2026 წლის თებერვალში საქართველოში მშენებლობა 2.4%-ით გაძვირდა - "საქსტატი"

კობახიძე - ნამახვანის პროექტთან მიმართებით სახელმწიფო ვერ დადგა ბოლომდ...

მთავრობის მეთაურის თქმით, დღეს სახელმწიფო დგას მოწოდების სიმაღლეზე და ის ხარვეზები, რაც იყო წარსულში, აღარ იქნება დაშვებული მომავალში.„თავის დროზე იყო ბევრი ხარვეზი, ეს ხარვეზები გამოჩნდა, მათ შორის, ნამახვანის პროექტთან მიმართებით. სახელმწიფო ვერ დადგა ბოლომდე მოწოდების სიმაღლეზე, თუმცა, სადაც იყო სისუსტეები, საზოგადოებას ვპირდებით, რომ ის სისუსტეები აღარ იქნება გამოვლენილი. დღეს სახელმწიფო დგას მოწოდების სიმაღლეზე, შესაბამისად, ის ხარვეზები, რაც იყო წარსულში, აღარ იქნება დაშვებული მომავალში. ამას ჩვენ დავაზღვევთ. ჩართულობა არის ძალიან მნიშვნელოვანი და ამისათვის ვართ აბსოლუტურად მზად“, – განაცხადა პრემიერმა.

„ელექტროენერგიის ტარიფის გადახედვა გვაძლევს მილიარდ-ნახევარი ლარის ინვ...

მისი თქმით, ძალიან ბევრი ინფრასტრუქტურული სამუშაო არის განსახორციელებელი, რათა მოქალაქეებს ელექტროენერგია უწყვეტად მიეწოდებოდეთ.„სამინისტროში არის სპეციალისტების გუნდი, კონკრეტულად დარგის სპეციალისტების გუნდი, თუმცა ეს არ არის საკმარისი, უფრო ფართოდ არის გასაშლელი, ბუნებრივია, მსჯელობა და ღირებული იქნება გარე ექსპერტული ჩართულობა. ამას მხოლოდ მივესალმებით, ჩვენი სურვილი და ინტერესია, რომ მაქსიმალურად გაფართოვდეს იმ ადამიანების წრე, რომლებიც ამ გეგმის შემუშავებასა და დამუშავებაში იქნებიან ჩართულები. რაც შეეხება დიდ ჰესებსა და ზოგადად ჰესებს, ეს არის პრობლემის მხოლოდ ერთი, მაგრამ მნიშვნელოვანი ნაწილი. ამიტომ ეს უნდა იყოს, ბუნებრივია, საერთო გეგმის ერთ-ერთი მნიშვნელოვანი შემადგენელი ნაწილი, თუმცა მხედველობის მიღმა არ უნდა დაგვრჩეს არც გეგმის სხვა კომპონენტები.„ენგურჰესი“ არის განსაკუთრებული ზრუნვის საგანი და ამაზე აქტიურად არის სამუშაო. რაც შეეხება წარსულში არსებულ ხარვეზებს, ამაზე ჩვენ ძალიან ღიად ვსაუბრობთ. ბევრი მიმართულებით იყო არასწორი პრაქტიკა ჩამოყალიბებული, რამაც შეაფერხა ქვეყანაში სექტორის განვითარება და თუ ავიღებთ რამდენიმე წლის მონაცემებს, სექტორის განვითარების მაჩვენებლები არ არის სახარბიელო. სწორედ ამიტომ განსაკუთრებული სერიოზულობით მოვეკიდეთ ამ საქმეს და ამიტომ დავიწყეთ ერთ-ერთ პირველ პრიორიტეტად მუშაობა ელექტროენერგიის გეგმის შემუშავებაზე, ისევე როგორც ზოგადად ენერგეტიკის მიმართულებით გეგმის შემუშავებაზე და გვინდა, რომ ყველა მიმართულებით გვქონდეს ძალიან მკაფიო ხედვა, წინასწარ განსაზღვრული მკაფიო ხედვა, რომლის მიხედვითაც, 10 წლის განმავლობაში გაგრძელდება მუშაობა, ეს ეხება როგორც დენს, ისე გაზს და, ასევე, ნავთობის მიმართულებას.რაც შეეხება ხარვეზებს, რომლებიც არის დასახლებებში, ზოგადად ქვეყნის მასშტაბით, ელექტროენერგიის ტარიფის გადახედვა მოგვცემს აქ ვითარების არსებითად გაუმჯობესების შესაძლებლობას, რისი საშუალებაც არ იყო წინა წლებში. ძალიან ბევრი ინფრასტრუქტურული სამუშაო არის განსახორციელებელი იმისათვის, რომ უწყვეტად მიეწოდებოდეთ ადამიანებს, ჩვენს მოქალაქეებს ელექტროენერგია და ტარიფის გადახედვა ჩვენ გვაძლევს მილიარდ-ნახევარი ლარის ინვესტიციის განხორციელების საშუალებას უშუალოდ ხარისხის გაუმჯობესების, ქსელების მოწესრიგების მიმართულებით.ზოგადად, იგეგმება სერიოზული ინვესტიციების განხორციელება მაღალი ძაბვის გადამცემი ხაზების მშენებლობაში, ახალი ხაზების მიმართულებით ჯამური ტრასის სიგრძე, გეგმის თანახმად, იქნება 855 კმ. რაც შეეხება ძველის რეაბილიტაციას, აქ დაგეგმილია 605 კმ პროექტების განხორციელება. ყველა მიმართულებით გვინდა, რომ კონკრეტულ გეგმას გავყვეთ. კომპლექსურია გამოწვევები, რომლებიც გვაქვს და რომლებიც დაგროვდა და ამ კომპლექსურ გამოწვევებს სჭირდება კომპლექსური გეგმით დაპირისპირება. გამოვხატავ მზაობას, რომ ვიმუშაოთ ყველასთან ამ გეგმის შემდგომი დამუშავების პროცესში. „შავ ხვრელებს“ რაც შეეხება, ყველა მიმართულებით არის დანაკარგები, გაზსადენებში, მილსადენებში, ყველა მიმართულებით არის სერიოზული გამოწვევები და ამიტომ გვინდა, გვქონდეს კონკრეტული გეგმა, რომლებიც ყველა ამ გამოწვევას უპასუხებს“, – აღნიშნა პრემიერმა.

რაც გაკეთდა ნამახვანჰესზე თითოეული ჩვენგანის დანაშაულია, მერე გვიკვირს...

მისივე შეფასებით, იმისთვის, რომ ქვეყანაში ელექტროენერგიის იმპორტი შემცირდეს და ჩვენი ელექტროენერგია გვქონდეს საჭიროა ჰესების აშენება, ამისთვის კი მოსახლეობასთან საუბარია საჭირო."ყველა მთავრობის დროს იყო მცდელობა, რომ ხუდონი და სხვა დიდი პროექტები აღდგენილიყო. ვინ არის დამნაშავე?  აქ ძალიან მარტივია ვთქვათ რომ მთავრობაა დამნაშავე, მაგრამ მე ვფიქრობ, რომ ყველა დამნაშავე ვართ, მათ შორის, ინვესტორი, მთავრობა, ადგილობრივი ხელისუფლება, მედია, არასამთავრობო ორგანიზაციები, რომლებიც ადიოდნენ თემში და ეუბნებოდნენ, რომ სადგურის აშენება სიმსივნეს გააჩენს სოფელში. ამას ჩვენ ვხვდებით თითოეულ პროდუქტზე, რომ მოდიან და მოსახლეობას ეუბნებიან აბსოლუტურ სისულელეებს. კომპლექსური პრობლემაა. მე მინახავს ინვესტორი, რომელიც უცხო ენის ლექსიკონით ესაუბრება სოფლის მოსახლეობას და ეს არ შეიძლება. ყველამ უნდა გავითავისოთ, რომ ეს ქვეყანა ყველასია. ხუდონჰესი თუ აშენდება ის დიდ ეფექტს მისცემს საქართველოს. ნამახვანი დასრულებული იქნებოდა და ჩვენ გვექნებოდა ელექტროენერგია და შემცირდებოდა იმპორტი. რაც გაკეთდა ნამახვანჰესზე თითოეული ჩვენგანის დანაშაულია. მერე გვიკვირს რატომ იზრდება ტარიფი. ინვესტორებმა, მშენებლებმა და ყველამ კეთილი ვინებოთ და დავსხდეთ და მოსახლეობას მათთვის გასაგებ ენაზე უნდა ავუხსნათ რა სარგებელია ეს. ჟინვალი და ენგური თავის დროზე როცა აშენდა, იქაც მოხდა გადასახლება და კომპენსაციის გადახდა. ეს გადასახლება კი უნდა იყოს ისეთი, რომ ადამიანი უკეთეს ან იგივე მდგომარეობაზე გადავიდეს. უნდა იყოს გარანტიები, რომელიც კანონის დონეზე იქნება აყვანილი და და უნდობლობა უნდა დავძლიოთ", - აცხადებს გიორგი მირცხულავა. bp.ge

ჩვენი ქვეყნის ეკონომიკის განვითარება წარმოუდგენელია ენერგეტიკის განვით...

მისივე თქმით, დღეს მთავარ გამოწვევად საქართველოს ენერგოდამოუკიდებლობა რჩება."ჩვენი ფონდი უმნიშვნელოვანეს როლს თამაშობს და ენერგეტიკის სფეროში ძალიან ბევრი მნიშვნელოვანი პროექტები გვაქვს განხორციელებული. ამ წუთში ჩვენ 400 მეგავატის ფარგლებში არსებულ პროექტებზე ვმუშაობთ, რომელიც ჯამში 14 პროექტია, მათ შორის, არის მზის, წყლისა და ქარის მიმართულებით. მათი ჯამური ღირებულება ნახევარი მილიარდ დოლარია და ჩვენი ეკონომიკისთვის საკმაოდ კარგი მაჩვენებელი იქნება. საერთაშორისო ინვესტორებისთვის კომფორტულია, როდესაც სახელმწიფოსთან პარტნიორობით ახორციელებენ პროექტს და ჩვენ ამ ფუნქციას ვასრულებთ. სახელმწიფო პრიორიტეტებს განვიხილავთ და ასეთი მჭიდრო თანამშრომლობით ვახორციელებთ პროექტებს. მეტად ვმუშაობთ ჩვენს ხალხთან და ამან ძალიან კარგი შედეგები გამოიღო და ვფიქრობ, ჩვენი პარტნიორებიც უკმაყოფილოები არ არიან. მთავარ გამოწვევად ჩვენი ქვეყნის ენერგოდამოუკიდებლობა რჩება და ამისთვის ინტენსიური მუშაობა მიმდინარეობს. ენერგოუსაფრთხოების გარეშე წარმოუდგენელია ეკონომიკური განვითარება წინსვლა და სხვა ბევრი ენერგეტიკული სიკეთე", - აცხადებს ვლადიმერ ძნელაძე.წყარო: „ბიზნესპარტნიორი“

Reuters - მარტში ევროპაში „გაზპრომის“ ექსპორტი წლიურად 22%-ით გაიზარდა

„იამალ-ევროპისა“ და „ჩრდილოეთის ნაკადის“ მილსადენებით მიწოდების შეჩერებისა და უკრაინის გავლით რუსული გაზის ტრანსპორტირების მარშრუტის 2025 წლის 1 იანვარს დახურვის შემდეგ, „გაზპრომს“ ევროპაში მხოლოდ ერთი მარშრუტი დარჩა - თურქეთის გავლით - წელიწადში 15.75 მილიარდი კუბური მეტრის გამტარუნარიანობით.გაზის გადამცემი სისტემის ოპერატორთა ევროპული ქსელის (ENTSOG) მონაცემებით, 2026 წლის მარტში, ევროპაში რუსული გაზის მიწოდება „თურქული ნაკადის“ მეშვეობით დაახლოებით 55 მილიონ კუბურ მეტრს შეადგენდა დღეში, რაც გასული წლის მარტთან შედარებით 22%-ით მეტია (45.0 მილიონი კუბური მეტრი დღეში) და სტაბილურია მიმდინარე წლის თებერვალთან შედარებით (54.5 მილიონი კუბური მეტრი დღეში). „გაზპრომმა“, რომელიც ადრე თვეში ორჯერ აქვეყნებდა ექსპორტის მონაცემებს, 2023 წლის დასაწყისში შეწყვიტა სტატისტიკის გამოქვეყნება. „გაზპრომმა“ „როიტერის“ კომენტარის მოთხოვნას არ უპასუხა.„როიტერის“ გათვლებით, მარტში „გაზპრომის“ მიერ ევროპაში „თურქული ნაკადის“ მეშვეობით ექსპორტის მთლიანი მოცულობა 1,7 მილიარდ კუბურ მეტრამდე გაიზარდა, წინა წლის 1,4 მილიარდ კუბურ მეტრთან შედარებით.მიმდინარე წლის პირველ სამ თვეში რუსეთიდან ევროპაში გაზის მიწოდება 11%-ით გაიზარდა და დაახლოებით 5 მილიარდ კუბურ მეტრს მიაღწია, წინა წლის 4,5 მილიარდ კუბურ მეტრთან შედარებით. „როიტერის“ გათვლებით, 2025 წელს „გაზპრომის“ მიერ ევროპაში მიწოდებები 44%-ით შემცირდება და დაახლოებით 18 მილიარდ კუბურ მეტრს მიაღწევს, რაც უკრაინის გავლით რუსული გაზის ტრანზიტის შეჩერების გამო 1970-იანი წლების შუა პერიოდის დონეს დაეცემა. 2018-2019 წლებში „გაზპრომის“ ექსპორტის პიკზე, ევროპაში კონცერნის მიერ მიწოდებული გაზი 175-180 მილიარდ კუბურ მეტრს აღემატებოდა, რაც დსთ-ს არაწევრ ქვეყნებში გაზის გაყიდვების 80%-ზე მეტს შეადგენს.