„დერეფნების განვითარებაში გეოპოლიტიკა რასაც გვიკვეთავს, იმ ნაბიჯებს უნდა მივყვეთ“, - ამის შესახებ რადიო „კომერსანტის“ ეთერში ბიზნეს-ადმინისტრირების დოქტორმა ზურაბ მაღრაძემ განაცხადა.

მისი თქმით, შუა სავაჭრო და სატრანსპორტო დერეფნის გარდა საქართველოს 5 დერეფანი კვეთს და მათთვის მთავარი საკვანძო ქვეყანა ჩვენ ვართ. ამიტომ ამ დერეფნების ერთობლიობაში უნდა განვიხილოთ თითოეული დერეფნის მოცემულობა.

„შუა დერეფნის დაზუსტებული სახელი ასეთია - შუა სავაჭრო და სატრანსპორტო დერეფანი და მას დერეფნის ქვეყნების ერთობლივი საერთო სტრატეგია გააჩნიათ, თუმცაღა ჩვენ როგორც ქვეყანა არ უნდა ვიყოთ მხოლოდ კონცენტრირებული ამ დერეფნის გამოწვევებზე. ამ დერეფნის გარდა საქართველოს კვეთს კიდევ 5 დერეფანი: სამხრეთ-დასავლეთ დერეფანი; ლაპის-ლაზულის; ცენტრალური აზიის; კავკასიის და თურქეთის ერთობლივი დერეფანი; მარშრუტი, რომელიც ლიეტუვას კლაიპედას პორტს საქართველოს პორტებთან აკავშირებს და ამ დერეფნების კვანძი სახელმწიფო ხდება საქართველო.

ამიტომ, ჩვენ ამ დერეფნების ერთობლიობაში უნდა განვიხილოთ თითოეული დერეფნის მოცემულობა. ამ დერეფნების განვითარებას გეოპოლიტიკური დაკვეთა დავარქვათ და გეოპოლიტიკა რასაც გვიკვეთავს იმ ნაბიჯებს უნდა მივყვეთ“, - აცხადებს  ზურაბ მაღრაძე.

მისი თქმით, აუცილებელია ევროკომისიის მიერ მოთხოვნილი 9 დათქმის და მსოფლიო ბანკის რეკომენდაციის შესრულება. „ბუნებრივია საქართველომ თავისი პირობები შეიძლება წაუყენოს მსოფლიო ბანკს და სხვა საერთაშორისო ინსტიტუტს, მაგრამ ეს გამოწვევები უნდა შესრულდეს“.

„პირველ რიგში ევროკომისიის მიერ მოთხოვნილი 9 დათქმის შესრულება, მათ შორის დეოლიგარქიზაცია, რომელიც სხვა არაფერია თუ არა ეკონომიკის სახელმწიფოსგან გათავისუფლება იმისათვის, რომ გადავიდეთ საბაზრო ეკონომიკის წესრიგზე. მეორე - მსოფლიო ბანკის რეკომენდაციაა, რომელიც აუცილებლად გვექნება გასათვალისწინებელი. გასული წლის ნოემბერში მსოფლიო ბანკმა გამოაქვეყნა ანგარიში შუა სავაჭრო და სატრანსპორტო დერეფნის შესახებ. იქ კონკრეტული ლოგისტიკური რუკა მიგვითითა. განსაზღვრა 7 ქალაქი, თავისი ფუნქციონალური დანიშნულებით.

მთავარი ეკონომიკური ცენტრებია თბილისი, რუსთავი, გორი; ქსელის კვანძები - ხაშური და ქუთაისი; შემდეგი ქალაქებია  - ფოთი, როგორც ინდუსტრიული პარკი და ლოგისტიკური ცენტრი; ახალქალაქი მხოლოდ - ლოგისტიკური ცენტრი. ბუნებრივია საქართველომ თავისი პირობები შეიძლება წაუყენოს მსოფლიო ბანკს და სხვა საერთაშორისო ინსტიტუტს, მაგრამ ეს გამოწვევები უნდა შესრულდეს“, - აცხადებს ზურაბ მაღრაძე.

commersant.ge