„მისასალმებელია რომ Bybit ქართულ ბაზარზე შემოვიდა და ინოვაციური ფინანსური პროდუქტებისა და მომსახურებების დანერგვა დაიწყო“

გიორგი ხაბაშვილის განცხადებით, საცალო ქსელების ოპერატორებისთვის უმჯობესია თავად მოიძიონ პროდუქციის მწარმოებლები საზღვარგარეთ და უშუალოდ მათგან შეიძინონ, რამდენადაც სადისტრიბუციო კომპანიები მათ მაღალი ფასნამატით აწვდიან.„ბევრი წარმოებისგან ან დისტრიბუციისგან, რომლებიც თვლიან, რომ თუ ქსელებზე ბევრ ცუდს იტყვიან ამით რაღაც კარგი მოხდება მათგან განსხვავებით მე ვთვლი, რომ თუ მე მომწოდებელმა პროდუქტი მომაწოდა რაღაც ფასად და მე ეს მივიღე ამ ფასად ე.ი. ჩვენ შორის შედგა სამოქალაქო-სამართლებრივი ურთიერთობა, ბიზნეს გარიგება და მე სადღაც წასვლა დავუშვათ იმაზე, რომ რატომ მომაწოდა ამ ფასად, ჯობია, რომ წავიდე იმ ქვეყანაში საიდანაც მან იმპორტი განახორციელა, ჩამოვიტანო ეს პროდუქტი მე თვითონ. დიდ ქსელებს ასეთი პრაქტიკა აქვთ, მაგალითად „ორმა ნაბიჯმა“ ზეთი შემოიტანა, რომელიც 25-30 % უფრო იაფი იყო მასთან დახლზე, ვიდრე მე მომწოდებელი მაწვდიდა, ანუ მე თვითღირებულებაში რომ გამეყიდა ის ზეთი ვიქნებოდი მაინც 25%-ით უფრო ძვირი ჩემს დახლზე, ვიდრე „ორი ნაბიჯი“ მას დახლზე ყიდდა. რით მოახერხა ეს?! წავიდა და ეს ზეთი მწარმოებლისგან პირდაპირ შემოიტანა. მე თუ ეს პროდუქტი ძვირად მომაწოდა მომწოდებელმა და მე ეს მივიღე ე.ი. ასეთია ჩემი ბიზნეს გადაწყვეტილება იმ მომენტში,“- განაცხადა გიორგი ხაბაშვილმა.

1773237468

ეროვნული ბანკის პრეზიდენტმა ნათია თურნავამ Bybit Georgia-ს ოფიციალური გახსნის ღონისძიებაში მიიღო მონაწილეობა.ნათია თურნავამ დამსწრე საზოგადოებას Bybit-ის ქართულ ბაზარზე საქმიანობის ოფიციალურად დაწყება მიულოცა და აღნიშნა, რომ მოწინავე გლობალური კომპანიის ქვეყანაში შემოსვლა საქართველოს საფინანსო სექტორის დინამიკურ განვითარებას ადასტურებს.სებ-ის პრეზიდენტმა აღნიშნა, რომ ეროვნული ბანკისთვის ახალი მოთამაშეების შემოსვლა და კონკურენციის ზრდა პრიორიტეტულია, რაც ფინანსური ტექნოლოგიების განვითარებასა და სერვისების ხელმისაწვდომობას განაპირობებს.ნათია თურნავამ ფინანსურ ტექნოლოგიებში რეგიონულ თანამშრომლობაზეც გაამახვილა ყურადღება და განაცხადა, რომ საქართველო რეგიონის ფინტექ ჰაბად ჩამოყალიბდა, რომელიც ევროპასა და აზიას შორის ეკონომიკურ კავშირს გააძლიერებს.თავის მხრივ, Bybit-ის CEO-მ და თანადამფუძნებელმა ბენ ჟოუმ სიტყვით გამოსვლისას კომპანიის საქართველოთი დაინტერესების შესახებ ისაუბრა.„სასიხარულოა, რომ საქართველო კრიპტოადაპტაციის განვითარების მხრივ მაღალ დონეზეა, სტეიბლკოინების ადაპტაციისა და რეგულატორული ჩარჩოების მიმართულებით ერთ-ერთი ლიდერია. ყველაზე დიდი გამოწვევა, რასაც სხვა რეგიონებში ვაწყდებით, საბანკო წესები და რეგულაციური შეზღუდვებია“, - აღნიშნა ბენ ჟოუმ.

1773233251

საქართველოს ბანკი შეუჩერებელი ადამიანების აღმოჩენას და მათ მხარდაჭერას აქტიურად განაგრძობს.ამჯერად, გიყვებით სამ მუსიკოსზე, ლევან ბანცაძეზე, მამუკა მატკავასა და გიორგი მატკავაზე, რომლებიც მუდმივად ცდილობენ ქართულ მუსიკას ახალი ჟღერადობა შესძინონ და ის მსოფლიოს მასშტაბით ცნობილი გახადონ.სპონტანური დასაწყისიროგორც ჯგუფის წევრები აღნიშნავენ, East Duo წინასწარ დაგეგმილი პროექტი არ ყოფილა. მეტიც, თავდაპირველად, სულაც არ შეხვედრიან ჯგუფის შექმნის იდეით.მათი ისტორია 2020 წელს იწყება. გიორგი მატკავა და ლევან ბანცაძე ხშირად უკრავდნენ ერთად, თუმცა, აუდიტორიის წინაშე ჯგუფის სახელით არ გამოდიოდნენ. მოგვიანებით, ერთ-ერთ კონცერტზე გამოსვლისას დუეტისთვის სახელის შერჩევა გახდა საჭირო და სწორედ მაშინ, სპონტანურად გადაწყვიტეს, მსმენელისთვის საკუთარი თავი East Duo-ს სახელით გაეცნოთ. შემდეგ დუო ტრიო გახდა და მათ მამუკა მატკავაც შეუერთდა.მოულოდნელი გლობალური წარმატებასიმღერამ “Chubina” ქართული ჯგუფი East Duo მსოფლიოს გააცნო. როგორც თავად ამბობენ, ასეთ მასშტაბურ გამოხმაურებას ნამდვილად არ ელოდნენ. პირველად ეს სიმღერა 2021 წელს დაიწერა და ონლაინ სივრცეში სახლში ჩაწერილი ვერსიით არსებობდა.დიდი წარმატება 2024 წელს მოვიდა, როცა სიმღერა „Chubina” ინტერნეტ სივრცეში უცებ გახდა პოპულარული და შევიდა Shazam-ის გლობალურ Top 200-სა და iTunes-ის Top 20-ში. ქართული ჟღერადობა ისმოდა ამერიკის შეერთებულ შტატებში, დიდ ბრიტანეთსა და გერმანიაში. მეტიც, Spotify-ზე 130 მილიონზე მეტ სტრიმსაც კი გადააჭარბა.“Chubina”-ს ვირუსულად გავრცელების შემდეგ, ხელახლა ჩაიწერა სიმღერის სტუდიური ვერსია.“2021 წელს როდესაც „Chubina“ ჩავწერეთ, საერთოდ არ გვქონდა მოლოდინი, რომ ის ასეთ გზას გაივლიდა. მუსიკა სპონტანურად, ძალიან უბრალო, სახლის პირობებში შეიქმნა - ტელეფონზე ჩაწერილი, ყოველგვარი სტრატეგიისა და მოლოდინის გარეშე. როდესაც დავინახეთ, რომ “Chubina” სხვადასხვა ქვეყანაში ვრცელდებოდა და შაზამის გლობალურ ჩარტებში მოხვდა, პირველ რიგში გაოცება ვიგრძენით. რთულია სიტყვებით აღწერო განცდა, როცა შენი მუსიკა ისეთ ქვეყნებში ჟღერს, სადაც ადამიანები შეიძლება არც კი იცნობდნენ საქართველოს, ქართულ ენას, მაგრამ მაინც გრძნობენ იმ ემოციას, რასაც გადასცემ,“ - აღნიშნავენ East Duo-ს წევრები.ფესვებიდან თანამედროვე ჟღერადობამდექართული ფოლკლორისა და კონკრეტულად ფანდურის სიყვარული სამივე მათგანს ბავშვობიდან მოსდევს. მუსიკა მათთვის ყოველთვის ყოველდღიურობის ნაწილი იყო, და რა გასაკვირია, რომ ხალხური სიმღერებიდან მოდის ის ემოცია, სიღრმე და მელოდიური განწყობა, რომელიც დღეს East Duo-ს შემოქმედებას ახასიათებს.“Chubina” პოპულარობის შემდეგ გაიზარდა პასუხისმგებლობა, გაჩნდა ახალი შემოთავაზებები და პროექტები. თუმცა მთავარი მიზანი უცვლელი დარჩა: შექმნან მუსიკა, რომელიც მსმენელისთვის ემოციური და შთამაგონებელია.დღეს East Duo-ს აუდიტორია საკმაოდ მრავალფეროვანია.“მსმენელები გვყავს ევროპიდან, ამერიკიდან, აზიიდან - სხვადასხვა კულტურისა და მუსიკალური გემოვნების ადამიანები, რომლებიც ჩვენს მუსიკაში საერთო ან განსხვავებულ ემოციას პოულობენ. ჩვენი აუდიტორია ასაკობრივადაც ფართოა. გვწერენ როგორც ახალგაზრდები, ისე უფრო ზრდასრული მსმენელები, რომლებიც აფასებენ სიმშვიდეს, სიღრმეს და ატმოსფეროს ჩვენს მუსიკაში,“ - ამბობს East Duo.სამომავლო გეგმებიპოპულარობის პიკში მყოფი ჯგუფისთვის 2026 წელი გამოწვევებით სავსეა, როგორც თავად აღნიშნავენ:„სამომავლოდ ძალიან აქტიური პერიოდი გველოდება. 2026 წელს ვგეგმავთ 6 ახალ რელიზს, რომლებიც ჩვენი შემოქმედების ახალ ეტაპს წარმოაჩენენ, შესაბამისად, თითოეულ ნამუშევარზე განსაკუთრებული ყურადღებით ვმუშაობთ. ასევე გვინდა, რომ ჩვენი მუსიკა ცოცხალ შესრულებაშიც უფრო მასშტაბურად წარმოვადგინოთ - სხვადასხვა ქვეყანაში, სხვადასხვა აუდიტორიასთან.“გიორგის, მამუკასა და ლევანის მიზანი მარტივია: შექმნან მუსიკა, რომელიც ქართულ ფესვებსა და თანამედროვე ჟღერადობას ჰარმონიულად გააერთიანებს. სწორედ ეს შინაგანი იმპულსი და ახლის ძიების მუდმივი სწრაფვა აქცევთ მათ შეუჩერებლებად.უფრო მეტის გასაგებად იმ ადამიანების შესახებ, რომლებიც არ ჩერდებიან, ეწვიეთ ვებგვერდს: argacherde.bog.geEast Duo-ს შესახებ კი ნახეთ ვიდეო.

1773231895

მიმდინარე წლის თებერვლის თვეში სპირტიანი სასმელების საშუალო საექსპორტო ფასი 15%-ით, ხოლო ღვინის 2%-ით გაიზარდა.სპირტიანი სასმელების ძირითადი საექსპორტო ბაზრებია რუსეთი, სომხეთი, უკრაინა, ევროკავშირი, ბელარუსი, აზერბაიჯანი, ხოლო ღვინის - რუსეთი, ევროკავშირი, უკრაინა, ჩინეთი, აშშ, ყაზახეთი, ბელარუსი და სხვა ქვეყნები.

1773230110

კამპანიის „ჯიუტი ქალების თვე“ ფარგლებში თიბისი წარმოგიდგენთ ქალებს, რომლებიც საქმის ერთგულებით, მიზნებისკენ ჯიუტი სვლითა და ბარიერების დაძლევით, არა მხოლოდ საკუთარ გზას ქმნიან, არამედ მაგალითს აძლევენ გარშემო მყოფ ქალებსა და გოგოებს, რომლებსაც სურთ დაიჯერონ, რომ მათაც შეუძლიათ მიზნების მიღწევა.ქალებისა და გოგოების გაძლიერება, მათი ოცნებებისა და მიზნებისკენ სვლის ხელშეწყობა, თიბისისთვის უკვე ათწლეულებია ერთ-ერთი მთავარი პრიორიტეტია. სწორედ ამიტომ ბრენდი მუდმივად უჭერს მხარს ინიციატივებს, რომლებიც ქალებს ეხმარება, დაიჯერონ საკუთარი შესაძლებლობების და თამამად გადადგან ნაბიჯი წინ.თიბისის კამპანია „ჯიუტი ქალების თვე“ კიდევ ერთხელ გვახსენებს, რომ უკეთესი მომავლისთვის ცვლილებები ხშირად საკუთარი ძალის და შესაძლებლობების რწმენით იწყება. სწორედ ეს რწმენა იქცევა ყველაზე ძლიერ მოტივაციად, რომელიც ადამიანებს მიზნების მიღწევაში ეხმარება - მთავარია გჯეროდეს!

1773229950

მისი თქმით, 100%-იანი შეფასებით, საქართველოს შეფასება გაუმჯობესდა 69.6%-ით.„ეკონომიკის თავისუფლების ინდექსით, „ჰერითიჯ ფაუნდეიშენის“ კვლევის მიხედვით, გლობალური გამოკვლევის საფუძველზე საქართველოს შეფასება გაუმჯობესდა 69.6%-ით, შეფასების 100%-იანი სისტემით, საქართველო არის 35-ე ადგილზე ეკონომიკის თავისუფლების თვალსაზრისით და არის ევროპის საუკეთესო ოცეულში. დადებითად არის შეფასებული კანონის უზენაესობის მაჩვენებელი. სასამართლოს ობიექტურობისა და მთავრობის კეთილსინდისიერების მაჩვენებელი“, - განაცხადა მიხეილ დუნდუამ.მსოფლიოს მოწინავე კვლევითმა ორგანიზაციამ, ვაშინგტონის #1 -მა ანალიტიკურმა ცენტრმა - „ჰერითიჯ ფაუნდეიშენმა“ ეკონომიკის თავისუფლების ინდექსი 2026 გამოაქვეყნა. ინდექსის მიხედვით საქართველოს შეფასება 0,6 პუნქტით გაუმჯობესდა, 69.6 ქულით მსოფლიოში 35-ე ადგილზე გავიდა და ევროპის საუკეთესო ოცეულში მოხვდა.

1773229678