2025 წლის აპრილში ქვეყანაში შემოსული ფულადი გზავნილების ნაკადების მოცულობა გაიზარდა და 295.5 მლნ დოლარი შეადგინა

ამასთან, აშშ-დან ფულადი გზავნილების ნაწილში კვლავ ზრდა ფიქსირდება, კერძოდ, 16.6%-იანი და მოცულობა 54 მლნ აშშ დოლარს შეადგენს.კლების ტენდენციით ხასიათდება ფულადი გზავნილები რუსეთის ფედერაციიდან. კერძოდ, აპრილში წლიურად - 18.9%-ით შემცირდა და 39.9 მლნ აშშ დოლარი შეადგინა.ცნობისთვის, 2025 წლის აპრილში საქართველოდან საზღვარგარეთ 28.7 მლნ აშშ დოლარი (80.9 მლნ ლარი) გადაიგზავნა.ინფორმაციას ეროვნული ბანკი ავრცელებს.

1747312630

კეთილშობილი კავკასიური ირემი, არჩვის სამხრეთკავკასიური ქვესახეობა და კასპიური შურთხი - ეს იმ სახეობათა ჩამონათვალია, რომელთა მცირე ნაწილი საქართველოს სხვადასხვა კუთხეში, მათ შორის საირმის ტერიტორიაზე, ჯერ კიდევ შეინიშნება. ეკოლოგიური რესურსებითა და ბუნებრივი ლანდშაფტით მდიდარი ადგილი საუკეთესო პირობებს ქმნის საფრთხეში მყოფი სახეობების დასაცავად.ისტორიული პროექტისა და „საირმეს რეკრეაციული ფერმის“ მოწყობის დამტკიცების შემდეგ ამ მისიის განსახორციელებლად ახალი შესაძლებლობები გაჩნდა. 13 000 ჰექტარი ტერიტორიის დაცვაზე პასუხისმგებლობა ახლა ლიცენზიატს ეკისრება, რომელიც მოვალეობას გეგმის მიხედვით ასრულებს. უსაფრთხო გარემო უმთავრესი ფაქტორია, რაც, მაგალითისათვის, კეთილშობილი კავკასიური ირმის საირმეში დაბრუნებას შეუწყობს ხელს.გარემოს დაცვისა და სოფლის მეურნეობის სამინისტროს ველური ბუნების ეროვნული სააგენტოს ხელმძღვანელი ამბობს, რომ საქართველოში ამ დროისათვის დაახლოებით 1000 კავკასიური ირემია, რაც საგანგაშოდ დაბალი მაჩვენებელია. მისი დნმ სრულიად განსხვავდება ევროპაში გავრცელებული სახეობისაგან, რაც იმას ნიშნავს, რომ მისი შემოყვანა მხოლოდ კავკასიის ქვეყნებიდან არის შესაძლებელი, ისიც მხოლოდ დნმ-ის დადასტურებითა და სახელმწიფოს ნებართვით. არსებობს მეორე გზაც, რომელიც საირმის ტერიტორიაზე შესაბამისი უსაფრთხო გარემოს შექმნას გულისხმობს. აუცილებელია, ტერიტორიაზე შეწყდეს ბრაკონიერობა, გაკონტროლდეს მტაცებელთა რაოდენობა, შემოისაზღვროს დაცული ტერიტორია, რომელიც 10 000 ჰექტარზე ნაკლები არ უნდა იყოს, და მუდმივად კონტროლდებოდეს.რევაზ ბეჟაშვილი, გარემოს დაცვისა და სოფლის მეურნეობის სამინისტროს ველური ბუნების ეროვნული სააგენტოს ხელმძღვანელი: „კეთილშობილი კავკასიური ირემი საქართველოს ტერიტორიაზე ბორჯომ-ხარაგაულის ნაკრძალში, გურია-აჭარის ქედზე, ლაგოდეხის ნაკრძალში, ასევე, გარდაბნის აღკვეთილში გვხვდება. მცირედი შემოსვლები აღინიშნება საირმეში, სადაც ამ დროისათვის მიმდინარე პროცესები იმედის მომცემია. ტერიტორია აღჭურვილია დაცვით, ყველგანმავალი ავტომობილებით მიმდინარეობს მონიტორინგი, დამონტაჟებულია ფოტოხაფანგები, პროცესში ჩართულია დრონები. თუ ტყე დაცული იქნება, საირმეს ირემი დაუბრუნდება.რაც შეეხება ირმის გამრავლების შესაძლებლობებს, პირველ რიგში, უნდა ითქვას, რომ პოპულაცია იქვეა, აბასთუმნის თავზე. თუ მას საირმეში უსაფრთხო გარემო დახვდება, ირემიც შემოვა, ეს ბუნებრივი პროცესია. ბიჟინი (ირმის ნაშიერი) სადაც იბადება, იქვე რჩება, ის ადგილი იქცევა მის სამშობლოდ.მეორე ვერსიაა ირმის საშენში გამრავლება, რომლის მოწყობის ვალდებულებაც „საირმეს რეკრეაციულმა ფერმამ“ აიღო. ის შესაბამის პირობებს უნდა აკმაყოფილებდეს. ეს კი ლიცენზიატისთვის წინაპირობაა, სახელმწიფოსგან მიიღოს უფლება, ბუნებაში მოიპოვოს ირემი გამრავლების მიზნით და შემდეგ უკან გაუშვას. მესამე გზა კი მისი სხვა ქვეყნიდან შემოყვანაა, თუმცა მხოლოდ დნმ-ის გადამოწმებით. ამას თავისი უპირატესობები აქვს – სხვადასხვა ბუდის ირმების შეჯვარებით სისხლი განახლდება. ეს ძალიან კარგი იქნება არა მხოლოდ საირმისთვის, არამედ მთელი ბორჯომ-ხარაგაულის აკვატორიისთვის“.ცხოველთა მოპოვების უფლების მისაღებად საშენი შესაბამისად უნდა იყოს აღჭურვილი და ყველა საჭირო სტანდარტს აკმაყოფილებდეს. აუცილებელია დიდი ტერიტორია, დაცული ღობითა და სამეთვალყურეო სისტემით. ამასთანავე, თითოეულ ცხოველს, რომელსაც ფერმიდან ღია ტერიტორიაზე გაუშვებენ, ექნება სპეციალური GPS საყელო, რათა მუდმივი დაკვირვება იყოს შესაძლებელი.აღსანიშნავია, რომ, „საირმეს რეკრეაციული ფერმის“ პროექტის ფარგლებში, კვლევითი სამუშაოები უკვე მიმდინარეობს. პროექტის ფარგლებშივე, ტყეში მალე გაჩნდება სამარილეებიც, რაც ტერიტორიაზე ცხოველის გაჩერება-დარჩენას შეუწყობს ხელს. რაც შეეხება უსაფრთხოების უზრუნველყოფას, ფერმაში ამ ეტაპზე 6 რეინჯერი და ერთი სპეციალისტი უკვე დასაქმებულია. ასევე, დამონტაჟებულია 10 ფოტოხაფანგი, რომელთა რაოდენობაც ეტაპობრივად, სპეციალისტების რეკომენდაციების შესაბამისად გაიზრდება და სათანადო ლოკაციებზე განთავსდება.„საირმე, რომელიც ცნობილია, როგორც სამკურნალო და საკურორტო ზონა, თავისი ტენიანი კლიმატითა და ტყიანი ტერიტორიებით იდეალურ გარემოს ქმნის ირმებისთვის. რეგიონს აქვს საკვები რესურსები, წყლის საკმარისი მარაგი და შედარებით დაცული გარემო – ეს ყველაფერი აუცილებელია ირმის პოპულაციის წარმატებული გამრავლებისთვის. საქართველოს რელიეფიდან გამომდინარე, ქვეყანაში არანაკლებ 60-70 000 ერთეული კავკასიური ირემი უნდა იყოს. როცა ეს ციფრი 1000 ერთეულს სულ ოდნავ აღემატება, ნიშნავს, რომ ეს პოპულაცია კვდება“, – ამბობს რევაზ ბეჟაშვილი.„საირმეს რეკრეაციული ფერმის“ ფარგლებში განთავსებულმა ფოტოხაფანგებმა ტერიტორიაზე აღმოაჩინა კიდევ ერთი საინტერესო არჩვის ქვესახეობა (ლათ. Rupicapra rupicapra aziatica), რომელიც ასევე წითელ ნუსხაშია დაცული. საქართველოში მისი ორი ქვესახეობაა და, როგორც სფეროს სპეციალისტები განმარტავენ, ორივეს დაცვა სჭირდება.პროექტის ფარგლებში, მაისის მეორე ნახევრიდან საირმის ტყეში ექსპერტთა საველე გასვლები იგეგმება.„ვვარაუდობთ, რომ მეურნეობის ტერიტორიაზე, მთების კლდოვან ნაწილში არის კასპიური შურთხიც. თუ დადასტურდა, ეს ძალიან სასიხარულო აღმოჩენა იქნება, ცნობილია, რომ ისიც გადაშენების პირასაა. ამის მიზეზი უმეტესწილად არარეგულირებული ძოვება გახდა. მაგალითად, ცხვრის ფარა ფრინველის საბუდარ ადგილებში ძოვისას ხშირად ფრინველის ბუდეებს ანადგურებს.თუ ველური ბუნება გაქრება, გაქრება შინაური ცხოველიც და ადამიანიც. ერთი რგოლის ამოვარდნაც კი ყველაფრის რღვევას განაპირობებს. ვფიქრობ, პასუხისმგებლობიანი მეურნეობების გაჩენა ამ პროცესის შეჩერებას და წითელ ნუსხაში არსებული ცხოველების გადარჩენა-გამრავლებას შეუწყობს ხელს“, – გვითხრა რევაზ ბეჟაშვილმა.გადაშენების პირას მყოფი ცხოველების, მათ შორის კეთილშობილი კავკასიური ირმის დაბრუნება, საირმეში ფართო მიზანს, ეკოლოგიურ თანასწორობას ემსახურება და მდგრადი განვითარებისკენ გადადგმული ნაბიჯია. გარემოს დაცვის უმთავრეს ფაქტორთან ერთად, საირმეში დაწყებული მასშტაბური პროექტი დაეხმარება და წაახალისებს ეკოტურიზმს საქართველოში, რაც, თავის მხრივ, ადგილობრივი მოსახლეობის ეკონომიკურ კეთილდღეობაზეც აისახება.

1747312021

აღნიშნული ტრანზაქცია ინსტიტუტებს შორის მრავალწლიანი წარმატებული თანამშრომლობის ერთ-ერთი ნაწილია და ასახავს ორგანიზაციების მზაობას, ხელი შეუწყონ ქართული ბიზნესების, განსაკუთრებით კი, მცირე და საშუალო საწარმოების განვითარებას.დაფინანსების 50% მიმართული იქნება მწვანე ინვესტიციებზე, რაც კომპანიებს საშუალებას მისცემს ისარგებლონ სპეციალური სალიზინგო პროდუქტებით განახლებადი ენერგიის და მდგრადობაზე ორიენტირებული აქტივების მიმართულებით.  მეტ ქართულ კომპანიას ექნება საშუალება გაეცნონ მსოფლიო ტენდენციებს გარემოსდაცვითი, მდგრადი გადაწყვეტილებების მიმართულებით და მიიღონ დაფინანსება საკუთარი ბიზნესის განვითარებისთვის."პირველ რიგში, მოხარულები ვართ, რომ ისეთ საიმედო პარტნიორთან, როგორიც ევროპის რეკონსტრუქციისა და განვითარების ბანკია მრავალწლიან თანამშრომლობას კიდევ უფრო ვაღრმავებთ, რაც ხელმოწერილი ხელშეკრულებითაც დასტურდება. ჩვენი საერთო ძალისხმევა მიმართულია საქართველოს მცირე და საშუალო სექტორის გაძლიერებისკენ, რისი ერთ-ერთი გზაც მდგრადი განვითარება და მწვანე დაფინანსებაზე გაზრდილი წვდომაა. მოზიდული 11 მილიონი ევროს რესურსი, სწრაფად განვითარებად ბაზარზე SME (მცირე და საშუალო საწარმოების) მხარდაჭერას მოხმარდება" - გაიოზ გოგუა, თიბისი ლიზინგის დირექტორი.

1747310400

გამართული ავტომობილი უსაფრთხო მგზავრობის გარანტია, განსაკუთრებით კი სეზონის ცვლილებისას, როდესაც ტემპერატურა მატულობს და გზებზე მობილობა იზრდება. „თეგეტა მოტორსი“ წლებია მოუწოდებს მომხმარებლებს - პასუხისმგებლობით მოეკიდონ სეზონურ ცვლილებებს და ავტომობილი შესაბამისად გამართონ. ამჯერად კომპანიამ მომხმარებელს, გაეროს უსაფრთხოების კვირეულის ფარგლებში, არაერთი შეთავაზება მოუმზადა. 18 მაისის ჩათვლით  BRIDGESTONE-ის ბრენდის საბურავების სრულ ასორტიმენტსა და ATE-ს ხუნდებზე 15%-იანი ფასდაკლება მოქმედებს. მაისის ბოლომდე ხელმისაწვდომია შემდეგი შეთავაზებებიც: BRIDGESTONE-ის საბურავები სპეციალურ ფასად: BRIDGESTONE 205/55R16 T005 91W - 200₾, BRIDGESTONE 195/65R15 91H EP150 - 150₾. ერთ-ერთი ყველაზე მნიშვნელოვანი დეტალი, რომელსაც სეზონური ცვლილება სჭირდება, საბურავია, რადგან ის ავტომობილის უსაფრთხო გადაადგილებას უზრუნველყოფს. როდესაც ტემპერატურა +7 გრადუსს სცდება, აუცილებელია, ზამთრის საბურავები ზაფხულის საბურავებით ჩავანაცვლოთ. ზაფხულის საბურავის შემადგენლობაში არსებული ნივთიერებები სიცხეში უკეთესი მოჭიდებით გამოირჩევა, რაც თავიდან აგარიდებთ ავტოსაგზაო შემთხვევებს, განსაკუთრებით სველ ზედაპირზე გადაადგილებისას.BRIDGESTONE - იაპონური წარმოშობის, საბურავების წამყვანი ბრენდი. მისი მთავარი უპირატესობებია: პრემიუმ ხარისხი, უსაფრთხოება და ინოვაცია. ლიდერია საბურავების წარმოების ტექნოლოგიაში - გამოირჩევა უახლესი ინჟინერიითა და უსაფრთხოების მაღალი  სტანდარტებით. აქვს მაღალი მოჭიდება და დამუხრუჭების შესაძლებლობა, განსაკუთრებით სველ გზაზე გადაადგილებისას. გამოირჩევა ხანგრძლივი საექსპლუატაციო ვადით - იდეალურია შორ მანძილზე მგზავრობისთვის. BRIDGESTONE-ის საბურავებით აღჭურვილია ისეთი ბრენდები, როგორებიცაა: Lamborghini, Toyota, BMW, Mercedes-Benz, Audi და სხვ. 20%-იანი ფასდაკლება MOTUL, SHELL, MOBIL-ის ზეთებზე. ზოგადად, საცხებ-საპოხი მასალები, მაგალითად, ძრავის ზეთი, სეზონურობით არ გამოირჩევა, ის ნებისმიერ სეზონზე უნდა შეიცვალოს გარბენის გათვალისწინებით, მწარმოებლის რეკომენდაციების მიხედვით. წინააღმდეგ შემთხვევაში, შესაძლოა ძრავა დაზიანდეს. „თეგეტა მოტორსი“ მომხმარებელს პრემიუმ ბრენდების პროდუქციის დიდ არჩევანს სთავაზობს.MOTUL - პრემიუმ ხარისხის ფრანგული ზეთი, რომელიც იდეალურია მაღალი წარმადობის ძრავებისთვის, ხშირად გამოიყენება რბოლებში და გამოირჩევა თერმული მდგრადობით. 100%-ით სინთეტიკური ზეთები უზრუნველყოფს ძრავის უმაღლეს დაცვას და მაქსიმალურ სიმძლავრეს.SHELL - უმაღლესი ხარისხის საცხებ-საპოხი მასალების მწარმოებელი, რომელიც განსაკუთრებულ ყურადღებას უთმობს ძრავის დაცვასა და უსაფრთხოებას. SHELL-ის ზეთები ხელს უწყობს მაქსიმალურ სიმძლავრეს და ამცირებს ნალექისა და ჭუჭყის დაგროვებას. მის ხარისხზე მეტყველებს ისეთ მსოფლიო ბრენდებთან თანამშრომლობა, როგორებიცაა: Ferrari, BMW, Hyundai. პროდუქციის დამზადებისას გამოყენებულია PurePlus ტექნოლოგია, რომელიც უზრუნველყოფს ძრავის სისუფთავესა და ეფექტიანობას.MOBIL - ამ ბრენდის მთავარი უპირატესობაა ავტომობილის იდეალური დაცვა ყველა სეზონზე და ძრავის ხანგრძლივი მუშაობის უზრუნველყოფა. MOBIL-ის ზეთები უზრუნველყოფს ძრავის სისუფთავეს. გათვლილია ექსტრემალურ ტემპერატურაზე. კომპანია თანამშრომლობს ისეთ პრემიუმ ბრენდებთან, როგორებიცაა: Porsche, Mercedes-AMG, Cadillac. 20%-იანი ფასდაკლება MACPOWER PREMIUM-ისა და EXIDE-ის, ხოლო 10%-იანი ფასდაკლება VARTA-ს აკუმულატორებზე აკუმულატორი დაბალი ტემპერატურის მიმართ ერთ-ერთი ყველაზე მგრძნობიარე დეტალია. ზამთარში ძრავის დაქოქვას უფრო დიდი ენერგია სჭირდება და შესაბამისად, ავტომობილი აკუმულატორის მეტ რესურსს მოიხმარს. სწორედ ამიტომ როგორც კი ჰაერის ტემპერატურა მოიმატებს, აუცილებლად უნდა შევამოწმოთ აკუმულატორი და, საჭიროების შემთხვევაში, ვიზრუნოთ მის ჩანაცვლებაზე.MACPOWER PREMIUM - აკუმულატორები აღჭურვილია უსაფრთხოების ინოვაციური სისტემით, რომელიც ავტომობილს იცავს მოკლე ჩართვისა და გადახურებისგან. გამძლეა როგორც ცივ, ისე - ცხელ ამინდში. ხელმისაწვდომი ფასის, სანდოობისა და ხარისხის გათვალისწინებით, მძღოლები ამ ბრენდზე არჩევანს ხშირად აკეთებენ.EXIDE - აკუმულატორების ერთ-ერთი უძველესი მწარმოებელი მსოფლიოში, 130- წლიანი გამოცდილებით. გამოირჩევა მაქსიმალური სიმძლავრითა და გამძლეობით. იტენება სწრაფად და დატვირთულ რეჟიმში მუშაობს იდეალურად. ის არის აკუმულატორების ოფიციალური მიმწოდებელი ისეთი ბრენდებისთვის, როგორებიცაა: Ford, Fiat, BMW და სხვა. EXIDE-ის პროდუქციის AGM და EFB ტექნოლოგია კარგად ერგება თანამედროვე Start-Stop-სისტემიან და მაღალი ელექტრული დატვირთვის ავტომობილებს.VARTA - გერმანული პრემიუმ ბრენდი, მაღალი სტანდარტებისა და ხარისხის სიმბოლო. აკუმულატორები გამოირჩევა უსაფრთხოებით, მაქსიმალური სიმძლავრითა და სტაბილურობით ნებისმიერ ამინდში. ენერგიას ინარჩუნებს ავტომობილის ხანგრძლივი დგომის შემთხვევაშიც კი. VARTA-ს ორიგინალ აკუმულატორებს ვხვდებით ისეთ ბრენდებში, როგორებიცაა: Mercedes, BMW, VW, Audi.  AGM და EFB ტექნოლოგიები შესაფერისია ჰიბრიდებისთვის, ენერგომხარჯველი სისტემებისა და პრემიუმ კლასის ავტომობილებისთვის, სადაც მაქსიმალური ხარისხი და ხანგრძლივობა განსაკუთრებულად მნიშვნელოვანია. 30%-იანი ფასდაკლება JBM-ის, ხოლო 20%-იანი ფასდაკლება TOPTUL-ის ხელსაწყოებზე. JBM - ევროპული ბრენდი, რომელიც აწარმოებს მაღალი ხარისხის პროფესიონალურ და საყოფაცხოვრებო ხელსაწყოებს. მისი ძირითადი უპირატესობებია გამძლეობა, მრავალფეროვნება, ხელმისაწვდომობა და პროდუქციის ფართო არჩევანი - ხელის ინსტრუმენტები, ავტოსერვისის მოწყობილობები და სხვა.TOPTUL - აწარმოებს მაღალი ხარისხის ხელსაწყოებს ავტოსერვისისა და ინდუსტრიისთვის - გამორჩეულია გამძლეობითა და ეფექტიანობით. პროდუქცია დამზადებულია მაღალი ხარისხის ფოლადით, რომელიც უძლებს კოროზიას. მინიჭებული აქვს ISO სერტიფიკატი და ხასიათდება ხანგრძლივი სასიცოცხლო ციკლით.„თეგეტა მოტორსის“ ფილიალების გარდა, დამატებით შეთავაზებები მოქმედებს Tegeta Shop-ზე. საბურავებისა და ნაწილების სრულ ასორტიმენტზე ხელმისაწვდომია 10%-იანი ფასდაკლება. ამასთანავე, ფილიალებში ისარგებლებთ ჰაერისა და სალონის ფილტრის უფასოდ შეცვლის სერვისით--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა. 

1747309993

პირველი 8000 ნერგი 2020 წელს 4 ჰექტარზე ჩაყარეს, შემდეგ წლებშიც 4-4 ჰექტარი მიამატეს. 2024 წელს კი ახალი ნაკვეთი შეიძინეს, სადაც 20 000 ნერგი დაირგო. ჯამში კომპანიის საკუთრებაში 24 ჰექტარი ვაშლის ბაღია. ახალი ნერგების ნაწილი, სანამ ამ ბლოგს კითხულობთ იტალიაში იტვირთება და ქართლისკენ მოემართება.ინტენსიურ ბაღს, ტრადიციულთან შედარებით, რამდენიმე უპირატესობა აქვს: ჰექტარზე ბევრი - 3000-მდე ხე ირგვება. (როცა ტრადიციულის შემთხვევაში 150-200) მსხმოიარობაში მალე შედიან, გამძლე, ნერგი დაავადებების მიმართ მედეგია, მოსავალსაც მეტს იძლევა და დასაკრეფადაც ადვილია.“ჩემი აზრით ახალი ჯიშები უფრო გემრიელია, მაგრამ ქართლში ბაღების 30%-ში “გოლდენი” ირგვება. ეს ჯიში მოთხოვნადია, როგორც ადგილობრივ ისე საექსპორტო ბაზარზე. ზოგადად, ძვირად ღირებული ვაშლი არ არსებობს. ფასი დამოკიდებულია სეზონსა და ხარისხზე. იგივე გოლდენი, თუ ოქტომბერში 1.5 ლარად იყიდებოდა, სამაცივრე მეურნეობაში შენახვის შემდეგ მისი ფასი 3.5 ლარამდე ავიდა. გაყიდვის პრობლემა არ გექნება, თუ მომხმარებელს მაღალ ხარისხს შესთავაზებ”, - გვიხსნის თენგიზი.მაღალი ხარისხი კი ის თამასაა, რომელსაც „ჭარებულაში“ მუდამ ინარჩუნებენ და კომპანიას ნაბიჯ-ნაბიჯ ავითარებენ. მეურნეობის განვითარების და ვაშლის ნერგების მთავარი შემხიდებელი თიბისის შეღავათიანი აგროკრედიტი აღმოჩნდა.“ამ მხარდაჭერამდე ვერც კი გავბედეთ  დიდი სამუშაოები და არც მასშტაბური გეგმები გვქონდა. პირველი სესხიც მცირე იყო, გადავწყვიტეთ ჯერ მოგვესინჯა. იმდენად გაამართლა და ბანკთან ურთიერთობა ისე გაგვიადვილდა, რომ კომპანიის განვითარების სხვა ეტაპზე გავედით. თიბისის მხარდაჭერით შევძელით ახალი ნაკვეთების შეძენა და 400 ტონიანი სამაცივრე მეურნეობის მოწყობაც”, - გვიყვებიან “ჭარებულაში”.კომპანიას 4 მუდმივი თანამშრომელი ჰყავს, სეზონურად კი მათი რიცხვი 25-მდე იზრდება. მეურნეობა იძლევა საშუალებას რომ 1000 ტონა მოსავალი მიიღოს.სამომავლო გეგმებში შესაფუთი და ჩასაწყობი მასალის ადგილზე წარმოებაცააა. 

1747304880

16 მაისს ესტუმრეთ Bershka-ის, Stradivarius-ის, Pull and Bear-ის, Aldo-სა და Flormar-ის მაღაზიებს, გადაიხადეთ Student Card-ით და მიიღეთ 30% -იანი ქეშბექი. ჯამურად, ყველა მაღაზიაში მაქსიმუმ 100 ლარის დაბრუნებას შეძლებთ.აქციით სარგებლობისთვის აუცილებელია თანხა საქართველოს ბანკის ტერმინალზე გადაიხადოთ. ინფორმაციისთვის, შეთავაზება არ მოქმედებს სასაჩუქრე ბარათებზე.თუ ჯერ არ გაქვთ სტუდენტის ბარათი, მას ძალიან მარტივად, მობილბანკის დახმარებით შეუკვეთავთ და ციფრულ ბარათს გაიაქტიურებთ, სულ რამდენიმე წამში. ფიზიკური ბარათის მიღებას კი ჩვენს ნებისმიერ ფილიალში შეძლებთ. 

1747304700