რუმინეთი უკრაინის საზღვართან ბომბის თავშესაფრებს აშენებს

“საქართველოში საწვავზე ფასებმა 5-დან 8 თეთრამდე დაიწია, ჩემი მოლოდინია...

იობაშვილის თქმით, 5 თვეა საქართველოში ფასებზე განსაკუთრებული რყევები არ შეინიშნებოდა და ფასები საკმაოდ სტაბილური იყო.“ფასებს მსოფლიო სანავთობო ბაზარი აწესებს, საერთაშორისო პლაცები, ოპეკის ქვეყნები. გვინდა, თუ არ გვინდა, ამას გლობალურად მსოფლიო სანავთობო ბაზრები განაგებს. რაც შეეხება სიტუაციას ჩვენთან: 5 თვეა საქართველოში ფასებზე განსაკუთრებული რყევები არ შეინიშნებოდა. ფასები საკმაოდ სტაბილური იყო. დღეს, მსოფლიო სანავთობო ბაზრებზე ფასთა კლება დაიწყო. საქართველოში ფასების დაწევა 5-დან 8 თეთრამდე მოხდა. წინდაწინ პროგნოზირებად განცხადებას ვერავინ გააკეთებს, არავინ იცის, არც შეიძლება, იცოდეს, რა იქნება ხვალ, ზეგ, ახლო მომავალში.იქიდან გამომდინარე, რომ გეოგრაფიულად ძალიან კარგი მდებარეობა გვაქვს, ირგვლივ ბევრი სანავთობო ქვეყანა გვყავს, ჩემი მოლოდინია, რომ ფასების კლება ცოტათი კიდევ შეიძლება, მოხდეს, ალბათ მომდევნო დღეებში. ამას ყველაფერს ვაკვირდებით. არა მარტო სანავთობო ფასებს ვაკვირდებით, არამედ დოლარის და ლარის ურთიერთობას, მთლიანობაში ამ ფინანსური მონაცემებიდან ამა თუ იმ კომპანიაში ფასები ყალიბდება” – განაცხადა ვახტანგ იობაშვილმა.მანვე განმარტა, რომელი ქვეყნებიდან შემოდის საქართველოში ამჟამად საწვავი.“კითხვა გექნებათ, ახლო აღმოსავლეთში ძალიან დაძაბული სიტუაციაა და რა შეიძლება, მსოფლიო სანავთობო ბაზრებს ელოდებოდეს. რომ გითხრათ რომ არაფერი, მაშინ ეს მართალი არ იქნება. არაბული ქვეყნები, სუეცის არხი, წითელი ზღვა, ლიბია – უზარმაზარი სანავთობო ქარხნებია, აქედან წამოსული ნავთობი მსოფლიო ბაზარს ხომ დააკლდება? არ შეიძლება, ამან გავლენა არ იქონიოს. ომს კარგი არაფერი მოაქვს. როგორც პროფესიონალმა მეზღვაურმა, მინდა, გითხრათ, რომ ცუდი ამინდიც კი მოქმედებს, როდესაც სუეცის არხზე ნავთობი გადმოდის, რომელიც გადასამუშავებლად მიდის, რომელიც შემდეგ მსოფლიო სანავთობო ბაზრებზე ღირებულებას, ფასებს ასახავს. ჩვენ გვშველის ის, რომ ძალიან კარგი კომპანიები გვყავს და მთავარი – საქართველოს გეოგრაფიული მდებარეობა. საწვავი ძალიან შორიდან არ მოგვაქვს.რუსეთის ბაზარი პროგნოზირებადი არაა. გვაქვს ინფორმაცია, რომ ახალ წლამდე ბენზინს არ გვაძლევენ. სამაგიეროდ, აძლევენ აფხაზეთს, სამაჩაბლოს, აზიური ქვეყნების წარმომადგენლებს. მაგრამ, საწვავს გვაძლევს ბელარუსია, რუმინეთი, ბულგარეთი, საბერძნეთი, შუა აზიაც. მაგრამ, შუა აზიური საწვავი ვერ პასუხობს იმ სტანდარტებს, ხარისხს, რაც ქვეყანაში გვაქვს. მოგეხსენებათ, დღეისთვის “ევრო 5” სტანდარტი გვაქვს. აზერბაიჯანი დიზელზე უარს არ გვეუბნება, სტანდარტი “ევრო 5-ია”. ბენზინს კი ჯერ ვერ გვაძლევს. გადაიარაღება (ქარხნების), ფაქტობრივად, დასრულებულია, მაგრამ, მოგეხსენებათ, რამდენი კომისია მუშაობს, რომ “ევრო 5″ ჩვენთან წამოვიდეს. ანუ, რაღაც ტექნიკური საკითხებია, ალბათ, დარჩენილი. რა თქმა უნდა, შემდეგ შემოვა”, – განაცხადა იობაშვილმა.

რეფერენდუმის შედეგად, ყაზახეთში პირველი ატომური ელექტროსადგური აშენდებ...

კვირას, 6 ოქტომბერს, რეფერენდუმზე ამომრჩეველთა დაახლოებით 70%–მა დაუჭირა მხარი აეს–ის მშენებლობას.ყაზახეთის ცესკო რეფერენდუმის ოფიციალურ შედეგებს დღეს, 7 ოქტომბერს გამოაქვეყნებს.ყაზახეთის პრეზიდენტმა, ყასიმ ჟომართ თოყაევმა, რომელმაც თავისი პოზიცია რეფერენდუმზე დააფიქსირა, განაცხადა, რომ ეს იქნება დამოუკიდებელი ყაზახეთის ისტორიაში ყველაზე მასშტაბური პროექტი. მისი სურვილია, რომ აესი მსოფლიო კომპანიების კონსორციუმმა ყველაზე თანამედროვე ტექნოლოგიებით ააშენოს ატომური სადგური. სადგურის მშენებლობაზე კონტრაქტის მოსაპოვებლად ფრანგული, რუსული, ჩინური და სამხრეთ კორეული კომპანიები იბრძვიან.შეგახსენებთ, რომ ყაზახეთი, რომელიც ურანის მსოფლიოში უმსხვილესი ექსპორტიორია, ელექტროენერგიის მწვავე დეფიციტს განიცდის. ატომური ელექტროსადგურის მშენებლობა ქვეყნის ენერგეტიკაში შექმნილ რთულ ვითარებას რადიკალურად შეცვლის. მშენებლობას მოწინააღმდეგეებიც ჰყავს. ესენი არიან ეკოლოგები და სამოქალაქო აქტივისტები, რომლებიც ამბობენ, რომ სამომავლოდ სადგურის ექსპლუატაციიდან გამოყვანას უზარმაზარი სახსრები დასჭირდება.მოწინააღმდეგეები იმასაც ამბობენ, რომ აეს–ის მშენებლობის იდეა ყაზახეთის ხელისუფლებამ მხოლოდ რუსეთის ინტერესებიდან გამომდინარე განავითარეს. 

საქართველოში საწვავმა გაიაფება დაიწყო და ტენდენცია ახლო მომავალშიც გაგ...

მსოფლიოსა და საქართველოში ნავთობპროდუქტები იაფდება. ტენდენცია, რომელიც ბოლო პერიოდში შეიმჩნევა, მართლაც დადებითია და მომავლის პერსპექტივაც ისეთივეა, როგორც ბაზრებზე დღეს არსებული სიტუაციაა. საწვავი როგორც საერთაშორისო ბაზარზე, ისე საქართველოშიც გაიაფდება.ბოლო დღეებში საქართველოს საცალო ქსელში ბრენდირებულ ავტოგასამართ სადგურებზე საწვავის ფასმა, საშუალოდ, 5-8 თეთრით დაიკლო. ნავთობ პროდუქტების იმპორტიორთა კავშირის ინფორმაციით, დღეისათვის, საწვავის საშუალო ფასები ბრენდირებულ გასამართ სადგურებზე შეადგენს: "რეგულარის" ტიპის ბენზინი - 2,95-3,17 ლარი ღირს, "პრემიუმის" ტიპის ბენზინი - 3,13-3,32 ლარი, "სუპერის" ტიპის ბენზინი - 3,58-3,71 ლარი, ევრო დიზელი - 3,21-3,33 ლარი, დიზელის საწვავი - 3,21-3,26 ლარი.საქართველოს ბაზარზე არსებულ სხვადასხვა ბრენდის გასამართ სადგურებზე აპრილის ბოლო დეკადის შემდეგ საწვავის ფასი ძირითადად უცვლელი იყო.საწვავის იმპორტიორი და რეალიზატორი ზოგიერთი კომპანიის ვებგვერდზე გამოქვეყნებული ფასების არქივი საწვავის ღირებულებაზე დაკვირვების საშუალებას იძლევა გავიგოთ, რომელ ქსელში, რამდენით და როდის შეიცვალა ფასი. შესაბამისად, 'ვისოლმა” გასამართი სადგურების ქსელში საწვავის ფასების ბოლოს 23 სექტემბერს, ხოლო 'გალფის” ქსელში 27 სექტემბერს შეიცვალა. სხვა ბრენდირებულ გასამართ სადგურებს საწვავის ფასის შემცირების თარიღი მითითებული არ აქვთ.რაც შეეხება მსოფლიო ტენდენციას. ნავთობპროდუქტები იაფდება საერთაშორისო ბაზრებზეც და მაგალითად, ბრენტის ტიპის ნედლი ნავთობის ღირებულება 71 დოლარის ფარგლებშია. გლობალურ ბაზრებზე გაიაფების ტენდენცია უკვე რამდენიმე თვეა გრძელდება, საქართველოში კი ტენდენცია ბოლო პერიოდში გამოიკვეთა.გაიაფების მიზეზებზე "რეზონანსთან" ისაუბრა ნავთობ პროდუქტების იმპორტიორთა კავშირის თავმჯდომარემ ვახტანგ იობაშვილმა და დაადასტურა, რომ საცალო ქსელში ფასის შემცირების მოლოდინი კიდევ არსებობს."კავშირის საიტზე გამოვაქვეყნეთ ახალი ინფორმაცია, სადაც აღნიშნულია, რომ საქართველოს შიდა ბაზარზე ყველა ბრენდირებულ კომპანიებზე 5-დან 8-თეთრამდე შემცირდა საწვავის ფასი. ამის გამომწვევი მიზეზი არის ის, რომ საერთაშორისო ბაზარზე ნავთობპროდუქტების ღირებულების კლება დაიწყო.ჩვენ ამის მოლოდინი გვქონდა და არა მხოლოდ სანავთობო ბაზრების მდგომარეობას ვაკვირდებოდით, ასევე დოლარისა და ლარის გაცვლით კურსს. ამ ყველაფერზე შექმნა ის რეალობა, რაც მივიღეთ საქართველოს შიდა ბაზარზე. საწვავმა დაიწყო გაიაფება და მაქვს იმედი, რომ ეს ტენდენცია გაგრძელდება. ყოველ შემთხვევაში, ჩვენ ამის მოლოდინი გვაქვს”, - განუცხადა "რეზონანსს” ვახტანგ იობაშვილმა და დასძინა, რომ წლის ბოლომდე რუსეთიდან ბენზინის შესყიდვა კვლავაც აკრძალულია, თუმცა გაიაფების ტენდენცია შიდა ბაზარზე მაინც სახეზეა."როგორც ცნობილია, ახალ წლამდე რუსეთის ბაზარი ჩაკეტილია და ჩვენ მათგან ბენზინს ვერ შევისყიდით. ვიღებთ დიზელის საწვავს, თხევად გაზს, მაგრამ ამჟამად ვერ ვყიდულობთ ბენზინს, რადგან ეს მათი პრემიერ-მინისტრის განკარგულებაა. აქვე უნდა ითქვას, რომ არ არის ჩაკეტილი აფხაზეთისა და სამაჩაბლოს მიმართულება. რუსეთიდან ჩვეულებრივად იგზავნება საწვავი ცხინვალსა და აფხაზეთში”, - განუცხადა "რეზონანსს” ვახტანგ იობაშვილმა.რუსეთმა მსგავსი აკრძალვა უკვე რამდენჯერმა დააწესა. თითქმის ბოლო ორი წელია, ხან ბენზინის შესყიდვაა შეჩერებული, ხანაც დიზელის. ამის გამო საქართველოს სხვა ბაზრებზე გადართვა მოუწია, თუმცა, როგორც ნავთოპროდუქტების ბიზნესში ჩართული სუბიექტები აცხადებენ, მათი ათვისება მარტივად მოხდა.საქართველოს საბითუმო ბაზარზე არსებულ სიტუაციაზე გაამახვილა ყურადღება კომპანია 'სენტა პეტროლეუმის” დამფუძნებელმა ზაალ იაკობიძემ და აღნიშნა, რომ როგორც 1 ლიტრი ბენზინის, ისე დიზელის ღირებულება 2.33-2.35 ლარის ფარგლებშია."ბოლო პერიოდის ტენდენცია ფასების კლებისკენაა მიმართული. საქართველოს საბითუმო ბაზრის ფასი 2.33-2.35 ლარი ფარგლებშია, როგორც დიზელზე, ისე ბენზინზეც. აქაც კლება შეინიშნება, რაც საერთაშორისო ბირჟაზე ღირებულების შემცირებას უკავშირდება. ე.წ. "პლატცის" მონაცემების მიხედვით, მცირდება ერთ ტონა საწვავზე ფასი, რაც შესაბამისად აისახა საქართველოს საცალო ქსელშიც.თუ არ ვცდები 1-ელ ნოემბრამდე აქვს რუსეთს ბენზინის ბაზარი დაკეტილი, მაგრამ შესაძლოა, ადრე გაიხსნას ან გაგრძელდეს შეზღუდვა. რუსეთში ხშირად მიიღება მსგავსი გაუთვალისწინებელი ცვლილებები. ასე რომ, წინასწარ რაიმეს პროგნოზირება რთულია. თუ რუსეთიდან მოწოდება აღდგება, მაშინ იაფი ბენზინის შემოტანა ქვეყანაში ისევ დაიწყება”, - განუცხადა "რეზონანსს” ზაალ იაკობიძემ. წყარო: resonancedaily.com

თხევადი გაზის ნახტომისებურად გაძვირების საფუძველი არ არსებობდა

საავტომობილო თხევადი გაზის გაძვირების ტენდენცია ოდნავ შეიცვალა, თუმცა კვლავ მაღალ მაჩვენებელზეა. ამ ტიპის საწვავის ძირითადი უპირატესობა ფასია, თუმცა მძღოლებისთვის დიდი შეღავათი არ არის. როგორც საფასო დინამიკა აჩვენებს, თხევადი გაზის ფასი ბოლო დრომდე განუხრელად იზრდებოდა და ფაქტობრივად, ბენზინის ღირებულებას მიუახლოვდა. სპეციალისტები ფიქრობენ, რომ "ელპიჯის" გაძვირება მიზანმიმართულად ხდება და ბაზარზე ხელოვნური ჩარევაა.ანალოგიური მოსაზრებისაა ნავთობპროდუქტების იმპორტიორთა კავშირის ხელმძღვანელი ვახტანგ იობაშვილი, რომლის ინფორმაციითაც, მეზობელ ქვეყნებში არანაირი დეფიციტი არ იყო და ბაზარზე ადგილი ჰქონდა გარკვეულ ჩარევას, რამაც ფასების არასასურველი კორექტირება გამოიწვია.,,უამრავ მიზეზს ასახელებენ, რომ თხევადი აირის გაძვირება გამართლდეს, მათ შორის, ქარხნების აფეთქება, დეფიციტი და სხვა. იმპორტიორების სახელით ახლა ვრცელდება განცხადება, რომ  დეფიციტის აღმოფხვრა დაიწყო და ამან პროდუქტის გაიაფება გამოიწვია. ვრჩები ჩემს აზრზე და ვაცხადებ, რომ არანაირი ქარხნების აფეთქება არ მომხდარა. საუბარია ნოვოროსიისკისა და კრასნოდარის მხარეში მდებარე ქარხნებზე. ნამდვილად არ მომხდარა ისეთი რამ, რასაც შეეძლო საბითუმო ფასების მკვეთრი ზრდა გამოეწვია.გამოითქვა მოსაზრება, რომ ლარსის საბაჟოზე თხევადი აირი შეყოვნებით შემოდის, რასაც ნაკლებად ვიზიარებ. გზებზე დაყოვნება შეიძლება მოხდეს საცობების გამო, ვინაიდან გზის სარეაბილიტაციო მიმდინარეობს. არსებული კანონმდებლობით, ცეცხლსაშიში პროდუქტის დაყოვნება არ შეიძლება.რაც შეეხება საწვავის ფასს რუსეთში ის ბევრად ნაკლებია და ეს ეხება სწორედ "ელპიჯის", რომელიც  ძალიან იაფია და იქ არანაირი გაძვირება არ შეინიშნება. ამას აქვს თავისი ახსნა, ვინაიდან რუსეთი სანავთობო ქვეყანაა, ჩვენ იმპორტს ვეწევით, რასაც ემატება აქციზი, რომელი თხევად აირზე 300 ლარია. ეს ყველაფერი ფასს ზრდის, მაგრამ არა იმ დონეზე, რასაც ბოლო თვეების განმავლობაში ვხედავდით.თავის დროზე ამ საწვავზე მაღალი მოთხოვნა სწორედ ფასით იყო განპირობებული, რადგან მძღოლებისთვის ბენზინის საუკეთესო ალტერნატივად მიიჩნეოდა. სანამ თხევად გაზზე აქციზის გადასახადს დააწესებდნენ, საკმაოდ იაფიც ღირდა.როცა საუბარია გაძვირების  გამომწვევ მიზეზზე, იმპორტიორების ნაწილის პოზიციას ნამდვილად ვერ გავიზიარებ. ჩვენც ვფლობთ ინფორმაციას, როგორია მოწოდება, რა სიტუაციაა ბაზარზე და ამის საფუძველზე ვაცხადებთ, რომ გაძვირების წინაპირობები არ არსებობს. ეს ხელოვნურად შექმნილი ვითარებაა, მაგრამ ამის დადასტურება ჯერჯერობით არ შეგვიძლია, ვინაიდან სფერო ნაკლებად კონტროლირებადია", - აღნიშნა ვახტანგ იობაშვილმა ,,ბიზნეს-რეზონანსთან" საუბრისას.ნავთობპროდუქტების იმპორტიორთა კავშირის ხელმძღვანელმა თხევადი აირის ხარისხზეც გაამახვილა ყურადღება. მისი თქმით, ვინაიდან კონტროლი არ ხდება და არ მოწმდება ამ საწვავის ხარისხი, უცნობია, რა ხარისხის პროდუქტი შემოდის ქვეყანაში, რამდენად დაცულია მომხმარებელი.,,სრული პასუხისმგებლობით მინდა გითხრათ, რომ საქართველოში არ ხდება საავტომობილო თხევადი გაზის შემოწმება. არ ვიცით, რა ხარისხის და შემადგენლობისაა შემოტანილი პროდუქტი. ეკოლოგებმა უნდა წამოჭრან პრობლემა და განიხილონ ეს საკითხი, ვინაიდან რეალურად დიდი პრობლემაა. ამ მხრივ არანაირი შემოწმება არ მიმდინარეობს. თუ უნდა შემოწმდეს ბენზინისა და დიზელის საწვავი, არ მესმის, რატომ არ მოწმდება თხევადი აირი? არ ვიცით, ქვეყანაში რა ხარისხის პროდუქტი შემოდის,უზარმაზაროი ნავთობპროდუქტების გადამამუშავებელი ქარხანაა ვოლგოგრადში, ჩრდილო ოსეთში და სანამ ჩვენთან მოვა, ეს უკვე მეორე ან მესამე "ხელია", ამიტომ აუცილებელია მისი ხარისხის შემოწმება. როდესაც ვაანონსებთ, რომ ევროპა პრიორიტეტია, მაშინ ხარისხი მაქსიმალურად უნდა კონტროლდებოდეს. არსებობენ პროფესიონალები, ყოფილი ლაბორატორია, რომელიც თხევად აირზე დაკვირვებებს აწარმოებს. ევროკავშირის სტანდარტი მოითხოვს უსაფრთხოებას და ყველაფერი უნდა გავაკეთოთ ამ სტანდარტის დასანერგად", - დასძინა ვახტანგ იობაშვილმა.სპეციალისტები ფიქრობენ, რომ თხევადი აირის გაიაფების ტენდენცია განსაკუთრებით დეკემბრიდან გამოიკვეთება. ანალიტიკოს ნიკა შენგელიას ინფორმაციით, მოსალოდნელია, რომ ფასი 25-35 თეთრის ფარგლებში კიდევ დაიწევს, რაც სეზონური ფაქტორით იქნება გამოწვეული."დღეს თხევადი გაზი შემოდის რუსეთიდან უშუალოდ ლარსის გამშვები პუნქტის გავლით და ასევე აზერბაიჯანიდან.  ბოლო დროს ტენდენცია შეიცვალა და რუსეთში ფასი იკლებს. ჩვენთან კი გაძვირდა იმიტომ, რომ კარტელი ჩამოყალიბდა. ადგილობრივ ბაზარზე ხელოვნურ გაძვირებას შეუწყვეს ხელი, გადამზიდავებს ვერ შემოჰქონდათ დროულად და გარკვეული დეფიციტი იყო, ამანაც განაპირობა გაძვირება.ბოლო 3 თვის განმავლობაში ფასი 75 თეთრით არის გაზრდილი, ეს ძალიან დიდი ნახტომია, ახლა შემცირდა, მაგრამ მაინც მაღალ ნიშნულზეა. კონკურენციის სააგენტოს გადავეცით ჩვენი მასალები, მაგრამ ჯერჯერობით რეაგირება არ არის.  სავარაუდოდ, დეკემბრიდან ფასი დაიწევს, მაგრამ ეს უფრო სეზონური ფაქტორით იქნება განპირობებული. ველოდები, რომ თხევადი გაზი დაახლოებით 25-35 თეთრის ფარგლებში გაიაფდება", - განუცხადა ანალიტიკოსმა ,,ბიზნეს-რეზონანსს".რაც შეეხება კარტელს, შენგელიას ინფორმაციით, სპეციალური კვლევის საფუძველზე დადგინდა, რომ ადგილი აქვს სხვადასხვა სახის დარღვევას, რაც საბოლოოდ თხევადი გაზის ბაზარზე ნეგატიურად აისახება და ფასის ზრდას უწყობს ხელს.აღსანიშნავია, რომ 2015 წელს თხევადი გაზის აქციზი ერთ ტონაზე 120 ლარს შეადგენდა, 2017 წლის 1-ლი აგვისტოდან კი აქციზი 180 ლარით გაიზარდა და 300 ლარი გახდა.დღესდღეობით გაზგასამართ სადგურებზე 1 ლიტრი თხევადი გაზი 1,65 ლარი ღირს.წყარო: resonancedaily.com

“გაზის მაღალ კომერციულ ტარიფს ვერ ვიხდით, დახურვის პირას ვართ”- სასათბ...

საქმე ის არის, რომ 2018 წლიდან დღემდე ბიზნესს გაზი 72%-ით გაუძვირდა. სატრანსპორტო დერეფნის კვლევის ცენტრის ინფორმაციით, კომერციული გაზის შესყიდვა 6 წლის წინ კერძო სექტორში თუ 75 თეთრად იყო შესაძლებელი, წელს ტარიფი 1.29 თეთრი გახდა.“ბიო მეურნეობაში არ შეიძლება გათბობისთვის მეორადი ზეთის, დიზელის გამოყენება, ამიტომ ბუნებრივ გაზზე ვიყავით დამოკიდებული. თავიდანვე ვიცოდით, რომ იქნებოდა სამომხმარებლო ტარიფი, მაგრამ აღმოჩნდა, რომ არის კომერციული ტარიფი, რამაც ფაქტობრივად პირველი წელი ძალიან დიდი ვალებით დაგვაწყებინა წარმოება.პირველივე წლის მერე დაგვილუქეს გაზის მრიცხველი, დავალიანება დაგროვდა, რასაც პერიოდულად ვიხდით. ბოლო ერთი თვის ინტერვალში სასამართლოში შეიტანეს საქმე. ჩვენ არ უარვყოფთ, დავალიანება გვაქვს, რადგან კომერციული ტარიფით მოვიხმარეთ, დაგვითვალეს ამ ტარიფით, რაზეც არ ვიყავით ინფორმირებული. დღეის მდგომარეობით, სასამართლოში გვაქვს საქმე.გადასახდელი გვაქვს და ეტაპობრივად ვიხდით, რადგან გვაქვს პარალელურად ქათმის ხორცის და კვერცხის წარმოება, საიდანაც შემოსული თანხით ვიხდით დავალიანებას პერიოდულად, მაგრამ მაინც გვიჩივლა კომპანიამ და ახლა ფაქტობრივად დახურვის პირას ვართ”, - ამბობს “ბოსტანის” დამფუძნებელი ბექა ბარჯაძე.BM.GE