ჩინეთის ხელისუფლებამ დააწესა პირდაპირი აკრძალვა შეერთებულ შტატებში იმ მასალების ექსპორტზე, რომლებიც მნიშვნელოვანია ნახევარგამტარული კომპონენტების წარმოებისთვის.
გალიუმის, გერმანიუმის, ანტიმონისა და ზემყარი მასალების ექსპორტი აკრძალულია, განაცხადეს სამშაბათს ჩინეთის ვაჭრობის სამინისტროში. პეკინი ასევე აპირებს უფრო მკაცრი კონტროლის შემოღებას გრაფიტის პროდუქტების გამოყენებაზე.
ეს გადაწყვეტილება იყო პასუხი ჩინეთის წინააღმდეგ ექსპორტის კონტროლის ახალ ზომებზე, რომელიც ვაშინგტონმა ერთი დღით ადრე გამოაცხადა, წერს Financial Times.
„ნაციონალური უსაფრთხოების დასაცავად, ჩინეთმა გადაწყვიტა გააძლიეროს ექსპორტის კონტროლი აშშ-ში ორმაგი დანიშნულების პროდუქტების მიწოდებაზე“, - აღნიშნავს სააგენტო.
გამოცხადებული ზომები დაუყოვნებლივ ამოქმედდება.
მოცემული მასალები გამოიყენება ჩიპებისა და ბატარეების, აგრეთვე სამხედრო და საკომუნიკაციო აღჭურვილობის კომპონენტების წარმოებაში.
გასულ წელს პეკინმა უკვე დააწესა შეზღუდვები გალიუმისა და გერმანიუმის ექსპორტზე, რამაც გამოიწვია ამ მასალების ფასის თითქმის გაორმაგება ევროპაში.
აშშ-ის გეოლოგიური სამსახურის შეფასებით, ჩინეთში მოდის გალიუმის წარმოების 98% და გერმანიუმის წარმოების 60%.
ერთი დღით ადრე, აშშ-ის პრეზიდენტის, ჯო ბაიდენის ადმინისტრაციამ შეუზღუდა ჩინეთს ამერიკული კომპანიების მიერ წარმოებული ჩიპების წარმოებისთვის აღჭურვილობის მიწოდება, მათ შორის საზღვარგარეთ.
გარდა ამისა, ახალი ექსპორტის კონტროლი ვრცელდება მაღალი გამტარუნარიანობის მეხსიერების (HBM) ჩიპების გადაზიდვაზე, რომლებიც მნიშვნელოვანი კომპონენტია AI ჩიპებისთვის, ჩინეთში.
