პრემიერი - მარტში ეკონომიკა 10.7%-ით გაიზარდა, პირველი კვარტლის მონაცემებით კი 9.1%-ით - ეკონომიკის ზრდა პირდაპირ აისახება საშუალო ხელფასის ზრდაზე, სიღარიბის შემცირებაზე

ტურისტული კომპანია Check-in Group-ის გენერალური დირექტორისა და დამფუძნებლის, ია გედევანიშვილის განცხადებით, ჩინეთის ბაზარი საქართველოსთვის ერთ-ერთი ყველაზე პერსპექტიული მიმართულებაა, პარტნიორი ქვეყნის სტატუსით გამოფენაში მონაწილეობა კი საქართველოს ტურისტული პოტენციალის წარმოჩენისთვის მნიშვნელოვან შესაძლებლობას ქმნის.„ძალიან დიდი იმედებით ვუყურებ ჩინურ ბაზარს. გამოფენის ფარგლებში დაახლოებით 70 შეხვედრა მაქვს დაგეგმილი. ეს არის ძალიან სერიოზული სამუშაო პროცესი, რომელიც საქართველოში მეტი ჩინელი ტურისტის მოზიდვას ემსახურება.  ITB China -ზე საქართველოს პარტნიორი ქვეყნის სტატუსი გვაძლევს შესაძლებლობას, უფრო მასშტაბურად წარვადგინოთ ქვეყანა, გავმართოთ მეტი შეხვედრა და მეტი ჩინელს გავაცნოთ საქართველოს ტურისტული პოტენციალი” -  აღნიშნა ია გედევანიშვილმა.

1778243484

შეხვედრაზე, სამსახურის უფროსმა თანამშრომლებს საგამოძიებო დეპარტამენტის ახალი ხელმძღვანელი კობა კოპალიანი გააცნო.ლევან ხარაბაძემ  ხელმძღვანელ პირებს ნდობა გამოუცხადა, მათ პროფესიულ გამოცდილებაზე გაამახვილა ყურადღება და სამომავლო საქმიანობაში წარმატებები უსურვა.აღსანიშნავია, რომ გიგა ნამიჭეიშვილი 2025 წლიდან საგამოძიებო სამსახურის საგამოძიებო დეპარტამენტის თბილისის მთავარი სამმართველოს უფროსის თანამდებობას იკავებდა.ახლადდანიშნულ ხელმძღვანელებს სამართალდამცავ ორგანოებსა და საჯარო სამსახურში მუშაობის მრავალწლიანი სტაჟი აქვთ. ისინი სხვადასხვა პერიოდში საპასუხისმგებლო პოზიციებს იკავებდნენ როგორც ფინანსთა სამინისტროს საგამოძიებო სამსახურში, ისე შინაგან საქმეთა სამინისტროსა და სახელმწიფო უსაფრთხოების სამსახურში.

1778243268

გამოფენა-გაყიდვა წელს უკვე მეხუთედ ტარდება და აერთიანებს კურატორებს, კრიტიკოსებს, კოლექციონერებს, საერთაშორისო მედიასა და ხელოვნების მოყვარულებს მსოფლიოს სხვადასხვა ქვეყნიდან.TAF 2026-ზე წარმოდგენილი იქნება ადგილობრივი და საერთაშორისო 35 გალერეა და კურატორული პლატფორმა, ხოლო დამოუკიდებელი არტისტების სექცია The Hive გააერთიანებს 42 არტისტს - მათ შორის 31 ქართველსა და 11 საერთაშორისო მონაწილეს, 8 ქვეყნიდან. მონაწილე საერთაშორისო არტისტებსა და გალერეებს შორის არიან Pentti Sammallahti, Masao Yamamoto, Kristoffer Albrecht და სხვები.პლატფორმა მიზნად ისახავს ადგილობრივი არტისტების მხარდაჭერას, მათი ხმის გაძლიერებას საერთაშორისო ასპარეზზე და მათთვის ახალი შესაძლებლობების შექმნას, რაც ხელს უწყობს ქართული ხელოვნების წარმომადგენლების გლობალურ ინტეგრაციას.გამოფენებთან ერთად, ვიზიტორებს მრავალფეროვანი პროგრამა ელით, რომელიც თანამედროვე ხელოვნების განვითარებასა და საერთაშორისო თანამშრომლობის გაძლიერებას ისახავს მიზნად. პროგრამა მოიცავს: პერფორმანსებს ვორქშოპებს SOLO X TAF TALKS-ს SOLO X TAF KIDS-ს და სხვა აქტივობებს ბაზრობა 21 მაისს, 17:00 საათზე გაიხსნება.სამუშაო საათები:21 მაისი - 17:00 - 21:0022–24 მაისი - 12:00 - 20:00დამატებითი ინფორმაციისა და ბილეთების შესაძენად, ეწვიეთ ვებგვერდს.

1778242404

შეხვედრაზე იმსჯელეს, როგორ ვითარდება ენერგეტიკა რეგიონში და რა როლი აქვს ბიზნესისა და ფინანსური ინსტიტუტების პარტნიორობას ამ პროცესში. განსაკუთრებული ყურადღება დაეთმო განახლებად ენერგიას - მონაწილეებმა განიხილეს როგორც საერთაშორისო გამოცდილება, ისე საქართველოს ბაზრის გამოწვევები.ღონისძიება პრეზენტაციებსა და პანელურ დისკუსიებს მოიცავდა: EBRD-მ ისაუბრა საქართველოს ენერგეტიკულ სექტორში დღემდე 890 მილიონი ევროს განხორციელებულ ინვესტიციაზე, რომლის 61% კერძო სექტორზე მოდის. ბანკის მიმდინარე ენერგეტიკული პორტფელი საქართველოში დაახლოებით 600 მილიონ ევროს შეადგენს. ღონისძიებაზე თიბისი კაპიტალმა ქარის ენერგიასთან დაკავშირებული გლობალური და რეგიონალური განვითარებები წარადგინა, ხოლო გალტ&თაგარტმა კავკასიაში ენერგეტიკული ბაზრის განვითარების ტენდენციებზე ისაუბრა.პანელურ დისკუსიებში მონაწილეობდნენ საერთაშორისო და ადგილობრივი ფინანსური ინსტიტუტები, წამყვანი ენერგეტიკული და საინვესტიციო კომპანიები რეგიონიდან, მათ შორის: სელიმ გიუვენი – ACWA Power-ის გენერალური დირექტორი აზერბაიჯანსა და თურქეთში. ACWA Power მსოფლიოს ერთ-ერთი უმსხვილესი ენერგეტიკული კომპანიაა, გლობალური პორტფელით დაახლოებით 80–95 გიგავატი. რეგიონში მას ეკუთვნის 240 მეგავატიანი ხიზი-აბშერონის ქარის ელექტროსადგური (აზერბაიჯანი) და თურქეთში 5 გიგავატიანი განახლებადი ენერგიის მზის პანელების პროექტი. პანელურ დისკუსიაში ასევე მონაწილეობდა ეპიტაციო მირანდა – Actis-ის ენერგეტიკული ინფრასტრუქტურის ვიცე-პრეზიდენტი.„უკვე სამ ათწლეულზე მეტია, EBRD საქართველოს ენერგეტიკის სექტორში ერთ-ერთი მთავარი პარტნიორია და აფინანსებს განახლებადი ენერგიის პროექტებსა და გადამცემ ინფრასტრუქტურას, რათა სექტორი გახდეს მდგრადი, უსაფრთხო და სტაბილური. ჩვენი მხარდაჭერა მოიცავს განახლებადი ენერგიის ღირებულებათა სრულ ჯაჭვს - დაწყებული დიდი და მცირე ჰიდროელექტროსადგურებით, გაგრძელებული საქართველოში პირველი ქარის ელექტროსადგურის დაფინანსებით. ახლა კი ვაფინანსებთ ყველაზე დიდ, 206 მეგავატიან, რუისის ქარის ელექტროსადგურს. ასევე ვგეგმავთ სხვა მსხვილი მოცულობის ქარის, მზისა და ჰიდროელექტროსადგურების დაფინანსებას უახლოეს წლებში. არანაკლებ მნიშვნელოვანია ჩვენი როლი ენერგეტიკული კავშირების გაძლიერებაში, მათ შორის, მნიშვნელოვანი გადამცემი ხაზების პროექტების მეშვეობით, რომლებმაც ხელი შეუწყო საქართველოს ინტეგრაციას ელექტროენერგიის რეგიონულ ბაზრებთან, გააუმჯობესა მიწოდების საიმედოობა და გახსნა კერძო ინვესტიციების გზა განახლებადი ენერგიის სფეროში. ლოკალურ და საერთაშორისო პარტნიორებთან ერთად კვლავ მზად ვართ, მხარი დავუჭიროთ  კერძო სექტორს ენერგეტიკული სისტემის უფრო მწვანე, მდგრად და კონკურენტუნარიანად გარდაქმნაში“, - ალკის ვრიენიოს დრაკინოსი, EBRD-ის კავკასიის რეგიონული დირექტორი.“ენერგეტიკული ბაზარი და საინვესტიციო გარემო რეგიონში სწრაფად იცვლება. თიბისი, როგორც ბიზნესის N1 პარტნიორი, ამ პროცესების შესახებ მუდმივად აწვდის ინფორმაციას საკუთარ პარტნიორებს, შედეგად, მათ ბიზნეს პროცესებს უმარტივებს.  დღეს ბაზარზე აქცენტი განახლებად ენერგიასა და მდგრად ინვესტიციებზე კეთდება, რაც თიბისის სტრატეგიული პრიორიტეტია. სწორედ ამან განაპირობა, რომ 55%-იანი წილით ბაზრის ლიდერები ვართ განახლებადი ენერგიის დაფინანსებაში. ჯამში, თიბისის ენერგეტიკული პორტფელი მილიარდ ლარს აღწევს და დაახლოებით 2 100 მეგავატს მოიცავს - ეს ქვეყნის ელექტროენერგიის გამომუშავების 45%-ია. ამ დროისთვის 800 მგვტ-ის პროექტებს ვამუშავებთ, რომელთა დიდი ნაწილი ქარსა და მზის ენერგიაზე მოდის. პარალელურად ვაგრძელებთ ჰიდროენერგეტიკის მხარდაჭერას, სადაც ქვეყნის პოტენციალი სრულად ათვისებული ჯერ კიდევ არ არის”,- მერი ჩაჩანიძე, თიბისის კორპორატიული საბანკო ბიზნესის მართვის დირექტორი.“ენერგეტიკა ქვეყნისთვის სტრატეგიული და სწრაფადმზარდი მიმართულებაა და საქართველოს ბანკი ამ დარგის დაფინანსების ლიდერია. ბოლო მდგომარეობით, ენერგეტიკის სექტორის ჯამური საკრედიტო პორტფელიდან, რომელიც 3.05 მილიარდ ლარს შეადგენს, 1.42 მილიარდი ლარი, სწორედ საქართველოს ბანკზე მოდის.  ჩვენთვის განსაკუთრებით პრიორიტეტულია განახლებადი ენერგია, რაც ჩვენს საინვესტიციო დინამიკაშიც ჩანს. 2025 წელს, 2022 წელთან შედარებით, ამ მიმართულებით ჩვენი საკრედიტო პორტფელი 3.5-ჯერ გაიზარდა, ხოლო, ზოგადად, ენერგეტიკის პორტფელის წლიურმა ზრდამ 2025 წელს 42.7% შეადგინა. მხოლოდ 2025 წელს, ბანკის კორპორაციული მიმართულების მხარდაჭერით, 10-ზე მეტი სისტემური მნიშვნელობის ახალი პროექტი დაკონტრაქტდა, მათ შორის აღსანიშნავია კერძო სექტორის ინვესტიციით განხორციელებული პირველი ქარის ელექტროსადგური, რომელიც ექსპლუატაციაში უკვე შევიდა. ვფიქრობთ, რომ განახლებადი ენერგეტიკა უახლოეს წლებში ერთ-ერთი ყველაზე მიმზიდველი საინვესტიციო სფერო იქნება. სწორედ ამიტომ, ვაგრძელებთ სექტორის აქტიურ მხარდაჭერას როგორც ფინანსური რესურსებით, ისე ცოდნის გაზიარებითა და პარტნიორობის გაღრმავებით” - ზურაბ ქოქოსაძე, საქართველოს ბანკის გენერალური დირექტორის მოადგილე.

1778241600

როგორც პრემიერმა აღნიშნა, ეკონომიკის ზრდა პირდაპირ აისახება საშუალო ხელფასის ზრდაზე, სიღარიბის შემცირებაზე, სახელმწიფო ბიუჯეტის ზრდაზე და შესაბამისი პროგრამების გაფართოებაზე.„გვაქვს ორნიშნა მაჩვენებელი ეკონომიკის ზრდის. პირველი კვარტლის მონაცემებით საშუალოდ ეკონომიკა გაიზარდა 9.1%-ით და ეს ყველაფერი უზრუნველყოფილია კრიზისის ფონზე, რომელიც არის შექმნილი რეგიონში. გვაქვს ახალი, ურთულესი კრიზისი ახლო აღმოსავლეთში, რაც აისახება ჩვენს ქვეყანაზეც, მათ შორის ტურიზმის მიმართულებით. ამ კრიზისის და შესაბამისი გამოწვევების მიუხედავად ჩვენ მოვახერხეთ და შევინარჩუნეთ ზრდის მაღალი ტემპი.ერთ-ერთი მიზეზი, ამას ცალკე ხაზგასმით აღვნიშნავ, არის ის, რომ შარშან ჩვენ წარმატებით დავიწყეთ ბრძოლა კორუფციის წინააღმდეგ, რაც პირდაპირ აისახა ეკონომიკური ზრდის ტენდენციებზე. შარშან ჩვენი ეკონომიკური ზრდა იყო 7.5% და წელს, პირველი კვარტლის მონაცემებით გვაქვს გაუმჯობესებული შედეგები და ამან მოგვცა კონკრეტული ხელშესახები შედეგები სხვადასხვა მიმართულებით. ეკონომიკის ზრდა პირდაპირ აისახება საშუალო ხელფასის ზრდაზე, სიღარიბის შემცირებაზე, სახელმწიფო ბიუჯეტის ზრდასა და შესაბამისი პროგრამების გაფართოებაზე. ჩვენი მთავარი ამოცანაა შევინარჩუნოთ ეკონომიკური ზრდის მაღალი ტემპი, რისთვისაც მთავრობა ძალისხმევას მომავალშიც არ დაიშურებს“, - განაცხადა პრემიერმა.მისივე თქმით, სავალუტო რეზერვებმა მიაღწია რეკორდულ ნიშნულს 6,47 მილიარდ დოლარს.„დადებითი ტენდენციების ფონზე საქართველოს ეროვნულმა ბანკმა დამატებით აპრილის თვეში სავალუტო რეზერვები შეავსო 154,2 მილიონი დოლარით. შესაბამისად, რეზერვებმა მიაღწია რეკორდულ ნიშნულს 6,47 მილიარდ დოლარს. ლარის კურსი ინარჩუნებს სტაბილურობას. ამ ყველაფრისთვის მადლობა უნდა გადავუხადოთ მთლიანად ეკონომიკურ გუნდს, ჩვენი მთავრობის ეკონომიკურ გუნდს, ეროვნულ ბანკს, ეროვნული ბანკის პრეზიდენტს. მომავალშიც აქტიურად ვიმუშავებთ ყველა მიმართულებით იმისათვის, რომ შევინარჩუნოთ ეკონომიკური ზრდის მაღალი ტემპი, ფისკალური კონსოლიდაციის მაღალი მაჩვენებლები, შევავსოთ დამატებით ჩვენი სავალუტო რეზერვები, ამისათვის გაკეთდება მაქსიმუმი“, - განაცხადა პრემიერ-მინისტრმა.

1778239544

მისივე თქმით, საქართველოში უკვე 8 ათას წელზე მეტია, ეს განსაკუთრებული სასმელი იწარმოება.„ღვინო უნიკალური სოციალური კავშირების დამამყარებელია – სოფელსა და ქალაქს, ეროვნულ და საერთაშორისო ფასეულობებს ერთმანეთთან აკავშირებს. ის საზოგადოების ყველა წრეს ეხება, როგორც მიკრობიოლოგებსა და ღვინის ტექნოლოგებს, ასევე მარკეტოლოგებს. ღვინო უდიდესი კულტურული მემკვიდრეობის, პროზისა და პოეზიის საფუძველია. ქვევრის ღვინის წარმოების მეთოდი, როგორც მოგეხსენებათ, იუნესკო-ს უკვდავი მემკვიდრეობის საფუძველია და ჩვენ დღეს სწორედ ამას აღვნიშნავთ. ჩვენთვის მნიშვნელოვანია, რომ ამ დარგში, მიუხედავად მრავალი გამოწვევისა – გლობალური დათბობის, ეკონომიკური წნეხის, გეოპოლიტიკური დაძაბულობისა და სხვა ფაქტორებისა, ხაზს ვუსვამთ ამ განსაკუთრებულ ღვინოს, ჩვენს მიღწევას, რომელიც საზოგადოებას მოჰყვება ვაჭრობის პირველივე შემთხვევიდან და რომელიც ათასობით წლის წინ მოხდა.ჩვენ ვაერთიანებთ ძალისხმევას ჟურნალისტებთან, სომელიეებთან, ღვინის მწარმოებლებთან, მეცნიერებთან, ერთმანეთს ვუზიარებთ ჩვენს გამოცდილებასა და ფასეულ ინფორმაციას ამ ღონისძიებაზე. ორგანიზაცია, რომელსაც მე წარმოვადგენ, მნიშვნელოვანი პოლიტიკის განმსაზღვრელია. წლების წინ ჩვენ შევქმენით თანამშრომლობის მექანიზმის საფუძველი, რომლის ფარგლებშიც, 51 ქვეყნის მეცნიერები და მწარმოებლები ერთმანეთს უზიარებენ ინფორმაციასა და რეკომენდაციებს, რათა ეს დარგი განვითარდეს. საქართველო ჩვენი ორგანიზაციის ფასეული წევრია უკვე მრავალი წელია. 1962 წელს ღვინის კონგრესი საქართველოში ჩატარდა. 2010 წელს მქონდა პატივი, პირველად ჩამოვსულიყავი საქართველოში და განსაკუთრებული ურთიერთობა დამემყარებინა ამ მართლაც ბრწყინვალე ქვეყანასა და ხალხთან.დღეს მე სიამაყით ვადასტურებ, რომ დავით სონღულაშვილის ინიციატივით, მსოფლიოს ღვინისა და ვაზის კონგრესი მომდევნო წლის ოქტომბერში საქართველოში გაიმართება. ჩვენ ამ ინიციატივას დიდი სიამოვნებით ვუჭერთ მხარს. გასულ კვირას ამ საკითხზე უკვე გაიმართა საუბარი და მინისტრს შეუძლია, მოსაწვევები მთელ მსოფლიოში გააგზავნოს. ყველა ქვეყნიდან მწარმოებლები ჩამოვლენ საქართველოში, სადაც მნიშვნელოვანი ინფორმაციისა და გამოცდილების გაცვლა მოხდება. ყველას ექნება შესაძლებლობა, აღმოაჩინოს საქართველო, ისევე როგორც ჩვენ ვაკეთებთ ამას დღეს. მინდა, ხაზი გავუსვა, რამდენად მნიშვნელოვანია, რომ დღევანდელ გამოწვევებით სავსე სამყაროში საქართველო ამაყობს ღვინით და ზეიმობს ამ დღეს. ეს ძალიან კარგი მაგალითია იმისა, რომ მსოფლიომ მიბაძოს ამ პროდუქტის დაფასების მიმართულებით.მადლობას ვუხდი ბატონ პრეზიდენტს, პრემიერსა და მინისტრს იმისთვის, რომ ამ ინიციატივას მხარი დაუჭირეს, ვმართავთ ამ მნიშვნელოვან კონფერენციას და ვაყალიბებთ ამ განსაკუთრებულ დღეს“, – განაცხადა ჯონ ბარკერმა.

1778237181