პირველი პოლიტიკოსი ლატვიის ისტორიაში, რომელმაც ღიად აღიარა თავისი ჰომოსექსუალური ორიენტაცია, ქვეყნის პრეზიდენტად აირჩიეს

ლევან დავითაშვილი - შავი ზღვის წყალქვეშა კაბელის პროექტი ენერგეტიკული...

მინისტერიალზე სიტყვით გამოვიდნენ საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, უნგრეთის საგარეო საქმეთა და ვაჭრობის მინისტრი პიტერ სიიარტო, აზერბაიჯანის ენერგეტიკის მინისტრი ფარვიზ შაჰბაზოვი, რუმინეთის ენერგეტიკის მინისტრი იოან ბურდუჟა და ბულგარეთის ენერგეტიკის მინისტრი ჟეჩო სტანკოვი.საქართველოს მხრიდან სხდომას ასევე ესწრებოდნენ სს „საქართველოს სახელმწიფო ელექტროსისტემის" გენერალური დირექტორი გიორგი გიგინეიშვილი და საქართველოს ელჩი უნგრეთში თამარ ლილუაშვილი.„ჩვენ ერთად ვაყალიბებთ ენერგეტიკის მომავალს რეგიონში და ერთად მივაღწევთ საერთო მიზანს - სუფთა, დაკავშირებულ და უსაფრთხო ენერგეტიკულ მომავალს. ამისთვის გვჭირდება კიდევ უფრო მეტი ძალისხმევა და თანამშრომლობა, რომ ჩვენი გეგმები რეალურ ქმედებებად ვაქციოთ. გულწრფელ მადლობას ვუხდი პარტნიორ ქვეყნებსა და დაინტერესებულ მხარეებს აქტიური მხარდაჭერისთვის", - განაცხადა ლევან დავითაშვილმა მინისტერიალზე სიტყვით გამოსვლისას.როგორც ლევან დავითაშვილმა აღნიშნა, მინისტერიალის მონაწილეები შეთანხმდნენ, რომ შავი ზღვის წყალქვეშა კაბელის პროექტს ბულგარეთიც შეუერთდება. მისივე თქმით, გუნდის წინაშე მნიშვნელოვანი ამოცანები დგას, მათ შორის ერთ-ერთია ტექნიკურ-ეკონომიკური დასაბუთების დასრულება, რომელსაც იტალიური საკონსულტაციო კომპანია ახორციელებს და პროცესი სწრაფად მიდის წინ. მინისტრმა იმედი გამოთქვა, რომ მიმდინარე წლის მეორე კვარტლის ბოლომდე სრული ტექნიკურ-ეკონომიკური დასაბუთება ხელმისაწვდომი იქნება და პროექტი პრაქტიკული განხორციელების ფაზაზე გადავა.„ვფიქრობ, შეგვიძლია სრული მანდატი მივცეთ ფლაგმანი პროექტის განხორციელებას, რომელიც ენერგეტიკული უსაფრთხოების გარანტიას მისცემს მთელ ევროპას და ეს არა მხოლოდ სამხრეთ კავკასიის ან კასპიის რეგიონის ქვეყნების ინტერესებშია, არამედ, ვფიქრობ, მნიშვნელოვანი პროექტია მთელი ევროპული კონტინენტის გრძელვადიანი მდგრადი ენერგეტიკული განვითარებისთვის", - განაცხადა მინისტრმა.პირველი ვიცე-პრემიერის შეფასებით, თითოეულ მონაწილე ქვეყანას აქვს ენერგეტიკის ხელშეწყობის ძალიან ყოვლისმომცველი დღის წესრიგი და საქართველოც ამის ნაწილია.„ჩვენ ენერგეტიკის სექტორში ვახორციელებთ მნიშვნელოვან მხარდაჭერის სქემებს განახლებადი ენერგიის, ქარის, მზის და ჰიდროენერგიის მიმართულებით. გვქონდა ორი კონკურენტული აუქციონი კერძო დეველოპერებისთვის CFD მექანიზმის მინიჭებისთვის, შემდეგ ეს გავაფართოვეთ კერძო დეველოპერებთან პირდაპირი მოლაპარაკებებით მათთვის, ვისაც შეუძლია ინვესტირება რეალურ ენერგეტიკულ პროექტებში. ამჟამად საქართველოში დაახლოებით 10 000 მეგავატი პოტენციური განახლებადი ენერგიის პროექტი გვაქვს, რაც მნიშვნელოვანი სიმძლავრეა - მისი გამოყენება შეიძლება ადგილობრივი მოხმარებისთვის, მაგრამ ასევე შეიძლება მისი გამოყენება ჩვენს ფლაგმან პროექტში", - განაცხადა დავითაშვილმა.როგორც ეკონომიკის მინისტრმა აღნიშნა, იგივე დღის წესრიგია პარტნიორ ქვეყნებშიც და მისი შეფასებით, ეს ეხმარება შეუფერხებელ ენერგეტიკულ გადასვლასა და მდგრადად განვითარებას, რათა დაკმაყოფილდეს როგორც მოსახლეობის, ასევე ბიზნესის მოლოდინები და გრძელვადიან პერსპექტივაში პროგნოზირებადმა ენერგეტიკულმა ფასებმა გააძლიეროს და უფრო კონკურენტული გახადოს პროექტის მონაწილე ქვეყნების ეკონომიკა.მინისტერიალის ფარგლებში ხელი მოეწერა აზერბაიჯანის, საქართველოს, რუმინეთისა და უნგრეთის ერთობლივ წერილს ევროკომისარ დან იორგენსენისთვის, რომელშიც ხაზგასმულია ევროკავშირისგან შავი ზღვის წყალქვეშა კაბელის პროექტის მეტი მხარდაჭერის მნიშვნელობა, რაც სასიცოცხლოდ მნიშვნელოვანია არა მხოლოდ რეგიონის, არამედ ევროპის ენერგეტიკული უსაფრთხოებისა და მწვანე ენერგეტიკული მომავლისთვის.ინფორმაციას ეკონომიკის სამინისტროს პრესსამსახური ავრცელებს.

სემეკთან არსებულ ენერგეტიკის სასწავლო ცენტრში მომხმარებელთა უფლებების...

კურსი განკუთვნილია: ადგილობრივი თვითმმართველობების წარმომადგენლებისთვის, სახალხო დამცველის აპარატის,  რეგულირებად საწარმოებში  დასაქმებული სპეციალისტებისთვის, იურისტებისთვის, სტუდენტებისთვის და სხვა დაინტერესებული პირებისთვის, რომელთა პროფესიული ინტერესები მოიცავს მომხმარებელთა უფლებების დაცვას ენერგეტიკის და წყალმომარაგების სექტორებში.სასწავლო კურსის მიზანია: ცოდნის გაზიარება ენერგეტიკისა და წყალმომარაგების სექტორებში მომხმარებელთა უფლებების შესახებ მარეგულირებელი ნორმების, პრაქტიკისა და  ტენდენციების შესახებ. კურსი ხელს შეუწყობს მონაწილეებს, გაიღრმაონ ცოდნა მომხმარებელთა ინტერესების დაცვის მექანიზმების, მიწოდებისა და მოხმარების წესების, მომსახურების ხარისხის რეგულირების, ენერგეტიკული გაერთიანებებისა და ევროპული რეკომენდაციების შესახებ.ტრენინგ-კურსის წარმატებით დასრულების შემდეგ მონაწილეებს გადაეცემათ სერტიფიკატები. დეტალური ინფორმაციისა და რეგისტრაციის გადადით ბმულზე: https://bit.ly/43y8mpVwww.entc.ge 

ლევან ვეფხვაძე - ვფიქრობ რომ უზარმაზარი პოტენციალია ენერგეტიკაში, რომე...

„ჩვენ კლასიკურად, კონსერვატიულად თუ შევხედავთ მშენებლობა და დეველოპმენტის სექტორი არის ის სექტორი, რომელზეც საბოლოო ჯამში მნიშვნელოვნადაა დამოკიდებული ეკონომიკის სხვა სექტორები. თუნდაც იმიტომ, რომ უძრავი ქონება დღეს განიხილება ერთ-ერთ მთავარ უზრუნველყოფის საშუალებად და ფასი უძრავ ქონებაზე თუ კი არის მაღალი, ეს ნიშნავს, რომ ბიზნესს შეუძლია მეტი ფინანსური რესურსი მოიზიდოს საფინანსო ინსტიტუტებიდან. ამიტომ ამ კუთხით უძრავი ქონება, მშენებლობა ძალიან მნიშვნელოვანია ვუყუროთ თუ როგორ ვითარდება პროცესი იმისთვის, რომ პულსზე გვეჭიროს ხელი და თუ კი პატარა შეფერხებასავით გაჩნდება იმ წუთში მოვახდინოთ მყისიერი რეაგირება. იმიტომ, რომ ეს არის ქვაკუთხედი და ჩვენ ჩვენი იდეები და მოსაზრებები გვექნება, რომლებსაცეც შემდეგ მთავრობის წევრებთან ერთად განვიხილავთ.რაც შეეხება სხვა სექტორებს, მე ვფიქრობ, რომ უზარმაზარი პოტენციალია ენერგეტიკაში. 28 თებერვალს განაცხადების მიღება დასრულდა და ძირითადად განახლებადი ენერგიის წყაროებზე იყო საუბარი: მზე, ქარი და ჰიდროენერგეტიკა. ათასობით მგვტ-ის პროექტებია შეტანილი და თითოეული 1000 მგვტ ინვესტიციის ნაწილში არის 2-3 მლრდ-ის ეკვივალენტი მოზიდული ფინანსური რესურსების, რომელიც ქვეყანაში უნდა ჩაიდოს. ამიტომ აქ არის უზარმაზარი პოტენციალი, რომელიც ჯერ სამწუხაროდ გამოყენებული არ გაქვს. შეიძლება წლები დავკარგეთ კიდევაც. იმედი მაქვს, რომ უახლოეს პერიოდში ამ პროექტების რეალიზებას ვიხილავთ.და რაც მთავარია IT სექტორი, რომელმაც შარშან ძალიან მნიშვნელოვანი ფუნქცია შეასრულა. შარშან დაიწყო ეს დინამიკა. აქ განსაკუთრებული როლი ითამაშა ახალმა საგადასახადო პოლიტიკამ, როდესაც საშემოსავლო გადასახადი იმ თანამშრომლებისთვის, რომელიც მუშაობენ არარეზიდენტი კომპანიებისთვის არის 4-ჯერ დაბალი ვიდრე ჩვეულებრივად ვიხდით ხოლმე და ამან გამოიწვია ძალიან მნიშვნელოვანი სტიმული საერთაშორისო მოთამაშეების, რომლებიც შემოვიდნენ, დაასაქმეს საქართველოს მოქალაქეები. ისინი მუშაობენ საქართველოში, მაგრამ სერვისს უწევენ საერთაშორისო მსხვილ კომპანიებს. მე როგორც ვიცი მილიარდამდე გენერირება მოახდინა დოლარის, რომელიც უცხოეთიდან შემოვიდა ქვეყანაში. ამიტომ ამას აქვს უზარმაზარი პოტენციალი და ამასთან პირდაპირ კავშირშია განათლების სექტორი იმიტომ, რომ ჩვენ გვჭირდება მეტი ინვესტიცია“, - განაცხადა ლევან ვეფხვაძემ. 

გიორგი ფანგანი ICER-ის ვიცე თავმჯდომარედ აირჩიეს

როგორც ICER-ის ვიცე თავმჯდომარე, გიორგი ფანგანი ენერგეტიკის რეგულირების მე-9 მსოფლიო ფორუმის ორგანიზებასთან დაკავშირებულ საკითხებს უხელმძღვანელებს, რომელიც 2026 წელს ქ.თბილისში პირველად გაიმართება.გიორგი ფანგანი სხვადასხვა წლებში ხელმძღვანელობდა მნიშვნელოვან საერთაშორისო პროექტებს, რომლებიც მიზნად ისახავდა ენერგეტიკული ბაზრებისა და მომსახურების ხარისხის განვითარებას. იგი 2017-2019 წლებში ხელმძღვანელობდა ენერგეტიკული გაერთიანების მარეგულირებელ საბჭოს (ECRB).2026 წელს, ქ. თბილისს ენერგეტიკის რეგულირების მსოფლიო ფორუმის ფარგლებში 1000-ზე მეტი მაღალი რანგის დელეგატი ეწვევა. კერძოდ, რიგით მეცხრე მსოფლიო ენერგეტიკულ ფორუმში მონაწილეობას მიიღებენ 40-მდე ქვეყნის წარმომადგენელი, ენერგეტიკული გაერთიანების, ასოციაციების წევრი ქვეყნები, სამთავრობო უწყებების, ენერგეტიკული და დონორი ორგანიზაციების პირველი პირები.ფორუმზე იმსჯელებენ მსოფლიო მასშტაბით ენერგეტიკის სექტორში არსებულ მდგომარეობასა და გამოწვევებზე, საინვესტიციო საკითხებსა და განახლებადი ენერგიების როლზე მდგრადი ენერგეტიკის განვითარებაში. ფორუმზე მთავარი თემა იქნება საქართველოს ენერგეტიკული პოტენციალი და საინვესტიციო გარემო.ენერგეტიკის მარეგულირებელთა საერთაშორისო კონფედერაციის ეგიდით (ICER), ენერგეტიკის რეგულირების მსოფლიო ფორუმი 2000 წლიდან, ყოველ 3 წელიწადში ერთხელ იმართება. სხვადასხვა ორგანიზაციასთან ერთად ICER-ის წევრები არიან: ევროპის ენერგეტიკის მარეგულირებელთა საბჭო (CEER), აშშ-ს კომუნალური სამსახურების მარეგულირებელი კომისიების ასოციაცია (NARUC), ენერგეტიკის მარეგულირებელთა რეგიონული ასოციაცია (ERRA).#სემეკი #როცაბალანსიდაცულია #ICER #WFERIX

გვაქვს ინტერესი, თურქმენეთისგან ენერგეტიკული რესურსები შევისყიდოთ - ირ...

როგორც მთავრობის მეთაურმა აღნიშნა, თურქმენეთი, ენერგეტიკული თვალსაზრისით, ძალიან მდიდარი რესურსებით გამორჩეული ქვეყანაა.„ჩვენ შეგვიძლია, შევთავაზოთ თურქმენეთს ძალიან კონკრეტული დახმარება ენერგეტიკული რესურსების ტრანზიტის თვალსაზრისით. გარდა ამისა, ჩვენც გვაქვს ინტერესი, შევისყიდოთ ენერგეტიკული რესურსები თურქმენეთისგან. ამ საკითხებზე გვქონდა ძალიან საინტერესო საუბრები და ვფიქრობ, ძალიან კონკრეტული პროგრესი გვექნება ურთიერთობებში უახლოეს მომავალში იმ შეთანხმებებიდან გამომდინარე, რომლებსაც ხელი მოეწერა“, - განაცხადა ირაკლი კობახიძემ.