„რეზერვების შევსების პროცესი გრძელდება. სებ-ის ნაბიჯები ადეკვატური და თანმიმდევრულია“, - გიორგი კაპანაძე

"მიკროსაფინანსო ორგანიზაციის მიერ საქართველოს კანონმდებლობის, მათ შორის, რისკის შეფასების თაობაზე ეროვნული ბანკის სამართლებრივი აქტით ან/და მიკროსაფინანსო ორგანიზაციის შიდა პოლიტიკა/პროცედურებით განსაზღვრული შესაბამისი რისკ ფაქტორების გათვალისწინების გარეშე კლიენტისათვის რისკის მინიჭების/გადაფასების 4 (ოთხი) ფაქტი, რაც წესის მე-3 მუხლის მე-3 პუნქტის „ვ“ ქვეპუნქტის შესაბამისად ითვალისწინებს მიკროსაფინანსო ორგანიზაციის დაჯარიმებას - 3,000 (სამი ათასი) ლარის ოდენობით, დარღვევის თითოეულ ფაქტზე. ამ პუნქტში ნახსენები დარღვევის ოთხი შემთხვევისათვის, სულ -12,000 (თორმეტი ათასი) ლარი;მიკროსაფინანსო ორგანიზაციის მიერ ერთ კლიენტთან მიმართებით მინიჭებული მაღალი რისკის ფარგლებში არ არის განხორციელებული „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მე-18 მუხლის პირველი პუნქტის „ე“ ქვეპუნქტით გათვალისწინებული პრევენციული ზომა, კერძოდ კი, მიკროსაფინანსო ორგანიზაციას არ მიუღია გონივრული ზომა კლიენტების ქონებისა და ფულადი სახსრების წარმომავლობის დასადგენად, რაც ხსენებული წესის მე-3 მუხლის მე-3 პუნქტის „ზ“ ქვეპუნქტის შესაბამისად ითვალისწინებს მიკროსაფინანსო ორგანიზაციის დაჯარიმებას - 3,000 (სამი ათასი) ლარის ოდენობით, თითოეულ კლიენტთან მიმართებით. დარღვევის ერთი შემთხვევისათვის, სულ - 3,000 (სამი ათასი) ლარი.მიკროსაფინანსო ორგანიზაციის მიერ ერთ კლიენტთან მიმართებით არ განხორციელებულა საქმიანობის არსის დადგენა, რაც წესის მე-3 მუხლის მე-3 პუნქტის „თ“ ქვეპუნტის შესაბამისად ითვალისწინებს მიკროსაფინანსო ორგანიზაციის დაჯარიმებას - 2,000 (ორი ათასი) ლარის ოდენობით, თითოეულ კლიენტთან მიმართებებით. დარღვევის ერთი შემთხვევისათვის, სულ - 2,000 (ორი ათასი) ლარი,"-აღნიშნულია სებ-ის მიერ გამოქვეყნებულ ინფორმაციაში. 

1736409635

ამ ფაქტს დადებითად აფასებს ,,აფბას" პრეზიდენტი გიორგი კაპანაძე და მიაჩნია, რომ არსებული მონაცემი კიდევ ერთხელ ადასტურებს სებ-ის მიერ გასულ თვეებში გადადგმული ნაბიჯების მართებულობას.„ნოემბერ-დეკემბერში საერთაშორისო სავალუტო რეზერვების 324 მილიონი დოლარით ზრდა კიდევ ერთხელ ადასტურებს, რომ გასულ პერიოდში  სებ-ის მიერ გადადგმული ნაბიჯები იყო გააზრებული, ადეკვატური და თანმიმდევრული. მით უფრო იმ ფონზე, როცა ქვეყანაში ეკონომიკური კრიზისის ნიშნებიც კი არ არსებობს.ნათლად გამოჩნდა  ისიც, რომ ლარის გაცვლითი კურსის სტაბილიზაციის მიზნით სებ-ის მიერ განხორციელებული რიგი ინტერვენციებიც ასევე გამართლებული იყო და ლოგიკურია, რომ სიტუაციის დასტაბილურების კვალდაკვალ, რეზერვების შევსებაც აქტიურად ხორციელდება.ასევე, ბოლომდე გაქარწყლდა ის იმთავითვე უსაფუძვლო და პროპაგანდისტული ხასიათის განცხადებები, რომ თითქოს 600 მილიონი დოლარის მოცულობის სავალუტო რეზერვის გახარჯვა, როგორც  საფინანსო სექტორს, ისე სრულიად ქვეყანას  რთულ მდგომარეობაში ჩააგდებდა.ფაქტია, დღემდე შენარჩუნებულია ეკონომიკური ზრდის მაღალი ნიშნული  და ამ ფონზე აქტიურად მიმდინარეობს რეზერვების შევსებაც.ვითარების მდგრადობას ადასტურებს საბანკო სექტორში დეპოზიტების მოცულობის ზრდაც. სების მონაცემებით გაზრდილია როგორც ეროვნულ ვალუტაში, ისე უცხოურ ვალუტაში განთავსებული დეპოზიტების მოცულობა.გასულ პერიოდშიც ასე ვფიქრობდი და ახლაც ასე მიმაჩნია, რომ ყოველთვის, როცა  ლარის მოკლევადიანი მერყეობა განპირობებული იქნება  არაფუნდამენტური ფაქტორებით, სებ-მა მყისიერად უნდა მოახდინოს რეაგირება, მათ შორის, სავალუტო რეზერვების ხარჯზე, რათა ვითარება სწრაფად დასტაბილურდეს და შემდგომ განახლდეს რეზერვების შევსების პროცესი“ - განაცხადა კაპანაძემ.რაც შეეხება მოლოდინებს, აფბას ხელმძღვანელის მოსაზრებით, თუკი 2025 წლის განმავლობაში სტაბილურად შენარჩუნდება  ეკონომიკური ზრდის მაღალი მონაცემები,  ბუნებრივია საერთაშორისო სავალუტო რეზერვების მოცულობაც გაიზრდება. „როგორც აღვნიშნე, დღეს ქვეყნის ეკონომიკასა და საფინანსო სექტორში რაიმე ფუნდამენტური პრობლემა არ იკვეთება, შესაბამისად  თუკი 2025 წელს ქვეყანაში შენარჩუნდება მაღალი ეკონომიკური ზრდა, ბუნებრივია, უნდა ველოდოთ,  რომ საერთაშორისო სავალუტო რეზერვების მოცულობაც გაიზრდება.ამ პროცესში უმნიშვნელოვანესია, რეზერვების დივერსიფიცირებაც და ფაქტია რომ სებ-ის მიერ, თავის დროზე,  მონეტარული ოქროს შეძენამაც თავისი დადებითი როლი ითამაშა და მისი მოცულობის დაახლოებით 100 მილიონი დოლარით ზრდა განაპირობა", - აცხადებს გიორგი კაპანაძე.

1736407800

ნათია თურნავამ ხაზი გაუსვა, რომ სავალუტო ბაზარზე არაფუნდამენტური ფაქტორებისაგან გამოწვეული ჭარბი მერყეობის განეიტრალების მიზნით, სებ-ს  პერიოდულად უწევს რეზერვების დახარჯვა, მაგრამ პირველი შესაძლებლობისთანავე ეროვნული ბანკი ყველა ღონეს ხმარობს საერთაშორისო რეზერვების შესავსებად.„გამოქვეყნებულ მონაცემებში ჩანს, რომ წლის ბოლოს ჩვენ მოვახერხეთ და სოლიდური ზრდა გვაქვს სავალუტო რეზერვებში. ეს არის რამდენიმე ფაქტორის დამსახურება. პირველი - ეს არის ჩვენს მიერ ნოემბერ-დეკემბერში საკმაო რაოდენობის დოლარის შეძენა ბაზარზე და ამის შესაძლებლობას ჩვენ ეკონომიკური მდგომარეობა გვაძლევს. ასევე, მნიშვნელოვანია, რომ საბანკო სექტორში თვიდან-თვემდე იზრდება დეპიზოზიტები როგორც უცხოურ ვალუტაში, ასევე ლარში.უცხოურ ვალუტაში დეპოზიტების ზრდა, სავალდებულო ნორმის ზრდასთან ერთად, ასევე მნიშვნელოვანი კონტრიბუტორია საერთაშორისო სავალუტო რეზერვების მთლიანი მოცულობის ზრდაში, რომელიც ჩვენ გვაქვს სახეზე“, - აღნიშნა ნათია თურნავამ. მან ასევე ხაზი გაუსვა რეზერვების დივერსიფიცირების მნიშვნელობას და აღნიშნა, რომ საერთაშორისო ბაზრებზე ოქროს ფასის ზრდის შედეგად, გასულ წელს შეძენილი მონეტარული ოქრო ქვეყნის საერთაშორისო სავალუტო რეზერვების მოცულობაში 100 მილიონ დოლარამდე მატებას აჩვენებს.  „ყოველივე ამან ერთობლიობაში მოგვცა საშუალება ნოემბრიდან მოყოლებული სერიოზულად გაგვეზარდა საერთაშორისო რეზერვების მოცულობა. ეს პროცესი კვლავაც გაგრძელდება მოსალოდნელი ეკონომიკური ზრდის ფონზე. ვფიქრობთ, რომ რეზერვები კვლავაც განაგრძობს აღმავალ ტრაექტორიას“, - განაცხადა  ნათია თურნავამ.საქართველოს ეროვნული ბანკი ოფიციალური საერთაშორისო რეზერვების შესახებ განახლებულ მონაცემებს 2025 წლის 7 თებერვალს გამოაქვეყნებს.

1736359223

,,სავსებით მოსალოდნელი იყო რომ გაიზრდებოდა ეროვნული რეზერვები, ჩვენ გვქონდა ოქტომბრის თვეში მცირე ხარჯვა, მაგრამ იქიდან გამომდინარე რომ ეკონომიკა იზრდებოდა და ზრდა ჩვენს ეკონომიკას არ შეუწყვეტია, მოკლევადიან პერიოდში შესაძლებლობა მიეცემოდა ეროვნულ ბანკს რომ კვლავ შეევსო ეს რეზერვები. თუმცა ჩვენ ვნახეთ, რომ მაშინ ძალიან ბევრი სკეპტიკოსი იყო, რომლებიც ნეგატიურად აფასებდნენ ამ ფაქტს და დიდი შეტევა განხორციელდა მაშინ ეროვნულ ბანკის მიმართ თუმცა, დღეს უკვე ვხედავთ, რომ როდესაც დასტაბილურდა უკვე სიტუაცია, პოლიტიკური პროცესებიც ჩადგა კალაპოტში და ეკონომიკა განაგრძობს განვითარებას, ამას ჩვენ ვხედავთ იმ ციფრებში, რომელსაც პერიოდულად საქსტატი გვაწვდის, გაზრდილია ქვეყანაში ექსპორტიც, იმპორტიც, ზოგადად საგარეო ვაჭრობა არის გაზრდილი, ტურისტების ნაკადები იწყებს მცირე პაუზის შემდეგ, რაც დაკავშირებული იყო ქუჩის აქციებთან უკვე იწყებს ტურისტული ნაკადები კვლავინდებურად ზრდას, ეს უკვე აძლევს ეროვნულ ბანკს საშუალებას დამშვიდებული პოლიტიკური პროცესებისა და ეკონომიკის ზრდის კვალობაზე კვლავ მოახდინოს ეროვნული რეზერვების შევსება. რაც ჩვენ დღეს ოფიციალური ინფორმაციის სახით ვიხილეთ, სწორედ აღნიშნულის დადასტურებაა“, - აღნიშნა ანგურიძემ.ეკონომისტმა ისაუბრა სავალუტო ინტერვენციების მნიშვნელობაზე, მისი შეფასებით, ეროვნული ბანკი თავისი მანდატის შესაბამისად, როდესაც ფლობს სავალუტო რეზერვებს, ვალდებულია ჩაერიოს და შეინარჩუნოს ფინანსური სტაბილურობა ქვეყანაში.,,როდესაც ეკონომიკა აძლევს ეროვნულ ბანკს ამის საშუალებას, მან უნდა შეავსოს რეზერვები - სებ-მა ეკონომიკისა და რეზერვების მოძრაობა უნდა აკონტროლოს ძალიან მაღალ დონეზე, ჩვენ ვხედავთ რომ ეს ასეც ხდება -  ეროვნული რეზერვების მართვა საკმაოდ კარგად  და მიზანმიმართულად ხორციელდება. რეზერვები რისთვისაა? ერთი არის იმისათვის, რომ ქვეყანას ქონდეს ეროვნული რეზერვი და მეორეა ის გამოიყენოს მაშინ როდესაც ქვეყანას ეს სჭირდება. ეს შეიძლება იყოს ლარის კურსის სტაბილურობა, ეს შეიძლება იყოს ზოგადად ფასების სტაბილურობა, რაც ეროვნული ბანკის მთავარი ამოცანა და პრიორიტეტია კანონმდებლობით განსაზღვრული და როდესაც ფასებს ექმნება საფრთხე და შესაბამისად, ვალუტის კურსს რატომ არ უნდა მოახდინოს სებ-მა რეზერვების ხარჯვა გაუგებარია. მით უმეტეს როდესაც საშუალოვადიან და გრძელვადიან პერიოდში მოსალოდნელია კვლავინდებურად ამ რეზერვების შევსება - ანუ რაღაც დროს როცა მას დასჭირდება გაყიდის და რაღაც დროს როცა მას დასჭირდება პირიქით იყიდის. დღეს დადგა პერიოდი როდესაც ეროვნული ბანკი ყიდულობს რეზერვებს, თუმცა ვნახავთ რომ არავინ არ შეიმჩნევს და ისე ჩაივლის ეს ყველაფერი, რადგან ვიღაცებს არ აწყობთ ამის გაფეტიშება, რადგან როდესაც ეროვნული ბანკი ავსებს რეზერვებს ეს რეპუტაციულად კარგად მოქმედებს და შესაბამისად ამაზე არავინ არ გაამახვილებს ყურადღებას, ეს არ აწყობთ - ეს ფაქტია როდესაც ეროვნული ბანკი ავსებს რეზერვებს, ის მოწოდების სიმაღლეზეა. მე დარწმუნებული ვარ მიმდინარე წელს იქნება კარგი ეკონომიკური ზრდა, რაც მისცემს სებ-ს შესაძლებლობას კიდევ არაერთხელ შეავსოს და  უფრო გაზარდოს რეზერვები“, - განმარტავს ოთარ ანგურიძე.

1736358928

 „საერთაშორისო სავალუტო რეზერვები ჩვენი ქვეყნის მაკროეკონომიკური სტაბილურობის უმნიშვნელოვანესი გარანტია. დღეს გამოქვეყნებულ მონაცემებში ჩანს, რომ წლის ბოლოს ჩვენ მოვახერხეთ და გვაქვს სოლიდური ზრდა სავალუტო რეზერვებში, რაც რამდენიმე ფაქტორის დამსახურებაა. პირველი, ნოემბერ-დეკემბერში ეროვნულმა ბანკმა მოახერხა და შეიძინა საკმაო რაოდენობის დოლარი ბაზარზე და ამის შესაძლებლობას ჩვენი ეკონომიკური მდგომარეობა გვაძლევს. ასევე მნიშვნელოვანია, რომ საბანკო სექტორში თვიდან თვემდე იზრდება დეპოზიტები როგორც უცხოურ ვალუტაში, ასევე ეროვნულ ვალუტაში. უცხოურ ვალუტაში დეპოზიტების ზრდა, სავალდებულო ნორმის ზრდასთან ერთად, ასევე მნიშვნელოვანი კონტრიბუტორია საერთაშორისო სავალუტო რეზერვების მთლიანი მოცულობის ზრდაში, რომელიც ჩვენ გვაქვს სახეზე. მიუხედავად იმისა, რომ დროდადრო გვიწევს რეზერვების დახარჯვა, რათა სავალუტო ბაზარზე არაფუნდამენტური ფაქტორებისაგან გამოწვეული ჭარბი მერყეობის განეიტრალება მოვახდინოთ, პირველივე შესაძლებლობისთანავე, ეროვნული ბანკი ყველა ღონეს ხმარობს, რომ კვლავ შეავსოს საერთაშორისო რეზერვები. “, - აღნიშნა ნათია თურნავამ. მისივე თქმით, ასევე მნიშვნელოვანია რეზერვების დივერსიფიცირება და სებ-ი ყველაფერს აკეთებს, რომ რეზერვები უკეთ იმართოს და მოხდეს მათი დივერსიფიცირება. „მოგეხსენებათ, რომ წლის დასაწყისში ჩვენ შევიძინეთ მონეტარული ოქრო და ამ პერიოდში ოქროს საერთაშორისო ფასის ზრდის გამო, ამ კუთხითაც სერიოზული, 100 მილიონ დოლარამდე მატება გვაქვს საერთაშორისო სავალუტო რეზერვების მოცულობაში. ყოველივე ამან ერთობლიობაში მოგვცა საშუალება ნოემბრიდან მოყოლებული გაგვეზარდა საერთაშორისო რეზერვების მოცულობა. ეს პროცესი კვლავაც გაგრძელდება მოსალოდნელი ეკონომიკური ზრდის ფონზე. ვფიქრობთ, რომ რეზერვები კვლავაც განაგრძობს აღმავალ ტრაექტორიას“, - განაცხადა ეროვნული ბანკის პრეზიდენტის მოვალეობის შემსრულებელმა ნათია თურნავამ. საქართველოს ეროვნული ბანკი ოფიციალური საერთაშორისო რეზერვების შესახებ განახლებულ მონაცემებს 2025 წლის 7 თებერვალს გამოაქვეყნებს.

1736358105

2024 წელს, სემეკში შესული მოქალაქეთა განცხადება/საჩივრები, ძირითადად, შეეხებოდა ელექტროენერგიის, ბუნებრივი გაზის ან/და წყალმომარაგების კომუნალური კომპანიების მიერ განხორციელებულ უსაფუძვლო დარიცხვებს, მომარაგების  ხშირ წყვეტებს, ქსელზე ახალი მომხმარებლების მიერთების ვადებსა და პროცედურებს. სემეკის გადაწყვეტილებებით, გასულ წელს ჯამში მოქალაქეებს ჩამოეწერათ 2 მილიონ ლარამდე უსაფუძვლოდ დარიცხული თანხები. გარდა ამისა, მომსახურების სტანდარტების დარღვევების გამო, სემეკის რეგულაციების შესაბამისად, კომუნალური კომპანიების მიერ მოქალაქეებზე გაიცა 1  239 570 ლარი.სემეკი შეახსენებს მოქალაქეებს ელექტროენერგიის, ბუნებრივი გაზისა და წყალმომარაგების კომუნალური მომსახურების კომპანიების მიერ მათი უფლებების დარღვევის შემთხვევაში მიმართონ სემეკს ან სემეკთან არსებულ ენერგოომბუდსმენის სამსახურს. კონსულტაციების მიღება შესაძლებელია ქოლცენტრის ნომერზე: 16 216 (ზარი უფასოა ნებისმიერი ოპერატორიდან) ან ოფიციალური სოციალური გვერდების საშუალებით. 

1736326652