„წარმატებული მოლაპარაკებების სტრატეგიები” - ახალი კურსი საქართველოს ბანკის ბიზნესკურსზე

მძღოლისა თუ სხვა მგზავრების უსაფრთხოებისთვის ზამთრის საბურავებზე გადასვლა ფუნდამენტური მნიშვნელობისაა. ამას ადასტურებს საქართველოს კანონმდებლობაში შესული ცვლილებებიც, 2024 წლის 1 იანვრიდან ამოქმედებული რეგულაციით, 1 დეკემბრიდან 1 მარტამდე გზის გარკვეულ მონაკვეთებზე (როგორც საერთაშორისო, ისე სახელმწიფო მნიშვნელობის გზებზე) სატრანსპორტო საშუალების ზამთრის საბურავებით მოძრაობა სავალდებულოა. თუ ავტომობილი მოთხოვნებს არ შეესაბამება, პატრულს უფლება აქვს, დააჯარიმოს მფლობელი, აუკრძალოს გამგზავრება და ჩამოართვას კიდეც ავტომობილი. აღნიშნული რეგულაცია მძღოლებისა და მგზავრების უსაფრთხოების უზრუნველყოფას ემსახურება.+7°C ტემპერატურის ქვემოთ, ნებისმიერ გზაზე რეკომენდებულია ზამთრის საბურავებზე გადასვლა. ეს არა მხოლოდ რჩევა, არამედ უსაფრთხოებისთვის მნიშვნელოვანი ფაქტორია. ზამთრისა და სხვა სეზონურ საბურავებს შორის ფუნდამენტური განსხვავება რეზინის ნაერთია, რომლისგანაც ისინი მზადდება. ზაფხულის საბურავები შედარებით მყარი რეზინის ნაერთისგან მზადდება, რომელიც უზრუნველყოფს კარგ მოჭიდებას ცხელ ამინდში და ხელს უშლის სწრაფ ცვეთას გახურებულ ასფალტზე. თუმცა, როცა ტემპერატურა 7 გრადუსზე ქვემოთ ეცემა, რეზინი კარგავს სიმტკიცეს, მოქნილობას და, შედეგად, საგრძნობლად მცირდება გზასთან მისი მოჭიდების უნარი. ზაფხულის საბურავები ვეღარ უზრუნველყოფს გზაზე საჭირო ეფექტურ კონტროლს და ამის გამო იზრდება ავტოსაგზაო შემთხვევების რისკი.ზამთრის საბურავები უფრო რბილ, ელასტიურ რეზინის ნაერთს შეიცავს. ეს ქიმიური შემადგენლობა საშუალებას აძლევს საბურავს შეინარჩუნოს მოქნილობა და სირბილე დაბალ ტემპერატურაზეც კი. ამგვარად, უზრუნველყოფს საიმედო კონტაქტს გზის საფართან, რაც გადამწყვეტია მოყინულ და თოვლიან პირობებში.ამავე მიზეზით, ზამთრის საბურავებით სამუხრუჭე მანძილი ბევრად მოკლეა, ხოლო მართვის სტაბილურობა და მანევრირების უნარი, ფაქტობრივად, უზადო. ზაფხულის საბურავებით დამუხრუჭების მანძილი შესაძლოა ორჯერ მეტი იყოს, რაც საგრძნობლად ზრდის საგზაო ინციდენტების რისკს.ახალი რეგულაციების შესაბამისად, „ზამთრის საბურავი" უნდა აკმაყოფილებდეს შემდეგ კრიტერიუმებს: საბურავზე დატანილი უნდა იყოს სიმბოლო – ფიფქი საბურავის პროტექტორის სიღრმე უნდა იყოს: არანაკლებ 3 მმ. მსუბუქი ავტომობილებისთვის (M1) და სატვირთოებისთვის (N1, N2, N3); არანაკლებ 4 მმ. − მიკროავტობუსისთვის (M2) და ავტობუსისთვის (M3) საბურავის დამზადებიდან არ უნდა იყოს გასული 10 წელი საბურავზე შესაძლებელი უნდა იყოს დამზადების თარიღის წაკითხვა ავტო ექსპერტი მიხეილ წულუკიძე განსაკუთრებით უსვამს ხაზს, რომ ზამთრის მოახლოებასთან ერთად ყველა მძღოლმა უნდა შეიძინოს და დააყენოს სეზონური, ხარისხიანი საბურავები, რათა უზრუნველყოს უსაფრთხო გადაადგილება ყინვიან და თოვლიან გზებზე.„მნიშვნელოვანია ზამთრის საბურავის სწორად შერჩევა. ხშირად, ეკონომიის მიზნით, ავტომფლობელები მეორად საბურავებს ირჩევენ, თუმცა, კვლევები აჩვენებს, რომ ეს გადაწყვეტილება ხშირად დამატებით ხარჯებსა და რისკებთანაა დაკავშირებული. მეორადი საბურავები სწრაფად ცვდება, ზრდის საწვავის ხარჯს და შესაძლოა შეიცავდეს უხილავ შიდა დაზიანებებს, რაც ავარიებისგან არ გვიცავს. ამასთანავე, დაყენების შემდეგ, ზოგჯერ საბურავი სკდება, ეს კი მძღოლისთვის დამატებით ფინანსურ ტვირთს ქმნის. მეორად საბურავებზე არავინ იძლევა გარანტიას, ხოლო ახალი საბურავი უზრუნველყოფს საიმედოობას, სტაბილურობას და უსაფრთხო გადაადგილების სრულფასოვან გარანტიას. ახალი ზამთრის საბურავების შემთხვევაში ის რისკები, რაც შესაძლოა მეორად საბურავს ახლდეს, მთლიანად განულებულია, რადგან მათ აქვთ ღრმა და ოპტიმიზებული პროტექტორი, რომელიც უზრუნველყოფს მაქსიმალურ მოჭიდებას და დამუხრუჭების ეფექტურობას რთული გზის პირობებში“, - აღნიშნავს მიხეილ წულუკიძე. სამწუხაროდ, ბაზარზე კვლავ ფართოდ არის წარმოდგენილი მეორადი ან დაბალი ხარისხის საბურავები, რომლებიც შეიძლება გარეგნულად უნაკლოდ გამოიყურებოდეს და ეკონომიკურად მომგებიანი ჩანდეს, თუმცა, რეალურად სერიოზულ საფრთხეს ქმნიდეს, რადგან უმეტესობას გასული აქვს საექსპლუატაციო ვადა, უცნობია მათი შენახვისა და ტრანსპორტირების პირობები და აღენიშნება უხილავი დაზიანებები, რომლებიც წინა გამოყენებისას მიიღო.„ალიანსი საგზაო უსაფრთხოებისთვის" გამგეობის თავმჯდომარე ეკა ლალიაშვილი აღნიშნავს, რომ ბევრი მძღოლი შედარებით მხოლოდ შედარებით დაბალი ფასის გამო ირჩევს მეორად საბურავს.„ხშირად მძღოლები ვერ აცნობიერებენ, რომ ასეთ საბურავს შესაძლოა, აღარ ჰქონდეს ის თვისებები, რომლებიც უსაფრთხოების ფუნქციას უზრუნველყოფს. ამიტომ განსაკუთრებით მნიშვნელოვანია, გადაწყვეტილება ეფუძნებოდეს არა მხოლოდ ფასს, არამედ უსაფრთხოებას და საბურავის რეალურ ტექნიკურ მდგომარეობას. გასაგებია, რომ დღეს ბევრისთვის ახალი საბურავის შეძენა ფინანსურად მარტივი არ არის, თუმცა, მნიშვნელოვანია გვახსოვდეს, რომ ფასის მეორე მხარეს ყოველთვის ჩვენი და სხვისი უსაფრთხოება დგას. შესაბამისად, უსაფრთხო მგზავრობისთვის ახალი საბურავისთვის უპირატესობის მინიჭება სასიცოცხლოდ მნიშვნელოვანი გადაწყვეტილებაა. თუ მძღოლი სეზონურ საბურავებს შეიძენს, მათი შენახვის წესებს დაიცავს, ეს გადაწყვეტილება არა მხოლოდ უსაფრთხო, არამედ გრძელვადიან პერსპექტივაში ფინანსურადაც უფრო გამართლებული იქნება“, - მიიჩნევს ეკა ლალიაშვილი.ახალი, საერთაშორისო სტანდარტების შესაბამისი ზამთრის საბურავები სპეციალურად არის შექმნილი დაბალი ტემპერატურის, თოვლიანი და ყინულოვანი გზის პირობებისთვის. მათი უნიკალური დიზაინი და რეზინის შედგენილობა უზრუნველყოფს მოცურების რისკის მინიმიზაციას და სამუხრუჭე დისტანციის შემცირებას. ეს თვისებები კრიტიკულად მნიშვნელოვანია საგზაო უსაფრთხოებისთვის, განსაკუთრებით მაშინ, როდესაც გზის საფარი თოვლით ან ყინულითაა დაფარული.ზამთრის საბურავებში ინვესტირება არ არის მხოლოდ ხარჯი — ეს არის ინვესტიცია თქვენი, თქვენი ოჯახის წევრებისა და გზაზე მყოფი სხვა ადამიანების უსაფრთხოებისთვის.

1764581635

მისივე თქმით, მიმდინარე წლის ბოლოს, ისტორიაში პირველად, საქართველოს ეკონომიკა გადასცდება 100 მლრდ ლარს და ერთ სულ მოსახლეზე ნომინალური მშპ გადასცდება 10 000 დოლარს.„შეგახსენებთ, რომ სავალუტო ფონდმა გაზარდა თავისი პირველადი პროგნოზი 7.2%-მდე დააკორექტირა, თუმცა, როგორც ჩანს, გვექნება წლის ბოლოსთვის უფრო მაღალი მაჩვენებელი. ამასთან, წლის ბოლოს, ისტორიაში პირველად, ჩვენი მთლიანი შიდა პროდუქტი, საქართველოს ეკონომიკა გადასცდება 100 მლრდ ლარს და ერთ სულ მოსახლეზე ნომინალური მთლიანი შიდა პროდუქტი, ასევე პირველად ისტორიაში, გადასცდება 10 000 დოლარს. მშპ, ერთ სულ მოსახლეზე მსყიდველობითი უნარის პარიტეტის მიხედვით, პირველად გადასცდება 30 000 დოლარს, როცა სულ რაღაც რვა წლის წინ ეს მაჩვენებელი 10 000 დოლარი იყო. ეკონომიკურად ყველა მიმართულებით ქვეყანა სწორად ვითარდება. შესაბამისად, ყველაფერს გავაკეთებთ, რათა არ შეჩერდეს ზრდის ტენდენციები და შევინარჩუნოთ ეკონომიკური ზრდის მაღალი ტემპი“, – განაცხადა პრემიერმა.

1764579207

პრემიერის თქმით, მთლიანობაში, სავალუტო რეზერვებმა 5 მლრდ 808 მლნ დოლარი შეადგინა.„მაღალმა ეკონომიკურმა ზრდამ მოგვცა სავალუტო რეზერვების უპრეცენდენტოდ გაზრდის შესაძლებლობა. წელს ეროვნულმა ბანკმა შეიძინა 2 მლრდ 103 მლნ დოლარის სავალუტო რეზერვები, რაც ისტორიული რეკორდია. მთლიანობაში სავალუტო რეზერვებმა შეადგინა 5 მლრდ 808 მლნ დოლარი, რაც ასევე რეკორდული მაჩვენებელია. კიდევ ერთხელ მინდა, ეროვნული ბანკს და მის პრეზიდენტს ეფექტური საქმიანობისთვის მადლობა გადავუხადო. ასევე, ეკონომიკის ზრდის და სავალუტო რეზერვების შევსების ფონზე, სარეიტინგო კომპანია Fitch-მა საქართველოს სუვერენული რეიტინგის პერსპექტივა ნეგატიურიდან სტაბილურამდე გააუმჯობესა, რაც სამომავლოდ წაადგება ეკონომიკის განვითარებას“, – განაცხადა პრემიერმა.

1764578490

პრემიერის თქმით, მთლიანობაში სავალუტო რეზერვებმა 5 808 000 დოლარი შეადგინა.„მაღალმა ეკონომიკურმა ზრდამ მოგვცა სავალუტო რეზერვების უპრეცენდენტოდ გაზრდის შესაძლებლობა. წელს, ეროვნულმა ბანკმა შეიძინა 103 მლნ დოლარის სავალუტო რეზერვები, რაც ისტორიული რეკორდია. მთლიანობაში სავალუტო რეზერვებმა შეადგინა 5 808 000 დოლარი, რაც ასევე რეკორდული მაჩვენებელია.კიდევ ერთხელ მინდა ეროვნული ბანკს და მის პრეზიდენტს ეფექტური საქმიანობისთვის მადლობა გადავუხადო. ასევე, ეკონომიკის ზრდის და სავალუტო რეზერვების შევსების ფონზე, სარეიტინგო კომპანია Fitch-მა საქართველოს სუვერენული რეიტინგის პერსპექტივა ნეგატიურიდან სტაბილურამდე გააუმჯობესა, რაც სამომავლოდ წაადგება ეკონომიკის განვითარებას“, - განაცხადა პრემიერმა.

1764577568

კურსი განკუთვნილია მეწარმეებისთვის, მცირე და საშუალო ბიზნესების დამფუძნებლებისთვის, FMCG და საცალო ვაჭრობის სფეროში მოქმედი კომპანიებისთვის, რომლებსაც სურთ გაიგონ: როგორ აწარმოონ შედეგზე ორიენტირებული მოლაპარაკებები ქსელურ მარკეტებთან; რა მოთხოვნები აქვთ მსხვილ რითეილერებს და როგორ უნდა მოემზადოს ბიზნესი თითოეულ ეტაპზე; რა არის საჭირო იმისთვის, რომ პროდუქტი არა მხოლოდ თაროზე მოხვდეს, არამედ გრძელვადიანი გაყიდვებიც შეინარჩუნოს და სხვა. კურსს უძღვება მირანდა მანჯგალაძე, საცალო ვაჭრობის სფეროს ექსპერტი და ბიზნეს ქოუჩი.კურსზე რეგისტრაციისთვის ეწვიეთ საქართველოს ბანკის ვებგვერდს.ბიზნესკურსი საქართველოს ბანკის განათლების პლატფორმაა, რომელიც მეწარმეებს აძლევს შესაძლებლობას, სხვადასხვა თემაზე - მარკეტინგზე, ფინანსებზე, გაყიდვებზე და სხვა თემებზე ცოდნა გამოცდილი ექსპერტებისგან მიიღონ. კურსები შექმნილია რეალური, ადგილობრივი ბაზრის გამოწვევების გათვალისწინებით. პლატფორმა მუდმივად ახლდება და იგი უკვე 70-მდე კურსს აერთიანებს. კურსების გავლა ნებისმიერ დაინტერესებულ პირს შეუძლია.ბიზნესკურსი საქართველოს ბანკის პლატფორმა Business 360-ის ნაწილია. ეს ერთიანი სივრცეა, რომელიც ბიზნესის დასაწყებად, გასაფართოებლად და საწარმოო პროცესების გასაუმჯობესებლად საჭირო რესურსებს: კონსულტაციებს, საგანმანათლებლო პროექტებს, კვლევებსა და ღონისძიებებს მოიცავს .

1764576600

მაინც რა არის საკრედიტო ბარათი?საკრედიტო ბარათი მარტივი ფინანსური ინსტრუმენტია, რომელიც საშუალებას გაძლევს, სასურველი ნივთი ახლავე შეიძინო, მისი ღირებულება კი მოგვიანებით დაფარო. პასუხისმგებლიანი გამოყენების შემთხვევაში, საკრედიტო ბარათი მოკლევადიან, უპროცენტო სესხად შეგიძლია განიხილო. ის არა მხოლოდ ხარჯებისა და გადასახადების მართვაში, არამედ თვიური ბიუჯეტის სტრესის გარეშე განკარგვაში გეხმარება: შეგიძლია, ხელფასი ჩარიცხვისთანავე არ დახარჯო და ის მოგვიანებით, საკრედიტო ბალანსის შესავსებად გამოიყენო.რატომ უნდა გქონდეს მაინცდამაინც ერთგული საკრედიტო ბარათი?ერთგული ბარათი შენი ფინანსური თავისუფლების საწინდარია - საკრედიტო ლიმიტით სარგებლობა ყველგან შეგიძლია: გაატარე მაღაზიაში, გაანაღდე ან გადარიცხე თანხა და ეს ყველაფერი მრავალჯერადად. მექანიზმი მარტივია: აითვისე, დაფარე და თანხა კვლავ შენს განკარგულებაშია.ერთგული ბარათით ხარჯვისას ფული უკან გიბრუნდება: ის 4 000-ზე მეტ ობიექტში ყველაზე მაღალ, 12%-მდე ქეშბექს გთავაზობს. მნიშვნელობა არ აქვს, ყველაზე მეტი ფული სურსათზე გეხარჯება, ტანსაცმელზე, გართობაზე თუ საწვავზე, პარტნიორი ობიექტები შენს ყველა საჭიროებას დაფარავენ. გარდა ამისა, შერჩეულ ობიექტებში 50%-მდე ქეშბექ აქციებსაც რეგულარულად მიიღებ.რაც მთავარია, ბარათის აღებიდან 1 თვის განმავლობაში გამოყენებული თანხის სრულად დასაფარად დამატებით 25 დღე გეძლევა, სანაცვლოდ კი წლიური პროცენტი არ დაგერიცხება.ხრიკი, რომელიც ერთგული ბარათის დახმარებით ხელფასის უკეთ განკარგვაში დაგეხმარებასაკრედიტო ბარათისგან მაქსიმალური სარგებლის მისაღებად შეგიძლია, შენი თვიური ხარჯები წინასწარ დაიანგარიშო და აღნიშნული თანხა სახელფასო ანგარიშზე შეინახო, ყოველდღიური საჭიროებებისთვის კი ერთგული ბარათით გადაიხადო. თვის დასასრულს საკრედიტო ბალანსის დასაფარად გადადებულ ხელფასს გამოიყენებ და ისარგებლებ როგორც საშეღავათო პირობებით, ასევე თვის განმავლობაში დაგროვებული უფრო მეტი ქეშბექით, რომელსაც სურვილისამებრ განკარგავ. იმ შემთხვევაშიც, თუ თვის დასაწყისში გადასადები ზედმეტი თანხა არ გაქვს, შეგიძლია, ყოველდღიური შენაძენებისთვის საკრედიტო ბარათი გამოიყენო, ბალანსი კი ხელფასის აღებისას დაფარო.ამიტომ, აიღე ერთგული ბარათი ზუსტად 2-3 წუთში და აქციე თითოეული გადახდა უფრო მეტ სარგებლად, 4 000-ზე მეტ ობიექტში.

1764576000