პარლამენტმა „თამბაქოს კონტროლის შესახებ“ კანონში ცვლილებას პირველი მოსმენით მხარი დაუჭრა

6100 აბონენტს გაზის მოწოდება დროებით შეუწყდება - გადაამოწმეთ თქვენი მი...

„გაცნობებთ, რომ გაზმომარაგების ქსელის რეკონსტრუქციის გამო, 5 სექტემბრის 11:00 სთ-დან 17:00 სთ-მდე გაზის მიწოდება შეუწყდება ვარკეთილის III მასივი, ნაკვ. 20 (025)-ში მდებარე შპს „ვარკეთილი დეველოფმენთი"-ს, ვარკეთილის ზემო პლატოს II მ/რ-ში მდებარე საცხოვრებელი კორპ. 21, 22, 22გ, 23, 24, 25, 26, 27, 28, 29, 30, ვარკეთილის ზემო პლატო, კორპ. 33ა (33ბ), ნაკვ. 05/064-ში მდებარე შპს „დავიდე"-ს, ვარკეთილის ზემო პლატო, კორპ. 20-ის მიმდებარედ (იგივე ირინა შტენბერგის ქ. 20ა) მდებარე შპს „მ.დ.კ+"-ის, გახოკიძის ქ. 1, 2, 6, 8, 10, 12, 79, თვალჭრელიძის ქ. 7, სამგორის მე-2 ქ. 2-ში მდებარე საცხოვრებელი კორპუსების, თრიალეთის ქ. 27 (ვარკეთილის ზ/პლატოს კორპ. 47-ის მიმდ. შპს „არე"-ს კორპუსი), ვარკეთილის ზ/პლატო - თრიალეთის ქუჩის მიმდებარედ შპს „გიო კაპიტალის", ვარკეთილის ზ/პლატოს კორპ. 51-ის მიმდ. (იგივე - ზაზა ფანასკერტელ-ციციშვილის ქ. 7) - შპს „დავიდე"-ს საცხოვრებელი კორპუსის, ვარკეთილის III მასივში - ყოფ. #73 (ვარკეთილის ნაკვ. 006/037) ბაგა-ბაღის შენობაში ჩასახლებულ მოსახლეობას, ვარკეთილის ზემო პლატოზე მდებარე საცხოვრებელი კორპ. „ა", „ბ", კორპ. 9, 10, 10ა, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 36, 37, 38, 49, 50, 66, აეროდრომის 14ქუჩის, ბერიაშვილის ქ. 6, მაისურაძის ქ. 11-ში (საქართველოს ერთიანობისათვის მებრძოლთა ქ. 55) მდებარე საცხოვრებელი კორპუსების, კალოუბნის ქ. 18, 20-1-სა და აგრეთვე თრიალეთის, გახოკიძის, თვალჭრელიძის, სამგორის მე-II ქუჩის, ვარკეთილის მეურნეობა - მშვიდობის ქ. 1-ში მდებარე დევნილებით ჩასახლებული საცხოვრებელი კორპუსის, ჭავჭავაძის, რუსთაველის, რაჭის, იმერეთის, სამგორის, მეგობრობის, წერეთელის, ვაჟა-ფშაველას, გუდამაყრის, სოფ. დიდი ლილოს მიმდებარედ მცხოვრებ კერძო სექტორის მოსახლეობის ნაწილს, მიმდებარედ მცირე და მსხვილ კომერციულ ობიექტებს: საჯარო სკოლა # 152-ს, ბაგა-ბაღი # 115-ს, # 164-ს, აეროდრომის 13ქ. 10-ში - შპს "პენსილვანიის (აშშ) საგუშაგო კოშკის ბიბლიისა და ტრაქტატების საზოგადოების ფილიალს საქართველოში", ხომლელის ქ. 5-ის მიმდ - შპს „ფიფქს", აბაშვილის ქუჩაზე - ფ/პ ჯემალ ხიდიშელს, ვარკეთილის ზ/პლ, კორპ. 23-ის მიმდ - შპს „მომავლის სახლს", ფ/პ ნინო სამხარაძეს, შპს „ჯორჯიან ფეიფერ კომპანი"-ს, შპს „დიზელი და ჰიდრავლიკა"-ს, შპს „ს მოტორსს", მაისურაძის ქ. 1-ში - შპს „თბილისი ენერჯი"-ს, მაისურაძის ქ. 5-ში - საქართველოს შინაგან საქმეთა სამინისტროს ეკონომიკურ დეპარტამენტს", ალირეზა ამირ ჰასსანხანის, შპს „ინოვაციურ ხედვა"-ს, აბაშვილის ქ. 20-ის მიმდებარედ - ეკლესიას (გიორგი მაისურაძე), აბაშვილის ქ. 11-ში - შპს „პლატო"-ს" - ნათქვამია ინფირმაციაში.კომპანიის ცნობით, გაზმომარაგების აღდგენა დაიწყება იმავე დღეს, 5 სექტემბრის 17:00 საათიდან და დასრულდება 22:00 საათისთვის.

„შავი ზღვის წყალქვეშა ელექტრო კაბელი ხელს შეუწყობს არამარტო ევროპის, ა...

ეკონომიკის სამინისტროს ინფორმაციით, მინისტერიალი საქართველოს, აზერბაიჯანის, რუმინეთის და უნგრეთის მონაწილეობით უკვე მერვედ გაიმართა და მის ფარგლებში პროექტის მონაწილე მხარეთა მიერ ხელი მოეწერა შეთანხმებას ენერგეტიკულ კომპანიებს შორის ერთობლივი საწარმოს დაფუძნების თაობაზე. მიმდინარე მინისტერიალზე ასევე იტალიურმა საკონსულტაციო კომპანია CESI-მა პრეზენტაცია გამართა მწვანე ენერგიის დერეფნის ფარგლებში ჩატარებული ტექნიკურ-ეკონომიკური კვლევის შესახებ. როგორც ლევან დავითაშვილმა აღნიშნა, ეს არის მნიშვნელოვანი ეტაპი მდგრადი და უსაფრთხო ენერგეტიკული მომავლისკენ.„ევროკავშირის მიზნების ფარგლებში ჩვენ უნდა ვისწრაფოდეთ მომავალში განახლებად ენერგიაზე გადასვლისკენ, მწვანე ენერგიაზე გადასვლა არამხოლოდ ევროკავშირის წევრი ქვეყნებისთვისაა დღის წესრიგის უმნიშვნელოვანესი საკითხი, არამედ საქართველოსთვისაც, ვინაიდან ჩვენ კანდიდატი ქვეყანა ვართ და ამ პროექტში მონაწილეობას უდიდეს მნიშვნელობას ვანიჭებთ. ვფიქრობ, შეხვედრა ძალიან პროდუქტიული იყო, ერთობლივი საწარმო დააჩქარებს უკვე არსებული ხელშეკრულებით გათვალისწინებული ვალდებულებების შესრულებას. ასევე სიმბოლურია, რომ საწარმო დაფუძნდება ბუქარესტში, რადგან რუმინეთი უმნიშვნელოვანესს როლს ასრულებს ამ პროექტის ფარგლებში“, - აღნიშნა პირველმა ვიცე-პრემიერმა ლევან დავითაშვილმა.მან აქცენტი გააკეთა ზოგადად ენერგოუსაფრთხოების მნიშვნელობაზე და აღნიშნა, რომ ამ პროექტს ნამდვილად შეუძლია ხელი შეუწყოს ევროპის ენერგოუსაფრთხოებას. ამასთან, მისი თქმით, თავისუფალი ბაზრებისთვის, მათ შორის ევროკავშირისთვის უაღრესად მნიშვნელოვანია ინფრასტრუქტურული, მათ შორის ენერგეტიკის სფეროს განვითარება, რაშიც შავი ზღვის წყალქვეშა ელექტრო კაბელის პროექტს დიდი წვლილის შეტანა შეუძლია.„განსაკუთრებული მნიშვნელობა ამ პროექტს იმიტომ ენიჭება, რომ ჩვენ არ გვაქვს პირდაპირი სახმელეთო საზღვარი ევროკავშირთან და მხოლოდ შავი ზღვა გვაკავშირებს. სამხრეთ კავკასიიდან ხელმისაწვდომ ფასად, საიმედო და უსაფრთხო ენერგიაზე წვდომა უაღრესად მნიშვნელოვანია. აღსანიშნავია, რომ სამხრეთ კავკასიაში, კერძოდ საქართველოსა და აზერბაიჯანში შთამბეჭდავი მუშაობა მიდის განახლებადი ენერგიების განვითარების მიმართულებით. ჩვენ ვახორციელებთ ახალ პროექტებს - ჰიდროელექტროსადგურების, ასევე მზისა და ქარის სადგურების მიმართულებით. ერთად ჩვენ შევძლებთ, ვიყოთ ევროკავშირისთვის მწვანე ენერგიის საიმედო მიმწოდებლები და დარწმუნებულო ვარ, რომ საქართველოსა და ევროკავშირს შორის ამ კუთხით თანამშრომლობა გრძელვადიანი იქნება“, - აღნიშნა ლევან დავითაშვილმა.

ლევან დავითაშვილი: შავი ზღვის წყალქვეშა კაბელის პროექტი ტექნიკურად და...

მინისტერიალში ასევე მონაწილეობდნენ რუმინეთის ენერგეტიკის მინისტრი იოან ბურდუჟა, აზერბაიჯანის ენერგეტიკის მინისტრი ფარვიზ შაჰბაზოვი, უნგრეთის საგარეო საქმეთა და ვაჭრობის მინისტრი პეტერ სიიარტო, აგრეთვე ბულგარეთის ენერგეტიკის მინისტრის მოადგილე ივა პეტროვა, რუმინეთის მთავრობის გენერალური მდივანი მირჩა აბრუდეანი და ევროკომისიის წარმომადგენელი სირილ ლუაზელი. მინისტრიალში საქართველოს დელეგაციის შემადგენლობაში იყვნენ ეკონომიკისა და მდგრადი განვითარების სამინისტროს ენერგეტიკული პოლიტიკისა და საინვესტიციო პროექტების დეპარტამენტის უფროსი ჯუბო ტურაშვილი, სს „საქართველოს სახელმწიფო ელექტროსისტემის“ გენერალური დირექტორი გიორგი გიგინეიშვილი და საქართველოს ელჩი რუმინეთში თამარ ბერუჩაშვილი.მისასალმებელ სიტყვაში, პირველმა ვიცე-პრემიერმა ხაზი გაუსვა სტრატეგიულ პარტნიორობას საქართველოს, აზერბაიჯანს, რუმინეთსა და უნგრეთს შორის მწვანე ენერგიის განვითარებისა და გადაცემის მიმართულებით. მისი თქმით, შავი ზღვის წყალქვეშა კაბელის პროექტი ამ პარტნიორობის ერთ-ერთი ყველაზე მნიშვნელოვანი ასპექტია.„საქართველო ამაყობს, რომ ასრულებს მთავარ როლს ამ პროექტში. მინისტრთა პირველი შეხვედრის შემდეგ მნიშვნელოვანი სამუშაო გაკეთდა ამ პროექტის შესასრულებლად. სრული ტექნიკურ-ეკონომიკური შესწავლის თანახმად, პროექტი პერსპექტიული და ტექნიკურად და ეკონომიკურად განხორციელებადია. ეს ნიშნავს, რომ ჩვენს მიერ გაწეული ძალისხმევა იყო შედეგიანი და ჩვენი შემდეგი ნაბიჯები  უნდა იყოს კიდევ უფრო აქტიური და დაჩქარებული“, - განაცხადა ლევან დავითაშვილმა.პირველმა ვიცე-პრემიერმა ყურადღება გაამახვილა პროექტის მონაწილე ენერგეტიკულ კომპანიებს შორის შეთახმებაზე ერთობლივი საწარმოს შექმნასთან დაკავშირებით. მისი თქმით, შეთანხმება წარმოადგენს მხარეთა ვალდებულებას, რომ მწვანე ენერგეტიკული დერეფნის პროექტი იყოს წარმატებული. „ჩვენი თანამშრომლობით შეგვიძლია შევქმნათ უფრო მდგრადი და წარმატებული მომავალი ჩვენი ქვეყნებისათვის და მათ ფარგლებს გარეთ“, - აღნიშნა ლევან დავითაშვილმა.მინისტერიალზე იტალიურმა საკონსულტაციო კომპანიამ „CESI“ გამართა პრეზენტაცია მწვანე ენერგიის დერეფნის ფარგლებში ჩატარებული ტექნიკურ-ეკონომიკურ კვლევის შესახებ.მინისტერიალის ფარგლებში, საქართველოს, რუმინეთის, აზერბაიჯანისა და უნგრეთის მინისტრებმა და ევროკომისიის წარმომადგენელმა ხელი მოაწერეს „აზერბაიჯანის რესპუბლიკის, საქართველოს, რუმინეთისა და უნგრეთის მთავრობებს შორის მწვანე ენერგიის განვითარებისა და გადაცემის სფეროში სტრატეგიული პარტნიორობის შესახებ შეთანხმების” ცვლილების ოქმს.მინისტერიალზე ასევე გაფორმდა შეთანხმება, რომელიც ითვალისწინებს 4 ქვეყნის გადამცემი სისტემის ოპერატორების (სს „საქართველოს სახელწიფო ელექტროსისტემას“, „აზერენერჯის“, National Power Grid Company Transelectrica S.A-სა (რუმინეთი) და „MVM Zrt” - ს (უნგრეთი)) მიერ ერთობლივი საწარმოს შექმნას. საქართველოს მხრიდან შეთანხმებას ხელი მოაწერა სს „საქართველოს სახელმწიფო ელექტროსისტემის“ გენერალურმა დირექტორმა გიორგი გიგინეიშვილმა.

სემეკში ენერგეტიკის სამართლის შესახებ საჯარო ლექცია ჩატარდა

სემეკისა და ენერგეტიკის სასწავლო ცენტრის ერთობლივი ორგანიზებით გამართული საჯარო ლექციის ფარგლებში, პროფესორმა მათიას კნაუფმა ისაუბრა ევროკავშირის ქვეყნებში ენერგეტიკის სამართლის აღსრულების შესახებ, მიმოიხილა ენერგეტიკული სექტორის პრეცედენტული მაგალითები. გარდა ამისა,  უპასუხა მონაწილეთა კითხვებს ენერგეტიკის სექტორში კონკურენციის კანონმდებლობის აღსრულების, მომხმარებელთა უფლებების დაცვისა და ენერგეტიკული გაერთიანებების (კოოპერატივები) გამოცდილების შესახებ.სემეკისა და ენერგეტიკის სასწავლო ცენტრის მიზანია სექტორში დასაქმებული პირების ინფორმირებულობისა და ცოდნის დონის გაზრდა, ენერგეტიკის სხვადასხვა აქტუალურ საკითხებზე. ამ მიზნით, პერმანენტულად მიმდინარეობს კონფერენციებისა და შეხვედრების ორგანიზება, რომლებიც ხელს უწყობს რიგ საკითხებზე მხარეთა შორის ინფორმაციისა და გამოცდილების გაზიარებას.

თხევადი გაზის არანორმალურად გაძვირდა და ქვეყანაში დეფიციტიც შეიქმნა

ანალიტიკოსი ნიკა შენგელია „ფეისბუქის“ პირად გვერდზე საავტომობილო თხევადი გაზის ფასის ზრდას გამოეხმაურა და აღნიშნა, რომ იმპორტიორებს განუსაზღვრელი დროით აჩერებენ საბაჟოზე, რამაც ფასზე გავლენა მოახდინა.„21 ივლისიდან, დავაანონსეთ, რომ საავტომობილო თხევადი გაზი გაძვირდებოდა და თან დავიწყეთ თხევადი გაზის გაძვირების მიზეზების შესწავლა. წინა კვლევის შედეგად მოგახსენებთ, რომ ოთხმოცამდე გაზმზიდი იმყოფებოდა ნატახტრისა და ლარსის ე.წ. ტირ-პარკებში და ორი-სამი დღის განმავლობაში ელოდებოდნენ მოძრაობის დაწყების ნებართვას.ტირ-პარკების მეპატრონეებს, სხვადასხვა ფასიანი სერვისების გარდა, მოწყობილი აქვთ შიდა ტერიტორიაზე მაღაზიები და კვების ობიექტები. მანქანების გაშვება არ იწყებოდა სანამ აღნიშნული მაღაზიები და კვების ობიექტები არ შეასრულებდნენ მათთვის დაწესებული ნავაჭრის გეგმას. პროდუქტებზე მაღალი ფასები ხომ ჩვეული ნორმაა, მაგრამ ერთი ფურცლის ქსეროასლის გადაღებაში 2 ლარს რომ გადაგახდევინებენ, აქ კომენტარი უკვე ზედმეტად მიმაჩნია", - დაწერა შენგელიამ.იგი ასევე აღნიშნავს, რომ ტირ-პარკების გარდა გადაზიდებისთვის პრობლემების შექმნაში ლარსის საბაჟომ უფრო თვალშისაცემ შედეგებს მიაღწია. კერძოდ, კონკრეტული ფაქტების მაგალითებიდან დგინდება, რომ სავარაუდოდ, საბაჟოს თანამშრომლები ხელოვნურად ქმნიან წინაპირობას, რომ გადამზიდებს დაუფიქსირონ არადეკლარირებული ტვირთი ზედმეტი რაოდენობის სახით, ანუ იმაზე მეტი, რაც დეკლარაციაში და სხვა თანმხლებ საბუთებში არის ნაჩვენები.,,ზედმეტი ტვირთის დაფიქსირება ხდება ცისტერნა-მისაბმელის აწონვით. აღნიშნული ცისტერნა-მისაბმელი წესით უნდა აიწონოს პირველად, როდესაც მანქანა საბაჟოს გაივლის ქვეყნიდან გასვლის დროს, დაფიქსირდეს ეს წონა და შემდეგ დატვირთული გაზმზიდი რომ დაბრუნდება საქართველოში, აიწონოს ტვირთთან ერთად, გამოაკლდეს მას გასვლის დროს დაფიქსირებული წონა და შედარდეს საბუთში მითითებულ წონასთან.აღნიშნული განეკუთვნება წონის დადგენას პრაქტიკული მეთოდით, რომელიც ითვალისწინებს გაზმზიდის ავზში მკვდარ ნაშთს დაახლოებით 400-დან 600 კილოგრამამდე და ეს მკვდარი ნაშთი სისტემატურად იმყოფება ცისტერნაში ორთქლოვანი გაზის სახით. სინამდვილეში კი, საბაჟოს თანამშრომლები იყენებენ შერჩევითობას - არ წონიან მანქანას გასვლის დროს და წონიან მხოლოდ დატვირთულებს შემოსვლის დროს. ამ შემთხვევაში ცარიელი ცისტერნის წონის დასადგენად იყენებენ ტექნიკურ პასპორტში დაფიქსირებულ მონაცემებს, რომელშიც მკვდარი ნაშთი ასახული ვერანაირად ვერ იქნება.აი, ასეთი მეთოდით უფიქსირებს ლარსის საბაჟო გაზმზიდებს მკვდარ ნაშთს არადეკლარილებულ საქონლად და აჯარიმებენ იმპორტიორებს 1 000 ლარით. ჯარიმის გარდა განუსაზღვრელი დროით აჩერებენ მანქანებს საბაჟოზე.მინდა აღვნიშნო, რომ თხევადი გაზის გაძვირებას რამდენიმე ფაქტორი აქვს, მათ შორის, ბირჟაზე ფასების მომატება და სხვა, მაგრამ ის, რაც ჩვენი ქვეყნის ხელისუფლებაზე არის დამოკიდებული, ეს არის პირველ რიგში მოსაგვარებელი", - აღნიშნა ნიკა შენგელიამ.რაც შეეხება თხევადი გაზის სეგმენტს, ანალიტიკოსის შეფასებით, დარგს აუცილებლად სჭირდება სახელმწიფო სტრუქტურა. საქართველოში არ არსებობს ტექნოლოგიური ინსტრუქციები თხევადი გაზის მიღება/დაცლის/შენახვის/გაცემის და სხვა ოპერაციებთან დაკავშირებით, არ არის დადგენილი ასევე დანაკარგების და სხვა უსაფრთხოების და აღრიცხვიანობის ნორმები რაც უშუალოდ სახელმწიფო სტრუქტურის მიერ უნდა იყოს დადგენილი.„სახელმწიფომ უნდა იზრუნოს, რომ ქვეყანა მარაგდებოდეს დაბალფასიანი საწვავით. მაგრამ, სამწუხაროდ, ჩვენმა კვლევამ დაადგინა მხოლოდ ხელის შემშლელი ფაქტები. არც ერთი იმპორტიორი არ არის დაინტერესებული, რომ თხევადი გაზი გასამართ სადგურზე ღირდეს 1,25 ლარზე მეტი. ეს არის მაქსიმალური ფასი ამ პროდუქტისთვის, რათა ის იყოს კონკურენტუნარიანი ბუნებრივი აირისა და ბენზინის ფასთან.ჩვენ ვაგრძელებთ კვლევას თხევადი გაზის გაძვირებასთან დაკავშირებით და ახლო მომავალში მოგაწვდით არა მარტო გაძვირების მიზეზებს, არამედ გამოსავალზეც ვისაუბრებთ", - დაწერა შენგელიამ სოციალურ ქსელში.აღსანიშნავია, რომ 2015 წელს თხევადი გაზის აქციზი ერთ ტონაზე 120 ლარს შეადგენდა, 2017 წლის 1-ლი აგვისტოდან კი აქციზი 180 ლარით გაიზარდა და 300 ლარი გახდა.თუკი რამდენიმე კვირის წინ 1 ლიტრი თხევადი გაზი სადგურებზე 1.10 ლარი ღირდა, ახლა ფასი 1,90 ლარს აღწევს. თხევადი გაზის ასოციაციის ხელმძღვანელის ნიკა ხოფერიაც ადასტურებს, რომ გაძვირება ლარსის გამშვებ პუნქტზე გადაზიდვების შეფერხებას უკავშირდება.„ელპიჯი საწვავი რამდენიმე გარემოების გამო გაძვირდა. მათ შორის თხევადი გაზი მომწოდებელმა მხარემ, რუსეთმა გაგვიძვირა და ეს ადგილობრივ ბაზარზე მყისიერად აისახა. განსაკუთრებით გავლენა იქონია ლარსის გამშვებ პუნქტზე გადაზიდვებთან დაკავშირებით შექმნილმა ვითარებამ, რის გამოც საქართველოში გაზის სიმცირეა. რამდენიმე დღეა, ავტოსატრანსპორტო საშუალებებს რიგში უწევთ ყოფნა, ვერ შემოდის პროდუქტი და ამან გამოიწვია პრობლემა", - აღნიშნა ხოფერიამ ,,რეზონანსთან" საუბრისას.მიუხედავად იმისა, რომ თხევადი გაზი ძვირდება, ავტოსატრანსპორტო საშუალებები ამ ტიპის საწვავს მაინც აქტიურად მოიხმარენ. როგორც გაზის ხარისხის ექსპერტი ნოდარ რამიშვილი აღნიშნავს, ვისაც ყოველდღიურად უწევს გადაადგილება, უპირატესობას მაინც ელპიჯის ანიჭებს. რაც შეეხება გაძვირებას, ერთ-ერთ მიზეზად გეოპოლიტიკურ ვითარებას ასახელებს,,წლების განმავლობაში თხევადი გაზი ბენზინის საუკეთესო ალტერნატივად ითვლებოდა.  ბევრი იყენებდა მას და ასეა ახლაც,  მანქანას რომ შეიძენენ, ყველა ცდილობს, რომ გაზის ბალონი დაამონტაჟოს. აქციზის გადასახადის შემოღებამ ამ საწვავის მკვეთრი გაძვირება გამოიწვია, რასაც შემდეგ რუსეთ-უკრაინის ომის ფაქტორი დაემატა.  შესაბამისად, რუსეთმა თხევადი გაზი გააძვირა. მართალია,  აზერბაიჯანიდანაც შემოდის, მაგრამ მას უფრო ტექნიკური დანიშნულებით იყენებენ, ავტომობილებში - ნაკლებად.როგორც ცნობილია, რუსეთის და აზერბაიჯანის ლიდერებს ჰქონდათ შეხვედრა, სადაც ნავთობპროდუქტების საკითხზეც ისაუბრეს. არ გამოვრიცხავ, ამ პროცესს საწვავის  გაძვირება მოჰყვეს, რაც ბენზინსაც შეეხება. მთლიანობაში, თხევად გაზზე მოთხოვნა გაძვირების პირობებშიც შენარჩუნდება. განსაკუთრებით  დიდძრავიანი ავტომობილები ვისაც ჰყავს, ვინც ტაქსაობს ან დისტრიბუტორად მუშაობს და მთელი დღის განმავლობაში უწევს ავტომობილით გადაადგილება, უპირატესობას მაინც ელპიჯი საწვავს ანიჭებს", - დასძინა ნოდარ რამიშვილმა ,,რეზონანსთან" საუბრისას.წყარო: resonancedaily.com