გიორგი გვიმრაძემ საზოგადოებრივ მაუწყებელზე ახალი ამბების ბლოკის დირექტორის პოსტი დატოვა

„ქვეყანაში მიმდინარე პოლიტიკურმა პროცესებმა, ბუნებრივია, უარყოფითი გავლენა მოახდინა ეროვნული ვალუტის სტაბილურობაზე და ბოლო დღეებში მისი გაუფასურება განაპირობა. ეს პროცესი „იკითხებოდა“ კიდეც, რამდენადაც, არასტაბილური და დაძაბული პოლიტიკური მომენტი, როგორც წესი, ყოველთვის ნეგატიურად აისახება ეროვნული ვალუტის სტაბილურობაზე და ასეა ეს არა მხოლოდ საქართველოში.აქ საგულისხმო ის არის, რომ გარკვეული ჯგუფების მხრიდან, ხელოვნურად ხდება ეროვნული ვალუტის კურსის თემის პოლიტიზება და საზოგადოების შეცდომაში შეყვანა. ნათელია, რომ ეს პროცესი საფინანსო სექტორის რყევას და ამ ფონზე პოლიტიკური დივიდენდების გამომუშავებას ისახავს მიზნად. ისახავს მიზნად და მას არანაირი რეალური საფუძველი არ გააჩნია.რეალურად, ეროვნული ვალუტის გაუფასურების პროცესს არანაირი საფუძველი არ აქვს და ახალგაზრდა ფინანსისტების შეფასებით, ბოლო დღეებში მიმდინარე ეს პროცესი წმინდა წყლის აჟიოტაჟური ხასიათისაა. პროცესი განპირობებულია მიმდინარე პოლიტიკური მომენტის ხასიათით და არა ფუნდამენტური ფაქტორების გაუარესებით.შესაბამისად, ამ პროცესში და ამ კონტექსტში, განსაკუთრებით და განსაკუთრებულად ისმის და მიუღებელია ეროვნული ბანკის ყოფილი პრეზიდენტის გიორგი ქადაგიძის (2007-2014) განცხადება, სადაც ის საბანკო სექტორის ერთდღიანი გამაფრთხილებელი გაფიცვის მიზანშეწონილობას პრაქტიკულად დადებით კონტექსტში განიხილავს და ასევე საუბრობს იმაზე, თითქოს ეროვნული ბანკის მხრიდან სავალუტო შეზღუდვები და დეპოზიტების უცხოურ ვალუტაში კონვერტაციაზე რეგულაციების დაწესებაა დაგეგმილი.აფბას მიაჩნია, რომ დღეს საფინანსო სექტორი არის საკმარისად მდგრადი და ლიკვიდური, ბანკებს გააჩნიათ შესაბამისი ბუფერები, რათა გაუმკლავდნენ ყველანაირ შოკებს. ლიკვიდური აქტივების მოცულობა ისტორიულ მაქსიმუმზეა და 18 მილიარდი ლარის ეკვივალენტს აჭარბებს, რაც უმეტესად უცხოურ ვალუტაშია ფორმირებული. ამიტომ და ამდენად, რაიმე საფრთხე, დეპოზიტების მომსახურების კუთხით, ბუნებრივია, არ დგას. ამავდროულად ეროვნული ბანკის ხელთ არის არაერთი ინსტრუმენტი, რათა, საჭიროების შემთხვევაში, უზრუნველყოს როგორც საბანკო სექტორის მდგრადობა, ასევე ლარის სტაბილურობა.აფბა კიდევ ერთხელ მოუწოდებს პოლიტიკურ ჯგუფებს, სისტემასთან უახლოეს წარსულში თუ მიმდინარე მომენტში უშუალო შემხებლობაში მყოფ პირებს, თავი შეიკავონ ნაჩქარევი, ცილისმწამებლური, ცრუ და სპეკულაციური განცხადებებისგან, ვინაიდან ეროვნული ვალუტის სტაბილურობა და ქვეყნის ეკონომიკური მდგრადობა თანაბრად მნიშვნელოვანია საქართველოს უკლებლივ ყველა მოქალაქისთვის, პოლიტიკური სიმპათია-ანტიპათიის მიუხედავად“, - ნათქვამია განცხადებაში.

1733325116

ეს ინფორმაცია საზოგადოებრივი მაუწყებლის კომუნიკაციების სამსახურში 4 დეკემბერს დაადასტურეს.გვიმრაძე ამ პოზიციაზე 2015 წლის ოქტომბრიდან მუშაობდა. მაუწყებლის კომუნიკაციების სამსახურში არ აზუსტებენ მისი გადაწყვეტილების მიზეზს.4 დეკემბერს 12:00 საათზე მან ფეისბუკზე დაწერა, რომ ის არის „პასუხისმგებელი“ ინტერვიუზე კიმბერლი ლოუსთან, რომელიც საზოგადოებრივმა მაუწყებელმა საზოგადოებას გააცნო, როგორც აშშ-ის მომავალი პრეზიდენტის ადმინისტრაციის წარმომადგენელი ევროკავშირში, - როდესაც ეს ინფორმაცია არ დასტურდება.„ამ ინტერვიუს გარკვეული ნაწილების გამოქვეყნებაზე, პასუხისმგებელი ვარ მე და მხოლოდ მე და არავინ ჩემს გარდა“, - დაწერა გვიმრაძემ.ამავე დროს, გვიმრაძე ამბობს, რომ ლოუს პირადად ის ესაუბრა.„არ თქმულა, რომ ის არის მომავალი ადმინისტრაციის წარმომადგენელი, ის შეიძლება გახდეს, რასაც თავად ამბობს ამ ეტაპზე მხოლოდ. და სწორედ ამიტომ, ითქვა რომ შესაძლოა იყოს. თუმცა ის რომ რესპუბლიკური პარტიის წევრია და თან კენჭს იყრიდა სენატში ეს ადვილად იძებნება. მისი კავშირები, ტრამპის მომავალი ადმინისტრაციის უკვე დასახელებულ წევრებთან, ასევე იძებნება. ამის გარდა, ქალბატონი კიმბერლი, არაფერს ამბობს ისეთს რაც არ უთქვამს ტრამპთან დაახლოებულ სხვა ადამიანებს. ამდენად მისი გამონათქვამები, დიდწილად თანხვედრაშია ტრამპის პოლიტიკის ძირითად გზავნილებთან და ეს არის მნიშვნელოვანი“, - დაწერა მან.

1733314443

რაც შეეხება ლარის კურსს, ირაკლი კობახიძის თქმით, „რამდენიმედღიან ძალადობას შეუძლია მცირე რყევები გამოიწვიოს, მაგრამ ეს აბსოლუტურად დროებითია“.„ოქტომბრის თვე დასრულდა 11%-იანი ეკონომიკური ზრდით. შესაბამისად, 10 თვის საშუალო ეკონომიკურმა ზრდამ შეადგინა 10%. ორნიშნა ეკონომიკური ზრდა გვაქვს წელს, ეს არის შარშანდელზე მაღალი მაჩვენებელი. რა თქმა უნდა, ეს პროცესი გაგრძელდება. ასეთ რამდენიმედღიან ძალადობას შეუძლია მცირე რყევები გამოიწვიოს, მაგრამ ეს აბსოლუტურად დროებითია. ლარი დასტაბილურდება, როგორც ეს წინა რყევების შემთხვევაში მოხდა.რამდენიმე დღით შეიცვალა ლარის კურსი, თუმცა, შემდეგ პირვანდელ ნიშნულს დაუბრუნდა. აქაც იგივე იქნება, ლარის კურსიც დასტაბილურდება და ეკონომიკაც. ჩვენ წლის ბოლოსთვის ეკონომიკური ზრდის ძალიან მაღალი მაჩვენებელი გვექნება. შარშანდელი მაჩვენებელი იყო 7.8 %, წელს გვექნება ეკონომიკური ზრდის ბევრად უფრო მაღალი მაჩვენებელი, თან ეს ხდება რადიკალიზმის ფონზე, მათ შორის საარჩევნო პერიოდში არ იყო მაინც და მაინც მშვიდი გარემო, ამ ფონზე ჩვენ მოვახერხეთ და 10%-ით გავზარდეთ პირველ 10 თვეში ქვეყნის ეკონომიკა.წარმოიდგინეთ, რა მოხდებოდა იმ შემთხვევაში, თუ არ იქნებოდა რადიკალიზმი, 4 რევოლუციის მოწყობის მცდელობა 4 წელიწადში. ტემპი კიდევ უფრო მეტი გვექნებოდა, მაგრამ ეს არის ის, რისი წახალისებაც სამწუხაროდ, უცხოური დაფინანსებით ხდება. ჩვენ მივიღეთ „გამჭვირვალობის კანონი“. დღეს სახელმწიფო არის უფრო ძლიერი, აქედან გამომდინარე, დარწმუნებული ვარ, შემდეგი წლების განმავლობაში რადიკალიზმიც შემცირდება და ეს ასევე დაეტყობა ეკონომიკური ზრდის ტემპის მეტად გაუმჯობესებას“, - განაცხადა კობახიძემ.

1733310503

დადგენილებები სამედიცინო სფეროს წარმომადგენლებისთვის რიგ პრობლემურ საკითხებთან არის დაკავშირებული, მათ შორის საქართველოს ბიზნესასოციაციაც აცხადებდა, რომ დადგენილებები „შეიცავდა ფარმაცევტულ ბაზარზე პროდუქციის დეფიციტის შექმნის რისკებს, ვინაიდან ადგილობრივი წარმოება ვერ მოასწრებდა ახალ სტანდარტებთან ადაპტირებას“.ცნობისთვის, 52-ე დადგენილების თანახმად, ფარმაცევტული წარმოების პროცესში გამოყენებული აქტიური ნივთიერება წარმოებული უნდა ყოფილიყო ისეთი ქარხნის მიერ, რომელიც GMP სტანდარტებს აკმაყოფილებდა. 51-ე დადგენილების მიხედვით კი, ფარმაცევტული პროდუქტის რეგისტრაციისთვის ევროკავშირის წევრი ქვეყნების მარეგულირებლის, აშშ-ის საკვებისა და წამლების ადმინისტრაციის, ჯანმრთელობის მსოფლიო ორგანიზაციის (WHO) ან საქართველოს მარეგულირებელი ორგანოს მიერ გაცემული GMP სტანდარტით წარმოების დამადასტურებელ დოკუმენტის წარდგენა სავალდებულო ხდებოდა.„ბიზნესპრესნიუსთან“ საუბრისას სამედიცინო ასოციაციების გაერთიანების ხელმძღვანელი არჩილ მორჩილაძე აღნიშნავს, რომ რეგულაციის მიღება კრიტიკული მნიშვნელობის არ ყოფილა. მისი თქმით, მეტად მნიშვნელოვანია, რომ აქცენტი გაკეთდეს ქვეყანაში მედიკამენტების ჭარბი მოხმარების შემცირებაზე.„ეს დადგენილები ეხებოდა ზოგადად ხარისხის თემას. მე არ ვთვლი, რომ ამის ამოქმედება კრიტიკული იყო. ჩვენ სხვა რამეს ვითხოვდით, ეს ეხებოდა მედიკამენტების ჭარბ მოხმარებას. უფრო კონკრეტულად, პოლიფარმაცია ბიოლოგიურად აქტიური საკვები დანამატების მოხმარების ხარჯზე არაპროპორციულად იყო გაზრდილი. აღნიშნული დადგენილებები ამ მიზანს არ ემსახურებოდა და ამას ვერ შეამცირებდა,“ - აღნიშნა მორჩილაძემ.სამედიცინო სექტორის მოთხოვნად კვლავ რჩება იმგვარი ცვლილებების მიღება, რომელიც ფარმაცევტული პროდუქტების ნებაყოფლობით რეგისტრაციას დაარეგულირებს.„ჩვენი მოთხოვნა კვლავ რჩება ის, რომ უნდა მიიღონ ისეთი რეგულაცია, რომელიც ქვეყანაში ფარმაცევტული პროდუქტების ნებაყოფლობით რეგისტრაციას შეწყვეტს. ჩვენი ბაზარი გაჯერებულია ჰომეოპათიური და საკვები დანამატებით, რასაც არანაირი სამკურნალო თვისებები არ გააჩნია. შესაბამისად, ეს აწვება მხოლოდ პაციენტის ჯიბეს.საყურადღებოა საკვებ დანამატებზე დღგ-ს განაკვეთიც, მას შემდეგ რაც საერთაშორისოდ საკვებ დანამატად აღიარებული ფარმაცევტული პროდუქტი რეგისტრირდება მედიკამენტად, მწარმოებელს ეგზავნება მისი წამლად რეგისტრაციის მოწმობა, რის შემდეგაც ამ პრეპარატებისთვის ხდება წამლის შესაბამისი საერთაშორისო საბაჟო კოდის მინიჭება და ის უკვე თავისუფლდება დამატებითი ღირებულების გადასახადისგან.ასევე საყურადღებოა, რომ უკვე რეგისტრაციის შემდეგ ფარმაცევტულ პროდუქტი იძენს „რეკლამირების“ უფლებას. როგორც მოგეხსენებათ კანონი „წამლისა და ფარმაცევტული საქმიანობის“ შესახებ კრძალავს საკვები დანამატების რეკლამირებას“, - განაცხადა არჩილ მორჩილაძემ.წყარო: BPN.GE

1733309365

რას აცხადებენ მაღაზიებში აირწინაღების, ჩაფხუტების და სათვალეების გაყიდვის აკრძალვასთან დაკავშირებით „ჩვენთან აღნიშნული ინვენტარი აღარ იყიდება. მარაგები ამოიწურა. რაც შეეხება განცხადებას [პროდუქციის დახლებიდან მოხსნის შესახებ], ამ ინფორმაციას ვერ დაგიდასტურებთ,“ - განუცხადეს „ბიზნესპრესნიუსს „დომინოში“.ამ პროდუქტების შეძენა ასევე შეუძლებელია ელექტრონული გაყიოდვების პლატფორმაზე - VELI.STORE-ზეც. როგორც „ბიზნესპრესნიუსთან“ აცხადებენ ამის მიზეზი მათ შემთხვევაშიც მარაგების ამოწურვაა. მათი ცნობით, მარაგები დღეიდან ამოიწურა.კიდევ ერთ ჰიპერმარკეტში გორგიაში კი აცხადებენ, რომ აირწინაღების მარაგი მათ ყველა ფილიალში ამოწურულია. ამასთან, მათი ცნობით არ აქვთ ინფორმაცია თუ როდის მოხდება მარაგების შევსება. რაც შეეხება სათვალეებს და ჩაფხუტებს, როგორც „გორგიაში“ აცხადებენ მათი მარაგი ზოგიერთ ფილიალში ჯერ არის.„აირწინაღები გაყიდვაში უკვე აღარ გვაქვს. მარაგები ამოიწურა. არ ვიცი როდის შევავსებთ, თუმცა, მოთხოვნა ძალიან მაღალია და ჩვენი გუნდი მუშაობს რომ რაც შეიძლება მალე შემოვიტანოთ აირწინაღები და დავაბრუნოთ გაყიდვაში,“ - აცხადებენ „ველიში.ცნობისთვის, სოციალურ ქსელში ვრცელდება ინფორმაცია, რომ მაღაზიებს აირწინაღები, სათვალეები და ჩაფხუტები გაყიდვიდან ამოაღებინეს. ამის შესახებ ინფორმაცია ჟურნალისტმა ნანუკა ჟორჟოლიანმა გაავრცელა. ასევე ამასთან დაკავშირებით, სხვადასხვა ჯგუფებშიც ვრცელდება ინფორმაცია.„მაღაზიებს აეკრძალათ აირწინაღების, ჩაფხუტების და სათვალეების გაყიდვა. სტენდები დაშალეს დიდმა ქსელებმა.საწყობების მარაგები დალუქულია“,- წერს ნანუკა ჟორჟოლიანი.წყარო: BPN.GE

1733307894

"მოვუწოდებთ საზოგადოებას, თავი შეიკავონ მსგავსი ტიპის დეზინფორმაციის გავრცელებისგან და გაზიარებისგან. ყოველი ასეთი ცრუ ინფორმაციის გავრცელება ქმნის უსაფუძვლო პანიკას და დამაზიანებელია საფინანსო სექტორისთვის.ამასთან, მოსახლეობას კიდევ ერთხელ განვუმარტავთ, რომ ბოლო წლებში სებ-ის მიერ გატარებული პოლიტიკისა და პოზიტიური მაკროეკონომიკური ტენდენციების ფონზე, საბანკო სექტორი ახლა არის ისეთი მდგრადი, როგორ არასდროს. ბანკებს აქვთ საკმარისი ბუფერები გაუმკლავდნენ ყველაზე მძიმე შოკსაც კი. ლიკვიდური აქტივების მოცულობა ₾18 მილიარდი ლარის ექვივალენტს აჭარბებს და უმეტესად უცხოურ ვალუტაშია ფორმირებული, ამიტომ რაიმე საფრთხე დეპოზიტების მომსახურების ბუნებრივია არ დგას.საჭიროების შემთხვევაში ბანკებს აქვთ დამატებით საკრედიტო ხაზები და შესაძლებლობა მოიზიდონ თანხები უცხოური ფინანსური ინსტიტუტებიდან, ისევე როგორც სებ-ს აქვს არაერთი ინსტრუმენტი დაეხმაროს სექტორს თუ ამის აუცილებლობა დავინახეთ; ლარის მერყეობა სრულად განპირობებულია მიმდინარე პროცესებით.სხვა მხრივ, შემოდინებები მდგრადია და ჯანსაღი ფუნდამენტური ფაქტორები უზრუნველყოფს, რომ სავალუტო ბაზარზე სტაბილურობა შენარჩუნდეს; ამიტომ საბანკო სერვისების მიწოდების რაიმე სახით შეზღუდვაზე საუბარი არ შეესაბამება სიმართლეს.მომხმარებლებს ჩვეულ რეჟიმში შეუძლიათ განკარგონ მათი ანაბრები, აწარმოონ კონვერტაციის თუ გადარიცხვის ოპერაციები. მსგავსი მოწოდებები ყოველგვარ საფუძველს მოკლებულია და ხელს უწყობს უსაფუძვლო აჟიოტაჟს", - ნათქვამია განცხადებაში.

1733306119