საქართველოს რკინიგზის გენერალური დირექტორი ოფიციალური ვიზიტით ტაშკენტში იმყოფება

აღსანიშნავია, რომ საქართველოს რკინიგზის გენერალურმა დირექტორმა ხელი მოაწერა დოკუმენტს, რის ფარგლებშიც აღნიშნული ქვეყნები  ასოციაციის ფარგლებში გააღრმავებენ თანმშრომლობას, რაც გააძლიერებს საქართველოს, როგორც სატრანზიტო ქვეყნის როლს, გაზრდის ტვირთნაკადების მოზიდვის პოტენციალს და ხელს შეუწყობს ევროპასა და აზიას შორის სატრანსპორტო დერეფნების განვითარებას.

1770655188

ინფლაცია: ზრდას ძირითადად ადგილობრივი პროდუქციის ფასების ზრდა განაპირობებს2026 წლის იანვარში წლიური ინფლაცია 4.8%-მდე გაიზარდა (დეკემბერში 4.0%), რაც ძირითადად ადგილობრივად წარმოებული საქონლისა და მომსახურების ფასების ზრდის ტემპების დაჩქარებამ განაპირობა. ამავდროულად, იმპორტირებული საქონლის ფასები წლიურად შემცირდა. პროდუქტების დონეზე, კვლავინდებურად, სურსათის და ჯანდაცვის კატეგორიებში ფასების მაღალი ზრდა იწვევს ინფლაციის საერთო დონის ფორმირებას. Galt & Taggart მომდევნო თვეებში ინფლაციის შენელებას მოელის და საშუალო წლიური ინფლაცია 2026 წელს 3.0%-ის დონეზეა მოსალოდნელი.საერთაშორისო რეზერვები: ისტორიული მაქსიმუმი2026 წლის იანვარში ოფიციალური საერთაშორისო რეზერვები წინა თვესთან შედარებით 141 მლნ აშშ დოლარით გაიზარდა და 6.3 მლრდ აშშ დოლარს მიაღწია. როგორც წინა თვეებში, იანვარში რეზერვების ზრდა ძირითადად მონეტარული ოქროს ღირებულების ზრდით და, სავარაუდოდ, სებ-ის სავალუტო შესყიდვებით იყო განპირობებული.ტურიზმის შემოსავლები: პოზიტიური დინამიკა ნარჩუნდებაგალტ & თაგარტის შეფასებით, 2026 წლის იანვარში ტურიზმიდან მიღებული შემოსავლები წლიურად 13.4%-ით გაიზარდა და 325 მლნ აშშ დოლარი შეადგინა. არსებული ტენდენციების გათვალისწინებით, გალტ & თაგარტი 2026 წელს ტურიზმის შემოსავლების 5.0 მლრდ აშშ დოლარამდე ზრდას პროგნოზირებს.ფულადი ბაზარი: მაღალი მოთხოვნა ნარჩუნდება2026 წლის 3 თებერვალს ფინანსთა სამინისტრომ სახაზინო ფასიანი ქაღალდების ორი აუქციონი ჩაატარა. ინვესტორთა მაღალი ინტერესის ფონზე მოთხოვნამ შეთავაზებას მნიშვნელოვნად გადააჭარბა, ხოლო საშუალო შეწონილი საპროცენტო განაკვეთები როგორც გრძელვადიან, ისე მოკლევადიან ინსტრუმენტებზე შემცირდა.გალტ & თაგარტის კვირის ეკონომიკურ მიმოხილვას სრულად გაეცანით აქ.

1770644809

საქართველოს ბანკის საგანმანათლებლო პროგრამების საგაზაფხულო მიღება იწყება:STEM სკოლასაქართველოს ბანკისა და კომაროვის STEM სკოლაში გაზაფხულის სემესტრზე მიღება დაიწყო და 2 მარტამდე გაგრძელდება. რეგისტრაციისთვის ეწვიეთ ვებგვერდს.STEM სკოლა მოსწავლეებისთვის შექმნილი პროექტია, რომლის ფარგლებშიც, მოსწავლეები იღებენ როგორც თეორიულ, ასევე, პრაქტიკულ ცოდნას მეცნიერების, მათემატიკის, ინჟინერიისა და ტექნოლოგიების მიმართულებით. მასში მონაწილეობის მიღება VII-XI კლასის მოსწავლეებს შეუძლიათ. აღსანიშნავია, რომ გაკვეთილები ონლაინ ტარდება, რაც შესაძლებლობას აძლევს მოსწავლეებს საქართველოს ნებისმიერი კუთხიდან ჩაერთონ სასწავლო პროცესში.ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს.ინფორმაციისთვის, STEM სკოლა უკვე 2000-მდე მოსწავლეს აერთიანებს, რომელთაგან 300-ზე მეტი საქართველოს ბანკის სტიპენდიატია. Code ITპროგრამირებით დაინტერესებული მოსწავლეებისთვის, Code IT-ზე მიღება დაიწყო. რეგისტრაციისთვის, ეწვიეთ ბმულს.Code IT საქართველოს ბანკის, ICT-ის ასოციაციის და საქართველოს ინოვაციების და ტექნოლოგიების სააგენტოს (GITA) თანამშრომლობით შექმნილი პროექტია, რომელიც პროგრამირებით დაინტერესებულ 14-18 წლის ახალგაზრდებს შესაძლებლობას აძლევს, საქართველოს 8 ტექნოპარკში – ოზურგეთში, ბათუმში, ზუგდიდში, სენაკში, კასპში, გურჯაანში, თელავში, ახმეტასა და თბილისში (და დამატებით 5 ლოკაციაზე) დაეუფლონ პროგრამირების საფუძვლებს.Code-IT-ის ფარგლებში, ინტერაქციული სწავლების მეთოდით მიმდინარეობს და პროგრამაზე სწავლა სრულად არის დაფინანსებული.  Code IT-ს კურსზე რეგისტრაცია 22 თებერვლის ჩათვლით გაგრძელდება, სწავლა კი 10 მარტს დაიწყება. მონაწილეების შერჩევა მათ მიერ შესრულებული დავალებისა და გასაუბრების შედეგად მოხდება. ევერესტიმოსწავლეებისთვის განათლების კიდევ უფრო მეტი შესაძლებლობის შესაქმნელად, საქართველოს ბანკი საქართველოში ყველაზე მასშტაბური ევერესტის მათემატიკის ოლიმპიადის გენერალური სპონსორია.ევერესტის საგაზაფხულო სეზონზე რეგისტრაცია 23 თებერვალს დაიწყება და 27 მარტამდე გაგრძელდება. პირველი ტური ონლაინ გაიმართება და მასში მონაწილეობის მიღება II, III, IV, V და VI კლასის მოსწავლეებს შეეძლებათ. მეორე ტური კი დასწრებული ფორმატით 28 და 29 მარტს ჩატარდება. რეგისტრაციისთვის და ევერესტის ოლიმპიადის შესახებ დეტალური ინფორმაციისთვის ეწვიეთ ვებგვერდს.ფინანსური განათლების სასერთიფიკატო კურსებიფინანსური განათლების ხელშეწყობის მიზნით, საქართველოს ბანკი პარტნიორებთან ერთად ახალ პროექტს - ფინანსური განათლების სასერტიფიკატო კურსს იწყებს.ფინანსური განათლების სასერტიფიკატო კურსების ფარგლებში, შეხვედრები გაიმართება სამ განსხვავებულ ჯგუფთან: სტუდენტებთან, მასწავლებლებთან და სკოლის მოსწავლეების მშობლებთან. თითოეული კურსი მორგებული იქნება ინდივიდუალური ჯგუფის ინტერესებსა და საჭიროებებზე.  შეხვედრები ჩატარდება როგორც ფიზიკურ, ასევე ონლაინ ფორმატში და მათ მაღალკვალიფიციური ლექტორები გაუძღვებიან.ინიციატივის ფარგლებში, პირველ შეხვედრას ეკონომისტი და ოპერაციების მკვლევარი, ლევან ფავლენიშვილი სტუდენტებთან გამართავს. შეხვედრა 21 თებერვალს, 13:00 საათზე, თამარ ჭოველიძის 7-ში, Lolita-ს მე-3 სართულის სივრცეში ჩატარდება. დასწრების მსურველებმა უნდა გაიარონ რეგისტრაცია ბმულზე. ტრენინგის გავლის შემდეგ მონაწილეებს გადაეცემათ საქართველოს ბანკისა და პარტნიორების სერტიფიკატები.მასწავლებლის ეროვნული ჯილდოსაქართველოს ბანკის მხარდაჭერით და მასწავლებლის ეროვნული ჯილდოს ორგანიზებით, მასწავლებლების კონკურსზე განაცხადების მიღება მარტიდან დაიწყება. პროექტის მიზანი ისეთი პედაგოგების გამოვლენაა, რომლებსაც მნიშვნელოვანი წვლილი შეაქვთ განათლების სფეროში.ამისათვის, ნებისმიერ დაინტერესებულ პირს შესაძლებლობა ექნება, ნომინირება გაუწიოს მასწავლებელს ან თავად წარადგინოს განაცხადი ვებგვერდზე www.tprize.geეს ყველაფერი საქართველოს ბანკის მიერ განხორციელებული პროექტების მხოლოდ ნაწილია. მეტი ინფორმაციის მისაღებად ეწვიეთ ვებგვერდს ganatleba.bog.ge

1770640740

პეტრე წაქაძე, „თეგეტა ჰოლდინგის“ მსუბუქი ავტომობილების მიმართულების მთავარი ოფიცერი: „უკვე ტრადიციად გვექცა, რომ ყოველი მომდევნო წელი რეკორდით დავხუროთ. 2025 წელს „თეგეტა ქარსის“ პარტნიორი რვა ბრენდის 5,000-ზე მეტი ახალი ავტომობილი გავყიდეთ, რაც 2024 წლის მაჩვენებელს დაახლოებით 1,000 ერთეულით აღემატება და კომპანიის ახალი რეკორდია.აღსანიშნავია, რომ 2018-2019 წლებში მთელი საქართველოს ახალი ავტომობილების ბაზარი დაახლოებით ამ ზომის იყო. ახლა კი მსგავსი შედეგის მიღწევა ერთმა კომპანიამ შეძლო, რაც შთამბეჭდავია“.გაყიდვების ზრდასთან ერთად, „თეგეტა ქარსმა“ განსაკუთრებული ყურადღება მომხმარებელთან გრძელვადიანი ურთიერთობის ჩამოყალიბებას დაუთმო. მიდგომა მოიცავს ავტომობილის სრულ სასიცოცხლო ციკლს: „თეგეტა ქარსი“ მომხმარებელს თრეიდ-ინის აქციის ფარგლებში ახალ ავტომობილს სთავაზობს, ხოლო ჩაბარებულ ავტომობილს ხელმეორე რეალიზაციისთვის იყენებს.კომპანია არანაკლებ პრიორიტეტულად მიიჩნევს ახალი მომხმარებლების მოზიდვასაც. „თეგეტა ქარსის“  სერვისით 2025 წელს დამატებით 2,400-მა ახალმა  მომხმარებელმა ისარგებლა, საერთო ჯამში კი, მომსახურება 20,000-მდე ავტომობილმა მიიღო.„უნიკალური მომხმარებლების რაოდენობის ზრდა მდგრადი ბიზნესისთვის კრიტიკულად მნიშვნელოვანია. შეიძლება ბრუნვა გაიზარდოს ინფლაციის ან ერთი და იმავე მომხმარებლის განმეორებითი ვიზიტების ხარჯზე, მაგრამ სწორედ ახალი მომხმარებლების მოზიდვა არის ის, რაც ბიზნესის გრძელვადიან სტაბილურობას ქმნის“,  - აღნიშნავს პეტრე წაქაძე.გასული წელი განსაკუთრებული იყო ლუქსსეგმენტის ათვისების კუთხითაც. „თეგეტა ქარსის“ პორტფელს ორი ლეგენდარული ბრენდი: იტალიური Lamborghini და ბრიტანული Bentley დაემატა. Bentley-სთვის ეს იყო სრული ოპერირების პირველი წელი ქართულ ბაზარზე, რომლის განმავლობაშიც 22 ავტომობილი გაიყიდა. რაც შეეხება Lamborghini-ს, რომელიც ადგილობრივ ბაზარზე 2025 წლის ივნისში გამოჩნდა, ნახევარი წლის განმავლობაში „თეგეტა ქარსმა“ ამ ბრენდის 17 ავტომობილი გაყიდა.პეტრე წაქაძე, „თეგეტა ჰოლდინგის“ მსუბუქი ავტომობილების მიმართულების მთავარი ოფიცერი: „ფანტასტიკური“ - ეს სიტყვა ყველაზე ზუსტად აღწერს Bentley-სა და Lamborghini-ს პირველ წელს ჩვენს პორტფელში. ბრენდების შემოყვანამდე გვქონდა გათვლა, თუ როგორ უნდა დაგვეხურა წელი, თუმცა მიღებულმა შედეგებმა მოლოდინს გადააჭარბა. მიმდინარე წლისთვის მიზანი კიდევ უფრო მაღალი მაჩვენებლების მიღწევაა. გვჯერა, რომ ჩვენი გუნდისა და ბრენდების გლობალური პრაქტიკების სინერგიული მუშაობა მოგვცემს საშუალებას, მომავალში რეკორდულ შედეგებს ამ კუთხითაც მივაღწიოთ“.„თეგეტა ქარსმა“ გასულ წელს პარტნიორობა გააძლიერა ელექტრომობილების სეგმენტში მოწინავე ჩინურ ბრენდებთან: Zeekr-სა და Geely-სთან. მათი გაყიდვები როგორც წლიურ ჭრილში, ისე ყოველთვიურადაც ზრდის ტენდენციით ხასიათდებოდა.გარდა ამისა, გასულ წელს კომპანიამ ბაზარს განსაკუთრებული სიახლე შესთავაზა - ფიქსირებული ნარჩენი ღირებულება ელექტრომობილებზე.„ხშირ შემთხვევაში, ძვირად შეძენილი ელექტრომობილის ღირებულება სამი-ოთხი წლის შემდეგ თითქმის ნულზე ჩამოდის. მომხმარებლებისთვის ეს წუხილი რომ მოგვეხსნა, შევქმენით ფიქსირებული ნარჩენი ღირებულება, რომელიც პირველ წელს 15%-ს უტოლდება, მეორე წელს - 10%-ს და ა.შ.“ - აღნიშნავს „თეგეტა ჰოლდინგის“ მსუბუქი ავტომობილების მიმართულების მთავარი ოფიცერი.2025 წელს „თეგეტა ქარსისთვის“ მნიშვნელოვანი იყო ფლიტმენეჯმენტის სერვისის განვითარება, რომლის ფარგლებშიც კომპანია ბიზნესებს ავტოპარკის მოვლისა და ფლობის სრულ მომსახურებას ფიქსირებული ყოველთვიური გადასახადით სთავაზობს. ეს მათ საშუალებას აძლევს, თავიდან აირიდონ არაპროგნოზირებადი ხარჯები და ფინანსური რესურსი საკუთარი ძირითადი საქმიანობის განვითარებას მოახმარონ.გასული წელი წარმატებული აღმოჩნდა რეგიონული გაფართოების თვალსაზრისითაც. აზერბაიჯანის დედაქალაქ ბაქოში Volvo-ს VRE-კონცეფციის შოურუმი გაიხსნა. პარალელურად, Volvo-ს შოურუმისა და სერვისცენტრის მშენებლობა სომხეთშიც დაიწყო. ამასთან ერთად, კომპანიის აქტიური ინტერესის საგანია უზბეკეთის სწრაფად მზარდი ბაზარიც.„თეგეტა ქარსი“ საერთაშორისო ბაზრებზე გაფართოებას მომდევნო წლების ერთ-ერთ მთავარ სტრატეგიულ მიმართულებად ასახელებს. კომპანია ამ კუთხით არაერთ სიახლეს აანონსებს.--„თეგეტა ჰოლდინგში“ შემავალი კომპანია Tegeta Cars ბაზარზე 2010 წლიდან ოპერირებს და რეგიონში ავტოსფეროს განვითარებაზე ზრუნავს. მსოფლიოს წამყვან ბრენდებთან პარტნიორობით, როგორიცაა Porsche, Bentley, Lamborghini, Mazda, Toyota, Volvo, Geely, Auto Gallery, Europcar, Indian – კომპანია მუდმივად ზრდის ხელმისაწვდომობას უსაფრთხო, კომფორტულ და ეკომეგობრულ ტრანსპორტზე. განახლებული პორტფელით კი მომხმარებელს ავტომობილებისა თუ მოტოტრანსპორტის ყველაზე მრავალფეროვან არჩევანს სთავაზობს. რეგიონში ბრენდების შემოყვანისა და დამკვიდრების გარდა, კომპანია ზრუნავს, მომხმარებელს ყიდვის შემდგომ უმაღლესი ხარისხის მომსახურება გაუწიოს. 16 წელია, „თეგეტა ქარსი“ არ წყვეტს განვითარებას და პროფესიონალი გუნდის დახმარებით საუკეთესო სივრცეს ქმნის ავტომოყვარულებისთვის. 

1770637500

შეხვედრაზე მხარეებმა განიხილეს გადახდების ბაზრის განვითარების მიმდინარე პროცესები, საქართველოს ეროვნული ბანკის მიერ განხორციელებული და დაგეგმილი რეფორმები, ასევე Visa-სთან თანამშრომლობის გაღრმავების შესაძლებლობები.განსაკუთრებული ყურადღება დაეთმო გადახდების სისტემების განვითარებას, ინოვაციური პროექტების განხორციელებასა და მომხმარებელთა დაცვის მექანიზმების გაძლიერებას. ასევე განხილული იყო ოპერაციული უსაფრთხოების საკითხები.საქართველოს ეროვნული ბანკისა და Visa-ს თანამშრომლობა მოიცავს ფინანსური განათლების ინიციატივებს, ინფორმაციის გაცვლას, გადახდების ინფრასტრუქტურის განვითარებასა და ახალი ტექნოლოგიების დანერგვას. არსებული თანამშრომლობა მნიშვნელოვან როლს ასრულებს ქვეყნის გადახდების ეკოსისტემის გაძლიერების პროცესში.შეხვედრის დასასრულს მხარეებმა დაადასტურეს მზადყოფნა, გააგრძელონ თანამშრომლობა გადახდების სისტემების განვითარების, ინოვაციური სერვისების ხელშეწყობისა და ოპერაციული უსაფრთხოების გაძლიერების მიმართულებით.შეხვედრაში ასევე მონაწილეობდნენ საქართველოს ეროვნული ბანკის ვიცე-პრეზიდენტი ეკატერინე გალდავა, Visa-ს უფროსი ვიცე-პრეზიდენტი და CISSEE რეგიონის ჯგუფის ქვეყნების მენეჯერი, ქრისტინა დოროსი და სებ-ის საერთაშორისო და საგადახდო მიმართულებების ხელმძღვანელები - გიორგი ედილაშვილი და ნატალია ჭყოიძე.ინფორმაციას საქართველოს ეროვნული ბანკი ავრცელებს.

1770631417

მათივე ცნობით, 2026 წლის იანვარში წლიური ინფლაცია 4.8%-მდე გაიზარდა, რაც ადგილობრივად წარმოებული საქონლისა და მომსახურების და შერეული საქონლის ფასების წლიური ზრდის ტემპების დაჩქარებამ განაპირობა."იმპორტირებული საქონლის ფასები წლიურად 0.1%-ით შემცირდა, წინა თვის 0.2%-იანი კლების შემდეგ. რაც შეეხება საბაზო ინფლაციას, რომელიც კალათიდან გამორიცხავს სურსათის, ენერგომატარებლების და თამბაქოს ფასებს, 2.1%-მდე გაიზარდა 2026 წლის იანვარში წინა თვის 1.6%-იანი ზრდის შემდეგ.სასაქონლო ჯგუფების მიხედვით, 2026 წლის იანვარში წლიური ინფლაციის ფორმირებაზე მნიშვნელოვანი გავლენა იქონია ფასების ცვლილებამ შემდეგ ჯგუფებში: სურსათი და უალკოჰოლო სასმელები (+10.6% წ/წ, +3.55პპ), ჯანდაცვა (+8.3% წ/წ, +0.68პპ), სასტუმროები და რესტორნები (+8.1% წ/წ, +0.26პპ), ალკოჰოლური სასმელები, თამბაქო (+3.5% წ/წ, +0.23პპ), ტანსაცმელი და ფეხსაცმელი (-1.8% წ/წ, -0.08პპ), დასვენება, გართობა, კულტურა (-2.5% წ/წ, -0.10პპ) და კავშირგაბმულობა (-4.6% წ/წ, -0.15პპ)", - აღნიშნულია მიმოხილვაში 

1770628179