ცესკოს თავმჯდომარის მოადგილემ გომბორის მოხალისეთა მომზადების ცენტრში შეხვედრა გამართა

8 სექტემბრიდან, თიბისის ნებისმიერი ბარათის მფლობელებს, გარდა მოსწავლის და ბიზნეს ბარათებისა, ქუთაისის მუნიციპალურ ტრანსპორტში მგზავრობის საფასურის გადახდისას თანხის 50%, ქეშბექის სახით, ერთგულ ყულაბაში მომენტალურად დაუბრუნდებათ.ქეშბექ შეთავაზებით მომხმარებლები ულიმიტოდ ისარგებლებენ, რაც იმას ნიშნავს, რომ მგზავრობის საფასურის 50 % ყოველი გადახდისას დაუბრუნდებათ.შეთავაზება მიზნად ისახავს ქუთაისის ტრანსპორტზე ხელმისაწვდომობის ზრდას და მომხმარებლებისთვის დამატებითი სარგებლის შექმნას. ქეშბექის დეტალური პირობებისთვის, ეწვიეთ ბმულს.აიღეთ თიბისი ბარათები მარტივად, პირდაპირ მობაილბანკიდან და ისარგებლეთ მუდმივად თქვენზე მორგებული შეთავაზებებით.

1788862625

მასთან ერთად, სიაში წარმოდგენილი არიან ისეთი მსოფლიო ბრენდების ხელმძღვანელები, როგორებიცაა: Rolls-Royce, Barclays, Standard Chartered, Unilever და სხვები.Financial Times-ის ახალი CEO Performance Ranking განსხვავებულ ფაქტორებს აერთიანებს და FTSE 100-ში შემავალი კომპანიების ხელმძღვანელებს ცხრა კრიტერიუმის მიხედვით აფასებს, მათ შორისაა კორპორაციული მართვის სტილი, ანალიტიკოსების შეფასებები, ESG პარამეტრები და სხვა მახასიათებლები.„ჩემთვის დიდი პატივია, რომ Financial Times-მა ბრიტანეთის საუკეთესო კომპანიების ლიდერებს შორის მეორე ადგილზე დაგვასახელა. ეს, პირველ რიგში, ჩვენი გუნდის მიღწევების დაფასებაა და მსურს, თითოეულ მათგანს მადლობა გადავუხადო. ამავდროულად, ვფიქრობ, ეს საქართველოსა და სომხეთში ბოლო წლების განმავლობაში მიღწეული წარმატების აღიარებაცაა - იმ პროგრესის, რომელსაც ჩვენ ყოველდღიურად ვქმნით და რომელიც საერთაშორისო ყურადღებას იმსახურებს”, - აცხადებს არჩილ გაჩეჩილაძე, საქართველოს ბანკის გენერალური დირექტორი.Financial Times-ის ეს აღიარება კიდევ ერთი მნიშვნელოვანი ეტაპია ჯგუფის განვითარებაში - განსაკუთრებით მას შემდეგ, რაც 2026 წელს, საქართველოს ბანკი, როგორც Lion Finance Group-ის წევრი, პირველი ქართული კომპანია გახდა, რომელიც ლონდონის საფონდო ბირჟის ტოპ 100 კომპანიას შორის (FTSE 100) მოხვდა.

1788861865

მეორე კვარტალში სააქციო კაპიტალის მოცულობამ $210.5 მილიონი შეადგინა, რაც მთლიანი ინვესტიციების 44.9%-ია. რეინვესტიციამ კი $300.5 მილიონს მიაღწია და მთლიან FDI-ში 64.1%-იანი წილი დაიკავა.ინვესტორი ქვეყნების მიხედვით, 2026 წლის მეორე კვარტალში პირველ ადგილზე ჩინეთია — $219.5 მილიონით, რაც მთლიანი FDI-ის 46.8%-ს შეადგენს. მეორე პოზიციაზე გაერთიანებული სამეფოა $123.5 მილიონით (26.3%), ხოლო მესამე ადგილზე — არაბთა გაერთიანებული საამიროები $47.7 მილიონით (10.2%).სამი უმსხვილესი ინვესტორი ქვეყნის წილმა მეორე კვარტალში უცხოური ინვესტიციების საერთო მოცულობის 83.3% შეადგინა.სექტორების მიხედვით, ყველაზე დიდი მოცულობის ინვესტიცია საფინანსო და სადაზღვევო საქმიანობებში განხორციელდა და $207.6 მილიონს მიაღწია. ამ სექტორის წილი მთლიან FDI-ში 44.3% იყო.მეორე ადგილზე უძრავი ქონების სექტორი გავიდა $119.9 მილიონით (25.6%), ხოლო მესამე ადგილზე — დამამუშავებელი მრეწველობა $59 მილიონით (12.6%).საქსტატის მონაცემებით, სამმა უმსხვილესმა სექტორმა 2026 წლის მეორე კვარტალში განხორციელებული პირდაპირი უცხოური ინვესტიციების 82.4% მოიცვა.

1788859357

„ჩვენი დაკვირვებიდან გამომდინარე, შეიძლება ითქვას, რომ ნათია ჯანაშიამ ინვესტორთან ბრძოლის გზაზე რამდენიმე ძირითადი ხაზი გამოკვეთა. მისი ერთ-ერთი მთავარი ნარატივი, დავის საწყის ეტაპზე იყო, რომ თითქოს მას ინვესტორმა მოტყუებით იაფად გააყიდინა “აკადემიის” 70 %-იანი წილი.  მას ამის დამადასტურებელი საბუთი საზოგადოებისთვის არ წარუდგენია. მეორე მხრივ კი დადგა ფაქტი, რაც ლევან სამხარაულის სახელობის ექსპერტიზის ეროვნული ბიუროს დასკვნით დადასტურდა. კერძოდ ის, რომ 29,3 მილიონი ლარი, რაც წილის საფასურად ნათია ჯანაშიამ და მისმა ქმარმა, დავით ცეცხლაძემ საკუთარ ანგარიშებზე გარიგების დადებისთანავე თანაბრად მიიღეს, 500 000 ლარით აღემატებოდა იმ დროისთვის არსებულ საბაზრო ფასს.ერთხანს ნათია ჯანაშიას მხარე საზოგადოების დარწმუნებას იმაშიც ცდილობდა, რომ გარიგების საფასური სრულად არ ჰქონდათ მიღებული. მათ ვერც ეს “გზავნილი” დამტკიცეს. საპირისპირო კი იოლად დადასტურდა - გარიგების სრული საფასური (29,3 მლნ ლარი), სამეწარმეო რეესტრში შესაბამისი ცვლილების ასახვისთანავე, თანაბრად ჩაერიცხათ ნათია ჯანაშიას და მის ქმარს საკუთარ საბანკო ანგარიშებზე”, - აცხადებენ აფბას მონიტორინგის სამსახურში.ორგანიზაციის მონიტორთა თქმით, წილის გაყიდვა-არგაყიდვის თემას ნათია ჯანაშია არც შემდგომ პერიოდში ანებებდა თავს. “ნათია ჯანაშია პერიოდულად ცდილობდა საზოგადოების დარწმუნებას, რომ წილი კი არ გაყიდა, არამედ საინვესტიციო პირობების დაპირების სანაცვლოდ დათმო… “სკოლა არც გამიყიდია და არც გავყიდი”, - ამ ხმამაღალი შეძახილით იგი ემოციური მუხტის შექმნას და საკუთარი დაუსაბუთებელი ნარატივის სიმართლედ წარმოჩენას ცდილობდა. მაგრამ ფაქტი, რომ 30 მილიონამდე ლარი გაქვს მიღებული წილის სანაცვლოდ, ბუნებრივია, ჯიუტი აღმოჩნდა და ცხადია, საზოგადოების იმაში დარწმუნება, რომ კოლოსალური თანხა მიღებული გაქვს, მაგრამ წილი არ გაგიყიდია, მით უფრო მაშინ, როცა ამაზე ჩივილს მხოლოდ მას შემდეგ იწყებ, როცა თანხების გაფლანგვა-მიტაცებაში შემჩნევის გამო, ინვესტორი, “აკადემიის” მართვის ბერკეტებს გართმევს და მენეჯმენტიდან გიშვებს…ნათია ჯანაშიას პოზიციებს ვერ გაამაგრებდა”, - დასძენენ ორგანიზაციაში.აფბას მონიტორები ნათია ჯანაშიას კიდევ ერთ დაუდასტურებელ “გზავნილზე” ამახვილებენ ყურადღებას. - “მინორიტარი აქციონერი, გარიგების დადებიდან მე-6 წელს იწყებს იმაზე აპელირებას, რომ თითქოს, ინვესტორს დაპირება ჰქონდა გაცემული, რომ მის საკუთრებაში არსებულ ოქროყანის მიწას, “აკადემიის” კაპიტალში უსასყიდლოდ ასახავდა. მან ვერც ეს ნარატივი დაადასტურა, რამდენადაც არც მხარეთა შორის გაფორმებულ მემორანდუმში, არც ხელშეკრულებაში, მსგავსი არაფერი იძებნება. ეს ორი დოკუმენტი კი მხარეთა შორის არსებული გარიგების განმსაზღვრელია. როგორც ირკვევა, მხარეები მართლაც შეთანხმებულები იყვნენ ოქროყანის მიწის კომპანიის კაპიტალში შეტანაზე და ამ აქტივის გამოყენებით “აკადემიის” ფიზიკურად გაფართოებაზე, მაგრამ ეს შენატანი უნდა განხორციელებულიყო წილობრივად, ანუ ინვესტორს უნდა შეეტანა მიწა, ხოლო მინორიტარ აქციონერს თანხა - მიწის საბაზრო ღირებულების 30%-ის ოდენობით”, - ამბობენ აფბაში.აფბაში აცხადებენ, რომ ისე აწარმოებს სამართლებრივ დავას ინვეტორის წინააღმდეგ და ამ დავის თანამდევ პიარ კამპანიას, რომ საზოგადოებისთვის მისი სიმართლის დამადასტურებელი არც ერთი დოკუმენტი საზოგადოებისთვის არ გაუცვნია.“თუმცა, უნდა ითქვას, რომ იყო ერთი, მართალია, წარუმატებელი, მაგრამ მაინც მცდელობა, რომ ნათია ჯანაშიას მხარეს საბუთით გაემაგრებინა ემოციური მუხტით გაჯერებული ნარატივი. - როდესაც საზოგადოებისთვის ნათელი გახდა, რომ ფინანსთა სამინისტროს საგამოძიებო სამსახურში საქმე წარმოებს 4 მლნ აშშ დოლარის შესაძლო გაფლანგვა/მიტაცების ფაქტზე, რაც ნათია ჯანაშიას მენეჯმენტის პერიოდში მისი ქმრის მიერ კურირებულ ლისის კამპუსების მშენებლობას უკავშირდება, მისმა მხარემ სოცქსელში გაავრცელა არქიტექტურული კომპიუტერული პროგრამით დამუშავებული „სქრინშოტები“, თითქოს ეს თანხები კამპუსების საგანგებო მასალებით აგებასა და მოპირკეთებას მოხმარდა. არანაირი ხარჯთაღრიცხვა, არანაირი თავდაპირველი და საბოლოო ბიუჯეტები, არანაირი ფინანსური დოკუმენტაცია. მხოლოდ „სქრინშოტები“, - სულ ეს იყო“, - აცხადებენ აფბას მონიტორინგის სამსახურში.

1788859092

პროექტის ჯამური ღირებულება 2 მლნ დოლარს შეადგენს, საიდანაც საქართველოს ბანკის მიერ განხორციელებული ინვესტიცია 1.5 მლნ დოლარია.აღნიშნული პროექტი საწარმოს გაფართოება, ახალი საწარმოს აშენებას და მისი ახალი, თანამედროვე დანადგარებით აღჭურვას ითვალისწინებს. შედეგად, წარმოების მოცულობა დაახლოებით 40%-ით გაიზრდება, რაც კომპანიას საშუალებას მისცემს მომხმარებლებს ახალი პროდუქცია შესთავაზოს.„შპს „ქართული რძის პროდუქტები“ უკვე 20 წელია ოპერირებს ქართულ ბაზარზე და მუდმივად ზრუნავს მომხმარებლისთვის ნატურალური, მაღალი ხარისხის რძის ნაწარმის შეთავაზებაზე. საქართველოს ბანკთან თანამშრომლობას ბიზნესის განვითარებაში მნიშვნელოვანი წვლილი აქვს.სწორედ ბანკის მხარდაჭერით შევძელით საწარმოს გაფართოება, ახალი ტექნოლოგიების დანერგვა და წარმოების მოცულობის ზრდა, რაც გვაძლევს შესაძლებლობას გავაძლიეროთ ჩვენი პოზიციები ბაზარზე და მომხმარებლებს ახალი პროდუქცია შევთავაზოთ“, - განაცხადა გიორგი ლიპარტელიანმა, კომპანიის დამფუძნებელმა და გენერალურმა დირექტორმა.„საქართველოს ბანკი აგრძელებს პარტნიორ ბიზნესების გაძლიერებას და იმ ინიციატივების მხარდაჭერას, რომლებიც ადგილობრივი წარმოების განვითარებას ემსახურება. ჩვენი მიზანია, პარტნიორ კომპანიებს შევუქმნათ ყველა საჭირო შესაძლებლობა, რათა მათ საქმიანობა წარმატებით განავითარონ და ბაზარზე მყარი პოზიცია დაიმკვიდრონ. “ქართული რძის პროდუქტები” ამის ნათელი მაგალითია. მინდა წარმატებები ვუსურვო გუნდს. ჩვენ კი არ ვჩერდებით და ვაგრძელებთ ბიზნესების გაძლიერებას“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო გერგედავამ.

1788858417

გიორგი შარაბიძემ შეხვედრის მონაწილეებს დეტალური ინფორმაცია მიაწოდა საარჩევნო ადმინისტრაციის საქმიანობის, მნიშვნელოვანი ტექნოლოგიური სიახლეებისა და საგანმანათლებლო პროექტების შესახებ. მან ასევე ისაუბრა საარჩევნო პროცესებში ახალგაზრდების ჩართულობის მნიშვნელობაზე და მონაწილეებს საარჩევნო პროცესის ძირითადი ეტაპები გააცნო. ცესკოს თავმჯდომარის მოადგილემ ყურადღება გაამახვილა დეზინფორმაციის გავლენაზე საზოგადოებასა და საარჩევნო პროცესზე და შეხვედრის მონაწილეებს გააცნო დეზინფორმაციასთან ბრძოლის მიმართულებით საარჩევნო ადმინისტრაციის სტრატეგია.გიორგი შარაბიძემ მოხალისეებს საარჩევნო ადმინისტრაციის ჟურნალი „არჩევნები 360 გრადუსით“ წარუდგინა და აღნიშნა, რომ გამოცემა მკითხველს აქტუალურ საარჩევნო თემებზე მრავალმხრივ, ამომწურავ ინფორმაციას სთავაზობს.შეხვედრების მიმდინარეობისას ახალგაზრდები აქტიურად ჩაერთნენ დისკუსიაში და მათთვის საინტერესო საკითხებზე ამომწურავი პასუხები მიიღეს.საარჩევნო ადმინისტრაციამ გომბორის მოხალისეთა მომზადების ცენტრში შეხვედრა მეორედ გამართა. საინფორმაციო შეხვედრები ასევე დაგეგმილია ცენტრის მომდევნო ნაკადების მოხალისეებთან.

1788858214