თხევადი გაზის არანორმალურად გაძვირდა და ქვეყანაში დეფიციტიც შეიქმნა

„ვიცით, რომ ბოლო ორი-სამი წელია მაღალი ტემპი გვაქვს ზრდის და კონფერენციის თემად შევარჩიეთ სწორედ ეს საკითხი. თუ რა უნდა გავაკეთოთ ამ ტემპის შესანარჩუნებლად, ამ კუთხით საინტერესოა ორივე მხარის მოსმენა, თუ რას ფიქრობს საჯარო და კერძო სექტორი. ამ კუთხით მოსაზრებების ერთმანეთთან გაზიარება ძალიან მნიშვნელოვანი იქნება შემდეგ უკვე იმ სტრატეგიისა და პოლიტიკის ჩამოყალიბებისთვის ინდუსტრიების მიმართულებით, რომელიც უნდა გარდაისახოს ეკონომიკური ზრდის კონკრეტულ ციფრებში“, -აღნიშნა ლევან ვეფხვაძემ.პირველი კონფერენცია 2024 წლის 1-ელ მარტს გაიმართა, რომელშიც საქართველოს პრემიერ-მინისტრი ირაკლი კობახიძე მონაწილეობდა.ლევან ვეფხვაძის შეფასებით, ეს შეხვედრა მნიშვნელოვანი იყო, რადგან პრემიერი იყო ახალი დანიშნული და ბიზნესს შეხვდა.„პრემიერმა გადაწყვიტა საჯარო სივრცეში შეხვედროდა ბიზნესს, გაეხსნა ღონისძიება და მოესმინა ის პრობლემატიკა, რომელიც შესაძლოა ბიზნესს ჰქონდეს. ბიზნესის ინდექსი, რომელსაც ჩვენი ასოციაცია აკეთებს, ბიზნესის კლიმატი, დასაქმების ბარომეტრი, საინვესტიციო კლიმატი და ა.შ. ეს საკმაოდ მნიშვნელოვანია.გამოკითხვას ვატარებთ ჩვენს წევრებში და გაერთიანებულად, აგრეგირებულად, ამ მონაცემებს შემდეგ წარვუდგენთ მთავრობას, ხელისუფლებას, საჯარო სექტორს, ადმინისტრაციულ ორგანოებს“, - განაცხადა ლევან ვეფხვაძემ. მისი თქმით, გამოკითხვა გერმანული (მიუნხენის ინსტიტუტის) მეთოდოლოგიით ხდება, რომელშიც მონაწილეობენ კომპანიის დამფუძნებლები, ხელმძღვანელები.„ძალიან მაღალი დონის წარმომადგენლობაა გამოკითხული და შესაბამისად ამ მოსაზრებების მოსმენა არის ყველასთვის საყურადღებო, საინტერესო და გასათვალისწინებელი. ბიზნესის პირველი შეხვედრა პრემიერთან იყო სწორედ გაცნობითი და ჩვენ დინამიკაში 4 წლის მონაცემები წარვადგინეთ, პრემიერისგან კონკრეტული შეთავაზებებიც მივიღეთ. დიალოგი  მიმდინარეობს,, გრძელდება და არის კონკრეტული საკითხები, რომლებიც ჩვენგან არის შეთავაზებული“, - აღნიშნა ლევან ვეფხვაძემ.საქართველოს ბიზნესასოციაციის ორგანიზებით კონფერენცია „საქართველოს ეკონომიკისა და სწრაფად მზარდი სექტორების პერსპექტივები“ 17 სექტემბერს იმართება, რომელსაც საქართველოს პრემიერ-მინისტრი მთავრობის წევრები და ბიზნესის წარმომადგენლები დაესწრებიან.

1726495151

ლევან ვეფხვაძის შეფასებით, შრომის ბაზარზე არ არის შესაბამისი კადრები, ხოლო მეორეს მხრივ ამ კადრების ნაწილში რესურსი მილევადია.BAG-ის კვლევის შესაბამისად, გამოკითხული კომპანიების 54 სპეციალისტების ნაკლებობაზე, ხოლო 42% სამუშაო ძალის ნაკლებობაზე აცხადებს.„ერთის მხრივ, როცა უმუშევრობა მცირდება კარგია, მაგრამ მეორეს მხრივ ბიზნესი შესაძლოა, გაფართოების ნაწილში წინააღმდეგობას გადააწყდეს და არ დარჩეს კადრები, რომლის გადამზადებაც იქნება შესაძლებელი. საბედნიეროდ, ჯერ არიან ადამიანები, რომელთაც სურთ სხვა პროფესიაში გადაამზადონ. მთავარია, ჩვენ დროულად, კვალიფიციურად შევთავაზოთ ეს პროგრამები. ამაზე ვმუშაობთ განათლების სამინისტროსთან, რათა ეს პროცესი დაჩქარდეს და ბიზნესებს სწრაფად მიეწოდოთ კადრები“, - განაცხადა ლევან ვეფხვაძემ.მისი თქმით, ძალიან მნიშვნელოვანია სასკოლო განათლებაში სწორი წარმოდგენების შექმნა, რადგან სკოლის დასრულების შემდეგ უმეტესობა ირჩევს ბიზნესადმინისტრირებას, იურიდიულ და სამედიცინო ფაკულტეტებს, როცა ისეთი სპეციფიკურ პროგრამებთან მიმართებით უნდა იყოს მოთხოვნა, რომელიც უპასუხებს ბიზნესს.„ჩავთვალოთ, რომ ამ კუთხით ბაზარი ჩაშლილია და მეტი აქტივობაა საჭირო განათლების სამინისტროს მხრიდან, ასევე ჩვენი ყველასი, რადგან ერთ ინსტიტუციაზე პასუხისმგებლობას ვერ ჩამოვკიდებთ, რადგან ეს მენტალური ცვლილების ნაწილია, რათა ისეთი პროფესიები აირჩიონ, რომელიც დღეს დეფიციტურია და შემდეგ ბიზნესს საშუალება ექნება რომ გაფართოვდეს“, - განაცხადა ლევან ვეფხვაძემ.საქართველოს ბიზნეს ასოციაციის ორგანიზებით კონფერენცია „საქართველოს ეკონომიკისა და სწრაფად მზარდი სექტორების პერსპექტივები“ 17 სექტემბერს იმართება, რომელსაც საქართველოს პრემიერ-მინისტრი მთავრობის წევრები და ბიზნესის წარმომადგენლები დაესწრებიან.

1726495018

ფერმა ოდაში ტრადიციული მეურნეობაა, სადაც როგორც ახალი ტექნოლოგიების გამოყენება, ისე მოსავლის რეალიზაციის საერთაშორისო მიდგომების დანერგვა განსაკუთრებით პრიორიტეტულია.„ჩვენ პირველებმა შემოვიტანეთ საქართველოში პროდუქტის გაყიდვის ამერიკული სისტემა (CSA), რომელიც მწარმოებელს მომხმარებელთან აკავშირებს, შედეგად კი იქმნება საზოგადოება, სადაც საერთო ინტერესების მქონე ადამიანები ერთიანდებიან და ადგილობრივ ფერმერს უჭერენ მხარს. ალბათ ეს არის ის მიღწევა, რომლითაც ყველაზე მეტად ვამაყობთ.“სალომე ამბობს, რომ ამ სისტემის დახმარებით ფერმამ ლოიალური და მხარდამჭერი მომხმარებელი შეიძინა.„ისინი თვალს ადევნებენ ჩვენს საქმიანობას და იციან, რომ ბოსტნეული კონკრეტულად მათთვის მოგვყავს. შთაბეჭდილებებს კი სოციალური ქსელის მეშვეობით გვიზიარებენ. მათ მოსწონთ ჯანსაღი გემოები, რომელიც ბაზარზე არსებულ იმპორტულ ბოსტნეულს, სამწუხაროდ, არ ახასიათებს“, - აღნიშნავს სალომე.მისი თქმით, მომხმარებლის უკუკავშირს განსაკუთრებულ მნიშვნელობას ანიჭებენ, რადგან თავს ჯერ კიდევ დამწყებ ფერმერებად მიიჩნევენ, ზოგჯერ შეცდომებსაც უშვებენ და ამ შეცდომებს ისევ და ისევ მომხმარებლების გაზიარებული შეფასებებით ასწორებენ.„ვფიქრობ, ეს მიდგომა ძალიან კარგია და საწინდარია იმისა, რომ მომავალში ყველასთვის უკეთესი პროდუქტი შეიქმნას“.სალომე კალანდაძე ერთ-ერთია იმ მეწარმე ქალებიდან, რომლებმაც საქართველოს ბანკისა და UNDP-ის მეწარმე ქალთა განვითარების პროგრამა გაიარეს. პროგრამა ქალებს 360°-იან მხარდაჭერას სთავაზობს ‒ იდეიდან ბიზნესის წარმატებამდე. სალომემ პროექტის შესახებ სოციალური ქსელის მეშვეობით შეიტყო და როგორც ამბობს, მან თანამოაზრეებთან დააახლოვა.„მოვხვდი მართლაც უნიჭიერეს ადამიანებს შორის, ვინც ცდილობს, ქვეყანაში ღირებული და უნიკალური პროდუქტი შექმნას. სწორედ პროექტში მონაწილე ქალი მეწარმეები არიან ჩემთვის ერთ-ერთი მოტივაციის წყარო. დიდი მადლობა მინდა გადავუხადო მათ გაწეული შრომისთვის. პროგრამაში მონაწილეობამ ნათლად დამანახა ის შესაძლებლობები, რაც რეალურად გვაქვს და მომცა საშუალება, ახლო კონტაქტი დამემყარებინა თანამოაზრეებთან, რაც, მერწმუნეთ, ძალიან დიდი სარგებელი და საჩუქარია. ასევე გავიცანით ძალიან კარგი მენტორები, რომელთა მიერ გაზიარებული გამოცდილება ღირებული გამოდგა ჩემთვის და ყველა იმ ქალისთვის, ვინც პროექტში მონაწილეობას იღებდა“, - ამბობს სალომე.ფერმა ოდაშის დამფუძნებელი აღნიშნავს, რომ რეგიონში მეწარმეობა ქალისთვის გამოწვევებთანაა დაკავშირებული.„თავიდან სერიოზულად არავინ გიყურებს და შესაბამისად, ეს სკეპტიციზმი საქმიანი ურთიერთობების ჩამოყალიბებას ხელს უშლის. ნელ-ნელა დამოკიდებულებები იცვლება, მაგრამ ამას დრო და, ალბათ, მეწარმის ხასიათის სიმტკიცეც სჭირდება. უკან არ უნდა დაიხიო და დასახულ მიზანზე უარი არ უნდა თქვა იმის გამო, რომ ქალი ხარ“.მეწარმე ქალთა მხარდაჭერის პროგრამის მენტორებისგან მიღებული ინფორმაცია სალომეს საკუთარ საქმიანობაში არსებული ხარვეზების აღმოფხვრაში დაეხმარა.„მას შემდეგ ხარვეზების გამოსწორებაზე გადავერთე. როდესაც გამოცდილი ადამიანი გიზიარებს თავის წარმატებასაც და წარუმატებლობასაც, ამით ბევრ რამეს იგებ და ცდილობ, შენც ნაკლებად დაუშვა მსგავსი შეცდომები მომავალში.“ფერმა ოდაშის სამომავლოდ საინტერესო გეგმები აქვს. ახლახან საგრანტო პროგრამაში გაიმარჯვეს, მიღებული თანხით კი ტექნიკის შეძენას აპირებენ, რომლის დახმარებით ბოსტნეულის წარმოების ისეთ მეთოდს დანერგავენ, სადაც ადამიანის ფიზიკური შრომა მინიმუმამდე იქნება დაყვანილი.„აღარ დაგვჭირდება ბრიგადა კულტივაციისა და თესვისთვის. ამ ოპერაციას უკვე ამერიკული თანამედროვე ტექნიკის საშუალებით ჩავატარებთ. რაც შეეხება თანამშრომლებს, მათი დახმარება ისევ დაგვჭირდება, მაგრამ პროდუქტის კრეფა - დაფასოებისთვის, და არა მძიმე სამუშაოს შესასრულებლად. ამ მოწყობილობებით შევძლებთ, ჰექტრობით მიწა დავამუშაოთ და დიდი ოდენობის, მრავალფეროვანი ორგანული ბოსტნეული მოვიყვანოთ.“გრძელვადიან პერსპექტივაში კი დამფუძნებლებს სურთ, აგროტურიზმშიც სცადონ ბედი - ისინი ფერმაში პატარა ოდების დამატებას გეგმავენ, სადაც ტურისტი თუ ადგილობრივი ვიზიტორი დაისვენებს, დაკრეფს ჯანსაღ ბოსტნეულს და სურვილის შემთხვევაში, ბაღის სამუშაოებშიც ჩაერთვება.საქართველოს ბანკის მეწარმე ქალთა განვითარების პროგრამა კი გრძელდება. ამჯერად, პროგრამის მეათე ნაკადის მონაწილეებისთვის ინტენსიური საგანმანათლებლო ვორკშოპები მიმდინარეობს. შეხვედრებზე განიხილება საწარმოს განვითარებისთვის მნიშვნელოვანი საკითხები, როგორებიცაა: გაყიდვები, ციფრული მარკეტინგი, გუნდის მართვა, ფინანსები, კომუნიკაციები და სხვა. პროგრამის მონაწილეებს ამ თემებზე ინფორმაციას შესაბამისი დარგის სპეციალისტები უზიარებენ.პროგრამა ხორციელდება გაეროს განვითარების პროგრამის (UNDP), საქართველოს ბანკი ბიზნესის, შვედეთის მთავრობის ხელშეწყობით. პროგრამის საინფორმაციო-საგანმანათლებლო შეხვედრების პარტნიორია EFSE Entrepreneurship Academy.

1726494789

,,კომერსანტი’’ დაინტერესდა, რა ფაქტორები განაპირობებს ავტობანზე სიჩქარის ლიმიტის დაწესებას. საკითხზე ჩვენ „საქართველოს ალიანსი უსაფრთხო გზებისთვის“ თავმჯდომარეს ვესაუბრეთ. ეკა ლალიაშვილი აცხადებს, რომ სიჩქარის ლიმიტის დადგენის დროს გათვალისწინებულია რამდენიმე ფაქტორი. მათ შორის გზების ინფრასტრუქტურა, ავტოპარკის მდგომარეობა და მძღოლების ქცევა.,,საერთაშორისო პრაქტიკაში საგზაო უსაფრთხოების სტანდარტი ფასდება ვარსკვლავებიანი სისტემით. მაგ: გზები, რომლებიც უსაფრთხოების ყველა პარამეტრს აკმაყოფილებს 5 ვარსკვლავიანი შკალით ფასდება, ისევე როგორც  ავტომობილები, რომლებით ქრაშ ტესტით აკმაყოფილებენ უსაფრთხოების ყველა პარამეტრს.სიჩქარის ლიმიტები გზებზე დგინდება ქვეყანაში არსებული მოცემულობის მიხედვით გადაწყვეტილებები არსებული ვითარებიდან გამომდინარე უნდა მივიღოთ. ექსპერტები ინფრასტრუქტურის შეფასებით განსაზღვრავენ დასაშვები სიჩქარის ლიმიტს. ითვალისწინებენ ავტოპარკის მდგომარეობას. ჩვენ ვერ შევედრებით, მაგალითად გერმანიას და ისეთ ქვეყნებს, რომლებსაც უფრო მეტი ლიმიტი შეიძლება ჰქონდეთმაგისტრალებზე , რადგან მათი სატრანსპორტო საშუალებები უკეთეს მდგომარეობაშია და ინფრასტურქტურა სხვა სტანდარტით არის აწყობილი.’’- აცხადებს ეკა ლალიაშვილი.საგზაო უსაფრთხოების ერთ-ერთ მნიშვნელოვან გამოწვევად მოძველებული ავტოპარკი რჩება. დღეს ქვეყანაში არსებული ავტოსატრანსპორტო საშულებების 50%-ზე მეტი 20 წელს გადაცილებულია. ეკა ლალიაშვილი მიიჩნევს, რომ სიჩქარის ლიმიტის გაზრდა ავტოსაგზაო შემთვევების რაოდენობის მატებისა და მძიმე შედეგების დადგომის რისკებს გაზრდის.,,როდესაც განვიხილავთ საგზაო უსაფრთხოების ნაწილს, უნდა გავითვალისწინოთ არა მარტო გზის ინფრასტრუქტურა ან მხოლოდ ტრანსპორტის მდგომარეობა, არამედ ადამიანის ქცევაც. რამდენად არის მზაოდა საზოგადოებაში, რომ გაიზარდოსლიმიტირებული სიჩქარე. ჩვენს ავტოპარკს თუ გადავხედავთ, 50%-ზე მეტი არის 20 წელს გადაცილებული სატრანსპორტო საშუალება, შესაბამისად მაღალი სიჩქარის ლიმიტები საგზაო უსაფრთხოებას მაღალი რისკის ქვეშ დააყენებს. ამ ეტაპზე საზოგადოების ცნობიერების ასამაღლებლადაც მეტი ღონისძიებაა გასატარებელი, რათა სიჩქარითგამოწვეული საფრთხეები გააზრებული იყოს..’’- აცხადება ეკა ლალიაშვილი ,,კომერსანტთან“ საუბარში.ტექნიკური ინსპექტირების ვალდებულების ამოქმედებამ ქვეყანაში სატრანსპორტო საშუალებებისგამართულობა უნდა უზრუნველყოს, „საქართველოსალიანსი უსაფრთხო გზებისთვის“ თავმჯდომარეს მიმდინარე რეფორმის შეფასება ვთხოვეთ. ეკა ლალიაშვილი აცხადებს, რომ გასულ წელს ამოქმედებულმა საკანონმდებლო ცვლილებებმა დადებითი შედეგები გამოიღო ავტოტრანსპორტის მიმართვიანობის ნაწილში. კერძოდ, ჯარიმების გაზრდის შემდეგ, მძღოლებში ავტომობილების გამართის მოტივაციამ იმატა.,,დაჯარიმების მექანიზმი გაუმჯობესდა. ამ ცვლილების შემდეგ, მძღოლი ვეღარ დადიოდა ტექინსპექტირება გაუვლელი. ფაქტიურად, თუ წლის განმავლობაში მძღოლი რაღაც თანხას იხდიდა და არ გადიოდა ტექნიკურ შემოწმებას. ბევრად ძვირი უჯდებოდა ავტომობილის შეკეთება, ვიდრე ჯარიმის გადახდა.ჯარიმების გაზრდის შემდეგ კი ეს შეიცვალა და მძღოლები დაასტიმულირა, რომ გაემართათ ავტომობილები. შესაბამისად, ინსფექტირების ცენტრებში მიმართვიანობამ მოიმატა. მეორეს მხრივ რჩება გამოწვევად, ის რომ შეიძლება ტექინსპექტირება გაუვლელი ავტომობილები გადაადგილდებოდნენ ისეთ გზებზე, სადაც კამერები არ არის და აღსრულება შესაბამისად არ მიმდინარეობს“- აცხადებს ეკა ლალიაშვილი.საქართველოს ადმინისტრაციულ სამართალდარღვევათა კოდექსში ცვლილებებიძალაში 2023 წლის 3 ივნისიდან შევიდა.ტექინსპექტირების პირველ ჯერზეგაუვლელობის შემდეგ პირს 30 დღიანი ვადაეძლევა, რათა ავტომობილი ტექნიკურადგამართოს. ვადის ამოწურვის შემდეგ, თუ ის არგაივლის ტექინსპექტირებას 150 ლარიანი ჯარიმადაეკისრება. იურიდიულ პირის შემთხვევაში კიჯარიმა 300 ლარია. მეორე შემთხვევაშიფიზიკური პირი 300 ლარამდე, ხოლოიურიდიული პირი 500 ლარამდე ჯარიმასმიიღებს. შემდეგ ჯერზე, კი ჯარიმის ოდენობაფიზიკური პირისთვის 500 ლარია, იურიდიული პირისთვის კი 700.commersant.ge

1726489149

„თიბისის დაზღვევის“ რეიტინგი განპირობებულია სტაბილურად ძლიერი და მზარდი ფინანსური მაჩვენებლებით. კომპანიის კაპიტალი, დღეისთვის, 50 მილიონს აღემატება, 2024 წლის მეორე კვარტალის, გადახდისუნარიანობის მაჩვენებელი კი,  207%-ია , - წერია Fitch Rating-ის მიერ გავრცელებულ ოფიციალურ ანგარიშში.ანგარიშში, ასევე, ვკითხულობთ, რომ რეიტინგის მინიჭების ერთ-ერთი მთავარი ფაქტორი დივერსიფიცირებული პორტფელია, Fitch დადებითად აფასებს, რომ კომპანია მხოლოდ “A” კატეგორიის საერთაშორისო გადამზღვეველებთან პარტნიორობს.„თიბისი დაზღვევა“ ბაზარზე 7 წელია საქმიანობს და, დაარსების პირველივე წლებიდანვე, სადაზღვევო ინდუსტრიაში მოწინავე პოზიციები უჭირავს. დღეის მდგომარეობით, საქართველოში დაზღვევის საცალო ბაზარზე, პირველ ადგილზე ვართ, როგორც ბაზრის წილით, ასევე, მომხმარებლის კმაყოფილებითა და ანაზღაურების ოდენობითაც. დაარსებიდან დღემდე, მომხმარებლებისთვის, 300 მილიონ ლარზე მეტი გვაქვს ანაზღაურებული.„თიბისი დაზღვევა“, ყოველთვის წარმოადგენდა ინოვატორ სადაზღვევო კომპანიას, რომელიც მუდმივად ორიენტირებულია, საუკეთესო საერთაშორისო პრაქტიკაზე დაფუძნებული მიდგომებით, მომხმარებლის გამოცდილების გაუმჯობესებაზე და მათი ყოველდღიური ცხოვრების გამარტივებაზე. - დავით კიღურაძე - გენერალური დირექტორი„თიბისი დაზღვევა“ თიბისი ჯგუფის წევრი სადაზღვევო კომპანიაა, რომელმაც მხოლოდ 2024 წელს, მომხმარებლებზე 53 მილიონ ლარზე მეტი ოდენობის თანხა აანაზღაურა.

1726486241

ევროპის ზოგიერთი ყველაზე ნაყოფიერი სასოფლო-სამეურნეო მიწა ახლა რუსეთის კონტროლის ქვეშაა. ოკუპანტები ნათესებს ან იტაცებენ, ან იაფად ყიდულობენ, ხშირად ძალის გამოყენებით. ბიზნესში ჩართული არიან სახელმწიფო კომპანიები, მათ შორის გაერთიანებული გემთმშენებელი კორპორაცია (USC); კომპანია, რომელიც დაკავშირებულია ირანის ისლამური რევოლუციის გვარდიის კორპუსთან; ყირიმელი ბიზნესმენის, მიხეილ განაგას კომპანია "Agro-frigate", რომელიც ვაჭრობს სირიასა და ისრაელში, წერს The Wall Street Journal გამოძიების შედეგებზე დაყრდნობით.ძნელია შეაფასო ამ ვაჭრობის მასშტაბები, რომელიც ძირითადად შავ ბაზარზე ხორციელდება. მინიმუმ 4 მილიონი ტონა მარცვლეული და სხვა პროდუქტები ოკუპირებული ტერიტორიებიდან ზღვით პირდაპირ საერთაშორისო ბაზრებზე გაიგზავნა, რამაც 800 მილიონი დოლარის შემოსავალი მოიტანა, ამბობს უკრაინის აგრარული პოლიტიკისა და სურსათის მინისტრის მოადგილე, მარკიან დმიტრასევიჩი. ასეთი პროდუქტების მთავარი საექსპორტო პორტი იყო სევასტოპოლი ანექსირებულ ყირიმში, ისინი ასევე ექსპორტირებულია ბერდიანსკიდან და მარიუპოლიდან.წელს რუსეთის ხელისუფლება თავად იტყობინება, რომ წლის პირველ ნახევარში მარიუპოლიდან თურქეთში გაგზავნეს 15 გემი 81 000 ტონა ხორბლით. თურქეთში აკრძალულია გემების მიღება ოკუპირებული ტერიტორიებიდან, ქვეყნის ხელისუფლება თანამშრომლობს კიევთან უკანონო ვაჭრობის წინააღმდეგ ბრძოლაში, განაცხადა თურქეთის საგარეო საქმეთა სამინისტრომ.სამი ხომალდი, რომლებმაც დიდი მოცულობის არალეგალური მარცვლეულის გაიტანეს, აშშ-ის მთავრობის თანახმად, კომპანიების ქსელის მეშვეობით ფლობდა USC-ს (United Shipbuilding Corporation). მაგრამ დიდი მოცულობები ასევე იგზავნება მცირე გემებით ან სახმელეთო გზით რუსეთში, საიდანაც ისინი უკვე იყიდება საერთაშორისო ბაზარზე. უკრაინული გამოცემა Texts-ის თანახმად, რომელიც მონაცემთა შეგროვებითა და გამოკვლევებით არის დაკავებული, რუსეთის მიერ ოკუპირებული ტერიტორიებიდან ექსპორტირებული მარცვლეულის მთლიანმა ღირებულებამ შესაძლოა 6,4 მილიარდ დოლარს მიაღწიოს.ირანელი პოლიტიკოსების თქმით, რუსეთში ბალისტიკური რაკეტების ბოლო მიწოდება მარცვლეულის სანაცვლოდ განხორციელდა, წერს WSJ. თეირანი ყიდულობს ქერს ყირიმიდან ტონას 140 დოლარად, საბაზრო ფასებზე 34%-იანი ფასდაკლებით, განუცხადა გამოცემას კატერინა იარესკომ, კიევში დაფუძნებული არაკომერციული პროექტის SeaKrime-ის ანალიტიკოსმა.Bellingcat-ის საგამოძიებო პროექტმა აღმოაჩინა რამდენიმე გემის გადაადგილება, რომლებიც მიემგზავრებოდნენ სევასტოპოლის მარცვლეულის ტერმინალიდან ირანსა და სირიაში, ასევე იგორ რუდეცკის რამდენიმე ვიზიტი ირანში. ის არის კომპანია Marine Engineering Technopolis Sea Maker-ის გენერალური დირექტორი და ასევე ასოცირდება Aval-თან, რომლის სევასტოპოლის ფილიალი ახორციელებს ოპერაციებს ავლიტას მარცვლეულის ტერმინალში.შარშან რუდეცკიმ სოციალურ ქსელებში ირანული საზღვაო კომპანიის Islamic Republic of Iran Shipping Lines-ის წარმომადგენლებთან შეხვედრის ამსახველი ფოტოები გამოაქვეყნა, რომელიც აშშ-ის სანქციებს ექვემდებარება სამხედროებისთვის იარაღის მიწოდების გამო. მან ასევე მოინახულა სასოფლო-სამეურნეო კომპანია Pars Holding, რომელიც არის ფონდის ნაწილი და რომელსაც აკონტროლებს ირანის უზენაესი ლიდერი ალი ხამენეი. რუდეცკიმ განუცხადა WSJ-ს, რომ მან ეს გააკეთა საერთაშორისო მარკეტინგული კამპანიის ფარგლებში, რომელიც ასევე მოიცავს ჩინეთს, ინდოეთსა და აფრიკას.

1726485519