გამოკითხვა – ეთანხმებით თუ არა უცხო ქვეყნის მოქალაქეებზე სასოფლო–სამეურნეო მიწების გასხვისების დაკანონებას?
1491400918
შემოსავლების სამსახური განცხადებას ავრცელებს
1762347578
სხვა სიახლეები
ფინანსთა მინისტრი - დასაქმებულთა ზრდამ და უმუშევრობის შემცირებამ გამოი...
მისი თქმით, ბოლო ოთხ წელიწადში, უმუშევრობის მაჩვენებელი 21%-დან შემცირდა 14%-მდე, ასევე გაიზარდა ხელფასების ოდენობა კერძო სექტორში, გაცილებით უფრო მეტად ვიდრე საჯარო სექტორში.„რეალურად, საჯარო სექტორში ხელფასების მოწესრიგების ფორმულა, რაც დღეს უკვე ასახულია საქართველოს კანონმდებლობაში, მუშაობს შემდეგნაირად, რომ ხელფასის ოდენობა, რომელიც საჯარო სექტორშია, უნდა იყოს გარკვეული პროცენტულობით კერძო სექტორთან მიმართებით. აქ არაა საუბარი იმაზე, რომ საჯარო სექტორში ოდესმე უნდა იყოს უფრო მაღალი ხელფასები, ვიდრე კერძო სექტორში. ბუნებრივია, ეს არ არის და ვერც იქნება. უბრალოდ, როდესაც ამ რეფორმას ვიწყებდით, ქვეყანაში იყო პერიოდი, როცა საჯარო სექტორში ხელფასების ოდენობა ზოგ შემთხვევაში 60%-ზე დაბლი იყო.შესაბამისად, ამ პირობებში, კვალიფიციური კადრების შენარჩუნების შესაძლებლობა საჯარო სექტორს ფაქტობრივად არ ექნებოდა. ასევე, იყო ძალიან მაღალი რისკი, გაუარესებულიყო ისეთი სერვისების მიწოდების ხარისხი, რასაც საჯარო სექტორი აწვდის ჩვენს მოსახლეობას. ვფიქრობ, რომ ამ ეტაპზე ეს საკითხი მეტწილად აღმოფხვრილია, თუმცა უნდა აღვნიშნო, რომ ხელფასების ნაწილი კერძო სექტორში გაცილებით მეტი პროცენტულობით იზრდება, ვიდრე საჯარო სექტორში და ბევრად მაღალია ვიდრე 10%-ანი ზრდები.შესაბამისად, საბოლოო ჯამში, ხელფასებისა და დასაქმებულთა გაზრდამ, ასევე უმუშევრობის შემცირებამ, გამოიწვია ის, რომ საშემოსავლო გადასახადის ზრდა, ერთ-ერთი ყველაზე მაღალია ნომინალურ გამოხატულებაში ჩვენს ბიუჯეტში", - განაცხადა ფინანსთა მინისტრმა, ლაშა ხუციშვილმა.
1762957224
„სახელმწიფო ქონების პირდაპირი მიყიდვის ფორმით პრივატიზება ან სახელმწიფ...
ეკონომიკისა და მდგრადი განვითარების მინისტრის პირველი მოადგილის, ნინო ენუქიძის განცხადებით, ცვლილებით, სახელმწიფო ქონების პირდაპირი მიყიდვის ფორმით პრივატიზება ან სახელმწიფო ქონების გაცვლა მხოლოდ წინასწარ განსაზღვრული პირობებით იქნება შესაძლებელი, რომლის შესახებაც საქართველოს მთავრობის ნორმატიული აქტი მომზადდება.მისი თქმით, დღემდე ასეთი წინაპირობები არ არსებობდა და ყოველ კონკრეტულ შემთხვევაში, მთავრობა გადაწყვეტილებას ინდივიდუალური განხილვის შემდეგ იღებდა.როგორც მინისტრის მოადგილემ აღნიშნა, კანონში შეტანილი ცვლილების შესაბამისად, მთავრობას დაევალება, შეიმუშავოს კანონქვემდებარე ნორმატიული აქტი, რომელშიც ზედმიწევნით გაიწერება, რა შემთხვევებში იქნება შესაძლებელი სახელმწიფო ქონების გაცვლა ან პირდაპირი მიყიდვის ფორმით პრივატიზება.„პირდაპირი მიყიდვა საგამონაკლისო ნორმაა და აქამდე საქართველოს კანონმდებლობით მკაცრად რეგლამენტირებული არ იყო. პრემიერ-მინისტრის ინიციატივით, მთავრობამ შეიმუშავა ცვლილებები შესაბამის კანონში, რომელიც პარლამენტმა მესამე მოსმენით უკვე მიიღო. მთავრობის ნორმატიული აქტით, დეტალურად გაიწერება კონკრეტული შემთხვევები, როგორ განხორციელდება პირდაპირი მიყიდვის ფორმით პრივატიზება, ან ქონების გაცვლა“, - აღნიშნა მინისტრის პირველმა მოადგილემ.ახალი რეგულაციის მიხედვით, მთავრობა, ეკონომიკისა და მდგრადი განვითარების სამინისტროს წარდგინებით, ვალდებული იქნება კანონის მიღებიდან სამოცი დღის ვადაში შეიმუშაოს ნორმატიული აქტი, რომელიც განსაზღვრავს ქონების განკარგვის წინაპირობებს როგორც გაცვლის, ისე პირდაპირი მიყიდვის ფორმით პრივატიზებისას.
1762949584
„სელფი მობაილი“ - გადაიხადე Google Play-ზე „სელფის“ ბალანსით და მიიღე...
ინფორმაციას „სელფი მობაილი“ ავრცელებს.„შეთავაზება ძალაშია 12 ნოემბრიდან 12 დეკემბრის ჩათვლით: ₾0.01 – ₾4.99 ჩათვლით გადახდაზე → 500 MB; ₾5.00 – ₾9.99 ჩათვლით გადახდაზე → 1000 MB; ₾10.00 და მეტის გადახდაზე → 2000 MB.შეთავაზებით სარგებლობა მარტივია - Google Play-თ განხორციელებული ნებისმიერი ტრანზაქციისას გადახდის მეთოდად აირჩიე სელფის ბალანსით გადახდა. ბონუსი ავტომატურად დაირიცხება აბონენტის ბალანსზე, რომლის ნომრითაც ხორციელდება გადახდა. მნიშვნელოვანია, რომ ნომერი იყოს მიბმული Google Play-ს ანგარიშზე.Google Play-ზე, სელფის მობილური ბალანსით, სხვა გადაწყვეტებს შორის, შეგიძლია შეიძინო პოპულარული აპლიკაციები, როგორებიცაა: PUBG MOBILE, Roblox, TikTok, Standoff 2, Google-ისა და Youtube-ს სხვადასხვა სერვისი და ა.შ.“, - აღნიშნულია ინფორმაციაში.
1762948031
ანა კორძაია-სამადაშვილის რჩევები წიგნის დღეებისთვის: წიგნები ზამთრის ს...
საქართველოს ბანკი, როგორც განათლების მთავარი მხარდამჭერი, უკვე მესამე წელია ამ მნიშვნელოვანი ღონისძიების გენერალური სპონსორია. წიგნის მოყვარულებს კი წელსაც განსაკუთრებული შეთავაზებით ვმასპინძლობთ: Student Card-ისა და sCool Card-ის მფლობელები 20%-იან ქეშბექს მიიღებენ (მაქსიმუმ 20 ლარის ოდენობით).შეთავაზების მისაღებად, მოსწავლეებმა ის მობილბანკში ან sCoolApp-ში უნდა გაიაქტიურონ.ასევე, მომხმარებელი PLUS ბარათით გადახდისას 10-ჯერ მეტ PLUS ქულას (მაქს. 20,000 PLUS) დააგროვებს.თუ არ იცით რა წიგნები შეიძინოთ, გთავაზობთ მწერალ ანა კორძაია-სამადაშვილის ბლოგს, სადაც ის რეკომენდაციებს გვიზიარებს წიგნებზე, რომლებიც ზამთრის გრძელ საღამოებს გაგილამაზებთ.დეტექტივები მიყვარს. განსაკუთრებით, ზამთარში. არ ვიცი, რატომაა ასე, მაგრამ ასეა: აცივდება თუ არა, გაფაციცებით ვეძებ ახალ დეტექტივს. ამჯერად არ ვეძებ, ველი, იმიტომ რომ „თეთრი მაგნოლიას“ ავტორი დაგვპირდა, გაგრძელება იქნებაო.გარეკანზე წერია, რომ ეს წიგნი თამარ ერაძემ დაწერა. სინამდვილეში, წიგნი დაწერა დავით გაბუნიამ, თამარ ერაძე კი მისი დაწერილი სერიალის გმირია, რომელმაც, თავის მხრივ, წიგნი დაწერა - თურმე. მოკლედ, ჩახლართული ამბავია, როგორც ყველა წესიერი დეტექტივის წესი და რიგია.ასეთი ამბავია: ძალიან ლამაზ პარკში, ძალიან ლამაზ ღამეს, ძალიან ლამაზ ცხედარს მიაგნებენ. რა მშვენიერი გოგოა! როგორი სურნელოვანია თეთრი მაგნოლია! როგორი საზიზღარი უნდა იყოს ის, ვიღაც, მკვლელი! მოქმედება ჩვენს დროს, საქართველოში ხდება, პატარა ქალაქში, რომელიც საეჭვოდ ჰგავს ერთ ცნობილ ზღვისპირა ქალაქს, უბრალოდ, ქალაქი, რომელსაც ჰგავს, ასე ახლოს არაა სოხუმთან, რომელიც... აღარაფერს ვიტყვი. დეტექტივი ხომ ისეთი რამაა, წინასწარ არაფრის თქმა არ შეიძლება.არც „არასადროს“ მოყოლა შეიძლება, ნილ გეიმანის შესანიშნავი წიგნისა, რომელიც ნიკა სამუშიამ თარგმნა, და რომლის დასრულების შემდეგაც ვფიქრობდი, ამიერიდან რაღა ვქნა, რაღა წავიკითხო-მეთქი. ისეთი თავგადასავალია, ფურცლის გადაშლა და გულისცემის აჩქარება ერთია, ისე მომინდა, ისე მომინდა ლონდონის მეტროში ჩასვლა და... ისევ არაფრის თქმა არ შეიძლება, ასეთი წიგნის მოყოლა ვის გაუგია. მხოლოდ იმას ვიტყვი, რომ არაფერი მინდა ისე, როგორც დაბინდებისას მარკიზ დე კარაბასის დანახვა - ვინ იცის, მეც... მოვრჩი, აღარ მოვყვები.„სიზმრების სასახლეს“ კი, ძალიანაც რომ მომინდეს, ვერ მოვყვები. საერთოდ, ისმაილ კადარეზე ვერაფერს მოვყვები, იმიტომ რომ მისი წაკითხვის მერე ჯერ არ გასულა საკმარისად დიდი დრო და სიტყვებს ვერ ვარჩევ, არ ვიცი, რა ჰქვია ასეთ ლიტერატურას, ეს რა არის. აშკარად შესანიშნავია, გადასარევია! მაგრამ ჯერ ვერ ვხვდები, როგორ ხდება: ავტორი ჰყვება იმას, რის გაგონებაც არ მინდა, აღარ მინდა, ჩემი გამჭირვებია, და მაინც ვკითხულობ, ვერ ვწყდები და ვფიქრობ, რომ ძალიან გამიმართლა - ისმაილ კადარეს ეპოქაში დავიბადე.ამ დიდი ავტორის გაცნობისთვის უღრმესი მადლობა მთარგმნელს, პაატა ჯავახიშვილს. ის რომ არა, ჩემთვის უცნობი ალბანელი მწერლის კითხვას არ შევუდგებოდი, სხვა რამეს ვამჯობინებდი, ისეთს, ჩემი ჭკუით, ცივ ზამთარს რომ გემრიელად გადამატანინებდა. და ეჰა, ისევ თავში დავბრუნდი: ზამთარი მოდის და დავით გაბუნიას და „თეთრი მაგნოლიას“ გაგრძელების იმედად ვარვიმედოვნებთ, ანას კორძაია- სამადაშვილის რეკომენდაციები დაგეხმარება, შეადგინო შენი პირადი სია თბილისის წიგნის დღეებისთვის და აღმოაჩინო ახალი ავტორები.
1762947840
პროკურატურამ გიორგი გახარიას მიმართ სისხლისსამართლებრივი დევნა დაიწყო
"საქმე ეხება საზოგადოებისათვის კარგად ცნობილ 2019 წლის 20-21 ივნისის და ჩორჩანას ეპიზოდებს, კერძოდ პარლამენტის სასახლის მიმდებარე ტერიტორიაზე გამართული საპროტესტო აქციის მიმდინარეობისას, ორზე მეტი პირის მიმართ ჯანმრთელობის განზრახ მძიმე დაზიანების ორგანიზების და სახელმწიფო პოლიტიკური თანამდებობის მქონე პირის მიერ სამსახურებრივი უფლებამოსილების გადამეტების ფაქტებს.საზოგადოებას შევახსენებთ, რომ ე. წ. 20 ივნისის საქმეზე ადამიანის უფლებათა ევროპულმა სასამართლომ 2024 წლის 7 მაისს მიიღო გადაწყვეტილება, რომლის მიხედვით, 2019 წლის 20-21 ივნისს, თბილისში, პარლამენტის სასახლესთან განვითარებულ მოვლენებთან დაკავშირებით, დაადგინა ადამიანის უფლებათა ევროპული კონვენციის მე-3 მუხლის პროცედურული დარღვევა და სახელმწიფოს დაევალა გარკვეული საგამოძიებო მოქმედებების ჩატარება, ასევე მიეცა რეკომენდაცია შეეფასებინა ღონისძიების დაგეგმვასა და შესრულებაზე პასუხისმგებელი პირების ქმედებები.შესაბამისად, ჩატარდა არაერთი საგამოძიებო მოქმედება, მათ შორის საგამოძიებო ექსპერიმენტები დაზარალებულთა მონაწილეობით, დამატებით გამოიკითხა ასეულობით მოწმე, ჩატარდა ასზე მეტი სხვადასხვა სახის ექსპერტიზა. ჩატარებული საგამოძიებო მოქმედებების შედეგად გამოიკვეთა კონკრეტული პირის - გიორგი გახარიას ბრალეულობა, რაც მდგომარეობს შემდეგში:2019 წლის 20 ივნისს, საღამოს საათებში, თბილისში, რუსთაველის გამზირზე მიმდინარე, თავდაპირველად მშვიდობიანი დემონსტრაცია ძალადობრივ აქტივობებში გადაიზარდა. მომიტინგეთა ნაწილმა ძალადობის გზით სცადა პარლამენტის შენობაში შეღწევა. მათ დაიწყეს პარლამენტის შენობის წინ განთავსებული სამართალდამცავების მიმართ ძალადობა, სხვადასხვა ნივთების გამოყენებით მათზე თავდასხმა, მათი ნივთების დაზიანება და განადგურება.მაშინდელმა შინაგან საქმეთა მინისტრმა გიორგი გახარიამ განსაკუთრებულ დავალებათა დეპარტამენტის თანამშრომლებს ინსტრუქციისა და კანონმდებლობის უგულებელყოფით დაავალა სპეციალურ საშუალებათა ერთობლივად, პარალელურ რეჟიმში გამოყენება, ყოველგვარი გაფრთხილებისა და აქციის მშვიდობიანი მონაწილეებისათვის ტერიტორიის დატოვების შესაძლებლობის მიცემის გარეშე, რითაც ორგანიზება გაუწია მოქალაქეთათვის ჯანმრთელობის განზრახ დაზიანებას.შედეგად, სპეციალური საშუალებების, მათ შორის რეზინის ტყვიების ერთობლივად გამოყენებით ათეულობით მოქალაქემ მიიღო სხვადასხვა ხარისხის დაზიანება, მათ შორის ორმა მოქალაქემ დაკარგა თვალი, ხოლო ხუთმა მოქალაქემ მიიღო ჯანმრთელობის მძიმე დაზიანება.რაც შეეხება ბრალდების მეორე ეპიზოდს: გამოძიებით დადგენილია, რომ 2019 წლის 24 აგვისტოს, იმჟამინდელმა შინაგან საქმეთა მინისტრმა გიორგი გახარიამ, რომელიც ამავდროულად ეროვნული უსაფრთხოების საბჭოს მდივანი და მუდმივი წევრი იყო, ეროვნული უსაფრთხოების საბჭოს უფლებამოსილების იგნორირებით და საქართველოს პრემიერ-მინისტრთან შეუთანხმებლად, ასევე საქართველოს სახელმწიფო უსაფრთხოების სამსახურთან კოორდინაციის და ევროკავშირის სადამკვირვებლო მისიის ინფორმირების გარეშე, ერთპიროვნულად მიიღო გადაწყვეტილება საოკუპაციო ხაზის გასწვრივ სოფელ ჩორჩანასთან დამატებითი საპოლიციო საგუშაგოს აღმართვის შესახებ.აღნიშნული ფაქტი გიორგი გახარიას ინიციატივითა და მონაწილეობით ფართოდ გაშუქდა მედიაშიც. როგორც მოსალოდნელი იყო, აღნიშნული ქმედებები საოკუპაციო რეჟიმის წარმომადგენლებმა საქართველოს ტერიტორიული მთლიანობის წინააღმდეგ მიმართული მოქმედებების საბაბად გამოიყენეს. კერძოდ, 2019 წლის 5 სექტემბერს, ცხინვალის დე-ფაქტო რეჟიმის უკანონო შეიარაღებულმა ფორმირებებმა სიმაღლეები დაიკავეს საქართველოს ხელისუფლების მიერ კონტროლირებად ტერიტორიაზე.საოკუპაციო ძალების კონტროლქვეშ აღმოჩნდა დაახლოებით ასი ჰექტარი ტყის მასივი. ადგილი ჰქონდა სხვადასხვა უკანონო აქტივობებს, მძიმე სამხედრო ტექნიკის გადაადგილებას დასახლებული პუნქტებისკენ, რამაც მხარეებს შორის შექმნა შეიარაღებული სამხედრო კონფლიქტის რეალური საფრთხე. ოკუპირებულ ტერიტორიაზე დამატებით მოექცა ხაშურის მუნიციპალიტეტის სოფლების ყობისა და წნელისის მკვიდრთა საცხოვრებელი სახლები.აღნიშნული ქმედებით გიორგი გახარიამ განზრახ გადაამეტა მისი სამსახურებრივი უფლებამოსილების ფარგლებს, რამაც საზოგადოების და სახელმწიფოს კანონიერი ინტერესის არსებითი დარღვევა გამოიწვია.გიორგი გახარიას ბრალდება საქართველოს სისხლის სამართლის კოდექსის 25, 117-ე მუხლის მე-3 ნაწილის „მ“ ქვეპუნქტით და 333-ე მუხლის მე-2 ნაწილით წარედგინება, რაც სასჯელის სახედ და ზომად 13 წლამდე თავისუფლების აღკვეთას ითვალისწინებს.პროკურატურა ბრალდებულის მიმართ აღკვეთის ღონისძიების სახით პატიმრობის შეფარდების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.სისხლის სამართლის საქმეზე გამოძიება გრძელდება", - განაცხადა გვარაკიძემ.
1762946351
თბილისში იტალიური დიზაინისა და პრემიუმ ხარისხის მულტიბრენდული მაღაზია...
Principe იტალიური მულტიბრენდული მაღაზიათა ქსელია, რომელიც მოდის ინდუსტრიაში 60 წელზე მეტია ოპერირებს და საერთაშორისო პრემიუმ ხარისხის ბრენდებს აერთიანებს.მაღაზიაში წარმოდგენილია ისეთი ცნობილი ბრენდები, როგორიცააHUGO BOSS BIKKEMBERGS, Christian Lacroix, CERRUTI 1881, BALDESSARINI და POLICE.კოლექციები ძირითადად მოიცავს ტყავის ნაწარმს, ფეხსაცმელს, ჩანთებსა და აქსესუარებს, როგორც ქალებისთვის, ასევე მამაკაცებისთვის.საქართველოში Principe-ს ექსკლუზიურად წარადგენს კომპანია Gtex-ი, რომელიც ქართულ ბაზარზე 2007 წლიდან ოპერირებს და ქვეყნის მასშტაბით წარმოადგენს 8 საერთაშორისო ბრენდს, 35 ფილიალითა და 300-ზე მეტი თანამშრომლით.„PRINCIPE მულტიბრენდული კონცეფციის მაღაზიაა, რომელიც საერთაშორისო ბრენდებს აერთიანებს. აღნიშნული ბრენდები მსოფლიო მასშტაბით უკვე დამკვიდრებულია პრემიუმ სეგმენტში და გვჯერა, რომ მაღაზია ქართულ ბაზარზეც მოიპოვებს წარმატებას. სამომავლოდ ვმუშაობთ ისეთი ახალი ბრენდების შემოყვანაზე, რომლებიც მიეკუთვნება როგორც affordable luxury სეგმენტს, ისე mass market-სა და სპორტული ხაზის მიმართულებებს. საქართველოს ბანკი მრავალი წელია ჩვენი სტრატეგიული ფინანსური პარტნიორია. ყველა მნიშვნელოვან პროექტში გვიდგას გვერდით და სწორედ ასეთი მხარდაჭერა გვაძლევს შესაძლებლობას, გავაგრძელოთ სტაბილური განვითარება”,- განაცხადა ქეთევან რამიშვილმა, კომპანია Gtex-ის მარკეტინგის დეპარტამენტის ხელმძღვანელმა.„საქართველოს ბანკისთვის მნიშვნელოვანია ისეთ ბიზნესებთან პარტნიორობა, რომლებიც საერთაშორისო ბრენდების შემოყვანითა და ახალი შესაძლებლობების შექმნით ხელს უწყობენ ქვეყნის ეკონომიკურ განვითარებას. კომპანია Gtex ჩვენი გრძელვადიანი პარტნიორია, 10 წლის განმავლობაში მრავალი პროექტი განვახორციელეთ, რის შედეგადაც ქართულ ბაზარზე არაერთი საერთაშორისო ბრენდი შემოვიდა. მოხარულები ვართ, რომ ეს თანამშრომლობა კიდევ უფრო ღრმავდება და თბილისში კიდევ ერთი საერთაშორისო პრემიუმ ბრენდების მაღაზია გაიხსნა. მსგავსი ინიციატივები საცალო ვაჭრობის სექტორს მნიშვნელოვნად აძლიერებს და მომხმარებლებს მრავალფეროვან და ხარისხიან არჩევანს სთავაზობს”, - განაცხადა საქართველოს ბანკის კორპორაციული გაყიდვების სექტორის უფროსმა, ალექსანდრე წულუკიანმა.
1762945327
ყველაზე კითხვადი
საქართველოს ტექნიკური უნივერსიტეტი ბიზნესმენ თემურ ჭყონიას განცხადებას...
1762165452
სენსაციური პროგნოზი: "საქართველოს შავის ზღვის შელფურ ზონაში დაახლოებით...
1762169206
„საირმეს რეკრეაციული ფერმა“ – 1 წელში ინვესტირებული 900 000 ლარი და სა...
1762519560
Emaar-თან საბოლოო შეთანხმება გასაჯაროვდეს - ირაკლი გოგავა პროექტის რის...
1762111807
E-Commerce Day 2025 – „თეგეტა ჰოლდინგი“ მომავლის ტექნოლოგიების მხარდამ...
1762344660
