დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

დაიწყეთ მზადება 2026 წლის საგანმანათლებლო პროგრამებისთვის და აღმოაჩინეთ საქართველოს ბანკის მიერ შექმნილი შესაძლებლობები.შესაძლებლობები მოსწავლეებისთვის: UWC-ის სტიპენდია მოსწავლეებისთვის - ისწავლეთ მსოფლიოს 18 სკოლაში საქართველოს ბანკი გაერთიანებული მსოფლიო სკოლებთან (UWC) თანამშრომლობის ფარგლებში 15-17 წლის მოსწავლეებისთვის სასტიპენდიო პროგრამას ახორციელებს და შესაძლებლობას აძლევს მათ, მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა. საერთაშორისოგანათლების პროგრამაზე მიღება დაიწყო და 30 სექტემბერს დასრულდება. განაცხადის შესავსებად ეწვიეთ ვებგვერდს.  STEM განათლების ხელშეწყობა მთელისაქართველოს მასშტაბით საქართველოს ბანკისა და კომაროვის STEM სკოლაშიშემოდგომის სემესტრზე მიღება 24 აგვისტოს დაიწყება და 30 სექტემბრამდე გაგრძელდება. რეგისტრაციისთვის ეწვიეთ ვებგვერდს.  STEM სკოლა VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით. სკოლაში გაკვეთილები ონლაინ ტარდება, რაც შესაძლებლობას აძლევს მოსწავლეებს საქართველოს ნებისმიერი კუთხიდან ჩაერთონ სასწავლო პროცესში. ამასთან, საქართველოს ბანკი ყოველწლიურად საუკეთესოშედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს. TUMO ქუთაისი - შესაძლებლობა ტექნოლოგიებითდაინტერესებული ახალგაზრდებისთვის საქართველოს ბანკის მხარდაჭერით, ქუთაისში გახსნილი TUMO-ს ცენტრი 12-18 წლის მოზარდებს შესაძლებლობას აძლევს, ისწავლონ ტექნოლოგიების და კრეატიული ინდუსტრიების 11 მიმართულებიდან ერთ-ერთზე. მათ შორის, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა. პროგრამაზე რეგისტრაცია 30 სექტემბრამდეაშესაძლებელი. ფოთის საჭადრაკო კლუბი - შესაძლებლობამომავალი ჩემპიონებისთვის საქართველოს ბანკი ფოთის ნანა ალექსანდრიას სახელობის ლეგენდარული საჭადრაკო კლუბის მთავარი პარტნიორია. თანამშრომლობის ფარგლებში, საქართველოს ბანკი 10 ნიჭიერ მოსწავლეს ერთი წლის განმავლობაში სწავლას სრულად დაუფინანსებს. სასტიპენდიო პროგრამაზე რეგისტრაცია 24 აგვისტოსდაიწყება და 13 სექტემბრის ჩათვლითგაგრძელდება. Code IT - პირველი ნაბიჯები პროგრამირებაში პროგრამირებით დაინტერესებული 14-18 წლის მოზარდებისთვის Code IT-ის  პროგრამა ხორციელდება, რომელიც ახალგაზრდებს საქართველოს სხვადასხვა რეგიონის ტექნოპარკში პროგრამირების საფუძვლების შესწავლის შესაძლებლობას აძლევს. პროგრამის მონაწილეები HTML-ს, CSS-სა და JavaScript-ს შეისწავლიან და ტექნოლოგიურ სფეროში პირველ ნაბიჯებს გადადგამენ. ახალ ნაკადზე რეგისტრაციაშემოდგომის სემესტრში დაიწყება.შესაძლებლობები სტუდენტებისთვის: სტიპენდია ადგილობრივ უნივერსიტეტებში ბაკალავრის საფეხურის სტუდენტებისთვის, საქართველოს ბანკი 22 პარტნიორ უნივერსიტეტში სასტიპენდიო პროგრამას ახორციელებს, რომლის ფარგლებშიც შესაძლებლობას აძლევს ახალგაზრდებს, მიიღონ სწავლის სრული ან ნაწილობრივი დაფინანსება. პროგრამაზე რეგისტრაცია ოქტომბერში დაიწყება. გიორგი ჩახავას სახელობის სტიპენდია საქართველოს ბანკის სათავო ოფისის ავტორის, გიორგი ჩახავას სახელობის სტიპენდია სტუდენტებს არქიტექტურისა და მასთან დაკავშირებული სფეროების განვითარების შესაძლებლობას აძლევს. პროგრამის ფარგლებში 4 პარტნიორი უნივერსიტეტის სტუდენტებს აქვთ შესაძლებლობა, მიიღონ სწავლის 100%-იანი ან ნაწილობრივი დაფინანსება. პროგრამაზე რეგისტრაციაოქტომბერში დაიწყება.შესაძლებლობები ახალგაზრდაპროფესიონალებისთვის: CHEVENING - დიდ ბრიტანეთში სწავლისშესაძლებლობა CHEVENING -ის სასტიპენდიო პროგრამის ფარგლებში, საქართველოს ბანკი ახალგაზრდებს დიდ ბრიტანეთში სრული დაფინანსებით სწავლის შესაძლებლობას აძლევს. სტიპენდია სრულად ფარავს სწავლის, ცხოვრებისა და მგზავრობის ხარჯებს და სხვადასხვა მიმართულების სამაგისტრო პროგრამის არჩევის შესაძლებლობას იძლევა. 2027 სასწავლო წლისთვისგანაცხადების მიღება უკვე დაიწყო და 6 ოქტომბრამდე გაგრძელდება. Fulbright - აშშ-ში სწავლის შესაძლებლობა Fulbright-ის პროგრამის ფარგლებში, საქართველოს ბანკი შესაძლებლობას აძლევს ახალგაზრდა პროფესიონალებს, ისწავლონ აშშ-ს წამყვან უნივერსიტეტებში სრული დაფინანსებით, ორ წლიან სამაგისტრო პროგრამაზე. 2026-27 სასწავლო წლისკონკურსზე განაცხადების მიღება 1 ივლისსდასრულდა. ახალი კონკურსი, გაზაფხულზეგამოცხადდება. ნიკა გუჯეჯიანის სახელობის სტიპენდია - სწავლისშესაძლებლობა ესპანეთში კრეატიული ინდუსტრიით დაინტერესებულ ახალგაზრდებს, საქართველოს ბანკი აძლევს შესაძლებლობას, მიიღონ ნიკა გუჯეჯიანის სახელობის სტიპენდია და ისწავლონ მადრიდში, Miami Ad School Europe-ში, 100%-იანი დაფინანსებით. 2027 წლისპროგრამაზე განაცხადების მიღება 8 ივნისსდასრულდა. კონკურსი გაზაფხულზე ცხადდება. სტიპენდია პროფესიულ აკადემიებში იმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 7 წამყვან აკადემიაში. რეგისტრაცია ოქტომბრიდან დაიწყება. AI სტიპენდია გოგოებისა და ქალებისთვის ხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისა და ქალებისთვის სპეციალური AI სტიპენდია შექმნა. პროგრამა მონაწილეებს მომავლის ტექნოლოგიების შესწავლას და ახალი პროფესიული შესაძლებლობების შექმნას სთავაზობს. პროგრამაზე რეგისტრაცია ოქტომბრიდანგამოცხადდება. თბილისის წიგნის დღეებიგანათლება მხოლოდ ფორმალურ სწავლებას არ გულისხმობს. ახალი იდეების აღმოჩენა, სხვა ადამიანების მოსმენა და ახალი სამყაროების გაცნობა წიგნებიდანაც შეიძლება. სწორედ ამიტომ, 30 ოქტომბრიდან 2 ნოემბრის ჩათვლით, საქართველოს ბანკის მხარდაჭერით, Expo Georgia-ში ტრადიციულად გაიმართება თბილისის წიგნის დღეები.ეს საქართველოს ბანკის მიერ განხორციელებული საგანმანათლებლო ინიციატივების მხოლოდ ნაწილია. დეტალური ინფორმაციის მისაღებად ეწვიეთ ვებგვერდს: ganatleba.bog.ge

1787230677

პროგრამა გაეროს განვითარების პროგრამის (UNDP), შვედეთის მთავრობის, ევროპის რეკონსტრუქციისა და განვითარების ბანკისა (EBRD) და საქართველოს ბანკი ბიზნესის ხელშეწყობით ხორციელდება.პროგრამის ფარგლებში ქალ მეწარმეებს შესაძლებლობა ჰქონდათ, ვორკშოპებში ჩართულიყვნენ, ექსპერტებისგან პრაქტიკული რჩევები მიეღოთ, ემსჯელათ საკუთარი ბიზნესების გამოწვევებზე და მიღებული ცოდნა რეალურ ბიზნესქეისებზე მუშაობისას გამოეცადათ.მეწარმე ქალთა განვითარების პროგრამის ფარგლებში მონაწილეები სპეციალურად შემუშავებულ სასწავლო კურსს გადიან და ინტენსიურ ტრენინგებსა და ვორკშოპებში მონაწილეობენ. მათ ასევე აქვთ წვდომა დამატებით საგანმანათლებლო რესურსებსა და საინფორმაციო შეხვედრებზე, იღებენ პრაქტიკულ რჩევებს ბიზნესის განვითარებასთან დაკავშირებულ საკითხებზე და შესაძლებლობა აქვთ, საკუთარი ბიზნესიდეები ექსპერტებთან ერთად განავითარონ.„საქართველოს ბანკისთვის ქალთა ეკონომიკური გაძლიერება და მეწარმეობის განვითარების ხელშეწყობა ერთ-ერთი მნიშვნელოვანი მიმართულებაა. განსაკუთრებით მნიშვნელოვანია, რომ ქალ მეწარმეებს რეგიონებშიც ჰქონდეთ შესაძლებლობა, მიიღონ ბიზნესის განვითარებისთვის საჭირო ცოდნა, პრაქტიკული გამოცდილება და ახალი კავშირები. სწორედ ამიტომ, მოხარული ვართ, რომ მეწარმე ქალთა განვითარების პროგრამა ამჯერად ქუთაისში გაიმართა. გვჯერა, რომ მსგავსი შესაძლებლობები ქალ მეწარმეებს საკუთარი ბიზნესების გაძლიერებასა და ახალი იდეების რეალიზებაში დაეხმარება“, - აცხადებენ საქართველოს ბანკში

1787228700

შეხვედრაზე Develey-სა და "მარნეულის სასურსათო ქარხნის" თანამშრომლობის ფარგლებში, "მარნეულის სასურსათო ქარხანაში" ახალი საწარმოო სივრცის მოწყობის მიმდინარეობა და სამომავლო გეგმები განიხილეს. დაახლოებით 10 000 კვადრატულ მეტრზე განთავსებულ ობიექტში 6 თანამედროვე ტექნოლოგიური ხაზი მოეწყობა. მისი სრულად ამოქმედება მარტში იგეგმება, ხოლო პირველი პროდუქციის გამოშვებაოქტომბერში დაიწყება.ახალი საწარმოო სივრცის ამოქმედების შემდეგ "მარნეულის სასურსათო ქარხნის" ასორტიმენტს 30-40 ახალი სახეობის პროდუქტი დაემატება, მათ შორის მაიონეზი და სხვადასხვა სახის სოუსები, რომლებიც როგორც ადგილობრივი ბაზრისთვის, ისე ექსპორტისთვის იქნება განკუთვნილი. პროექტი ასევე ითვალისწინებს ადგილობრივი ნედლეულის წარმოების განვითარებას და თანამედროვე ტექნოლოგიების დანერგვას."თქვენი გამოცდილება ძალიან დიდია. ვფიქრობ, სწორედ ეს არის ის, რაც დღეს საქართველოს სჭირდება - ცოდნა, ტექნოლოგიური გამოცდილება და საერთაშორისო კავშირები. ჩვენი ერთ-ერთი მთავარი პრიორიტეტია ქვეყანაში სურსათის წარმოების გაძლიერება და ადგილობრივი რესურსების მაქსიმალურად გამოყენება. ამ მიმართულებით მნიშვნელოვანია როგორც ინდუსტრიის, ისე მიწოდების ჯაჭვის განვითარება და შესაბამისი მხარდაჭერა. საქართველოში ამისთვის ხელსაყრელი ბიზნესგარემო და საერთაშორისო ბაზრებზე წვდომის შესაძლებლობები გვაქვს. ჩვენი მიზანია, ადგილობრივი შესაძლებლობების გაძლიერებასთან ერთად, კომპანიებს შევუქმნათ პირობები, რომ საქართველოში შექმნილი პროდუქცია საერთაშორისო ბაზრებზეც გაიტანონ", - განაცხადა დავით სონღულაშვილმა.Develey-ის მფლობელის, მიხაელ დურახის განცხადებით, საქართველოს სოფლის მეურნეობის დიდი პოტენციალი და სტაბილური, პროგნოზირებადი ბიზნესგარემო აქვს, რაც კომპანიისთვის ქვეყანაში ინვესტირების ერთ-ერთი მნიშვნელოვანი საფუძველია."საქართველო არის ქვეყანა, რომელსაც სოფლის მეურნეობის მიმართულებით დიდი პოტენციალი აქვს. ჩვენი იდეა იყო, ინვესტიციასთან ერთად სრული მიწოდების ჯაჭვზე გვქონოდა წვდომა - დაწყებული მინდვრიდან, პროდუქტის ხარისხის კონტროლით და დამთავრებული წარმოებით. ეს მხოლოდ დასაწყისია. ჩვენი სურვილია, საქართველო ჩვენი საქმიანობის საწყის წერტილად და რეგიონულ ჰაბად ვაქციოთ და აქედან პროდუქცია სხვა ქვეყნებშიც გავიტანოთ. საქართველოში არსებული ნედლეულის ბაზისა და ჩვენი ტექნოლოგიური ცოდნის გაერთიანება საშუალებას მოგვცემს, ადგილობრივი შესაძლებლობები კიდევ უფრო განვავითაროთ. ჩვენთვის ასევე მნიშვნელოვანია სტაბილური და პროგნოზირებადი გარემო. საქართველოში ამას ვხედავთ. მოხარული ვართ, რომ ქვეყანაში მხარდაჭერას ვგრძნობთ და დარწმუნებული ვართ, რომ ჩვენი საქმიანობა კიდევ უფრო გაიზრდება", - განაცხადა მიხაელ დურახმა."მარნეულის სასურსათო ქარხანა" 2007 წელს დაარსდა და დღეს საქართველოში ერთ-ერთი მსხვილი საკვები პროდუქტების მწარმოებელი საწარმოა. ქარხანა 50-ზე მეტი სახეობის პროდუქტს აწარმოებს, მათ შორის ტომატის პასტას, ტყემალს, აჯიკას, მარინადებს, საწებლებს, ჯემებსა და მურაბებს. საწარმოსთვის მნიშვნელოვანი მიმართულებაა ადგილობრივი ნედლეულის გამოყენება; ქარხანა ნედლეულს 150-ზე მეტი ქართველი ფერმერისგან იბარებს. პროდუქცია საქართველოს ბაზარზე იყიდება და ექსპორტზეც გადის, მათ შორის ევროპისა და ამერიკის ქვეყნებში.Develey გერმანული საოჯახო კომპანიაა, რომელიც 1845 წელს დაარსდა და დღეს სოუსების, მდოგვისა და სხვა საკვები პროდუქტების საერთაშორისო მწარმოებელია. კომპანია პროდუქციის ექსპორტს მსოფლიოს 65-ზე მეტ ქვეყანაში ახორციელებს.Develey-ის ერთ-ერთი მნიშვნელოვანი პარტნიორია McDonald’s, რომელსაც კომპანია 1971 წლიდან სხვადასხვა სახის სოუსებით, კეტჩუპითა და მდოგვით ამარაგებს.

1787226286

პირველი ნაბიჯები მარტივი არ ყოფილა, თუმცა მცირე საამქრო დიდი წარმატების საფუძვლად იქცა. ხარისხის სრულად გასაკონტროლებლად საჭირო იყო ნედლეულის წარმოებაც. სწორედ ამიტომ, საწარმოს მალე საკუთარი თხილის ბაღებიც დაემატა.მიზანი თავიდანვე ამბიციური და მკაფიო იყო: მაღალი ხარისხის ქართული თხილის საერთაშორისო ბაზარზე გატანა.„როდესაც ბიზნესი სულ ახალი დაწყებული გვქონდა, ერთწლიანი მუხლჩაუხრელი შრომის შემდეგ ოთხმა მეწილემ მხოლოდ 45 ლარი გავიყავით. თუმცა მაშინვე ვიცოდით, რომ ამ ციფრს არანაირი მნიშვნელობა არჰქონდა. მთავარი იყო გამოცდილება, მიზანიდა რწმენა, რომ შრომა აუცილებლად გამოიღებდა შედეგს. რამდენიმე წელიწადში ჩვენი ბიზნესი უკვე ძალიან წარმატებული გახდა. სირთულეები ყოველთვის გვხვდებაგზაზე - სხვაგვარად შეუძლებელია, მაგრამ შრომას ყოველთვის აქვს შედეგი.“ - დავით ქუხილავა.დღეს, „ჯეონათსის“ პროდუქციის 100% ექსპორტზე გადის და მსოფლიოს 16 ქვეყანაში იყიდება. კომპანია ისეთი ცნობილი საერთაშორისო მწარმოებლების მიმწოდებელია, როგორებიცაა „Ferrero“ და „Nutella“.წლებთან ერთად გაფართოვდა არა მხოლოდ მეურნეობა, არამედ ცოდნა, შესაძლებლობები, ნედლეულის გადამამუშავებელი ქარხანა დაპროფესიონალთა გუნდიც. კომპანიამ ჩამოაყალიბა ძლიერი და კვალიფიციური ჯგუფი, რომლის შენარჩუნებაც ახალი მიმართულების განვითარების ერთ-ერთ მთავარ მიზეზად იქცა — ეს იყო მოცვის კულტურა.პირველი საცდელი პლანტაციის წარმატების მაგალითმა 2005 წელს დავით ქუხილავასა და მის პარტნიორებს ახალი შესაძლებლობა დაანახა. თან მოცვს განსაკუთრებული უპირატესობა აღმოაჩნდა: ამ კენკროვანი კულტურის სეზონი სწორედ მაშინ იწყებოდა, როდესაც სრულდებოდა თხილის გადამუშავების აქტიური სამუშაოები. ამგვარად, „ჯეონათსს“ შეეძლო გუნდი მთელი წლის განმავლობაში დაესაქმებინა.მოცვის პლანტაცია ზუგდიდის რაიონში გაშენდა, პარალელურად კი კომპანიამ თანამედროვე სამაცივრე ინფრასტრუქტურაც მოაწყო. დღეს „ჯეონათსი“ ზუგდიდისა და წალენჯიხის მუნიციპალიტეტებში 145 ჰექტარ თხილისა და 16 ჰექტარ მოცვის პლანტაციებს აერთიანებს. ფლობს თხილის გადამამუშავებელ ქარხანას, მოცვის შესანახ სამაცივრე სისტემას და, რაც მთავარია, ასაქმებს 120 მუდმივ თანამშრომელს, რომლებსაც კრეფვის სეზონზე 200-ზე მეტი დამხმარე ემატება.„ჯეონათსის“ მრავალწლიანი ისტორიის განმავლობაში მისი უცვლელი ფინანსური პარტნიორი პროკრედიტ ბანკია. ბიზნესის განვითარებას ხელი შეუწყო სს საქართველოს ეკონომიკის განვითარების კორპორაციის პროგრამებისა და USAID-ის მხარდაჭერამაც.„დაარსების დღიდან პროკრედიტ ბანკი ჩვენს გვერდით იდგა და საშუალებას გვაძლევდა, გაბედული ნაბიჯები გადაგვედგა. ეს თანამშრომლობა „ჯეონათსისთვის“ განსაკუთრებულად ძვირფასი და მნიშვნელოვანია. წლების განმავლობაში ჩვენ არა მხოლოდ პარტნიორები, არამედ მეგობრებიც გავხდით.“ - ამბობს დავით ქუხილავა.„ჯეონათსის“ ისტორია მაგალითია იმისა, თუ როგორ შეიძლება ერთიანობა და შრომა ძლიერ, საერთაშორისო ბაზარზე დამკვიდრებულ ბიზნესად იქცეს. კომპანიას წინ კიდევ ბევრი გეგმა აქვს ქართული პროდუქტების მსოფლიოსთვის კიდევ უფრო ფართოდ გასაცნობად.

1787225516

კონფერენციის მიზანია სკოლებში ფინანსური განათლების გაძლიერების ხელშეწყობა სხვადასხვა დაინტერესებულ მხარეებს შორის თანამშრომლობის, გამოცდილებისა და საუკეთესო პრაქტიკის გაზიარებისა და მასწავლებელთა პრაქტიკული მხარდაჭერის გზით.კონფერენციის ფარგლებში გაიმართება ფინანსური განათლების ეროვნული ჯილდოს კონკურსის ფინალისტებისა და გამარჯვებულის დაჯილდოება.პანელური დისკუსიები დაეთმობა მსჯელობას ფინანსური განათლების ეროვნულ ხედვაზე, ფინანსური განათლების საკითხების სკოლაში ინტეგრირებაზე, მასწავლებლებისთვის ხელმისაწვდომ პროგრამებსა და რესურსებზე და მომავალი თაობის ფინანსურ განათლებაში საფინანსო სექტორის როლზე.კონფერენციის პრაქტიკული ნაწილისას კი მასწავლებლები გამოცდილებასა და წარმატებულ პრაქტიკებს ვორქშოფების ფორმატში გაუზიარებენ ერთმანეთს. მონაწილეები იმუშავებენ ფინანსური განათლების პრაქტიკული სწავლების, სხვადასხვა საგანში ინტეგრირების, ციფრული ტექნოლოგიების გამოყენებისა და ციფრული ფინანსური უნარების განვითარების იდეებზე.კონფერენციაზე დასწრება შეუძლია ნებისმიერ დაინტერესებულ მასწავლებელს. დასასწრებად, აუცილებელია შეავსოთ სარეგისტრაციო ფორმა. გთხოვთ გაითვალისწინოთ, ადგილების რაოდენობა შეზღუდულია.

1787220770

კონცერტზე დასასწრები ბილეთები ხელმისაწვდომია ბმულზე.თითოეული ცეკვა საკუთარ თავში საქართველოს სხვადასხვა კუთხის ისტორიასა და ხასიათს აერთიანებს - ქართული ცეკვის მოძრაობები ბუნებრივად იბადება საქართველოს კუთხეებში, ყოველდღიურობასა და შრომაში, რომელიც შემდეგ სცენაზე ცოცხლდება. ახლა კი კამპანიის ფარგლებში, ეს ისტორიები ქუთაისის სცენაზე შესრულდება.კამპანიის მიზანია, სუხიშვილები იმ ადგილებს დაჰბრუნებოდნენ, სადაც ქართული ცეკვის ფესვებია. საქართველოს შემოქმედება, რომელიც არ ჩერდება - და სცენა, რომელიც მთელ საქართველოს ეკუთვნის.სუხიშვილები - „ცეკვაში თქმულნი“. საქართველოს ბანკი სუხიშვილების გენერალური სპონსორია.მეტისთვის ნახეთ ვიდეო.

1787220436