ნომერი 7 მაისურზე, ნომერი 1 მსოფლიოში - კვარაცხელიას ეპოქალური სეზონის ამბავი

დღევანდელი მატჩი ქართველი ქომაგებისთვის განსაკუთრებული მნიშვნელობისაა - ეროვნული ნაკრების კაპიტანი გურამ კაშია საქართველოს ნაკრების მაისურით ბოლო შეხვედრას გამართავს.გურამ კაშია ეროვნული გუნდის ისტორიაში ყველაზე მეტი მატჩის ჩატარების რეკორდსმენია. რუმინეთთან შეხვედრა მისთვის 129-ე მატჩი იქნება ეროვნული ნაკრების შემადგენლობაში. კაშია წლების განმავლობაში საქართველოს ნაკრების ერთ-ერთი მთავარი ლიდერი და სიმბოლო იყო, ხოლო მისი კაპიტნობით ეროვნულმა გუნდმა ისტორიაში პირველად ევროპის ჩემპიონატის საგზური მოიპოვა.ეროვნულ ნაკრებში კაშიას დებიუტი 2009 წელს შედგა. მას შემდეგ მან არაერთი მნიშვნელოვანი მატჩი ჩაატარა, გუნდის ლიდერად ჩამოყალიბდა და საკუთარი პროფესიონალიზმით, შრომისმოყვარეობითა და თავდადებით ქართველი გულშემატკივრების განსაკუთრებული სიყვარული დაიმსახურა.დღევანდელი შეხვედრა არა მხოლოდ საერთაშორისო ამხანაგური მატჩია, არამედ შესაძლებლობაა, ფეხბურთის გულშემატკივრებმა მადლობა გადაუხადონ კაპიტანს იმ წლებისთვის, რომლებმაც ქართული ფეხბურთის უახლესი ისტორიის ერთ-ერთი ყველაზე მნიშვნელოვანი ეპოქა შექმნა.მატჩი 21:00 საათზე დაიწყება. ვუგულშემატკივროთ საქართველოს ეროვნულ ნაკრებს და ერთად გავაცილოთ გუნდის კაპიტანი.საქართველოს ბანკი საქართველოს ეროვნული საფეხბურთო ნაკრების მთავარი სპონსორია.

1780402417

მინისტრის განმარტებით, ეს პროექტი წარმოადგენს საქართველოს სტრატეგიული პარტნიორობის, საერთო ძალისხმევისა და გრძელვადიანი სახელმწიფოებრივი ხედვის თვალსაჩინო მაგალითს.მარიამ ქვრივიშვილის განცხადებით, გასული წლის განმავლობაში საქართველოსა და აზერბაიჯანს შორის არსებულმა მჭიდრო და შედეგზე ორიენტირებულმა პარტნიორობამ შესაძლებელი გახადა ბაქო–თბილისი–ყარსის სრულფასოვან ექსპლუატაციაში გასაშვებად საჭირო მნიშვნელოვანი საკითხების დროულად გადაჭრა და წარმატებით დასრულება. მინისტრმა ასევე აღნიშნა, რომ ეს პროცესი წინგადადგმული უმნიშვნელოვანესი ნაბიჯია რეგიონის კონკურენტუნარიანობის გაძლიერების, დაკავშირებადობისა და ეკონომიკური ინტეგრაციისთვის.„პროექტის ფარგლებში, საქართველოს ტერიტორიაზე განხორციელდა მარაბდა–კარწახის 180-კილომეტრიანი სარკინიგზო მონაკვეთის რეაბილიტაცია და მშენებლობა: მათ შორის, ეს არის ახალი და რეაბილიტირებული ხიდები, თანამედროვე სტანდარტების სადგურები, გზაგამტარები, წევის ქვესადგურები, საქართველო–თურქეთის დამაკავშირებელი სასაზღვრო სარკინიგზო გვირაბი და ახალქალაქის საერთაშორისო სარკინიგზო სადგური, რომელიც ამ პროექტის ერთ-ერთი უმნიშვნელოვანესი კვანძია“, - განაცხადა ეკონომიკის მინისტრმა.მარიამ ქვრივიშვილის შეფასებით, ბაქო–თბილისი–ყარსი დღეს უკვე წარმოადგენს მნიშვნელოვან დამაკავშირებელ რგოლს ევროპას, ცენტრალურ აზიასა და ჩინეთს შორის.„ბოლო წლებში მსოფლიოში განვითარებულმა პროცესებმა კიდევ უფრო ნათლად აჩვენა უსაფრთხო, საიმედო და პროგნოზირებადი სატრანსპორტო მარშრუტების მნიშვნელობა. სწორედ ამიტომ იზრდება შუა დერეფნის მიმართ საერთაშორისო ინტერესი და სწორედ ამიტომ ძლიერდება საქართველოს როლი ამ პროცესში“, - აღნიშნა მინისტრმა.აღსანიშნავია, რომ ბოლო ერთი წლის განმავლობაში საქართველოს ეკონომიკისა და მდგრადი განვითარების სამინისტრო შპს „მარაბდა-კარწახის რკინიგზასთან“ და საქართველოს რკინიგზასთან ერთად აზერბაიჯანის შესაბამის უწყებებთან აქტიურად მუშაობდა აღნიშნული სარკინიგზო ხაზის სრულფასოვანი ამოქმედებისთვის. ერთობლივი კოორდინაციისა და ინტენსიური თანამშრომლობის შედეგად, შესაძლებელი გახდა პროექტთან დაკავშირებული მნიშვნელოვანი საკითხების შეთანხმება, შესაბამისი გადაწყვეტილებების მიღება და ხაზის ოფიციალურად ამოქმედება.

1780402314

გულზე ხელი დავიდოთ და ვიკითხოთ: წლების წინ ამას დავიჯერებდით? ალბათ, ერთადერთი ადამიანი, რომელსაც სხვისთვის დაუჯერებელი რამ ცხადად წარმოედგინა, ხვიჩა კვარაცხელია იყო. ბიჭი, რომელმაც “ნაპოლიში“ სენსაცია მოახდინა და ფეხბურთზე ფანატიკურად შეყვარებულ ქომაგს ნანატრი სკუდეტო მოაპოვებინა, ახლა უკვე უფრო ფართო, გლობალურ ასპარეზზე გავიდა - მის კოლექციაში ზედიზედ მოპოვებული ჩემპიონთა ლიგის ორი მედალი ინახება.მის ირგვლივ განვითარებული მასობრივი აჟიოტაჟი სრულიად გასაგებია: ხვიჩას ფანტასტიკური სეზონი ჰქონდა. იგი განსაკუთრებით შეუჩერებელი და ლეტალური ჩემპიონთა ლიგის დასკვნით ფაზაში გახდა, რაც ფეხბურთში ყველაზე მეტად ფასობს. ბრწყინვალე მატჩებმა „ჩელსის“, „ლივერპულის“, „ბაიერნისა“ და „არსენალის“ წინააღმდეგ და ტურნირზე ჩატარებულ შეხვედრებში 17 საგოლე მოქმედებამ (10 გოლი და 7 საგოლე გადაცემა) მას უდიდესი აღიარება მოუტანა: ხვიჩა ჩემპიონთა ლიგის აწ უკვე დასრულებული გათამაშების საუკეთესო ფეხბურთელად აღიარეს.მსოფლიო აღიარებისკენ მიმავალი თავბრუდამხვევი სიჩქარის მიუხედავად, ხვიჩა თავმდაბლობას მუდამ ინარჩუნებს. ჟურნალისტების დაუსრულებელ კითხვებზე იმის თაობაზე, თუ რამდენად უხარია მას ინდივიდუალური წარმატება ან განიხილავს თუ არა საკუთარ თავს “ოქროს ბურთის“ მთავარ პრეტენდენტად, ხვიჩა მოკლედ პასუხობს: მისთვის მთავარი გუნდური წარმატებაა და ბედნიერია იმით, რომ საჩემპიონო გზაზე თანაგუნდელებს ეხმარება.დღეს ხვიჩა კვარაცხელია საყოველთაო ყურადღების ეპიცენტრშია. ყველა ავტორიტეტული სპორტული გამოცემა თუ პოდკასტი, საფეხბურთო ექსპერტი თუ გულშემატკივარი მის დომინანტურ სეზონზე საუბრობს და სვამს კითხვას: უნდა გადაეცეს თუ არა მას ოქტომბრის ბოლოს “ოქროს ბურთი“? ამ ფონზე, მის ქომაგებში ერთგვარი სინანული შეინიშნება: 2026 წლის მუნდიალზე საქართველო არ მონაწილეობს, მსოფლიო ჩემპიონატი კი წლის საუკეთესო ფეხბურთელის გამოვლენაში უდიდესი წონისა და გავლენის მატარებელია. როგორც მინიმუმ, Bleacher Report-ის თანახმად, ხვიჩას საუკეთესო სამეულში მაინც ვიხილავთ, თუმცა ყველაფერი მის მთავარ კონკურენტებზეა დამოკიდებული - იმაზე, თუ რამდენად შთამბეჭდავად იასპარეზებენ ჰარი კეინი, დეკლან რაისი, მაიკლ ოლისე, ვიტინია, კილიან მბაპე და უსმან დემბელე მსოფლიო პირველობაზე.ჩემპიონთა ლიგაზე ტრიუმფის შემდეგ, ავტორიტეტულმა საფეხბურთო პორტალმა Transfermarkt-მა მისი ფასი ტრამპლინისებურად გაზარდა: ხვიჩას სატრანსფერო ღირებულება დღეს 140 მილიონ ევროს შეადგენს. ისიც აღსანიშნავია, რომ ამ პლატფორმაზე ერთბაშად 50-მილიონიან ზრდას იშვიათად თუ ნახავთ. კარიერაში პირველად, ხვიჩა მსოფლიოში ყველაზე ძვირად ღირებულ ფეხბურთელებს შორის მე-7 ადგილს იკავებს და მხოლოდ შემდეგ მოთამაშეებს ჩამორჩება: ლამინ იამალი - €200 მლნ. ერლინგ ჰოლანდი - €200 მლნ. კილიან მბაპე - €200 მლნ. პედრი - €150 მლნ. მაიკლ ოლისე - 150 მლნ. ვინისიუს ჟუნიორი - 150 მლნ. ერთი მხრივ, როგორი სიმბოლურია ხვიჩასთვის 7 ნომერი, თუმცა მან მთელი მსოფლიო დააფიქრა იმაზე, რომ ის არა მე-7, არა 77-ე, არამედ პლანეტის საუკეთესო, №1 ფეხბურთელია. ამ წარმოუდგენლად რთულ გამოწვევას - გამხდარიყო საუკეთესოთა შორის საუკეთესო - ხვიჩამ დაუსრულებელი შრომით, მიზანმიმართულობით, საკუთარი ძალის რწმენითა და თავმდაბლობით მიაღწია. მას ხომ მხოლოდ ტექნიკური არსენალი არ გამოარჩევს, სწორედ პიროვნული თვისებები აქცევს საფეხბურთო ფენომენად. ამის ნათელი მაგალითია “პარი სენ-ჟერმენის“ მთავარი მწვრთნელის, ლუის ენრიკეს დაუსრულებელი და ამაო დარიგებები კილიან მბაპესადმი, როცა იგი ფრანგ შემტევს დაცვითი ფუნქციების შესრულებას სთხოვდა. მბაპემ პარიზი დატოვა და მადრიდში გადაინაცვლა, მისი ადგილი კი ხვიჩამ დაიკავა, მწვრთნელის თითოეული მითითება ზედმიწევნით შეასრულა და ყველა საფეხბურთო ანალიტიკოსს ათქმევინა, რომ მბაპეს ნაცვლად პსჟ-ში ქართველის გამოჩენამ ლუის ენრიკეს საკუთარი ტაქტიკური ხედვა სისრულეში მოაყვანინა.დღეს ხვიჩას მიმართ ნათქვამი თითოეული საქებარი სიტყვა ობიექტურია. ის არც საფეხბურთო სიმულატორში შექმნილი პერსონაჟია და არც Netflix-ის სერიალის გმირი. ის არის ბიჭი, რომელმაც დაუჯერებელი ირწმუნა და შეასრულა, ჩვენ კი გვაფიქრებინა, რომ ამაზე გაჩერებას არ აპირებს. თანაც, ინდივიდუალიზმის მიღმა მისი გუნდურობაც ხომ ვახსენეთ? სადაც ხვიჩაა, იქ წარმატებაა და, საფეხბურთო თვალსაზრისით, უდიდესი ბედნიერებაა, რომ ამ ყოველივეს მომსწრენი ვართ - იმ დღის, როდესაც დიდი ქართული ფეხბურთისადმი ჩვენი აღქმა მხოლოდ არქივებში ძიებითა და ნოსტალგიური მოგონებებით აღარ შემოიფარგლება.ერთად ვუგულშემატკივროთ ხვიჩას, დიდებისკენ მიმავალ გზაზე. საქართველოს ბანკი საქართველოს ეროვნული საფეხბურთო ნაკრების მთავარი სპონსორია.

1780398602

მისი თქმით, პრობლემის მოგვარება, მოხმარებული ელექტროენერგიის საფასურის გადახდას გამოიწვევს, შენარჩუნდება შეღავათები და დაწესდება გარკვეული სახის ლიმიტები, გარკვეული პერიოდის განმავლობაში.„სწორი და მნიშვნელოვანი გადაწყვეტილება მიიღო საქართველოს მთავრობამ. აუცილებელი იყო, რომ სახელმწიფო სტრუქტურების ჩართულობა მომხდარიყო და პრობლემა მოგვარებულიყო. თუ ელექტროენერგიის მოხმარება სრულად აღირიცხება, ეს გამოიწვევს იმას, რომ მომხმარებლები ტარიფის გადახდას მიეჩვევიან. ასევე, „ენერგო-პრო ჯორჯიას“ ექნება შესაძლებლობა, რომ ქსელს რეაბილიტაცია ჩაუტაროს. ეს კი დადებითად აისახება ქსელის მდგომარეობაზე.როდესაც, მომხმარებლის მიერ არ ხდებოდა ტარიფის გადახდა, ეს უარყოფითად აისახება ენერგოკომპანიასა და მის მდგომარეობაზე და ის ხარჯები, ელექტრო კომპანიამ უნდა აინაზღაუროს, წინააღმდეგ შემთხვევაში ის ვერ მოემსახურება მომხმარებელს. გამომდინარე აქედან, პრობლემის მოგვარება, მოხმარებული ელექტროენერგიის საფასურის გადახდას გამოიწვევს, შენარჩუნდება შეღავათები და დაწესდება გარკვეული სახის ლიმიტები, გარკვეული პერიოდის განმავლობაში.როდესაც ელექტროენერგიის მოხმარება შემცირდება, ელექტრო კომპანიის მიერ ნაკლები ელექტროენერგიის შესყიდვა მოხდება, ასევე შემცირდება დანაკარგიც.ბევრი მცდელობა იყო გამრიცხველიანების, თუმცა უშედეგოდ, რადგან მოსახლეობისგან წინააღმდეგობა იყო, ამიტომ გადაწყდა, რომ ყველა მომხმარებელი დაექვემდებაროს მთავრობის გადაწყვეტილებას. უნდა მოხდეს მოხმარებული კილოვატსაათებისთვის ტარიფის გადახდა, იმ შეღავათების გათვალისწინებით.იქნება თუ არა მოსახლეობის მხრიდან წინააღმდეგობა ამის თქმა რთულია, აღნიშნულ პროცესებში შესაბამისი სტრუქტურებიც ჩაერევიან და წარმატებით განხორციელდება“, - განაცხადა გივი სანიკიძემ.ცნობისთვის, სვანეთში, ყველა სოფელსა და დასახლებაში ელექტროენერგიის მიმართულებით გამრიცხველიანების პროცესი იწყება. შესაბამისი განცხადება სამართალდამცავი ორგანოების კოორდინაციის საკითხებში სახელმწიფო მინისტრმა, მამუკა მდინარაძემ 1-ელ ივნისს გააკეთა. მისი თქმით, გამრიცხველიანების მიზანი უკანონო კრიპტომაინინგის აღმოფხვრაა მესტიის მუნიციპალიტეტში. მდინარაძე ამბობს, რომ ელექტროენერგია სვანეთში გარკვეულ ლიმიტამდე კვლავ უფასო დარჩება.

1780397336

ეს განაცხადა დენ სპარკსმა, BP-ის გეოლოგიისა და წარმოების ვიცე-პრეზიდენტმა აზერბაიჯანში, საქართველოში და თურქეთში, ბაქოს 31-ე ენერგეტიკული ფორუმის „ახალი ჰორიზონტების“ სესიაზე.„არსებითად, ჩვენი რეალური კონკურენცია არა რეგიონში, არამედ მსოფლიოს სხვა ნაწილებშია, სადაც წარმოების ხარჯები უფრო დაბალია და სადაც ინვესტიციების ნაკადებია მიმართული“, - დასძინა მან.დენ სპარკსმა ხაზგასმით აღნიშნა, რომ განვითარებული პროექტები ინფრასტრუქტურის განვითარების საშუალებას იძლევა, ხოლო ახალი პროექტები შეზღუდვებს აწყდება.„თუ ავიღებთ ისეთ პროექტებს, როგორიცაა აზერი-ჩირაგ-გიუნეშლი და შაჰ-დენიზი, მათი მასშტაბი და სიმწიფე ინფრასტრუქტურის განვითარებაში ინვესტიციების ჩადების საშუალებას იძლევა - ახალი წარმოების ობიექტები, გემები და ტექნოლოგიური გადაწყვეტილებები. თუმცა, ახალ პროექტებს აღარ აქვთ ამ დონის ეკონომიკური ბალიში, რაც უკიდურესად ართულებს ასეთი ინფრასტრუქტურის დამოუკიდებლად შექმნას. ერთადერთი რეალისტური გზა ინფრასტრუქტურის გაზიარება და ახალი რეგიონული კომპეტენციების ერთობლივად განვითარებაა, რომელთა გაზიარებაც შემდეგ ბაზრის ყველა მონაწილეს შეეძლება. ეს მოიცავს წყალქვეშა მოდულარულ სისტემებს, სპეციალიზებულ საზღვაო გემებს და თავსებად საინჟინრო გადაწყვეტილებებს. განსაკუთრებით მინდა გამოვყო BP-სა და SOCAR-ს შორის წარმატებული თანამშრომლობა“, - დასძინა BP-ის ვიცე-პრეზიდენტმა.მან ასევე მოიყვანა კანადის გამოცდილების საფუძველზე განვითარებული ბაზრის მაგალითი.„მე წარმოშობით ალბერტადან ვარ (დასავლეთ კანადის პროვინცია) და შემიძლია ვთქვა, რომ იქ ნავთობისა და გაზის ინდუსტრია ძალიან განვითარებულია. ამის ერთ-ერთი მიზეზი არის აქტიური კონკურენცია უამრავ კომპანიას შორის და, რაც მთავარია, განვითარებული მონაცემთა გაცვლის სისტემა. ალბერტაში პრაქტიკულად ყველა გეოლოგიური და ჭაბურღილის ინფორმაცია ხელმისაწვდომია - ყველას შეუძლია ჭაბურღილების მონაცემებზე წვდომა ერთიანი ციფრული პლატფორმების საშუალებით. შედეგად, კომპანიები იყენებენ საერთო საინფორმაციო სისტემას და არა მხოლოდ შიდა მონაცემთა ბაზებს. მონაცემთა გახსნილობის ეს დონე მნიშვნელოვნად ზრდის კვლევის ეფექტურობას და ზრდის რესურსების აღდგენას. ამ კონტექსტში, მინდა გამოვყო BP-სა და SOCAR-ს შორის ერთობლივი პროექტი, რომელიც მიზნად ისახავს კასპიის ზღვის აზერბაიჯანის სექტორში არსებული ყველა ოფშორული სეისმური მონაცემის კონსოლიდაციას და ციფრულად დამუშავებას, რაც მნიშვნელოვნად გააუმჯობესებს მომავალი საბადოების განვითარების ეფექტურობას“, - აღნიშნა სპარკსმა.

1780395660

მთავრობის მეთაურის თქმით, მარშრუტის სრულად ამოქმედებით სარკინიგზო ხაზის გამტარუნარიანობა წელიწადში 5 მილიონ ტონას მიაღწევს, რაც მნიშვნელოვნად ზრდის რეგიონის სატრანზიტო შესაძლებლობებს და კიდევ უფრო აძლიერებს შუა დერეფნის კონკურენტუნარიანობას.„მოხარული ვარ, რომ დღეს მონაწილეობას ვიღებ ბაქო-თბილისი-ყარსის ახალი სარკინიგზო ხაზის გახსნის ოფიციალურ ცერემონიაში. ეს ისტორიული მნიშვნელობის პროექტია. ეს არის საქართველოს, აზერბაიჯანისა და თურქეთის სტრატეგიული პარტნიორობისა და სამაგალითო თანამშრომლობის კიდევ ერთი ნათელი მაგალითი.ბაქო-თბილისი-ყარსის ახალი სარკინიგზო ხაზის საქართველოს მონაკვეთი რეგიონში განხორციელებული ერთ-ერთი უმსხვილესი ინფრასტრუქტურული პროექტია, რომლის სიგრძე მარაბდიდან თურქეთის საზღვრამდე 180 კმ-ს შეადგენს, საიდანაც რეაბილიტაცია-რეკონსტრუქცია ჩაუტარდა 153 კმ ლიანდაგს და აშენდა 27 კმ სიგრძის სრულიად ახალი, თანამედროვე სტანდარტების სარკინიგზო ხაზი.ბაქო-თბილისი-ყარსის რკინიგზით, რომელიც 2017 წლიდან დღემდე სატესტო რეჟიმში ფუნქციონირებდა, საპილოტე რეჟიმში გადაიზიდა 1.8 მლნ ტონაზე მეტი ტვირთი, მათ შორის 90 ათასამდე კონტეინერი. ამ პერიოდის განმავლობაში მკაფიოდ გამოიკვეთა სატვირთო გადაზიდვების მზარდი დინამიკა, რაც კიდევ ერთხელ ადასტურებს ამ სატრანსპორტო დერეფნის ეკონომიკურ და ლოგისტიკურ მნიშვნელობას.ეს სარკინიგზო ხაზი შუა დერეფნის განუყოფელი ნაწილია, შუა დერეფანს კი ევროპისა და აზიის დაკავშირებადობაში განსაკუთრებული მნიშვნელობა ენიჭება. მარშრუტის სრულად ამოქმედებით სარკინიგზო ხაზის გამტარუნარიანობა წელიწადში 5 მილიონ ტონას მიაღწევს, რაც მნიშვნელოვნად ზრდის ჩვენი რეგიონის სატრანზიტო შესაძლებლობებს და კიდევ უფრო აძლიერებს შუა დერეფნის კონკურენტუნარიანობას.ეს პროექტი კიდევ უფრო დიდ მნიშვნელობას იძენს, გლობალური გამოწვევებისა და კრიზისების ფონზე, როდესაც საერთაშორისო სავაჭრო მარშრუტების დივერსიფიკაცია და უსაფრთხო სატრანსპორტო ქსელები ეკონომიკური განვითარების უმთავრესი წინაპირობებია. ბაქო-თბილისი-ყარსის სარკინიგზო ხაზი კიდევ უფრო აახლოებს ევროპასა და აზიას და აძლიერებს ჩვენი რეგიონის სტრატეგიულ მნიშვნელობას მსოფლიო სავაჭრო და ლოგისტიკურ ქსელში“, - განაცხადა პრემიერ-მინისტრმა.

1780395480