როგორ შეგიძლიათ ბიზნეს ანაბრის გახსნა საქართველოს ბანკის ბიზნეს მობილბანკით

რატომ საქართველოს ბანკში?საქართველოს ბანკში ბიზნეს ანაბრის გახსნა პირდაპირ მობილბანკით, სრულად ციფრულადაა შესაძლებელი. ამასთანავე, ბანკი მომხმარებელს სხვადასხვა ტიპის ანაბარს მოქნილი პირობებით, დამატებითი სარგებლითა და მართვის გამარტივებული შესაძლებლობით სთავაზობს.ბანკში ოთხი ტიპის ბიზნეს ანაბარია ხელმისაწვდომი - ვადიანი, მოთხოვნამდე, მოთხოვნამდე + და შეგროვებადი. რაც მთავარია, თუ გახსნით ვადიან ანაბარს ლარში ონლაინ ან შეგროვებადს – ნებისმიერ ვალუტაში, 0.25%-ით მეტ სარგებელს მიიღებთ.ვადიანი ანაბარი ბიზნესისთვისვადიანი ანაბრის გახსნა შესაძლებელია 500 ლარიდან (ან მისი ეკვივალენტიდან უცხოურ ვალუტაში). თქვენ თავად ირჩევთ ვადას — 3-დან 24 თვემდე, იმის მიხედვით, თუ რამდენ ხანს გსურთ თანხის დეპოზიტზე დატოვება.თანხის გატანა ვადის გასვლისასაა შესაძლებელი, სარგებელი კი ყოველთვიურად, ან ვადის ბოლოს დაირიცხება.ანაბრის პროცენტული სარგებელი დამოკიდებულია ვალუტაზე: ლარში მიიღებთ წლიურ 10.95%-დან 12.25%-მდე სარგებელს (ეფექტური პროცენტი: 10.95%-დან 11.5%-მდე); დოლარში — 0.3%-დან 1.45%-მდე; ფუნტ სტერლინგში — 0.25%-დან 1.15%-მდე. ანაბრის გახსნა შესაძლებელია ლარში, დოლარში, ევროში, ფუნტსა და სხვა უცხოურ ვალუტაში —კომპანიის საჭიროებების შესაბამისად.მოთხოვნამდე ანაბარი ბიზნესისთვისთუ გსურთ, რომ ბიზნესს ყოველთვის ჰქონდეს თანხაზე შეუზღუდავი წვდომა და ამავე დროს სარგებელი მიიღოს, მოთხოვნამდე ანაბარი კარგი არჩევანია.მისი გახსნა ნებისმიერი თანხიდან, მომსახურების საკომისიოს გარეშე შეგიძლიათ. უფრო მეტიც, ანაბარი უვადოა, რაც იმას ნიშნავს, რომ მისი გამოყენება თქვენთვის სასურველი ხანგრძლივობითაა შესაძლებელი.თანხას ნებისმიერ დროს დაამატებთ ან გაიტანთ, სარგებელი კი წლის ბოლოს, ყოველდღიური ნაშთის მიხედვით დაირიცხება. ლარში მიიღებთ 2%-იან წლიურ სარგებელს (ეფექტური პროცენტი: 2.02%).მოთხოვნამდე+ ანაბარი ბიზნესისთვისამ ანაბრის გახსნაც, წინას მსგავსად, მარტივია — საწყისი თანხა არაა განსაზღვრული და არც გახსნის საკომისიოს დაფარვაა საჭირო. თანხის დამატება ან გატანა ნებისმიერ დროს შესაძლებელია შეუზღუდავად.მთავარი განსხვავება კი სარგებლის დარიცხვის სისტემაშია. ამ შემთხვევაში: სარგებლის დარიცხვა ყოველთვიურად ან წლის ბოლოს, თვის მინიმალურ ნაშთზე ხდება. პროცენტული სარგებელი ლარში – 3%-ია (ეფექტური პროცენტი -8.06%).შეგროვებადი ანაბარი ბიზნესისთვისთუ გსურთ ეტაპობრივად შექმნათ სოლიდური სარეზერვო კაპიტალი, შეგროვებადი ანაბარი ბიზნესისთვის საუკეთესო გამოსავალია.მისი გახსნა 10 ერთეულიდანაა შესაძლებელი, ვადას კი 3-დან 24 თვემდე თავად ირჩევთ. ამ ტიპის ანაბარზე თანხის დამატება ნებისმიერ დროს, ხოლო გატანა — ვადის ბოლოს შეგიძლიათ.სარგებელი ირიცხება: ყოველთვიურად; ან ვადის ბოლოს. პროცენტული სარგებელი დამოკიდებულია ვალუტაზე: ლარში — 10.35%-დან 11.50%-მდე (ეფექტური: 10.85%-დან 11.41%-მდე); დოლარში — 0.8%-დან 2%-მდე (ეფექტური: 0.8%-დან 1.98%-მდე); ევროში — 0%-დან 0.6%-მდე (ეფექტური: ევროში 0%-დან 0.6%-მდე); ფუნტში — 0.8%-დან 2%-მდე (ეფექტური: 0%-დან 1.98%-მდე). როგორ შეგიძლიათ გახსნათ ანაბარი ბიზნეს მობილბანკით?ყველა ტიპის ბიზნეს ანაბრის გახსნა პირდაპირ საქართველოს ბანკის ბიზნეს მობილბანკშია შესაძლებელი. ეს ნიშნავს, რომ კომპანიის მენეჯერს ან ფინანსურ ხელმძღვანელს აღარ სჭირდება ფილიალში ვიზიტი — სასურველი ანაბრის არჩევა, პირობების დეტალურად გაცნობა და გახსნა შესაძლებელია სრულად დისტანციურად, ნებისმიერ დროს და ნებისმიერ ადგილას, მობილბანკის ანაბრების მოდულიდან.გადმოწერეთ საქართველოს ბანკის ბიზნესმობილბანკი, ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში მარტივად, 2 წუთში, ონლაინ.

1760540277

როგორც განმარტებაში ვკითხულობთ, ორივე კომპანია მხარს უჭერს რუსეთის ხელისუფლებას, რადგან საქმიანობენ სტრატეგიულად და ეკონომიკურად მნიშვნელოვან სექტორში.მანამდე, ბრიტანეთმა „როსნეფტის“ ხელმძღვანელს, იგორ სეჩინს პერსონალური სანქციები 2022 წლის მარტში დაუწესა, ხოლო „ლუკოილის“ ხელმძღვანელს, ვაგიტ ალეკპეროვს 2022 წლის აპრილში.15 ოქტომბერს განახლებულ სიაში ასევე მოხვდა ინდური კომპანია „ნავარა ენერჯი“, რომლის თანამესაკუთრეც „როსნეფტია“.შედეგად, სანქციების მიხედვით, სიაში მოხვედრილი ფიზიკური და იურიდიული პირების ყველა ის აქტივი გაიყინება, რომელიც ბრიტანეთის ტერიტორიაზე არსებობს.აქამდე, „როსნეფტი“ და „ლუკოილი“ რუსეთის მიერ უკრაინის წინააღმდეგ დაწყებული სრულმასშტაბიანი ომის შემდეგ ევროკავშირის შავ სიაში მოხვდნენ.აშშ-ს სანქციები „როსნეფტისა“ და „ლუკოილის“ წინააღმდეგ არ დაუწესებია, თუმცა შავ სიაში შეიყვანა მათი შვილობილი კომპანიები და მათთან დაკავშირებული პირები.

1760539978

წარმოიდგინეთ ლოგისტიკური ჰაბი, რომელიც აერთიანებს სარკინიგზო, საავტომობილო და საზღვაო მარშრუტებს, ამცირებს ტვირთების მიწოდების დროს და საქართველოს აქცევს ევრაზიის სატრანზიტო დერეფნის ცენტრალურ კვანძად. სწორედ ეს არის თბილისის მშრალი პორტი (TDP – Tbilisi Dry Port) - მულტიმოდალური ლოგისტიკური ცენტრი, რომელიც უკვე ცვლის რეგიონის სატრანსპორტო რუკას.რა არის მშრალი პორტი და რატომ არის ის მნიშვნელოვანი?მარტივად რომ ვთქვათ, ეს არის ლოგისტიკური ტერმინალი ხმელეთზე, რომელიც საზღვაო პორტის ფუნქციებს ასრულებს. ის რკინიგზით და საავტომობილო გზით პირდაპირ არის დაკავშირებული ფოთისა და ბათუმის პორტებთან, რაც ტვირთების დედაქალაქში სწრაფ და ეფექტიან ტრანსპორტირებას უზრუნველყოფს. ეს ამცირებს დამოკიდებულებას საავტომობილო ტრანსპორტზე და განტვირთავს საზღვაო პორტებს. ასევე დედაქალაქის გარდა ემსახურება აღმოსავლეთ საქართველოს სხვა ქალაქებს და მეზობელი ქვეყნების ტვირთნაკადებს.პროექტის მასშტაბი: ციფრები და პარტნიორებიპროექტი ქინძმარაულის ქუჩაზე, 28 ჰექტარ მიწის ნაკვეთზე ვითარდება. მისი ჯამური საინვესტიციო ღირებულება 22 მილიონი დოლარია, საიდანაც 15 მილიონი საქართველოს ბანკის დაფინანსებაა.პროექტის სანდოობასა და საერთაშორისო მასშტაბს განაპირობებენ მისი სტრატეგიული ინვესტორები: Abu Dhabi Ports Group (არაბეთის გაერთიანებული საამიროები) - გლობალური ლიდერი პორტების, ლოგისტიკისა და ინდუსტრიული ზონების მართვაში Wilhelmsen Ports Services SA (ნორვეგია) - 160-წლიანი ისტორიის მქონე საერთაშორისო საზღვაო ინდუსტრიის გიგანტი Inveco (საქართველო) - ადგილობრივი სტრატეგიული საინვესტიციო კომპანია 4 მთავარი სარგებელი ბიზნესისთვის (I ფაზა)პროექტის პირველი ფაზა უკვე სრული დატვირთვით მუშაობს და ბიზნესს სთავაზობს შემდეგ კონკრეტულ უპირატესობებს: სისწრაფე და პროგნოზირებადობა: ტვირთები საზღვაო პორტებიდან პირდაპირ რკინიგზით, სპეციალური ბლოკ-მატარებლების საშუალებით, შემცირებულ დროში ჩამოდის თბილისში. ხარჯების შემცირება: გამარტივებული ლოგისტიკა და დროის ეკონომია პირდაპირ აისახება ტრანსპორტირების ხარჯების შემცირებაზე, ვინაიდან ზოგადად რკინიგზით ტრანსპორტირება ნაკლებ დანახარჯებთანაა დაკავშირებული ვიდრე საავტომობილო გზით. გაფართოებული სატრანზიტო შესაძლებლობები: პორტი იძლევა საშუალებას, ტვირთები სარკინიგზო ან საავტომობილო გზით მიიღოთ არა მხოლოდ შავი ზღვის პორტებიდან, არამედ პირდაპირ ჩინეთიდან და ცენტრალური აზიიდან „შუა დერეფნის“ (სატრანზიტო მარშრუტი, რომელიც რუსეთს გვერდს უვლის) გავლით, ასევე აზერბაიჯანიდან და სომხეთიდან. „ერთი ფანჯრის“ პრინციპი: ტვირთის მიღება, გადატვირთვა, დასაწყობება და საბაჟო პროცედურები ერთ, ორგანიზებულ სივრცეში ხორციელდება. II ფაზა და ახალი შესაძლებლობებიპირველი ფაზის წარმატებამ და ბიზნესის მაღალმა ინტერესმა განაპირობა განვითარების შემდეგი ეტაპის დაწყება, რომელიც პორტის შესაძლებლობებს კიდევ უფრო გაზრდის: A-კლასის საწყობი: იწყება 10,000 კვ.მ. ფართობის თანამედროვე, A-კლასის დახურული საწყობის მშენებლობა, რაც გულისხმობს უმაღლესი სტანდარტის, თანამედროვე ტექნოლოგიებით აღჭურვილ სასაწყობე სივრცეს შესაბამისი ტექნიკით და უსაფრთხოების მაღალი დონით. გაორმაგებული გამტარუნარიანობა: პორტის სიმძლავრე წლიურად 100,000-დან 200,000 TEU-მდე გაიზრდება (Twenty-foot Equivalent Unit - სტანდარტული 20-ფუტიანი კონტეინერის ეკვივალენტი, რომელიც ტვირთბრუნვის გასაზომად გამოიყენება). ავტომობილების იმპორტის სერვისი: უახლოეს მომავალში პორტი დაიწყებს მეორადი ავტომობილებით დატვირთული კონტეინერების დამუშავებას. ამისთვის უკვე მოეწყო 1,000 მანქანაზე გათვლილი პარკინგი, საბაჟო კონტროლის სადგომის ზონა და ცალკე გამშვები პუნქტი, რაც პროცესს გაამარტივებს და გააიაფებს. აღნიშნული სერვისის მიღება პირველად იქნება შესაძლებელი თბილისში, რაც ადგილობრივ ავტოიმპორტიორებს კიდევ მეტად დაეხმარება თავიანთი ბიზნესის განვითარებაში. ფინანსური სერვისები ადგილზე: მომხმარებლების კომფორტისთვის, პორტის ადმინისტრაციულ ოფისში ოპერირებას დაიწყებს საქართველოს ბანკის ფილიალი. საკანონმდებლო ბაზა: მიმდინარეობს აქტიური მუშაობა, რათა მშრალი პორტის ცნება საკანონმდებლო დონეზე განისაზღვროს, რაც სექტორის შემდგომ განვითარებას შეუწყობს ხელს და საშუალებას მისცემს საერთაშორისო გადამზიდავ კომპანიებს კიდევ უფრო მეტად გამოიყენონ საქართველოზე გამავალი მარშრუტები. თბილისის მშრალი პორტი არის პრაქტიკული პასუხი კითხვაზე, თუ როგორ უნდა აქციოს საქართველომ თავისი გეოგრაფიული მდებარეობა რეალურ ეკონომიკურ სარგებლად.პროცესები, რომლებიც აქამდე გაუთვალისწინებელ ხარჯებთან და დროის კარგვასთან ასოცირდებოდა, თბილისში გადმოტანით პროგნოზირებადი და ეფექტიანი ხდება. ეს ცვლის არა მხოლოდ ტვირთის გადაადგილების ლოგიკას, არამედ ბიზნესის კეთების მიდგომას - აქცენტი კეთდება სისწრაფეზე, მოქნილობასა და გლობალურ ბაზრებზე მარტივ წვდომაზე.საბოლოო ჯამში, ეს არის ახალი რეალობა, რომელიც დედაქალაქიდან მთელ რეგიონზე ვრცელდება.

1760534880

გიორგი ფრუიძე სპეციალობით ინჟინერ-ჰიდროტექნიკოსია. მან 1992 წელს დაამთავრა საქართველოს აგრარული უნივერსიტეტის ჰიდრომელიორაციის ფაკულტეტი, ხოლო 2004 წელს - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი და მიენიჭა მაგისტრის ხარისხი ფინანსებსა და საბანკო საქმეში.გიორგი ფრუიძე  სემეკის წევრად პირველი ვადით არჩეულ იქნა 2019 წელს. ამ პერიოდის განმავლობაში სემეკში მისი ხელმძღვანელობით შემუშავდა არაერთი ნორმატიული აქტი, რომელმაც ხელი შეუწყო რეგულირებადი სექტორების განვითარებას. გიორგი ფრუიძის უშუალო ჩართულობით სემეკი მუშაობს მელიორაციის სექტორის რეგულირების საკითხებზე.კომისიის წევრის ვაკანტურ პოზიციაზე კანდიდატის შერჩევა ხდება „ენერგეტიკისა და წყალმომარაგების შესახებ“ საქართველოს კანონის შესაბამისად, ღია კონკურსის საფუძველზე. კანონის შესაბამისად, კომისიის წევრობის შერჩეულ კანდიდატს საქართველოს მთავრობა ითანხმებს შესარჩევი კომისიის მიერ შესაბამისი კანდიდატის წარდგენიდან არაუგვიანეს 10 დღისა. საქართველოს მთავრობის წარდგინებით კომისიის წევრობის კანდიდატს საქართველოს პარლამენტს ასარჩევად წარუდგენს საქართველოს პრეზიდენტი საქართველოს პრემიერ-მინისტრის თანახელმოწერით. საქართველოს პარლამენტი კომისიის წევრებს ირჩევს საქართველოს პარლამენტის რეგლამენტით დადგენილი წესით. კომისიის წევრი თანამდებობაზე აირჩევა 6 წლის ვადით. ერთი და იგივე პირი კომისიის წევრად შეიძლება აირჩეს მხოლოდ ორჯერ.

1760533680

MAN Lion's City 18C-ის მოდელის 200 ერთეული 18-მეტრიანი ავტობუსებით თბილისის მოსახლეობა უკვე არაერთ მარშრუტზე გადაადგილდება.ბექა ბერიძე, „თეგეტა ჰოლდინგის“ სატვირთო, კომერციული და ავტობუსების მიმართულების ხელმძღვანელი: „საზოგადოებრივი ტრანსპორტის მიმართულებით  დიდი გამოცდილება გვაქვს, თუმცა ეს ყველაზე მასშტაბური პროექტია და მოხარულები ვართ, რომ წარმატებით დავასრულეთ. გერმანულ ავტოგიგანტთან, MAN-თან, მჭიდრო და ხანგრძლივი თანამშრომლობის ფარგლებში, შესაძლებელი გახდა, რომ თბილისისთვის ავტობუსების წარმოება პრიორიტეტულ საკითხად გვექცია. შესაბამისად, ავტობუსების მიწოდება დათქმულ ვადაზე ადრე შევძელით. დღეს ჩვენს ქალაქში გადაადგილდებიან ზუსტად ისეთივე მოდელის ავტობუსები, როგორებიც, მაგალითად, საფრანგეთის დედაქალაქ პარიზში ან ევროკავშირის სხვა ქვეყნებში.  აღსანიშნავია, რომ სატენდერო პირობები მხოლოდ ავტობუსით მომარაგებას არ ითვალისწინებს. ჩვენ უზრუნველვყოფთ როგორც ქარხნულ, ისე გახანგრძლივებულ გარანტიას, სატრანსპორტო საშუალებების ექსპლოატაციის ვადის ამოწურვამდე. ამასთანავე, ჩვენი გამოცდილი და მაღალი კვალიფიკაციის მქონე მექანიკოსები „თბილისის სატრანსპორტო კომპანიის“ სერვისცენტრებში ავტობუსებს სრულ სერვისს უწევენ“.„თეგეტას“ საგანგებოდ გადამზადებული მექანიკოსები რამდენიმე ბაზაზე არიან გადანაწილებული. უსაფრთხო გადაადგილების უზრუნველსაყოფად მომსახურების მიღება შესაძლებელია როგორც დღის, ისე საღამოს საათებში. თვის ჭრილში „თეგეტას“ მომსახურე პერსონალი „თბილისის სატრანსპორტო კომპანიის“ კუთვნილ ავტობუსებს 2000-ზე მეტ ინდივიდუალურ სერვისს უწევს. სამუშაოებისას გამოიყენება თანამედროვე დანადგარები და ინსტრუმენტები. ეს ყველაფერი კი იმისათვის, რომ დედაქალაქის მაცხოვრებლებმა სრულად გამართული მუნიციპალური ტრანსპორტით იმგზავრონ.მაღალი ხარისხის შესანარჩუნებლად „თეგეტა მოტორსისა“ და Tegeta Truck&Bus-ის გუნდის წევრები ყოველწლიურ სწავლებას გადიან. მათ შორის არიან მექანიკოსები, სერვისისა და სექტორის მენეჯერები, ელექტრიკოსები და თითოეულ აგრეგატზე მომუშავე პასუხისმგებელი პირები. ჰოლდინგში აცხადებენ, რომ პერსონალი, გამოცდილებასთან ერთად, თანამედროვე ცოდნით არის აღჭურვილი.საქალაქო ტიპის უახლესი MAN Lion's City 18C-ს ტიპის ავტობუსები 162 მგზავრზეა გათვლილი. სატრანსპორტო საშუალებებში დამონტაჟებულია თანამედროვე სტანდარტის გათბობის, კონდიცირებისა და ვენტილაციის სისტემები, რომლებიც სრულად შეესაბამება თბილისის კლიმატურ პირობებს. ავტობუსი აღჭურვილია Wi-Fi სისტემებით და USB დატენის 8 წერტილით, რომლებიც თანაბრად ნაწილდება სამგზავრო განყოფილებაში.MAN Lion's City 18C-ს შემოყვანა გარემოსდაცვითი მიმართულებითაც მნიშვნელოვანია. ეკოლოგიურად სუფთა, კომპრესირებული ბუნებრივი აირის CNG ძრავაზე მომუშავე სატრანსპორტო საშუალებები, სხვა მოდელებთან შედარებით, გარემოსთვის გაცილებით უსაფრთხოა და CO2-ის ემისიის შემცირებას უწყობს ხელს.ბექა ბერიძე, „თეგეტა ჰოლდინგის“ სატვირთო, კომერციული და ავტობუსების მიმართულების ხელმძღვანელი:  „ჯერ კიდევ 2016-17 წლებში CNG ძრავით აღჭურვილი ტრანსპორტის გამოჩენა თბილისში წინ გადადგმული ნაბიჯი იყო ეკოლოგიის გაუმჯობესების თვალსაზრისით. ერთ-ერთ მთავარ კრიტერიუმად ამჯერადაც სწორედ გარემოზე ზრუნვა სახელდება. ახალი თაობის MAN -ის 18-მეტრიანი ავტობუსები მინიმალური ზემოქმედებით გამოირჩევა. თუმცა ეს არ არის ბოლო გაჩერება გერმანული ავტოკონცერნისთვის. MAN ერთ-ერთი მოწინავე ბრენდია, ევროკავშირის მასშტაბით, ელექტრობუსებით მომარაგების კუთხით. სამომავლოდ, ვფიქრობთ, თბილისშიც მალე დადგება ეს საჭიროება და როგორც MAN-ის ექსკლუზიურ დილერს საქართველოში, გვექნება შესაძლებლობა, ელექტრიფიკაციის მიმართულებით პირველი ნაბიჯები ერთად გადავდგათ“. „თეგეტა“ 2016 წლიდან აქტიურად არის ჩართული მუნიციპალური ტრანსპორტის განვითარებაში. ამასთანავე, 2023 წელს ჰოლდინგის საქმიანობა ამ მიმართულებით ქვეყნის ფარგლებს გასცდა. „თეგეტა“ ერევნის მუნიციპალური პარკის განვითარებაშიც ჩაერთო და დღეს სომხეთის დედაქალაქის მილიონზე მეტი მცხოვრები თანამედროვე ავტობუსებით გადაადგილდება.--,,თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით ,,თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentlye, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. ,,თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. ,,თეგეტა ჰოლდინგი”, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1760533500

შედეგების მიხედვით ქალაქ თბილისის მერად არჩეულია „ქართული ოცნების“ კანდიდატი კახა კალაძე. მან 215,363 ამომრჩევლის ხმა, 71.627% მიიღო. თბილისის მერის არჩევნებში 324 798 ამომრჩეველი მონაწილეობდა.ცესკომ დღეს გამართულ სხდომაზე ასევე შეაჯამა თბილისის საკრებულოს 2025 წლის 4  ოქტომბრის პროპორციული საარჩევნო სისტემით ჩატარებული არჩევნების შედეგები. შემაჯამებელი ოქმის თანახმად არჩევნებში მონაწილე ამომრჩეველთა რაოდენობამ 325 061 შეადგინა. თბილისის საკრებულოში მანდატები კი ასე გადანაწილდა: „კონსერვატორები საქართველოსთვის“ - 1 მანდატი, „ძლიერი საქართველო-ლელო“ - 2, „გირჩი“ – 2,  „ქართული ოცნება“ - 20 მანდატი.  მაჟორიტარული სისტემით ჩატარებული არჩევნების შედეგად თბილისის საკრებულოში 25-ვე მანდატი ქართულმა ოცნებამ მიიღო.როგორც დღეს გამართულ სხდომაზე ცესკოს თავმჯდომარემ აღნიშნა ეს იყო ერთ-ერთი ყველაზე მასშტაბური და კომპლექსური პროცესი, რომელიც ჩატარდა საქართველოს კანონმდებლობით დადგენილი წესით, გამჭვირვალობის, საჯაროობისა და მაღალი პროფესიული სტანდარტების სრული დაცვით. გიორგი კალანდარიშვილმა მადლობა გადაუხადა ამომრჩევლებს, ვინც აქტიურად ჩაერთო პროცესში და აღნიშნა, რომ მათი ჩართულობა და ნდობა წარმოადგენს მთავარ მოტივაციასა და მიღწევას. ასევე მადლობა გადაუხადა ყველა იმ ინსტიტუციასა და ორგანიზაციას, რომლებმაც აქტიურად ითანამშრომლეს საარჩევნო ადმინისტრაციასთან. ადგილობრივ და საერთაშორისო დამკვირვებლებს, საარჩევნო სუბიექტებს და მედიას ჩართულობისა და დაკვირვებისთვის. ასევე, საერთაშორისო ვენდორ კომპანია სმარტმატიკს, რომლის მხარდაჭერითა და თანამშრომლობით უკვე მეორედ წარმატებით განხორციელდა ტექნოლოგიებით არჩევნების ჩატარება.არჩევნების შედეგები ქვეყნის მასშტაბით ასევე შეაჯამეს საოლქო საარჩევნო კომისიებმა. შემაჯამებელი ოქმების მიხედვით საკრებულოს წევრად და მერად არჩეული პირების შესახებ ინფორმაცია ცესკომ დღევანდელ სხდომაზე ცნობად მიიღო. დეტალური ინფორმაცია და შემაჯამებელი ოქმები განთავსებულია ცესკოს ვებგვერდზე.კანონმდებლობის შესაბამისად, ახლად არჩეული მერებისა და საკრებულოების წევრების უფლებამოსილება 29 ოქტომბრიდან დაიწყება. დღესვე ცენტრალურმა საარჩევნო კომისიამ მიიღო განკარგულება  და 2025 წლის 4 ოქტომბრის არჩევნების შედეგად არჩეული მუნიციპალიტეტების წარმომადგენლობითი ორგანოების - საკრებულოების პირველი სხდომები საქართველოს მთელ ტერიტორიაზე 30 ოქტომბერს, 11:00 საათზე მოიწვია. თბილისში საკრებულოს პირველ სხდომას ცესკოს თავმჯდომარე გიორგი კალანდარიშვილი გახსნის, ხოლო რეგიონებში სხდომებს შესაბამისი საოლქო საარჩევნო კომისიების თავმჯდომარეები გახსნიან.

1760531513