თიბისის მორიგი ჯილდო Global Finance-ისგან

ბანკის ინოვაციური მიდგომა გულისხმობს მომხმარებლისთვის იმ სერვისებზე წვდომის გამარტივებას, რომელთა მიღებაც მანამდე სპეციალისტის ჩართულობას ან ფილიალში ვიზიტს მოითხოვდა. ამის მაგალითია საინვესტიციო ანგარიშის ერთ წუთზე ნაკლებ დროში გახსნის ან ნიუ-იორკის საფონდო ბირჟაზე აქციის 1 დოლარიდან შეძენის შესაძლებლობა. აღსანიშნავია, რომ საქართველოს ბანკმა მომხმარებლებს კრიპტოთი ვაჭრობაც შესთავაზა მობილბანკში, სადაც დღეს 100-მდე სხვადასხვა კრიპტო აქტივია ხელმისაწვდომი.ბანკის მიერ შემუშავებული ხელოვნური ინტელექტის ასისტენტი მომხმარებელთა მომართვების 72%-ს ოპერატორის ჩარევის გარეშე, 91%-იანი კმაყოფილების მაჩვენებლით აგვარებს. ამასთან, „შემდეგი საუკეთესო შეთავაზების“ (Next-Best-Offer) სისტემა 150-ზე მეტ ქცევით ცვლადს აანალიზებს და მომხმარებლებს საკუთარ ინტერესებზე მორეგებულ პროდუქტებს სთავაზობს. საქართველოს ბანკის Ads მენეჯერი  ბიზნესებს 1.9 მილიონ მომხმარებელთან აკავშირებს. ღია API პლატფორმა (api.bog.ge) კი ფინტექ კომპანიებსა და ERP პლატფორმებს ბანკის სერვისების პირდაპირი ინტეგრაციის საშუალებას აძლევს.„ჩვენი მიზანია, მომხმარებლებისთვის ფინანსური სერვისები კიდევ უფრო მარტივი, ხელმისაწვდომი და მათ საჭიროებებზე მორგებული გავხადოთ. Global Finance-ის მიერ ყველაზე ინოვაციურ ციფრულ ბანკად აღიარება სწორედ ამ მიდგომის წარმატებას ადასტურებს. ჩვენ მუდმივად ვქმნით და ვავითარებთ პროდუქტებსა და სერვისებს, რომლებიც მომხმარებლებს ყოველდღიური ფინანსების უფრო მარტივად მართვაში ეხმარება, აძლევს ახალ შესაძლებლობებს და ციფრულ გამოცდილებას უფრო პერსონალიზებულს ხდის. ეს აღიარება ჩვენთვის განსაკუთრებით მნიშვნელოვანია, რადგან კიდევ ერთხელ ადასტურებს, რომ ინოვაცია მხოლოდ ახალი ტექნოლოგიის დანერგვა არ არის - ის მომხმარებლის რეალური საჭიროებების უკეთ გაგებასა და მათთვის პრაქტიკული ღირებულების შექმნას ნიშნავს“, - განაცხადა გიორგი ვახტანგიშვილმა, საქართველოს ბანკის ციფრული საბანკო მომსახურების დეპარტამენტის დირექტორმა.Global Finance-ი მსოფლიოს საუკეთესო ციფრულ ბანკებს უკვე 27-ე წელია ავლენს. გამარჯვებულები ვლინდებიან ისეთი კრიტერიუმებით, როგორებიცაა: ციფრული მომხმარებლების მოზიდვისა და მომსახურების სტრატეგიის სიძლიერე, მომხმარებლების მიერ ციფრული სერვისების გამოყენების მაჩვენებელი, ციფრული მომხმარებლების ზრდა, პროდუქტების მრავალფეროვნება, ვებ/მობილური პლატფორმების დიზაინი და ფუნქციონალი და სხვა. გამარჯვებულებს ტექნოლოგიური და საკონსულტაციო გლობალური ლიდერი კომპანიის, Infosys-ის ექსპერტებისგან შემდგარი ჟიური აფასებს, საბოლოო გადაწყვეტილებას კი Global Finance-ის რედაქტორები იღებენ. გამოცემა 1987 წელს დაარსდა და 193 ქვეყანაში 50,000-ზე მეტ მკითხველს აერთიანებს. იგი რეგულარულად აჯილდოებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.

1787743719

თიბისიმ Global Finance-ის აღნიშნული ჯილდო აიღო ღია ბანკინგის სერვისების მრავალფეროვნებისთვის, სიმარტივისთვის, პარტნიორების რაოდენობისა და გამოყენების მაღალი მაჩვენებლისთვის.„Global Finance-ის მორიგი მნიშვნელოვანისაერთაშორისო აღიარება კიდევ ერთხელადასტურებს, რომ თიბისიში, ინოვაციებისა დატექნოლოგიების გამოყენებით, ფინანსურინდუსტრიაში ახალ სტანდარტებს ვამკვიდრებთ, რომელთა საშუალებითაც ჩვენიმომხმარებლებისთვის ყოველდღიურად ვქმნითმარტივ, სწრაფ და სანდო გამოცდილებას. ღია ბანკინგის სერვისები საშუალებას გვაძლევს, ჩვენი მომხმარებლებისთვის ინოვაციური სერვისები  უფრო მეტად ხელმისაწვდომი გავხადოთ სხვა ფინტექ პლატფორმებზე“ - გიორგი კინწურაშვილი, თიბისის ეკოსისტემის ინოვაციების ლიდერი. Global Finance-ის საუკეთესო ციფრული ბანკებისდაჯილდოება წელს უკვე 27-ედ ჩატარდა. წლებისგანმავლობაში თიბისის ამ დაჯილდოებისფარგლებში სხვადასხვა ნომინაციაში არაერთისაერთაშორისო აღიარება აქვს მიღებული, რაც ბანკისინოვაციურობას, ციფრული სერვისების ხარისხსა დამომხმარებლისთვის საუკეთესო გამოცდილებისშექმნისაკენ მუდმივ სწრაფვას უსვამს ხაზს.

1787738383

მსოფლიო ჩემპიონატისკენ გადამწყვეტ სვლას ოლეკსანდარ ჯიკიჩის მიერ გაწვრთნილი გუნდი უმნიშვნელოვანესი მატჩებით იწყებს: 28 აგვისტო, 19:30 | საქართველო v მონტენეგრო; 31 აგვისტო, 22:00 | პორტუგალია v საქართველო. ოფიციალური მატჩების წინ, ჩვენმა ნაკრებმა ორი მოსამზადებელი სპარინგი ჩაატარა და ორივეში გამარჯვება მოიპოვა. ჯერ იყო დახურული შეხვედრა ლიბანთან, რომელიც სასურველი ანგარიშით, 93:74 დასრულდა, 23 აგვისტოს კი, ნოდარ ჯორჯიკიას სახელობის სპორტის სასახლეში, ქართველმა გულშემატკივარმა ისრაელის წინააღმდეგ შთამბეჭდავი სანახაობა (101:90) იხილა.ისრაელთან შეხვედრაში ერთბაშად ექვსმა ქართველმა კალათბურთელმა გადალახა 10-ქულიანი ბარიერი. საუკეთესო მოთამაშე კი გოგა ბითაძე გახდა - 22 ქულით და 8 მოხსნით. მას მხარი აუბეს თორნიკე შენგელიამ (21 ქულა, 9 მოხსნა, 5 პასი) და სანდრო მამუკელაშვილმა (20 ქულა, 6 მოხსნა, 6 პასი, 3 ჩაჭრა). გამარჯვებაში მნიშვნელოვანი წვლილი შეიტანეს მარკის რიდმა (12 ქულა, 4 პასი), რატი ანდრონიკაშვილმა (12 ქულა) და დუდა სანაძემაც (11 ქულა).ამ ორ მატჩში, ჯიკიჩმა გაფართოებულ შემადგენლობას უხმო. ოფიციალურ მატჩებში კი მის შემადგენლობაში 12 კალათბურთელი იქნება.მსოფლიო ჩემპიონატის მეორე საკვალიფიკაციო ეტაპზე გუნდებს პირველ რაუნდში დაგროვილი ქულები გადმოჰყვა, შედეგად, სატურნირო ცხრილი ასე გამოიყურება: ესპანეთი - 11 ქულა; უკრაინა - 10 ქულა; მონტენეგრო - 10 ქულა; პორტუგალია - 9 ქულა; საბერძნეთი - 9 ქულა; საქართველო - 9 ქულა. მეორე რაუნდში ჩვენი ნაკრები მხოლოდ მონტენეგროსთან, პორტუგალიასთან და საბერძნეთთან გამართავს მატჩებს (შინ და გასვლაზე - სულ 6 შეხვედრა), თუმცა საგზურისთვის ბრძოლაში ქულებით ესპანეთსა და უკრაინასაც ვეპაექრებით. ამ ჯგუფიდან, მსოფლიო ჩემპიონატის საგზურს 3 ნაკრები მოიპოვებს, თანაბარი ქულების დაგროვების შემთხვევაში კი, გადამწყვეტი უპირატესობა ბურთების სხვაობას მიენიჭება.წინ გადამწყვეტი ბრძოლებია - საქართველოს ნაკრები ისტორიის ახალი ფურცლების დასაწერად ემზადება.ერთად ვუგულშემატკივროთ ქართველკალათბურთელებს. საქართველოს ბანკი - საქართველოს ეროვნული საკალათბურთო ნაკრებისგენერალური სპონსორი.

1787736549

შპს "გ.ბ. კონსალტინგი" 2009 წელს დაფუძნდა და ღვინისა და სხვა ალკოჰოლური და უალკოჰოლო სასმელების წარმოების სრული ციკლის დაგეგმვასა და განხორციელებაზე მუშაობს. კომპანია აწარმოებს სხვადასხვა ტიპისა და დანიშნულების უჟანგავი ფოლადის ავზებსა და ღვინის წარმოებისთვის საჭირო თანამედროვე მანქანა-დანადგარებს.„მეღვინეობის სექტორის განვითარებისთვის მნიშვნელოვანია თანამედროვე ტექნოლოგიების დანერგვა და ადგილობრივი წარმოების შესაძლებლობების გაძლიერება. ღვინის წარმოებისთვის საჭირო აღჭურვილობის საქართველოში დამზადება, მეღვინეობის სექტორს თანამედროვე ტექნოლოგიებზე ხელმისაწვდომობას უმარტივებს. მნიშვნელოვანია, ეს მიმართულება კიდევ უფრო განვითარდეს, რათა ქართულ მეღვინეობაში თანამედროვე სტანდარტები და ტექნოლოგიური გადაწყვეტილებები ფართოდ დაინერგოს და ქართული ღვინის კონკურენტუნარიანობა საერთაშორისო ბაზრებზე კიდევ უფრო გაიზარდოს“,- განაცხადა დავით სონღულაშვილმა.შპს „გ.ბ. კონსალტინგი“ რეგიონში ღვინისა და ალკოჰოლური სასმელების წარმოების ტექნოლოგიების სფეროში არაერთი ევროპული მულტინაციონალური კომპანიის წარმომადგენელია. კომპანიის მიერ საქართველოში და მის ფარგლებს გარეთ ათეულობით ღვინის ქარხნის პროექტია განხორციელებული. მისი საქმიანობის ფარგლებში დამზადებულია 100 მილიონ ლიტრზე მეტი მოცულობის უჟანგავი ფოლადის ავზები-ცისტერნები, ასევე დამონტაჟებულია ყურძნის გადამმუშავებელი და ღვინის დასამუშავებელი ევროპული წარმოების მანქანა-დანადგარები და სითხის ჩამოსასხმელი ავტომატური ხაზები.ამჟამად კომპანიაში 37 ადამიანია დასაქმებული. წარმოების პროცესში, სეზონის მიხედვით, 25 კვალიფიციური ტექნიკური პერსონალია ჩართული.გარემოს დაცვისა და სოფლის მეურნეობის მინისტრთან ერთად სოფლის განვითარების სააგენტოს დირექტორიზურაბ გოზალიშვილი და ადგილობრივი ხელისუფლების წარმომადგენლები იმყოფებოდნენ.

1787735862

შპს „გარდაბნის მეცხოველეობა“ ორ ფერმას ფლობს. სოფელ სართიჭალაში მდებარე ფერმა მეხორცული მიმართულებისაა, ხოლო სოფელ ლემშვენიერაში არსებული მეურნეობა სანაშენე მიმართულებით საქმიანობს.„მნიშვნელოვანია, ქვეყანაში გაიზარდოს თანამედროვე სტანდარტების შესაბამისი ფერმების რაოდენობა და გაძლიერდეს როგორც სანაშენე, ისე მეხორცული და მერძეული მიმართულებები. სწორედ ამიტომ, ახალ აგროთანადაფინანსების პროგრამაში მეცხოველეობის მიმართულებას განსაკუთრებული ყურადღება ეთმობა და გათვალისწინებულია კონკრეტული მექანიზმები ფერმების განვითარებისა და წარმოების გაფართოებისთვის. ჩვენი ამოცანაა, ხელი შევუწყოთ ადგილობრივი წარმოების ზრდას, პროდუქტიულობის გაუმჯობესებას და კონკურენტუნარიანი მეცხოველეობის სექტორის ჩამოყალიბებას“, - განაცხადა დავით სონღულაშვილმა.ფერმების მოწყობისა და საქმიანობის განვითარების მიზნით, კომპანიამ 2024-2026 წლებში რამდენჯერმე ისარგებლა პროექტით „შეღავათიანი აგროკრედიტი“. პროგრამის ფარგლებში მიღებულმა ფინანსურმა მხარდაჭერამ კომპანიის საწარმოო შესაძლებლობების გაფართოებას შეუწყო ხელი.პროექტის „შეღავათიანი აგროკრედიტი“ ფარგლებში, 2012-2026 წლებში, საქართველოს მასშტაბით, მესაქონლეობის განვითარების მიზნობრიობით, კომერციული ბანკების მიერ 709.5 მლნ ლარის ღირებულების სესხებია გაცემული, ხოლო სოფლის განვითარების სააგენტოს თანადაფინანსებამ 156.3 მლნ ლარი შეადგინა. მათ შორის, ქვემო ქართლის რეგიონში გაცემულია 138.3 მლნ ლარის ღირებულების სესხები, სოფლის განვითარების სააგენტოს თანადაფინანსებამ კი 31.8 მლნ ლარი შეადგინა.სოფლის განვითარების სააგენტო მესაქონლეობის დარგის მხარდაჭერას მიმდინარე წლის 1 ივლისიდან „აგროთანადაფინანსების სახელმწიფო პროგრამის“ ფარგლებში აგრძელებს. პროგრამა მიზნად ისახავს აგროსექტორში წარმოების განვითარებასა და კონკურენტუნარიანი პროდუქციის შექმნის ხელშეწყობას.მეცხოველეობის ფერმაში მინისტრთან ერთად სოფლის განვითარების სააგენტოს დირექტორი ზურაბ გოზალიშვილი, სურსათის ეროვნული სააგენტოს უფროსი გიორგი იაკობაშვილი და ადგილობრივი ხელისუფლების წარმომადგენლები იმყოფებოდნენ.

1787735749

მინისტრმა გენადი კერძევაძეს ახალ თანამდებობაზე დანიშვნა მიულოცა და მომავალ საქმიანობაში წარმატება უსურვა.„დღეს სააგენტოს წინაშე ახალი გამოწვევები დგას, რაც ახალ შემართებასა და ენერგიას მოითხოვს. გენადი კერძევაძე სამინისტროს სისტემაში დიდი ხანია მუშაობს, აქვს მრავალწლიანი გამოცდილება და კარგად იცნობს სამინისტროს გუნდსა და მის საქმიანობას. დარწმუნებული ვარ, მისი პროფესიონალიზმი, ენერგია და საქმისადმი პასუხისმგებლიანი დამოკიდებულება სააგენტოს წინაშე არსებული ამოცანების ეფექტიანად შესრულებას და ახალი მიზნების მიღწევას შეუწყობს ხელს. ჩვენი ამოცანაა, სააგენტოს წინაშე არსებული გამოწვევები და დასახული მიზნები მაქსიმალურად მოკლე ვადებში შესრულდეს. ამისთვის მნიშვნელოვანია ძლიერი გუნდი და თითოეული თანამშრომლის აქტიური ჩართულობა“, - განაცხადა დავით სონღულაშვილმა.გენადი კერძევაძე პროფესიით იურისტ-ეკონომისტია. მას საჯარო და კერძო სექტორში მუშაობის მრავალწლიანი გამოცდილება აქვს. სხვადასხვა დროს იკავებდა ხელმძღვანელ პოზიციებს საქართველოს სოფლის მეურნეობის სამინისტროში, საქართველოს ტრანსპორტის სამინისტროში, საქართველოს პარლამენტში და სხვა ორგანიზაციებში.2017-2026 წლებში გენადი კერძევაძე შპს „საქართველოს მელიორაციაში“ სხვადასხვა ხელმძღვანელ პოზიციაზე მუშაობდა, მათ შორის, გენერალური დირექტორის მოადგილის, კორპორაციული და ადმინისტრაციული დირექტორის თანამდებობებზე. ბოლო პერიოდში იგი სსიპ სოფლის მეურნეობის სახელმწიფო ლაბორატორიის დირექტორის მოადგილის პოზიციას იკავებდა.გენადი კერძევაძემ მინისტრს გამოცხადებული ნდობისთვის მადლობა გადაუხადა და აღნიშნა, რომ სააგენტოს გუნდთან ერთად აქტიურად გააგრძელებს დასახული მიზნებისა და მნიშვნელოვანი პროექტების განხორციელებას.სსიპ მიწის მდგრადი მართვისა და მიწათსარგებლობის მონიტორინგის ეროვნული სააგენტო ახორციელებს სასოფლო-სამეურნეო დანიშნულების მიწის რესურსების აღრიცხვასა და მიწათსარგებლობის სახელმწიფო მონიტორინგს, მონაწილეობს მიწის მდგრადი მართვის, ნიადაგის დაცვისა და ნაყოფიერების გაუმჯობესების, ასევე ქარსაფარი ზოლებისა და საძოვრების მართვის მიმართულებით სახელმწიფო პროგრამების განხორციელებაში.

1787735509