“ბანკები და ფინანსებმა” ნათია ჯანაშიას კიდევ ერთ გადამალულ ვილას მიაგნო

Farizon-ის სპეციალისტები საქართველოში „თეგეტას“ ინიციატივით ჩამოვიდნენ. ვიზიტის მიზანი კომპანიის ტექნიკოსების კვალიფიკაციის ამაღლება და ბრენდის გაყიდვების შემდგომი მომსახურების მიმართულების კიდევ უფრო გაძლიერება იყო. ტრენინგის მონაწილეები ბრენდის კომერციული ელექტრომობილების ტექნიკური მომსახურების სპეციფიკასა და შესაბამის სტანდარტებს გაეცნენ. პროგრამა როგორც თეორიულ, ისე პრაქტიკულ სწავლებას მოიცავდა და მონაწილეებს შესაძლებლობა ჰქონდათ, მიღებული ცოდნა უშუალოდ ავტომობილების სერვისის პროცესში გამოეყენებინათ.გიორგი შაქარაშვილი, Farizon Center Tegeta-ს კომერციული დირექტორი: „Farizon-ის ბრენდის შემოყვანა და განვითარება საქართველოში ჩვენთვის მხოლოდ ავტომობილების გაყიდვით არ შემოიფარგლება. მნიშვნელოვანია, რომ მომხმარებელს გაყიდვის შემდეგაც შევთავაზოთ ბრენდის სტანდარტების შესაბამისი მომსახურება. სწორედ ამიტომ გადავწყვიტეთ, ჩვენი ტექნიკოსების კვალიფიკაცია უშუალოდ Farizon-ის სპეციალისტების პრაქტიკული გამოცდილების გაზიარებით აგვემაღლებინა. გვინდა, მზად ვიყოთ როგორც ინდივიდუალური მომხმარებლებისთვის, ისე მსხვილი ბიზნესებისთვის, რომლებსაც ავტოპარკში ათეულობით, ასეულობით ან უფრო მეტი კომერციული ავტომობილის მიწოდება და მართვა სჭირდებათ. განსაკუთრებით ისეთ სექტორებში, როგორებიცაა დისტრიბუცია, საცალო გაყიდვები და ჰიპერმარკეტების ქსელები, კვებისა და სამედიცინო სფეროები – მათთვის ავტომობილის გაჩერება ყოველდღიურ ოპერაციებზე პირდაპირ აისახება. შესაბამისად, ჩვენი მიზანია, საგარანტიო და ტექნიკური მომსახურება სწრაფად, ხარისხიანად და ბრენდის სტანდარტების დაცვით წარიმართოს“. ტექნიკური ვორქშოპისთვის „თეგეტა მოტორსის“ უახლესი გეზის ფილიალი შეირჩა, როგორც კომერციული ტრანსპორტის მომსახურებისა და პრაქტიკული სწავლებისთვის შესაბამისი ინფრასტრუქტურის მქონე სივრცე. სწორედ ამ სივრცეში, Farizon-ის ავტომობილის შეძენასთან ერთად, მომხმარებლებს მისი შემდგომი ტექნიკური მომსახურების მიღებაც შეუძლიათ. ფილიალი კომერციული და სატვირთო ტრანსპორტისთვის შესაბამისი, ულტრათანამედროვე ინფრასტრუქტურითაა აღჭურვილი, რაც, მაღალკვალიფიციურ ტექნიკურ გუნდთან ერთად, Farizon-ის მომხმარებლებისთვის გაყიდვის შემდგომი მომსახურების სრულფასოვანი სერვისის უზრუნველყოფას ემსახურება.ჟივეი იანგი, Farizon-ის გაყიდვების შემდგომი ტექნიკური მომსახურების მენეჯერი: „Farizon არის მსოფლიოში ცნობილი ინოვაციური ტექნოლოგიების კომერციული ავტომობილების ბრენდი. ჩვენ ძალიან ოპტიმისტურად ვუყურებთ საქართველოს ბაზარს და ასევე დიდ ნდობას ვუცხადებთ Tegeta Holding-ს, რომელსაც ადგილობრივ ბაზარზე ძლიერი პოზიციები და დიდი განვითარების პოტენციალი აქვს.ჩვენთვის გაყიდვების შემდგომი მომსახურების ტრენინგი ხარისხიანი სერვისის უზრუნველყოფის ერთ-ერთი მთავარი საფუძველია. მისი მიზანია პროფესიონალი და კვალიფიციური ტექნიკური პერსონალის მომზადება.შემდგომ ეტაპზე, ადგილობრივ ტრენინგებთან ერთად, ჩინეთშიც განვახორციელებთ სხვადასხვა სასწავლო პროგრამას, რათა მუდმივად გავაძლიეროთ ჩვენი პარტნიორების ცოდნა, შესაძლებლობები და პროფესიული კომპეტენციები“.Farizon, რომელიც Geely Holding-ის შემადგენლობაშია, სრულად ელექტრულ კომერციულ ავტომობილებს აწარმოებს და სხვადასხვა ინდუსტრიისთვის სპეციალიზებულ მოდელებს აერთიანებს, მათ შორისაა Farizon SV, Farizon V6E,  Farizon F1E და Farizon F3E. ისინი ერთმანეთისგან ზომით, ტვირთამწეობითა და ერთი დამუხტვით გასავლელი მანძილით განსხვავდებიან. კომერციული ელექტროტრანსპორტი ბიზნესებს საწვავის, ტექნიკური მომსახურებისა და ექსპლუატაციის ხარჯების მნიშვნელოვნად შემცირების შესაძლებლობას აძლევს, რაც, საბოლოოდ, ავტომობილის ფლობის ჯამურ ღირებულებაზეც აისახება.ანდრო ხვიტია, უფროსი კომერციული ანალიტიკოსი: „Farizon-ის კომერციული ელექტრომობილები ბიზნესისთვის ფლიტის მენეჯმენტის უფრო ეფექტიანი გადაწყვეტის კუთხით საინტერესო პროდუქტია, რადგან ისინი ფლობის ხარჯებს მნიშვნელოვნად ამცირებენ. მეორე მხრივ, როდესაც კომპანიას ათეულობით ან ასეულობით ავტომობილი ჰყავს, გადამწყვეტია, რამდენად ეფექტიანად შეძლებს ის ავტოპარკის მართვას, ტექნიკური მომსახურების დაგეგმვასა და ტრანსპორტის მაქსიმალურად უწყვეტ რეჟიმში გამოყენებას. ჩვენი ფლიტ მენეჯმენტის სერვისი სწორედ ამ პროცესის ერთიანად მართვას ემსახურება – ავტომობილის შერჩევიდან მის მოვლა-პატრონობამდე. ამ პროცესის ხარისხიანად მართვისთვის კი შესაბამისი კვალიფიკაციისა და გამოცდილების მქონე ტექნიკური გუნდია საჭირო. Farizon-იდან მოწვეული სპეციალისტების ტრენინგები სწორედ ამ შესაძლებლობის გაძლიერებას ემსახურება“.ბრენდი „თეგეტას“ პორტფელს 2026 წლის დასაწყისში დაემატა და მსხვილი ბიზნესებისგან ინტერესი მალევე გამოიწვია. ამის ერთ-ერთი მაგალითია სადისტრიბუციო კომპანია „ფუდსერვისთან“ საოპერაციო ლიზინგის კუთხით გაფორმებული ხელშეკრულება, რომლის ფარგლებშიც კომპანიას 10 ერთეული Farizon გადაეცა. ავტომობილის შერჩევასა და მიწოდებასთან ერთად, „თეგეტა“ ბიზნესებს ფლიტ მენეჯმენტის მომსახურებასაც სთავაზობს. ეს მოდელი მოიცავს ავტოპარკის ოპერირებისთვის საჭირო პროცესების სრულად მართვას, მათ შორის ბრენდის სტანდარტების შესაბამის ტექნიკურ და საგარანტიო მომსახურებას, მონიტორინგსა და სხვა სერვისებს, რასაც სწორედ Farizon-ის სპეციალისტებისგან დატრენინგებული მაღალკვალიფიციური გუნდი უზრუნველყოფს.

1790592660

ბრიტანელი ღვინის პროფესიონალები ქართული ღვინის მწარმოებელ კომპანიებსა და მარნებს ქართლსა და კახეთში ეწვივნენ, სადაც ქართული მეღვინეობის მრავალსაუკუნოვან ისტორიას, კულტურასა და ტრადიციებს გაეცნენ, დააგემოვნეს სხვადასხვა სტილის ქართული ღვინოები.ტურის შემადგენლობაში შედიოდნენ ისეთი მედიის წარმომადგენლები, როგორიცაა Daily Mail, Decanter, The Guardian, BBC Radio, Wine Telegrams და სხვა.დიდი ბრიტანეთი ევროპის ერთ-ერთი ყველაზე დიდი იმპორტიორი და ღვინის მომხმარებელი ქვეყანაა, რომელიც 2014 წლიდან გამოიკვეთა როგორც ქართული ღვინის ექსპორტის ერთ-ერთი პოტენციურად მზარდი სტრატეგიული ბაზარი.დიდი ბრიტანეთის ბაზარზე დამკვიდრების მიზნით, ღვინის ეროვნული სააგენტო ღვინის მაგისტრის, სარა ებოტის კომპანიასთან „Swirl Wine Group LTD“ 2015 წლიდან თანამშრომლობს.მიმდინარე წლის 8 თვეში, საქართველოდან დიდ ბრიტანეთში ექსპორტირებულია 268 ათასამდე ლიტრი ღვინო, რაც გასული წლის ანალოგიურ მაჩვენებელზე 37%-ით მეტია.

1790592087

კვლევა ტარდება ღია წყაროებზე დაყრდნობით და გამჭვირვალობის უმაღლესი სტანდარტების შესაბამისად. კვლევის ამ ეტაპზე იკვეთება, რომ “ბრიტანულ-ქართული აკადემიის” მინორიტარი აქცინერის, ნათია ჯანაშიას აქტივები, რაც მინიმალისტური გათვლებით უკვე შეადგენს 80 მილიონ ლარზე მეტს, უახლოეს მომავალში, საგრძნობლად გაიზრდება და შესაძლოა, 100 მილიონ ლარსაც მიაღწიოს.“ბანკები და ფინანსების” მკითხველმა უკვე იცის, რომ ნათია ჯანაშია და მის მეუღლე, დავით ცეცხლაძე ლისის ტბის მიმდებარედ ფლობენ “მაგნოლიას” გრანდიოზულ, 3 820 კვადრატული მეტრის 4 სართულიან ფეშენებელურ სასახლეს, რომლის საბაზრო ღირებულებაც 20 მილიონი ლარი მაინც არის. ისიც ცნობილია, რომ ნათია ჯანაშიამ და დავით ცეცხლაძემ აღნიშნული აქტივი იმ პერიოდში შეიძინეს და განავითარეს, როცა “აკადემიის” ინვესტორის გადაწყვეტილებით 5 წლის ვადით “აკადემიის” მენეჯმენტს განაგებდნენ და ამაში წლიურად, ერთობლივად, ხელფასის სახით 1 მილიონ ლარს იღებდნენ.სავარაუდოდ, იმავე პერიოდის შენაძენს უკავშირდება მიმდინარე მოკვლევის საგანიც.მოკვლევა, ამ ეტაპზე აჩვენებს, რომ შესაძლოა, ნათია ჯანაშია და დავით ცეცხლაძე საქართველოში კიდევ ერთი ფეშენებელური, რამდენიმე მილიონის ღირებულების, ვილის მეპატრონეები აღმოჩნდნენ.მოკვლევა დასასრულს უახლოვდება, ზუსტდება მთელი რიგი ისეთი დეტალები, როგორებიცაა შესყიდვის დრო, ვილის კონკრეტული მახასიათებლები, მისი მიმდინარე საბაზრო ღირებულება და სხვა.“ბანკები და ფინანსების” მკვევრებზე დაყრდნობით, შეიძლება ითქვას, რომ ამ და კიდევ სხვა საინტერესო დეტალების თაობაზე საზოგადოებისთვის ცნობილი უახლოეს მომავალშივე გახდება.შეგახსენებთ, ახლახან “ბანკები და ფინანსების” მოკვლევის საფუძველზე, ცნობილი გახდა “ბრიტანულ-ქართული აკადემიის” მინორიტარი აქციონერის, ნათია ჯანაშიას საკუთრებაში არსებული “მაგნოლიას” გრანდიოზული სასახლის შესახებ.სასახლის მასშტაბები უპრეცედენტოა. უპრეცედენტოა ასევე მისი ინფრასტრუქტურაც, რაც მათ შორის, მოიცავს შენობის შიგნით განთავსებულ მინი ფეხბურთის სტანდარტული ზომის მოედანს, 16 ადამიანზე გათვლილ თანამედროვედ აღჭურვილ კინოთეატრს, ბოულინგის დარბაზს, აკვადისკოთეკის სივრცეს და სხვა ფეშენებელურ სივრცეებს.ნათია ჯანაშიას საკუთრებაში არსებული ამ აქტივის თაობაზე გავრცელებული ინფორმაციის შემდეგ, მისი ქონება და აქტივები, უკვე არა 60, არამედ მინიმუმ 80 მილიონ ლარად არის შეფასებული.იკვეთება, რომ კიდევ ერთი ძვირადღირებული აქტივის დაფიქსირების შემდეგ ნათია ჯანაშია, პრაქტიკულად, მიჯრით მიუახლოვდება  ქართველთა შორის 100 მილიონი ლარის მფლობელთა პირველ 100-ეულს, რომელთა შესახებაც “ფორბსის” ქართული რედაქცია საზოგადოებას პერიოდულად მოუთხრობს ხოლმე.

1790590133

ამ გამოცდილების გასამარტივებლად, პირველად საქართველოში, Visa-სთან თანამშრომლობით, თიბისიმ მობაილბანკში ე.წ Subscription-ების შემოწმების ახალი ფუნქციონალი - „გამოწერები“- დანერგა.ფუნქციონალი ამ ეტაპზე საპილოტე რეჟიმშია და მისით სარგებლობა თიბისი კონცეპტისა და Wealth Management-ის იმ მომხმარებლებს შეუძლიათ, რომლებიც გამოწერებისა და ონლაინ გადახდებისთვის თიბისის ნებისმიერ Visa ბარათს იყენებენ.გამოწერების სანახავად, ეწვიეთ მობაილბანკს, აირჩიეთ თქვენი თიბისი Visa ბარათი და გადადით „გამოწერების“ ბანერზე.გამოწერების ფუნქციონალი მომხმარებლებს საშუალებას აძლევს, თიბისი Visa ბარათით განხორციელებული განმეორებადი გადახდების შესახებ დეტალური ინფორმაცია ერთ სივრცეში მიიღონ - მარტივად აღმოაჩინონ გამოწერები და ონლაინ პლატფორმებზე დამახსოვრებული ბარათები, რომლებსაც შესაძლოა აღარ იყენებდნენ.თიბისი Visa ბარათის მომხმარებლები შესაძლოა რეგულარულად იხდიდნენ ისეთი ონლაინ პლატფორმების, მაღაზიებისა და სერვისების საფასურს, როგორიცაა Netflix, Amazon Prime და სხვა. მათ შორისაა ყოველთვიური და ყოველწლიური გამოწერები და სხვა განმეორებადი გადახდები.ფუნქციონალის შესახებ დეტალებს გაეცანით  ბმულზე.

1790586017

შეთანხმებას ხელი მოაწერეს საქართველოს ფინანსთა მინისტრმა ლაშა ხუციშვილმა და AIIB-ის უფროსმა საინვესტიციო ოფიცერმა კონსტანტინ ლიმიტოვსკიმ.პროექტის ფარგლებში ოთხზოლიანი საავტომობილო გზის ორი მონაკვეთის მშენებლობაა გათვალისწინებული: ბადიაურიდან ჩალაუბნამდე – 21.7 კმ-ის, ხოლო ჩალაუბნიდან ბაკურციხემდე – 9.1 კმ-ის. ასევე დაგეგმილია გურჯაანიდან თელავამდე 36.6 კმ-ის საავტომობილო გზის მონაკვეთის მშენებლობა.კახეთის მიმართულებით საგზაო ინფრასტრუქტურის პროექტის ჯამური ღირებულება 316.8 მლნ ევროა. პროექტის ფარგლებში მსოფლიო ბანკის მიერ უკვე დამტკიცებული და საქართველოსთვის გამოყოფილია 158 მლნ ევრო, ხოლო AIIB-ის ახალი სესხის მოცულობა დაახლოებით 158.5 მლნ ევროს შეადგენს.პროექტის მიზანია საქართველოს სატრანსპორტო ინფრასტრუქტურის პროდუქტიულობისა და მდგრადობის გაუმჯობესება და შუა დერეფნის ეფექტიანობის გაზრდა.პროექტის აღმასრულებელი ორგანიზაცია იქნება საქართველოს რეგიონული განვითარებისა და ინფრასტრუქტურის სამინისტრო, ხოლო განხორციელებას საავტომობილო გზების დეპარტამენტი უზრუნველყოფს.

1790584620

ფესტივალი ურბანული კულტურის სხვადასხვა მიმართულებას მუსიკას, ქუჩის ცეკვასა და ვიზუალურ ხელოვნებას ერთ სივრცეში გააერთიანებს და სტუმრებს ჰიპ-ჰოპის კულტურასთან დაკავშირებულ მრავალფეროვან გამოცდილებას შესთავაზებს.Tbilisi Hip-Hop Festival-ის მუსიკალური პროგრამის მთავარი არტისტი ბრუკლინელი Talib Kweli იქნება, ჰიპ-ჰოპის სცენის ერთ-ერთი გამორჩეული ფიგურა. ის ცნობილია Mos Def-თან ერთად შექმნილი საკულტო პროექტით BlackStar და სოციალური თემატიკით გამორჩეული შემოქმედებით.ფესტივალზე ასევე წარდგებიან სამხრეთ ლონდონის რეპ-სცენის გამორჩეული ხმა FLOHIO, თანამედროვე ქართული ჰიპ-ჰოპის წამყვანი არტისტები TAHA, Kay G და Mush One, ასევე, სხვა სპეციალური სტუმრები.ფესტივალის პროგრამა სხვადასხვა შოუქეისსაც მოიცავს, მათ შორის Sioni Hi-Fi Soundsystem-სა და Red Bull Dance Your Style-ის Street Dance Showcase-ს. Graffiti Battle-ის ფარგლებში კი არტისტები ნამუშევრებს მაყურებლის თვალწინ შექმნიან. ადგილზე ასევე ჩატარდება producer battle.ამასთან ერთად, ფესტივალის კულტურულ ზონაში წარმოდგენილი იქნება ფოტოგამოფენა „50 Iconic Moments of Hip-Hop History“, რომელიც ჰიპ-ჰოპის ნახევარსაუკუნოვან ისტორიას და ჟანრის საკულტო მომენტებს გააცოცხლებს. ასევე, მოეწყობა ფილმების ჩვენების სივრცე, სადაც დღის განმავლობაში ჰიპ-ჰოპ კულტურასთან დაკავშირებულ ქართულ და უცხოურ დოკუმენტურ და მხატვრულ ფილმებს აჩვენებენ.ფესტივალის ტერიტორიაზე სტუმრებს ასევე დახვდებათ Food Court, ბარი და სხვადასხვა გასართობი და ინტერაქციული სივრცე.ღონისძიების შესახებ დამატებითი ინფორმაციისა და ბილეთების სანახავად ეწვიეთ ბმულს.

1790582100