მოკლევადიან ჭრილში საწვავის ფასები უნდა შემცირდეს – კონკურენციის სააგენტოს დასკვნა

Shine Energy-ის სერვისითა და საქართველოს ბანკის ფინანსური მხარდაჭერით ისარგებლა აგროჰაბმა, რომელმაც გასულ წელს 4000 კვადრატულ მეტრ ფართობზე მზის ელექტროსადგური მოაწყო.აგროჰაბი ათწლიან ისტორიას ითვლის და დღეს უკვე ევროპული სტანდარტის ჰიპერმარკეტის ექვს ფილიალსა და სხვადასხვა მიმართულების საწარმოს აერთიანებს: მათ შორის რძის გადამამუშავებელ, ხორც-პროდუქტების, ნახევარფაბრიკატების საწარმოებს, საკონდიტროს, საცხობს, ცივი და ცხელი კულინარიის მიმართულებას, ფერმასა და სათბურს.მზის ელექტროსადგური კომპანიამ ავჭალაში, ცენტრალური წარმოების და საწყობის სახურავზე მოაწყო, მისი სიმძლავრე კი 625 kW (DC)-ია.„პირობები საკმაოდ ხელსაყრელი იყო, კმაყოფილები ვართ და კარგი ინიციატივაა ალტერნატიული ენერგიების განვითარებისთვის. ამასთან, საკმაოდ მნიშვნელოვანი პროექტია ხარჯების ოპტიმიზაციის კუთხით. ამ პროექტის შემდეგ ვფიქრობთ, განვიხილოთ სადგურის სხვა ლოკაციებზე მოწყობაც“, — ამბობს გიორგი ილურიძე, აგროჰაბის ფინანსური დირექტორი.აღსანიშნავია, რომ პროექტის ჯამური ინვესტიცია 230 000 აშშ დოლარი იყო, რომელიც სრულად საქართველოს ბანკის მიერ განხორციელებულ ფინანსურ ინვესტიციას წარმოადგენს.„მოხარული ვართ, რომ ენერგიის ალტერნატიული წყაროების გამოყენების წახალისებით, არა მხოლოდ წვლილი შეგვაქვს გარემოზე ზიანის შემცირების პროცესში, არამედ ხელს ვუწყობთ გრძელვადიანი ღირებულებების მქონე პროექტების განხორციელებას ბიზნესში. განახლებად ენერგიასთან დაკავშირებული პროექტების მხარდაჭერით, ჩვენ ბიზნესებს საოპერაციო ეფექტურობის მიღწევასა და ხარჯების შემცირებაში ვეხმარებით. რაც მთავარია, არ ვჩერდებით და ვაგრძელებთ მწვანე, მდგრადი ენერგო პროექტების განვითარებისთვის ფინანსური ინვესტიციების განხორციელებას“, — აცხადებს ირაკლი კიკალიშვილი, საქართველოს ბანკის კორპორაციული გაყიდვების სექტორის უფროსი.Shine Energy, რომლის შეთავაზებითაც აგროჰაბმა ისარგებლა, მზის ელექტროსადგურების საპროექტო და სამშენებლო კომპანიაა და ქსელზე მიერთებულ, ქსელისგან დამოუკიდებელ და ჰიბრიდული სისტემების მშენებლობას უზრუნველყოფს. უსაფრთხო, სუფთა და ამოუწურავი ენერგიის ათვისებასთან ერთად, Shine Energy-ის მთავარი მისიაა სოციალური, ეკონომიკური კეთილდღეობის უზრუნველყოფა და ქვეყნის ენერგოდამოუკიდებლობაში საკუთარი წვლილის შეტანა.„განვითარების პროცესში, დიდი როლის მატარებელია განახლებადი ენერგიის ინვესტიციებზე ხელმისაწვდომობა, სანდო ფინანსურ ინსტიტუტთან თანამშრომლობა, სხვადასხვა შეთავაზება და სუბსიდია, რომლებიც მნიშვნელოვნად უწყობენ ხელს პროექტების განხორციელებასა და კომპანიის გაძლიერებას. ძალიან გვიხარია, რომ საქართველოს ბანკთან პარტნიორობის შესაძლებლობა მოგვეცა. ბიზნესის მხრიდან დიდი გამოხმაურება მოჰყვა ჩვენს შეთავაზებას. ამ დრომდე რამდენიმე პროექტი დავადასტურეთ და მშენებლობის ეტაპზე გადავდივართ, ხოლო რამდენიმე კი პროექტირების ეტაპზეა. აღსანიშნავია ისიც, რომ კომპანიის განვითარებასთან ერთად, მნიშვნელოვნად შევამცირეთ პროექტების განხორციელების ვადა, რაც დამატებითი კომფორტია ჩვენი მომხმარებლებისთვის”, — ამბობს ნინა გადელია, კომპანია Shine Energy-ის დამფუძნებელი.საგულისხმოა, რომ ამჟამად, Shine Energy საქართველოს ბანკის ბიზნესმომხმარებლებს სპეციალურ პირობებს სთავაზობს. უფასო პროექტირებასთან ერთად, ბიზნესები სადგურის მშენებლობაზე 18%-მდე ფასდაკლებას მიიღებენ.“ჩვენი მიზანია, რაც შეიძლება ბევრი ობიექტი გადავიდეს მზის ენერგიაზე და გახდეს ენერგოდამოუკიდებელი. გვჯერა, რომ საქართველოში გვაქვს პოტენციალი, მზის ენერგია მაღალ დონეზე იქნეს ათვისებული და შემდგომ ყოველდღიურობაში დანერგილი. შესაბამისად, გვაქვს ამბიცია და რაც მთავარია — რესურსი, ამ ცვლილებებში დიდი წვლილი შევიტანოთ”, — ამბობს ნინა გადელია.

1745499377

„სასიამოვნო იყო საქართველოს ხელისუფლების წარმომადგენლებთან შეხვედრა. ჩვენ განვიხილეთ თქვენს ქვეყანაში არსებული ეკონომიკური სიტუაცია, ასევე გავცვალეთ მოსაზრებები გლობალური მოვლენების შესახებ და იმაზე, თუ რა გავლენას ახდენს ეს ვითარება ჩვენს ჯგუფში შემავალ ქვეყნებზე. განვიხილეთ მეოთხე მუხლი, რომლის ფარგლებშიც ივნისში იგეგმება ჩვენი ვიზიტი თბილისში, რომელსაც მოუთმენლად ველით“, - აღნიშნა საერთაშორისო სავალუტო ფონდის აღმასრულებელმა დირექტორმა იერუნ კლიკმა.შეგახსენებთ, რომ საერთაშორისო სავალუტო ფონდისა და მსოფლიო ბანკის საგაზაფხულო შეხვედრების ფარგლებში საქართველოს ეროვნული ბანკის პრეზიდენტი ნათია თურნავა, ფინანსთა მინისტრ ლაშა ხუციშვილთან ერთად, სსფ-ის აღმასრულებელ დირექტორ იერუნ კლიკს და ალტერნატიულ დირექტორ მარნიქს ვან რეის შეხვდა.დელეგაციის შემადგენლობაში შედიოდნენ საქართველოს ეროვნული ბანკის ვიცე-პრეზიდენტები ეკატერინე მიქაბაძე და ეკატერინე გალდავა, ასევე - ფინანსთა და ეკონომიკის მინისტრის მოადგილეები.ინფორმაციას საქართველოს ეროვნული ბანკი ავრცელებს.

1745499026

„აშშ-ში, სსფ-სა და მსოფლიო ბანკის საგაზაფხულო შეხვედრების ფარგლებში შევხვდით საერთაშორისო სავალუტო ფონდის აღმასრულებელ და ალტერნატიულ დირექტორებს. ვისაუბრეთ საქართველოში არსებულ მაკროეკონომიკურ მდგომარეობაზე და სამომავლო თანამშრომლობის პერსპექტივებზე. ასევე ვისაუბრეთ შემდგომ მისიაზე, რომელიც საქართველოში უახლოეს პერიოდში ჩამოვა და გვექნება უფრო საგნობრივი დისკუსია შემდგომი თანამშრომლობის ძირითადი საკითხების შესახებ, - აღნიშნა ნათია თურნავამ.შეხვედრას ასევე ესწრებოდნენ ფინანსთა მინისტრი ლაშა ხუციშვილი, საქართველოს ეროვნული ბანკის ვიცე-პრეზიდენტები ეკატერინე მიქაბაძე და ეკატერინე გალდავა, ასევე ფინანსთა და ეკონომიკის მინისტრის მოადგილეები.სსფ-ის აღმასრულებელი დირექტორის იერუნ კლიკის განცხადებით, მოუთმენლად ელის საქართველოში ვიზიტს მისიის ფარგლებში.

1745498788

Healthy Club − თუ შენთვის ჯანსაღი ცხოვრება მნიშვნელოვანიაუკვე წლებია, რაც ევექსი საქართველოს ბანკთან ერთად Healthy Club-ის პროექტს ახორციელებს იმ ადამიანებისთვის, ვისთვისაც ჯანსაღი ცხოვრების წესი მნიშვნელოვანია. ამ შეთავაზების ფარგლებში ევექსის სხვადასხვა სერვისზე 15%-დან 50%-მდე ფასდაკლება ვრცელდება.იმისთვის რომ და ჯანსაღი ცხოვრების წესი თქვენი ყოველდღიურობის ნაწილად აქციოთ, შეგიძლიათ Healthy Club-ის პროექტში ჩაერთოთ.აღსანიშნავია, რომ Healthy Club-ის პირობებით სარგებლობა შეუძლიათ როგორც დაზღვეულ, ისე – დაუზღვეველ პირებს, ყოველგვარი ლიმიტის გარეშე.ფასდაკლებები და შეთავაზებებიევექსში ფასდაკლების მისაღებად საქართველოს ბანკის ნებისმიერი ბარათი უნდა გქონდეთ.  ასევე, ლოიალურობის სტატუსი − Starter, Bronze, Silver ან Gold. რაც უფრო ხშირად გადაიხდით ბარათით და მეტი საბანკო პროდუქტით ისარგებლებთ, სტატუსსაც აიმაღლებთ. შესაბამისად, მეტი ფასდაკლების მიღების შესაძლებლობაც გექნებათ.შეთავაზება ვრცელდება როგორც სხვადასხვა დარგის სპეციალისტების კონსულტაციებზე, ისე კომპიუტერულ ტომოგრაფიაზე, ექოსკოპიურ და ლაბორატორიულ კვლევებზე, სხვა ამბულატორიულ სერვისებსა და სტომატოლოგიურ მომსახურებაზეცჯანმრთელობის ახალი კონცეფცია ევექსისგანრადგან დღეს განსაკუთრებით მნიშვნელოვანი გახდა პოტენციური რისკების მართვა, ევექსმა ჯანმრთელობის ახალი კონცეფცია წარადგინა, რომელიც პრევენციულ მედიცინასა და ცხოვრების ჯანსაღი წესის მხარდაჭერას ეფუძნება.ამ ხედვის ფარგლებში კომპანიამ რებრენდინგი განახორციელა და თბილისში 2 კლინიკა განაახლა − სულხან ცინცაძის N24-ში და ვაჟა-ფშაველას 40-ში. დიზაინის ცვლილებასთან ერთად განსაკუთრებული ყურადღება პრევენციასა და დროულ დიაგნოსტიკას დაეთმო.ჩაერთეთ Healthy Club-ის პროექტშიგახდით Healthy Club-ის წევრი და გახადეთ ჯანმრთელობაზე ზრუნვა უფრო ხელმისაწვდომი. პირობებისა და ფასდაკლებების შესახებ დეტალური ინფორმაცია შეგიძლია იხილოთ ბმულზე ან დაუკავშირდეთ ევექსის კლინიკას ნომერზე: (0 32) 2 55 05 05

1745497584

დაკორექტირებული ტარიფები ელექტროენერგიის საბოლოო მოხმარების ტარიფებზე არ აისახება. შესაბამისად, ტარიფების ზრდა მოსალოდნელი არ არის.კომისიის მიერ მიღებული გადაწყვეტილების შესაბამისად, შპს „ენგურჰესისთვის“ წარმოების ელექტროენერგიის ტარიფი, 2025 წლის 1-ლი მაისიდან ელექტროენერგიის ბაზრის სამიზნე მოდელის ამოქმედებამდე განისაზღვრა 4.021 თეთრი/კვტსთ-ით, ხოლო ელექტროენერგიის ბაზრის სამიზნე მოდელის ამოქმედებიდან 2027 წლის 1-ლ იანვრამდე - 2.412 თეთრი/კვტსთ-ით.შპს „ვარდნილჰესების კასკადისთვის“ ელექტროენერგიის  წარმოების ტარიფი  2025 წლის 1-ლი მაისიდან ელექტროენერგიის ბაზრის სამიზნე მოდელის ამოქმედებამდე განისაზღვრა 5.111 თეთრი/კვტსთ-ით, ხოლო ელექტროენერგიის ბაზრის სამიზნე მოდელის ამოქმედებიდან 2027 წლის 1-ლ იანვრამდე - 3.067 თეთრი/კვტსთ-ით.ტარიფების კორექტირების საფუძველს წარმოადგენს  „ენერგეტიკისა და წყალმომარაგების შესახებ“ საქართველოს კანონში  შესული ცვლილებები, რომელიც გულისხმობს შპს „ენგურჰესისა“ და შპს „ვარდნილჰესების კასკადის“ ელექტროენერგიის წარმოების ტარიფების გაანგარიშებას, ამავე სადგურების მიერ წარმოებული და საქართველოს ოკუპირებულ ტერიტორიებზე მიწოდებული ელექტროენერგიის ოდენობის გარეშე.შპს „ენგურჰესისა“ და შპს „ვარდნილჰესების“ ელექტროენერგიის წარმოების ტარიფების კორექტირების მიზნით, სემეკში საჯარო ადმინისტრაციული წარმოება მიმდინარე წლის 13 მარტს დაიწყო და შესაბამისი ინფორმაცია განთავსდა სემეკის ვებგვერდზე. წარმოების ფარგლებში, დაინტერესებული პირების მიერ მოსაზრებები წარმოდგენილი არ ყოფილა.

1745496505

25 აპრილიდან თიბისის მომხმარებლები სხვადასხვა კატეგორიის ყველაზე მოთხოვნად სავაჭრო ობიექტებში არსებულ ფასდაკლებებთან ერთად, დამატებით, გამორჩეული შეთავაზებებით ისარგებლებენ:25-27 აპრილი - დაიბრუნეთ გადახდილი თანხის 15%, მაქსიმუმ 500 ლარი, გალერია თბილისში მდებარე, iSpace-ის ფილიალში;25-27 აპრილი - დაიბრუნეთ გადახდილი თანხის 20%, მაქსიმუმ 200 ლარი, Redberry-ის ფიზიკურ და ონლაინ მაღაზიებში;მხოლოდ 28 აპრილს - მინიმუმ 50 ლარის შენაძენზე, დაიბრუნეთ 30%, მაქსიმუმ 30 ლარი, ავერსის ფიზიკურ და ონლაინ აფთიაქებში;29-30 აპრილი - დაიბრუნეთ 30%, მაქსიმუმ 150 ლარი, Veli.store-ზე.ამასთან, ისარგებლეთ მიმდინარე, გრძელვადიანი შეთავაზებებით:თიბისისა და მაგთის შეთავაზების ფარგლებში, 17 აპრილიდან - 17 ივნისის ჩათვლით, ახალი თიბისი ბარათით, ახალი თიბისი კონცეპტ ბარათებით ან ერთგული საკრედიტო ბარათით აპლიკაციაში MyMagti, პაკეტების “ყველაფერი ულიმიტო” შეძენისას, გადახდილი თანხის 30%, მაქსიმუმ 15 ლარი, მომენტალურად დაგიბრუნდებათ.28 აპრილიდან - 24 მაისამდე ონლაინ პლატფორმებზე:  myhome.ge, mymarket.ge, myauto.ge, myparts.ge განცხადების განთავსების ფასიანი სერვისების შეძენისას, გადახდილი თანხის 100%-ს, მაქსიმუმ 10 ლარს დაიბრუნებთ.28 აპრილიდან - 28 მაისამდე, ყოველ კვირა დღეს, “ქონექთის” ბენზინგასამართ სადგურებზე შესაძლებლობა გექნებათ გადახდილი თანხის 10%, ჯამში მაქსიმუმ 50 ლარი დაიბრუნოთ.შეთავაზებების დეტალური პირობების სანახავად, ეწვიეთ ბმულს.ახალი თიბისი ბარათი სრულიად უფასოა და მისი აღება შეგიძლიათ, როგორც ფიზიკურად, თიბისის ნებისმიერ ფილიალში, ისე მობაილბანკიდან.აიღეთ, ახალი თიბისი ბარათი და ისარგებლეთ გამორჩეული უპირატესობებით.

1745494680