სასმელი წყლისა და ლიმონათის საწარმოში კრიტიკული შეუსაბამობები გამოვლინდა

თუ აქამდე მობაილბანკიდან სხვა ქართულ ბანკში თანხის გადარიცხვა მხოლოდ ლარში იყო შესაძლებელი, ახლა უკვე უცხოურ ვალუტაშიც შეძლებ თანხის გადარიცხვას ანგარიშის ნომრის (IBAN) გამოყენებით. აქამდე, უცხოურ ვალუტაში მსგავსი გადარიცხვის განხორციელება მხოლოდ ფილიალში ან პირადი ბანკირის დახმარებით იყო შესაძლებელი. ახლა, ყველაფერს რამდენიმე წუთში, მობაილბანკის "სხვასთან გადარიცხვის" ფუნქციონალით შეძლებ. კიდევ უფრო მარტივი გახდა სწრაფი სამომხმარებლო სესხის გაფორმება. ხელშეკრულების დადასტურებას უკვე შეძლებ არა მხოლოდ ერთჯერადი კოდით, არამედ Face ID-ის ან თითის ანაბეჭდის გამოყენებითაც.ბიომეტრიული ავთენტიფიკაცია საშუალებას გაძლევს: ხელშეკრულება დაადასტურო კოდის შეყვანის გარეშე; ისარგებლო უსაფრთხოების დამატებითი დონით; პროცესი უფრო სწრაფად და კომფორტულად დაასრულო; სესხის გაფორმება რამდენიმე წამში დაასრულო. თუ Concept 360-ის ნაკრების გამომწერი ხარ და არასდროს გქონია Travel Card-ი, სამოგზაურო ბარათის შეკვეთას უკვე პირდაპირ აპლიკაციიდან შეძლებ.შეთავაზებას პროდუქტების აქტივაციის გვერდზე, ბარათებისა და ანგარიშების ჩანართში ნახავ. ბარათის შესაკვეთად ფილიალში მისვლა ან ბანკირთან დაკავშირება აღარ დაგჭირდება - განაცხადს დისტანციურად შეავსებ; ბარათს კი, სასურველ მისამართზე საფოსტო მომსახურებით მიიღებ და მის ყველა ბენეფიტსაც მარტივად გამოიყენებ.მობაილბანკს მუდმივად ემატება ფუნქციონალები, რომლებიც შენს ყოველდღიურობას ამარტივებს. ფინანსების მართვა, საბანკო პროდუქტებით სარგებლობა თუ ახალი სერვისების მიღება - ყველაფერი ერთ სივრცეში გხვდება, სწრაფად, უსაფრთხოდ და მაშინ, როცა გჭირდება - TBC Internet Banking.

1786527785

წიგნში გამოქვეყნებული თავი, From Stability Guardians to Innovation Architects: The Transformation of Monetary Authorities in the Digital Age, მომზადებულია ოქსფორდის უნივერსიტეტის მკვლევრების - კამილა ნიგმატულინას, კიიონგ შინისა და პინარ ოზქანის მიერ.კვლევა მიმოიხილავს, როგორ იცვლება ცენტრალური ბანკების როლი ციფრული ფინანსების განვითარებასთან ერთად. საქართველოს ეროვნული ბანკი ნაშრომში წარმოდგენილია სამ საერთაშორისო ქეისს შორის, ყაზახეთის ეროვნულ ბანკსა და ჰონგ-კონგის მონეტარულ ორგანოსთან ერთად.საქართველოსადმი მიძღვნილ ნაწილში განხილულია ეროვნული ბანკის ფინტექ სტრატეგია, საქართველოს როლი შუა დერეფანში და ტოკენიზებული დეპოზიტების ინიციატივა.ავტორები აღნიშნავენ, რომ ეროვნული ბანკის ფინტექ სტრატეგია ემსახურება თანამედროვე ფინანსური ინფრასტრუქტურის განვითარებას, პასუხისმგებლიანი ინოვაციისა და კონკურენციის ხელშეწყობას, ტრანსსასაზღვრო თანამშრომლობას და საქართველოს რეგიონულ ფინტექ ჰაბად ჩამოყალიბებას.პუბლიკაციაში ასევე წარმოდგენილია ტოკენიზებული დეპოზიტებისა და სადეპოზიტო სერტიფიკატების პროექტი, რომელიც ფინანსურ ინსტიტუტებს საშუალებას აძლევს, ახალი პროდუქტები რეგულირების ლაბორატორიის კონტროლირებად გარემოში გამოსცადონ.საერთაშორისო აკადემიურ გამოცემაში საქართველოს ეროვნული ბანკის გამოცდილების ცალკე ქეისად წარმოდგენა მნიშვნელოვანი მიღწევაა. ეს ზრდის საქართველოს ფინტექ ეკოსისტემის საერთაშორისო ხილვადობას და წარმოაჩენს ქვეყანას ცენტრალური ბანკების ციფრული ტრანსფორმაციის გლობალური დისკუსიის აქტიურ მონაწილედ.

1786527597

მეურნეობაში ერთწლოვანი კულტურები მოჰყავთ და წარმადობა თვეში 20 ტონას აღწევს. პროდუქცია ადგილობრივ ბაზარზე რეალიზდება. მეურნეობაში 10-15 ადამიანია დასაქმებული.„სასათბურე მეურნეობების განვითარება ჩვენი აგრარული პოლიტიკის ერთ-ერთი მნიშვნელოვანი მიმართულებაა. წარმოებაში დანერგილი თანამედროვე ტექნოლოგიები ფერმერს აძლევს შესაძლებლობას, პროდუქტი არა მხოლოდ სეზონზე, არამედ მთელი წლის განმავლობაში აწარმოოს. ჩვენი მიზანია, რაც შეიძლება მეტი ქართული პროდუქტის შექმნას დავუჭიროთ მხარი, რათა შევამციროთ იმპორტზე დამოკიდებულება“, - განაცხადა დავით სონღულაშვილმა.რამინ ნაგიევი სოფლის განვითარების სააგენტოს ბენეფიციარია. 2025 წელს მან პროექტით „ქართული ბოსტნეული სათბურიდან“ ისარგებლა. სესხის ოდენობამ 250 000 ლარი, ხოლო სააგენტოს თანადაფინანსებამ 125 000 ლარი შეადგინა. დაფინანსება ერთწლოვანი კულტურების წარმოებასა და სასათბურე მეურნეობის შექმნა-განვითარებას მოხმარდა. ბენეფიციარმა სასათბურე მეურნეობის მოწყობის მიზნით 2021 წელს ასევე ისარგებლა შეღავათიანი აგროკრედიტით.პროგრამას „ქართული ბოსტნეული სათბურებიდან“, რომელსაც სოფლის განვითარების სააგენტო 2024 წლიდან ახორციელებს, 355 ბენეფიციარი ჰყავს. 55 ჰექტარ ფართობზე სასათბურე მეურნეობის შექმნისთვის კომერციული ბანკების მიერ გაცემულია დაახლოებით 45 მლნ ლარი.გარემოს დაცვისა და სოფლის მეურნეობის მინისტრთან ერთად სასათბურე მეურნეობაში მინისტრის მოადგილე ლაშა ავალიანი, სოფლის განვითარების სააგენტოს დირექტორი ზურაბ გოზალიშვილი, მცხეთის მუნიციპალიტეტის მერი გოგი აბუაშვილი და მცხეთის მუნიციპალიტეტის საკრებულოს თავმჯდომარე გიორგი ელოშვილი იმყოფებოდნენ.

1786527479

შეხვედრის ფარგლებში გადასახადის გადამხდელებს  შესაძლებლობა ჰქონდათ გაცნობოდნენ ისეთ  საკითხებს, როგორიცაა: მიკრო ბიზნესის, ფიქსირებული გადასახდის გადამხდელის დამცირე ბიზნესის სტატუსის მქონე პირების სპეციალური დაბეგვრის რეჟიმები; სტატუსის მინიჭება /გაუქმება; საგადასახადო შეღავათები და ვალდებულებები; გადასახადის გადამხდელის საინფორმაციო ბარათის შევსება; სტატუსის შერჩევის კალკულატორი; საგადასახადო დეკლარაციის წარდგენის წესი და პირობები; საგადასახადო ვალდებულებები დაბეგვრის რეჟიმის ცვლილებისას; აღნიშნულ შეხვედრას 90 გადასახადის გადამხდელი ესწრებოდა. მათ შესაძლებლობა ჰქონდათ  დღის წესრიგით გათვალისწინებულ  საკითხებთან დაკავშირებით, ამომწურავი ინფორმაცია და განმარტებები მიეღოთ. მიზნობრივ ჯგუფებთან საკონსულტაციო ხასიათის შეხვედრების პროგრამის მიზანია გადასახადის გადამხდელებთან მუდმივ კომუნიკაცია, რაც მომავალშიც აქტიურად გაგრძელდება.

1786525570

ტოკიოს აოიამას ფერმერულ მარკეტში (Aoyama Farmers’ Market), სპეციალურად მოწყობილ სივრცეში, სტუმრებს ქართული ღვინისა და სამზარეულოს გაცნობისა და დაგემოვნების შესაძლებლობა ჰქონდათ. ღონისძიების ფარგლებში წარმოდგენილი იყო 20-მდე ქართული ღვინო, ასევე, სტუმრებმა დააგემოვნეს ქართული სამზარეულოს კერძები.აოიამას ფერმერული მარკეტი ტოკიოს ერთ-ერთიგამორჩეული ფერმერული ბაზარია, რომელიც მაღალიხარისხის პროდუქციაზეა ორიენტირებული. მას ღვინის მომხმარებლებთან ერთად HoReCa სექტორისწარმომადგენლები და შეფ-მზარეულებიც სტუმრობენ.ქართული ღვინისა და სამზარეულოს წარდგენის მიზანს იაპონელი მომხმარებლისთვის ქართული ღვინის, ვაზის მრავალფეროვნებისა და მეღვინეობის 8000-წლიანი ისტორიის გაცნობა წარმოადგენდა.იაპონია ქართული ღვინის ერთ-ერთი სტრატეგიული საექსპორტო ბაზარია, სადაც მაღალი ხარისხის პროდუქციასა და ავთენტურ, განსხვავებულ გემოებზე მოთხოვნა მზარდია. იაპონიის ბაზარზე ქართულიღვინის პოპულარიზაციის ღონისძიებები ხელს უწყობს ქართული ღვინის ცნობადობისა და საექსპორტო პოტენციალის ზრდას, ასევე, საერთაშორისო ბაზარზემისი კონკურენტუნარიანობის გაძლიერებას.

1786525427

მას შემდეგ, რაც 2019 წელს ინვესტორმა „აკადემიის“ 70%-იანი წილი 29,3 მილიონ ლარად შეიძენა (ეს თანხა სრულად და ერთიანად აესახათ ანგარიშებზე ნათია ჯანაშიას და მის ქმარს), შეთანხმების საფუძველზე, ნათია ჯანაშია 5 წლის ვადით ინარჩუნებდა დირექტორის პოზიციას, ხოლო მისი ქმარი, დავით ცეცხლაძე, მმართველ რგოლში საქმიანობდა და უშუალოდ ხელმძღვანელობდა ლისის კამპუსების მშენებლობის პროცესს. ამ პერიოდის განმავლობაში, მინორიტარმა აქციონერებმა (30%) მხოლოდ ოფიციალური შრომითი გასამრჯელოს სახით რეკორდული ფინანსური სარგებელი მიიღეს - წლიურად 1 მილიონი ლარი, რაც 5 წლის მანძილზე ჯამში 5 მილიონ ლარს შეადგენდა. - ეს იმდენად უტყუარი ფაქტებია, რომ ნათია ჯანაშიას მხარესაც კი არასოდეს გაუპროტესტებია, - აღნიშნავენ აფბაში.„მაჟორიტარი აქციონერის მხრიდან ნათია ჯანაშიასა და მისი ქმრისთვის განსაზღვრული ეს უპრეცედენტო ანაზღაურება, ლოგიკურად, კომპანიის ჯანსაღი მართვისა და ნებისმიერი სახის გადაცდომის თუ კანონდარღვევის გამორიცხვის გარანტი უნდა ყოფილიყო. მაგრამ განვითარებულმა მოვლენებმა საპირისპირო რეალობა აჩვენა - კომპანიაში უმძიმესი ფინანსური დარღვები გამოვლინდა. - „დიდი ოთხეულის“ წევრი ავტორიტეტული საერთაშორისო აუდიტორული კომპანიის დასკვნით დადასტურდა, რომ ნათია ჯანაშიას დირექტორობის პერიოდში აკადემიიდან თაღლითური სქემებით 4 მილიონი დოლარის ოდენობის თანხაა მითვისებული. სწორედ ამ ფაქტებზე მიმდინარეობს გამოძიება ფინანსთა სამინისტროს საგამოძიებო სამსახურში (საქმე #092060925001)“, - აზუსტებენ ორგანიზაციაში.„გარდა ამისა, ძალიან მნიშვნელოვანია გამოვლენილი ის გარემოება, რომ უფლებამოსილებისა და შრომითი ხელშეკრულების ამოწურვის მიუხედავად, 2024 წლის ივნისიდან 2025 წლის იანვრამდე ჯანაშია და მისი ქმარი მაინც ურიცხავდნენ საკუთარ თავს კოლოსალურ ხელფასებს. ამ გზით, მათ სალაროდან უნებართვოდ გაიტანეს არც მეტი, არც ნაკლები - 666 666 ლარი. კიდევ სხვა ეპიზოდია, რომ  2019-2025 წლებში, მათ აკადემიის, ანუ მოსწავლეთა ფინანსები, საკუთარ კეთილდღეობას მოახმარეს. კერძოდ, - აფინანსებდნენ პირად მოგზაურობებს, შვილებისა და მშობლების დაზღვევას, ნათესავების სწავლას და სხვა პირადი ხარჯებს, რამაც დაწესებულებას ჯამში 2 მილიონ ლარამდე ზიანი მიაყენა“, - განმარტავენ აფბაში.ანალიტიკოსების თქმით, დატაცების სქემები შეეხო უძრავ ქონებასაც: „როგორც ირკვევა, ჯანაშიას ქმარმა სკოლის ბიუჯეტით საკუთარი ფართები გაარემონტა და შემდგომში აკადემიის უცხოელ მასწავლებლებს ესფართები არარეალურად მაღალ ფასად მიაქირავეს. ფულს, ცხადია, „აკადემია“ იხდიდა... ამ სქემის შედეგად, ჯამში 345 ათას ლარზე მეტმა მოიყარა თავი ცოლ-ქმარის ანგარიშებზე.გამოვლენილი ამ ფაქტების საპასუხოდ, ნათია ჯანაშიას მხარეს,  დღემდე, არცერთი ოფიციალური საბუღალტრო ან ფინანსური მტკიცებულება არ გაუსაჯაროებია. მათ კუთვნილ ფეისბუქ გვერდებზე განთავსებულ ტექსტებში, გაუჩინარებულ ათეულ მილიონობით ლარს ისინი „სკოლაში განხორციელებულ ინვესტიციად“ ასაღებენ, თუმცა ამის დასადასტურებლად, მხოლოდ ArchiCAD-ში და ისიც ხარვეზებით შექმნილ ვიდეორენდერებს სთავაზობენ საზოგადოებას“, - აღნიშნავენ აფბაში.„სწორედ ზემოთ აღწერილი რეალობიდან გამომდინარეობს ის შიშები, რაც ნათია ჯანაშიას მხარის ნარატივში სულ უფრი მკაფიოდ იგრძნობა - მათ უკვე ნათლად ესმით, რომ ადრე თუ გვიან, მოუწევთ მკაფიო განმარტების გაკეთება, თუ როგორ გაფლანგეს 4 მილიონი დოლარი და კომპანიის კუთვნილი კიდევ სხვა სახსრები და როგორ აპირებენ „აკადემიისთვის“ მიყენებული ამ ზიანის ანაზღაურებას“, - მიაჩნიათ აფბას ანალიტიკოსებს.

1786523430