პროფესიული მომზადების პროგრამაზე „გარემოსდაცვითი მმართველი“ სწავლა დაიწყო

გიორგი შაქარაშვილი, Zeekr Center Tegeta-ს კომერციული დირექტორი: „ეს არის ერთ-ერთი ყველაზე მნიშვნელოვანი მოდელი ჩვენს სამოდელო ხაზში. იმ ადამიანებისთვის, რომლებსაც სურდათ, რომ ელექტრომობილების ჰიბრიდული ალტერნატივა ჰქონოდათ, 9X იდეალური ავტომობილია. გვინდოდა, საზოგადოებისთვის ახალი მოდელი განსაკუთრებულ გარემოში გაგვეცნო, ამიტომაც გადავწყვიტეთ, ღონისძიება სწორედ აზიური მოტივებით დაგვეტვირთა და მათ ავტომობილის შესახებ ინფორმაცია ადგილზე მიეღოთ“.Zeekr 9X არის ავტომობილი, რომელიც უსაფრთხოებას, კომფორტს, ინოვაციასა და მიმზიდველ დიზაინს აერთიანებს. სრული ზომის SUV ბრენდის ისტორიაში პირველი Plug-in Hybrid-ია. 2.0-ლიტრიანი ტურბო და ელექტროძრავით აღჭურვილი Zeekr 9X-ის სიმძლავრე 1 400-მდე ცხენის ძალას აღწევს, რაც 0-დან 100 კმ/სთ-მდე აჩქარებას მხოლოდ 3.1 წამში უზრუნველყოფს.„ძალიან დიდი ინტერესი იყო ახალი მოდელის მიმართ, რაც იმას ნიშნავს, რომ საქართველოში ელექტრულ და ჰიბრიდულ ავტომობილებზე მოთხოვნა სულ უფრო მზარდია. გასული წლის ბოლოს, როდესაც Zeekr Center Tegeta-მ ამ მოდელზე წინასწარი შეკვეთები გამოაცხადა, პირველი კვირის განმავლობაში სრული კვოტა ამოიწურა და დაახლოებით 20 ერთეული 9X უმოკლეს ვადაში, თითქმის ერთ კვირაში გაიყიდა. ეს ავტომობილი არის ელექტრომობილი ჰიბრიდული რეჟიმის დამატებითი შესაძლებლობით - სრული დამუხტვით ის ელექტრულ რეჟიმში 350 კილომეტრამდე გადის, შემდეგ კი ჰიბრიდული ძრავა ირთვება. ამ შემთხვევაში, საწვავის მოხმარება 100 კილომეტრზე 5-6 ლიტრია. შედეგად, ავტომობილის საერთო სვლის მანძილი 1 200 კილომეტრს აღწევს, რაც კომფორტულია როგორც ქალაქში, ისე გრძელ მანძილზე გადაადგილებისას“, - აღნიშნავს გიორგი შაქარაშვილი.Zeekr 9X არა მხოლოდ ტექნიკური ინოვაციებითაა გამორჩეული, არამედ მომხმარებლის ყოველდღიურ საჭიროებებს ერგება. დიდი სივრცით, პერსონალიზებული კონფიგურაციებითა და უმაღლესი დონის უსაფრთხოებით ეს ავტომობილი ახალ სტანდარტს ქმნის. ტექნიკური მაჩვენებლების მიღმა, გამორჩეულია ახალი მოდელის ექსტერიერი და ინტერიერი, რომელიც ლუქს კლასის ელემენტებს აერთიანებს, ავტომობილს განსაკუთრებულ ხიბლს სძენს და თანამედროვე ტექნოლოგიებითაა აღჭურვილი.ახალი მოდელის წარდგენის ღონისძიებაზე Zeekr Center Tegeta-მ მომხმარებელს ბრენდის სამომავლო გეგმებიც გააცნო, სადაც აღინიშნა, რომ Zeekr-ის ხედვები მომდევნო წლებში შეიცვლება და ეს ავტომობილი სწორედ ამ ცვლილებების ერთ-ერთი საწყისია.9X საქართველოში უკვე ხელმისაწვდომია - მომხმარებელს როგორც მისი წინასწარი შეკვეთა, ისე ტესტდრაივის დაჯავშნა შეუძლია.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია Zeekr Center Tegeta ქართულ ბაზარზე 2024 წლიდან ოპერირებს. ის ავტოინდუსტრიის გიგანტის Geely Holding-ის ინოვაციური და მაღალტექნოლოგიური საავტომობილო ბრენდის Zeekr-ის ოფიციალური წარმომადგენელია საქართველოში. Zeekr არის სრულად ელექტრული პრემიუმ ბრენდი, რომელიც ხელს უწყობს ელექტრომიმართულების განვითარებას საავტომობილო სფეროში და დაფუძნებულია ნულოვანი გამონაბოლქვის იდეაზე.

1771852320

სანამ უშუალოდ პასუხზე გადავალთ, კიდევ ერთხელ შევაჯამოთ თიბისი კაპიტალის მკითხველისთვის კარგად ცნობილი მიმდინარე გარემო და ლარზე მოქმედი ფაქტორების უახლესი დინამიკა:• აშშ დოლარის გაუფასურება გლობალურ ბაზრებზე - 2025 წლის დასაწყისიდან აშშ დოლარი როგორც ევროსთან, ასევე უფრო ფართო მასშტაბით, მნიშვნელოვნად გაუფასურდა. მიმდინარე წელს - მიუხედავად იმისა, რომ, ჩვენი შეფასებით, აშშ დოლარი ევროსთან მიმართებით ჯერ კიდევ გრძელვადიან წონასწორულ ნიშნულზე ძლიერი რჩება - აშშ დოლარის დამატებით მნიშვნელოვანი გაუფასურება საბაზო სცენარს არ წარმოადგენს. კერძოდ, ჩვენი პროგნოზით, ევრო/აშშ დოლარის გაცვლითი კურსი წლის ბოლოსთვის 1.22-ს მიაღწევს. ამდენად, ეს ფაქტორი ლარზე მხოლოდ მცირედით დადებითად იმოქმედებს.• ძლიერი წმინდა სავალუტო შემოდინებები - ერთი მხრივ, საქონლისა და მომსახურების ექსპორტიდან, ტურიზმიდან და ფულადი გზავნილებიდან გაზრდილი შემოდინებებისა და, მეორე მხრივ, იმპორტის ზრდის შენელების ფონზე, 2025 წელს საქართველოში წმინდა სავალუტო შემოდინებები მნიშვნელოვნად გაიზარდა. მიმდინარე წლის დასაწყისში სავალუტო შემოდინებები ძლიერი რჩება, რაც ლარის მხარდამჭერი ფაქტორია.• დეპოზიტების ლარიზაცია - 2024 წელს სენტიმენტების გაუარესების ფონზე დეპოზიტების დიდი ნაწილი უცხოურ ვალუტაში დაკონვერტირდა, 2025 წელს კი აღნიშნული კონვერტაციების საპირისპირო მიმართულებით შემოტრიალებამ ლარის მხარდამჭერი გარემოს ჩამოყალიბების კუთხით ერთ-ერთი საკვანძო როლი შეასრულა. ამავდროულად, მიმდინარე წლის იანვარ-თებერვალში, დღიურ შეფასებაზე დაყრდნობით, ლარიზაცია თითქმის უცვლელია, მცირედით შემცირებულიც კი, რაც ჩვენს პროგნოზებთან თანხვედრაშია. ამდენად, მოლოდინების შესაბამისად, 2026 წელს კონვერტაციების ეფექტი უკვე თითქმის ამოწურულია.• გაზრდილი წლიური ინფლაცია - მკითხველისთვის ცნობილია, რომ, მაგალითად, აშშ-ში, მოსალოდნელზე მაღალი ინფლაცია, როგორც წესი, აშშ დოლარის გამყარებას იწვევს. მსგავსი პრინციპია საქართველოს შემთხვევაშიც - ინფლაციის ზრდა უფრო მკაცრ მონეტარულ პოლიტიკას მოიაზრებს, რაც, შესაძლოა, საპროცენტო განაკვეთის უფრო გვიან შემცირებაში ან გაზრდაშიც კი გამოვლინდეს. აღსანიშნავია, რომ მონეტარული პოლიტიკის ბოლო სხდომაზე სებ-მა რეფინანსირების განაკვეთი უცვლელად, 8%-ზე შეინარჩუნა. მოცემული ფაქტორებიდან ლარის მოკლევადიან პროგნოზზე გამყარების მიმართულებით ყველაზე მეტად ინფლაციის აჩქარება მოქმედებს.  მართალია, იანვარში ფასების ზრდა დიდწილად სურსათის ქვეჯგუფში იყო კონცენტრირებული, თუმცა აღმავალ დინამიკას სამომხმარებლო კალათის ცალკეული პროდუქტები არ განაპირობებდა. შესაბამისად, გაცვლით კურსსა და ინფლაციას შორის მჭიდრო კავშირის გათვალისწინებით, გარკვეულწილად მაგრამ მაინც, ეს მიმდინარე პერიოდში ლარის უფრო მეტად გამყარების არგუმენტია, განსაკუთრებით იმის გათვალისწინებით, რომ ლარი ზედმეტად გაუფასურებული რჩება.ამდენად, დავუბრუნდეთ მთავარ შეკითხვას - სადამდე გამყარდება ლარი? პასუხის გასაცემად, პირველ რიგში, გაცვლით კურსზე მოქმედ ფუნდამენტურ ფაქტორებს უნდა დავეყრდნოთ. თიბისი კაპიტალის მოკლე და გრძელვადიანი წონასწორობის მოდელების ერთობლიობით, ლარი, დღევანდელი მდგომარეობით, წონასწორულ ნიშნულთან შედარებით, დაახლოებით, 5 თეთრით ზედმეტად არის გაუფასურებული. რასაკვირველია, ეს გამყარების ზუსტ პროგნოზს არ წარმოადგენს, თუმცა მაკროეკონომიკური კუთხით სასარგებლო საორიენტაციო წერტილია, რომლისკენაც, სხვა თანაბარ პირობებში, ლარი მიისწრაფვის.  გარდა ამისა, აღსანიშნავია, რომ, ჩვენი შეფასებით, თებერვალში სებ-ის მიერ უცხოური ვალუტის შესყიდვა მნიშვნელოვნად არის აჩქარებული და, არსებული ტემპის შენარჩუნების შემთხვევაში, შესაძლოა, 2025 წლის ივლისის რეკორდულად მაღალ შესყიდვებსაც გადააჭარბოს. ვინაიდან მსგავსი მასშტაბის ინტერვენციების მიუხედავად ლარი მაინც მყარდება, ეს ბაზარზე უცხოური ვალუტის მიწოდების მნიშვნელოვან სიჭარბეზე მიუთითებს. საერთო ჯამში, მოკლევადიან პერიოდში ლარის გამყარების არგუმენტები საკმაოდ ძლიერია, თუმცა, ჩვენი შეფასებით, გამყარების მასშტაბი შედარებით მოზომილი იქნება. ამავდროულად, 2026 წლის ბოლოსთვის კვლავ ლარის მცირედი გაუფასურებაა მოსალოდნელი, რადგან საბაზო სცენარად საგარეო ბალანსის გარკვეული გაუარესება და ინფლაციის შენელება რჩება. აუცილებლად გასათვალისწინებელია რუსეთ-უკრაინის ომის დასრულების გაზრდილი ალბათობაც - კონფლიქტის დასრულების სცენარში საქართველოს ეკონომიკაზე როგორც დადებითი, ასევე უარყოფითი მხრივ მრავალი ფაქტორი იმოქმედებს, თუმცა წმინდა ეფექტი, ჩვენი შეფასებით - რაც, შესაძლოა, მიმდინარე მდგომარეობით, საბაზრო კონსენსუსი არ არის - გარკვეულწილად მაინც უარყოფითი იქნება. თავისთავად, მნიშვნელოვანია ისეთი დროებითი ფაქტორების გათვალისწინებაც, როგორიცაა 2025 წლის ბოლოსთვის ავტომობილების წმინდა ექსპორტის გაუმჯობესება. ამდენად, თიბისი კაპიტალის პროგნოზით, მიმდინარე პერიოდში სავარაუდოდ მცირედით გამყარების შემდეგ, წლის ბოლოსათვის ასევე ზომიერი, მაგრამ გაუფასურება კვლავ ჩვენი საბაზო სცენარია.იხილეთ პუბლიკაციის სრული ვერსია ბმულზე:https://tbccapital.ge/ge/publications/all-publications/singleview/30007357-macro-update-georgia

1771850453

მასწავლებლის ბარათი მასწავლებლების ყოველდღიური საბანკო ოპერაციების გამარტივებას ემსახურება. ბარათის მფლობელები ისარგებლებენ შეღავათიანი ტარიფით როგორც კომუნალური გადახდებისას, ასევე თანხის განაღდებისას. გარდა ამისა, მომხმარებლებს შესაძლებლობა აქვთ პარტნიორ ობიექტებში ექსკლუზიური შეთავაზებებით ისარგებლონ.ბარათის შეკვეთა შესაძლებელია სწრაფად და მარტივად. იმ შემთხვევაში, თუ ხელფასი საქართველოს ბანკში გერიცხებათ მასწავლებლის ბარათის შეკვეთა შესაძლებელია მობილბანკიდან ან ინტერნეტბანკიდან. სურვილის შემთხვევაში, შესაძლებლობა გაქვთ აირჩიოთ, როგორც პლასტიკური, ასევე ციფრული ბარათი. ასევე, ისარგებლოთ საკურიერო მომსახურებით ან ბარათი სასურველი ფილიალიდან თავად გაიტანოთ.ხოლო, თუ ხელფასი საქართველოს ბანკში არ გერიცხებათ, ბარათის შეკვეთა შესაძლებელია ფილიალში.მეტი ინფორმაციისთვის და ბარათის შესაკვეთად ეწვიეთ ბმულს.

1771850140

როგორც მთავრობის მეთაურმა აღნიშნა, ეკონომიკა 2020 წლის შემდეგ 50 მილიარდიდან 104 მილიარდ ლარამდე გაიზარდა.„ეკონომიკის ზრდა ნიშნავს –  მაგალითად, რომ ნახოთ საშემოსავლო გადასახადის გადახდის მაჩვენებელი, ჩვენი მოქალაქეები ორჯერ მეტ საშემოსავლო გადასახადს იხდიან, ვიდრე იხდიდნენ 2020 წელს, ანუ მათი შემოსავლები ორჯერ გაიზარდა. შემდეგ, არსებობს მეთოდოლოგია, რომელიც არის შეჯერებული მსოფლიო ბანკთან, ამ მეთოდოლოგიის მიხედვით, სიღარიბის მაჩვენებელი 2020 წელს იყო 21,3 პროცენტი და ახლა არის 9,4.საშემოსავლო გადასახადს იხდიან 2-ჯერ მეტს. 2-ჯერ მეტ საშემოსავლო გადასახადს როცა იხდის მოქალაქე ბიუჯეტში, ეს ნიშნავს იმას, რომ 2-ჯერ მეტი შემოსავალი აქვს, შესაბამისად, ეკონომიკური ზრდა ისახება მოქალაქეებზე, ამის გამო არის 21,3 პროცენტიდან ჩამოსული სიღარიბის მაჩვენებელი 9,4 პროცენტამდე. ეს არის ასახული ასევე ბიზნესის ბრუნვაში, ინვესტიციებში და ა.შ.საბოლოო ჯამში, ძალიან კონკრეტული მყარი ინფორმაცია არსებობს, რომელიც ვერ დამახინჯდება, რაც ადასტურებს იმას, რომ საქართველოში გვაქვს პროგრესი. თუმცა საქართველოში კვლავაც არის 350 ათასი ადამიანი, რომელიც ცხოვრობს სიღარიბის ზღვარს მიღმა და ჩვენი მთავარი ამოცანა არის, რომ ეს მაჩვენებელი გავანულოთ“, – განაცხადა პრემიერ-მინისტრმა.

1771848268

პროექტის მიზანია მეწარმე ქალების მხარდაჭერა და მათი პროდუქციის პოპულარიზაციის ხელშეწყობა. აღნიშნული ინიციატივის ფარგლებში, ბაზარი ორბელიანი ერთი წლის განმავლობაში, ყოველ თვე, სამი დღის განმავლობაში (პარასკევი–შაბათი–კვირა), სივრცეს მეწარმე ქალებს დაუთმობს, რათა მათ საკუთარი პროდუქცია წარმოადგინონ და გაყიდონ.გამოფენა-გაყიდვაში მონაწილეობის მსურველებმა სარეგისტრაციო ფორმა უნდა შეავსონ. რეგისტრაციის ბოლო ვადაა 2026 წლის 28 თებერვალი.ინფორმაციისთვის, სარეგისტრაციო ფორმის შევსება ავტომატურად არ გულისხმობს მონაწილეობაზე დასტურს. მონაწილეთა შერჩევა განხორციელდება წინასწარ განსაზღვრული შიდა შეფასების კრიტერიუმების საფუძველზე. შერჩეულ მონაწილეებს ეტაპობრივად მიეწოდებათ ინფორმაცია მონაწილეობის, თარიღებისა და ტექნიკურ-ლოგისტიკური დეტალების შესახებ. მონაწილეები 2026 წლის განმავლობაში გადანაწილდებიან შესაბამის თარიღებზე.

1771844050

„CIBM-ზე წვდომის მოპოვება მნიშვნელოვანი ეტაპია საქართველოს ეროვნული ბანკის საინვესტიციო პოლიტიკის განვითარებაში. ის შესაძლებლობას გვაძლევს უფრო მოქნილად და ეფექტიანად ვმართოთ საერთაშორისო რეზერვები, გავაფართოვოთ საინვესტიციო ინსტრუმენტების სპექტრი და გავაძლიეროთ რისკების მართვის ჩარჩო.საქართველოსთვის მნიშვნელოვანია, რომ საერთაშორისო რეზერვები იყოს დივერსიფიცირებული როგორც ვალუტების, ასევე აქტივების ტიპებისა და გეოგრაფიული არეალის მიხედვით. აღნიშნული მიდგომა კონცენტრაციის რისკებს ამცირებს და რეზერვების მდგრად მართვას უზრუნველყობს. საქართველოს ეროვნული ბანკი მომავალშიც განაგრძობს საერთაშორისო რეზერვების მართვას კონსერვატიული, დაბალრისკიანი და დივერსიფიცირებული საინვესტიციო პოლიტიკის შესაბამისად, საუკეთესო საერთაშორისო პრაქტიკის გათვალისწინებით“, - დასძინა სებ-ის პრეზიდენტმა.შეგახსენებთ, რომ საქართველოს ეროვნულ ბანკში ფინანსურ ბაზრებზე მოქმედი ინსტიტუტების წარმომადგენლებისთვის ჩინეთის ობლიგაციების ბაზარზე წვდომის შესახებ შეხვედრა შედგა, რომლის ფარგლებში სებ-ის წარმომადგენლებმა შეხვედრის მონაწილეებისთვის აღნიშნულ თემაზე პრეზენტაცია გამართეს.შეხვედრას ფინანსთა სამინისტროს, ეკონომიკისა და მდგრადი განვითარების სამინისტროს წარმომადგენლები, ასევე კომერციული ბანკები, საბროკერო კომპანიები, აქტივების მმართველები და ფინანსური ინფრასტრუქტურის მომწოდებლები ესწრებოდნენ. შეხვედრის ფარგლებში საერთაშორისო რეზერვების დივერსიფიკაციის პოლიტიკა და ჩინურ იუანში დენომინირებულ აქტივებში ინვესტირების პრაქტიკა განიხილეს.მხარეებმა საერთაშორისო სავალუტო სისტემაში ჩინური იუანის როლის ზრდაზე იმსჯელეს.აღინიშნა, რომ საერთაშორისო სავალუტო ფონდმა იუანი სპეციალური ნასესხობის უფლებების (SDR) კალათში აშშ დოლართან, ევროსთან, იაპონურ იენასა და ბრიტანულ ფუნტ სტერლინგთან ერთად მეხუთე ვალუტად შეიყვანა.შეხვედრის მონაწილეები გაეცნენ კონკრეტული ქვეყნების მაგალითებს, რომელთაც ჩინურ იუანში უკვე მოახდინეს ინვესტირება. მათ შორის - იაპონიას 10 მილიარდი აშშ დოლარის ეკვივალენტის ინვესტიცია აქვს განხორციელებული ჩინურ აქტივებში; ავსტრალია - 1.9 მილიარდი აშშ დოლარი; შვეიცარიას კი 15 მილიარდი იუანის საინვესტიციო კვოტა აქვს, რაც დაახლოებით 2.4 მილიარდი აშშ დოლარის მოცულობის განთავსების შესაძლებლობას ნიშნავს.ამასთან, ევროპის ცენტრალურმა ბანკმა ჯერ კიდევ 2017 წელს განახორციელა პირველი, 500 მილიონი ევროს მოცულობის ინვესტიცია ჩინურ ფასიან ქაღალდებში.აღნიშნული პრაქტიკა ცხადყოფს, რომ ჩინურ იუანში და ჩინურ ფასიან ქაღალდებში ინვესტირება ცენტრალური ბანკებისთვის დივერსიფიკაციის სტანდარტულ და აპრობირებულ ინსტრუმენტს წარმოადგენს.ჩინურ ფინანსურ ბაზრებზე ოპერირების შესაძლებლობა კიდევ უფრო გაფართოვდა მას შემდეგ, რაც საქართველოს ეროვნულმა ბანკმა მსოფლიოს ერთ-ერთ უმსხვილეს და უმნიშვნელოვანეს საფინანსო ბაზარზე - ჩინეთის ბანკთაშორის ობლიგაციების ბაზარზე (China Interbank Bond Market - CIBM) მოიპოვა წვდომა.

1771843909