ოთარ ნადარაია: ვფიქრობთ, 2023 წელს მონეტარული პოლიტიკის განაკვეთი 9%-მდე შემცირდება

დემოკრატიული პროცესები და საარჩევნო ადმინისტრაციების როლი ამ მიმართულებით, ქვეყნების გამოცდილების განხილვა, გამოწვევები, რეფერენდუმის დაგეგმვა, ჩატარება და მისი მნიშვნელობა - ეს იმ თემების მცირე ჩამონათვალია, რომელიც ფორუმის ფარგლებში გამართული პანელის - სახელწოდებით „ძლიერი ინსტიტუციები: პირდაპირი დემოკრატიის წინსვლა, ხელშეწყობა და საარჩევნო ადმინისტრაციების ხედვა“ ნაწილში მხარეებმა განიხილეს. მოლდოვას, ბოსნია და ჰერცეგოვინას, რუმინეთისა და მექსიკის საარჩევნო ადმინისტრაციების წარმომადგენლების მონაწილეობით გამართულ პანელურ დისკუსიაში გიორგი კალანდარიშვილმა სხვადასხვა მიმართულებით ვრცლად ისაუბრა. მათ შორის, პირდაპირი დემოკრატიის განხორციელების პროცესში საარჩევნო ადმინისტრაციების როლსა და მნიშვნელობაზე გაამახვილა ყურადღება. კერძოდ, ხაზი გაუსვა დემოკრატიულ პროცესებში მოქალაქეთა უფლებამოსილებისა და ამომრჩევლების უშუალო მონაწილეობის ხელშეწყობის კუთხით განხორციელებულ პროექტებსა და საქმიანობებს და ისაუბრა ამ პროცესის მნიშვნელობაზე არჩევნების მთლიანობის უზრუნველყოფის ნაწილში. კალანდარიშვილმა ასევე ვრცლად ისაუბრა დეზინფორმაციაზე, როგორც თანამედროვეობის ერთ-ერთ მთავარ გამოწვევაზე. მან ფართო აუდიტორიას დეზინფორმაციასთან ბრძოლის მიმართულებით საქართველოს ცესკოს მიერ გამოყენებული საშუალებების, საგანმანათლებლო და საინფორმაციო პროექტების შესახებ, ასევე ინფორმირებული ამომრჩევლის მნიშვნელობაზეც მიაწოდა ინფორმაცია, რომელიც როგორც მან აღნიშნა დეზინფორმაციით არასწორი აღქმების ჩამოყალიბების პრევენციის ერთ-ერთ მექანიზმს წარმოადგენს.პანელური სესიის ფარგლებში, ცესკოს თავმჯდომარემ ტექნოლოგიურ ინტერვენციასა და ამ მიმართულებით არსებულ მიღწევებზეც ისაუბრა. დისკუსიის ბოლოს კალანდარიშვილმა საარჩევნო კულტურის განვითარებაზე, ამ მიმართულებით დაგეგმილ და განხორციელებულ პროექტებზეც ვრცლად ისაუბრა და აღნიშნა, რომ არჩევნების მთლიანობის უზრუნველყოფის მიზნით საარჩევნო კულტურის განვითარება და ინფორმირებული ამომრჩეველი მნიშვნელოვან როლს ასრულებს.ამასთანავე, ფორუმის ფარგლებში, ცესკოს თავმჯდომარე სხვადასხვა საერთაშორისო და ადგილობრივი ორგანიზაციების წარმომადგენლებს შეხვდა და 26 ოქტომბრის არჩევნებისთვის სამზადისის შესახებ მიაწოდა ინფორმაცია.ოფიციალური ვიზიტის ფარგლებში საქართველოს ცენტრალური საარჩევნო კომისიის თავმჯდომარე გიორგი კალანდარიშვილი რუმინეთის მუდმივმოქმედ საარჩევნო კომისიის თავმჯდომარეს - ტონი გრებლას შეხვდა, სადაც მხარეებმა თანამშრომლობის გაღრმავების პერსპექტივები განიხილეს. ვიზიტის ფარგლებში ამავდროულად გაიმართა მეორე შეხვედრაც, რომელსაც საქართველოს გარდა ასევე ესწრებოდნენ სხვადასხვა ქვეყნების საარჩევნო ადმინისტრაციებიც. აღნიშნულ შეხვედრაზე მონაწილეებმა ამომწურავი ინფორმაცია მიიღეს 6-9 ივნისს დაგეგმილ ევროპარლამენტის და რუმინეთის ადგილობრივი არჩევნების მზადების პროცესზე, რომელსაც საქართველოს ცესკოს წარმომადგენლები შესაბამისი მოწვევის საფუძველზე საერთაშორისო დამკვირვებლის სტატუსით დააკვირდებიან.15-18 მაისის გლობალური ფორუმის ფარგლებში გამართული პანელური სესია საარჩევნო საკითხებზე, რუმინეთის მუდმივმოქმედი საარჩევნო კომისიისა და საარჩევნო ადმინისტრაციების მსოფლიო ასოციაციის (A-WEB) მიერ იყო ორგანიზებული.

1716216114

მომენტალური გადარიცხვის ტექნოლოგია ქმნის მობაილბანკიდან გადარიცხვის/გადმორიცხვის შესაძლებლობას დროის ნებისმიერ მონაკვეთში, ნებისმიერი ბანკის ბარათით და მომენტალური ასახვით.გადარიცხვა შესაძლებელია:თიბისის ბარათიდან ნებისმიერი სხვა საქართელოში მოქმედი ბანკის ბარათზე სხვა ბანკის ბარათიდან თიბისის ბარათზე.  სხვა ბანკის ბარათიდან ისევ სხვა ბანკის ბარათზე. ციფრული საფულიდან, apple pay/google pay-ს მეშვეობით თანხის დამატება თიბისის ბარათზე. თანხის გადარიცხვა ან გადმორიცხვა საქართველოს ტერიტორიაზე მოქმედ ნებისმიერი ბანკის Visa და MasterCard ბარათებიდან იქნება შესაძლებელი 24/7-ზე.გადარიცხვა აუცილებლად უნდა შესრულდეს “საკუთარ ანგარიშზე” ღილაკის გამოყენებით, რომ თანხა მომენტალურად აისახოს. გადარიცხვა ხორციელდება მხოლოდ ლარის ვალუტაში და თითო გადარიცხვის საკომისიო ერთი ლარია.ამ ფუნქციონალით სარგებლობა ნებისმიერ ადამიანს შეუძლია, აუცილებელი პირობაა, რომ მომხმარებელი სარგებლობდეს თიბისის მობაილბანკით. 

1716208529

პროექტის დასრულების შემდეგ რა პრობლემების წინაშე შესაძლოა აღმოჩნდეს აღნიშნული ტერიტორია საგზაო მოძრაობის კუთხით და რამდენად შეძლებს დიდი რაოდენობის ნაკადების გატარებას არსებული ინფრასტრუქტურა, ამის შესახებ „კომერსანტთან“ სფეროს წარმომადგენლებმა ისაუბრეს.საქართველოს საავტომობილო ფედერაციის ვიცე-პრეზიდენტი, ავტომრბოლელი მევლუდ მელაძე ამბობს, რომ კონკრეტულ მონაკვეთზე ყოველდღიურად ისედაც გადატვირთული მოძრაობა და საგზაო კოლაფსია, გეგმაში კი რამდენიმე დიდი პროექტი უკვე არსებობს, ამიტომ წარმოუდგენელია, როგორ შეიძლება მიიღოს სატრანსპორტო ნაკადები ასეთმა გრანდიოზულმა შენობებმა, განსაკუთრებით პიკის საათებში. მისი თქმით, ქალაქის ცენტრში, სადაც ისედაც პარალიზებულია საგზაო მოძრაობა, დიდი სასტუმროების ქსელის მშენებლობა არასწორია.ფონდის „პარტნიორობა საგზაო უსაფრთხოებისთვის“ დირექტორი ირაკლი იზორია განმარტავს, რომ ხშირია შემთხვევები როდესაც მსხვილი პროექტები ხორციელდება და არ არის გათვალისწინებული სატრანსპორტო ინფრასტრუქტურა, ამიტომ ფაქტობრივად ტროტუარებზე ხდება ავტომანქანების გაჩერება, გზა არის გადატვირთული და საპარკინგე ადგილებზე არასწორი პარკირება შეინიშნება, რაც ძალიან დიდ ქაოსს და პრობლემებს ქმნის. მისი თქმით, იმის შანსი, რომ ხუთ ვარსკვლავიანი სასტუმროების სტუმრები ძირითადად ავტომობილებით გადაადგილდებოდნენ უფრო მაღალია, შესაბამისად საავტომობილო გადაადგილების მხრივ პრობლემები გარდაუვალია.„ცენტრალ პარკ თაუერსი“ 300 მილიონი დოლარის საინვესტიციო ღირებულების 5 ვარსკვლავიანი მრავალფუნქციური სასტუმრო კომპლექსია. კომპანიის ინფორმაციით, 140 000 კვადრატული მეტრის ფართობის მეგა რეზორტში დაგეგმილია 5-ვარსკვლავიანი სასტუმრო Radisson Blu-ს, ასევე ცნობილი რესტორნების Chotto Matte-ს და Beefbar-ს გახსნა.„პროექტი შედგება ორი 42 სართულიანი თაუერისგან, რომელიც ერთიანდება 7 სართულიანი პოდიუმით, სადაც კომპლექსის ინფრასტრუქტურაა განთავსებული. კომპლექსს 3 მიწისქვეშა საპარკინგე სართული აქვს, რომელიც 400 ავტომანქანაზეა გათვლილი. მულტიფუნქციურ სივრცეში განთავსდება საქართველოში პირველი მაღალი კლასის ბრენდების შოპინგ მოლი და ყველაზე დიდი კაზინო. ამავე სივრცეში იქნება ინტეგრირებული რეგიონში ყველაზე მასშტაბური ივენთ ჰოლი. კომპლექსში ასევე განთავსდება საქართველოში ყველაზე დიდი ველნეს ცენტრი, პრემიუმ-კლასის ღია და დახურული აუზებითა და ესთეტიკური მედიცინის ცენტრით.Central Park Towers-ში თავმოყრილი იქნება Fine Dining-ის 7 პრემიუმ რესტორანი. თაუერის ბოლო სართულზე განთავსდება აღმოსავლეთ ევროპაში ყველაზე ძვირადღირებული პენტჰაუსები“, - აცხადებენ კომპანიაში.commersant.geმშენებლობა მიმდინარე ეტაპზედასრულებული მშენებლობის პროექტი

1716208455

სამოქმედო გეგმაზე შეთანხმებიდან დავალების შესრულებამდე საკმაოდ დიდი გზაა გასავლელი, წამყვანი ტექნოლოგიური კომპანიები კი ამ პროცესის გამარტივებას ცდილობენ და ისეთ ხელსაწყოებს ქმნიან, რომელთა დახმარებით ბიზნესის მენეჯმენტს უფრო ეფექტიანად შეძლებთ, რითაც დროის და რესურსების დაზოგვას შეძლებთ.საქართველოს ბანკის და Mastercard-ის ბიზნეს ბარათის მფლობელებს აქვთ საშუალება, სპეციალური პირობებით ისარგებლონ წამყვანი ტექნოლოგიური კომპანიების მიერ შექმნილი პროდუქტებითა და სერვისებით, ამ ბლოგში კი რამდენიმე ისეთი სერვისის შესახებ მოგიყვებით, რომელთა დახმარებით ბიზნესის მართვა გაგიმარტივდებათ:Microsoft 365თანამედროვე სამყაროში ბიზნესის ოპერირება საოფისე პროგრამების გარეშე, უბრალოდ, წარმოუდგენელია. დოკუმენტებზე მუშაობით დაწყებული, მონაცემების დამუშავებით თუ პრეზენტაციების მომზადებით დამთავრებული, Microsoft-ი უპირობო გლობალური ლიდერია, მისი სერვისებით კი ყოველდღიურად მილიარდობით მომხმარებელი სარგებლობს.Microsoft 365 Business Basic მოიცავს ისეთ სერვისებს, როგორიცაა: Word, Excel, PowerPoint, Outlook, OneDrive, SharePoint და Teams. საქართველოს ბანკის და Mastercard-ის ბიზნეს მომხმარებლებს კი აქვთ შესაძლებლობა, რომ ამ ნაკრების ოფიციალური ვერსია შეღავათიან ფასად შეიძინონ.DocuSignMicrosoft Word-ში მომზადებულ დოკუმენტს ხშირად სჭირდება კომპანიის დირექტორის მხრიდან ხელმოწერა, ამ პროცესის გამარტივების საუკეთესო გზა კი DocuSign-ის სერვისია, რომელიც მომხმარებლებს დოკუმენტების ციფრულად ხელმოწერის საშუალებას აძლევს. ეს პლატფორმა თავიდან აგარიდებთ დოკუმენტის ამობეჭდვის, გაგზავნის, ფიზიკურად ხელის მოწერის, სკანირების და ფოსტის გამოყენების საჭიროებას, მისი დახმარებით ხელმოწერის დადასტურებას რამდენიმე წამში, ნებისმიერი ადგილიდან და მოწყობილობიდან შეძლებთ.Mastercard-ის ბიზნეს ბარათით გადახდის შემთხვევაში, DocuSign-ის სერვისზე 30%-იან ფასდაკლებას მიიღებთ.Monday.comსამუშაოს დროულად და ეფექტიანად შესრულებისთვის კრიტიკულად მნიშვნელოვანია, რომ გუნდის ყველა წევრმა ზუსტად იცოდეს თავისი მოვალეობა და სამუშაოს შესრულების ვადები. Monday.com-ის სერვისი პროექტის მართვის, გეგმის შედგენის, დავალებების განაწილების, ვადების განსაზღვრის და სამუშაოს შესრულების პროცესზე დაკვირვების მარტივ საშუალებას გაძლევთ. ეს არის ერთიანი სივრცე, რომელიც კომპანიას დროის დაზოგვაში და კომუნიკაციის ეფექტიანობის გაზრდაში ეხმარება, რადგან გუნდის ყველა წევრი ხედავს შესასრულებელი დავალებების პროგრესს. Monday.com ციფრული სამუშაო გარემოა, რომელიც რუტინულ პროცესებს ამარტივებს და პროდუქტიულობას ერთიორად აუმჯობესებს. ამ ერთ პლატფორმაზე შეგიძლიათ, რომ თვალი ადევნოთ ყველა მნიშვნელოვან სამუშაოს, არ გამოგრჩეთ კრიტიკული დედლაინები, შეამოწმოთ მომხმარებელთა ინფორმაცია, ისარგებლოთ რეპორტინგისა და ანალიტიკის ხელსაწყოებით. რაც მთავარია, ეს ყველაფერი მოსახერხებელი დიზაინისა და სმარტფონზე მორგებული აპლიკაციის მეშვეობითაც.ამ უნიკალური სერვისით სარგებლობას საქართველოს ბანკის და Mastercard-ის ბიზნეს მომხმარებლები ფასდაკლებით შეძლებენ.Notionხშირად საუკეთესო იდეები მსჯელობისას ან ერთი დოკუმენტიდან მეორეში გადატანისას იკარგება, თუმცა Notion-ის სერვისით სარგებლობის შემთხვევაში, თქვენი ბიზნესი არცერთ ღირებულ იდეას არ გაუშვებს ხელიდან, რადგან ყველაფერი ერთიან სამუშაო სივრცეში იქნება ინტეგრირებული.მაინც რას გულისხმობს ეს? ეს არის პლატფორმა, რომელიც, ერთი მხრივ, შესაძლებლობას გაძლევთ, ახალ იდეებზე იმუშაოთ და ყველა მნიშვნელოვან თუ უმნიშვნელო დეტალს მოუყაროთ თავი. შემდეგ კი, როცა ინფორმაციას შეაგროვებთ, მოაწესრიგებთ, გადაარჩევთ და მიზანს დაისახავთ, იქვე შეძლებთ მასზე მუშაობას და პროგრესზე დაკვირვებას.განსაკუთრებული აღნიშვნის ღირსია ის გარემოება, რომ Notion-ის პლატფორმა დავალებების განაწილების, ცვლილებების შეტანის და თანამშრომლების ერთ დავალებაზე გაერთიანების საშუალებას მოგცემთ, თანაც ისე, რომ პროცესი ყველასათვის ხილული იქნება.Mastercard-ის ბიზნეს ბარათის მფლობელებს აქვთ უნიკალური შესაძლებლობა, Notion-ის პლატფორმით 6 თვის განმავლობაში უფასოდ ისარგებლონ.ცხადია, საქართველოს ბანკის და Mastercard-ის მომხმარებლები მხოლოდ ამ 4 შეთავაზებას არ მიიღებენ, რეალური სია გაცილებით უფრო ვრცელია და ის მუდამ იზრდება, ამიტომ თვალი აქტიურად უნდა ადევნოთ საქართველოს ბანკის ბიზნეს შეთავაზებების სივრცეში გამოჩენილ სიახლეებს.აქვე გაითვალისწინეთ, რომ ამ შეთავაზებებით სარგებლობას მხოლოდ მასტერქარდის ბიზნესბარათის მფლობელები შეძლებენ. თუ ბარათი ჯერ არ გაქვთ, მისი შეკვეთა საქართველოს ბანკის ბიზნეს ინტერნეტბანკსა და ბიზნეს მობილბანკშია შესაძლებელი. და თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში ონლაინ მარტივად და პროცესში შეუკვეთეთ ბიზნეს Mastercard ბარათი.

1716206400

სოფელი ქანდა მცხეთის მუნიციპალიტეტში, მუხრანის ვაკეზე მდებარეობს. ადგილობრივი მოსახლეობის დახმარებით, „ქანდა აგრიქალჩერმა“ მალევე შეძლო წარმატების მიღწევა – ეკოლოგიურად სუფთა, საერთაშორისო სტანდარტებით დაცული ხეხილის მოყვანა და მთელი საქართველოს მასშტაბით რეალიზება. ,,ქანდას” საქმიანობა 2021 წელს ნუშის ბაღების გაშენებით დაიწყო, ამჟამად, კი 110 ჰექტარ მიწაზე, ნუშის გარდა, ვაშლი, მსხალი, ქლიავი, ბალი, გარგარი და კიდევ არაერთი სახეობის ხილი ხარობს. ბაღის სამუშაოებით ძირითადად 15 ადამიანია დაკავებული, სეზონურად კი ეს რიცხვი 50-მდე აღწევს.გარემოსა და ადამიანის ჯანმრთელობაზე ზრუნვა, მაღალი ხარისხი, საერთაშორისო სტანდარტებზე მორგებული სამუშაო გარემო და ეკოლოგიურად სუფთა პროდუქტის მოყვანა – ეს ის ძირითადი პრინციპებია, რომელსაც კომპანია ,,ქანდა” დაარსების დღიდან მისდევს.თანამედროვე სამყაროში განსაკუთრებით აქტუალურია საკვების, მისი უვნებლობისა და ხარისხის საკითხი. საბედნიეროდ, ბოლო წლებში გამოჩნდა ბევრი ახალი ფერმა და მცირე მეწარმე, რომლებიც მაღალი ხარისხის პროდუქტს გვთავაზობენ. საქართველოს ბანკიც მუდმივად ცდილობს ხელი შეუწყოს ისეთ წამოწყებებს, რომლებიც სამომავლოდ დიდ წვლილს შეიტანენ ქართული სოფლებისა და აგროკულტურის განვითარებაში. ქართველ მომხმარებლებს კი ექნებათ შესაძლებლობა, რომ ადგილობრივი, ჯანსაღი პროდუქცია შეიძინონ.მსგავს პროექტებს დიდი როლი აქვს როგორც ეკონომიკური, ისე სოციალური კუთხითაც – იქმნება ახალი სამუშაო ადგილები, სადაც ძირითადად ადგილობრივები არიან დასაქმებულები. გარდა ამისა, ვითარდება ტურიზმიც, რაც განსაკუთრებით ეხმარება საქართველოსა და ქართული პროდუქტის ცნობადობის გაზრდას მსოფლიო ბაზარზე. აღსანიშნავია ისიც, რომ ქანდას ბაღებისა და პლანტაციების ტერიტორიაზე, სამომავლოდ სასტუმროს აშენებაც იგეგმება, რაც კიდევ უფრო შეუწყობს ხელს სოფელ ქანდას, რომ ქვეყნის ერთ-ერთი წამყვანი სასოფლო-სამეურნეო და ტურისტული ცენტრი გახდეს.როგორც საქართველოს ბანკის კორპორაციული გაყიდვების სექტორის უფროსი, გიორგი სახვაძე ამბობს:„საქართველოს ბანკისა და „ქანდა აგრიქალჩერის” თანამშრომლობის ფარგლებში, ერთ-ერთ მასშტაბურ და მნიშვნელოვან პროექტს ჩაეყარა საფუძველი. გვჯერა, რომ პროექტი დიდ როლს ითამაშებს ქვეყნის ეკონომიკური პოტენციალის გაზრდაში, ამასთან შექმნის ახალ სამუშაო ადგილებს და ხელს შეუწყობს აგრომიმართულების განვითარებას. ჩვენ მუდმივად მზად ვართ, მხარი დავუჭიროთ მსგავს წამოწყებებს, რათა შევძლოთ კიდევ უფრო მეტი ბიზნესის გაძლიერება”.ამ ეტაპზე ,,ქანდას” მოსავალი ლოკალურ ბაზარზე გადის გასაყიდად, თუმცა სამომავლოდ ქვეყნის ფარგლების გარეთაც იგეგმება გატანა. ამ პროცესს განსაკუთრებით ეხმარება ბოლოდროინდელი ტენდენცია – დროთა განმავლობაში ქართული პროდუქციის დახვეწა, ხარისხის გაუმჯობესება და შესაბამისად, საზღვარგარეთ მისი პოპულარობის გაზრდაც.იმისთვის, რომ ,,ქანდას” პროდუქცია მაქსიმალურად იყოს დაცული მავნე ნივთიერებებისგან, კომპანია იყენებს უმაღლესი ხარისხის ევროპული წარმოების პრეპარატებს, რომლებიც ნაკლებად საზიანოა გარემოსთვის. ამასთანავე, კომპანიის ერთ-ერთი მთავარი პრიორიტეტია თანამედროვე ტექნიკისა და მიდგომების გამოყენება, რაც შესაბამისობაში მოდის საერთაშორისოდ აღიარებულ სტანდარტებთან.როგორც კომპანია „ქანდა აგრიქალჩერის” წარმომადგენელი, თამარ ბერულავა განმარტავს – ,,მაქსიმალურად ვცდილობთ დაკვირვების საფუძველზე ზუსტად იმ დროს მივცეთ მცენარეს საკვები და სამკურნალო ნივთიერება, როდესაც ის ესაჭიროება. თავის მხრივ ამით ვამცირებთ ქიმიური ნივთიერებების გამოყენების ხარჯსაც. “საქართველოს ბანკისთვის, რომლისთვისაც ყოველთვის მნიშვნელოვანი იყო აგროსექტორის მხარდაჭერა და სოფლის მეურნეობის ხელშეწყობა, ეს კონკრეტული პროექტი არც პირველია და არც უკანასკნელი. სწორედ საქართველოს ბანკთან პარტნიორობით შეძლო ,,ქანდამ” რეალურად განეხორციელებინა თავისი მასშტაბური იდეა, რომელიც წლიდან წლამდე სულ უფრო იხვეწება და ფართოვდება.

1716203040

პირველი კვარტალის შედეგების მიხედვით, ვაჭრობა რუსეთსა და ინდოეთს შორის წლიური თვალსაზრისით 5%-ით, 17,5 მილიარდ დოლარამდე გაიზარდა, იუწყება რუსული მედია ინდოეთის მრეწველობისა და ვაჭრობის სამინისტროს მონაცემებზე დაყრდნობით.იანვარში სავაჭრო ბრუნვამ 6 მილიარდ დოლარს მიაღწია, თებერვალში კი ეს მაჩვენებელი 7,6%-ით გაიზარდა და 6,3 მილიარდი დოლარი შეადგინა. პირველი ჩინეთია 24,8 მილიარდი დოლარის მიწოდებით.ინდური საქონლის ექსპორტი რუსეთში 22%-ით გაიზარდა და 1,2 მილიარდი დოლარი შეადგინა. ამ მაჩვენებლით რუსეთის ფედერაციამ 28-ე ადგილი დაიკავა. ინდური საქონლის ტოპ ხუთეულში შედის აშშ ($20.8 მილიარდი), გაერთიანებული საამიროები ($10.9 მილიარდი), ნიდერლანდები ($6.8 მილიარდი), სინგაპური ($5.5 მილიარდი) და ჩინეთი ($4.7 მილიარდი).ინდოეთთან სავაჭრო ბრუნვის ზრდის ფონზე რუპია მოთხოვნადი ხდება რუსეთის ბაზარზე. აპრილში, სბერბანკმა დაიწყო დეპოზიტების გახსნა ინდურ ვალუტაში მსხვილი კლიენტებისთვის, მათ შორის „ბიზნესის შემდგომი დაფინანსებისთვის“ რუპიებში. თუმცა, ექსპერტები აღნიშნავენ, რომ ექსპორტიორები, შეძლებისდაგვარად, ცდილობენ თავი აარიდონ ინდურ ვალუტაში გადახდებს, უპირატესობას ანიჭებენ დოლარს ან იუანს.

1716202602