2025 წლის ეკონომიკური ზრდის მოლოდინები - Galt & Taggart

ლიტერატურაში ჟინის, ჟინიანი პერსონაჟებისა და მუდმივი სწრაფვის შესახებ კი დათო გორგილაძე გვესაუბრება.„შეამჩნევდით, რომ ზოგჯერ ვცდილობთ ჩვენთვის საინტერესო პერსონაჟებს დავემსგავსოთ. მათსავით მოვიქცეთ, მათი სიტყვებით ვისაუბროთ. რა გასაკვირია, რომ ხშირად მათგან რაღაც-რაღაცებს ვსწავლობთ კიდეც, მათ შორის მიზანდასახულობასა და ძალისხმევას, რომელსაც ამ მიზნამდე მისაღწევად იჩენენ. ჩვენ აღგვაფრთოვანებს ამ პერსონაჟების ჟინი, რომლის დახმარებითაც რთულ და ერთი შეხედვით, დაუძლეველ გზებს გადიან.ყველა პერსონაჟს აქვს საკუთარი სავალი გზა, მაგრამ ზოგიერთი ამ გზაზე განსაკუთრებით ჟინიანია.აი, 3 ტექსტი, რომელშიც ჩემთვის ყველაზე საინტერესოდ ჟინიანი პერსონაჟები არიან:„უცხო ჩიტი“ – „შერეკილების“ ლიტერატურული ვერსია რეზო გაბრიაძისგან, სადაც ძალიან კარგად ჩანს ადამიანის დაუოკებელი სურვილი აიჭრას ცაში. ვერავის და ვერაფერს შეუძლია მას უარი ათქმევინოს ცხოვრებისეულ, ლამის სიწმინდემდე აყვანილ მიზანზე - ვერც ციხეს, ვერც ციხის უფროსს და ვერც ფიზიკის იმდროინდელ კანონებს.„დიდი გეტსბი“ ფრენსის სკოტ ფიცჯერალდისგან.„უცხო ჩიტის“ პერსონაჟების მსგავსად, ჯეი გეტსბის მთავარი მამოძრავებელი სიყვარულია (შეიძლება არა ბრუნვადი და ვერტიკალური). ის ხელთ იგდებს დიდძალ სიმდიდრეს, მართავს გასაოცარ, თვალისმომჭრელ, ბრჭყვიალა, საარაკო წვეულებებს, საკუთარი თავისგან ქმნის გავლენიან, თუმცა იდუმალებით მოცულ პერსონას... და ეს ყველაფერი ერთადერთ მიზანს ემსახურება - დაიბრუნოს დეიზი, დაიბრუნოს სიყვარული.„მობი დიკი“ - აქ განსხვავებულ, დამღუპველ ჟინს ვხედავთ, რომლითაც კაპიტანი აჰაბია შეპყრობილი. მისთვის თეთრი ვეშაპი არა უბრალოდ სამიზნე, არამედ ბოროტების სიმბოლოა და მის დასამარცხებლად მზადაა სამყაროს დაუპირისპირდეს, საკუთარი თავი, ყველა და ყველაფერი გაწიროს. თუმცა თუკი ლიტერატურის ძალას ვაღიარებთ, იმასაც ვხვდებით, რომ შეგვიძლია კაპიტან აჰაბს მხოლოდ ჟინიანობას დავესესხოთ და ის ბევრად სასიამოვნო და სასიკეთო მიზნების მიღწევისკენ მივმართოთ“.

1758123343

„ახალგაზრდა ადვოკატები“ აღნიშნავს, რომ სასამართლო წესით განსახილველია უძრავ ნივთზე პირდაპირი მემკვიდრისა და მოთხოვნის უფლების მქონე პირის - თალიკო ღაღაიშვილის მიკუთვნებითი სარჩელი და მოთხოვნილია უძრავ ქონებებზე ყველა გარიგების ბათილად ცნობა, როგორც მოჩვენებითი და თვალთმაქცური გარიგებები, როგორც კანონსაწინააღმდეგო და ამორალური ხასიათის გარიგებები. სასამართლოს მიერ გამოყენებულია უზრუნველყოფის ღონისძიება და ბიზნესმენ ჯემალ ბათაძის ოჯახს კანონიერ ძალაში გადაწყვეტილების შესვლამდე, აკრძალული აქვს უძრავი ნივთის დაყოფა, გაერთიანება სხვა საგანთან, გასხვისება, იპოთეკით დატვირთვა და ნებისმიერი სახის სამშენებლო საქმიანობის განხორციელება. ვაჟა ბათაძემ სადავო ქონებები 2025 წლის 28 მარტსა და 28 აპრილს რეზო დიასამიძესთან (შვილი) და ლალი ქუთათელაძესთან (დედა) დადებული ნასყიდობის ხელშეკრულების საფუძველზე მიიღო, თუმცა დიასამიძეების ოჯახი ქონების გასხვისების დროს, სასამართლოში მიმდინარე საქმეზე წარმოადგენდა პროცესუალურ მხარეს და მათთან 2024 წლის 24 აპრილს პირისპირ შეხვედრაზეც კიდევ ერთხელ იქნა დაზარალებული ოჯახის წარმომადგენლის მხრიდან განმარტებული, რომ პირვანდელ და კანონიერ მესაკუთრეს გააჩნდა ქონების დაბრუნების ინტერესი. დაისამიძეების ოჯახმა ისარგებლა იმ ფაქტით, რომ სასამართლომ დროის ამ მონაკვეთში ქონების გასხვისების აკრძალვის უზრუნველყოფის ღონისძიება გააუქმა  და დაზარალებული ოჯახის სამართლებრივი წინააღმდეგობის მიუხედავად, ქონება ჯემალ ბათაძის ოჯახზე დიასამიძეების ოჯახმა, დაუყოვნებლივ, იმავე დღეს გასხვისდა.„ახალგაზრდა ადვოკატები“ განმარტავს, რომ 2025 წლის 28 მარტს, ჯემალ ბათაძის ოჯახის მიმართ ჯერ გასხვისებული იქნა ერთი ერთეული ქონება. ვინაიდან დაზარალებულმა ოჯახმა მიიღო ინფორმაცია, რომ მიწის ნაკვეთების სრულად „შეძენას“ ჯემალ ბათაძის ოჯახი აპირებდა, 2025 წლის 2 აპრილს, ოჯახის უფლებამოსილმა ადვოკატმა არჩილ კაიკაციშვილმა ვაჟა ბათაძეს წერილით შეატყობინა, რომ სამივე სადავო ქონება იყო სასამართლო წესით სადავო, მიმდინარეობდა საქმის განხილვა, მიწის ნაკვეთები აღმოჩნდა მიტაცებული, სახეზე იყო მოჩვენებითი და თვალთმაქცური გარიგებები და ნებისმიერი მყიდველი ჩაითვლებოდა არაკეთილსინდისიერ მხარედ. არჩილ კაიკაციშვილი მოითხოვდა უარი განცხადებულიყო 28.03.2025 გარიგებაზე და მოსალოდნელ გარიგებებზე, თუმცა ჯემალ ბათაძის ოჯახმა სამართლებრივად აუცილებელი წინადახედულება არ გამოიჩინა. აღსანიშნავია, რომ ოფიციალური შეტყობინებიდან მცირე დროში, ქსელ WhatsAapp-ის მეშვეობით, არჩილ კაიკაციშვილთან განხორციელებული იქნა  ვაჟა ბათაძის მამის - ჯემალ ბათაძის ზარი. ორგანიზაცია დამატებით აღნიშნავს, რომ ჯემალ ბათაძე და თავისი ოჯახი მკვიდრად ცხოვრობს სადავო მიწის ნაკვეთის სიახლოვეს, სოფელ ქვედა კვირიკეში. ამასთან, 2015 წელს, როდესაც ბიზნესმენის ოჯახი ინტერესს გამოთქვამდა დასახელებული მიწის ნაკვეთის შეძენაზე, შებან ღაღაიშვილის შვილიშვილების - როლანდ ღაღაიშვილისა და ემზარ ღაღაიშვილის მოანწილეობით, მასთან ჩატარდა შეხვედრა, განემარტა მიწის ნაკვეთის ნაკლის და დავის თაობაზე. შესაბამისად, ორგანიზაცია განმარტავს, რომ ბიზნესმენ ჯემალ ბათაძის ოჯახის დამოკიდებულება და ქცევის სტანდარტი კიდევ უფრო მეტად მიუღებელი და კრიტიკულია.„ახალგაზრდა ადვოკატების“ მონიტორინგის თანახმად, დგინდება, რომ ჯემალ ბათაძე 100%-იანი წილის მმართველი და დირექტორია 2010 წლის 23 თებერვალს დაფუძნებულ შპს „გეო-თურ“-ში (ს/კ 445384030), რომელიც თურქი ეროვნების პარტნიორებთან ერთად 2010 წლის 23 თებერვალს დააფუძნა. მეწარმეთა და არასამეწარმეო (არაკომერციული) იურიდიული პირების 2017 წლის 26 სექტემბრის უკანასკნელი ამონაწერის თანახმად, კომპანიის დირექტორი და 100%-იანი წილის მმართველი ისევ ჯემალ ბათაძეა. ჯემალ ბათაძე 100%-იანი წილის მმართველი და დირექტორია 2007 წლის 21 მარტს დაფუძნებულ შპს „მ.ჯ,ბ“-ში (ს/კ 245588378). მეწარმეთა და არასამეწარმეო (არაკომერციული) იურიდიული პირების 2013 წლის 6 მარტის უკანასკნელი ამონაწერის თანახმად, კომპანიის დირექტორი და 100%-იანი წილის მმართველი ჯემალ ბათაძეა. ჯემალ ბათაძემ 2017 წლის 1 აგვისტოს დააფუძნა შპს „ორბი ჰოლდინგი“-ში (ს/კ 446970742), რომლის საწესდებო კაპიტალიც გადანაწილდა: ჯემალ ბათაძე - 50%, ომარ სირაბიძე - 50%. ჯემალ ბათაძე ამავე კომპანიის დირექტორის პოზიციას იკავებდა 2017 წლის 25 აგვისტომდე. 2017 წლის 25 აგვისტოს კომპანიის დირექტორი გახდა დავით სირაბიძე, ხოლო 2019 წლის 29 აგვისტოს პარტნიორთა კრების გადაწყვეტილებით - გიორგი სირაბიძე. 2019 წლის 29 აგვისტოს ცვლილებით, საწესდებო კაპიტალი გადანაწილდა შემდეგნაირად: ჯემალ ბათაძე - 33.3%, ომარ სირაბიძე - 33,3% და როლანდ ხალვაში - 33.4%. 2019 წლის 22 ოქტომბრის პარტნიორთა კრების ოქმისა და 22.10.2019 ნასყიდობის ხელშეკრულების საფუძველზე, ჯემალ ბათაძე და როლანდ ხალვაში კუთვნილ წილს ასხვისებენ რომან სირაბიძის სახელზე და რომა სირაბიძე ხდება კომპანიის 66.7% მმართველი, რაც მეწარმეთა და არასამეწარმეო (არაკომერციული) იურიდიული პირების 2021 წლის 17 თებერვლის უკანასკნელი ამონაწერის თანახმად, უცვლელია. ჯემალ ბათაძე, 2017 წლის 26 ოქტომბრიდან 2019 წლის 9 იანვრის მდგომარეობით, 100%-იანი წილის მმართველსა და დირექტორს წარმოადგენდა 2010 წლის 22 იანვარს დაფუძნებულ შპს „უტევანი“-ში (ს/კ 445383246). მეწარმეთა და არასამეწარმეო (არაკომერციული) იურიდიული პირების 2024 წლის 23 ოქტომბრის უკანასკნელი ამონაწერის თანახმად, კომპანიის 100%-იანი წილის მფლობელი და დირექტორი ჯემალ ქათამაძეა. ჯემალ ბათაძე 50%-იან წილის მმართველს წარმოადგენდა 2017 წლის 20 იანვარს დაფუძნებულ შპს „და-თო“-ში (ს/კ 445499693). 2017 წლის კომპანიის დაფუძნებიდან, 50%-იანი წილის მფლობელი და დირექტორი გახლდათ ბადრი დიასამიძე, ხოლო 2017 წლის 23 იანვრის პარტნიორთა კრების ოქმის თანახმად, მიღებული იქნა გადაწყვეტილება ჯემალ ბათაძის კომპანიის თანაბარუფლებიან დირექტორად დანიშვნაზე. 2018 წლის 7 თებერვლის პარტნიორთა კრების ოქმის თანახმად, ჯემალ ბათაძემ საწესდებო კაპიტალში არსებული თავისი კუთვნილი 50%-იანი წილი უსასყიდლოდ გადასცა ბადრი დიასამიძეს. ამასთან, გათავისუფლდა კომპანიის დირექტორის თანამდებობიდან. 2017 წლის სექტემბრის თვის მდგომარეობით, კომპანიის დირექტორია გიორგი ცეცხლაძე, ხოლო მეწარმეთა და არასამეწარმეო (არაკომერციული) იურიდიული პირების 2024 წლის 2 ოქტომბრის უკანასკნელი ამონაწერის თანახმად, კომპანიის დირექტორი და 100%-იანი წილის მმართველი ბადრი დიასამიძეა. რაც შეეხება უშუალოდ ვაჟა ბათაძეს, რომელის სახელზეც რეგისტრირებული იქნა წართმეული ქონება, საჯარო წყაროების მიხედვით, 5 მოქმედ და 1 ყოფილ კომპანიაში ფლობს წილს და ახორციელებს წარმომადგენლობით უფლებამოსილებას. კერძოდ, ვაჟა ბათაძემ უკრაინის მოქალაქეებთან ერთად, 2025 წლის 24 იანვარს დააფუძნა შპს პრემიუმ ტრეიდ კორპორაცია (ს.კ 445775055), რომლის საწესდებო კაპიტალში წილობრივი მონაცემი გადანაწილდა: ვაჟა ბათაძე - 51%, ოლეკსანდრ ალიეკსიეიევ - 22%, ოლეკსიი მიხაილიუკ - 22%, დმიტრო კვასნიკოვ 5%. კომპანიის დირექტორი, სხვა პარტნიორებთან ერთად, თანაბარწილად, ასევე ვაჟა ბათაძეა. ვაჟა ბათაძემ თურქეთის და აზერბაიჯანის მოქალაქეებთან ერთად, 2025 წლის 4 ივნისს დააფუძნა შპს რენე ლიფტის კომპანია (ს.კ 445790216), რომლის საწესდებო კაპიტალში წილობრივი მონაცემი გადანაწილდა: ვაჟა ბათაძე - 25%, ზურაბ კონცელიძე - 25%, ქემალ ორალ - 25%, აიაზ გახრამანოვ - 25%. კომპანიის დირექტორი, ერთპიროვნულად ვაჟა ბათაძეა. ვაჟა ბათაძემ თურქეთის მოქალაქესთან ერთად, 2021 წლის 28 მარტს დააფუძნა შპს ქეი კაპიტალი (ს.კ 445595874), რომლის საწესდებო კაპიტალში წილობრივი მონაცემი გადანაწილდა: ვაჟა ბათაძე - 50%, შაფაკ დერია - 50%. კომპანიის დირექტორი, ერთობლივად, ასევე ვაჟა ბათაძეა. ვაჟა ბათაძემ 2020 წლის 5 თებერვალს დააფუძნა შპს ბათა (ს/კ 446978101), რომლის 100%-იანი წილის მმართველი, 2024 წლის 18 ოქტომბრიდან ოჯახის წევრი - დედა ინეზა ბერიძეა. კომპანიის დირექტორი, ერთპიროვნულად, ასევე ვაჟა ბათაძეა. 2024 წლის 1 ივლისამდე, კომპანიის დირექტორი იყო გიორგი ცეცხლაძე. ვაჟა ბათაძე, 18% წილს ფლობს 2024 წლის 15 ოქტომბერს დაფუძნებულ შპს რენე თაუნ-ში (ს/კ 446999348), 34% წილს ფლობს 2023 წლის 2 აგვისტოს დაფუძნებულ შპს რენესითი-ში, 33.3% წილს,  21.10.2021 -დან 08.02.2022-მდე პერიოდში, ფლობდა შპს ფროზენ ფუდი-ში.„ახალგაზრდა ადვოკატების“ მონიტორინგის ფარგლებში დგინდება, რომ შპს „უტევანი“ ქვეშ მოქმედებს ბათუმის მუნიციპალიტეტის საკუთრებაში არსებულ  ნაკვეთზე განთავსებული ცნობილი რესტორანი „რივიერა“. აღნიშნული სარესტორნო ბიზნესი დღემდე ჯემალ ბათაძის ფატქობრივ მფლობელობასთანაა დაკავშირებული, ისევე, როგორც ჯემალ ბათაძის ფაქტობრივ მფლობასთანაა კავშირში სამშენებლო და დეველოპერული კომპანია - შპს „რენე გრუპი“ (ს/კ 405358358), რომელიც ბაზარზე ოპერირებს „რენეს“ სახელწოდების ქვეშ. აღნიშნული კომპანია დაფუძნდა 2019 წლის ოქტომბერში და 2022 წლის 6 მაისის წილის ნასყიდობის ხელშეკრულების საფუძველზე, კომპანიის 100%-იანი წილის მფობელი გახდა გიორგი ცეცხლაძე. 2022 წლის 27 დეკემბერს შეიცვალა კომპანიის დირექტორიც, ხოლო 2024 წლის 13 თებერვალს კომპანიის საფირმო სახელწოდება და ნაცვლად შპს „გროსმან გრუპი“-სა, ეწოდა შპს „რენე გრუპი“. 16.08.2024 უახლესი ამონაწერის თანახმად, შპს „რენე გრუპი“-ს დირექტორი მინდია ხინიკაძეა, ხოლო 100%-იანი წილის მფლობელი - გიორგი ცეცხლაძე, რომელიც, თავის მხრივ, ჯემალ ბათაძის მეზობელი და ნდობით აღჭურვილი პირია. როგორც უკვე აღინიშნა, გიორგი ცეცხლაძე დირექტორის პოზიციაზე დროის საჭირო მონაკვეთში რეგისტრირებული იქნა შვილის - ვაჟა ბათაძის კომპანიაში - შპს „ბათა“ (ს/კ 446978101) და მამის - ჯემალ ბათაძის კომპანიაში შპს „და-თო“-ში (ს/კ 445499693).„ახალგაზრდა ადვოკატები“ აღნიშნავს, რომ 2007 წელს, ფიზიკურმა პირებმა: ბადრი ღაღაიშვილმა და დათო ღაღაიშვილმა წინასწარი შეთანხმებით, შექმნეს და დაამუშავეს ქონებების ხელში ჩაგდების სქემა, შემდგომ მოახდინეს სანათესაო და საახლობლო წრეზე მიწის ნაკვეთების კანონსაწინააღმდეგო, ამორალური, თვალთმაქცური და მოჩვენებითი გარიგებების საფუძველზე გადაფორმება, აჭარაში მოქმედი ჯერ სამეშენებლო, შემდეგ სარესტორნო ბიზნესში ჩართული მათთან დაკავშირებული პირების დარწმუნება, რომ ქონება არ იყო ნაკლის მქონე, რაც ოჯახისთვის მოგვიანებით გახდა ცნობილი.დასახელებული ქონებების ფაქტობრივი ფლობა დადგენილი და დადასტურებულია საარქივო ცნობებითა და საკომლო ჩანაწერებით, რაც საქმეზეა წარმოდგენილი. შებან ღაღაიშვილი ფლობდა სასოფლო-სამურნეო დანიშნულების მქონე მიწის ნაკვეთებს სოფელ კვირიკეში, ამჟამად ქობულეთის შემოვლითი გზის მიმდებარედ ტერიტორიაზე. წარსულში აღნიშნული დასახლება ცნობილი იყო შხულიათის სახელწოდებით, რაც ნიშნავდა სათესს ტერიტორიებს. აღნიშნულს ადასტურებს აჭარის ა/რ განათლების, კულტურისა და სპორტის სამინისტროს საქვეუწყებო დაწესებულება საარქივო სამმართველოს მიერ 2024 წლის 23 თებერვლს გაცემული საარქივო ცნობები. ბადრი ღაღაიშვილმა და დათო ღაღაიშვილმა, თავდაპირველად, სრულიად უკანონოდ მიიტაცეს თავიანთი ბაბუის - ჯემალ ღაღაიშვილის ძმის - შებან ღაღაიშვილის ოჯახის სამემკვიდრეო ქონება. სადავო პერიოდში, პროფესიით იურისტი ბადრი ღაღაიშვილი საქმინობდა პ/გ „ერთიანი ნაციონალური მოძრაობიდან“ საარჩევნო კომისიაში და პირადი ურთიერთობა გააჩნდა ადგილობრივი თვითმმართველობის ხელმძღვანელობასთან და პარტიულ პირებთან. შესაბამისად, ქონებებს დაეპატრონენ ქობულეთის მუნიციპალიტეტში თვითნებურად დაკავებულ მიწაზე საკუთრების უფლების აღიარების კომისია გადაწყვეტილებით და ხელშეწყობით.ორგანიზაციამ სრულად შეისწავლა საახლობლო და სანათესაო წრე, რომელიც თვალთმაქცური, მოჩვენებითი, კანონსაწინააღდმეგო და ამორალური გარიგებების მხარეს წარმოადგენს. ბადრი და დათო ღაღაიშვილებმა სწორედ დასახელებულ პირებზე მოახდინეს ქონებების ფორმალურად გადაფორმება, თუმცა წლების განმავლობაში იღებდნენ სარგებელს და ფინანსურ შემოსავალს. თამაზ ლიპარტელიანი - ბადრი ღაღაიშვილის მეუღლის, ნატო ქარდავას დის ქმარი,   ომარ გირკელიძე - ბადრი ღაღაიშვილის დედის ძმის შვილის მეუღლე [ბიძაშვილის მეუღლე], არჩილ იაშვილი - ბადრი ღაღაიშვილის მეუღლის ნატო ქარდავას მეორე დის ქმარი, რამაზ დიასამიძე - ბადრი და დათო ღაღაიშვილის ბიძაშვილის, ნათია მახარაძის მეუღლე, სამშენებლო კომპანია - შპს „სანდროს“-ს (ს/კ 445408229) დამფუძნებელი, 100%-იანი წილის მმართველი და დირექტორი, მურმან (რაულ) დიასამიძე -  რამაზ დიასამიძის ძმა [ბადრი და დათო ღაღაიშვილის ბიძაშვილის, ნათია მახარაძის მეუღლის მაზლი]. ლალი ქუთათელაძე - მურმან (რაულ) დიასამიძის მეუღლე [ბადრი და დათო ღაღაიშვილის ბიძაშვილის, ნათია მახარაძის მეუღლის მაზლის მეუღლე, ბათუმის საქალაქო სასამართლოს საჯარო ინფორმაციის გაცემაზე პასუხისმგებელი პირი 2015 წლის მდგომარეობით]   ირაკლი დიასამიძე - რამაზ და მურმან (რაულ) დიასამიძის ძმა. რეზო დიასამიძე - მურმან (რაულ) დიასამიძის შვილი, „ახალგაზრდა ადვოკატები“ აღნიშნავს, რომ ბიზნესმენ დიასამიძესა და ბიზნესმენ ბათაძეს შორის ჩამოყალიბებულია პირადი ნაცნობობა და საქმიანი ურთიერთობა. როგორც უკვე აღინიშნა, ჯემალ ბათაძე 50%-იან წილის მმართველს წარმოადგენდა 2017 წლის 20 იანვარს დაფუძნებულ შპს „და-თო“-ში (ს/კ 445499693). კომპანიის დაფუძნებიდან, 50%-იანი წილის მფლობელი და დირექტორი გახლდათ ბადრი დიასამიძე, ხოლო 2017 წლის 23 იანვრის პარტნიორთა კრების ოქმის თანახმად, მიღებული იქნა გადაწყვეტილება ჯემალ ბათაძის კომპანიის თანაბარუფლებიან დირექტორად დანიშვნაზე. 2018 წლის 7 თებერვლის პარტნიორთა კრების ოქმის თანახმად, ჯემალ ბათაძემ საწესდებო კაპიტალში არსებული თავისი კუთვნილი 50%-იანი წილი უსასყიდლოდ გადასცა ბადრი დიასამიძეს, ეს უკანასკნელი კი ბიზნესმენ დიასამიძის ოჯახის ახლო ნათესავი და მათთან პირდაპირ დაკავშირებული პირია.ცნობისთვის: ორგანიზაცია თალიკო ღაღაიშვილის ოჯახისთვის წართმეული სამემკვიდრეო ქონების დაბრუნების საკითხზე აგრძელებს მასშტაბურ და მრავალხმრივ სამართალწარმოებას სისხლის, სამოქალაქო და ადმინისტრაციული მოთხოვნების კუთხით. ორგანიზაცია ყურადღებით აკვირდება ყველა გამოვლინებას, რომელიც შესაძლებელია სამართლიანობის აღდგენის წინააღმდეგ, სასამართლოსა და ადმინისტრაციულ ორგანოებზე ბიზნესმენთა გავლენების ან რესურსის გამოყენების დაშვების საკითხს უკავშირდებოდეს. ასეთი ყველა ფაქტი, მიმდინარე მონიტორინგის ფარგლებში, იქნება გამოაშკარავებული და მხილებული.  გასაჯაროვდება დოკუმენტური ფილმიც და პასუხი გაეცემა არაკეთილსინდისიერთა ჯგუფს.თალიკო ღაღაიშვილის ინტერესებს, ორგანიზაციის სახელით, ხელმძღვანელი არჩილ კაიკაციშვილი წარმოადგენს.

1758120164

Mazda CX-60 დამუხტვადი ჰიბრიდი ერთდროულად არის ეკომეგობრული და მძლავრი, ელეგანტური და უნივერსალური, უსაფრთხო და თავისუფალი. ავტომობილი საკუთარ დიზაინსა და ტექნიკურ მხარეში აერთიანებს იმ მრავალფეროვნებას, რომელიც ძალიან ჰგავს საქართველოს - ზღვისა და მთის სინთეზი, ქალაქის დინამიკა და ველური ბუნების თავისუფლება, ტრადიციის სიღრმე და ამავდროულად თანამედროვე ცხოვრების სტილი. ქართველებს უყვართ უკიდურესობები... კამპანიის მთავარი შინაარსიც სწორედ მათი ხასიათიდან გამომდინარეობს. „მაზდა ცენტრი თეგეტამ“ კამპანიაზე კრეატიულ სააგენტო Quick-თან ერთად იმუშავა.კამპანიის მთავარი სახეა ლევან გორგაძე, იგივე ტოჩინოშინი — ქართველი ოძეკი, რომლის კარიერა და ცხოვრება იაპონურ-ქართული კავშირის ნამდვილი სიმბოლოა. კამპანიის მთავარ ვიდეორგოლში იაპონელ ინჟინრებს პირადად ტოჩინოშინი უზიარებს ქართველების საჭიროებებს: „ქართველებს სჭირდებათ ავტომობილი, რომელიც ჩვენს მრავალფეროვნებას მოერგება და ამავდროულად იაპონური სულით იქნება დამუხტული“.Mazda CX-60 დამუხტვადი ჰიბრიდი სწორედ კამპანიის ვიდეოში გაჟღერებულ მოთხოვნებზეა აგებული. ის საშუალებას გაძლევს ქალაქში ელექტროენერგია გამოიყენო, ხოლო შორ მანძილზე გადაადგილებისას ჰიბრიდულ რეჟიმზე გადახვიდე. ავტომობილი აერთიანებს ეკომეგობრულობას, 327 ცხენის ძალას, SUV კლასის სიმტკიცესა და იაპონური ინჟინერიის გამორჩეულ სიზუსტეს.თუმცა კამპანიის მთავარი მესიჯი ტექნიკურ მონაცემებს სცდება. აქცენტი გაკეთებულია უნივერსალურობასა და იდეალურობაზე, კერძოდ, იმ ასპექტზე, რამდენად ზუსტად ერგება ავტომობილი ადგილობრივ საჭიროებებს. ასევე იმ  მრავალფეროვნებაზე, რაც ქართულ ყოველდღიურობასა და ცხოვრების სტილს თან ახლავს.„ეს ძალიან საინტერესო პროექტია. ვფიქრობ, არა მხოლოდ ბიზნესისთვის, არამედ საქართველოსა და იაპონიის ურთიერთობებისთვისაც მნიშვნელოვანია. ასეთი ინიციატივები აძლიერებს ორ ქვეყანას შორის თანამშრომლობას, ურთიერთგაგებას და ქმნის ერთგვარ ხიდს, რომელიც აერთიანებს კულტურას, ინოვაციასა და საერთო სულისკვეთებას“, - აღნიშნავს ლევან გორგაძე, ტოჩინოშინი.„მაზდა ცენტრი თეგეტასთვის“ კამპანია მხოლოდ ახალი მოდელის ავტომობილის წარდგენასა და ტექნოლოგიურ სიახლეს კი არა, ბრენდის სწორად პოზიციონირებას და მისი იაპონური ფესვების წარმოჩენას ემსახურება. ის მრავალფეროვანი კონტენტისგან შედგება, სადაც იაპონური ინოვაცია და ქართული ხასიათი ერთობლივ კომბინაციაში მოდის.ვიდეორგოლში ტოჩინოშინი აცნობს იაპონელ ინჟინრებს ქართველების საჭიროებებს, ხოლო ამავე პროექტის ფარგლებში შექმნილ პრინტ-სერიაში CX-60-ის უნარები „სარკისეულ ისტორიებში“ ცოცხლდება, რაც ხაზს უსვამს ავტომობილის მრავალფეროვნებასა და მისი უნარების სრულყოფილებას. თითოეული კადრი წარმოაჩენს მოდელის ეკონომიურობასა და სისწრაფეს, სიმტკიცესა და კომფორტს, ტექნოლოგიურობასა და ელეგანტურობას, აჩვენებს, რომ მაზდას ახალი მოდელი მთლიანობაში არის როგორც უნივერსალური, ისე იდეალური, ქალაქის პირობებშიც და შორ მანძილზე მოგზაურობისასაც.საბა მჭედლიშვილი, „მაზდა ცენტრი თეგეტას“ მარკეტინგის მენეჯერი: „Mazda CX-60 დამუხტვადი ჰიბრიდის წარდგენა საშუალებას გვაძლევს, ქართველ საზოგადოებას არა მხოლოდ ახალი მოდელი გავაცნოთ, არამედ ვაჩვენოთ ისტორია, რომელიც მრავალფეროვანი და საინტერესოა. ეს ამბავი ქართულ-იაპონური ურთიერთობის, კულტურის, ტექნოლოგიისა და ინოვაციის შესახებაა. ამ ისტორიაში მთავარ როლს კი ტოჩინოშინი ასრულებს — ის კულტურული ხიდია ორ ქვეყანას შორის და გვახსენებს Mazda-ს იაპონურ ფესვებს, რომლებიც იდეალურად ერგება ქართულ ყოველდღიურობას. აღსანიშნავია, რომ Mazda CX-60 პირველი დამუხტვადი ჰიბრიდია. შეიძლება თამამად ითქვას, რომ ის საშუალო ზომის SUV-ია, რომელიც შეფერხებების გარეშე მთელი საქართველოს მასშტაბით ყველგან მიგიყვანს, ეს გახლავთ ის მთავარი ხაზი, რომელიც კამპანიის ღერძად ვაქციეთ“.ავტომობილი ერთი დამუხტვით 76 კმ-მდე გადის; 0%-100% დამუხტვა 2 საათსა და 20 წუთშია შესაძლებელი, ხოლო 20%-80% -ით - 1 საათსა და 30 წუთში.„მაზდა ცენტრი თეგეტას“ ახალი კამპანია გამორჩეულია იმითაც, რომ ერთდროულად ბიზნესსა და კულტურულ სივრცეს აერთიანებს. ის ქმნის ისტორიას, სადაც ქართული მრავალფეროვნება და იაპონური სიზუსტე ერთმანეთს ავსებს. კამპანიის სლოგანი — „შექმნილია შენთვის ოძეკის სტანდარტებით“ — კიდევ ერთხელ უსვამს ხაზს, რომ Mazda CX-60 დამუხტვადი ჰიბრიდი არის უკიდურესობებით გაჟღენთილი ავტომობილი, რომელიც უნივერსალურია ქართველებისთვის. „თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „მაზდა ცენტრი თეგეტა“ ქართულ ბაზარზე 2012 წლიდან ოპერირებს. კომპანია იაპონური ბრენდის ერთადერთი ავტორიზებული იმპორტიორია საქართველოში. კომპანია ქართველ მომხმარებელს, Mazda-ს ბრენდის ახალი ავტომობილების გარდა, ორიგინალ ნაწილებსა და სერვისსაც სთავაზობს.

1758117180

CHEVENING-ის სასტიპენდიო პროგრამაზე განაცხადების მიღება მიმდინარეობს და ის 7 ოქტომბერს დასრულდება.დეტალური ინფორმაციის მისაღებად, ეწვიეთ ვებგვერდს.ინფორმაციისთვის, უკვე 10 წელზე მეტია, საქართველოს ბანკი CHEVENING-ის სასტიპენდიო პროგრამის ფარგლებში, ყოველწლიურად საკუთარ სტიპენდიატს ავლენს. ბანკი შერჩეულ სტუდენტს დიდი ბრიტანეთის წამყვან უნივერსიტეტებში სამაგისტრო საფეხურზე სწავლისა და მასთან დაკავშირებულ ყველა საჭირო ხარჯებს სრულად უფინანსებს. პროგრამის ფარგლებში უკვე გამოვლინდა 30-ზე მეტი სტიპენდიატი. მათი რაოდენობა ყოველწლიურად იზრდება.ჩივნინგი 1983 წელს დაარსებული დიდი ბრიტანეთის მთავრობის გლობალური პროგრამაა, რომელსაც ბრიტანეთის საგარეო საქმეთა სამინისტრო და სხვა პარტნიორი ორგანიზაციები აფინანსებენ. პროგრამის მიზანია უმაღლესი ხარისხის განათლების შეთავაზება მათთვის, ვისაც სწავლა გაერთიანებულ სამეფოში სასურველ უნივერსიტეტსა და სპეციალობაზე სურს. ჩივნინგის სტიპენდიატები მსოფლიოს 118 ქვეყნის წარმომადგენლები არიან. დღესდღეობით, ჯამში, 50 000-ზე მეტი ჩივნინგის კურსდამთავრებულია.ახალგაზრდების მხარდაჭერის მიზნით, საქართველოს ბანკის CSR მიმართულებისთვის კი უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1758116961

სიტყვით გამოსვლისას მარიამ ქვრივიშვილმა „ორბი ჯგუფს“ ახალი პროექტის დაწყება მიულოცა და აღნიშნა, რომ ORBI Continental-ის სახით ბათუმს მნიშვნელოვანი, მასშტაბური კომპლექსი შეემატება, რომელიც გააძლიერებს როგორც ადგილობრივ, ისე, ზოგადად, ქვეყნის ეკონომიკას.„ახალი პროექტი ნამდვილად არის გამორჩეული, საინტერესო პარამეტრების და არქიტექტურული დიზაინის მქონე. განსაკუთრებით მნიშვნელოვანია, რომ მისი ეკონომიკური პარამეტრები კიდევ მეტი სარგებლის მომტანია ჩვენი ქვეყნისთვის და უშუალოდ აჭარის რეგიონისთვის. პროექტის ჯამური საინვესტიციო მოცულობა 300 მლნ დოლარია. ამასთან, მნიშვნელოვანია, რომ 1,500 ადამიანი იქნება დასაქმებული უშუალოდ სამშენებლო ეტაპზე, საიდანაც აბსოლუტური უმრავლესობა ადგილობრივი მოსახლეობაა. ასევე, განსაკუთრებით მნიშვნელოვანია, რომ პროექტის ოპერირებაში ჩაშვებისთანავე 2,000 პირდაპირი თუ არაპირდაპირი ახალი სამუშაო ადგილი შეიქმნება“, – განაცხადა ეკონომიკისა და მდგრადი განვითარების მინისტრმა.მარიამ ქვრივიშვილმა გამოსვლაში აღნიშნა, რომ საქართველოს ეკონომიკა ერთ-ერთი გამორჩეულად მზარდია საერთაშორისო მასშტაბით.მინისტრის თქმით, მნიშვნელოვანია, რომ ეკონომიკური ზრდა კომპლექსურად მიმდინარეობდეს, სხვადასხვა სექტორს შორის მტკიცე ურთიერთკავშირით, და აისახოს როგორც მთლიანად ქვეყნის განვითარებაზე, ისე თითოეული შრომისუნარიანი მოქალაქის პირდაპირ შემოსავლებზე.მარიამ ქვრივიშვილის ინფორმაციით, საქართველოს მთლიან ეკონომიკურ პორტფელში სამშენებლო და დეველოპერულ სექტორს მსხვილი წილი უჭირავს.„ყველაფერს ვაკეთებთ, რათა უზრუნველვყოთ ქვეყანაში მშვიდობით, სტაბილურობით და მნიშვნელოვანი, გამჭვირვალე საინვესტიციო გარემოს შექმნით აღნიშნული ეკონომიკური ზრდის ტენდენციების კიდევ მეტად გაუმჯობესება. ჩვენი მთავრობის უმთავრესი მიზანი და ამოცანაა, სწორი აქცენტების დასმით, მართებული ეკონომიკური პოლიტიკით სწორ და სამართლიან განვითარებაზე მორგებული რეგულაციებით უზრუნველვყოთ თანაბარი, მდგრადი და მომავალზე ორიენტირებული განვითარება. მეორე მხრივ, დეველოპმენტი ვერ იქნება მხოლოდ ინვესტორის ინტერესზე აგებული, მას შეხება აქვს საცხოვრებელ გარემოსთან, არქიტექტურასთან, იერსახესთან, რესურსების ათვისებასთან და, შესაბამისად, ის ჩვენi, ყველას, მათ შორის მომავალი თაობების ინტერესსაც ეხება. აქედან გამომდინარე, მნიშვნელოვანია სწორი საჯარო, კერძო თანამშრომლობა, რათა უზრუნველვყოთ საუკეთესო შედეგები ჩვენი ქვეყნის ინტერესების დასაცავად“, – განაცხადა ეკონომიკის მინისტრმა.მარიამ ქვრივიშვილის შეფასებით, ORBI Continental-ის მსგავსი პროექტები ასევე მეტად მნიშვნელოვანია ქვეყნის ეკონომიკის კიდევ ერთი წამყვანი სექტორის, ტურიზმის უფრო გაძლიერების პროცესში.ქვრივიშვილის თქმით, საქართველო გამორჩეულია ტურიზმის ასევე მდგრადი და სწრაფი ზრდის დინამიკით, რასაც გასული და მიმდინარე წლების უპრეცედენტოდ მაღალი სტატისტიკაც ადასტურებს.„გასული წელი იყო ისტორიული შედეგების მომტანი ჩვენი ქვეყნის ტურიზმის სექტორისთვის, ბიუჯეტმა მხოლოდ ტურიზმის სექტორიდან 4.4 მლრდ აშშ დოლარი შემოსავალი ნახა, რაც ისტორიული მაქსიმუმია. ამასთან, ჩვენ შევძელით და მიმდინარე წლის ორ კვარტალში ტურიზმის სექტორიდან ბიუჯეტში უკვე ორი მლრდ აშშ დოლარის შემოსავალი მივიღეთ. ეს ყველაფერი, ბუნებრივია, დაფუძნებულია სწორ და თანმიმდევრულ, დივერსიფიკაციაზე მორგებულ პოლიტიკაზე, რაც სახელმწიფოსა და კერძო სექტორს შორის ძალიან მჭიდრო, სწორი თანამშრომლობის შედეგია“, – განაცხადა ეკონომიკისა და მდგრადი განვითარების მინისტრმა.

1758116340

პირველი ნაბიჯის შიში და დიდი გამბედაობაიდეის განხორციელება მარტივი არ ყოფილა. მარიამისთვის ყველაზე დიდი გამოწვევა დაწყების შიში აღმოჩნდა. მიუხედავად იმისა, რომ საკუთარი პროდუქტის ხარისხის სჯეროდა, მაინც ეშინოდა, როგორ მიიღებდა მას საზოგადოება. ეს შიში აჩერებს ბევრ ახალბედა მეწარმეს და ხელს უშლის, პირველი ნაბიჯი გადადგას. თუმცა, მარიამმა დაძლია იგი და „შოკოტელა“ საზოგადოებას წარუდგინა.გამოწვევები და წარმატების ფორმულადაწყების შემდეგ ახალი გამოწვევები გამოჩნდა. ინვესტიციების მოძიება, თანამოაზრეების პოვნა და ბაზარზე საკუთარი ნიშის დამკვიდრება ნებისმიერი ბიზნესის წარმატებისთვის აუცილებელი, მაგრამ რთული ამოცანებია. მარიამის თქმით, ამ გზაზე მთავარია:„არ შეუშინდე უარს. წარუმატებელი მცდელობები და უარყოფითი გამოცდილება არ უნდა მოქმედებდეს თქვენზე. გიყვარდეთ საკუთარი საქმე იმდენად, რომ ამგვარი პრობლემები უბრალოდ გაიაროთ.“მარიამს მიაჩნია, რომ წარმატებისთვის მხოლოდ კარგი იდეა არ კმარა.„საჭიროა გქონდეს დიდი ოცნებები და მიზნები, რაც ყოველდღიურად დიდ მოტივაციას მოგცემს რთულ დღეებშიც კი.“როცა საქმეს სიყვარულით აკეთებ, ის არა მხოლოდ შემოსავლის წყარო, არამედ სიხარულის მომტანიცაა. სიყვარულთან ერთად კი დისციპლინა და დროის ფასის გააზრებაც უნდა გახდეს ყოველდღიური რუტინის ნაწილი.„სფეროს ძლიერმა სიყვარულმა დამაწყებინა 5 წლის წინ საქმის კეთება და მომიყვანა დღევანდელ დღემდე - ამ გზაზე სიყვარულთან ერთად დიდი როლი აქვს დისციპლინასა და დროის ფასის გააზრებას”, - ამბობს მარიამი.მარიამისა და „შოკოტელას“ ამბავი გვაჩვენებს, რომ წარმატებისთვის მხოლოდ მონდომება, დისციპლინა და საკუთარი ოცნებებისადმი ერთგულებაა საჭირო. მარიამი, რომელიც თავიდან თვითდასაქმებული იყო, ახლა გუნდის შექმნაზე, გაფართოებასა და წარმოების გაუმჯობესებაზე ოცნებობს.ეს არის ამბავი გამოწვევების დაძლევისა და სურვილების ასრულების დაუსრულებელი ჟინის შესახებ."ჟინი მაინც გამოიყვანს" საქართველოს ბანკის ახალი გზავნილია ბიზნესებისთვის, რომლებიც არ ჩერდებიან. საქართველოს ბანკი უკვე არაერთი წელია, ფინანსური, საგანმანათლებლო, ტექნოლოგიური შესაძლებლობებითა, სექტორული კვლევებით, ღონისძიებებითა და სხვა ინიციატივებით, ბიზნესს აქტიურად უჭერს მხარს, ამასთანავე, საზოგადოებას წარმატებული მეწარმეების ისტორიებს აქტიურად აცნობს.

1758112767