2012-2025 წლებში სოფლის მეურნეობის არაერთ მიმართულებაში წარმოებისა და პროდუქტიულობის მნიშვნელოვანი ზრდა დაფიქსირდა

რეზიდენტი იურიდიული პირებისათვის 2026 წლის აგვისტოს ბოლოს, ბანკებს ეროვნული ვალუტით გაცემული ჰქონდათ 11.20 მილიარდი ლარის (წინა თვესთან შედარებით 0.26%-ით მეტი), ხოლო უცხოური ვალუტით 21.57 მილიარდი ლარის (წინა თვესთან შედარებით 1.29%-ით მეტი) მოცულობის სესხი (გაცვლითი კურსის ეფექტის გარეშე, 1.45 %-ით მეტი).2026 წლის აგვისტოს განმავლობაში 1.28%-ით, ანუ 518.80 მილიონი ლარით გაიზარდა რეზიდენტი შინამეურნეობების სექტორის დაკრედიტების მოცულობა და აგვისტოს ბოლოსათვის 41.15 მილიარდი ლარი შეადგინა.2026 წლის  აგვისტოს ბოლოსათვის, მთლიანი სესხების ლარიზაციის კოეფიციენტმა 58.80% შეადგინა. წინა თვის ბოლო მდგომარეობასთან შედარებით, გაიზარდა 0.10 პროცენტული პუნქტით (გაცვლითი კურსის ეფექტის გამორიცხვით, გაიზარდა 0.07 პროცენტული პუნქტით).

1790344435

საქსტატის მონაცემებით, 2012-2025 წლებში არაერთი მნიშვნელოვანი სასოფლო-სამეურნეო პროდუქტის წარმოებამ მნიშვნელოვანი ზრდა აჩვენა. განსაკუთრებით თვალსაჩინოა მევენახეობისა და კაკლოვანი კულტურების მიმართულებები: ყურძნის წარმოება 144.0 ათასი ტონიდან 348.9 ათას ტონამდე, ხოლო თხილის წარმოება 24.7 ათასი ტონიდან 49.3 ათას ტონამდე გაიზარდა. შესაბამისად, აღნიშნულ პერიოდში ყურძნის წარმოება 142%-ით, ხოლო თხილის - თითქმის ორჯერ გაიზარდა.განსაკუთრებული დინამიკა შეინიშნება კაკლოვანი კულტურების საექსპორტო მიმართულებითაც. 2025/2026 მარკეტინგულ წელს, საქართველოდან ექსპორტირებული 18.5 ათასი ტონა თხილიდან 12.5 ათასი ტონა ევროკავშირის ქვეყნებში - იტალიაში, ესპანეთში, გერმანიაში, საფრანგეთში, საბერძნეთში, ჩეხეთსა და პოლონეთში გავიდა. 2025/2026 წელს კაკლოვანი ხილის ექსპორტის ღირებულებამ 188.5 მლნ აშშ დოლარი შეადგინა.ზრდის დინამიკა დაფიქსირდა სხვა მრავალწლოვან კულტურებშიც. კაკლის წარმოება 4.8 ათასი ტონიდან 7.8 ათას ტონამდე, ვაშლის - 45 ათასი ტონიდან 62.9 ათას ტონამდე გაიზარდა, ხოლო ხილის საერთო წარმოებამ, ყურძნისა და ციტრუსის გარდა, 157.9 ათასი ტონიდან 215.8 ათას ტონას მიაღწია.მნიშვნელოვანი ცვლილებებია მეცხოველეობის პროდუქტების წარმოებაშიც. 2012-2025 წლებში კვერცხის წარმოება 474 მილიონიდან 692.9 მილიონ ცალამდე გაიზარდა, ღორის ხორცის - 11.8 ათასი ტონიდან 32.8 ათას ტონამდე, ფრინველის ხორცის - 11.7 ათასი ტონიდან 25.6 ათას ტონამდე, ხოლო ძროხის ხორცის - 16.2 ათასი ტონიდან 24.2 ათას ტონამდე.განსაკუთრებული დინამიკა შეინიშნება მევენახეობა-მეღვინეობის მიმართულებით. 2025 წელს საქართველოში დაახლოებით 340 ათასი ტონა ყურძენი გადამუშავდა, რაც რეკორდული მაჩვენებელია. ღვინის სექტორის განვითარების დინამიკას წარმოებისა და ექსპორტის მაჩვენებლებიც მკაფიოდ აჩვენებს. 2012 წელს რთველის ფარგლებში მხოლოდ 52 ათასი ტონა ყურძენი გადამუშავდა და ღვინის მწარმოებელთა რეგისტრირებული რაოდენობა 40-მდე კომპანიას შეადგენდა. 2025 წლის რთველისთვის კი ღვინის მწარმოებლად უკვე 500-მდე კომპანია იყო რეგისტრირებული.ამასთან, მნიშვნელოვნად გაიზარდა ქართული ღვინის საექსპორტო ბაზრებიც. 2012 წელს ქართული ღვინო დაახლოებით 40 ქვეყანაში, 65 მლნ აშშ დოლარის ღირებულებით, იყო ექსპორტირებული, ხოლო 2025 წელს ექსპორტმა 71 ქვეყანას მიაღწია და 268 მლნ აშშ დოლარი შეადგინა.სოფლის მეურნეობის განვითარების ერთ-ერთი ახალი მიმართულება გახდა მოცვის წარმოება და ექსპორტი. მოცვი დღეს უკვე საქართველოს აგროსასურსათო ექსპორტის მნიშვნელოვანი ახალი პროდუქტია და ქართული პროდუქციის ახალი ბაზრების ათვისების შესაძლებლობას ქმნის.ამასთან, 2012-2025 წლებში პირველადი სოფლის მეურნეობის პროდუქციის გამოშვების ღირებულება თითქმის სამჯერ გაიზარდა. ამავე წლებში აგროსასურსათო პროდუქციის ექსპორტმა ოთხჯერმოიმატა და 1.8 მილიარდ აშშ დოლარს გადააჭარბა. ეს მონაცემები სოფლის მეურნეობის სექტორში მიმდინარე ეკონომიკური ცვლილებების მასშტაბსა და ქართული აგროსასურსათო პროდუქციის კონკურენტუნარიანობის ზრდაზე მიუთითებს.

1790344332

საინფორმაციო შეხვედრაში მონაწილეობა მიიღეს IT/ტექნოლოგიების, სამშენებლო და დეველოპერული, არქიტექტურისა და დიზაინის, სამედიცინო, საავტომობილო და სხვა სექტორებში მომუშავე კომპანიებმა.საერთაშორისო ბიზნესგამოფენა „საქართველო – უზბეკეთი: აბრეშუმის გზა“ 2026 წლის 7-8 ოქტომბერს ტაშკენტში, JW Marriott Tashkent-ში გაიმართება. ღონისძიების მთავარი ორგანიზატორია გაყიდვების ასოციაცია, ხოლო მისი ადგილობრივი პარტნიორები არიან The Europe-Uzbekistan Association for Economic Cooperation (EuroUZ) და უზბეკეთის სავაჭრო-სამრეწველო პალატა.გამოფენის მიზანია საქართველოსა და უზბეკეთს შორის ბიზნესკავშირების გაღრმავება, ქართული კომპანიებისთვის უზბეკეთის ბაზრის შესაძლებლობების გაცნობა და ახალი საერთაშორისო პარტნიორობების შექმნის ხელშეწყობა. ღონისძიება 2,000-მდე კორპორაციული სექტორის წარმომადგენელს უმასპინძლებს, ხოლო მასში სხვადასხვა ინდუსტრიის 50-მდე ქართული კომპანია მიიღებს მონაწილეობას.

1790344156

ამასთან, სოფლის მეურნეობის მონაცემების შედარებისას გასათვალისწინებელია, რომ 2016 წლიდან სასოფლო მეურნეობათა გამოკვლევის შერჩევის ბაზა განახლდა და 2014 წლის სასოფლო-სამეურნეო აღწერას დაეფუძნა. შესაბამისად, 2014 წლიდან მიღებული მონაცემების, 2006-2013 წლების მონაცემებთან პირდაპირ შედარება მეთოდოლოგიურად გამართლებული არ არის.„სოფლის მეურნეობის სექტორის დინამიკის შეფასებისას ცალკეული მაჩვენებლის ზრდა ან კლება სრულ სურათს ვერ ასახავს. სექტორში მიმდინარე ცვლილებები ერთდროულად მოიცავს პროდუქტიულობის ზრდას, მეურნეობების კომერციალიზაციას, წარმოების სტრუქტურის ცვლილებას, ეკონომიკური შედეგების გაუმჯობესებასა და საერთაშორისო ბაზრებზე ქართული პროდუქციის პოზიციების გაფართოებას”, - აღნიშნა გარემოს დაცვისა და სოფლის მეურნეობის მინისტრის მოადგილემ, ლაშა დოლიძემ.ბოლო წლებში რიგ კულტურებში ნათესი ფართობების შემცირების მიუხედავად, გაიზარდა მოსავლიანობა. მაგალითად, სიმინდის საშუალო საჰექტარო მოსავლიანობა 2012-2025 წლებში 2.4 ტონიდან 3 ტონამდე გაიზარდა, ხორბლის - 1.7 ტონიდან 2.9 ტონამდე, ხოლო კარტოფილის მოსავლიანობამ 2025 წელს ჰექტარზე 14-15 ტონას მიაღწია. ეს ნიშნავს, რომ დღეს შედარებით მცირე ფართობიდან უფრო მეტი პროდუქციის მიღებაა შესაძლებელი.ცვლილებები განსაკუთრებით თვალსაჩინოა მეცხოველეობის სექტორში. მსხვილფეხა რქოსანი პირუტყვის რაოდენობის შემცირების პარალელურად, ერთი ფურისა და ფურკამეჩის წლიური წველადობა 2012 წელს 1 256 ლიტრიდან 2025 წელს 1 716 ლიტრამდე გაიზარდა. ამავე პერიოდში ძროხის ხორცის წარმოებამ 16 ათასი ტონიდან 24 ათას ტონაზე მეტს მიაღწია. ეს ტენდენციები მიუთითებს პროდუქტიულობის ზრდაზე და სექტორის ეტაპობრივ გადასვლაზე უფრო კომერციულ წარმოებაზე.სოფლის მეურნეობაში თანდათან მცირდება თვითუზრუნველყოფაზე ორიენტირებული მცირე მეურნეობების წილი და იზრდება კომერციული და ინდუსტრიული წარმოების მნიშვნელობა. ეს პროცესი განსაკუთრებით მნიშვნელოვანია მეცხოველეობისა და რძის სექტორებისთვის, სადაც თანამედროვე წარმოების განვითარება მაღალი კაპიტალისა და ცოდნის საჭიროებას უკავშირდება.სექტორის განვითარების მნიშვნელოვანი მაჩვენებელია ეკონომიკური შედეგებიც. 2012-2025 წლებში პირველადი სასოფლო-სამეურნეო წარმოების გამოშვების ღირებულება თითქმის სამჯერ გაიზარდა, ასევე გაუმჯობესდა მეურნეობების მომგებიანობის მაჩვენებლებიც. 2015-2025 წლებში აგროსასურსათო პროდუქციის ექსპორტმა ოთხჯერ მოიმატა და 1.8 მილიარდ აშშ დოლარს გადააჭარბა. ამასთან, ქართული აგროსასურსათო პროდუქციის საექსპორტო ჩამონათვალს ახალი პროდუქტები, მათ შორის მოცვი, შეემატა და ქართული პროდუქცია ახალ ბაზრებზე დამკვიდრებას აგრძელებს.

1790343960

კამპანიის ფარგლებში, ჯამში 73,000 ლარი გათამაშდა - 63 მომხმარებელმა ყოველდღიური გათამაშების ფარგლებში 1,000 ლარი მოიგო, ხოლო ერთმა მომხმარებელმა სუპერპრიზი - 10 000 ლარი მიიღო.გათამაშებაში მონაწილეობის მისაღებად მომხმარებლებს მიღებული გზავნილი საქართველოს ბანკის მობილბანკით ან ინტერნეტბანკით უნდა გაენაღდებინათ. თითოეულ განაღდებულ 150 ლარზე მომხმარებელი გათამაშების ერთ ბილეთს იღებდა. გათამაშებაში ჩართვა საზღვარგარეთ მცხოვრებ მომხმარებლებსაც შეეძლოთ - ამისთვის მათ გზავნილი საკუთარ თავთან უნდა გამოეგზავნათ და თანხა მობილბანკის ან ინტერნეტბანკის საშუალებით გაენაღდებინათ.„გზავნილების გათამაშების ფარგლებში მომხმარებლებს შესაძლებლობა მივეცით, თანხის მიღებასთან ერთად, ფულადი პრიზებიც მოეგოთ. მოხარული ვართ, რომ კამპანიის ფარგლებში ჯამში 73,000 ლარი გავათამაშეთ და არაერთ მომხმარებელს დამატებითი სარგებლის მიღების შესაძლებლობა მივეცით. მომავალშიც გავაგრძელებთ ისეთი ინიციატივების შეთავაზებას, რომლებიც მომხმარებლებისთვის კიდევ უფრო მეტ შესაძლებლობას შექმნის“, - განაცხადა საქართველოს ბანკის ემიგრანტების საბანკო მომსახურების დეპარტამენტის დირექტორმა მარიამ ბექაურმა. ინფორმაციისთვის,საქართველოს ბანკის გზავნილები მომხმარებლებს საშუალებას აძლევს, თანხა სწრაფად, უსაფრთხოდ და კომფორტულად მიიღონ საკუთარ ანგარიშზე. სერვისი მობილბანკსა და ინტერნეტბანკშია ინტეგრირებული და მომხმარებლებს გზავნილის მიღებასთან ერთად, სტანდარტულთან შედარებით, უკეთესი კურსით კონვერტაციის შესაძლებლობასაც სთავაზობს.

1790343920

26 სექტემბერს, 18:00 საათზე, თიბისი კონცეპტის მულტიფუნქციურ სივრცეში ამირ კაკაბაძის შემოქმედებისადმი მიძღვნილი წიგნის პრეზენტაცია გაიმართება. გამოცემა ქართველი მხატვრის 85 წლის იუბილეს ეძღვნება და მისი მრავალფეროვანი შემოქმედებითი მემკვიდრეობის ერთ სივრცეში თავმოყრასა და ახალი თაობისთვის გაცნობას ემსახურება.წიგნი დავით კაკაბაძის ფონდმა, თიბისის მხარდაჭერით გამოსცა. გამოცემა აერთიანებს ამირ კაკაბაძის შემოქმედების მნიშვნელოვან ნაწილს და მკითხველს მხატვრის სამყაროსა და მის განსხვავებულ შემოქმედებით ხედვასთან კიდევ ერთხელ შეხვედრის შესაძლებლობას აძლევს.პრეზენტაციაზე წიგნის შესახებ ისაუბრებენ დავით კაკაბაძის ფონდის დირექტორი მარიამ კაკაბაძე, ხელოვნებათმცოდნეობის დოქტორი ხათუნა ხაბულიანი და მხატვარი მანანა არაბული.ამირ კაკაბაძე (1941–2015) - ქართველი მხატვარი, რომლის მრავალფეროვანი შემოქმედება აერთიანებს ფერწერას, გრაფიკას, კოლაჟსა და პოპ-არტს.  იგი ცნობილი ქართველი მხატვრების დავით კაკაბაძისა და  ეთერ ანდრონიკაშვილის ოჯახში დაიბადა.1967 წელს დაამთავრა თბილისის სამხატვრო აკადემია, შემდეგ კი სწავლა ასპირანტურაში გააგრძელა ფერწერისა და თეატრალურ-დეკორატიული ხელოვნების მიმართულებით .  სხვადასხვა წლებში მუშაობდა თეატრსა და კინოში, აფორმებდა სპექტაკლებსა და ფილმებს თბილისში და მოსკოვში.1965 წლიდან ამირ კაკაბაძე მონაწილეობდა საგამოფენო პროექტებში და მართავდა პერსონალურ გამოფენებს საქართველოში და მსოფლიოს სხვადასხვა ქვეყანაში. მისი ნამუშევრები წარმოდგენილია საქართველოსა და სხვადასხვა ქვეყნის მუზეუმებსა და კერძო კოლექციებში.საიუბილეო კატალოგის რედაქტორია მარიამ კაკაბაძე, ტექსტის ავტორი - ხათუნა ხაბულიანი, ხოლო ვიზუალური კონცეფციისა და დიზაინის ავტორია მანანა არაბული.დასწრება თავისუფალია!მისამართი: თიბისი კონცეპტი, მარჯანიშვილის #7, მე-4 სართული.

1790338440