გაზეთ „ბანკები და ფინანსების“ ვერსია ეფუძნება ამა თუ იმ პიროვნების, ან ადამიანთა ჯგუფის საქმიანობის ზეგავლენას საქართველოსა და მსოფლიოში მომხდარ მოვლენებზე, მიუხედავად იმისა, დადებითი იყო ეს გავლენა, თუ უარყოფითი.წლის ადამიანად (წლის ადამიანებად) დასახელებისას, გამოცემის მიერ მთავარ კრიტერიუმად განსაზღვრულია, რომ დასახელებულს უნდა ჰქონდეს შესრულებული განსაკუთრებული როლი საქართველოში ან/და საქართველოსთან მიმართებით მსოფლიოში მიმდინარე პროცესებში, გასული წლის მანძილზე მომხდარ და დაფიქსირებულ მოვლენებში. ხაზი ესმება, რომ ეს ზეგავლენა და ამა თუ იმ პიროვნების აღნიშნული როლი, შესაძლოა, იყოს როგორც დადებითი, ისე უარყოფითი.ერთადერთი სიახლე, რაც გამოსაკითხ პირებს შესთავაზა საორგანიზაციო ჯგუფმა, ის იყო, რომ ამჯერად განსაკუთრებით, თუ მიზანშეწონილად ჩათვლიდნენ,  ლაურეატებს შორის წარმოეჩინათ ახალგაზრდები, თავისი ხანგრძლივი ცხოვრებისეული გზის დასაწყისში მყოფი წარმატებული პიროვნებები.ტრადიციულად, გამოკითხვის შედეგები ქვეყნდება გაზეთის საახალწლო ნომერში.გაზეთ „ბანკები და ფინანსების“ სოციოლოგიურმა ჯგუფმა შეაჯამა გამოკითხვის შედეგები. ლაურეატები, წლის პირველი სამი ადამიანი დასახელებულნი არიან გამოკითხვისას მიღებული ქულების შესაბამისად. მომდევნო საუკეთესო ათეულის სიას კი გთავაზობთ გვარის ანბანის რიგის მიხედვით.1999 წლიდან მოყოლებული, წლის ადამიანებად „ბანკები და ფინანსების“ გამოკითხვის შედეგად, აღიარებული იყვნენ: ნინო ანანიაშილი ედუარდ შევარდნაძე გიორგი კანდელაკი ილია II მიხეილ სააკაშვილი ზურაბ ჟვანია გიგა ბოკერია ბიძინა ივანიშვილი თბილისში 2015 წლის 13 ივნისის სტიქიით მიყენებული ზარალის სალიკვიდაციო სამუშაოების მონაწილე მოხალისეები ლაშა ტალახაძე სალომე ზურაბიშვილი ვაჟა გაფრინდაშვილი გიორგი ჩაფიჩაძე და კოვიდთან მებრძოლი ქართველი ექიმები მიხეილ ლომთაძე ხვიჩა კვარაცხელია დონალდ ტრამპი გთავაზობთ გაზეთ „ბანკები და ფინანსების“ წლევანდელი გამოკითხვის პირველ სამეულსა და კიდევ თორმეტ ლაურეატს. სამეული დასახელებულია მიღებული ქულების რიგის მიხედვით, ხოლო თორმეტი სხვა ლაურეატი გვარის ანბანური რიგის მიხედვით.„ბანკები და ფინანსების“ 2025 წლის ადამიანი გახდა თელავის ერეკლე II-ის სახელობის საჯარო სკოლის მოსწავლე ერეკლე ბეჟუაშვილი.ერეკლე ბეჟუაშვილითელაველი მოსწავლეა, რომელმაც უკვე ორი წიგნის გამოცემა შეძლო. ერთი ესაა „ტიბეტური საგანძური“ და სულ ახლახანს, „ვარსკვლავქვეშეთში“. პირველი წიგნისთვის ერეკლეს პრესტიჟული, შემოქმედთა კონკურსის „ქუჯის ლაურეატობა“ მიენიჭა. ერეკლე ესაუბრება როგორც თანატოლების, მოწაფეებისა და სტუდენტების, ისე მოზრდილთა და მოწიფულთა აუდიტორიას. წარუდგენს მათ თავის წიგნებს. სულ ახლახანს ლექსების გამოქვეყნება დაიწყო. ასაკისთვის შეუფერებლად გონიერი და დინჯია. მისი ხედვები სამშობლოს დასტრიალებს თავს და ვფიქრობთ მომავალში ქვეყანას სწორედ ერეკლესნაირი ახალგაზრდები უწინამძღვრებენ. ღმერთმა ქნას!ნიკა კუბლაშვილიმოსწავლე, ლაგოდეხის მუნიციპალიტეტიდან, რომელმაც სოციალურ ქსელში გამოჩენისთანავე მიიპყრო ყურადღება. მისმა ნამღერმა ხალხს დიდი ჰამლეტ გონაშვილი მოაგონა. სულ მალე ის უაღრესად პოპულარული გახდა. კონკურსში „საქართველოს ხმა“ დაიწუნეს, მაღალი და დაბალი ტონალობები არ იყოო საკმარისი და აბა როგორ შეგაფასოთო. ამის მერე, სულ მალე ჩეხეთიდან გამარჯვებული დაბრუნდა. მღერის, როგორც თავად თქვა, ხალხურსაც და ესტრადასაც. არ აქვს სპეციალური სამუსიკო განათლება, რაც სასურველი და გამოსწორებადია. თუმცა ხალხურების ვირტუოზ შემსრულებლებს განა ჰქონდათ სპეციალური განათლება?! მთავარია, რომ ის „ქართული ხმაა“ და დიდი მომავალი ელის.მატილდა გვარლიანიქართული შარმი და ფრანგული მომხიბვლელობა, ანცი ღიმილი და ჯადოსნური გრაცია პოდიუმზე. სვანური და უშბას ტოლი სიმაღლე, უმშვენიერეს ფერიებს შორის აღმატებული, იმ ფერიებს შორის ათეული მილიონებიდან რომ არის არჩეული. ახლახანს პრესტიჟულმა გამოცემამ, მსოფლიოში „ქუჩის მოდის“ საუკეთესო მოდელად აღიარა.მზია ამაღლობელიჟურნალისტი, რომელიც სასჯელს იხდის მრწამსისთვის, პრინციპულობისთვის, თავისი იდეალების ერთგულებისთვის. კანონი დაარღვია თუ არა? რა თქმა უნდა! ეს გააკეთა შეგნებულად, თავის თანამოაზრეებისთვის, მათ გასამხნევებლად, ხელისუფლებისთვის ზიანის მისაყენებლად. მან ეს შეძლო. დამსახურებულად მიანიჭეს სახაროვის სახელობის პრემია. უმრავლესობა ეთანხმება, რომ საქართველოს ადგილი ცივილიზებულ ერთა შორისაა. ასევე მიიჩნევს დღევანდელი ხელისუფლება, სასამართლოს გადაწყვეტილება ფორმალურად სწორია და მიუხედავად ამისა, ეს არის მოქალაქეობრივი სიმამაცის მაგალითი.მარტინ გიუმჯიანისომეხი ახალგაზრდა ერევნიდან, სტუდენტი, იცის ქართული და უყვარს საქართველო. ფრუნზიკ მკრტჩიანის შემდეგ, სომხებსა და ქართველებს შორის ძმობა - მეგობრობის განმტკიცებაში იმდენი წონადი წვლილი არავის შეუტანია, როგორც გიუმჯიანს. ჩვენ მოძმე ერები ვართ და თავი ერთმანეთზე უკეთესი გვგონია, ვეჯიბრებით კიდეც ერთმანეთს და ამას არაფერი სჯობს. ხანდახან იქეთ-აქეთ გვეშლება ხოლმე, გვიყვარს მითები და ლეგენდები, ერთმანეთთან მიმართებაში წვლილის გაზვიადება. ცოტანი არიან ამ ბოლოს ვინც ურთიერთ ძმობას და სიყვარულს ქადაგებს. ამ მხრივ მარტინ გიუმჯიანი სამაგალითო მოვლენაა.ბიძინა ივანიშვილისაქართველოში დღესაც ის მართავს პროცესებს. ვითარება ისეთია, როგორიც მას სურს. ორ დიდ იმპერიას ერთად ეთამაშება. ეს ცეცხლთან თამაშია. ახალ გიგანტებს ზვერავს - ჩინეთი, ინდოეთი, არაბები... ფიქრობს საქართველოს სასიკეთოდ მათ გამოყენებაზე. აქვს ლეგიტიმური უფლება უნდოდეს თავისი დაყადაღებული აუარების დაბრუნება, რომლებიც საქართველოს უნდა მოახმაროს. ამაში ეჭვი არავის ეპარება, როგორც იმაში, რომ მას უყვარს საქართველო და უნდა, რაც შეიძლება მეტი სიკეთე გაუკეთოს მას. თუმცა, რამდენად აღმოჩნდება ჩვენი ეროვნული ინტერესების შესატყვისი ავტორიტარული ელემენტების მომძლავრება და ფაქტობრივი ერთმმართველობა, ამას მომავალი გვიჩვენებს.ხვიჩა კვარაცხელიათუ ასე ითამაშა, ყოველ წელს იქნება ქვეყნის ერთ-ერთი უღირსეულესი ადამიანთაგანი. 60-იანებში და 70-იანებში ვინმეს რომ ეთქვა 2025-ში მსოფლიოს 10 ან გნებავთ 20 ფეხბურთელს შორის ქართველი იქნებაო, სასაცილოდ არავის ეყოფოდა. ზღაპარია, რასაც ხვიჩა აკეთებს. ჩვენ გვყოლია მსოფლიო დონის ვარსკვლავები - ბორის პაიჭაძე, ავთანდილ ღოღობერიძე, მიხეილ მესხი, სლავა მეტრეველი, ვლადიმერ გუცაევი, ვიტალი დარასელია, დავით ყიფიანი, რამაზ შენგელია, შოთა არველაძე, გიორგი ქინქლაძე, კახა კალაძე... თუმცა ამ დონის აღიარება მათთან სხვადასხვა მიზეზის გამო არ მოსულა.ირაკლი კობახიძეპრინციპული, თანმიმდევრული, ევროპულად და მრავალმხრივ განსწავლული, შეუპოვარი და თავის თავში დაჯერებული. ბიძინა ივანიშვილის აღმოჩენა პრემიერის პოსტზე, კანდიდატის შერჩევისას ოთხი წარუმატებელი მცდელობის შემდეგ. პარტიის თავმჯდომარის მიერ მიცემულ და შემოზღუდულ სივრცეში იბრძვის, ჯერ-ჯერობით წარმატებით. ადვილი არ იყო პარლამენტის თავმჯდომარეობიდან გადადგომის შემდეგ პოლიტიკური რეაბილიტაცია და რენომეს შენარჩუნება. მან ეს შეძლო. ჯერ-ჯერობით!ეთერ ლიპარტელიანიპირველი მსოფლიო ჩემპიონი ქალი ძიუდოში. მომხიბვლელი, პრინციპული, მებრძოლი, მიზანსწრაფული და კეთილშობილი.ვახტანგ ლოლუა18 წლის მსოფლიო ჩემპიონი, დიდებული და ამ ქვეყნიდან უდროოდ წასული ნუგზარ წურწუმიას თანამებრძოლი, იმავე მხარიდან, სამეგრელოდან. მებრძოლი და თავდადებული. დიდი გზა დაიწყო 2025-ში, ჩემპიონობის მოპოვების შემდეგ პირველი დედას დაურეკა და მისი ცრემლები ამქვეყნიურ ყველა გასაჭირს და ბოროტებას გადასძალავს.შაბან მამედოვინამდვილი ღირსეული შვილი თავისი ერის და ქვეყნის. ის აზერბაიჯანელიცაა და ქართველიც, თავისი ერიც უყვარს და საქართველოც. ბევრ ქართველ მომღერალზე უკეთ მღერის ქართულად, ქართული ინტონაციით და შთაგონებით. პიროვნულად კი ბედისადმი დაუმორჩილებლობის თვალსაჩინო მაგალითია. უდაოდ ღირსეულია გასული წლის ლაურეატებს შორის.დონალდ ტრამპი რევოლუცია გრძელდება. ყველაფერი იცვლება.  ამერიკას დომინირება ისევ სურს, ოღონდ არა ლიბერალური დემოკრატიის მეშვეობით. ცდება, ვინც ფიქრობს, რომ ტრამპი გლობალიზმს ებრძვის. არც ის არის სწორი, ვინც მიიჩნევს, რომ ტრამპი დიფ სთეითის ნაწილია. ის ნაწილი არ არის, ის დიფ სთეითის შინაარსის განმსაზღვრელებს შორის იყო, არის და იქნება. უნდა გავიაზროთ, რომ ტრამპი ყველაფერს, რაც აქამდე უცილობლად მიიჩნეოდა, ეჭვქვეშ აყენებს, მათ შორის დიფსთეითის, როგორც აღმოჩნდა მცდარ, უნიადაგო და მარცხიან პრაქტიკას ქვეყნის შიგნით და მსოფლიოში.ირაკლი ყანდაშვილიადვოკატთა ასოციაციის ახალი თავმჯდომარე. დემოკრატიული პროცედურები ლამის აღარ არის ბევრის განმსაზღვრელი ჩვენს გარშემო, ამდენად ფასეულია ადვოკატთა ასოციაციის თავმჯდომარის ორსაფეხურიანი არჩევნები, როცა ყველა ხმა დათვლილ იქნა და გაკონტროლდა. მეორე ტურში კენჭისყრაზე ისეთი წევრებიც მივიდნენ ასოციაციის, რომლებიც საჯაროდ კარგა ხანია არ გამოჩენილან. და მთავარი, ოპონენტმა მეტოქის გამარჯვება აღიარა და მიულოცა. დღეს ასეთი რამ ჩვენს ქვეყანაში იშვიათად ხდება.სი ძინპინიჩინური სასწაულის ერთერთი შემოქმედი. ორმოცდაათი წლის წინ სიღატაკეში მცხოვრები ჩინეთის, ბეღურების ხოცვით გატაცებული, აქაოდა მარცვლებს ჭამენო, ტექნოლოგიური სასწაულების ქვეყნად გარდამქმნელი. მსოფლიოში მეორე ეკონომიკის ერთ-ერთი შემქნელი, იმ ექსპერიმენტის შედეგებს იმკის, რომელიც შემაშფოთებელია ცივილიზებული მსოფლიოსთვის. მან დემოკრატიის გარეშე, ერთპარტიული მმართველობის პირობებში - პრინციპზე დაყრდნობით, ერთი ქვეყანა - ორი სისტემა, იაფი მუშახელის ფაქტორის ეფექტური გამოყენებით, სტერეოტიპური წარმოდგენები დაამსხვრია. აქამდე უეჭველად მიიჩნეოდა, რომ კეთილდღეობა და ძლიერება მხოლოდ დემოკრატიის მეშვეობით მიიღწეოდა.ხელოვნური ინტელექტიავტორიტეტულმა TIME-მა წლის ადამიანად ხელოვნური ინტელექტის შექმნაში წონადი წვლილის შემტანები აღიარა (ცუკერბერგი, მასკი, ალტმანი და ა.შ.), ჩვენ მივიჩნევთ რომ მათი შემოქმედების ნაყოფი თავად არის წლის ლაურეატი საქართველოშიც. ის კარდინალურად, უმოკლეს დროში, შეცვლის ყველაფერს, როგორც ქვის იარაღი, ცეცხლი, ბრინჯაო, რკინა... ყურადღებით მოვეკიდოთ!

1767092926

ამის შესახებ ინფორმაციას საქართველოს რკინიგზა ავრცელებს.კერძოდ, თბილისი–ბათუმის მიმართულებით მოძრავი მატარებელი (#812) თბილისიდან დაიძვრება 03:00 საათზე, 01:40-ის ნაცვლად, ხოლო 31 დეკემბერს დილით ბათუმი–თბილისის მიმართულებით მოძრავი მატარებელი (#803) გამოვა 10:00 საათზე, 08:00-ის ნაცვლად.

1767090000

მაღაზიის შექმნის იდეა ერთ ადამიანს არ ეკუთვნის  და ის საჭიროებიდან გამომდინარე დაიბადა. სოციალური საწარმოების ალიანსის გუნდმა დაინახა, რომ აუცილებელი იყო ფიზიკური სივრცის არსებობა, რომელიც  მსგავს პროდუქტებს გააერთიანებდა, მისცემდა ხილვადობას და რაც მთავარია მომხმარებლის უკუკავშირს.სოციალურ საწარმოებს მათი საქმიანობის მცირე მასშტაბიდან გამომდინარე ხშირად  არც საკუთარი მაღაზია აქვთ და არც ადგილი, სადაც მომხმარებელთან პირდაპირი კონტაქტი შედგება. განსაკუთრებით რთულია ეს რეგიონებში მოქმედი საწარმოებისთვის, სადაც პროდუქტის თბილისამდე ჩატანა და რეალიზაცია დამატებით ბარიერებს ქმნის. „ესკიმ“ ეს პრობლემა გადაჭრა. ამ სივრცეში მოსული მომხმარებელი მხოლოდ ნივთს არ ყიდულობს. ის ერთვება პროცესში, სადაც  გააზრებულ არჩევანს  დიდი მნიშვნელობა აქვს. თითოეული შენაძენით შენ შეგიძლია წაახალისო  მწვანე ინიციატივები,გააძლიერო ქალები და შშმ პირები, კულტურული მემკვიდრეობის შენარჩუნებასაც კი შეუწყო ხელი. არც ერთი ზემოთ ჩამოთვლილი მისია, გადაჭარბებული სულაც არაა, რადგან “ესკი” თავს უყრის 30-მდე სოციალური საწარმოს 650-ზე მეტი დასახელების ნივთს.„გულწრფელად მჯერა, რომ სამყაროში ინდივიდუალურ ქცევას დიდი გავლენა აქვს და დადებით ცვლილებამდე მივყავართ. ჩვენს გარემოში არსებობენ ადამიანები, რომელთაც მეტი მხარდაჭერა სჭირდებათ.  სულ მახსოვს ერთი ქალბატონის პასუხი, როდესაც სოციალური საწარმოს სიკეთესა და გავლენაზე ვკითხე: ამ საქმიანობამ, ლაპარაკი ხელახლა მასწავლაო“- გვიყვება „ესკის“ ხელმძღვანელი  სალომე კუსიანი.სოციალური საწარმოებისთვის პროდუქტის შექმნის პროცესი ხშირად უფრო რთულია, ვიდრე ტრადიციული ბიზნესისთვის. მაგალითად,  როდესაც საწარმო შშმ პირებს ასაქმებს, წარმოების პროცესს სხვა დრო, სხვა მიდგომა და მეტი რესურსი სჭირდება. შეიძლება თანამშრომელს მეხსიერების პრობლემა ჰქონდეს და ერთი და იმავე დავალების ახსნა რამდენჯერმე გახდეს საჭირო. ბიზნესის ლოგიკით ეს ნელი პროცესია, მაგრამ სოციალური მეწარმეობის მიზანი სხვაა:  ადამიანმა იგრძნოს, რომ ის საზოგადოების ღირსეული წევრია და თავადაც შეუძლია რაღაც შექმნას.“ამას ემატება ხელით დამზადებული პროდუქტის სპეციფიკაც: დრო, შრომა და ხარისხი ავტომატურად აისახება ფასზე. ვისაც ერთხელ მაინც ჰქონია შეხება კერამიკასთან ან  თავად შეუქმნია ნივთი საკუთარი ხელით, მარტივად ხვდება, რატომ ვერ იქნება ასეთი პროდუქტი მასწარმოებაზე იაფი. სწორედ ამიტომ ვსაუბრობთ გააზრებული შენაძენის მნიშვნელობაზე”- გვიხსნის სალომე და აღნიშნავს, რომ ხშირად ადამიანებს იზიდავთ არა მხოლოდ პროდუქტი, არამედ ის ამბავიც, რაც მის უკან დგას.მიუხედავად ამისა, ბალანსის დაცვა შესაძლებელია  სოციალურად პასუხისმგებლიანი ინდივიდებისა და კომპანიების წყალობით. ჯერ კიდევ არსებობენ ადამიანები, რომლებიც მზად არიან არჩევანი გააკეთონ არა მხოლოდ ფასის, არამედ ღირებულების მიხედვით. სწორედ ამ არჩევანზე დგას სოციალური საწარმოების სიცოცხლისუნარიანობა.თიბისი ბიზნესდაჯილდოების  ფინალისტობაც ამ გზის გაგრძელებაა.„განაცხადის შევსებისას ვფიქრობდი, რომ თუ ფინალისტები გავხდებოდით, ეს ნიშნავდა რომ სწორ გზაზე ვდგავართ და წარმატების უნდა გვჯეროდეს. ზუსტად ეს იყო ჩანაფიქრი, როდესაც აპლიკაციის გაგზავნას დავაჭირე ხელი. ჩვენთვის ისიც აღიარებაა, რომ პირველი ადგილი სოციალურმა კაფე მზიურიმ დაიკავა. როდესაც შენს მცირე საქმიანობას, ასეთი დიდი დაჯილდოება აფასებს, ნამდვილად არის მოტივაცია, საქმიანობა გააგრძელო“, - ამბობს სალომე.„ესკის“ გამოცდილებამ კიდევ ერთი მნიშვნელოვანი რამ აჩვენა. საქართველოში წარმოებულ პროდუქტთან დაკავშირებული სტერეოტიპები ნელ-ნელა იმსხვრევა. მომხმარებლებს ხშირად უკვირთ, რომ მაღალი ხარისხის ხის სათამაშოები თუ კერამიკული ნივთები ნამდვილად აქ, საქართველოშია შექმნილი. ეს გაოცება სიამაყედ იქცევა, როცა ადამიანები ბრუნდებიან, კოლექციებს აგროვებენ, უცხოელ მეგობრებს ჩუქნიან ქართულ სოციალურ პროდუქტებს. ეს ნიშნავს, რომ სივრცეს აქვს მიზიდულობის ძალა  არა მხოლოდ როგორც მაღაზიას, არამედ როგორც იდეას.  ამ პროცესში ჩართვა და  ნივთების შეძენა კი ონლაინაც შეგიძლიათ https://eski.ge/

1767086160

ახალი პლატფორმის მიზანია, ბიზნესის დაწყების პროცესი უფრო სტრუქტურირებული და ინფორმირებული გახდეს, შედეგად, ბიზნეს იდეა რეალურ, ხელშესახებ საქმიანობად იქცეს.პლატფორმა შემდეგ ძირითად მიმართულებებს აერთიანებს: ბიზნესის გზამკვლევი რა არის სტარტაპი? როგორ დავაგენერიროთ ბიზნეს იდეა? ბიზნესის რეგისტრაცია დაფინანსების მოძიება ბიზნეს გეგმის დაწერა ბრენდის გზამკვლევი პლატფორმაზე საინფორმაციო მასალები შექმნილია მარტივი, პრაქტიკული ფორმით, რაც მომხმარებლებს შესაძლებლობას აძლევს, გაიგონ, თუ რა მეთოდები და გზებია საჭირო კონკურენტუნარიანი ბიზნესის შესაქმნელად.„საქართველოს ბანკი არაერთი წელია, ბიზნესისთვის საგანმანათლებლო ინიციატივებს აქტიურად ავითარებს.  ახალი პლატფორმაც ამ ეკოსისტემის ლოგიკური გაგრძელებაა, რომელიც ცოდნასა და პრაქტიკას ერთმანეთთან აკავშირებს და პოტენციურ მეწარმეებს რეალური გამოცდილებისთვის ამზადებს. პლატფორმა „სანამ ბიზნესს დაიწყებთ“ ეხმარება ადამიანებს, გააანალიზონ საკუთარი იდეა, შეაფასონ რისკები და გაცნობიერებული გადაწყვეტილება მიიღონ. ჩვენი მიზანია, ხელი შევუწყოთ საქართველოში მდგრად მეწარმეობას და გავაძლიეროთ ბიზნეს ეკოსისტემა ჯერ კიდევ იდეის ფორმირების ეტაპზე”, - აცხადებენ საქართველოს ბანკში.გაიგეთ მეტი პლატფორმის შესახებ საქართველოს ბანკის ვებგვერდიდან.

1767085800

აღნიშნული სანქცია (ფულადი ჯარიმა) მოიცავს საქართველოს ეროვნული ბანკის პრეზიდენტის 2020 წლის 13 მარტის №44/04 ბრძანებით დამტკიცებული „ფიზიკური პირის დაკრედიტების შესახებ“ დებულების მე-5 მუხლის მე-6 პუნქტის მოთხოვნის დარღვევის ფაქტებს.

1767079361

დაჯილდოების ცერემონიალზე მოხდა საქართველოს 20 მუნიციპალიტეტის: ონის, წალკის, ხარაგაულის, გორის, კასპის, წეროვნის, ხაშურის, თბილისის, გურჯაანის, სიღნაღის, დედოფლისწყაროს, ლაგოდეხის, ბაღდათის, ფოთის, ბათუმის, საგარეჯოს, ჩოხატაურის, ჩხოროწყუს,  თელავისა და სამტრედიის ყველაზე  წარმატებული მოდებატეებისთვის საგანგებო თასების გადაცემა და პროექტის აქტიური მონაწილეების სერტიფიცირება. ღონისძიებას, მასწავლებლებსა და მოსწავლეებთან ერთად, დაესწრონ საქართველოს განათლების, მეცნიერებისა და ახალგაზრდობის სამინისტროსა და ახალგაზრდობის სააგენტოს, ასევე პროექტში ჩართული მუნიციპალიტეტების მერიების, განათლების რესურსცენტრების წარმომადგენლები, ასევე სკოლების დირექტორები და ადგილობრივი თემის წევრები, ჯამში 300-ზე მეტი სტუმარი.პროექტის პირველ ეტაპზე მოხდა მონაწილეების შერჩევა რამდენიმეეტაპიანი შესარჩევი კონკურსის გზით, 700-ზე მეტი აპლიკანტიდან შეირჩა 20 მუნიციპალიტეტში 15 მონაწილე.  შემდეგ კი შერჩეულ ჯგუფებთან დაიწყო ინტენსიური ტრენინგების ციკლი სამიზნე მუნიციპალიტეტებში. პროექტის მეორე ეტაპზე ტრენინგის მონაწილეები დებატების რეგიონულ ჩემპიონატში ჩაერთნენ, რასაც 1000-ზე მეტი პირი დაესწრო ყველა რეგიონიდან. საბოლოოდ ყველაზე წარმატებული მოდებატეები ეროვნულ ჩემპიონატზე მოხვდნენ.პროექტში სრულიად უსასყიდლოდ ჩართულები იყვნენ 14-დან 29 წლამდე ახალგაზრდები. ის მიზნად ისახავდა ახალგაზრდებში ისეთი უნარების განვითარებას, როგორიცაა: კონსტრუქციული მსჯელობა, არგუმენტაცია, მასალების მოძიება, ორატორობა, გუნდურობა, დროის მართვა, ოპონენტის პატივისცემა და სხვა.პროექტი დაფინანსებულია ახალგაზრდობის სააგენტოს მიერ 2025 წლის საგრანტო კონკურსის “ახალგაზრდული ორგანიზაციების გაძლიერება” ფარგლებში.

1767015491