ტრამპის ირანთან დაკავშირებული რიტორიკის ცვლილების ფონზე, გლობალური ბაზრები იზრდება - ნავთობის ფასი 89 დოლარზე დაბლა დაეცა

UFC Freedom 250 ამერიკის შეერთებული შტატების დამოუკიდებლობის 250-ე წლისთავს ეძღვნება და ფართომასშტაბიანი აღნიშვნის ნაწილს შეადგენს.ილია თოფურიას და ჯასტინ გეიჯის დაპირისპირება საქართველოს დროით 15 ივნისს, გამთენიას შედგება და მთავარ ბრძოლაში მსუბუქი წონის ქართველი ჩემპიონი ამერიკელთან ტიტულის პირველდაცვას შეეცდება.მთავარი ბრძოლა არა მხოლოდ საჩემპიონო ქამრის დაცვაა, არამედ სპორტის ისტორიის ნაწილი, რომელსაც მილიონობით ადამიანი მიადევნებს თვალს მთელ მსოფლიოში. თიბისისთვის განსაკუთრებით საამაყოა პარტნიორობა ადამიანთან, რომელიც მიზანდასახულობით, გამბედაობითა და მუდმივი განვითარების სურვილით ყოველდღიურად ამტკიცებს, რომ შეუძლებელი არაფერია.ილიასთვის ეს ბრძოლა ჩვეულებრივი სატიტულო დაცვა არ არის - სპორტული, ისტორიული და სიმბოლური მნიშვნელობით, ერთ-ერთი ყველაზე დიდი მოვლენაა მის კარიერაში.საზღვრები იმისთვის არსებობს, რომ გადალახო, მუდმივად განვითარდე, ახალი შესაძლებლობები დაინახო და მიზნისკენ ჯიუტად და თავდაჯერებულად იარო - სწორედ, ამ ღირებულებებზე დგას თიბისის და ილიას პარტნიორობა. ეს ბრძოლა კი, ილიასთვის მორიგი შესაძლებლობაა, საკუთარი მიზანდასწრაფულობა და გამარჯვებისკენ სწრაფვა მსოფლიოს წინაშე კიდევ ერთხელ დაამტკიცოს.

1781266740

ექვსთვიანი სასწავლო კურსი, რომელიც თეორიულ და პრაქტიკულ სწავლებებს მოიცავდა, 12-მა სტაჟიორმა წარმატებით გაიარა და ოპერატიული და საგამოძიებო მიმართულების შესაბამის თანამდებობებზე დაინიშნა.პროგრამის სამთვიანი თეორიული სწავლების ეტაპი ფინანსთა სამინისტროს აკადემიაში ჩატარდა, შემდეგ კი სტაჟიორებმა პრაქტიკული ნაწილი საქართველოს ფინანსთა სამინისტროს საგამოძიებო სამსახურის თბილისისა და რეგიონულ დანაყოფებში გაიარეს. სტაჟირების პერიოდში მათ ჰქონდათ შესაძლებლობა, გასცნობოდნენ საგამოძიებო სამსახურის საქმიანობის სპეციფიკას და დაუფლებოდნენ პროფესიულ უნარ-ჩვევებს.სტაჟირების დასრულებასთან დაკავშირებით, წარმატებულ სტაჟიორებს სერტიფიკატები ფინანსთა სამინისტროს საგამოძიებო სამსახურის უფროსმა, ლევან ხარაბაძემ და ფინანსთა სამინისტროს აკადემიის დირექტორმა, ტარიელ ჭულუხაძემ გადასცეს და პროფესიულ საქმიანობაში წარმატებები უსურვეს. „პროგრამის წარმატებით დასრულება კიდევ ერთხელ ადასტურებს, რომ ჩვენი უწყებისთვის პრიორიტეტულია ახალგაზრდა კადრების მხარდაჭერა. განსაკუთრებით სასიხარულოა, რომ ყოველწლიურად ფინანსთა სამინისტროს საგამოძიებო სამსახურს ემატება არაერთი მიზანდასახული, მოტივირებული და ნიჭიერი ახალგაზრდა, რაც ჩვენს გუნდს მნიშვნელოვნად აძლიერებს“,  – აღნიშნა ლევან ხარაბაძემ.ფინანსთა სამინისტროს საგამოძიებო სამსახური კვალიფიციური კადრების მოსაზიდად ყოველწლიურად აცხადებს ანაზღაურებად სტაჟირებას საგამოძიებო და ოპერატიული მიმართულებით. პროგრამის პოპულარიზაციის მიზნით, უწყება აქტიურად თანამშრომლობს უმაღლეს სასწავლებლებთან და სტუდენტებთან საინფორმაციო შეხვედრებს მართავს, სადაც სტუდენტები სამსახურის საქმიანობასა და კარიერულ შესაძლებლობებს ეცნობიან.ანაზღაურებადი სტაჟირების პროგრამაში მონაწილეობა შეუძლიათ იურიდიული, ეკონომიკური, ბიზნესის ადმინისტრირების, საჯარო ადმინისტრირების, სახელმწიფო მმართველობის, სოციალურ და პოლიტიკურ მეცნიერებათა ფაკულტეტების კურსდამთავრებულებს.მსგავსი პროგრამები ხელს უწყობს როგორც ახალგაზრდების პროფესიულ ზრდას, ისე საგამოძიებო სამსახურის ეფექტიან მუშაობას.

1781266482

ცვლილების თანახმად, სავალდებულო ხდება სერტიფიცირებული ალკოჰოლიანი სასმელების ნიშანდება. ნიშანდება გულისხმობს ალკოჰოლიანი სასმლის ეტიკეტზე, ჭურჭელზე ან შეფუთვაზე სააგენტოს მიერ გაცემული ნიშნის დატანას. ეს არის QR კოდი, რომელიც მოიცავს ინფორმაციას, რომ პროდუქციას გავლილი აქვს ლაბორატორიული შემოწმება და სერტიფიცირებულია, ასევე ინფორმაციას ალკოჰოლიანი სასმლის კატეგორიის, მოსავლის წლის, ფერის, ყურძნის ჯიშის, ალკოჰოლის შემცველობის და ა.შ. შესახებ. სასმლის ნიშანდებას ღვინის ეროვნული სააგენტო განახორციელებს.„ნიშანდება უზრუნველყოფს წარმოებული ღვინის სრულ მიკვლევადობას და, შესაბამისად, ხელს უწყობს ფალსიფიკაციასთან და შეუსაბამობებთან ბრძოლას. ნიშანდების მიზანია, რომ მომხმარებელმა ზუსტად იცოდეს რა ღვინოსთან აქვს საქმე. მაგალითად, საქართველოში ნიშანდება უკვე გამოიყენება სასმელი წყლის ყველა ბოთლზე, ასევე სხვა პროდუქტზეც. ნიშანდება არის ინსტრუმენტი, რომელიც დაგვეხმარება ბოლომდე იყოს მიკვლევადი პროდუქცია და ამით უზრუნველყოთ მისი ხარისხი“, - აღნიშნა ღვინის ეროვნული სააგენტოს თავმჯდომარე ლევან მეხუზლამ. კანონის თანახმად, 2026 წლის პირველ ნოემბრამდე უნდა გამოიცეს საქართველოს გარემოს დაცვისა და სოფლის მეურნეობის მინისტრის ბრძანება „ალკოჰოლიანი სასმლის ნიშანდების წესისა და ფორმის დამტკიცების შესახებ“ და კანონქვემდებარე ნორმატიული აქტები შესაბამისობაში უნდა მოვიდეს ამ ცვლილებასთან. ხოლო 2027 წლის 1-ელი თებერვლამდე განისაზღვრება სარეალიზაციოდ განკუთვნილი, სერტიფიცირებული ალკოჰოლიანი სასმლის ნიშანდების საფასური. ცვლილება ძალაში შედის 2027 წლის 1-ელი თებერვლიდან.

1781264727

შეხვედრის ფარგლებში განხილული იყო ნარჩენების მართვის თანამედროვე მოდელები და პრაქტიკული მიდგომები, რომელთა დანერგვაც აზიის განვითარების ბანკისა და იაპონიის მთავრობის მხარდაჭერითა და თანამშრომლობით იქნება შესაძლებელი.მინისტრის მოადგილემ მონაწილეებს საქართველოში ნარჩენების მართვის სფეროში არსებული მდგომარეობა, მიმდინარე რეფორმები და არსებული გამოწვევები გააცნო.ღონისძიებაში მონაწილეობდნენ აზიის განვითარების ბანკის პარტნიორი განვითარებადი ქვეყნების სახელმწიფო უწყებების წარმომადგენლები და ნარჩენების მართვის პოლიტიკის შემუშავებაზე პასუხისმგებელი პირები. შეხვედრის მონაწილეებმა იმსჯელეს ცირკულარული ეკონომიკის პრინციპების დანერგვის, ნარჩენების გადამუშავების შესაძლებლობების გაფართოებისა და სექტორში ინვესტიციების მოზიდვის საკითხებზე.მხარეებმა გამოთქვეს თანამშრომლობის მზაობა საქართველოში ნარჩენების გადამუშავების შესაძლებლობების გაძლიერების მიზნით პროექტების შემუშავებისა და განხორციელებისთვის.დელეგაციის წევრებმა დაათვალიერეს იაპონიაში მოქმედი ნარჩენების გადამუშავებისა და განთავსების ობიექტები, სადაც გაეცნენ თანამედროვე ტექნოლოგიებსა და მართვის პრაქტიკებს, რომლებიც ნარჩენების ეფექტიან მართვასა და რესურსების ხელახალ გამოყენებას უწყობს ხელს.

1781263654

როიტერის ცნობით, მილიარდერის წმინდა ქონების მკვეთრი ზრდა კოსმოსური კორპორაცია SpaceX-ის რეკორდული საწყისი საჯარო შეთავაზების (IPO) ფონზე მოხდა. კომპანიამ წარმატებით მოიზიდა 75 მილიარდი დოლარის ინსტიტუციური ინვესტიცია, რამაც გამოიწვია აქტივის კოლოსალური გადაფასება, რომელიც მასკის საინვესტიციო პორტფელის ბირთვს წარმოადგენს.

1781263338

მან იმედი გამოთქვა, რომ ეს ვიზიტი ორ ქვეყანას შორის პირდაპირი ფრენების დაწყების საწინდარი გახდება.„ვიზიტის ფარგლებში აქცენტი გაკეთდა ქვეყნებს შორის პირდაპირი საჰაერო მიმოსვლის არსებობაზე, რაც მნიშვნელოვანი წინგადადგმული ნაბიჯი იქნება ეკონომიკური და ტურისტული თანამშრომლობის გაღრმავებისა, თუ ხალხთა შორის ურთიერთობის გამყარებისთვის. ჩვენ უკვე დავიწყეთ მოლაპარაკებები აღნიშნულთან მიმართებით და იმედს ვიტოვებთ, რომ ეს ვიზიტი იქნება კიდევ ერთი დამატებითი სტიმულის მიმცემი იმისთვის, რომ უახლოეს პერიოდებში უკვე ვიხილოთ პირდაპირი ფრენები დედაქალაქებს შორის“, - განმარტა მინისტრმა.

1781262913