ფინანსთა მინისტრი საქართველოში გაერო-ს მუდმივ კოორდინატორს შეხვდა

პანელზე გამოსვლისას ეკატერინე მიქაბაძემ ყურადღება გაამახვილა საჯარო ფასიანი ქაღალდების ემიტენტებისთვის კორპორაციული მართვის კოდექსის დანერგვის პრაქტიკულ შედეგებზე და აღნიშნა, რომ კოდექსის მოქმედების პირველი წელი ძირითადად ადაპტაციის ეტაპს წარმოადგენდა.მისივე თქმით, 2024–2025 წლებში ემიტენტების მხრიდან გაიზარდა კორპორაციული მართვის კოდექსის უფრო გააზრებული და აქტიური განხორციელება, რაც ზედამხედველისთვის პოზიტიურ სიგნალს წარმოადგენს.„კორპორაციული მართვის კოდექსმა მნიშვნელოვანი სტიმული შექმნა ემიტენტებისთვის წლიური მმართველობის ანგარიშების, განსაკუთრებით კორპორაციული მართვის ნაწილის ხარისხის გასაუმჯობესებლად და უფრო სტრუქტურირებული და დეტალური ინფორმაციის გამჟღავნებისთვის. ამავდროულად, კოდექსმა ემიტენტებს უბიძგა საკუთარი მმართველობითი ჩარჩოების გადაფასებისკენ, კოდექსში გათვალისწინებული საუკეთესო პრაქტიკის გააზრებისკენ და იმ შემთხვევებში, როდესაც კოდექსთან სრული შესაბამისობა ჯერ კიდევ შეუძლებელია, დასაბუთებული ალტერნატიული ან გარდამავალი გადაწყვეტილებების წარმოდგენისკენ“, - აღნიშნა ეკატერინე მიქაბაძემ.„საუკეთესო წლიური ანგარიშისა და გამჭვირვალობის ჯილდოს“ (BARTA) მეშვიდე დაჯილდოების ცერემონიაზე  2025 წლის კონკურსის გამარჯვებულები სამ სხვადასხვა კატეგორიაში გამოვლიდნენ.BARTA-ს ჯილდო მიზნად ისახავს კომპანიების წახალისებას საუკეთესო პრაქტიკების დანერგვის მიმართულებით, რასაც შედეგად უფრო მეტად გამჭვირვალე და კონკურენტული ბიზნესგარემოს შექმნა მოჰყვება.BARTA წარმოადგენს მრავალინსტიტუციურ ინიციატივას, რომელიც მიზნად ისახავს კომპანიებში გამჭვირვალობისა და მაღალი ხარისხის ანგარიშგების სტანდარტების ხელშეწყობას და 2019 წლიდან ხელს უწყობს საქართველოში კორპორაციული ანგარიშგების ხარისხისა და გამჭვირვალობის კულტურის გაძლიერებას.

1770729683

სემეკის თავმჯდომარემ პანელური დისკუსიების ფარგლებში ისაუბრა წყალმომარაგების სექტორის რეგულირების პრინციპებზე, სექტორის განვითარებისათვის მიმზიდველი საინვესტიციო გარემოს აუცილებლობასა და მნიშვნელობაზე, ყურადღება გაამახვილა სამართლიანი ტარიფების დადგენის ასპექტებზე, მომსახურების ხარისხის გაუმჯობესებასა და მომხმარებელთა უფლებების დაცვაზე.„წყალმომარაგების სექტორის განვითარება წარმოადგენს ქვეყნისთვის მნიშვნელოვან პრიორიტეტს. მსოფლიო მასშტაბით საქართველო არის იმ მცირედ ქვეყანათა შორის, რომელიც მდიდარია ჰიდრორესურსით. უნდა აღინიშნოს, რომ ხარისხიანი სასმელი წყლის ჩვენს ონკანებამდე მოსატანად აუცილებელია ამ რესურსის შესაბამისი გადამუშავება, რაც თავის მხრივ მოცულობით ხარჯებსა და მდგრად ინფრასტრუქტურას საჭიროებს. მარეგულირებელი კომისია ინტენსიურად მუშაობს სექტორის განვითარებისა და მომსახურების ხარისხის გაუმჯობესების მიზნით მიმზიდველი საინვესტიციო გარემოს შექმნაზე, სწორი სატარიფო პოლიტიკის მდგრადობაზე. საქართველოს მთავრობასთან ერთად, სემეკის სტრატეგიულ ამოცანას წარმოადგენს წყლის რესურსების ეფექტიანი მართვა. უნდა აღინიშნოს, რომ საქართველოს წყალმომარაგების სექტორით მსხვილი ინვესტორისა და საერთაშორისო გამოცდილების მქონე კომპანიის Aqualia“-ს დაინტერესება განპირობებულია ჩვენს ქვეყანაში არსებული გამჭვირვალე მიდგომებითა და ეფექტიანი რეგულირების პრინციპებით, რაც კიდევ უფრო ამყარებს გრძელვადიან პოზიტიურ მოლოდინებს ჩვენი ქვეყნის საერთაშორისო დონეზე წარმატების კუთხით“, - აღნიშნა დავით ნარმანიამ სიტყვით გამოსვლისას.პანელურ დისკუსიებში მონაწილეობდნენ სამთავრობო და საპარლამენტო უწყებების, წყლის საერთაშორისო ორგანიზაციების ხელმძღვანელი პირები. ფორუმის გახსნით ცერემონიაზე სიტყვით წარდგნენ საქართველოს პრემიერ-მინისტრი ირაკლი კობახიძე, თბილისის მერი კახა კალაძე და „Aqualia“-ს აღმასრულებელი დირექტორი, სანტიაგო ლაფუენტე.„წყლის მომავლის საერთაშორისო ფორუმი“ აერთიანებს მთავრობის წარმომადგენლებს, მარეგულირებლებს, საერთაშორისო ორგანიზაციებს, ოპერატორებსა და დარგის ექსპერტებს, რათა განიხილონ წყლის სტრატეგიული პოლიტიკა, ინფრასტრუქტურული ინვესტიციები, მარეგულირებელი ჩარჩოები, საინვესტიციო და სატარიფო პოლიტიკების ურთიერთკავშირი საქართველოსა და მის ფარგლებს გარეთ.ფორუმი ორგანიზებულია „ჯორჯიან უოთერ ენდ ფაუერის“ მიერ და ხორციელდება საერთაშორისო გამოცდილების მქონე წამყვანი გლობალური წყლის ოპერატორის, „Aqualia“-ს მხარდაჭერით.

1770725169

ფორუმი თბილისში ესპანური წყლის მართვის კომპანიის „Aqualia“ და საქართველოს წყალმომარაგების კომპანიის „ჯორჯიან უოთერ ენდ ფაუერის“ ორგანიზებით იმართება. ღონისძიებას პრემიერ-მინისტრი ირაკლი კობახიძე და ხელისუფლების სხვა წარმომადგენლები ესწრებიან.გარემოს დაცვისა და სოფლის მეურნეობის მინისტრმა ფორუმის ფარგლებში გამართულ დისკუსიაზე მთავარი ყურადღება წყლის რესურსების მართვის სფეროში მიმდინარე რეფორმებსა და 2023 წელს მიღებული „წყლის რესურსების მართვის შესახებ“ კანონის ამოქმედებას დაუთმო. დავით სონღულაშვილმა ხაზი გაუსვა სააუზო მართვის პრინციპზე გადასვლას, წყლის ხარისხის დაცვასა და რესურსების ეფექტიან და სამართლიან განაწილებას.„2023 წელს პარლამენტმა მიიღო კანონი წყლის რესურსების მართვის შესახებ, რომელიც წელს პირველი სექტემბრიდან შედის ძალაში. ეს არის პრინციპულად მნიშვნელოვანი ცვლილებები ამ საკითხთან მიმართებით. მოგეხსენებათ, რომ აქ იყო სტრატეგიული გადაწყვეტილებები მიღებული, რაც ნიშნავს იმას, რომ სააუზო მართვის პრინციპზე გადავდივართ, რაც გულისხმობს, როგორც მიწისზედა, ისე მიწისქვეშა წყლების ერთობლივი რესურსის შედგენას და ამ ბალანსის განაწილებას. აქვე მინდა აღვნიშნო, რომ ფაქტობრივად წყლის რესურსი ივსება ჩამდინარე წყლებით, რომლის მონიტორინგის სისტემასაც ვაძლიერებთ საკმაოდ აქტიურად, რომ იყოს მაქსიმალურად ზუსტად დათვლილი ის რესურსი, რაც ჩვენ ქვეყანას აქვს თავისი სააუზე სისტემების მიხედვით და ამის სწორად განაწილება არის მნიშვნელოვანი.აქვე, კანონის ერთ-ერთი მნიშვნელოვანი ნაწილი არის წყლის ხარისხის დაცვა და დაბინძურების პრევენცია. ინფრასტრუქტურის სამინისტროსთან კოორდინირებულად ვმუშაობთ, რომ გამწმენდი ნაგებობები ფაქტობრივად ყველა მუნიციპალიტეტში შეიქმნას; ჯამში, რესურსის განაწილებასთან დაკავშირებით, წელს ჩვენს სამინისტროში შეიქმნება დამატებითი სტრუქტურული ერთეული, რომელიც ითვალისწინებს ზუსტად ამ წყლის ბალანსის შედგენას და ამ რესურსის განაწილებას“, - განაცხადა დავით სონღულაშვილმა.მინისტრმა ყურადღება გაამახვილა პლასტიკით დაბინძურების საკითხზე და ჩატარებული კვლევების შედეგებზეც ისაუბრა.„ერთ-ერთი დიდი გამოწვევა პლასტიკით დაბინძურებაა. მსოფლიო ბანკის კვლევების მიხედვით, რიონის აუზის დაბინძურების 88% პლასტიკზე მოდის. ზუსტად ამ მიმართულებით, ძალიან მნიშვნელოვან რეფორმას ვახორციელებთ, რომლიც პლასტიკის გამოყენების შეზღუდვასთან არის მიმართული, რაც ფაქტობრივად პრევენცია არის წყლის ხარისხის გაუმჯობესების. აქვე მინდა აღვნიშნო, რომ კანონში პირდაპირ არის განსაზღვრული რომ პრიორიტეტი ენიჭება სასმელ წყალს, შემდგომში სამელიორაციო და სხვა ეკონომიკურ აქტივობებს. მელიორაციასთან დაკავშირებით ძალიან დიდი პროექტი გვაქვს მსოფლიო ბანკთან ერთად, რომლის მიხედვითაც ვახორციელებთ მელიორაციის სისტემების გაუმჯობესებას, რადგან უფრო ეფექტიანად მოხდეს წყლის რესურსის გამოყენება”, - აღნიშნა დავით სონღულაშვილმა.

1770721294

ფორუმის პირველ პანელზე სიტყვით გამოსვლისას მინისტრმა ხაზი გაუსვა წყლის სექტორის მნიშვნელობას ქვეყნის ეკონომიკური ზრდისა და სოციალური სტაბილურობისთვის.რევაზ სოხაძის განცხადებით, ხელისუფლება უკვე წლებია წყალმომარაგებისა და წყალარინების სისტემების განვითარებას ერთ-ერთ უმთავრეს პრიორიტეტად მიიჩნევს. ამის ნათელი მაგალითია სახელმწიფო საწარმოს – შპს „საქართველოს გაერთიანებული წყალმომარაგების კომპანიის“ დაფინანსების მნიშვნელოვანი ზრდა: 2012 წელთან შედარებით დაფინანსება 20-ჯერ არის გაზრდილი და 2025 წელს 682 მილიონ ლარს შეადგენს. ჯამურად კი, 2012 წლიდან დღემდე სამინისტროს მიერ განხორციელებული ინვესტიციები 3.5 მილიარდ ლარს აღემატება.მინისტრის თქმით, 2026 წლისთვის სამინისტროს ბიუჯეტში დამატებით გათვალისწინებული 305 მილიონი ლარი კიდევ უფრო გააძლიერებს მიმდინარე და დაგეგმილი პროექტების განხორციელებას. ეს ზრდა ცხადყოფს სახელმწიფოს გრძელვადიან ხედვას – თითოეული მოქალაქე იყოს უზრუნველყოფილი სტანდარტის შესაბამისი, უწყვეტი წყალმომარაგებით.ამ დროისთვის, „გაერთიანებული წყალმომარაგების კომპანიის“ დაფარვის არეალში მყოფი ქალაქების 65%-ში უკვე მოქმედებს 24-საათიანი წყალმომარაგება. 2026 წელს უწყვეტი წყალმომარაგება დამატებით 14 ქალაქს ექნება, ხოლო 2027 წლის ბოლოსთვის კომპანიის მართვაში მყოფი ყველა, სულ 49 ქალაქი, სრულად იქნება უზრუნველყოფილი 24-საათიანი წყალმომარაგებით.ამასთან, ქვეყნის 120-ზე მეტ დასახლებაში მიმდინარე 2.5 მილიარდ ლარზე მეტი ღირებულების ინფრასტრუქტურული პროექტები 2030 წლისთვის დასრულდება, რის შედეგადაც 300 000-ზე მეტ ბენეფიციარს გაუუმჯობესდება მომსახურება.მინისტრის განცხადებით, საქართველოს მთავრობა აქტიურად მუშაობს მუნიციპალიტეტებში ცხოვრების დონის ამაღლებაზე, რომლის ერთ-ერთი მთავარი განმსაზღვრელი სწორედ ხარისხიანი წყალმომარაგება და წყალარინებაა. მან განსაკუთრებული ყურადღება გაამახვილა სოფლების წყალმომარაგების საკითხზე და აღნიშნა, რომ  ინფრასტრუქტურის სამინისტრომ, სახელმწიფო ბიუჯეტისა და აზიის განვითარების ბანკის ფინანსური მხარდაჭერით, დაიწყო ახალი პროგრამის განხორციელება, რომლის ფარგლებშიც ქვეყნის მასშტაბით 100-ზე მეტ სოფელში 150 000-ზე მეტი ბენეფიციარი ისარგებლებს სტანდარტის შესაბამისი უწყვეტი წყალმომარაგებით.,,საზოგადოებაში არსებობს მცდარი წარმოდგენა, რომ რადგან საქართველო წყალუხვი ქვეყანაა, წყლის მიწოდება მარტივია. ამიტომ, იგეგმება საინფორმაციო კამპანია, რათა მოსახლეობამ გააცნობიეროს, თუ რა რთულ და მასშტაბურ სამუშაოებთანაა დაკავშირებული წყლის მიწოდება, განსაკუთრებით ქვეყნის რთული გეოგრაფიული მდებარეობის გათვალისწინებით“ - განაცხადა მინისტრმა.რევაზ სოხაძის თქმით, მთავრობისა და სამინისტროს ხედვა არ შემოიფარგლება მხოლოდ წყალმომარაგებით და მოიცავს წყალარინების სისტემების განვითარებასა და გამწმენდი ნაგებობების მოწყობას, პირველ რიგში, ტურისტულ ზონებში. უკვე დაწყებულია მასშტაბური პროექტები, რომელთა ჯამური ღირებულება 3 მილიარდ ლარს აღემატება. 10-წლიანი გეგმის ფარგლებში, 49 ქალაქი და 19 დაბა სრულად აღიჭურვება თანამედროვე გამწმენდი სისტემებით.მინისტრმა, ასევე ისაუბრა საერთაშორისო გამოცდილებისა და კვალიფიციური კადრების მოზიდვის მნიშვნელობაზე პროექტების სწორად დაგეგმვისა და ეფექტიანი განხორციელებისთვის.„წყლის სექტორი უნდა განიხილებოდეს არა მხოლოდ ინფრასტრუქტურულ მიმართულებად, არამედ როგორც ინტეგრირებული პოლიტიკის სფერო, რომელიც აერთიანებს ეკონომიკურ, სოციალურ და გარემოსდაცვით მიზნებს“, – აღნიშნა ინფრასტრუქტურის მინისტრმა.

1770720902

მისივე ინფორმაციით, აღნიშნული ჯერჯერობით ინიციატივაა, თუმცა სავარაუდოდ, მომდევნო წლიდან ამოქმედდება."ცვლილებების პროექტი, რომელიც პლასტმასის მასალაში შეფუთული სურსათის ეტაპობრივ აკრძალვას ითვალისწინებს, ორ ეტაპად ამოქმედდება და შეეხება როგორც საზოგადოებრივი კვების ობიექტებს, ისე წარმოებასა და იმპორტს. გამონაკლისის სახით მზესუმზირას ზეთი და 10 ლიტრზე მეტი მოცულობის სასმელი წყალი რჩება. აღნიშნული აკრძალვა 1-ელი ივლისიდან ამოქმედდება. სასტუმროებში, კვების ობიექტებში, სარესტორნე ქსელებში არ უნდა მოხდეს პლასტმასში განთავსებული სასმელების გამოყენება. ჩვენ ეტაპობრივად მივდივართ, რადგან ბიზნესს რეგულაციები არ დააწვეს წნეხად. კარგად გვესმის რა რაოდენობაა ნაწარმოები,მაგრამ აქვე უნდა აღინიშნოს, რომ ექსპორტი არ იზღუდება. მათ ექსპორტის მიზნებისთვის ნებისმიერ მიმართულებაში შეუძლიათ წარმოება. მათ შორის, ერთჯერადი, კონტეინერები და სხვა. ჩვენ მზესუმზირის ზეთზე თავი შევიკავეთ, რადგან სამომხმარებლო კალათაში ერთ-ერთი განმსაზღვრელია და ერთჯერადად შესაძლოა ეს პროდუქტი მასალის გამო გაძვირდეს, ამიტომ თავი შევიკავეთ. რაც შეეხება წყალს 10 ლიტრის ზემოთ გამონაკლისებში რჩება, რადგან ხანდახან დეფიციტურია და ხშირად არის მიწოდება შეფერხებული და სწორედ ამიტომ მოსახლეობას მივეცით საშუალება, რომ გამოიყენონ 10 ლიტრზე მეტი პლასტმასის პროდუქცია", - აცხადებს სოლომონ პავლიაშვილი.მანვე აღნიშნა, რომ ბიზნესს საკმარისი ვადა აქვს მიცემული იმისთვის, რომ აღნიშნული რეგულაციები გაითვალისწინონ. 

1770720290

ფინანსთა სამინისტოს ცნობით, მხარეებმა მიმოიხილეს გაერო-სა და საქართველოს შორის დადებული 2026-2030 წლების ჩარჩო ხელშეკრულების ფარგლებში გაწერილი თანამშრომლობის საკითხები.ფინანსთა მინისტრმა სტუმარს გააცნო ქვეყნის მაკროეკონომიკური ვითარება და ფისკალური პარამეტრები, ხაზი გაესვა მთავრობის მიერ განხორციელებულ და დაგეგმილ ღონისძიებებს, რომელთა მიზანია ქვეყნის მდგრადი განვითარების მხარდაჭერა.შეხვედრას დაესწრნენ ფინანსთა მინისტრის მოადგილე ეკატერინე გუნცაძე, გაეროს განვითარების პროგრამის მუდმივი წარმომადგენელი დაგლას უები, გაეროს ქალთა ორგანიზაციის ხელმძღვანელი საქართველოში კაორი იშიკავა და გაეროს მუდმივი კოორდინატორის ოფისის ეკონომისტი ერიკ ანდერმო.

1770719230