ლაშა ხუციშვილი სავალუტო ფონდის მისიას შეხვდა

შეხვედრის ფარგლებში ნათია თურნავამ და ლაშა ხუციშვილმა საერთაშორისო ინვესტორებს საქართველოს მაკროეკონომიკური პარამეტრები, მონეტარული და ფისკალური პოლიტიკა და ქვეყნის საინვესტიციო გარემო გააცნეს. ასევე მიაწოდეს ინფორმაცია საქართველოს საბანკო და საფინანსო სექტორის მდგრადობაზე. შეხვედრისას აღინიშნა, რომ საქართველოს საბანკო სექტორი კარგად კაპიტალიზებულია და ინარჩუნებს ლიკვიდობის ჯანსაღ მაჩვენებლებს. ასევე ისაუბრეს ქვეყანაში კორპორატიული ფასიანი ქაღალდების ზრდისა და ამ მიმართულებით არსებულ შესაძლებლობებზე.JP Morgan-ის ეკონომისტის განცხადებით, სებ-ის პრეზიდენტთან და საქართველოს ფინანსთა მინისტრთან საკმაოდ პროდუქტიული შეხვედრა გაიმართა.„ინვესტორების მხრიდან საქართველოსადმი დიდი ინტერესია, რადგან თქვენი ეკონომიკა ძალიან კარგად ვითარდება, ვალუტა ძლიერია, ცენტრალურმა ბანკმა დიდი რეზერვები დააგროვა. შესაბამისად, ინვესტორები ინტერესდებიან როგორც შიდა ბაზრით, ასევე ევრობონდებით“, - აღნიშნა JP Morgan-ის ეკონომისტმა.მისივე თქმით, აღსანიშნია ის ფაქტიც, რომ ინფლაცია საქართველოში შედარებით დაბალია.„ეროვნულმა ბანკმა კარგად შეინარჩუნა ინფლაცია მიზნობრივი მაჩვენებლის ფარგლებში. ფისკალური პოლიტიკაც დიდი სიფრთხილით სრულდება, რაც ქვეყანაში ფასების სტაბილურობას უწყობს ხელს. შედეგად, საუბრები ძალიან პროდუქტიული იყო. განვიხილეთ ყველა დეტალი - პერსპექტივა, პროგნოზები და რისკები“,  - განაცხადა ხამზა შარიფზოდამ.ამერიკელ და ბრიტანელ ინვესტორთა დელეგაცია საქართველოში სებ-ის მოწვევითა და JP Morgan-ის თანაორგანიზებით იმყოფება. დელეგაცია აერთიანებს ისეთ ცნობილ მსხვილ საერთაშორისო საინვესტიციო და ფინანსურ კომპანიებს, როგორებიცაა JP Morgan, Morgan Stanley Investment Management, Aberdeen, MetLife და სხვა.

1774446382

მისივე თქმით, თუ ადგილი ექნება მეორე რაუნდის ეფექტების გაძლიერებას, საჭიროების შემთხვევაში, ეროვნული ბანკი მზად არის მონეტარული პოლიტიკის დამატებით გამკაცრებისთვის.„ნავთობის ფასების ზრდა ადგილობრივ ბაზარს ნაწილობრივ უკვე გადმოეცა და ინფლაციაზე მოკლევადიან პერიოდში ზრდის მიმართულებით მოქმედებს. გეოპოლიტიკური ვითარებიდან გამომდინარე გაურკვევლობა მაღალია. არსებული პროცესების გახანგრძლივება მნიშვნელოვნად ზრდის გლობალურად ინფლაციურ რისკებს. განვითარებული შოკების ინტენსივობა, გადმოცემის სიმწვავე და ხანგრძლივობა მნიშვნელოვნად არის დამოკიდებული იმაზე, თუ როგორ განვითარდება მოვლენები. აქედან გამომდინარე, ეროვნული ბანკი აქტიურად დააკვირდება პროცესებს და საჭიროების შემთხვევაში, თუ ადგილი ექნება მეორე რაუნდის ეფექტების გაძლიერებას, მზად არის მონეტარული პოლიტიკის დამატებით გამკაცრებისთვის”, - ამბობს ეკატერინე მიქაბაძე.საქართველოს ეროვნული ბანკის მონეტარული პოლიტიკის კომიტეტმა 2026 წლის 25 მარტის სხდომაზე მონეტარული პოლიტიკის განაკვეთი უცვლელად - 8%-ზე შეინარჩუნა. მონეტარული პოლიტიკის კომიტეტის შემდეგი სხდომა 2026 წლის 6 მაისს ჩატარდება.

1774444980

ახლახან, STEM ოლიმპიადის ნახევარფინალი გაიმართა, რომლის ფარგლებშიც 10 ფინალისტი გუნდი გამოვლინდა. ესენი არიან: თბილისის თავისუფალი სკოლა ბრიტანულ-ქართული აკადემია სადუნი სკოლა-ლიცეუმი მწიგნობართუხუცესი ნიუტონის თავისუფალი სკოლა ქართულ-ამერიკული სკოლა დამოუკიდებელი საერო სკოლა "შავნაბადა" გივი ზალდასტანიშვილის სახ.ამერიკული აკადემია თბილისში სსიპ ივ.ჯავახიშვილის ქ.ფოთის N3 საჯარო სკოლა სსიპ ახალციხის N1 საჯარო სკოლა ინფორმაციისთვის, წელს საქართველოს ბანკის და კომაროვის სკოლის STEM ოლიმპიადის შესარჩევ ტურში მონაწილეობა 160 სკოლის 800-ზე მეტმა მოსწავლემ მიიღო. მათგან საუკეთესო შედეგის მქონე 63 გუნდი კი პირველ ტურში გადავიდა.თითოეული გუნდი დაკომპლექტებულია 5 მოსწავლისგან, რომელთაგან სამმა მოსწავლემ წერა მათემატიკის, ორმა კი ფიზიკის ტესტი. ჯამურ შედეგებზე დაყრდნობით, გამოვლინდა 10 საუკეთესო შედეგის მქონე სკოლის გუნდი და ისინი მონაწილეობას მიიღებენ ფინალში.ფინალურ ეტაპზე მოსწავლეები ერთმანეთს გუნდურად, პრაქტიკული დავალებების შესრულებაში შეეჯიბრებიან და იმუშავებენ STEM პროექტზე.ამასთან, ფინალურ ტურამდე მონაწილე გუნდებს ჩაუტარდებათ 40 საათიანი ციფრული ინჟინერიისა და პროგრამირების კურსი, რომელსაც კომაროვის სკოლის STEM მიმართულების პროფესიონალთა გუნდი გაუძღვება.ოლიმპიადის გამარჯვებულ გუნდს კი საქართველოს ბანკისგან გადაეცემა ფულადი პრიზი.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge

1774443600

2025 წლის მიწურულს სტაბილურმა მაკროეკონომიკურმა გარემომ, სავალუტო რეზერვების ზრდამ და ინფლაციის დაბალმა მაჩვენებელმა შექმნა საფუძვლიანი მოლოდინი, რომ 2026 წლიდან ეროვნული ბანკი მონეტარული პოლიტიკის შერბილებას დაიწყებდა. თუმცა, თებერვალში ახლო აღმოსავლეთში დაწყებულმა კონფლიქტმა და ჰორმუზის სრუტის ბლოკირებამ ვითარება რადიკალურად შეცვალა. საერთაშორისო ბაზრებზე ენერგომატარებლებისა და ტრანსპორტირების ღირებულება მნიშვნელოვნად გაიზარდა, რაც, ბუნებრივია, აისახება ადგილობრივ ბაზარზეც.ახლო აღმოსავლეთში მიმდინარე კონფლიქტი განსაკუთრებით მწვავედ აისახა ნავთობის ფასზე. გლობალურ ბაზრებზე ნედლეულის 45%-იანი გაძვირების პარალელურად, საწვავის ფასები საქართველოში უკვე დაახლოებით 10%-ით გაიზარდა. არსებული დაძაბულობის შენარჩუნების პირობებში, არსებობს მოლოდინი, რომ საწვავი კიდევ უფრო გაძვირდება, რაც ჯაჭვურ რეაქციას გამოიწვევს სხვა პროდუქტების თვითღირებულებაზე და, საბოლოო ჯამში, გაზრდის ინფლაციურ წნეხს.აღსანიშნავია, რომ ინფლაციური მოლოდინები გაზრდილია გლობალურადაც. როგორც აშშ-ის ფედერალური სარეზერვო სისტემა (FED), ისე ევროპის ცენტრალური ბანკები, განაკვეთის შემცირების ნაცვლად, მის შესაძლო ზრდასაც კი პროგნოზირებენ.საყურადღებო იყო კონფლიქტის დაწყების პირველ დღეებში ეროვნული ვალუტის მერყეობაც, რაც ძირითადად ნეგატიური მოლოდინებითა და დეპოზიტების უცხოურ ვალუტაში კონვერტაციით იყო განპირობებული. თუმცა, სიტუაცია მალევე დასტაბილურდა და კურსი ომამდელ მაჩვენებელს დაუბრუნდა. ეს ფაქტი კიდევ ერთხელ ადასტურებს, რომ ლარის მიმართ ნდობა მნიშვნელოვნად არის გაზრდილი.ყოველივე ზემოაღნიშნულის გათვალისწინებით, მოსალოდნელია, რომ საქართველოს ეროვნული ბანკი გააგრძელებს ფრთხილ მონეტარულ პოლიტიკას. მაღალი გაურკვევლობის პირობებში, რეგიონული კონფლიქტების დეესკალაციამდე და მიწოდების ტრადიციული ჯაჭვების აღდგენამდე, მონეტარული პოლიტიკის მნიშვნელოვანი შერბილება მოსალოდნელი არ არის.

1774442533

,,საყოველთაოდ ცნობილია რომ გაურკვევლობა და ინფლაციის რისკები გაიზარდა. ახლა მთავარი კითხვაა ეს დროებითი არის თუ უფრო დიდხანს გაგრძელდება. ნავთობის ფასის მეორადი ეფექტები, სასუქები ცალკე თემაა,ამ კუთხით, პრეს-რელიზში აღნიშნულია რომ თუ ნავთობის გაძვირება სხვა პროდუქტების გაძვირებასაც გამოიწვევს, რასაც ემატება ტრანსპორტირების და სასუქების ფასები არ არის გამორიცხული რომ მონეტარული პოლიტიკის განაკვეთი გაიზარდოს. ძალიან მნიშვნელოვანია რომ ეს ტრაექტორია და მსჯელობა საერთაშორისო მასშტაბით არის. ახლო აღმოსავლეთში განვითარებული მოვლენების ფონზე ბაზრის მოლოდინები შეიცვალა - აღარაა მოლოდინი რომ Fed-ი შეამცირებს წელს განაკვეთს, მაშინ როცა შემცირების მოლოდინები არსებობდა“, - აცხადებს ოთარ ნადარაია.მისი შეფასებით, სებ-ის მხრიდან მონეტარული პოლიტიკის განაკვეთის ცვლილება დამოკიდებული იქნება განვითარებულ მოვლენებზე.,, ესკალაციამდე ჩვენ მონეტარული პოლიტიკის განაკვეთის პროგნოზი გვქონდა 7.5 % წლის ბოლოს, როგორც ეს ჩვენს პუბლიკაციაშია. სადღეისოდ დაახლოებით 7.75% გვაქვს, თუმცა რა თქმა უნდა ისევდაისევ დამოკიდებულია მოვლენათა განვითარებაზე. დასაწყისში ბაზრის მოლოდინები იყო რომ ეს კონფლიქტი სწრაფად დასრულდებოდა, თუმცა სადღეისოდ გაურკვევლობა მატულობს. ბოლო პერიოდში ჩვენ გვაქვს პოზიტიური სიგნალები მოლაპარაკებებთან დაკავშირებით და ეს მნიშვნელოვანია, თუმცა რა თქმა უნდა უნდა დაველოდოთ მოვლენების განვითარებას”, - ამბობს ოთარ ნადარაია.აღსანიშნავია, რომ 25 მარტს საქართველოს ეროვნული ბანკმა მონეტარული პოლიტიკის განაკვეთი (რეფინანსირების განაკვეთი) უცვლელად შეინარჩუნა და დღეისათვის მონეტარული პოლიტიკის განაკვეთი 8.0 პროცენტს შეადგენს.

1774440956

"მიმდინარე მისიის მიზანია, საერთაშორისო სავალუტო ფონდის მიერ საქართველოში არსებული მაკროეკონომიკური მდგომარეობის, ქვეყნის ფისკალური და მონეტარული პოლიტიკის განხილვა.შეხვედრაზე მხარეებმა მიმოიხილეს საქართველოსა და საერთაშორისო სავალუტო ფონდს შორის თანამშრომლობის საკითხები.ლაშა ხუციშვილმა მისიის წევრებს გააცნო მიმდინარე მაკროეკონომიკური მაჩვენებლები და საშუალოვადიანი პერიოდის პროგნოზები. ასევე, ხაზი გაესვა გასული წლის ეკონომიკური ზრდის ტენდენციებს, საუბარი შეეხო 2026 წელს ევრობონდების წარმატებულ რეფინანსირებას და ამ პროცესში საერთაშორისო ინვესტორების ჩართულობას", - ნათქვამია ფინანსთა სამინისტროს მიერ გამოქვეყნებულ ინფორმაციაში.დღესვე საერთაშორისო სავალუტო ფონდის მისია ეკონომიკის მინისტრს მარიამ ქვრივიშვილს და მის მოადგილეებს შეხვდა.სავალუტო ფონდის მისია საქართველოში ვიზიტის ფარგლებში როგორც მთავრობასთან, ასევე ეროვნულ ბანკთან გამართავს შეხვედრებს. მისიის შემაჯამებელი პრესკონფერენცია 7 აპრილს იგეგმება.

1774440771