ბაზისბანკთან პარტნიორობით ახალი საცხოვრებელი კორპუსი „ვარკეთილი ფროფერთიზ“ შენდება

მინისტრის მოადგილემ პარლამენტარებს წარუდგინა დეტალური ინფორმაცია მიმდინარე და სამომავლო რეფორმების შესახებ, რომლებიც მიზნად ისახავს  საქართველოში ევროპული სტანდარტების დანერგვას, სახელმწიფო ინსტიტუტების გაძლიერებას და ევროპულ პრაქტიკასთან მიახლოებას. როგორც გენადი არველაძემ აღნიშნა, საქართველოს კანონმდებლობა DCFTA-ით გათვალისწინებული ევროკავშირის საკანონმდებლო აქტების 68%-ზე მეტთანაა დაახლოებული, რაც, მისი თქმით, საქართველოს სხვადასხვა სამთავრობო უწყებების გუნდური და ეფექტური მუშაობის შედეგია. მინისტრის მოადგილემ მადლობა გადაუხადა მათ გაწეული საქმიანობისთვის. მინისტრის მოადგილემ ყურადღება გაამახვილა ეკონომიკისა და მდგრადი განვითარების სამინისტროს საქმიანობაზე მცირე და საშუალო მეწარმეობის ხელშეწყობის, მისი კონკურენტუნარიანობის გაზრდისა და მათი ახალ საექსპორტო ბაზრებზე გასვლის მხარდაჭერის კუთხით. გენადი არველაძის ინფორმაციით, 2024 წელს სააგენტოს „აწარმოე საქართველოში“ ბიზნესის მხარდაჭერის უნივერსალური პროგრამის ფარგლებში, დამტკიცდა 565 კომპანიის 648 სესხი/ლიზინგი, რომელთა ჯამური დამტკიცებული მოცულობა 487 მლნ ლარია. მისი თქმით, აღნიშნული პროექტების ფარგლებში დაგეგმილია 1 მლრდ ლარზე მეტი მოცულობის ინვესტიციის განხორციელება და 45,500-ზე მეტი სამუშაო ადგილის შექმნა.გენადი არველაძის განცხადებით, 2024 წელს საქართველოდან სასოფლო - სამეურნეო პროდუქციის ექსპორტი გაიზარდა 11 პროცენტით და 180 მლნ აშშ დოლარზე მეტი შეადგინა. მისი თქმით, ზრდა დაფიქსირდა ისეთ მნიშვნელოვან სასოფლო - სამეურნეო პროდუქციაზე, როგორიცაა მინერალური წყალი - 28 პროცენტით, ღვინო - 10 პროცენტით, თხილი - 29 პროცენტით და სხვ. მისი თქმით, 2024 წლის მონაცემებით, ევროკავშირში ექსპორტიორი კომპანიების რაოდენობა, 2014 წელთან შედარებით, 58%-ით გაიზარდა და 976 შეადგინა.გენადი არველაძემ ვრცლად ისაუბრა ევროკავშირთან თანამშრომლობის შესახებ ვაჭრობის, მცირე და საშუალო მეწარმეობის ხელშეწყობის, ბაზარზე ზედამხედველობის, სტანდარტიზაციისა და მეტროლოგიის, აკრედიტაციის, კომუნიკაციების, კონკურენციისა და მომხმარებელთა უფლებების დაცვის, საბაჟო სფეროს, ინტელექტუალური საკუთრების დაცვის, საჯარო შესყიდვებისა და სხვა მიმართულებებით.სტანდარტების და მეტროლოგიის მიმართულებაზე საუბრისას მინისტრის მოადგილემ აღნიშნა, რომ სტანდარტებისა და მეტროლოგიის ეროვნული სააგენტო განაგრძობს საერთაშორისო და ევროპული სტანდარტების ეროვნულ სტანდარტებად მიღებას.რაც შეეხება აკრედიტაციის მიმართულებას, გენადი არველაძის ინფორმაციით, 2024 წლის ბოლოსთვის აკრედიტებული ორგანიზაციების რაოდენობამ შეადგინა 287 ორგანიზაცია. მისი თქმით, მიმდინარე წელს 2024 წელს საქართველოს აკრედიტაციის ცენტრმა, პირველად მოახდინა აკრედიტაციის გაცემა უცხო ქვეყანაში, რაც საქართველოს აკრედიტაციის ცენტრის საერთაშორისო აღიარების შედეგია.მინისტრის მოადგილემ განსაკუთრებული ყურადღება გაამახვილა ბოლო წლებში ბაზარზე ზედამხდველობის მიმართულებით განხორციელებულ რეფორმაზე, რომლის ფარგლებშიც შექმნილი საკანონმდებლო მექანიზმი უზრუნველყოფს საქართველოს ბაზრებზე ზედამხედველობის ღონისძიებების უფრო ეფექტიანად განხორციელებას და მნიშვნელოვნად ამცირებს ქვეყანაში კანონმდებლობასთან შეუსაბამო და საფრთხის შემცველი ინდუსტრიული და სამომხმარებლო პროდუქტების განთავსებას.მინისტრის მოადგილემ ასევე გააახვილა ყურადღება 2025 წლის სამოქმედო გეგმაზე, აგრეთვე  „გაფართოების ანგარიშით“ გათვალისწინებულ რეკომენდაციებზე.

1741782848

რუმინეთთან შეხვედრა 50-ე სანაკრებო მატჩი იყო აკა ტაბუცაძისთვის, რომელმაც თავისი 47-ე ლელო მიითვალა და ამ მაჩვენებლით, სანაკრებო მელელოვეების ტოპ 10-ში ლეგენდარულ ირლანდიელ ბრაიან ო’დრისკოლს გაუთანაბრდა (მე-9 პოზიცია).რაგბი ევროპის ჩემპიონატის მიმდინარე გათამაშებაში, რიჩარდ ქოქრილის გაწვრთნილმა გუნდმა ესპანეთს ერთხელ უკვე დამაჯერებლად მოუგო - 62:32 და დიდი ალბათობით, მეტოქეს არც ფინალურ მატჩს დაუთმობს. ბორჯღალოსნები მე-17 ტიტულისკენ დამაჯერებლად მიიწევენ.რაგბი ევროპის ჩემპიონატის ფინალს, 16 მარტს, მიხეილ მესხის სახელობის სტადიონი უმასპინძლებს. მატჩი 16:00 საათზე დაიწყება.გულშემატკივრებისთვის სტადიონის ტერიტორიაზე მოწყობილ ფან-ზონაში კი, თიბისის ახალი ბარათითა და ერთგული ბარათით შეგიძლიათ ისარგებლოთ 30%-იანი ქეშბექით და დაიბრუნოთ მაქსიმუმ 30 ლარი.თიბისისა და ქართული რაგბის ათწლიანი პარტნიორობის ისტორია ბევრ გამარჯვებას, მნიშვნელოვან წარმატებასა და უამრავ დაუვიწყარ ისტორიას აერთიანებს. ახალი სიმაღლეების დასაპყრობად ბრძოლას კვლავ ერთობლივი ძალებით ვაგრძელებთ.#ერთადგავიმარჯვებთ

1741780800

აღნიშნული ინიციატივის ფარგლებში 13, 20 და 27 მარტს ქალი მეწარმეებისთვის Startup Grind-ის ინტერაქციული ვორქშოფები ჩატარდება.13 მარტს, ტერმინალში Quickshipper-ის დამფუძნებელი მარიამ ახვლედიანი ისაუბრებს ქართული სტარტაპის, Elvis-ის Quickshipper-ად ტრანსფორმაციაზე და ამ გზაზე მიღებული გადაწყვეტილებებსა თუ მთავარ გამოწვევებზე. ის ასევე გააზიარებს საკუთარ გამოცდილებას თუ როგორ უნდა მივიღოთ მონაცემებზე დაფუძნებული გადაწყვეტილებები, როგორ შევარჩიოთ იდეა და მოვემზადოთ ბიზნესის ფორმირებისთვის, როგორ იღებენ დამფუძნებლები რთულ გადაწყვეტილებებს, როდის ღირს ბრძოლის გაგრძელება და როდის - კურსის შეცვლა.20 მარტს კი პროექტ მენეჯერი, განათლების, მეწარმეობის და ინოვაციების მიმართულებით სტრატეგიული კონსულტანტი ნატო ჩაკვეტაძე ილიას უნივერსიტეტში ჩაატარებს ვორქშოფს.ხოლო, 27 მარტს, Helio AI-ის დამფუძნებელი იაკო ჯიქია ისაუბრებს ხელოვნურ ინტელექტზე, თუ რატომ ხდება მისი გამოყენება აუცილებელი თანამედროვე სამყაროში და რატომ უნდა იყენებდნენ სტარტაპები მას ყოველდღიურად. ასევე პირად გამოცდილებაზე დაყრდნობით, აუდიტორიას გაუზიარებს თუ როგორ უნდა გაუმკლავდნენ გამოწვევებს და მართონ სირთულეები.აღსანიშნავია, რომ საქართველოს ბანკის ბიზნეს მომხმარებლები, Startup Grind-ის ღონისძიებებზე 20%-იანი ფასდაკლებით ისარგებლებენ.Startup Grind-ის ღონისძიებებზე რეგისტრაციისთვის და მეტი ინფორმაციისთვის ეწვიეთ ბმულს.ინფორმაციისთვის, Startup Grind-ის შეხვედრები ბიზნეს განათლებისა და ბიზნეს 360°-ის შემადგენელი ნაწილია. ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები თუ სხვა.

1741776570

ამის შესახებ სახელმწიფო სათათბიროს ოჯახის, ქალთა და ბავშვთა კომიტეტის ხელმძღვანელმა ნინა ოსტანინამ ტელეგრამის არხზე განაცხადა.აღნიშნულია, რომ კანონპროექტი მიზნად ისახავს რუსების დაცვას „დეზინფორმაციისგან, მანიპულაციისა და მათ ფიზიკურ და ფსიქიკურ ჯანმრთელობაზე ნეგატიური ზემოქმედებისგან“.ოსტანინას თქმით, თუ კანონპროექტი მიიღება, რუსეთში აიკრძალება ეზოთერული, სულიერი და ენერგეტიკული სერვისების რეკლამა, მათ შორის ასტროლოგიის, მაგიის და მკითხაობის შესახებ. შემოთავაზებულია დაიბლოკოს ინტერნეტ რესურსები, რომლებიც ავრცელებენ ასეთ შეთავაზებებს.დოკუმენტის ტექსტიდან ირკვევა, რომ დეპუტატებს სურთ აკრძალონ რეკლამის განთავსება ალქიმიკოსების, ასტროლოგების, ჯადოქრების, მედიუმების, ნუმეროლოგების, ტაროს მკითხველების, რუნოლოგების და სხვა მომსახურებით. სიაში ასევე შედიან დიეტოლოგები, პალმისტები და ჩაკროლოგები.

1741776369

მისი განცხადებით, სინამდვილეში, ამ პერიოდში, EBRD-მა 2024 წლის სექტემბერთან შედარებით საქართველოს ეკონომიკური ზრდის პროგნოზი 2024 წლის ბოლოს გაზარდა 6 პროცენტამდე, Heritage Foundation-მა კი ეკონომიკური თავისუფლების 2025 წლის ინდექსში საქართველო დააწინაურა.როგორც აბაშიშვილი აღნიშნავს, ყველა საერთაშორისო საფინანსო ინსტიტუტი თუ სარეიტინგო სააგენტო მთავრობის სწორ ეკონომიკურ პოლიტიკას უსვამს ხაზს და საქართველოს ეკონომიკის მთავარ რისკად შიდა და გარე პოტენციურ პოლიტიკურ დესტაბილიზაციას ასახელებს, რაც საზოგადოებამ არ უნდა დაუშვას.“მხოლოდ ფაქტები:“ექსპერტთა”, პოლიტიკოსთა და ზოგიერთი ევროპელი ელჩის პროგნოზითაც კი 2024 წლის ბოლოს საქართველოს ეკონომიკა უნდა ჩამოშლილიყო, ლარი გაუფასურებულიყო და სერიოზულ კრიზისი დამდგარიყო, მათივე მოწოდებით, ბიზნესს პოლიტიკური მოთხოვნები უნდა დაეყენებინა (ზოგიერთი აიყოლიეს მოტყუებით, ზეწოლით/დაშინებით, ბულინგით), ბიზნესები უნდა გაჩერებულიყო, ბიზნეს კომპანიების თანამშრომლები გაფიცულიყვნენ.სინამდვილეში კი ამავე პერიოდში მოხდა შემდეგი:– ევროპის რეკონსტრუქციისა და განვითარების ბანკმა (EBRD) 2024 წლის სექტემბერთან შედარებით საქართველოს ეკონომიკური ზრდის პროგნოზი 2024 წლის ბოლოს გაზარდა 6 პროცენტამდე (საპირისპიროდ, მნიშვნელოვნად შეამცირა მოლდოვისა და უკრაინის ეკონომიკური ზრდის პროგნოზი)– ამერიკულმა ორგანიზაციამ Heritage Foundation-მა ეკონომიკური თავისუფლების 2025 წლის ინდექსში საქართველოს დააწინაურა მათ შორის განსაკუთრებულად, ბიზნესის თავისუფლების, მთავრობის ხარჯების ეფექტიანობისა და ფისკალური პოლიტიკის მდგრადობის მიმართულებით– London Stock Exchange-ის მონაცემებით ლონდონის საფონდო ბირჟაზე წარმოდგენილი სამივე ქართული კომპანიის (მათ შორის ორი კომერციული ბანკის აქციების ფასი საშუალოდ 27-46 პროცენტის ფარგლებში გაიზარდა– თითქმის 170 მილიონი დოლარით მეტი პირდაპირი უცხოური ინვესტიცია მივიღეთ ქვეყანაში 2024 წლის ბოლო კვარტალში, გასული წლის მესამე კვარტალთან შედარებით, რაც ასევე 2023 წლის ანალოგიურ პერიოდთან შედარებითაც კი 24.4 პროცენტით მეტია– 2024 წლის მეოთხე კვარტალში მესამე კვარტალთან შედარებით უმუშევრობა კვლავ შემცირდა და უმუშევრობის დონემ ისტორიულ მინიმუმს მიაღწია– თითქმის მილიარდ დოლარს გაუტოლდა 2024 წლის მეოთხე კვარტალში ტურიზმიდან მიღებული შემოსავლები რაც კვარტლის ჭრილში 10.3 პროცენტიანი ზრდაა (წლიური შემოსავალი კი სარეკორდო იყო)– 62 მილიარდ ლარს გაუტოლდა 2024 წლის მეოთხე კვარტალში, ბიზნესის ბრუნვა (10 პროცენტიანი ზრდა), ხოლო პროდუქციის გამოშვება თითქმის 11 პროცენტით გაიზარდა გასული წლის ანალოგიურ პერიოდთან შედარებით– 2024 წლის მეოთხე კვარტალში მესამე კვარტალთან შედარებით სოლიდურადაა გაზრდილი ადგილობრივი ექსპორტი– ლარი მყარდება და ინფლაცია კვლავ მიზნობრივ მაჩვენებელზე ქვემოთაარეალურად სია კიდევ გრძელია…. თუმცა აი ამ მცირე ჩამონათვალიდანაც ნათლად ჩანს თუ ვის უჯერებს და რა სურს ბიზნესს:ბიზნესს სურს არა მოწოდებები დახურვის, გაფიცვის, მუქარის, შანტაჟის, დესტაბილიზაციის შესახებ, არამედ ბიზნესს სურს მშვიდობა, თავისუფალი, ბიზნესისადმი მეგობრული გარემო, სწორი, ბიზნესზე ორიენტირებული ეკონომიკური რეფორმები და ეკონომიკის პროგნოზირებადობა, მუდმივი ღია დიალოგი მთავრობასთან და განვითარებაზე ორიენტირება.ყველა საერთაშორისო საფინანსო ინსტიტუტი თუ სარეიტინგო სააგენტო მთავრობის სწორ ეკონომიკურ პოლიტიკას უსვამს ხაზს და საქართველოს ეკონომიკის მთავარ რისკად შიდა და გარე პოტენციურ პოლიტიკურ დესტაბილიზაციას/არასტაბილურობას ასახელებს. აი ეს არის ის რაც არ უნდა დავუშვათ”,- წერს გიორგი აბაშიშვილი.

1741774788

„აღნიშნული მაჩვენებლის ზრდა ძირითადად დაკავშირებულია სავალო ვალდებულების კომპონენტის გაუმჯობესებასთან. რაც შეეხება სექტორებს, სადაც ყველაზე მეტი უცხოური ინვესტიცია განხორციელდა, ეს გახლავთ საფინანსო და სადაზღვევო საქმიანობის სექტორი, უძრავი ქონება და დამამუშავებელი მრეწველობა“, - განაცხადა თოდრაძემ.საქსტატი ახალ მონაცემებს აქვეყნებს, რომლის მიხედვითაც 2024 წლის მეოთხე კვარტალში ინვესტიციების მოცულობამ 367 მილიონ დოლარზე მეტი შეადგინა. ოფიციალური დოკუმენტის მიხედვით, აღნიშნული მაჩვენებელი წინა წლის ანალოგიურ პერიოდს 24.4%-ით აღემატება.

1741771790