ბიზნესმენი თემურ უგულავა გარდაიცვალა

ფესტივალის ათასობით სტუმარს შესაძლებლობა მიეცა, ქართულ სტენდზე 12 დასახელების  ღვინო დაეგემოვნებინა.სამდღიანი ფესტივალის ფარგლებში, ჩატარდა ქართული ღვინის პროფესიული პრეზენტაცია-დეგუსტაცია „8’000 Years in 8 Glasses“, რომელსაც კომერციული სექტორის წარმომადგენლები და მომხმარებლები დაესწრნენ. დეგუსტაციას ამერიკელი სომელიე, ღვინის ჟურნალისტი ერიკ სეგელბაუმი (Eric Segelbaum) უძღვებოდა. ქართული ღვინო ასევე წარდგენილი იყო ორ მასტერკლასზე, რომელიც ღვინის სფეროში ერთ-ერთმა ყველაზე გავლენიანმა ჟურნალისტმა და ექსპერტმა ვანდა მენმა (Wanda Mann) ჩაატარა.ფესტივალის ერთ-ერთი სპონსორი ღვინის ეროვნული სააგენტო იყო.„ასპენის ფესტივალში მონაწილეობა მნიშვნელოვანია ქართულ ღვინოზე მოთხოვნის ზრდისთვის. აშშ-ის ღვინის ბაზარზე მაღალია როგორც ხარისხის მოთხოვნები, ისე კონკურენციის დონე. ბოლო წლებში, ღვინის ეროვნული სააგენტოს მხარდაჭერით განხორციელებულმა არაერთმა მარკეტინგულმა ღონისძიებამ მნიშვნელოვნად შეუწყო ხელი ქართული ღვინის ცნობადობის ზრდას ამერიკის ბაზარზე, რომელიც ქართული ღვინისთვის ერთ-ერთ ყველაზე მაღალფასიან სეგმენტს წარმოადგენს, სადაც ერთი ლიტრი ქართული ღვინის საშუალო საექსპორტო ფასი დაახლოებით 6 აშშ დოლარს შეადგენს“, - აღნიშნა ღვინის ეროვნული სააგენტოს თავმჯდომარის მოადგილემ, თამთა ყველაიძემ.აშშ-ში ქართული ღვინის მარკეტინგულ კამპანიას ღვინის ეროვნულ სააგენტო უმსხვილეს ამერიკულ მარკეტინგულ კომპანია Colangelo&Partners-თან თანამშრომლობით ახორციელებს. კამპანიის ფარგლებში, აშშ-ის სხვადასხვა ქალაქში, ღვინის პროფესიონალებისა და ღვინით ვაჭრობის სფეროს წარმომადგენლებისთვის დეგუსტაცია-სემინარები იმართება; ქართული ღვინო წარმოდგენილია საერთაშორისო გამოფენებზე; მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში, რაც ხელს უწყობს ქართული ღვინის უკეთ გაცნობასა და პოპულარიზაციას ამერიკულ ბაზარზე.

1782117670

მობაილბანკის ახალი ფუნქციონალის დახმარებით, მეგობრის მოწვევა მარტივად შეგიძლია - იპოვე მოსაწვევი ბმული მობაილბანკის პროფილის განყოფილებაში, გაუზიარე მეგობარს და ერთად მიიღეთ საჩუქარი ერთგულ ყულაბაში.საჩუქრის მისაღებად, მოწვეულმა მეგობარმა უნდა გაიაროს მობაილბანკის რეგისტრაცია, მიიღოს უფასო თიბისი ბარათი და შემდეგ, შეასრულოს მინიმუმ 5 ლარის ღირებულების ერთი გადახდა. გადახდა შესაძლებელია როგორც ფიზიკურ, ისე ონლაინ ტერმინალზე; ასევე, უშუალოდ მობაილბანკიდან - გადახდების გვერდზე განთავსებული სერვისებით, მაგალითად, კომუნალური გადასახადების გადახდით ან მობილურის ბალანსის შევსებით.პირობის შესრულების შემდეგ, როგორც მოწვევის გამომგზავნი, ისე ახალი მომხმარებელი მიიღებთ 8 ლარს ერთგულ ყულაბაში.შეგიძლია მოიწვიო საქართველოს ნებისმიერი სრულწლოვანი მოქალაქე, რომელსაც აქამდე თიბისის მობაილბანკით არ უსარგებლია. მოწვეულ მეგობართა რაოდენობა შეზღუდული არ არის - რაც უფრო მეტ ადამიანს გააცნობ მობაილბანკის შესაძლებლობებს, მით მეტ საჩუქარს მიიღებ.როგორც თიბისის მობაილბანკის სხვა განახლებული ფუნქციონალები, მეგობრების მოწვევის ფუნქციონალიც იმ მთავარ მიზანს ემსახურება, რომ ჩვენს მომხმარებლებს ყოველდღიურობა გავუმარტივოთ. მობაილბანკის განვითარებით, ვქმნით გამოცდილებას, რომელიც მომხმარებლებს საშუალებას აძლევს, ფინანსური სერვისები კიდევ უფრო მარტივად მიიღონ და შესაძლებლობები ერთმანეთს გაუზიარონ.თვითონ სცადე - მოიწვიე მეგობარი.

1782110100

თემურ უგულავას სახელთან არის დაკავშირებული საქართველოში "ჰოლიდეი ინნის" შემოყვანა. შემდეგ კი მის მიერ დაფუძნებული "აჭარა ჯგუფის" ქოლგის ქვეშ სასტუმროების ქართული ბრენდები "რუმსი" და „სტამბა“ შეიქმნა.

1782109850

საქმე ეხება მიმდინარე კონფლიქტს ნათია ჯანაშიასა და 70%-იანი წილის მფლობელ „საქართველოს განათლების ჯგუფს“ შორის, რომელიც 2024 წელს, ჯანაშიას დირექტორობიდან გათავისუფლების შემდეგ დაიწყო. პროცესის მიმდინარეობისას, საზოგადოებრივი ორგანიზაციების მხრიდან არაერთხელ გამახვილდა ყურადღება დავაში არასრულწლოვნების არამართლზომიერი ჩართვის მცდელობებზე. აფბამ არაერთხელ განაცხადა არასრულწლოვანების უფლებების დარღვევაზე და მიაწოდა ინფორმაცია ბავშვთა უფლებების დაცვის ორგანიზაციებს. ამის მიუხედავად, ნათია ჯანაშიამ კვლავ დაუშვა მძიმე შეცდომა და ბიზნესდავისადმი მიძღვნილ პოსტში სხვისი მცირეწლოვანი შვილებისფოტოსურათები მშობლების ნებართვის გარეშე გამოაქვეყნა, რაც კრიტიკის საფუძველი გახდა დამოგვიანებით თავად ჯანაშიამ საერთოდ წაშალა ის ფოტო.წინა კვირას, ახალგაზრდა ფინანსისტთა და ბიზნესმენთა ასოციაციამ (აფბა), რომელიც აღნიშნული დავისმონიტორინგს ახორციელებს, დადებითად შეაფასაჯანაშიას გადაწყვეტილება. ასოციაციის განცხადებით, საკუთარ კონტროლირებად გამოცემებსა და საჯარო სივრცეში შვილების უცხო ქვეყნის მოქალაქეობისა და სხვა პირადი ინფორმაციის წინ წამოწევის შეწყვეტა მნიშვნელოვანი პრეცედენტია, რადგან ქართული ბიზნესდავების ისტორიაში უპირატესობის მოსაპოვებლად მცირეწლოვანი ბავშვების გამოყენების პრაქტიკა არასოდეს ყოფილა და ეს დაუშვებელი მეთოდები ჯანაშიას გარდა არავის გამოუყენებია. ოფიციალური მონიტორინგის ფარგლებში, აფბა აგრძელებს დავისა და მისი თანმდევი პროცესების მეთვალყურეობას როგორც საქართველოში, ისე დიდ ბრიტანეთში. განსაკუთრებული ყურადღება დაეთმობა ბავშვების ინტერესების დაცვას და სამართლებრივი რეციდივების პრევენციას, რადგან საჯარო გამოხმაურებები აჩვენებს, რომ ამ ნაბიჯს პოზიტიური რეაქცია ჰქონდა საზოგადოების მხრიდანაც. „მოხდა სამწუხარო ფაქტიც, როგორც ჩანს მიღებული გადაწყვეტილების შესახებ ნათია ჯანაშიამ არ აცნობა საკუთარ ადვოკატს, ბატონ ტარიელ კაკაბაძეს, რომელმაც გავრცელებულ ვიდეომიმართვაში მოახდინა ნათია ჯანაშიას არასრულწლოვანი შვილების იდენტიფიცირება და მოიხსენია ისინი სახელებით. ეს პირველი შემთხვევა არ არის, როდესაც ბავშვების პერსონალური მონაცემების გამჟღავნება ნათია ჯანაშიას, მისი წარმომადგენელბისა და მის მიერ კონტროლირებადი გამოცემებით ხდება, რაც დაუშვებელია. კიდევ ერთხელ გვინდა მოვუწოდოთ მათ, რომ დაიცვან სიფრთხილე ბავშვების პერსონალური მონაცემების გამჟღავნების კუთხით და განუხრელად მიყვნენ ქართულ კანონდმებლობას, მიუხედავად იმისა, რომელი ქვეყნის მოქალაქეები არიან მათი შვილები,“ - ამბობს ბაჩანა ჯინჭარაძე.ანალიტიკოსების აზრით, ნათია ჯანაშიას მხრიდან ტაქტიკის შეცვლა და ბავშვების საკითხის დისტანცირება გარდამტეხი მომენტია, თუმცა დავის ძირითადი ფინანსური და სამართლებრივი ასპექტები კვლავ მწვავე ფაზაში რჩება. სამართლებრივი და საჯარო კონტექსტის პარალელურად, საქმეზე მიმდინარეობს აქტიური საგამოძიებო მოქმედებებიც.შეგახსენებთ, რომ საქართველოს ფინანსთა სამინისტროს საგამოძიებო სამსახურში აღძრულია სისხლის სამართლის საქმე ნათია ჯანაშიასა და მისი მეუღლის, დავით ცეცხლაძის მენეჯმენტში ყოფნის პერიოდში „ბრიტანულ-ქართული აკადემიის“ კუთვნილი განსაკუთრებით დიდი ოდენობის სახსრების მიტაცებისა და გაფლანგვის მუხლით. „საქართველოს განათლების ჯგუფის“ განცხადების საფუძველზე დაწყებული გამოძიების ფარგლებში, ავტორიტეტული საერთაშორისო აუდიტორული კომპანიის შეფასებით, საუბარია 4 მილიონი დოლარის ოდენობის სახსრების სავარაუდო მითვისებაზე.

1782106649

ვიზიტის ფარგლებში საქართველოს გარემოს დაცვისა და სოფლის მეურნეობის სამინისტროსა და ტაჯიკეთის რესპუბლიკის სოფლის მეურნეობის სამინისტროს შორის, სოფლის მეურნეობის სფეროში თანამშრომლობის შესახებ ურთიერთგაგების მემორანდუმი გაფორმდა.მემორანდუმს, რომლის მიზანსაც ქვეყნებს შორის სოფლის მეურნეობის სექტორში ორმხრივად სასარგებლო თანამშრომლობის განვითარება და გაღრმავება წარმოადგენს, ხელი საქართველოს გარემოს დაცვისა და სოფლის მეურნეობის მინისტრმა დავით სონღულაშვილმა და ტაჯიკეთის რესპუბლიკის სოფლის მეურნეობის მინისტრმა ქურბონ ჰაკიმზოდამ მოაწერეს.მემორანდუმი ითვალისწინებს თანამშრომლობას ისეთი მნიშვნელოვანი მიმართულებებით, როგორიცაა: მარცვლეულის წარმოება, მეცხოველეობა და მეფრინველეობა, მცენარეთა დაცვა დაავადებებისა და მავნებლებისგან, ერთობლივი სამეცნიერო-კვლევითი საქმიანობა, პროფესიული განვითარება, სოფლის მეურნეობის სფეროში სპეციალისტებს შორის გამოცდილების გაზიარება, ასევე ინფორმაციის გაცვლა და მონაწილეობა კონფერენციებში, სემინარებსა და გამოფენებში.მემორანდუმი ასევე ითვალისწინებს სოფლის მეურნეობის პროდუქციის ექსპორტის ზრდის ხელშეწყობას. ეკოტურიზმისა და აგროტურიზმის სფეროებში თანამშრომლობის გაძლიერებას.

1781879809

მისივე თქმით,  პირველი კვარტლის ეკონომიკურ ზრდაში მნიშვნელოვანი პოზიტიური წვლილი შეიტანა ინფორმაციისა და კომუნიკაციების, ტრანსპორტის და დასაწყობების, ასევე ვაჭრობის, ჯანდაცვის და სხვა სექტორებმა. ვახტანგ ცინცაძის განცხადებით, არსებული მონაცემები კიდევ ერთხელ მეტყველებს იმაზე, რომ ბოლო თვეების და წლების განმავლობაში დაფიქსირებული საქართველოს ეკონომიკური ზრდის ტემპები შემდგომ პერიოდშიც გაგრძელდება.„საქართველოს მთავრობას საკმაოდ ამბიციური მიზნები აქვს ამ თვალსაზრისით. შესაბამისად, არაერთი მიმართულებით მიმდინარეობს მუშაობა, მათ შორის გამოვყოფდი იმ მნიშვნელოვან ცვლილებებს, რომელიც კერძო სექტორის დაფინანსების ზრდის მიმართულებით განხორციელდა - შეიქმნა ეკონომიკური განვითარების კორპორაცია, რომელსაც საკმაოდ ამბიციური გეგმები აქვს. ასევე მოსალოდნელია მსხვილი ინფრასტრუქტურული პროექტების დაჩქარება, რაზეც საქართველოს მთავრობას კონკრეტული, ვადებში გაწერილი გეგმა აქვს.  შესაბამისად, მნიშვნელოვანი ინფრასტრუქტურული პროექტები და ასევე კერძო სექტორის კონკურენტუნარიანობის ზრდის მიმართულებით გადადგმული ნაბიჯები ხელს უწყობს აღნიშნული ეკონომიკური ზრდის მიღწევას“, - განაცხადა ვახტანგ ცინცაძემ.ამასთან, პოზიტიური ტენდენციები გრძელდება საგარეო ვაჭრობის მიმართულებით, მინისტრის მოადგილე მათ შორის ხაზს უსვამს ადგილობრივი ექსპორტის კუთხით დაფიქსირებულ პოზიტიურ ტენდენციებს. კერძოდ, იანვარ-მაისის პერიოდში ადგილობრივი ექსპორტის ზრდამ 66%-ს გადააჭარბა და ფაქტობრივად, 2 მილიარდ აშშ დოლარს გაუტოლდა. ვახტანგ ცინცაძის შეფასებით, ადგილობრივი ექსპორტის ზრდა ნიშნავს, რომ საქართველოში წარმოებული პროდუქციის კონკურენტუნარიანობა საერთაშორისო ბაზრებზე მზარდია, რაც აღნიშნული მაჩვენებლებით დასტურდება.„მათ შორის, მნიშვნელოვანი ზრდა ფიქსირდება ჩინეთის მიმართულებით, კერძოდ, აღსანიშნავია, რომ ჩინეთში გაზრდილია სხვადასხვა პროდუქტების ექსპორტი. ასევე საკმაოდ მაღალი ზრდა ფიქსირდება თურქეთის, ევროკავშირის ქვეყნების, მათ შორის ბულგარეთისა და სხვა ქვეყნების მიმართულებით. ყოველივე ზემოაღნიშნული, რა თქმა უნდა, პოზიტიურად აისახება როგორც ეკონომიკური ზრდის მონაცემებზე, ასევე რეალურ ეკონომიკაში სამუშაო ადგილების შექმნასა და სხვა მაკროეკონომიკურ მაჩვენებლებზე“, - აღნიშნა მინისტრის მოადგილემ.ვახტანგ ცინცაძის განცხადებით, ეკონომიკური ზრდის და საგარეო ვაჭრობის კუთხით არსებული დადებითი ტენდენციები კიდევ ერთხელ ამყარებს მოლოდინს, რომ 2026 წელს საქართველოს ეკონომიკური ზრდის მაჩვენებლები იმაზე უფრო მაღალი იქნება, ვიდრე ამას სხვადასხვა საერთაშორისო საფინანსო ინსტიტუტები პროგნოზირებენ.

1781868475