ევროკავშირი, ევროპის ფარგლებს გარეთ, მიგრანტების ცენტრების შექმნას 2027 წლისთვის გეგმავს

საცალო ვაჭრობის გიგანტმა Walmart-მა ბირთვული ენერგიის შესყიდვის პირველ...

ენერგეტიკულ კორპორაცია Constellation Energy-სთან გაფორმებული ხელშეკრულება მოიცავს დაახლოებით 176 მეგავატის (MW) სიმძლავრის ელექტროენერგიის საბითუმო მიწოდებას. შესყიდვები განხორციელდება ორ ცალკეულ 15-წლიან პერიოდში, დაწყებული 2029 და 2030 წლებში.ენერგია გენერირდება ილინოისის შტატში, დრეზდენის ატომურ ელექტროსადგურზე, სადაც არსებული რეაქტორების მოდერნიზაცია გაზრდის ეფექტურობას 30 მეგავატით ახალი ენერგობლოკების აშენების საჭიროების გარეშე. ეს მოცულობები სრულად დაფარავს ილინოისში მშენებარე საცალო ვაჭრობის მაღალტექნოლოგიური განაწილების ცენტრის საჭიროებებს.გარიგება წარმოადგენს პრეცედენტს, რომელიც ამ ტიპის ერთ-ერთ პირველ პირდაპირ შეთანხმებას წარმოადგენს შეერთებულ შტატებში მსხვილ საცალო ქსელსა და ატომურ ელექტროსადგურს შორის.

ელექტროენერგიის ექსპორტი ბოლო 10 წლის მინიმუმზეა - Galt & Taggart

მიმდინარე წლის მაისში თურქეთში ელექტროენერგიის ექსპორტი 4.8-ჯერ რაოდენობრივად, ხოლო ღირებულებით 7.8-ჯერ შემცირდა. მაისში ექსპორტმა 36.2 მლნ კვტ.სთ შეადგინა, მაშინ როცა 2025 წლის მაისში 172 მლნ კვტ.სთ იყო. ხოლო თურქეთში ექსპორტის საშუალო ფასი კვტ.სთ-ზე თითქმის 40%-ით 2.7 ცენტამდე შემცირდა."ექსპორტის ფასის, მოცულობისა და შემოსავლის ასეთი შემცირება თურქეთის ბაზარზე ფასების მკვეთრ კლებას უკავშირდება. 2026 წლის მაისში, ელექტროენერგიის საშუალო ფასი თურქეთის ბაზარზე შეადგენდა 1.8 ცენტს/კვტ.სთ-ზე (vs 6.4 აშშ ცენტი კვტ.სთ-ზე მაი-25). ასეთი დაბალი ფასი ექსპორტის ეკონომიკურ მიმზიდველობას მნიშვნელოვნად ამცირებს, რადგან ექსპორტიორებს სისტემასთან დაკავშირებული ხარჯების დაფარვაც უწევდათ, მათ შორის გადაცემის ტარიფისა და გარანტირებული სიმძლავრის საფასურის", - წერია Galt & Taggart-ის მიმოხილვაში.თურქეთის საბაზრო ფასსა და საქართველოდან ექსპორტის საშუალო ფასს შორის სხვაობა, სავარაუდოდ, ექსპორტის საათობრივ/დღიურ სტრუქტურასა და პირდაპირ კონტრაქტებს უკავშირდება. თურქეთში ელექტროენერგიის ფასების შემცირება, თავის მხრივ, მზის სადგურების მშენებლობას და ხელსაყრელ ჰიდროლოგიურ პირობებს უკავშირდება.მაისში თურქეთში ექსპორტი მხოლოდ ოთხმა კომპანიამ განახორციელა: შპს „აჭარ-ენერჯი 2007“; შპს „ენერჯი დეველოპმენტ ჯორჯია“; შპს „სვანეთი ჰიდრო“; შპს „კასლეთი-2“; დაბალი საბაზრო ფასების მიუხედავად, ექსპორტის გაგრძელება შესაძლოა უკავშირდებოდეს როგორც მოქმედ გადაცემისა და დისპეტჩერიზაციის შეთანხმებებს, ისე კომპანიების ინდივიდუალურ საკონტრაქტო პირობებს.თურქეთის გარდა, ბალანსის მიხედვით წელს ექსპორტი აზერბაიჯანშიც დაფიქსირდა, თუმცა ეს არ იყო კომერციული ექსპორტი. აღნიშნული მოცულობა აზერბაიჯანთან სინქრონული პარალელური მუშაობისთვის განხორციელებულ ტექნიკურ გაცვლას წარმოადგენდა და იმავე მოცულობისა და ღირებულების იმპორტით დაბალანსდა. 2026 წლის აპრილიდან შეიცვალა აღრიცხვის მეთოდოლოგია და ეს გაცვლა, რომელიც მანამდე ბალანსში სალდირებულად აისახებოდა, ახლა ცალ-ცალკე ფიქსირდება იმპორტსა და ექსპორტში.

ენერგეტიკის სასწავლო ცენტრის კურსდამთავრებულებს სერტიფიკატები გადაეცათ

სასწავლო პროგრამებში მონაწილეობას იღებდნენ ელექტროენერგეტიკის, ბუნებრივი გაზისა და წყალმომარაგების სექტორების რეგულირებადი კომპანიების წარმომადგენლები, უმაღლესი საგანმანათლებლო დაწესებულებების სტუდენტები, ბიზნესსექტორის წარმომადგენლები, მომხმარებელთა ინტერესების საზოგადოებრივი დამცველის სამსახურის წარმომადგენლები, სემეკის თანამშრომლები, ასევე ენერგეტიკის სექტორით დაინტერესებული სხვა პირები.ელიზბარ ერისთავის სახელობის ენერგეტიკის სასწავლო ცენტრში განხორციელდა შემდეგი სასწავლო კურსები: ელექტროენერგეტიკის რეგულირების მექანიზმები და პრაქტიკა; ელექტროსადგურების ოპერირების საფუძვლები; სატარიფო რეგულირების პრინციპები და პრაქტიკა; საირიგაციო წყლის მიწოდების წესების რეგულირების ძირითადი პრინციპები; ტრენინგების დასრულების შემდეგ მონაწილეებს ჩაუტარდათ ტესტირება და გადაეცათ სერტიფიკატები. მონაწილეებმა სასწავლო კურსები დადებითად შეაფასეს.ტრენინგებმა ხელი შეუწყო პროფესიული კომპეტენციების გაძლიერებას, ცოდნის გაზიარებასა და ერთიანი სამუშაო მიდგომების ჩამოყალიბებას, რაც შემდგომში დადებით გავლენას მოახდენს, როგორც ენერგეტიკის სექტორის, ასევე მომსახურების ხარისხის გაუმჯობესების მიმართულებით.სასწავლო ცენტრი განაგრძობს ახალი სატრენინგო პროგრამების შემუშავებას ენერგეტიკისა და წყალმომარაგების სექტორებში ცნობიერების ამაღლებისა და პროფესიული უნარების განვითარების ხელშესაწყობად.

სემეკის წევრმა გიორგი ფანგანმა სამხრეთ კავკასიის ენერგეტიკული დაკავშირ...

შეხვედრის მონაწილეებს სემეკის მხრიდან მიეწოდათ ინფორმაცია საქართველოს ელექტროენერგეტიკის სექტორში არსებული მარეგულირებელი ჩარჩოს, სატარიფო რეგულირებისა და ენერგეტიკის სექტორში რეგიონული თანამშრომლობის ხელშემწყობი მექანიზმების შესახებ.გიორგი ფანგანთან ერთად შეხვედრაში მონაწილეობა მიიღო სემეკის ელექტროენერგეტიკის დეპარტამენტის დირექტორმა, თორნიკე აფრიაშვილმა.შეხვედრის მიზანს წარმოადგენდა სამხრეთ კავკასიის ქვეყნებისა და თურქეთის რეგიონული ენერგეტიკული თანამშრომლობის ხელშეწყობა, საზღვრისპირა კავშირებისა და სუფთა ენერგიის გარდამავალი პრიორიტეტების დაკავშირება. ინიციატივა მხარს უჭერს რეგიონში ენერგეტიკული უსაფრთხოებისა და მდგრადობის გაძლიერებას.EU4Energy-ის მესამე ფაზა დაფინანსებულია ევროკავშირის მიერ, რომელსაც ევროპის ენერგეტიკის მარეგულირებელთა საბჭო (CEER) ახორციელებს. პროექტის მიზანია ხელი შეუწყოს აღმოსავლეთ პარტნიორობის ქვეყნებში ურთიერთდაკავშირებულ, უსაფრთხო, მდგრად და დაბალი ემისიების მქონე ენერგოსისტემებზე დაჩქარებულ გადასვლას.

ნეტო აღრიცხვის სისტემაში ჩართვისთვის დადგენილი 20%-იანი ლიმიტი "თელასი...

დავით ნარმანიას ინფორმაციით,  3 ივნისიდან „თელასში“ შესული განახლებადი ენერგიის სადგურების განაცხადები ნეტო აღრიცხვაში ჩართვასთან დაკავშირებით,  ავტომატურად ხარვეზდება.მზის ელექტროსადგურების მფლობელებს რეგიონების მსგავსად, დედაქალაქშიც უკვე მხოლოდ ნეტო დარიცხვის მოდელით სარგებლობის შესაძლებლობა ეძლევათ.„დადგენილი 20 პროცენტიანი კვოტა 2 ივნისს „თელასის“ ქსელშიც შეივსო. სამი ივნისიდან მიღებული განაცხადები ავტომატურად იქნება დახარვეზებული. თუმცა მომხმარებლებს, რომლებსაც უნდათ მწვანე ენერგიის შესაბამისი ობიექტი შექმნან,  აქვთ საშუალება გააკეთონ განაცხადები 100 კილოვატამდე სიმძლავრის, ერთ საკადასტრო ერთეულზე - ერთი აბონენტისთვის,“- აღნიშნა დავით ნარმანიამ.მისივე თქმით, სექტორის წარმომადგენლები ითხოვდნენ,  რომ ნეტო აღრიცხვა გაგრძელებულიყო.„გამომდინარე იქიდან,  რომ ეს იწვევს ქსელის არასტაბილურობას, ასევე სამომხმარებლო ტარიფზე ზეწოლას, ქსელური გატარების შეღავათების გამო, მარეგულირებელმა კომისიამ არ მიიჩნია მიზანშეწონილად რომ გადაეხედა დადგენილი ზღვრისთვის,“ - აღნიშნა დავით ნარმანიამ.BP.GE