სემეკის წევრმა მაია მელიქიძემ მდგრადი ეკონომიკის კონკურენტული პოლიტიკის შესახებ მაღალი დონის სიმპოზიუმში მიიღო მონაწილეობა

სასტუმროების სელექცია კახეთში: ამბასადორი კაჭრეთი 10 ნოემბრის ჩათვლით, ამბასადორი კაჭრეთის ნომრის დაჯავშნისას, მომხმარებლები 30%-იანი ფასდაკლებით ისარგებლებენ. სილქ ჰოსფითალითის შერჩეული სასტუმროები წინანდლის მამული, სასტუმრო რადისონ ქოლექშენი - დაჯავშნეთ ოთახი წინანდლის მამულის, რადისონ ქოლექშენის სასტუმროში და მიიღეთ მეორე ოთახი ან მეორე ღამე საჩუქრად;პარკ ჰოტელ წინანდალი - დაჯავშნეთ ოთახი სასტუმრო პარკ ჰოტელში და მიიღეთ მეორე ოთახი ან მეორე ღამე საჩუქრად.სილქ ჰოსფითალითის სასტუმროებში შეთავაზება მოქმედებს 31 ოქტომბრის ჩათვლით, კვირის ნებისმიერ დღეს. ჰოლიდეი ინნ თელავი თიბისი კონცეპტის შეთავაზების ფარგლებში, 1 დეკემბრამდე, შესაძლებლობა გაქვთ, ისარგებლოთ 20%-იანი ფასდაკლებით ნებისმიერი კატეგორიის ოთახზე. ჰამო მუხრანი 31 ოქტომბრის ჩათვლით, სასტუმროში- ჰამო მუხრანი, თიბისი კონცეპტ ბარათით გადახდისას, 2 ღამის ღირებულება 360 ლარია. შატო მერე დაჯავშნეთ ოთახი სასტუმროში- შატო მერე და მიიღეთ მეორე ოთახი ან მეორე ღამე საჩუქრად. ყვარლის ტბა თიბისი კონცეპტის შეთავაზების ფარგლებში, 25 დეკემბრის ჩათვლით, შესაძლებლობა გაქვთ, ისარგებლოთ 30%-იანი ფასდაკლებით ნებისმიერი კატეგორიის ოთახზე.აღნიშნულ სასტუმროებში არსებული შეთავაზებებით სარგებლობას, თიბისი კონცეპტის ნებისმიერი ბარათის მფლობელები შეძლებენ.სასტუმროების შესახებ დეტალური ინფორმაციის მისაღებად და ჯავშნებისათვის, თიბისი კონცეპტის მომხმარებლები კონცეპტ ასისტენტს უნდა დაუკავშირდნენ. შეთავაზებების დეტალები იხილეთ ბმულზე.

1760702363

მილსადენის დაცვის აუცილებლობა დღის წესრიგში მდინარის მიერ მისი წარეცხვის შემთხვევებმა დააყენა. სამუშაოს, ნავთობისა და გაზის კორპორაციის დაკვეთითა და ფინანსური რესურსით, კონტრაქტორი კომპანია აწარმოებს. მისი დასრულების შემდეგ, მაგისტრალური გაზსადენის უსაფრთხოება უზრუნველყოფილი იქნება.

1760702123

ამავდროულად, GAIA-ს ასოცირებული წევრებისთვის შეხვედრები ჩატარდება, რომლის ფარგლებშიც სხვადასხვა სფეროს პროფესიონალები განიხილავენ, როგორ ცვლის AI მათ ინდუსტრიებს, როგორ გამოიყენონ ხელოვნური ინტელექტი უკეთესად თავის საქმეში და რა სიახლეებია AI-ის მიმართულებით.„GAIA-ს მიზანი საქართველოში AI-ის და მონაცემთა მეცნიერების პროფესიული საზოგადოების გაძლიერებაა. ამის მიღწევის საუკეთესო გზა კი ცოდნისა და გამოცდილების მუდმივი გაზიარებაა. სწორედ ამ მიზანს ემსახურება GAIA-ს Meetup-ები, რომელიც ყოველთვიურად ჩატარდება", - გიგი გიორგაძე, საქართველოს ხელოვნური ინტელექტის ასოციაციის დირექტორი.Meetup შეხვედრების მთავარი მხარდამჭერია თიბისი.„GAIA-სთან თანამშრომლობით, ვაგრძელებთ იმ ინიციატივების მხარდაჭერას, რომლებიც ხელს უწყობს AI-ისა და მონაცემთა მეცნიერების სფეროში განათლების ხელმისაწვდომობას, ცოდნის გაზიარებას და პროფესიული ეკოსისტემის გაძლიერებას. ხელოვნური ინტელექტის სფეროში მთავარია გჯეროდეს, იკვლიო, ისწავლო და შექმნა ახალი. გვჯერა, რომ Meetup-ების შეხვედრების სერია ხელს შეუწყობს ახალი თაობის განათლებას და საქართველოში ტექეკოსისტემის განვითარებას“, - მაკუნა თავბერიძე, თიბისის მარკეტინგის და ბრენდის გამოცდილების ლიდერი.პირველი შეხვედრა 16 ოქტომბერს ჩატარდა. თიბისის გუნდის პროფესიონალმა სპიკერებმა თეა ყიფშიძემ და არჩილ ქსოვრელმა აუდიტორიას AutoML-ის განვითარების და დანერგვის გამოცდილება და პრაქტიკები გაუზიარეს.შეხვედრები თვეში ერთხელ, ფიზიკურად ჩატარდება, გაეცანით Meetup-ების კალენდარს, დარეგისტრირდით და დაესწარით თქვენთვის საინტერესო თემის განხილვას.

1760699158

მეორე რაუნდში გამარჯვებულ ბანკებს შორის მოხვდნენ DBS Bank, Citi, CTBC და სხვა მსოფლიოს წამყვანი ფინანსური ინსტიტუტები.World’s Best Digital Banks 2025-ისა და AI In Finance Awards-ის ფარგლებში, საქართველოს ბანკს Global Finance-ისგან ჯამურად ათი ჯილდო გადაეცა, აქედან AI in Finance დაჯილდოების ფარგლებში, სოლოს მიმართულებამ ორ ნომინაციაში გაიმარჯვა.SOLO მომსახურების მიზნობრივი მომხმარებლების იდენტიფიცირებისთვის შექმნილმა AI მოდელმა Global Finance-ის მსოფლიო აღიარება მოიპოვა.SOLO-ს ინოვაციური პროექტი ხელოვნური ინტელექტის (AI) მოდელს სოლო მომსახურებისთვის მიზნობრივი მომხმარებლის იდენტიფიცირებისთვის იყენებს. პროექტის ფარგლებში შემუშავებული AI მოდელი აანალიზებს მონაცემთა დიდ მოცულობას, რათა ზუსტად განსაზღვროს ის მომხმარებლები, ვისთვისაც SOLO-ს პერსონალიზებული მომსახურება ყველაზე აქტუალური და საჭიროა. მანქანური დასწავლის ალგორითმების მეშვეობით, SOLO-მ შეძლო ტრადიციული მარკეტინგული მიდგომების დახვეწა და რესურსების ეფექტურად წარმართვა. ხელოვნური ინტელექტის გამოყენებით მნიშვნელოვნად შემცირდა ახალი მომხმარებლის იდენტიფიცირებაზე დახარჯული დრო და ძალისხმევა, რამაც გაზარდა ოპერაციული ეფექტურობა და მოგვცა შესაძლებლობა, დაზოგილი დრო მომხმარებლებზე მეტ ზრუნვას დავუთმოთ.SOLO მომხმარებელმა კი, რომელსაც რეალურად ესაჭიროებოდა პრემიუმ საბანკო მომსახურება, პროაქტიურად მიიღო მათზე მორგებული, პერსონალიზებული შეთავაზებები. ამან გაზარდა მათი კმაყოფილება და ლოიალობა ბანკის მიმართ.თათია ტუღუში, ანალიტიკური პროექტების ლიდი: "ამ პროექტზე მუშაობისას ჩვენი მთავარი მიზანი იყო, შეგვექმნა ინსტრუმენტი, რომელიც ორივე მხარისთვის მომგებიანი იქნებოდა. ხელოვნურმა ინტელექტმა მოგვცა შესაძლებლობა, ჩვენი რესურსები მივმართოთ იქ, სადაც ეს ყველაზე მეტად საჭიროა. მომხმარებლებს კი შევთავაზოთ არა უბრალოდ პროდუქტი, არამედ მათზე მორგებული გამოცდილება. ეს ჯილდო წარმოადგენს ჩვენი გუნდის დაუღალავი შრომისა და ინოვაციური ხედვის აღიარებას. ჩვენ ვაგრძელებთ ხელოვნური ინტელექტის შესაძლებლობების კვლევას, რათა მომავალში კიდევ უფრო დავხვეწოთ ჩვენი სერვისები და შევქმნათ საუკეთესო გამოცდილება ჩვენი მომხმარებლებისთვის".თინათინ ბრეგვაძე, სოლოს ბიზნესის განვითრების სამსახურის უფროსის მოადგილე: „აღნიშნული ჯილდო განსაკუთრებული აღიარებაა ჩვენთვის, რადგან კონკურენციას ვუწევდით DBS Bank, Citi, CTBC და სხვა მსოფლიოს წამყვანი ფინანსური ინსტიტუტებს. ხელოვნური ინტელექტის როლი მნიშვნელოვანია საფინანსო სექტორისთვის, რადგან, იძლევა შესაძლებლობას, შექმნას პერსონალიზებული გამოცდილება, გააუმჯობესოს გადაწყვეტილების მიღების პროცესი და ამაღლოს ოპერაციული ეფექტურობა. SOLO მომავალშიც განაგრძობს ამ ტრანსფორმაციის გზაზე სვლას და მომხმარებლისთვის საუკეთესო საბანკო გამოცდილების შექმნას.“აღსანიშნავია, რომ ჯილდოს ფარგლებში, აპლიკანტები მსოფლიო დონის CGI-ს ექსპერტებმა შეაფასეს, ხოლო გამარჯვებულები Global Finance-ის რედაქტორებმა გამოავლინეს.“Global Finance სიამაყით წარმოგიდგენთ პირველ AI in Finance-ის ჯილდოს გამარჯვებულებს. ჩვენი რედაქციული მიუკერძოებლობისა და სიზუსტის 38 წლიანი მემკვიდრეობა, მსოფლიოს საუკეთესო ბანკების გამოვლენის 26 წლიანი პრაქტიკა და გამოცდილება გვაძლევს საკმარის კვალიფიკაციას იმისათვის, რომ წარმოგიდგინოთ პირველი ჯილდო ფინანსებში ხელოვნური ინტელექტის მიმართულებით. ფინანსურ სექტორში ხელოვნური ინტელექტი ჯერ კიდევ განვითარების ეტაპზეა, თუმცა, მას დიდი ზრდის პოტენციალი აქვს. გვჯერა, რომ Global Finance-ის AI in Finance ჯილდო ხელს შეუწყობს აღნიშნულ სექტორში ხელოვნური ინტელექტის განვითარებას”, - აღნიშნავს ჯოზეფ ჯიარაპურო, Global Finance-ის რედაქტორი და დამფუძნებელი. 

1760697360

ვიზიტი მიმდინარე წელს საქართველოს ეროვნულ ბანკსა და აზერბაიჯანის ცენტრალურ ბანკს შორის გაფორმებული ურთიერთთანამშრომლობის მემორანდუმის ფარგლებში შედგა. აღნიშნული მემორანდუმი ითვალისწინებს თანამშრომლობას ორი ქვეყნის ფინანსური სექტორის რეგულირებისა და ზედამხედველობის სფეროში, მათ შორის, ფასიანი ქაღალდების ბაზრის, ფინანსური ტექნოლოგიების, მონეტარული პოლიტიკისა და საგადახდო სისტემების სფეროებში. მემორანდუმი ასევე ითვალისწინებს მხარეებს შორის გამოცდილების გაზიარების ხელშეწყობასა და ინფორმაციის გაცვლას ურთიერთ მხარდამჭერ პრინციპებზე დაყრდნობით.ვიზიტის დასასრულს, აზერბაიჯანის ცენტრალური ბანკის აღმასრულებელმა დირექტორმა ეროვნული ბანკის დელეგაციას მადლობა გადაუხადა გამოცდილების გაზიარებისათვის. მხარეებმა კიდევ ერთხელ დაადასტურეს მსგავს ფორმატში სამომავლო თანამშრომლობის გაგრძელების სურვილი.ეროვნულ ბანკს აღნიშნული ვიზიტის ფარგლებში ფასიანი ქაღალდების ბაზრის ზედამხედველობის დეპარტამენტის უფროსი დავით აბესაძე და ფინანსური ბაზრების დეპარტამენტის მთავარი სპეციალიასტი ირაკლი კვირკველია წარმოადგენდნენ.

1760695621

Korea Blockchain Week — აზიის ერთ-ერთი ყველაზე გავლენიანი ბლოკჩეინისა და Web3 ფესტივალია. KBW აერთიანებს კრიპტო ინდუსტიის გლობალურ ლიდერებს, ცენტრალური ბანკების და საზედამხედველო უწყებების ხელმძღვანელებს, რეგულატორებსა და  ინვესტორებს.ეროვნული ბანკის  ვიცე პრეზიდენტმა KBW - ის ფარგლებში ინდუსტრიის ლიდერებთან და საზედამხედველო უწყებების წარმომადგენლებთან გამართულ შეხვედრებზე გაცვალა ხედვები ვირტუალური აქტივების საკანონმდებლო დიზაინთან, რისკებთან და რეგულირების აღსრულების მიდგომებთან დაკავშირებით.„ეროვნული ბანკისთვის ეს ღონისძიება არის სტრატეგიული შესაძლებლობა, უფრო ღრმად გავაანალიზოთ ახალი საზედამხედველო მოთხოვნები და  სარეგულაციო ჩარჩო ვირტუალურ აქტივებთან მიმართებაში, ჩამოვაყალიბოთ პარტნიორობა და მივიღოთ ინფორმაცია საქართველოში ვირტუალური აქტივების რეგულირების ჩარჩოს შემუშავებისთვის,“ - აღნიშნა ნინო ჯელაძემ.KBW 2025 - ის ფარგლებში, მაღალი რანგის საერთაშორისო სპიკერებმა მნიშვნელოვანი ხედვები წარმოადგინეს ვირტუალურ აქტივების სერვისთან და ზედამხედველობასთან დაკავშირებით.აღსანიშნავია, რომ საქართველოს ეროვნული ბანკი, საერთაშორისო პარტნიორებთან ერთად, აქტიურად აგრძელებს მუშაობას ტოკენიზებული აქტივების,  სტაბილკოინების  და ურთიერთთავსებადი (interoperable) საგადახდო ინფრასტრუქტურის მიმართულებით. ასევე, გრძელდება დიალოგი კრიპტო ინდუსტრიის წარმომადგენლებთან, საზედამხედველო უწყებების კოლეგებთან და ტექნოლოგიურ პლატფორმებთან.

1760695486