2024 წლის სექტემბერში წლიური ინფლაციის დონემ 0.6% შეადგინა

გაზეთი „ბანკები და ფინანსები“  წლის ადამიანების ვერსიას 1999 წლიდან აქვეყნებს. ეს არის გაზეთის, ვებგვერდ www.bfm.ge-ის შემოქმედებითი ჯგუფის, მენეჯმენტისა და გაზეთის ტრადიციული რესპონდენტების თვალსაზრისი.წლის ადამიანად (წლის ადამიანებად) დასახელებისას, გამოცემის მიერ მთავარ კრიტერიუმად განსაზღვრულია, რომ დასახელებულს უნდა ჰქონდეს შესრულებული განსაკუთრებული როლი საქართველოში ან/და საქართველოსთან მიმართებით მსოფლიოში მიმდინარე პროცესებში, გასული წლის მანძილზე მომხდარ და დაფიქსირებულ მოვლენებში. ხაზი ესმება, რომ ეს ზეგავლენა და ამა თუ იმ პიროვნების აღნიშნული როლი, შესაძლოა, იყოს როგორც დადებითი, ისე უარყოფითი.2024 წლის გამოკითხვის შედეგად, წლის ადამიანად დასახელდა აშშ-ის არჩეული პრეზიდენტი  დონალდ ტრამპი.შეუძლებელია გადაჭარბებით შეაფასო მისი გაპრეზიდენტების ფაქტი, როგორც ჩვენი ქვეყნისთვის, ისე შეერთებული შტატებისა და მთელი მსოფლიოსთვის. ორჯერ შეთქმულებას და უშუალოდ საარჩევნო კამპანიის წინა პერიოდში ტყვიასგადარჩენილი ტრამპი, ფაქტობრივად რევოლუციონერია. იგი „დიფ სთეითის“ დამარცხებას აპირებს. ნეოლიბერალიზმის, მისი და თანამოაზრეების აზრით, მსოფლიოზე ნეგატიური ზემოქმედების აღკვეთას ფიქრობს, აშშ-ის გავლენის გაძლიერება და ტერიტორიული განვრცობაც კი სურს (კანადა, პანამა, გრენლანდია და ა.შ.), მიგრანტების ნაწილის დეპორტაციასაც აპირებს,ტრამპი  მორალურ-ეთიკური მაქსიმების თავგამოდებული მომხრეა, რაც ყველაზე მკაფიოდ და რელიეფურად ოჯახის ინსტიტუტის გაძლიერების სურვილში ვლინდება.საქართველო სულგანაბული ადევნებს თვალს ამ ახალ სიოს ოკეანის გაღმიდან, პოზიცია-ოპოზიცია 20 იანვარს ელოდება,  ჰა და ჰა 20 თებერვალს, ან 20 მარტს და მზადაა პოტომაკის ნაპირებიდან გაჟღერებულ ვერდიქტს დაემორჩილოს.ასეა ეს!  რა იქნება და როგორ იქნება ძნელი სათქმელია, მაგრამ უდაოა, რომ არც საქართველო და არც შეერთებული შტატები, არც ევროპა და ევროკავშირი, რასაკვირველია, ის აღარ იქნება, რაც ტრამპის გამარჯვებამდე იყო.მეორე პოზიციაზეა ბიძინა ივანიშვილი, რომელმაც მიუხედავად გლობალური კონიუნქტურის შეცვლისა და სერიოზული საპროტესტო მოძრაობისა, ძალაუფლება შეინარჩუნა. დანაქადებს და დანაპირებს პირნათლად ასრულებს - უნდა 2030-მდე მართოს საქართველო.მართლაც გამორჩეული ქველმოქმედი და მოღვაწეა, რომელმაც უკვე დაიმკვიდრა ადგილი საქართველოს ისტორიაში, თუმცა, არად დაგიდევთ, რომ ახალი დემოკრატიის ქვეყანაში, როგორიცაა საქართველო, ორი ან მაქსიმუმ სამი ვადის შემდეგ, ხელისუფლება უეჭველად უნდა შეიცვალოს, რაც ქვეყნის განვითარებისთვის აუცილებელი წინაპირობაა, რადგან საქართველო არ არის კონსოლიდირებული დემოკრატიის მქონე ქვეყანა, სადაც მყარი ინსტიტუტებია და ერთ პოლიტიკურ ძალას (როგორც მაგალითად ისეთ ქვეყნებში, როგორიცაა იაპონია, გერმანია და ა.შ.) შეუძლია ორზე მეტი ვადის განმავლობაში იყოს ხელისუფლებაში. სანქციები? სანქციები რა ბედენაა, რაც სანქციების ქვეშ მოხვდება, ერთი იმდენი იქ ექნება, სადაც მისაწვდომობა იმათაც კი არა აქვთ...მესამე ადგილი გამოკითხულებმა ერთ დიდებულ ქართულ ოჯახს მიაკუთვნეს. სოფიო კვაშილავა და თემურ მელია თერთმეტ შვილს უზრდიან ქვეყანას. სოფიომ თანამოაზრეებთან ერთად შექმნა მრავალშვილიანი დედების ორგანიზაცია „გენი ქართული“. თემურმა თსუ მექანიკა-მათემატიკის ფაკულტეტი დაამთავრა, სოფიომ კი საინჟინრო-ეკონომიკური. ჯანმრთელობა, დღეგრძელობა და კეთილდღეობა ამ ყოველმხრივ მისაბაძ ქართულ ოჯახს.გამოკითხვის თითოეული მონაწილე ასახელებდა, მისი აზრით, წლის სამ ყველაზე გავლენიან პიროვნებას/ჯგუფს. ქულების შეჯამების შემდეგ დადგინდა გამოკითხვის სამი ლაურეატი და მომდევნო საუკეთესო  ათეული.ტრადიციულად, გამოკითხვის შედეგები ქვეყნდება გაზეთის საახალწლო ნომერში.გაზეთ „ბანკები და ფინანსების“ სოციოლოგიურმა ჯგუფმა შეაჯამა გამოკითხვის შედეგები. ლაურეატები, წლის პირველი სამი ადამიანი დასახელებულნი არიან გამოკითხვისას მიღებული ქულების შესაბამისად. მომდევნო საუკეთესო ათეულის სიას კი გთავაზობთ გვარის ანბანის რიგის მიხედვით.თითოეული ჟურნალისტის და თითოეული რესპონდენტის მიერ დასახელებულ სამ ნომინანტს ენიჭებოდა პირველი ადგილისთვის 10 ქულა, მეორე ადგილისთვის - 7, ხოლო მესამე ადგილისთვის - 5 ქულა. გამოკითხვის მონაწილეებს, ტექნიკური ჯგუფი ამცნობდა, რომ შეეძლოთ სავარაუდო გამარჯვებულად როგორც ერთი ადამიანის, ისე ადამიანთა ჯგუფის დასახელება, როგორც საქართველოს მოქალაქეების, ისე უცხოეთში მცხოვრები ქართველების, ასევე სხვა ქვეყნის მოქალაქეების დასახელება.1999 წლიდან მოყოლებული, წლის ადამიანებად „ბანკები და ფინანსების“ გამოკითხვის შედეგად, აღიარებულ იქნენ:ნინო ანანიაშილიედუარდ შევარდნაძეგიორგი კანდელაკიილია IIმიხეილ სააკაშვილიზურაბ ჟვანიაგიგა ბოკერიაბიძინა ივანიშვილითბილისში 2015 წლის 13 ივნისის სტიქიით მიყენებული ზარალის სალიკვიდაციო სამუშაოების მონაწილე მოხალისეებილაშა ტალახაძესალომე ზურაბიშვილივაჟა გაფრინდაშვილიგიორგი ჩაფიჩაძე და კოვიდთან მებრძოლი ქართველი ექიმებიმიხეილ ლომთაძეხვიჩა კვარაცხელიაბიძინა ივანიშვილიგთავაზობთ გაზეთ „ბანკები და ფინანსების“ წლევანდელი გამოკითხვის პირველ სამეულსა და ათეულის დანარჩენ წევრებს:ლაშა ბექაურიდიდი სპორტსმენი. ლაღი და გულწრფელი. არაორდინალური პიროვნება. ხალისიანი და გმირი მთის კაცი. კარგს იზამს თუ უფრო მკაფიოდ გაემიჯნება პოლიტიკურ ბატალიებს. საქართველოში თავისი გამორჩეული შვილები პოზიცია-ოპოზიციას სჯობს ერთნაირად უყვარდეს.გიორგი გახარიადაიმსახურა წლის ადამიანებს შორის ყოფნა, დაიმსახურა ისეთი შეფასება ოცნების საპატიო თავმჯდომარისგან, როგორიცაა „გარეწარი“ და ამას დამსახურება უნდა. მართალია, პარტია ვერ შექმნა, სათანადოდ სტრუქტურირებული და ვერც სოლიდური ფინანსები მოიძია, მაგრამ პოლიტიკაში მეტ-ნაკლებად ჩახედულებისთვის მაინც ისაა დღემდე „ოცნების“ რეალური ალტერნატივა.მატილდა გვარლიანიგანუმეორებელი ხიბლი და შარმი. ქართული ეშხი. სვანური კდემა და ზვიადი სიდიადე, შუმერულ-ქალდეურ-კოლხური გენეტიკური მეხსიერება და მარადისობასთან წილნაყარობა. უდაოდ იმსახურებს წარმატებას მსოფლიოს პოდიუმებზე.სალომე ზურაბიშვილიარია და აურ- დაურია. შეიძახა: „მარტოკამ უნდა ვიომო, მთელმა ჯარეგამ მნახოსა“-ო. პოლიტიკური პარტნიორებიდან, არავინ ენდობოდა, არავის უყვარდა. საგარეო მინისტრად მომპატიჟებელი, გაემიჯნა და მტრად მოიკიდა, „არ კაცნია, ქაჯნიაო“ შეიძახა და ივანიშვილიც მოიმხრო, პრეზიდენტის სავარძელიც მოირგო და არც ტახტის დათმობას აპირებს. რას მოიმოქმედებს, თუ ამ ქვეყანაში სამოქალაქო დაპირისპირება რეალური გახდა, ძნელი სათქმელია. არადა, ბევრი მასზეა დამოკიდებული, რამეთუ ევრობიუროკრატია და შტატების მიმავალი ადმინისტრაცია, მასზე დებს ფსონს და არა მიხეილ სააკაშვილზე, ნიკა გვარამიაზე ან ხაზარაძე -„ლელოზე“. ხვიჩა კვარაცხელია და საქართველოს ფეხბურთელთა ეროვნული ნაკრებიგანუმეორებელი ქართულ-კოლხური ნიჭიერებით აღბეჭდილი ფეხბურთთან და მის ფესვებთან მიმაახლოებელი კეთილშობილი რაინდი, უკლებლივ ყველა თანამებრძოლთან და მწვრთნელთან, ვილი სანიოლთან ერთად. ევროპული ტრიუმფალური დებიუტი, რომელიც იმედია მსოფლიო საფეხბურთო ფიესტაზე განმეორდება.ირაკლი კობახიძეპრემიერ-მინისტრი, რომელმაც თანამდებობა შეინარჩუნა, ივანიშვილის განუსაზღვრელი ნდობით სარგებლობს, მაღალი რანგის ინტელექტუალია და ამას ოპონენტებიც აღიარებენ, პარლამენტის თავმჯდომარის პოსტიდან სკანდალური გადაყენების შემდეგ, პოლიტიკაში უფრო მაღალ პოზიციაზე დაბრუნდა და მიმდინარე ურთულეს სიტუაციაში ჯერჯერობით წარმატებით უმკლავდება  სირთულეებს. 28 ნოემბრის განცხადების არაერთგვაროვანი შეფასების მიუხედავად, პოსტსაც ინარჩუნებს და პროცესის სადავეებიც ხელთ უპყრია ივანიშვილის ხელდასმით.ანდრია ფუტკარაძესაბავშვო ევროვიზიის გამარჯვებული. უნიჭიერესი, არაჩვეულებრივი მუსიკალური მონაცემების მქონე, ემიგრანტი დედის უსაშველო მონატრებით და წკრიალა ქართული ხმით ასახელა საქართველო.

1735560752

ამის შესახებ განცხადებას აშშ-ის სახაზინო დეპარტამენტის უცხოური აქტივების კონტროლის ოფისი (OFAC) ავრცელებს.

1735315876

ამ ინიციატივის ფარგლებში, 30 დეკემბრის ჩათვლით, ნებისმიერ მსურველს შესაძლებლობა გეძლევათ, თიბისის მობაილბანკში გააზიაროთ, რას უსურვებთსაქართველოს 2025 წელს.თიბისი მიღებულ სურვილებს შეკრებს და მათ მთელისაქართველოს მასშტაბით გააჟღერებს.გადადი მობაილბანკში, გააზიარე შენი სურვილი დაგააგონე ხმა საქართველოს!

1735314600

„საქართველო საუკეთესო ადგილია ბიზნესის წარმოებისთვის, რასაც ადასტურებს მსოფლიო ბანკის ბოლო კვლევები. თქვენ გახსოვთ ადრე იყო „ბიზნესის კეთების ინდექსი“, რომელმაც შემდგომ ტრანსფორმაცია განიცადა და „ბიზნესის მზაობის ინდექსად“ ჩამოყალიბდა. პირველივე ანგარიშში გამოარჩია 50 ქვეყანა ბიზნესის მზაობის თვალსაზრისით და ამ 50 ქვეყანას შორის საქართველო საუკეთესო სამეულში დასახელდა. რაც ძალიან მნიშვნელოვანია და მიუთითებს იმას, რომ ფუნდამენტური, სიღრმისეული, ეკონომიკური კვლევით საქართველო არის საუკეთესო ადგილი ბიზნესის კეთებისთვის.ბუნებრივია ეს პირდაპირ აისახება ეკონომიკურ ზრდაზე. ჩვენ გაქვს ორნიშნა ეკონომიკური ზრდა. ბოლო 4 წლის განმავლობაში საშუალოდ ორნიშნა ეკონომიკური ზრდაა, 9-დან 10%-მდეა ეს მაჩვენებელი. გამორჩეულია ამ თვალსაზრისით საქართველო. პანდემიამდელ პერიოდთან შედარებით, 5 წლიანი ეკონომიკური ზრდით ერთ სულ მოსახლეზე რეალური ეკონომიკის 5 წლიანი გაუმჯობესებით საქართველო მსოფლიოში მეორე ადგილზეა და შემდგომ წლებშიც ამ ლიდერობას შეინარჩუნებს. ჩვენ 2030 წლისთვის გავხდებით მაღალშემოსავლიანი ქვეყანა. ჩვენ გვჭირდება ასოცირების ხელშეკრულების შესრულება და ყველა ნაკისრი ვალდებულებების აღსრულება. საქართველო ნაკისრი ვალდებულებების შესრულებით არის გამორჩეული კანდიდატ ქვეყნებს შორის. ჩვენ ყოველთვის ვიქნებით გამორჩეული და გვექნება მოწინავე პოზიცია ევროკავშირის სტანდარტებთან, მაღალ დონეზე.საქართველოში ბიზნესი თავისუფალია, საქართველოში ბიზნესი თავს გრძნობს ძლიერად. ეს აისახება ეკონომიკურ ზრდაზე, აისახება დასაქმების მატებაზე, უმუშევრობის შემცირებაზე. პროდუქციის გამოშვების მახასიათებელია ძალიან მნიშვნელოვანი. საქართველომ დატოვა ის პერიოდი, როდესაც მხოლოდ მსხვილ ბიზნესზე იყო პროდუქციის შექმნა დამოკიდებული და საშუალო ფენის ჩამოყალიბება ჭიანურდებოდა. ბოლო მონაცემებით, პროდუქციის გამოშვების მაჩვენებელში, საშუალო ბიზნესის წილი არის უფრო მეტი ვიდრე მსხვილი ბიზნესის წილი. ეს ნიშნავს, რომ საქართველო გადავიდა საშუალო ფენის ჩამოყალიბების აქტიურ ფაზაში, როდესაც მნიშვნელოვანია ადგილობრივი ინვესტიციების მოჭარბება და ამ თვალსაზრისით პოზიციების გამყარება. ჩვენ გაქვს ეკონომიკა, სადაც ბიზნესი გრძნობს თავს თავისუფლად, გრძნობს თავს განვითარების მაღალი პერსპექტივით და ეს საბოლოო ჯამში ქმნის კეთილდღეობის გაუმჯობესების ძლიერ პერსპექტივას“, - განაცხადა მიხეილ დუნდუამ.ფინანსთა მინისტრის მოადგილის თქმით, ბოლო პერიოდში საქართველომ შეძლო ბიზნესის თავისუფლების ხარისხი კიდევ უფრო გაზარდა.„როდესაც ბიზნესის თავისუფლების ხარისხი იზრდება, საინტერესოა ეს ხომ არ ხდება ფულის გათეთრების რისკების მომატების ხარჯზე. ამაზე პასუხი გაიცა Moneyval-ის მხრიდან. Moneyval-ი არის ფულის გათეთრების წინააღმდეგ ბრძოლის შემფასებელი რჩეულ ექსპერტთა კომიტეტი, რომელიც უმაღლესი შემფასებელია ფულის გათეთრების მიმართულებით. პირდაპირ დაფიქსირდა, რომ საქართველომ განიცადა პროგრესი. მათ სიღრმისეულად შეისწავლეს ყველა ნიუანსი, რაც საქართველოში იყო, საკანონმდებლო ცვლილებები, თუნდაც ოფშორებიდან ქონების გადმოტანის ნაწილი. ერთი კრიტიკული შენიშვნაც არ ჰქონიათ.არს კიდევ ფულის გათეთრების ინდექსი ბაზელის ინსტიტუტის მიერ ნაწარმოები, ადაც საქართველო პოზიცია 11 ადგილით გაიუმჯობესა და დიდი შვიდეულის ქვეყნებზე კარგი შედეგი აჩვენა. ანუ საქართველო მოწინავეა, როგორც კეთილსინდისიერების ისე უსაფრთხო ბიზნესის, თავისუფალი ბიზნესის წარმოებისა და დაფუძნების ოაზისია. ვხედავთ, როგორი ურთულესი ვითარებაა რეგიონში და საქართველო ამ დროს აჩვენებს ეკონომიკური განვითარების მაღალ სტანდარტს. ზრდის ორნიშნა ტემპი ამ პერიოდში მიუთითებს, რომ საქართველო არს მდგრად საფუძველზე დაფუძნებული, მდგრად ეკონომიკურ ფაქტორებზე დაფუძნებული ეკონომიკის მქონე სახელმწიფო. საბოლოო ჯამში დატოვა საქართველომ ის პერიოდი როცა ერთ კომპონენტზე იყო საქართველოს ეკონომიკა დამოკიდებული“, - აღნიშნა მიხეილ დუნდუამ. Businessinsider.ge

1735306578

კურსი, რომელიც დღეს მოქმედებდა, 2.8021 ლარი იყო.  შესაბამისად, დოლარის ცვლილებამ ეროვნულ ვალუტასთან მიმართებაში 0.0078 ლარი შეადგინა.რაც შეეხება ევროს, მისი კურსი 2.9108 ლარია. მაშინ, როცა დღეს მოქმედი 2.9142 კურსი ლარს შეადგენდა. შესაბამისად, ევროს ცვლილებამ 0.0034 ლარი შეადგინა.

1735306325

იაპონური კომპანია Suntory, რომელიც ფლობს Jim Beam ბურბონის ბრენდს, აგროვებს ამერიკული ვისკის რეზერვებს ევროპაში, ემზადება გლობალური სავაჭრო ომებისთვის, წერს Wall Street Journal.როგორც აღინიშნა, Suntory (რომელმაც ჯიმ ბიმი 2014 წელს შეიძინა) აგროვებს ამერიკულ ვისკის ევროპაში, რათა დაიცვას თავი მომავალი ტარიფებისგან და დიდი ბრიტანეთიდან იმპორტირებული მეტი ვისკის გაყიდვას გეგმავს.შეგახსენებთ, რომ აშშ-ის არჩეულმა პრეზიდენტმა, დონალდ ტრამპმა ნოემბრის ბოლოს განაცხადა, რომ თანამდებობის დაკავების შემდეგ ის დააწესებს 25%-იან ტარიფებს კანადიდან და მექსიკიდან შემოსულ საქონელზე შეერთებულ შტატებში არალეგალური იმიგრაციისა და ნარკომანიის გადაუჭრელი პრობლემის გამო და ასევე განაცხადა, რომ დაამატებს 10%-ს ჩინეთიდან საქონლის საექსპორტო გადასახადებზე.გარდა ამისა, გასულ კვირას ტრამპი დაემუქრა ევროკავშირს ტარიფებით, თუ ევროპა არ აანაზღაურებს შეერთებულ შტატებთან „უზარმაზარ დანაკლისს“ ნავთობისა და გაზის ფართომასშტაბიანი შესყიდვით.

1735305992