ვაჟა ბერიძე: მიმაჩნია რომ ფასებმა 20%-მდე შეიძლება დაიწიოს

11 თებერვალს, ლეგენდარული ქართველი მთამსვლელი ქალის და ქართული ალპინიზმის ფუძემდებლის, ალექსანდრა ჯაფარიძის დაბადების დღეა. ამ თარიღის ირგვლივ თიბისიმ, სიმბოლურად, სხვადასხვა ეპოქის სამი ქალის - ალექსანდრა ჯაფარიძის, მარიამ გელაშვილისა და მაია სიჭინავას ისტორიები გააერთიანა. მათ შეუპოვრობით, მიზნისა და საკუთარი თავის დაჯერებით შეუძლებელი შეძლეს და უშბის მწვერვალებზე ავიდნენ.1934 წელს ალექსანდრა ჯაფარიძემ ისტორია დაწერა - ეს გახდა მსოფლიო მასშტაბის მოვლენა, კარი ახალი თაობისთვის ქართული ალპინიზმის მომავალში, რადგან ალექსანდრა იყო პირველი ქალი, ვინც უშბის მწვერვალზე შედგა ფეხი.„გინდა აჯობო ამ კლდეებს, აჯობო შენს თავსაც. მაშინ თითქოს სხვად იქცევი, და უფრო კარგი ხარ, უფრო ძლიერი“ - აღნიშნავდა ალექსანდრა ჯაფარიძე.ალექსანდრა ჯაფარიძის დაწყებული გზა, 90 წლის შემდეგ, 2024 წელს ალპინისტებმა მარიამ გელაშვილმა და მაია სიჭინავამ განაგრძეს - პირველი ქართველი ქალები, რომლებმაც უშბის ჩრდილოეთ მწვერვალს დამოუკიდებლად მიაღწიეს. თიბისის ახალი ვიდეორგოლში  მარიამი და მაია, ალექსანდრას მუდმივი შთაგონებით, მოგვითხრობენ:„უშბაზე ასვლა საკუთარ თავზე გამარჯვებას ჰგავს. არც ზედმეტი სითამამე უყვარს, არც მარტივად გიღებს, თუმცა თუ მიგიღო - სამუდამოდ მისი ერთგული რჩები“ - მაია სიჭინავა.„უშბამ ბევრი დაბრკოლება დაგვახვედრა გზად, მაგრამ თან ყველაზე მნიშვნელოვანი - მიზნისკენ ჯიუტად სვლა გვასწავლა. ის, რისიც ცხოვრებაში ასე ძალიან გჯერა, რისკენაც ასე შეუპოვრად მიდიხარ, შეუძლებელია არ გამოგივიდეს. ამ გზაზე, ხან საკუთარი თავის უნდა დაიჯერო და წინ იარო, ხანდახან კი, უნდა გაჩერდე კიდეც, იმიტომ რომ, ზოგჯერ, მწვერვალი სწორედ მაშინ გამოჩნდება, როცა ყველაზე ნაკლებად ელოდები“ - მარიამ გელაშვილი.ალექსანდრა ჯაფარიძის, მაია სიჭინავას და მარიამ გელაშვილის მიღწევები მაგალითია იმისა, თუ როგორ გარდაიქმნება რწმენა რეალურ ძალად, რომელიც მიუღწეველი მწვერვალების დაპყრობასაც კი შესაძლებელს ხდის.ქალებისა და გოგოების გაძლიერება, საკუთარი მიზნებისკენ სვლის მხარდაჭერა და განათლებაზე ხელმისაწვდომობის ზრდა თიბისისთვის ათწლეულებია ერთ-ერთი მთავარი პრიორიტეტია. თიბისი თანმიმდევრულად უჭერს მხარს ინიციატივებს, რომლებიც ქალებს აძლევს შესაძლებლობას, ირწმუნონ საკუთარი მიზნების, შესაძლებლობები და თამამად გადადგან ნაბიჯი წინ - სპორტში, ტექნოლოგიებში, განათლებასა თუ მეწარმეობაში.

1770809865

მისი თქმით, ქსელური მარკეტები საბაზრო ძალაუფლებას ფლობენ და "სანტეს" წინაშეც დგას ე.წ. რეტრო ბონუსის საკითხი."ქსელებთან ურთიერთობებს რაც შეეხება, ვადასტურებთ, რომ საბაზრო ძალაუფლება აქვთ ამ ქსელებს და "რეტრო ბონუსის" საკითხი ჩვენთვისაც, რა თქმა უნდა, დგას. ციფრების შესახებ დეტალური ინფორმაცია, სტატისტიკა, აქვს კონკურენციის ეროვნულ სააგენტოს თავის წლიურ ანგარიშებში და იქ არის ჩაშლილად განხილული ყველა ეს მაჩვენებელი, რომელიც, ფაქტია, რომ წლიდან წლამდე იზრდება.ასევე, ჩვენ პროდუქციის მიყიდვას პირდაპირ ქსელებზე არ ვახდენთ, გვყავს ჩვენი დისტრიბუტორი კომპანია და ალბათ, მათთან საუბარიც თქვენთვის საინტერესო იქნება ამასთან დაკავშირებით." - აღნიშნა კომპანიის წარმომადგენელმა.კომისიის თავმჯდომარის, შოთა ბერეკაშვილის კითხვაზე, თუ მოხდა კონტრაქტული ურთიერთობების დაბალანსება, სტანდარტიზება ისეთი მდგომარეობით, როდესაც გამოიკვეთება, რომ ბაზარზე მოთამაშე სუბიექტებს შორის, კომერციული ურთიერთობები არის გამჭვირვალე, სამართლიანი, თანასწორი - ეს დადებითად აისახება თუ არა ფასების შემცირების დინამიკაზე, "სანტეს" წარმომადგენელმა უპასუხა, რომ ამგვარი ცვლილება ფასზე დადებითად აისახება."აბსოლუტურად გეთანხმებით, რომ ეს დადებითად აისახება აუცილებლად. რაც შეეხება რეგულაციებს, თუ იქნება საუბარი რაიმე საკანონმდებლო ცვლილებებზე, ჩემი პირადი აზრია, რომ ეს უნდა მოხდეს ევროკავშირის საუკეთესო პრაქტიკის გათვალისწინებით," - განაცხადა მან.

1770807484

მისი განმარტებით, კომპანიებისთვის ასევე პრობლემური და მძიმეა ის ერთჯერადი გადასახადი, რომელსაც ქსელური მარკეტები უწესებენ მათ ერთჯერადად მაღაზიის გახსნისას, რომ კომპანიის პროდუქცია მათ დახლებზე მოხვდეს.„ე.წ. ქეშბექი, რომელიც განხილვის საგანია, წლიდან წლამდე მატულობს. დღევანდელი მოცემულობით დაახლოებით 22-25 %-მდე მერყეობს „ქეშბექი“ ქსელურ მარკეტებთან, არ აქვს მნიშვნელობა კონკრეტულად რომელიმეს, ზოგადად ბაზარზე ასეთი მდგომარეობაა. ჩვენი პროდუქციის გასაყიდი ერთეულის ღირებულების, ამასთანავე ყოველი ახალი გახსნილი მაღაზიის მოსაკრებელს ვიხდით ერთჯერადად 500, 1000, 2000 და 3000 ლარამდეც ადის, როცა ჰიპერმარკეტებს ვეხებით, ოღონდ შეიძლება ეს ქსელური მარკეტი გაფართოვდეს და 8 ან 10 ობიექტი გახსნას, შესაბამისად, 10-ჯერ მეტი თანხა მაქვს გადასახდელი მე, რათა ამ ობიექტზე ჩვენი პროდუქცია გაიყიდოს. შესაბამისად, აღნიშნული პრობლემად და გამოწვევად რჩება ჩვენთვის“,- განაცხადა გიორგი ავალიანმა.

1770804294

დათევზიანების პროცესში ველური ბუნების ეროვნული სააგენტოს სპეციალისტები მონაწილეობდნენ.საქართველოს ბიომრავალფეროვნების მოწყვლადი სახეობების აღდგენა და გამრავლება გარემოს დაცვისა და სოფლის მეურნეობის სამინისტროს ველური ბუნების ეროვნული სააგენტოს საქმიანობის ერთ-ერთი მთავარი მიმართულება.„წითელი ნუსხის“ სახეობა ნაკადულის კალმახის აღდგენის პროექტს ველური ბუნების ეროვნული სააგენტო 2016 წლიდან ახორციელებს. თანამედროვე სტანდარტების საშენ მეურნეობაში, სააგენტოს სპეციალისტების მიერ, ყოველწლიურად მიმდინარეობს ნახევარ მილიონზე მეტი კალმახის ქვირითს წარმოება. განაყოფიერებული ქვირითის მდინარეებში განთავსება მსოფლიოს მასშტაბით აპრობირებული მეთოდია და მაქსიმალურად ზრდის ნაკადულის კალმახის ბუნებრივად გამოჩეკის პროცესს.აღსანიშნავია, რომ პროექტი მოიცავს მონიტორინგის კომპონენტსაც. ამ დროისთვის ჩატარებული კვლევები ადასტურებს, რომ სახეობის ველურ ბუნებაში გამრავლების პროცესი წარმატებით მიმდინარეობს.ნაკადულის ანუ მდინარის კალმახი 2006 წლიდან შეტანილია „წითელ ნუსხაში“ და მინიჭებული აქვს მოწყვლადის კატეგორია.

1770803798

„ძირითადად, საქართველო ზის იმპორტულ პროდუქციაზე. ამასთან დაკავშირებით ფასების წარმომქმნელი, საკმაოდ დიდი სივრცე გვაქვს, რომ ფასი დავწიოთ დაბლა. მიმაჩნია, რომ 20%-მდე შეიძლება დაიწიოს. იმისდა მიხედვით, მაგალითად მე რამდენად ვყიდულობ რძის ფხვნილს. ბიზნესმენისა და ხალხის გარანტორი უნდა იყოს სახელმწიფო და დაზღვევა“, - განაცხადა ვაჟა ბერიძემ.ცნობისთვის, პარლამენტში ფასების შემსწავლელი დროებითი კომისიის პირველი სხდომა იწყება.  კანონმდებლები სურსათის მწარმოებელი კომპანიების წარმომადგენლებს მოუსმენენ. კონკრეტულად ხორცის, რძის პროდუქტებისა და კვერცხის მწარმოებლებს. 

1770803509

ბიზნესმენი აღნიშნავს, რომ ფასის ცვლილება ობიექტურ ფაქტორებზეა დამოკიდებული და კვერცხის ფასი განისაზღვრება ხორბლისა და სიმინდის ფასით. მანვე აღნიშნა, რომ ძველი ფასი საკუთარი მოგების შემცირების ხარჯზე დააბრუნეს.„ჩვენი კვერცხის მომავალი წლის ფასი ყოველთვის დგება ოქტომბრის თვეში, როდესაც რუსეთიდან იწყება ხორბლის და სიმინდის შესყიდვა. ტენდენციას ვუყურებთ, რა სიტუაცია არის. ძალიან ბევრ რამეზეა დამოკიდებული... იქ არის აქციზები, ამინდი, ფასი, მოსავალი და ყველაფერი. ჩვენ გვაქვს კონკრეტული შეთანხმება სუპერმარკეტებთან, რომ ერთი თვით ადრე უნდა მივწეროთ კვერცხის გაძვირების შესახებ. რაც მოხდა წელს.მივწერეთ სუპერმარკეტებს, ახალი წლისთვის არ გვინდოდა კვერცხის გაძვირება და გავაძვირეთ 9 იანვრიდან. 25 დეკემბერს მოხდა ბატონი პრემიერის გამოსვლა ამ საკითხთან დაკავშირებით და ისეთნაირად გამოჩნდა, რომ თითქოს საბოტაჟთან გვქონდა საქმე.კიდევ კარგი გვქონდა საშუალება სხვადასხვა ორგანიზაციებში და ბატონ პრემიერთანაც პირადად აგვეხსნა ეს სიტუაცია, თუ რატომ მოხდა ეს ყველაფერი. და შესაბამისი ნაბიჯიც გავაკეთეთ საიმისოდ, რომ დავუბრუნდით ძველ ფასებს, მაგრამ იმიტომ არ დავუბრუნდით, რომ დიდი მარჟა გვქონდა, ჩვენი მოგების ხარჯზე დავუბრუნდით და სრული პასუხისმგებლობით ვაცხადებ, მე როგორც კრიტიკული მართვის მენეჯერი ვერ დავუშვებ იმას, რომ ჩემი წარმოება იყოს დაუცველი და კონკრეტულად არ ვიშოვო იმდენი ფული, მეყოს იმისთვის, რომ ეს დარგი რისკების გარეშე ვამუშაო.ჩვენ რომ გავაძვირეთ კვერცხი, ეს იყო გარდაუვალი აუცილებლობა. ახლაც სრული პასუხისმგებლობით ვაცხადებ, რომ კონკრეტულად ჩემს საწარმოს კვერცხის ერთით თეთრით გაიაფების საშუალება არ აქვს. თუკი იქნება კომპლექსური მიდგომა, თუ დაიწევს 18- 27%, რა თქმა უნდა, შეგვიძლია დავსხდეთ და დავწიოთ ფასი“, - განაცხადა გია ლობჟანიძემ.

1770803339