პროკრედიტ ბანკმა და პროპარკომ 10 მილიონი ევროს საგარანტიო შეთანხმება გააფორმეს

პროპარკო, პროკრედიტ ბანკთან ერთად გარკვეულ სესხებზე საკრედიტო რისკის ნაწილს იზიარებს.პროკრედიტი პირველი ბანკია, რომელმაც ხელი მოაწერა საქართველოში პირველ ARIZ პორტფელის თანამონაწილეობის ხელშეკრულებას. თანამშრომლობის საწყის ეტაპზე, საგარანტიო ინსტრუმენტის საერთო მოცულობა 10 მილიონ ევროს შეადგენს, მოქმედების პერიოდი კი 2 წელს, რომლის განმავლობაშიც მიზნობრივი სესხები საგარანტიო პროგრამის პორტფელში შევა. მომავალში თანამშრომლობა კიდევ უფრო გაფართოვდება და არსებობს ინსტრუმენტის საერთო მოცულობის გაზრდის პოტენციალი.გარანტიის შეთანხმების ერთ-ერთი მთავარი მიზანია ინკლუზიური და რეგიონულად დაბალანსებული ეკონომიკური განვითარების ხელშეწყობა. პროგრამა ფოკუსირდება სამ მიმართულებაზე: მცირე და საშუალო ბიზნესების მხარდაჭერა უფრო მოქნილი დაფინანსების პირობებით, განსაკუთრებით რეგიონებში ქვეყნის მასშტაბით ეკონომიკური აქტივობის გაძლიერება, მათ შორის „მწვანე“ და მდგრადი პროექტების მხარდაჭერა ქალი მეწარმეების ხელშეწყობა. პარტნიორობის ფარგლებში, პროკრედიტ ბანკი გაზრდის დაფინანსებაზე ხელმისაწვდომობას, ხელს შეუწყობს ბიზნესების გაფართოებას და წვლილს შეიტანს სამუშაო ადგილების შექმნაში. შეთანხმება ასევე ასახავს პასუხისმგებლიანი დაფინანსებისადმი ერთობლივ ერთგულებას, სადაც ორივე მხარე იცავს გარემოსდაცვით, სოციალურ და მმართველობის (ESG) მაღალ სტანდარტებს.ეს თანამშრომლობა კიდევ უფრო აძლიერებს პროკრედიტ ბანკის როლს, როგორც სანდო პარტნიორს ადგილობრივი ბიზნესებისთვის და ხელს უწყობს საქართველოში უფრო ძლიერი, დივერსიფიცირებული და მდგრადი ეკონომიკის განვითარებას. 

1775138196

გამოფენას, რომელიც საქართველოს ბანკის მხარდაჭერით იმართება, Gallery Fotoatelier, 4 აპრილიდან უმასპინძლებს.პროექტის ავტორი ქართველი ფოტოგრაფი, ალექსანდრე ბაგრატიონ-დავითაშვილია. მისი ნამუშევრები გამოქვეყნებულია ისეთ საერთაშორისო და რეგიონულ გამოცემებში, როგორებიცაა: The Guardian, The Red Bulletin, National Geographic, At.ge, Tabula, Anabechdi, Hot Chocolate Magazine, და სხვა."სინტრას მარილი" ასახავს ადამიანის ინტერესებისცვლილების მარადიულ ციკლს, პორტუგალიისოკეანის სანაპიროს და იქ მყოფ პერსონაჟებზედაკვირვებას. ექსპოზიცია იწყება თამაშით, როგორცყველა ადამიანის ცხოვრება. ბავშვები ეთამაშებიან დადასდევენ ჩრდილებს, ეფემერულ ობიექტებს, დამათთვის შედეგს განსაკუთრებული მნიშვნელობა არაქვს. ამ ასაკში არ გაინტერესებს მოახერხებ თუ არაჩიტის დაჭერას, მთავარია პროცესი, რომლის დროსაცსიამოვნებას იღებ და ცხოვრების მომავალიეპიზოდისთვის იწვრთნები. ექსპოზიციის მეორენაწილი ასახავს ცხოვრების ციკლის მეორე ეპიზოდს, სადაც ცხოვრების ასპარეზზე შემოდიან ეპიზოდურიპერსონაჟები, როგორც აუცილებელი ელემენტები, რომლებმაც შენი წილი დრო უნდა წაიღონ. ამეპიზოდში იწყებ სამყაროს სიდიადის გაცნობიერებას, რომელიც მხოლოდ ადამიანთან მიმართებაში იძენსმასშტაბს.“, - აღნიშნავს ალექსანდრებაგრატიონ-დავითაშვილი.გამოფენის ერთ-ერთი საკვანძო იდეა ადამიანის და ოკეანის ურთიერთობაა. კერძოდ, კადრებში დეტალურადაა აღბეჭდილი თუ როგორ გადადის თავისუფალი თამაში პრაქტიკულ საქმიანობასა და ყოველდღიურ საჭიროებებში.აღსანიშნავია, რომ ფოტოგრაფმა პორტუგალიის სანაპირო, როგორც მთავარი ლოკაცია, გამიზნულად აარჩია. მისი თქმით, ეს გარემო აფხაზეთის სანაპიროს ჰგავს, სადაც ზღვა და კლდე საოცრადა შერწყმული. სწორედ ეს ვიზუალური და სივრცითი კომბინაცია გახდა პროექტის საფუძველიც.“ოკეანის ტალღების ნისლში გახვეული კლდეექსპოზიციის მნიშვნელოვანი ნაწილია, როგორცფოტოებში მოცემული ერთადერთი სიმყარე, რომელზეც ყველა დანარჩენი უნდა დაშენდეს. ძალიანმაცდური ამბავია, როცა სამუშაო კალენდარიგანსაზღვრული არ გაქვს და გადაღების პირველსავედღეს კარგი ფოტოები გამოგდის. საკუთარ თავთანპატარა ჭიდილი გიწევს, რომ ეს ლოკაცია არ ჩახუროდა სხვაგან არ გადაინაცვლო. ცდუნებას მოვერიე დასანაპიროზე დავრჩი, ვფიქრობ სწორად მოვიქეცი, რადგან ყოველდღე ახალი პერსონაჟები, ახალისიუჟეტები ჩნდებოდა“ - ამბობს ალექსანდრე ბაგრატიონ-დავითაშვილი.თბილისის შემდეგ ექსპოზიცია ლისაბონსა და სან პაულოში გადაინაცვლებს, ხოლო შემდეგ რიგში მორიგი დოკუმენტური პროექტის განხორციელება დგება.გამოფენის შესახებ დეტალური ინფორმაციის მისაღებად ეწვიეთ ბმულს.საქართველოს ბანკი აქტიურად უჭერს მხარსთანამედროვე ხელოვანებს და მათ შემოქმედებითექსპერიმენტებსა და ახალ იდეებს არ გაჩერების გზაზე.

1775135319

"2026 წლის 1 აპრილიდან დეპოზიტების დაზღვევის ზღვარი 30 000 ლარიდან 50 000 ლარამდე გაიზარდა. დეპოზიტების დაზღვევის ზღვრის 30 000 ლარიდან 50 000 ლარამდე გაზრდა კარგია ეკონომიკისათვის და თავად დეპოზიტარებისათვის.  ზოგადად იგი წარმოადგენს მნიშვნელოვანი ტიპის მაკროპრუდენციულ ინსტრუმენტს, რომელიც მიზნად ისახავს ფინანსური სტაბილურობის გაძლიერებას, საბანკო სისტემისადმი ნდობის ამაღლებასა და დაზოგვის ქცევის სტიმულირებას. აღნიშნული ცვლილება მრავალმხრივ გავლენას ახდენს როგორც ინდივიდუალურ ეკონომიკურ აგენტებზე, ისე მთლიან ეკონომიკურ სისტემაზე.პირველ რიგში, მოსახლეობის პერსპექტივიდან, დაზღვევის ზღვრის ზრდა ზრდის ფინანსურ უსაფრთხოებას. დეპოზიტების დაზღვევის სისტემა წარმოადგენს მექანიზმს, რომლის მიხედვითაც, კომერციული ბანკის გადახდისუუნარობის შემთხვევაში, დეპოზიტორებს ეძლევათ გარანტია, რომ განსაზღვრულ ლიმიტამდე მათი დანაზოგები ანაზღაურდება. ნდობის ზრდა, თავის მხრივ, მნიშვნელოვან გავლენას ახდენს დაზოგვის ქცევაზე. როდესაც ფინანსური ინსტიტუტების მიმართ ნდობა მაღალია, ინდივიდები ნაკლებად არიან მიდრეკილნი არაოფიციალური ან ნაკლებად უსაფრთხო შენახვის ფორმებისკენ (მაგალითად, ნაღდი ფულის შენახვა).მაკროეკონომიკურ დონეზე, აღნიშნული ცვლილება ზრდის საბანკო სისტემის სტაბილურობას. დეპოზიტების დაზღვევა ამცირებს კომერციული ბანკებიდან ე.წ „პანიკური გატანის“  ალბათობას, რადგან დეპოზიტორები ნაკლებად რეაგირებენ ნეგატიურ მოლოდინებზე მაშინ, როდესაც მათი დანაზოგები დაცულია. თავის მხრივ სორედ ნეგატიური მოლოდინები ქმნიან სავალუტო აჟიოტაჟებს.ამასთან, ლიმიტის ზრდა ამ ეფექტს კიდევ უფრო აძლიერებს, რადგან მეტი დეპოზიტორი ხვდება  დაზღვეულ კატეგორიაში. ეს განსაკუთრებით მნიშვნელოვანია მცირე და საშუალო ზომის ბანკებისთვის, რომელთა მიმართ ნდობა შედარებით უფრო მგრძნობიარეა.გარდა ამისა, დეპოზიტების ლიმიტის ზრდა, პერსპექტივაში ქმნის დამატებით რესურსს საბანკო სექტორისთვის, რადგან ბანკები იყენებენ დეპოზიტებს სესხების გასაცემად, რაც პირდაპირ უკავშირდება ინვესტიციებისა და მოხმარების ზრდას. შესაბამისად, დაზღვევის ლიმიტის ზრდა ირიბად შეიძლება იქცეს ეკონომიკური აქტივობის სტიმულირების ფაქტორად, განსაკუთრებით იმ პირობებში, როდესაც ფინანსური ბაზრები ჯერ კიდევ ნაკლებად განვითარებულია და ბანკები წარმოადგენენ დაფინანსების ძირითად წყაროს.თუმცა, უნდა აღინოშნოს, რომ აღნიშნულ პოლიტიკას ახლავს გარკვეული რისკებიც. ერთ-ერთი მნიშვნელოვანი ასპექტია ე.წ. მორალური რისკი. როდესაც დეპოზიტორები ნაკლებად ზრუნავენ ბანკის რისკიანობაზე (რადგან მათი თანხა დაზღვეულია), ხოლო ბანკებს შეიძლება გაუჩნდეთ სტიმული უფრო მაღალი რისკის მქონე აქტივებში ინვესტირებისთვის. ამან შეიძლება გაზარდოს სისტემური რისკები, თუ არ იქნება სათანადო ზედამხედველობა და რეგულაცია. თუმცა ეს რისკი დღეს ნაკლებია, რადგან  დაზღვევის ლიმიტის ზრდა თანხვედრაშია ეროვნული ბანკის მიერ წარმოებულ საბანკო რეგულაციისა და ზედამხედველობის პოლიტიკასთან, რაც ყველა საერთაშორისო შეფასებით რეგიონში ერთ-ერთ ყველაზე მაღალ დონეზე ფასდება.ასევე განსაკუთრებული მნიშვნელობა ენიჭება ფისკალურ და ინსტიტუციურ ასპექტებს. დეპოზიტების დაზღვევის ლიმიტის ზრდა თანმდევად განაპირობებს დაზღვევის ფონდის პასუხისმგებლობების გაფართოებას, რაც სისტემის დაცვის უნარის გაძლიერების ლოგიკურ შედეგს წარმოადგენს. აღნიშნული გარემოება ქმნის წინაპირობას ფონდის რესურსების უფრო პროაქტიული დაგეგმვისა და კაპიტალიზაციის გაღრმავებისთვის, რაც, თავის მხრივ, ზრდის ფინანსური უსაფრთხოების მექანიზმების სანდოობას. საჭიროების შემთხვევაში, დამატებითი ფინანსური რესურსების მობილიზების შესაძლებლობა განიხილება როგორც სტაბილიზაციის ინსტრუმენტი, რომელიც აძლიერებს სისტემურ მდგრადობას და უზრუნველყოფს კრიზისულ სიტუაციებზე ეფექტიან რეაგირებას.საერთო ჯამში, დეპოზიტების დაზღვევის ზღვრის 50 000 ლარამდე გაზრდა წარმოადგენს მნიშვნელოვან და პოზიტიურ პოლიტიკურ ნაბიჯს, რომელიც მიმართულია ფინანსური სტაბილურობის განმტკიცებისა და ეკონომიკური აქტივობის ხელშეწყობისკენ. მისი ეფექტიანობა მნიშვნელოვანწილად ეფუძნება ინსტიტუციური ჩარჩოს გამართულ ფუნქციონირებას, მათ შორის საბანკო ზედამხედველობის მაღალი სტანდარტების შენარჩუნებას, რისკების მართვის ეფექტიან პრაქტიკასა და დაზღვევის ფონდის მდგრად განვითარებას, რაც ერთობლივად უზრუნველყოფს ფინანსური სისტემის გრძელვადიან სტაბილურობას", - წერს ცუცქირიძე.

1775132333

როგორც „როსკოსმოსის“ ხელმძღვანელმა დიმიტრი ბაკანოვმა ფედერაციის საბჭოს პლენარულ სხდომაზე განაცხადა, ხრუნიჩევის ცენტრის ყველა ობიექტი მოსკოვიდან ომსკში გადაიტანება, ხოლო რაკეტების ძრავების სერიული წარმოება ხიმკის NPO „ენერგომაშის“ ობიექტიდან პერმში გადაიტანება. მან განაცხადა, რომ ეს გადაწყვეტილებები ხარჯების შემცირებასა და წარმოების გამარტივებას ისახავს მიზნად.იანვარში „როსკოსმოსმა“ გამოაცხადა „ანგარას“ რაკეტების წარმოების მოსკოვის ობიექტიდან ომსკში სრულად გადატანის შესახებ. რაკეტების წარმოების ადგილი „პოლიოტის“ წარმოების ასოციაციაა, რომელიც 2007 წლიდან ომსკში „ხრუნიჩევის ცენტრის“ ფილიალია. რაკეტების ძრავები პერმში დაფუძნებულ „პერმ მოტორსის“ საწარმოში დამზადდება. ბაკანოვმა აღნიშნა, რომ გადატანა სამ წელს გაგრძელდება.წარმოების ობიექტების გადატანის გადაწყვეტილება უკრაინის შეიარაღებული ძალების მიერ რუსეთის სამრეწველო და ენერგეტიკული ინფრასტრუქტურის წინააღმდეგ რეგულარული დარტყმების ფონზე მიიღეს. 27 მარტის საღამოს, დრონებმა სმოლენსკის საავიაციო ქარხანას შეუტიეს, რომელიც, უკრაინის დაზვერვის სამსახურების ცნობით, ფრთოსან რაკეტებსა და უპილოტო საფრენ აპარატებს აწარმოებს. თავდასხმა იმავე დღეს მოხდა, როდესაც რუსეთის უშიშროების საბჭოს თავმჯდომარის მოადგილე, დიმიტრი მედვედევი რეგიონს სახელმწიფო თავდაცვის კონტრაქტების შესრულების შესამოწმებლად ეწვია.ვოლოგდას ოლქის გუბერნატორის, გეორგი ფილიმონოვის თქმით, იმავე ღამეს რვა დრონმა ჩერეპოვეცში „სამრეწველო ობიექტი“ დაბომბა. Exilenova+-ის ანალიზის თანახმად, ეს იყო სს „აპატიტი“, ფოსფატებზე დაფუძნებული სასუქების ევროპაში უდიდესი მწარმოებელი.28 მარტს, სამარის ოლქში, ჩაპაევსკში, პრომსინტეზის ქარხანაზე, რუსეთის ერთ-ერთ უდიდეს ასაფეთქებელ ნივთიერებაზე თავდასხმა განხორციელდა. OSINT არხმა „კიბერბოროშნო“ გაავრცელა ინფორმაცია, რომ თავდასხმა უკრაინული FP-5 Flamingo-ს შორ მანძილზე მოქმედი რაკეტით განხორციელდა და გამოაქვეყნა ვიდეო, სადაც ის საწარმოო ზონას აზიანებს, სადაც ასაფეთქებელი ნივთიერებები სინთეზირდება. მარტში დარტყმები ასევე ტოლიატის, ტვერისა და პერმის რეგიონების ქიმიურ ქარხნებზე განხორციელდა.31 მარტის ღამეს, უკრაინის შეიარაღებულმა ძალებმა კვირაში მეოთხედ დაარტყა ლენინგრადის რეგიონში მდებარე უსტ-ლუგის პორტს. პრიმორსკის პორტთან ერთად, რომელიც ასევე არაერთხელ დაესხნენ თავს, ეს ტერმინალები რუსეთის ნავთობის ექსპორტის 40%-ს შეადგენს.თავდასხმების კომენტირებისას, რუსეთის პრეზიდენტის პრესმდივანმა დიმიტრი პესკოვმა აღიარა, რომ რუსეთის ხელისუფლებას არ შეუძლია კრიტიკული ინფრასტრუქტურის დრონებისგან სრული დაცვის გარანტირება.

1775131968

საპროცენტო განაკვეთის დერეფნის ქვედა და ზედა ზღვარიც უცვლელი დარჩა: ქვედა ზღვარი 5.5%-ზე, ხოლო ზედა ზღვარი 7.5%-ზე დარჩა.საბაზისო სცენარი კვლავ ვარაუდობს, რომ წლიური ინფლაცია 2026 და 2027 წლების ბოლოსთვის სამიზნე დიაპაზონში დარჩება, განაცხადეს ცენტრალურ ბანკში და დასძინეს, რომ ბოლოდროინდელი ტენდენციები მიუთითებს 2026 წლის ინფლაციის პროგნოზის შესაძლო ზრდაზე.

1775131483

„თუ გორის თავშესაფარში ძაღლები კანონიერად დააძინეს ან დაწვეს, საჭიროა დახარჯული პრეპარატების აღრიცხვის ფორმები და თითოეული ცხოველის სიკვდილის აქტი ვეტერინარის ხელმოწერით.მოვითხოვთ ინფორმაციას დამონტაჟებული ფილტრების შესახებ და მათი შეცვლის დამადასტურებელ დოკუმენტაციას. მოქმედი ნორმებით, გამონაბოლქვი არ უნდა იყოს ხილული, შავი ან სქელი თეთრი ბოლი“, - აღნიშნა კვარაცხელიამ.

1775130882