ერიკ ტრამპი - Trump Tower Tbilisi კომპანიის გლობალურად აღიარებულ უმაღლეს სტანდარტს საქართველოშიც დაამკვიდრებს

როგორც განცხადებაშია ნათქვამი, პროექტის ფარგლებში ქართული კომპანიები Archi Group-ი, Biograpi Living-ი და Blox Group-ი იქნებიან ჩართულები.„ცენტრალურ პარკზე გადაშლილი ხედებითა და პრესტიჟული მდებარეობით, Trump Tower Tbilisi მრავალფუნქციური კომპლექსის ცენტრალური ნაწილი იქნება, რომელიც გააერთიანებს მდიდრულ რეზიდენციებს, პრემიუმ კლასის სავაჭრო სივრცეებს, მსოფლიო დონის რესტორნებსა და ცხოვრების სტილის გამორჩეულ სერვისებს“, – ნათქვამია ოფიციალურ განცხადებაში.პროექტზე საუბრისას აშშ-ის პრეზიდენტის, დონალდ ტრამპის ვაჟმა და კომპანიის აღმასრულებელმა ვიცე-პრეზიდენტმა, ერიკ ტრამპმა აღნიშნა, რომ თბილისის დეველოპერული პროექტი კომპანიის „გლობალურად აღიარებულ უმაღლეს სტანდარტს“ საქართველოშიც დაამკვიდრებს. მისივე თქმით, მოხარულია, რომ პროექტზე თანამშრომლობა პატივსაცემ და პროფესიონალ დეველოპერებთან მოუწევს.ოფიციალურ განცხადებაში კომენტარს ქართული უძრავი ქონების კომპანიების წარმომადგენლებიც აკეთებენ.როგორც განცხადებაშია აღნიშნული, Archi Group-ი, ერთ-ერთი წამყვანი პარტნიორი, საქართველოს საცხოვრებელი უძრავი ქონების ბაზრის დომინანტი მოთამაშეა, რომელსაც 55-ზე მეტი დასრულებული პროექტი და ათიათასობით ჩაბარებული ბინა აქვს.„არქი ჯგუფის“ თანადამფუძნებელი და სამეთვალყურეო საბჭოს თავმჯდომარე ილია წულაია ამბობს, რომ Trump Tower Tbilisi-ს პროექტი შეცვლის ქალაქის ჰორიზონტს და საქართველოს გლობალურ როლს კიდევ უფრო გააძლიერებს.Biograpi Living-ი საქართველოს ერთ-ერთი ყველაზე სწრაფად მზარდი დეველოპერული კომპანიაა. კომპანიის აღმასრულებელი დირექტორის, ვასილ ფხაკაძის თქმით, Biograpi Living-ი მხოლოდ პროექტებს არ ახორციელებს.„ჩვენ ვქმნით ურბანული ცხოვრების მომავალს საქართველოში. Trump Tower Tbilisi-ს მსგავსი პროექტებით ქალაქში შემოგვაქვს ახალი მასშტაბი, ხარისხი და გლობალური მნიშვნელობა“, – აცხადებს ის.Blox Group-ის თანადამფუძნებელი ლაშა კვაჭაძე წარმოადგენს მრავალპროფილიან ჰოლდინგს, რომელსაც ძლიერი პოზიციები აქვს კავკასიის რეგიონში. ლაშა კვაჭაძე აცხადებს, რომ Trump Tower Tbilisi საერთაშორისო ნდობის გამოხატულებაა და საქართველოს ეკონომიკურ განვითარებაში მნიშვნელოვან ეტაპს წარმოადგენს.ამასთან, Finvest Georgia-ს თანადამფუძნებლის, ლაშა მელაძის თქმით, „Trump Tower Tbilisi საქართველოსთვის გლობალურ საინვესტიციო რუკაზე მნიშვნელოვანი ეტაპია“.პროექტი ასევე წარმოადგენს The Sapir Organization-ისპირველ ასეთ საერთაშორისო კომერციულ პროექტს. კომპანიის პრეზიდენტისა და CEO-ს, ალექს საპირის ხელმძღვანელობით, ფირმამ შვიდ მილიარდ დოლარზე მეტი ღირებულების აქტივები მართა.„საქართველოში დაბრუნება პირველად მას შემდეგ, რაც ხუთი წლის ვიყავი, ჩემთვის ემოციური გამოცდილება იყო. მე ვამაყობ, რომ ჩვენს მეორე შენობას ვაშენებთ იმ ქვეყანაში, სადაც ჩემი მშობლები დაიბადნენ და გაიზარდნენ“, – აცხადებს ალექს საპირი.განცხადებაში ასევე აღნიშნულია, რომ პროექტის არქიტექტურის, დიზაინის და გაყიდვების შესახებ დამატებითი დეტალები უახლოეს თვეებში გახდება ცნობილი.

1776597401

მისი თქმით, საქართველოს ბოლო ოთხი წლის განმავლობაში ეკონომიკური ზრდის თვალსაზრისით ყველაზე მაღალი მაჩვენებლები აქვს ევროპაში.„ჩვენი პრიორიტეტია ეკონომიკის განვითარება. მშვიდობა და ეკონომიკა ერთმანეთთან მჭიდროდ არიან დაკავშირებული. ბოლო ოთხი წლის განმავლობაში ყველაზე მაღალი მაჩვენებლები გვაქვს ევროპაში. ჩვენი ქვეყნის საშუალო ეკონომიკური ზრდის მაჩვენებელი 9.3 პროცენტი იყო, ხოლო მიმდინარე წლის იანვარ-თებერვალში 8.4 პროცენტიანი ეკონომიკური ზრდა დაფიქსირდა. ეკონომიკური და პოლიტიკური თანამშრომლობა სამხრეთ კავკასიის ქვეყნებს შორის ძალიან მნიშვნელოვანია, რათა უზრუნველყოფილი იყოს კეთილდღეობა, ძლიერი ეკონომიკა და რაც ყველაზე მნიშვნელოვანია - მშვიდობა და სტაბილურობა რეგიონში.ეკონომიკური ზრდის ასეთი მაჩვენებლის საფუძველია ბიზნესის კეთების სიმარტივე. საერთაშორისო ინდექსების მიხედვით, მოწინავე ადგილზე ვართ. ასევე, ბიუროკრატიის ჭრილში კარგი მაჩვენებლები გვაქვს. სახელმწიფო ყველაფერს აკეთებს იმისათვის, რომ ხელი შეუწყოს და მოიზიდოს პირდაპირი უცხოური ინვესტიციები, გააძლიეროს ინფრასტრუქტურა და დაკავშირებადობის ფუნქცია. ჩვენი ქვეყნის გეოგრაფიული ადგილმდებარეობა საქართველოს ერთ-ერთი უპირატესობაა და ყველაფერს ვაკეთებთ, რათა გვქონდეს გამართული ინფრასტრუქტურა, განვახორციელოთ მსხვილი პროექტები, როგორებიცაა მაგალითად ანაკლიის ღრმაწყლოვანი პორტი, შავი ზღვის წყალქვეშა კაბელი. მიგვაჩნია, რომ მხოლოდ ასეთი ტიპის თანამშრომლობა არის წარმატების გასაღები“, - განაცხადა ლევან ჟორჟოლიანმა.

1776511134

დისკუსია საერთაშორისო სავალუტო ფონდის ცენტრალური აზიისა და შუა აღმოსავლეთის დეპარტამენტის დირექტორმა  ჯიჰად აზურმა გახსნა.შეხვედრაზე საქართველოს ეროვნული ბანკის პრეზიდენტმა კოლეგებს გაუზიარა საკუთარი ხედვა, თუ როგორ უნდა ვმართოთ მაკროეკონომიკური და ფინანსური სტაბილურობის რისკები რეგიონული კონფლიქტების დროს. განსაკუთრებით მას შემდეგ, რაც ახლო აღმოსავლეთში მიმდინარე გეოპოლიტიკურმა დაძაბულობამ გლობალური გაურკვევლობა აშკარად გაზარდა.„პირველ რიგში, ხაზს ვუსვამ, რომ გონივრული და თანმიმდევრული ეკონომიკური პოლიტიკა ეკონომიკური მდგრადობის ფუნდამენტია. რაც უფრო ძლიერია ეკონომიკის ფუნდამენტური ფაქტორები, მით უკეთესად უმკლავდება იგი საგარეო შოკებს. როდესაც იკვეთება ინფლაციური რისკები და ცენტრალური ბანკი გონივრული პოლიტიკით აჩვენებს, რომ შოკების მიუხედავად შეუძლია ფასების სტაბილურობის შენარჩუნება, მნიშვნელოვნად მცირდება ამ შოკების ყოვლისმომცველი და ხანგრძლივ ინფლაციურ პროცესებში გადაზრდის რისკი“, - განაცხადა ნათია თურნავამ.როგორც სებ-ის პრეზიდენტმა აღნიშნა, მომავალზე ორიენტირებული პოლიტიკის გადაწყვეტილებები უფრო რთული გამოწვევა გახდა, ვინაიდან მაღალი გაურკვევლობის პირობებში გახშირდა მიწოდების მხრიდან მოქმედი ინფლაციური შოკები. მისივე თქმით, ამ პირობებში მნიშვნელოვანი გახდა არა მხოლოდ საბაზო სცენარის, არამედ მოსალოდნელი რისკ სცენარების ანალიზიც და რისკების მართვის საფუძველზე გადაწყვეტილების მიღება.„სწორედ ამ მიზეზით, 2025 წლის დასაწყისიდან, ჩვენ ოფიციალურად გადავედით მონეტარული პოლიტიკის შემუშავებისას რისკების მართვის მიდგომაზე. აღნიშნული მიდგომის ფარგლებში ცენტრალურ სცენართან ერთად დამატებით გადაწყვეტილების მიღებისას ვითვალისწინებთ რისკ სცენარების ანალიზს. ეს მიდგომა გულისხმობს რისკების სისტემურ შეფასებას და გამჭვირვალე კომუნიკაციას იმის შესახებ, თუ როგორ უპასუხებს პოლიტიკა სხვადასხვა შესაძლო განვითარებას. აღნიშნული ჩარჩო აძლიერებს პროგნოზირებადობას, აუმჯობესებს ბაზრის მიერ პოლიტიკის აღქმას“, - განაცხადა ნათია თურნავამ.ეროვნული ბანკის პრეზიდენტმა სსფ-ის მიერ ორგანიზებული მსგავსი დისკუსიები დადებითად შეაფასა და განაცხადა, რომ აღნიშნული პლატფორმა არის კარგი შესაძლებლობა სხვადასხვა ქვეყნის ცენტრალური ბანკების ხელმძღვანელებმა გაცვალონ მოსაზრებები, თუ როგორ გახადონ თავიანთი პოლიტიკა უფრო ეფექტიანი ისეთ გარემოში, სადაც იზრდება რისკები და არაპროგნოზირებადობა.

1776510904

მრგვალი მაგიდის ფარგლებში განხილვის ძირითადი თემები იყო გლობალური ეკონომიკური ზრდის შენელების რისკები, ინფლაციური ზეწოლა, გეოპოლიტიკური ფაქტორების გავლენა და რეგიონული თანამშრომლობის მნიშვნელობა.ნათია თურნავამ აღნიშნა, რომ საქართველო მიმდინარე გაურკვევლობებს ძლიერი მაკროეკონომიკური საფუძვლებით ხვდება - მაღალი ეკონომიკური ზრდისა და გაუმჯობესებული საგარეო პოზიციის ფონზე, მიმდინარე ანგარიშის დეფიციტი ისტორიულ მინიმუმთან ახლოსაა, ხოლო ეკონომიკური აქტივობა სულ უფრო მეტად გადადის პროდუქტიულ სექტორებზე.მისი თქმით, მონეტარული პოლიტიკის სიფრთხილემ უზრუნველყო ინფლაციური მოლოდინების სტაბილურობა, ხოლო საერთაშორისო რეზერვების ზრდამ და დოლარიზაციის შემცირებამ ეკონომიკის შოკებისადმი მდგრადობა გააძლიერა. ასევე აღინიშნა, რომ ეროვნული ბანკი იყენებს სცენარებზე დაფუძნებულ მიდგომას, რის საფუძველზეც ინფლაციური რისკები უკეთ იმართება.საგაზაფხულო შეხვედრების ფარგლებში ნათია თურნავამ და ლაშა ხუციშვილმა ასევე გამართეს შეხვედრა საერთაშორისო ინვესტორებთან, სადაც წარადგინეს საქართველოს მაკროეკონომიკური გარემო და საინვესტიციო პოტენციალი. ყურადღება გამახვილდა ეკონომიკური ზრდის მდგრადობასა და სხვადასხვა სექტორში არსებულ საინვესტიციო შესაძლებლობებზე.საერთაშორისო სავალუტო ფონდის მხრიდან დადებითად შეფასდა საქართველოს მაკროეკონომიკური მაჩვენებლები და ქვეყნის ძლიერი ბუფერები.

1776506940

დღეს ივანე ჯავახიშვილის სახელობის თბილისის სახელმწიფო უნივერსიტეტში პროგრამის მიმდინარეობას ცესკოს თავმჯდომარე პირადად გაეცნო და მონაწილე სტუდენტებს აქტუალური საარჩევნო საკითხებისა და იმ მნიშვნელოვანი საქმიანობების შესახებ ესაუბრა, რომლებიც საარჩევნო ადმინისტრაციამ ბოლო წლების განმავლობაში განახორციელა. საუბარი ასევე შეეხო 2024-2025 წლებში ჩატარებულ საერთო არჩევნებს, რომელშიც ადმინისტრაციამ საარჩევნო ელექტრონული ტექნოლოგები წარმატებით დანერგა. აღინიშნა, რომ ხსენებულმა სიახლეებმა მნიშვნელოვნად გააუმჯობესა მომსახურების ხარისხი, ასევე საარჩევნო პროცესის ეფექტიანობა და სისწრაფე. ცესკოს თავმჯდომარემ ასევე ვრცლად ისაუბრა დეზინფორმაციაზე და მასთან დაკავშირებულ გამოწვევებზე, დეზინფორმაციასთან ბრძოლის სტრატეგიებსა და შედეგებზე.გიორგი კალანდარიშვილმა ასევე აღნიშნა, რომ საარჩევნო სამართლის კურსი, ისევე როგორც მსგავსი ტიპის საჯარო ლექციები, მნიშვნელოვან როლს ასრულებს ახალგაზრდების ცნობიერების ამაღლებაში, საარჩევნო კულტურის განვითარებასა და მათი აქტიური ჩართულობის ხელშეწყობაში. ამგვარი ინიციატივები კი თავის მხრივ ხელს უწყობს ახალგაზრდების დაინტერესებას საარჩევნო პროცესებით და მათ ინფორმირებულ მონაწილეობას დემოკრატიულ პროცესებში.ახალგაზრდებთან შეხვედრის შემდეგ გიორგი კალანდარიშვილმა სამუშაო შეხვედრა გამართა თსუ-ს რექტორ ჯაბა სამუშიასთან, თსუ-ს სოციალურ და პოლიტიკურ მეცნიერებათა ფაკულტეტის დეკან სალომე დუნდუასთან და თსუ-ს სოციალურ და პოლიტიკურ მეცნიერებათა ფაკულტეტის ჟურნალისტიკის მიმართულების ხელმძღვანელ მაია ტორაძესთან, რომლის ფარგლებშიც მხარეებმა არსებული პროექტები, მათი შედეგები და თანამშრომლობის გაღრმავების პერსპექტივები განიხილეს. ცესკოს თავმჯდომარემ რექტორს მადლობა გადაუხადა მრავალწლიანი წარმატებული პარტნიორობისთვის და აღნიშნა, რომ თსუ ერთ-ერთი პირველი სასწავლებელი იყო, რომელიც საარჩევნო სამართლის კურსის ინტეგრირების პროცესში ჩაერთო,  წლიდან წლამდე კი მზარდია კურსის გავლის მსურველთა რაოდენობა. შეხვედრას ცესკოს მხრიდან ცესკოს სწავლების ცენტრის დირექტორი ნათია ზაალიშვილი და პრეს-სპიკერი ნათია იოსელიანი ესწრებოდნენ.როგორც შეხვედრების დასრულების შემდეგ გიორგი კალანდარიშვილმა აღნიშნა, „საარჩევნო სამართლის კურსი, რომელსაც საარჩევნო ადმინისტრაცია და სწავლების ცენტრი სხვადასხვა უმაღლეს  საგანმანათლებლო დაწესებულებაში ახორციელებს, ხელს უწყობს როგორც საარჩევნო კულტურის განვითარებას, ისე ცნობიერების ამაღლებასა და ახალგაზრდების დაინტერესებას საარჩევნო პროცესებით. ივანე ჯავახიშვილის თბილისის სახელმწიფო უნივერსიტეტი ჯერ კიდევ 2010 წლიდან შემოუერთდა მემორანდუმს და დღეს სწორედ თსუ-ში გვქონდა საჯარო ლექცია ყველა იმ აქტუალურ და მნიშვნელოვან საკითხთან დაკავშრებით, რომელიც დგას თანამედროვე არჩევნების დღის წესრიგში. დღეს ასევე შევხდით თსუ-ს რექტორს, რომელთანაც განვიხილეთ მრავალწლიანი წარმატებული პარტნიორობა და სამომავლო თანამშრომლობის პერსპექტივები“.თავის მხრივ თსუ-ს რექტორმა მადლობა გადაუხადა ცესკოს თავმჯდომარეს ვიზიტისთვის და მიმდინარე პროექტის მნიშვნელობას გაუსვა ხაზი.„უპირველესად მინდა დიდი მადლობა მოვახსენო ცენტრალური საარჩევნო კომისიის ხელმძღვანელს, რომ ეწვია თბილისის სახელმწიფო უნივერსიტეტს და შეხვედრა გამართა ჩვენს სტუდენტებთან. ამ შეხვედრამ აჩვენა რამდენად დიდია ინტერესი სტუდენტების მხრიდან საარჩევნო სამართლის მიმართ. აუცილებელია საზოგადოებაში საარჩევნო კულტურის დამკვიდრება და ზოგადად, ქვეყანაში, პოლიტიკური კულტურისთვის მნიშვნელოვანია უპირველესად სწორედ არჩევნებისა და საარჩევნო კულტურის გაზრდა,“ - აღნიშნა ჯაბა სამუშიამ.2026 წლის გაზაფხულის სემესტრული პროგრამა 9 პარტნიორ უნივერსიტეტში ეტაპობრივად ხორციელდება და მასში მონაწილეობას იღებენ იურიდიული, სოციალურ მეცნიერებათა და ჟურნალისტიკის ფაკულტეტის საბაკალავრო პროგრამის III-IV კურსის სტუდენტები.ცესკოს, სწავლების ცენტრსა და უნივერსიტეტებს შორის გაფორმებული მემორანდუმის ფარგლებში, საარჩევნო სამართლის დარგში საავტორო პროგრამა 2010 წლიდან უწყვეტად ხორციელდება თბილისსა და რეგიონებში მოქმედ პარტნიორ უნივერსიტეტებში. დღემდე პროექტში მონაწილეობა 9 900-მდე სტუდენტმა მიიღო, რაც ნათლად ასახავს პროექტის მდგრადობასა და მის მნიშვნელოვან როლს საარჩევნო განათლების განვითარებაში.

1776438267

ფორუმი გახსნა ეკონომიკისა და მდგრადი განვითარების მინისტრმა მარიამ ქვრივიშვილმა, რომელმაც ფორუმის მონაწილე ენერგეტიკული კომპანიების წარმომადგენლებს ენერგეტიკული პოლიტიკის მიმდინარე და სამომავლო მიმართულებები გააცნო.„საქართველოს ბანკის“ გენერალური დირექტორის მოადგილე გამოეხმაურა ეკონომიკისა და მდგრადი განვითარების მინისტრის განცხადებას საქართველოსთვის განვითარებისთვის ენერგოდამოუკიდებლობის განსაკუთრებული მნიშვნელობის შესახებ. ზურაბ ქოქოსაძემ ასევე დადებითად შეაფასა ის პროექტები, რომელთაც ეკონომიკის სამინისტრო ამ მიზნის მისაღწევად ახორციელებს.„საქართველოს ბანკის“ გენერალური დირექტორის მოადგილემ ხაზი გაუსვა ინვესტორების მხრიდან ენერგეტიკის სექტორისადმი გაზრდილ ინტერესს. „ინტერესი ინვესტორების მხრიდან საკმაოდ დიდია. ბევრი პროექტია, რაც ახლა დამუშავების ეტაპზეა ჩვენს ბანკში. დაახლოებით 700 მლნ ლარის ენერგოპროექტია მხოლოდ ჩვენ ბანკში და ვიმედოვნებ, რომ ამ სფეროს განვითარება კიდევ უფრო დინამიურად გაგრძელდება. შესაბამისად მზადყოფნას გამოვთქვამთ, რომ დარგი აქტიურად დავაფინანსოთ“, - აღნიშნა ზურაბ ქოქოსაძემ.

1776435362