათ გვერდებზე სოცქსელებში.არ გვინდა ვიფიქროთ, რომ ბატონი ტარიელ კაკაბაძე შეგნებულად არიდებს თავს ჩვენი გამოცემის მიერ მისთვის გაგზავნილ კონკრეტულ კითხვებზე გამოხმაურებას, მაგრამ ფაქტი ჯიუტია - დღემდე, მთელი 3 თვის განმავლობაში, იგი ამას თავს არიდებს.შესაბამისად, ერთადერთი, რაც აღნიშნული ტენდენციიდან, კერძოდ, იქედან რომ კონკრეტულ კითხვებზე არგუმენტირებულ და სისტემურ პასუხებს ნათია ჯანაშიას ადვოკატები თავს არიდებენ, გამომდინარეობს ის, რომ ისინი პოზიციურ მარცხს აღიარებენ.თუ ეს ასე არ არის, “ ბანკები და ფინანსები” მოხარული იქნება, თუნდაც 3 თვის დაგვიანებით, მაგრამ მაინც მიიღოს მათგან პასუხები.შესაბამისად, ბატონი ტარიელ კაკაბაძისადმი დასმულ კითხვებს, როგორც მას და ასევე ქალბატონ თამთას, ისე საზოგადოებას, კიდევ ერთხელ შევახსენებთ:• ბატონო ტარიელ, ვიდეო-მიმართვაში თქვენ ახსენებთ საგამოძიებიო უწყებაში მიმდინარე საქმეს, მაგრამ არ აკონკრეტებთ, რომელ საგამოძიებო უწყებაზე და რა კონკრეტულად რა შინაარსის საქმეზეა საუბარი. გთხოვთ, დააზუსტოთ, რომელ საგამოძიებო უწყებაზე საუბრობთ, ვისი საჩივრის შედეგად არის იგი აღძრული და რას მოითხოვს კონკრეტულად მომჩივანი.დღემდე კონკრეტულად რა საგამოძიებო მოქმედებები ჩატარდა აღნიშნულ საქმესთან დაკავშირებით. რამდენადაც ჩვენთვის ცნობილია, ერთი საქმე, რომელსაც ფინანსთა სამინისტროს საგამოძიებო სამსახური აწარმოებს, აღძრულია „საქართველოს განათლების ჯგუფის“ საჩივრის საფუძველზე, რაც ნათია ჯანაშიას მენეჯმენტის პერიოდში „ბრიტანულ-ქართული აკადემიის“ აქტივებიდან 4 მლნ აშშ დოლარის სავარაუდო გაფლანგვა-მიტაცებას ეხება. საკითხთან დაკავშირებით მიმდინარე სისხლის სამართლის სხვა საქმის შესახებ ჩვენთვის ცნობილი არ არის. თუ ასეთი არსებობს, გთხოვთ, მოგვაწოდოთ დაწვრილებითი ინფორმაცია მის შესახებ.თუ თქვენც ამ საქმეს გულისხმობთ (#092060925001), მაშინ გვიჩნდება შემდეგი კითხვა - ეს საქმე თქვენი ოპონენტების საჩივრის საფუძველზე არის აღძრული (სამსახურებრივი მდგომარეობის გამოყენებით, დიდ ოდენობით, შპს „ბრიტანულ–ქართული აკადემიის“ კუთვნილი თანხის შესაძლო მითვისება–გაფლანგვის ფაქტზე. გამოძიების პერიოდი მოიცავს ნათია ჯანაშიასა და მისი მეუღლის, დავით ცეცხლაძის მენეჯმენტში ყოფნის პერიოდს (2019-2024 წლებს) და თუნდაც საქართველოს სამართლებრივ სივრცეში ყველა შესაძლებლობის ამოწურვის შემდეგ, როგორ, რის საფუძველზე წაიღებთ მას ადამიანის უფლებათა ევროპულ სასამართლოში და რის საფუძველზე გექნებათ იმის რწმენა, რომ სტრასბურგი საქმეს განსახილველად მიიღებს? თუ სხვა საქმეზეა საუბარი, კიდევ ერთხელ, უმორჩილესად გთხოვთ, მოგვაწოდოთ დაწვრილებითი ინფორმაცია საქმის შესახებ. • თქვენ ამბობთ - ნათია ჯანაშია იყო 100%-იანი წილის მფლობელი, მანამ სანამ 70%-იან წილს საბაზრო ღირებულებაზე ბევრად ნაკლებ ფასად დაესაკუთრა "საქართველოს კაპიტალი".  გთხოვთ, დააზუსტოთ, რას გულისხმობთ დეფინიციაში - ბევრად ნაკლებ ფასად. ასევე, რას გულისხმობთ "დასაკუთრებაში". რამდენადაც ჩვენთვის ცნობილია, საქართველოს კაპიტალმა წილი რამდენიმეთვიანი მოლაპარაკების შემდგომ, 29,3 მილიონ ლარად შეიძინა და ნათია ჯანაშია წილის გასხვისების პირობებს რამდენიმე თვე ათანხმებდა. ამასთან, 2024 წლის გარკვეული პერიოდის ჩათვლით, არც პირად საუბრებში და არც საჯაროდ, წილის არასამართლიან ღირებულებაზე სიტყვაც არ დაუძრავს არსად. რამდენადაც ცნობილია, არსებობს ლევან სამხარაულის სახელობის ექსპერტიზის ეროვნული ბიუროს დასკვნა, რომ "ბრიტანულ-ქართული აკადემიის" 70 %-ის მოცულობის წილში 2019 წელს გადახდილი 29 მილიონ 300 ათასი ლარი, ნახევარი მილიონი ლარით აღემატება კიდეც იმ დროს არსებულ საბაზრო ფასს.როდესაც ამბობთ, რომ 2019 წელს აკადემიის 70%-იან წილს საბაზრო ღირებულებაზე ბევრად ნაკლებ ფასად დაესაკუთრა "საქართველოს კაპიტალი", - რა კონკრეტულ არგუმენტებს ეყრდნობით. გთხოვთ, მოგვაწოდოთ დოკუმენტური დასაბუთება წილის მეტ ღირებულებაზე და წარმოადგინოთ კონკრეტული ხელმოწერილი ხელშეკრულებები, შეთანხმებები და მემორანდუმები. • ვიდეომიმართვაში თქვენ ამბობთ, რომ ნათია ჯანაშია დაარწმუნეს, რომ გაეყიდა 70% წილი, რომ იყო ცრუ დაპირებები, მოტყუება. გთხოვთ, მეტად განმარტოთ, ვინ დაარწმუნა, რა ხერხებით აიძულეს 30 მილიონ ლარამდე ღირებულების გარიგებაზე დათანხმება.იძულებით მიიღო და იძულებით ჩაურიცხეს ეს თანხა 2019 წელს, თუ რას გულისხმობთ? რაიმე დოკუმენტი თუ გაქვთ თქვენი სიტყვების დასადასტურებლად, რომელიც ხელმოწერილია ორივე მხარის მიერ? ასევე, როგორ აიძულეს 29,3 მილიონზე დათანხმება და როგორ შეთანხმდა ეს კონკრეტული თანხა. რატომ 29,3 მილიონი, არა 11 მილიონი ან 4.6 მილიონი ლარი, ან/და არა ნებისმიერი სხვა ოდენობის თანხა? • თქვენ ამბობთ, რომ გარიგების პარალელურად არსებობდა რამდენიმე დამატებითი პირობა, რომელთა გამოც ნათია ჯანაშია დათანხმდა წილის გაყიდვას. გთხოვთ, კონკრეტულად განგვიმარტოთ და გვითხრათ ყველა ის პირობა, რაც გარიგების პარალელურად დამატებით არსებობდა. ასევე, გთხოვთ, განგვიმარტოთ, რა ფორმატით არსებობდა ეს პირობები - იყო ეს ხელშეკრულების დანართი, დამატებითი შეთანხმების ფორმატი, თუ სხვა რამ.გთხოვთ მოგვაწოდოთ ყველა დოკუმენტი, რომელიც ადასტურებს თქვენ სიტყვებს. ასევე, გთხოვთ დაგვიდასტუროთ, წერილობით არსებობდა თუ არა რაიმე სახის დაპირება და ის ასახული იყო თუ არა რომელიმე ორმხრივად გაფორმებულ დოკუმენტში. • ვიდეომიმართვაში, თქვენს მიერ ნახსენები რამდენიმე პირობიდან მხოლოდ ერთ-ერთზე საუბრობთ. კერძოდ იმაზე, რომ შეთანხმების საფუძველზე "აკადემიის" კაპიტალში ინვესტორს ტაბახმელის/ოქროყანის მიწა უნდა შეეტანა ნულოვანი ღირებულებით. გთხოვთ, განგვიმარტოთ, კონკრეტულად რა შეთანხმებაზეა საუბარი, რა ფორმატით დაიდო/გაფორმდა იგი, მხარეთა მხრიდან შესასრულებელ კიდევ რაიმე დამატებით კონკრეტულ ასპექტებს ხომ არ შეიცავდა იგი. არსებობს ინფორმაცია, რომელსაც მის მიერ გავრცელებულ ვრცელ წერილში, აკადემიის ყოფილი დირექტორი და "საქართველოს განათლების ჯგუფის" ასევე ყოფილი დირექტორი გიორგი კეთილაძე ადასტურებს. კერძოდ ის, რომ აღნიშნული მიწა კაპიტალში უნდა შესულიყო თანაბარწილოვანი პრინციპით. ანუ, "საქართველოს განათლების ჯგუფს" მიწა უნდა შეეტანა კაპიტალში იმის პარალელურად, რაც ნათია ჯანაშია კაპიტალში შეიტანდა მიწის ღირებულების 30 %-ს. ამ პირობას კეთილაძე ადასტურებს ელექტრონული მიმოწერის არსებობით, როგორც ბატონ დავით ცეცხლაძესთან (ნათია ჯანაშიას მეუღლე), ისე ქალბატონ ნათია ჯანაშიასთან. არსებული ინფორმაციით, მეუღლეები "განათლების ჯგუფს" მიმართავენ თხოვნით, მიწის 30%-ის ღირებულება კაპიტალში შეიტანონ არა ერთბაშად, არამედ 4 ნაწილად. ადასტურებთ თუ არა ამ შინაარსის მიმოწერის არსებობას, როგორც ფაქტს და მიგაჩნიათ თუ არა, რომ თქვენი ოპონენტები სასამართლო განხილვებისას ამ ფაქტს გამოიყენებენ, როგორც წონად არგუმენტს იმის დასამტკიცებლად, რომ მხარეთა შორის შეთანხმება არსებობდა მიწის კაპიტალში ასახვის თაობაზე არა ნულოვანი ღირებულებით, არამედ თანაბარწილოვანი შენატანის პრინციპით. აქვე გთხოვთ მოგვაწოდოთ დამატებითი ინფორმაცია სხვა რა პირობები შეთანხმდა მხარეთა შორის ამ მიწასთან დაკავშირებით. კერძოდ, როდის, რა ვადებში და რა გზით უნდა გადაცემოდა იგი აკადემიას. აქვე - იგივე საკითხთან, მიწასთან დაკავშირებით, - თქვენ ამბობთ, რომ კაპიტალში მისი ნულოვანი ღირებულებით შეტანის თაობაზე შეთანხმებას ადასტურებს მოწმეთა გამოკითხვის ოქმები და კიდევ სხვა მტკიცებულებები. ეს ხომ არ ნიშნავს იმას, რომ არაპირდაპირ ადასტურებთ იმ ფაქტს, რომ ხელშეკრულებაში მსგავსი ჩანაწერი არ არსებობს და ეყრდნობით მხოლოდ მოწმეთა ჩვენებებს.გთხოვთ, გაგვიზიაროთ: 1. კონკრეტულად რას გულისხმობთ "მოწმეთა გამოკითხვის ოქმებში და კიდევ სხვა მტკიცებულებებში". კერძოდ, რამდენადაც ჩვენთვის ცნობილია, ქ-ნ ჯანაშიას არ გააჩნია დაზარალებულის სტატუსი საქმეში და ამიტომ, დაუდგენელია საიდან ფლობს ინფორმაციას მოწმეთა ჩვენებებზე. საჯარო წყაროებში ამგვარ მოწმეთა არსებობა არ იკვეთება. 2. თუ შესაძლებლად ჩათვლით, ამ ეტაპზევე გვითხრათ, ვინ არიან აღნიშნული მოწმეები და რამდენად არსებითად არიან ისინი დაკავშირებული აღნიშნულ დავასთან. 3. მოწმეების გამოკითხვის ოქმების გარდა, გაქვთ თუ არა კონკრეტული დოკუმენტი, რაც სრულფასოვნად ადასტურებს თქვენ სიტყვებს კაპიტალში ტაბახმელის/ოქროყანის მიწის ნულოვანი ფასით შეტანის თაობაზე? 4. საინვესტიციო შეთანხმება "საქართველოს კაპიტალთან" არის დადებული თუ "საქართველოს განათლების ჯგუფთან"? 5. მიწა ვის ეკუთვნოდა და რატომ იყო სკოლისთვის მისი გადაცემა არსებითი ქ-ნ ჯანაშიასთვის? მან ითხოვა ეს მიწა სკოლას გადაცემოდა? მან მოიძია ეს მიწა და დაავალა "საქართველოს კაპიტალს" მისი სკოლისთვის გადაცემა? • ვიდეომიმართვის დასასრულს თქვენ ამბობთ, რომ ინვესტორის მხარე ცდილობს ნათია ჯანაშიას წაართვას დარჩენილი 30 %-იანი წილიც. გთხოვთ, დაგვიზუსტოთ, კონკრეტულად რა მცდელობები განახორციელა მხარემ საამისოდ. ზოგადად, მხარეთა შორის წილის გამოსყიდვასთან დაკავშირებით, ჩვენთვის ცნობილია, რომ "საქართველოს განათლების ჯგუფმა" ჯანაშიას მხარის შეთავაზებას, გამოესყიდა 70%-იანი წილი მის მიერ შეთავაზებულ კონკრეტულ ფასად, უპასუხა უკუშეთავაზებით, რომ თავად გამოისყიდიდა 30 %-იან წილს, ერთეულთან მიმართებით, ჯანაშიას მხარის შეთავაზებულზე 33%-ით მეტი ღირებულებით. თუ წილის გამოსყიდვის თაობაზე მხარეთა შორის არსებულ ამ კომუნიკაციას გულისხმობთ, გთხოვთ, განგვიმარტოთ, სად ხედავთ აქ წილის წართმევის მცდელობას, ან მის ნიშნებს. ასევე, ეს თუ წილის წართმევად უნდა განიხილებოდეს, რატომ არის "განათლების ჯგუფის" საპასუხო შეთავაზება წილის წართმევის მცდელობა და არა ჯანაშია-ცეცხლაძის შეთავაზება? თუ სხვა მცდელობები გაქვთ მხედველობაში, გთხოვთ, კონკრეტულად გვიამბოთ მათ შესახებ. გთხოვთ, ასევე გვაცნობოთ, დაწყებულია თუ არა გამოძიება წილის წართმევის მცდელობასთან დაკავშირებით.

1789374119

ამის შესახებ სუსის გვერდზე გავრცელებულ გეკა გელაძის განცხადებაშია აღნიშნული.„მივიღე გადაწყვეტილება, დავტოვო საქართველოს სახელმწიფო უსაფრთხოების სამსახურის უფროსის თანამდებობა. პოლიტიკურ გუნდთან კონსულტაციების შედეგად, საქმიანობას სხვა უწყებაში გავაგრძელებ, სადაც კვლავაც მთელი პასუხისმგებლობით მოვემსახურები ჩვენი ქვეყნისა და საზოგადოების ინტერესებს.სახელმწიფო უსაფრთხოების სამსახურის უფროსის თანამდებობაზე მუშაობა ჩემთვის იყო უდიდესი პასუხისმგებლობა და შესაძლებლობა, მემსახურა ჩვენი ქვეყნისთვის. ამ პერიოდის განმავლობაში, სამსახურის თითოეულ თანამშრომელთან ერთად, ჩვენი საქმიანობა მიმართული იყო სახელმწიფოს წინაშე არსებული გამოწვევების ეფექტიანად დაძლევის, საქართველოს უსაფრთხოების განმტკიცებისა და ეროვნული ინტერესების დაცვისკენ.მსურს, განსაკუთრებული მადლობა გადავუხადო სახელმწიფო უსაფრთხოების სამსახურის თითოეულ თანამშრომელს პროფესიონალიზმისთვის, თავდადებისა და იმ მნიშვნელოვანი საქმიანობისთვის, რომელსაც ისინი ყოველდღიურად, ჩვენი ქვეყნის უსაფრთხოებისთვის ახორციელებენ.მადლობას ვუხდი პოლიტიკურ გუნდს, განსაკუთრებით პარტიის საპატიო თავმჯდომარეს, ბიძინა ივანიშვილს და პრემიერ-მინისტრს, ირაკლი კობახიძეს გამოცხადებული ნდობისთვის. დარწმუნებული ვარ, სახელმწიფო უსაფრთხოების სამსახური მომავალშიც ღირსეულად გააგრძელებს მისთვის დაკისრებული უმნიშვნელოვანესი ამოცანების შესრულებას და ქვეყნის უსაფრთხოების დაცვას“, – ნათქვამია გეკა გელაძის განცხადებაში.

1789373297

ახალი სისტემის დანერგვა გააძლიერებს ხორცისა და ხორცპროდუქტების კონტროლს და ხელს შეუწყობს სურსათის უვნებლობის სახელმწიფო კონტროლის უფრო თანამედროვე და ეფექტიანი მექანიზმის შექმნას.შემუშავებული სისტემა სრულ თანხვედრაშია ევროკავშირის შესაბამის მოთხოვნებთან და წარმოადგენს მნიშვნელოვან პროგრესს საქართველოში სურსათის უვნებლობის უზრუნველყოფის მიმართულებით.მიკვლევადობა  ნიშნავს შესაძლებლობას, ვიცოდეთ ხორცის წარმომავლობა, რა გზას გადის ის ფერმიდან სუფრამდე, ანუ მარტივდება პროდუქტის წარმოშობისა და გადაადგილების შესახებ ინფორმაციის მოძიება.ხორცი და ხორცპროდუქტები მაღალი რისკის სურსათს განეკუთვნება და მის ეფექტიან კონტროლს ადამიანების ჯანმრთელობისთვის განსაკუთრებული მნიშვნელობა აქვს. ამ მიზნით, სურსათის ეროვნული სააგენტო, გაეროს სურსათისა და სოფლის მეურნეობის ორგანიზაციის (FAO) NAITS პროექტის ტექნიკური მხარდაჭერით, ელექტრონულ სისტემას ნერგავს, რაც ხორცისა და ხორცპროდუქტების უვნებლობისა და მიკვლევადობის უზრუნველყოფის მიმართულებით კიდევ ერთი წინგადადგმული ნაბიჯია.

1789373144