ირაკლი ლექვინაძემ სტუდენტებს კონკურენციის პოლიტიკისა და მომხმარებლის უფლებების დაცვის სფეროში არსებული საკითხები გააცნო

500 Global in Eurasua წელიწადში ორჯერ სტარტაპებს სწრაფი აქსელერაციისთვის ამზადებს. თუმცა, ეს ყველაფერი ანტრეპრენერების ჟინის გარეშე შეუძლებელია. რადგან, ჟინი მამოძრავებელი ძალაა, მიაღწიო დასახულ მიზანს. ჟინი სწრაფვაა, დაძლიო ყველა გამოწვევა. ჟინი არ გაჩერებაა.ანტრეპრენერებში ჟინის მნიშვნელობის შესახებ 500 Global in Eurasia-ს ერთ-ერთი მონაწილე, Helio AI-ის თანადამფუძნებელი და CEO, იაკო ჯიქია გვესაუბრება.- თქვენი გამოცდილებით, რას ნიშნავს ჟინი ბიზნესში? განსაკუთრებით კი, რა მნიშვნელობა აქვს მას სტარტაპებისთვის?ჩემი აზრით, ჟინი ბიზნესშიც და ცხოვრებაშიც, შინაგანი, დაუოკებელი სურვილია რაღაცის მიღწევის, შექმნის, შენების, რომელიც არ გვაძლევს მოსვენებას მანამ, სანამ მიზანს არ მივაღწევთ.სტარტაპზე მუშაობა უამრავი გამოწვევით არის სავსე. როგორც წესი, დასაწყისში არავის სჯერა შენი იდეის, არავინ გენდობა, რესურსები შეზღუდული გაქვს და ხშირად კონკურენციის გაწევა გიწევს დიდ გიგანტებთან.არ ვიცი გარედან როგორ ჩანს, მაგრამ ეს პროცესი სავსეა უამრავი მარცხით, წარუმატებელი ექსპერიმენტით და ბევრი მტკივნეული „უარით“. ასეთ რეალობაში ალბათ მხოლოდ და მხოლოდ ჟინია ის, რაც გაიძულებს არ გაჩერდე და გააგრძელო დინების საპირისპიროდ ცურვა.- როგორ შეიქმნა Helio AI? და, რა როლი ჰქონდა ამ პროცესში ჟინს?ჰელიოს იდეა ჩვენი, დამფუძნებლების პირადი პრობლემიდან გაჩნდა, როდესაც გვიწევდა დიდი გუნდების ფორმირება და რეკრუტინგი უდიდეს დროს და ძალიან ბევრი რუტინულ საქმიანობას მოითხოვდა. ბევრი უძილო ღამის მერე მივხვდით, რომ ეს პრობლემა მარტო ჩვენ არ გვეხებოდა და შეგვეძლო რაღაც ისეთი შეგვექმნა, რომელიც ამ პროცესის გარდაქმნას მოახდენდა არა მარტო საქართველოში, არამედ გლობალურად.ნინისთან, ნათიასთან და სულხანთან ერთად, ასე დაიბადა ჰელიო, რეკრუტინგის AI აგენტი, რომელიც შერჩევის პროცესების ავტომატიზაციას ახდენს და კომპანიებს საუკეთესო ტალანტების სწრაფად შერჩევაში ეხმარება. დღეს უკვე ჰელიო 400-მდე ბრენდს ემსახურება, მსოფლიოს 7 ქვეყანაში, რაც განსაკუთრებით გვეამაყება.ჰელიოს გზა, განსაკუთრებით საწყის ეტაპზე, სავსეა ისტორიებით, სადაც ინვესტორები თუ სხვადასხვა კონკურსის ჟიური გვიხსნიდა, რომ ამ საქმიდან არაფერი გამოვიდოდა, რომ ჩვენი კვალიფიკაცია არ იყო საკმარისი მსგავსი სტარტაპის განსავითარებლად, რომ ეს სერვისი არავის დასჭირდებოდა და ა.შ. თუმცა, ჩვენ ჩვენ თავში ეჭვი არასდროს შეგვპარვია, რადგან ჟინი იყო სწორედ ის, რაც თითოეულ ასეთ მტკივნეულ უარზე კიდევ და კიდევ უფრო მეტად გვანდომებდა „გამარჯვებას“.მახსოვს, ერთ-ერთ კონკურსში, ჩვენთვის ძალიან მნიშვნელოვან დაფინანსების ბოლო ეტაპზე უარი მივიღეთ, არადა ამ პროცესში უდიდესი შრომა გვქონდა ჩადებული და თან ეს თვეები გრძელდებოდა. მეილი რომ მოვიდა, ალბათ 10 წუთი ხმა არავის ამოგვიღია... მაგრამ 10 წუთის შემდეგ დავსხედით და გავაგრძელეთ ჩვენი დაგეგმილი შეხვედრა ისე, თითქოს არაფერი მომხდარა. აღნიშნული დაფინანსების აღება მეორედაც ვცადეთ და იგივე შედეგი მივიღეთ, თუმცა არც აქ გავჩერდით და მესამე ცდაზე გავიმარჯვეთ. ასეთი მაგალითი უამრავი გვაქვს.- როგორ აზიარებთ თქვენს ჟინს გუნდთან და როგორ ქმნით საერთო მოტივაციას?ამისთვის განსაკუთრებული ტექნიკები არ გვაქვს. ალბათ ჰელიოს წარმატება ზუსტად იმაში მდგომარეობს, რომ თითოეული ადამიანი, განურჩევლად პოზიციისა, ამ შინაგანი ენერგიის მატარებელია. ახალ გუნდის წევრებსაც ასე ვარჩევთ. ყოველთვის ღიად და გახსნილად ვსაუბრობთ ერთმანეთის უკუკავშირზე, დასახვეწ და გამოსასწორებელ საკითხებზე, ვზეიმობთ იმას, რაც კარგად გამოგვდის და რაც მთავარია, არასდროს გვავიწყდება რისთვის შეიქმნა ჰელიო და რისთვის ვართ თითოეული აქ!- ყოფილა თუ არა თქვენს ანტრეპრენერულ ცხოვრებაში მომენტი, როდესაც ჟინი - არ გაჩერების იდეა ის გარდამტეხი ძალა გამხდარა, რომელმაც თქვენს ცხოვრებაში პოზიტიური ცვლილება განახორციელა?ასეთი მომენტებით სავსეა ანტრეპრენერული ცხოვრება. ალბათ ჩვენ ყველას ჰელიოში ის გვიზიდავს, რომ ჩვენთვის ყველა დღე, კვირა და თვე გარდამტეხია. გარდამტეხია ყველა ჩვენი შეხვედრა, ყველა ახალი ინფორმაცია, ახალი გუნდის წევრი, ახალი პარტნიორი კომპანია, ინვესტიცია და ეს არ გვაძლევს მოდუნების საშუალებას.ვფიქრობ, არაფერი შეიძლება იყოს იმაზე პოზიტიური, აკეთო ის, რაც გიყვარს და მხოლოდ და მხოლოდ ჟინი არის ის, რაც ასეთი საქმის აღმოგვაჩენინებს და შემდეგ არასდროს მოგვცემს უფლებას, შევეშვათ მას.ინფორმაციისთვის, 500 Global in Eurasia საქართველოში 2020 წლიდან 500 Global-ის მიერ, საქართველოს ბანკთან და საქართველოს ინოვაციების და ტექნოლოგიების სააგენტოსთან (GITA) თანამშრომლობით ხორციელდება.2022 წელს ორგანიზაციებს შორის გაფორმდა ოთხწლიანი თანამშრომლობის ხელშეკრულება, რომლის ფარგლებშიც, ინტენსიური გადამზადების კურსი საქართველოში წელიწადში ორჯერ იმართება.მასში მონაწილეობის მიღება შეუძლიათ სტარტაპებს აღმოსავლეთ ევროპის, კავკასიის და ცენტრალური აზიის ქვეყნებიდან, რომლებსაც აქვთ სურვილი, მიიღონ ცოდნა დარგის ექსპერტებისგან და მოახდინონბაზარზე სწრაფი მასშტაბირება. ინიციატივის ფარგლებში, უკვე გადამზადდა 10 ქვეყნის 80-ზე მეტი სტარტაპი.დამატებითი ინფორმაციის მისაღებად ეწვიეთ ვებგვერდს 500 Global in Eurasia.

1762182823

საქართველოს ბანკისა და კომაროვის სკოლის თანამშრომლობით STEM ოლიმპიადის მესამე სეზონი წარმატებით მიმდინარეობს. პროექტი ახალგაზრდებში მეცნიერებებისა და მომავლის პროფესიების პოპულარიზაციის მიზნით შეიქმნა და უკვე ბევრი საინტერესო მოსწავლე გაგვაცნო. ამჟამად ახალ სეზონზე  განაცხადების მიღება დაწყებულია და 30 ნოემბრამდე გაგრძელდება. ინფორმაცია ხელმისაწვდომია შემდეგ ბმულზემეორე სეზონის ოლიმპიადაში 1-ლი ადგილი თბილისის თავისუფალი სკოლის გუნდმა დაიკავა, რომლის შემადგენლობაშიც იყვნენ: ანდრია პაპუაშვილი, ლიზა შალიკაშვილი, ლუკა უფლისაშვილი, თეკლა თენიეშვილი, ლუკა დუდაური.გუნდის მენტორმა, ლაშა ნიშნიანიძემ, გაგვიზიარა შთაბეჭდილებები და ისაუბრა მოსამზადებელ პროცესზე.„STEM მიმართულება განსაკუთრებულად მნიშვნელოვანია თანამედროვე მსოფლიოში,  სწორედ ეს სფეროები ქმნიან იმ ახალ ტექნოლოგიებსა და გადაწყვეტებს, რომლებიც ჩვენს ყოველდღიურ ცხოვრებას აუმჯობესებენ.  თეორიული ცოდნისა და პრაქტიკული გამოცდილების კომბინაციით იზრდებიან მომავალი ინჟინრები, პროგრამისტები, მეცნიერები, რომლებიც შეცვლიან სამყაროს”.ოლიმპიადამდე გუნდები აქტიურად ემზადებოდნენ, როგორც თეორიულად, ისე პრაქტიკულად, თავისუფალი სკოლის გუნდმა გამარჯვებამდე საკმაოდ ბევრი იშრომა წარმატებული ასპარეზობისთვის:„მზადება იყო ინტენსიური, მიზანმიმართული და შთამბეჭდავი. სკოლის გაკვეთილების დასრულების შემდეგ გუნდი მუდმივად მეცადინეობდა, ფინალის დღემდე მოსწავლეები ყოველდღიურად ემზადებოდნენ, დილის 10 საათიდან გვიან ღამემდეც კი, თანაც ამას დიდი ენთუზიაზმით აკეთებდნენ. მზადების ძირითადი ნაწილი უკავშირდებოდა რთული ტექნიკური დავალებების გადაჭრას, ცოდნის გამყარებასა და გუნდური მუშაობის დახვეწას. ყოველთვის განსხვავებულ და კომპლექსურ დავალებებს ვაძლევდი. ისინი ისხდნენ, ფიქრობდნენ, კოდს წერდნენ, წრედებს აწყობდნენ, დაშვებულ შეცდომებს ასწორებდნენ - ასეთი თავდადება და შეუპოვრობა გახდა  წარმატების მთავარი ფაქტორი “.გადამწყვეტი მნიშვნელობა ფინალურ პროექტს ჰქონდა, ამ ეტაპზე გუნდები დამოუკიდებლად და ინოვაციურად უნდა გამკლავებოდნენ პრაქტიკულ დავალებას:„როდესაც ოლიმპიადა დაიწყო, მალევე შეგვატყობინეს მთავარი დავალება -  საგულშემატკივრო ჰოლში  დაიდო ლიფტის კონსტრუქციის მაკეტი. სწორედ ამ ტიპის სისტემაზე უნდა ემუშავათ მონაწილეებს. პროექტი იყო კომპლექსური და მაღალტექნოლოგიური, თუმცა ჩემი მოსწავლეებისთვის ეს სიახლე არ ყოფილა: მრავლად ჰქონდათ ნამუშევარი მსგავს ელექტრონულ კომპონენტებზე, სენსორებზე, ძრავებზე. მჯეროდა, რომ დავალებას კარგად შეასრულებდნენ. სირთულე მაინც არსებობდა — ტექნიკური დეტალების ზუსტი შესრულება, დროის შეზღუდვა და კონკურენციის მაღალი დონე “.პირველი ადგილის მოპოვების შთაბეჭდილებები გაგვიზიარეს გუნდის წევრებმაც:„STEM ოლიმპიადაში მონაწილეობაც კი ძალიან დიდი გამოცდილება იყო ჩემთვის,ოლიმპიადის განმავლობაში ვსწავლობდით ბევრ ისეთ დეტალს, რომელიც ყოველდღიურ ცხოვრებაში ძალიან გამოსადეგი იყო. სიტყვებით რთულია იმის აღწერა , რასაც  მოგებისას განვიცდიდი, ბედნიერად მახსენდებოდა დღეები, როდესაც მთელი დღე ვისხედით და ვვარჯიშობდით”, - ლუკა უფლისაშვილი„ამ პროექტმა გვასწავლა, როგორ გადავაქციოთ იდეა რეალურ შედეგად. გუნდურად მუშაობა, პრობლემების ანალიზი და გადაწყვეტილებების პოვნა  - ეს უნარები მომავალში აუცილებლად გამოგვადგება, როგორც სწავლის, ისე პროფესიული განვითარების გზაზე”, - ლუკა დუდაურისაქართველოს ბანკი აქტიურად განაგრძობს საგანმანათლებლო შესაძლებლობების შექმნას ყველასთვის, ვინც არ ჩერდება, ცნობისმოყვარეა, აინტერესებს, ეძებს და ცდილობს, მეტი ისწავლოს. სწორედ ასეთი ახალგაზრდები ქმნიან უკეთეს მომავალს მთელი ქვეყნისთვის. STEM მიმართულებების წახალისებაც ამ მთავარი მიზნის ნაწილია და მომავალშიც ბევრ ნიჭიერ მოსწავლეს მისცემს საკუთარი შესაძლებლობების გამოვლენის საშუალებას.

1762178800

Lion Finance Group-ის (BGEO LN) აქციები დაიხურა 80.05 ბრიტანულ ფუნტ სტერლინგში (GBP), +2.96% წინა კვირასთან შედარებით და +4.64% გასულ თვესთან შედარებით. ვაჭრობის მოცულობამ 231 ათას აქციაზე მეტი შეადგინა, GBP 76.50 - 80.30 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 48 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 43.55 ბრიტანულ ფუნტ სტერლინგში (GBP), +2.11% წინა კვირასთან შედარებით და -4.18% გასულ თვესთან შედარებით. ვაჭრობის მოცულობამ 351 ათას აქციაზე მეტი შეადგინა, GBP 42.65 - 43.75 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 82 ათასი აქცია შეადგინა.Georgia Capital-ის (CGEO LN) აქციები დაიხურა 25.90 ბრიტანულ ფუნტ სტერლინგში (GBP), +2.78% წინა კვირასთან შედარებით და +7.47% გასულ თვესთან შედარებით. ვაჭრობის მოცულობამ 259 ათას აქციაზე მეტი შეადგინა, GBP 25.10 - 26.70 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 40 ათასი აქცია შეადგინა.

1762175695

ვიზიტის ფარგლებში, შეხვედრა გაიმართა იორდანიის ინვესტიციების სამინისტროს გენერალურ დირექტორთან ზაჰერ ალ-კატარნესთან, სადაც ორმხრივი ინვესტიციების წახალისების გზები განიხილეს, ისევე როგორც ერთობლივი პროექტების განვითარების შესაძლებლობები ენერგეტიკის, ლოგისტიკის, ტურიზმისა და საინფორმაციო ტექნოლოგიების მიმართულებით. განსაკუთრებული ყურადღება გამახვილდა იმ ფაქტზე, რომ იორდანიის საინვესტიციო გარემო ერთ-ერთი ყველაზე მოწინავეა რეგიონში — „ერთი ფანჯრის“ სისტემით, ინვესტორთა დაცვის მკაფიო გარანტიებითა და კონკურენტუნარიანი საგადასახადო მოდელით.გარდა ამისა, საქართველოს ბიზნეს ასოციაციის წარმომადგენლები ესტუმრნენ იორდანიის ბიზნეს ასოციაციას, სადაც იორდანელ მეწარმეებთან შეხვედრა გაიმართა. მხარეებმა ისაუბრეს ორმხრივი ვაჭრობის დინამიკის გაზრდის, ინვესტიციების მოზიდვისა და კონკრეტულ სექტორულ პარტნიორობაზე, განსაკუთრებით ტურიზმის, ენერგეტიკისა და ტექნოლოგიების მიმართულებით.ვიზიტის დასასრულს საქართველოს ბიზნეს ასოციაციასა და იორდანიის ბიზნეს ასოციაციას შორის ურთიერთთანამშრომლობის მემორანდუმი გაფორმდა, რომელიც ორმხრივი თანამშრომლობის გაღრმავებას ითვალისწინებს, საინვესტიციო ფორუმებისა და ბიზნესის შეხვედრების ორგანიზებას, ასევე ინფორმაციისა და გამოცდილების გაცვლას.მემორანდუმის საფუძველზე, მხარეები შეთანხმდნენ, რომ 2026 წელს თბილისში „საქართველო–იორდანიის ბიზნეს ფორუმი“ გაიმართება, რომლის მიზანი იქნება ორმხრივი ბიზნესკავშირების ინსტიტუციური გამყარება და ახალი პროექტების წარდგენა.„იორდანია რეგიონში კარიბჭეა, სადაც ნელ-ნელა ჩნდება უამრავი შესაძლებლობა ქართული კომპანიების ჩართულობისთვის. მაღალი სტანდარტები და საინვესტიციო გარემო, რომელიც იორდანიას აქვს ინვესტორებს უქმნის დაცულობის შეგრძნებას, რაც თავის მხრივ, ქმნის მყარ საფუძველს ორმხრივი თანამშრომლობისთვის. თავის მხრივ, საქართველო თავისი გეოგრაფიული მდებარეობით, მარტივი საგადასახადო სისტემით და 2.5-მილიარდიანი ბაზრების გამარტივებული წვდომით, შეიძლება გახდეს დამატებითი საინვესტიციო ადგილი იორდანიული კომპანიებისთვის“, - განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.

1762173240

როგორც მინისტრის მოადგილემ აღნიშნა, სპეციალური სტატუსის ფარგლებში ქართული კომპანიების მხრიდან გამოფენაზე წარმოდგენილი იქნება კულტურული, კულინარიული, ფოლკლორული და სხვადასხვა მიმართულებები.„საქართველო სამი პავილიონით იქნება წარმოდგენილი - ნაციონალური, მეწარმეობის, საკვებისა და სასმლის პავილიონით. გამოფენის მნიშვნელობა განსაკუთრებულია ქართველი მეწარმეებისთვის, ვინაიდან აღნიშნულ გამოფენაზე ადგილობრივ მეწარმეებს საექსპორტო პოტენციალის მაქსიმალურად გამოყენების შესაძლებლობა ეძლევათ“, - განაცხადა ირაკლი ნადარეიშვილმა.ჩინეთში, სადაც საქართველოს დელეგაცია პრემიერ-მინისტრის ხელმძღვანელობით გაემგზავრა, დაგეგმილია არაერთი მაღალი რანგის შეხვედრა, მათ შორის, ჩინეთის რესპუბლიკის პრემიერ-მინისტრთან, ასევე ხელი მოეწერება ორმხრივ შეთანხმებებს, რომლებიც კიდევ უფრო გაამყარებს როგორც სავაჭრო ეკონომიკურ, ისე ხალხთა შორის ურთიერთობებს ორ ქვეყანას შორის. ვიზიტის ფარგლებში საქართველოს ეკონომიკისა და მდგრადი განვითარების მინისტრი, მარიამ ქვრივიშვილი ხელს მოაწერს რამდენიმე ურთიერთგაგების მემორანდუმს, მათ შორის, ჩინეთის სამოქალაქო ავიაციის ადმინისტრაციასთან, ჩინეთის ვაჭრობის სამინისტროსა და ჩინეთის ეროვნული განვითარებისა და რეფორმების კომისიასთან.საქართველოს პრემიერ-მინისტრის თანმხლებ დელეგაციაში არიან ეკონომიკისა და მდგრადი განვითარების მინისტრი მარიამ ქვრივიშვილი, საგარეო საქმეთა მინისტრი მაკა ბოჭორიშვილი, გარემოს დაცვისა და სოფლის მეურნეობის მინისტრი დავით სონღულაშვილი, ფინანსთა მინისტრი ლაშა ხუციშვილი, ინფრასტრუქტურის მინისტრი რევაზ სოხაძე, ეროვნული ბანკის პრეზიდენტი ნათია თურნავა და მთავრობის ადმინისტრაციის უფროსი ლევან ჟორჟოლიანი.

1762172352

პარტნიორობის მიზანი გრძელვადიანი დაფინანსების შეთავაზებაა მცირე, საშუალო და მიკრო საწარმოებისთვის (MSME), რაც გააძლიერებს მათ საინვესტიციო შესაძლებლობებს ინოვაციურობისა და მდგრადობის მიმართულებით. BSTDB-ის მიერ გამოყოფილი სახსრები გამოყენებული იქნება ადგილობრივი MSME-ებისათვის საწარმოო დანადგარებისა და კომერციული აღჭურვილობის ლიზინგით დასაფინანსებლად, რაც ბიზნესებს საშუალებას მისცემს განაახლონ საწარმოო ხაზები და გაიუმჯობესონ კონკურენტუნარიანობა.თანამშრომლობა წარმოადგენს BSTDB-ის ნდობის გამოხატულებას თიბისი ლიზინგის ძლიერი საბაზრო პოზიციის, რისკების გონივრული მართვისა და ქვეყნის MSME სექტორის განვითარების მიმართულებით მისი მნიშვნელოვანი გავლენისადმი.„მოხარულები ვართ, რომ ამ მნიშვნელოვანი ტრანზაქციის მეშვეობით ვამყარებთ თანამშრომლობას BSTDB-თან. აღნიშნული საკრედიტო ხაზი კიდევ უფრო გააძლიერებს ჩვენს შესაძლებლობას, მივაწოდოთ მოქნილი და ხელმისაწვდომი ფინანსური რესურსები ქართულ ბიზნესებს, ხელი შევუწყოთ ინოვაციებს და დავუჭიროთ მხარი ქვეყნის გრძელვადიან ეკონომიკურ განვითარებას.“ – ნუგზარ ლოლაძე, თიბისი ლიზინგის ფინანსური დირექტორი.„თიბისი ლიზინგთან ჩვენი ხანგრძლივი თანამშრომლობა ხაზს უსვამს მზაობას – დავეხმაროთ საქართველოს მცირე, საშუალო და მიკრო ბიზნესებს (MSME) მიიღონ ის რესურსი, რომელიც მათ ზრდისა და წარმატებისთვის სჭირდებათ. ეს ახალი საკრედიტო ხაზი კიდევ ერთი ნაბიჯია საქართველოს ეკონომიკაში მდგრადობისა და კონკურენტუნარიანობის გასაძლიერებლად, აგრეთვე შავი ზღვის რეგიონის ქვეყნებს შორის უფრო მჭიდრო ბიზნესურთიერთობების ხელშეწყობის მიმართულებით. გვიხარია, რომ ჩვენი ახალი დაფინანსება სრულად შეესაბამება შავი ზღვის ეკონომიკური თანამშრომლობის (BSEC) ეკონომიკური დღის წესრიგის პრიორიტეტებს, რადგან ის ხელს უწყობს კერძო სექტორის ზრდას და რეგიონული ეკონომიკური თანამშრომლობის გაძლიერებას.“ – ზია ალიევი, BSTDB-ის საბანკო მიმართულების ვიცე-პრეზიდენტი.

1762170982