საარჩევნო ადმინისტრაციამ ხანდაზმულთა საერთაშორისო დღე სხვადასხვა აქტივობით აღნიშნა

ლაშა აბაშიძის თქმით, არის მოლოდინი, რომ მიმდინარე წელს გადაზიდვების რეკორდული მაჩვენებელი იქნება.„უკვე გაქვს ისეთი მონაცემები, რომელიც ბოლო 15 წლის განმავლობაში ყველაზე მაღალია. სწორედ ამიტომ საქართველოს რკინიგზაში მნიშვნელოვანი ინვესტიციები ხორციელდება. დაგეგმილი გვაქვს, არსებითად გავაუმჯობესოთ რკინიგზის მოძრავი შემადგენლობა - მიმდინარეობს სალოკომოტივო და სავაგონო პარკის სრული განახლება“, - განაცხადა საქართველოს რკინიგზის გენერალურმა დირექტორმა.რაც შეეხება ანაკლიის ღრმაწყლოვან პორტთან დამაკავშირებელ სარკინიგზო ხაზს, ლაშა აბაშიძის თქმით, მის მშენებლობაზე ტენდერი მიმდინარე წელს გამოცხადდება.„ახალი საპორტო სიმძლავრეები და, კონკრეტულად, ანაკლიის პორტი შუა დერეფნისთვის გარდამტეხი მნიშვნელობის იქნება - ეს არის ტვირთების გადამუშავების და ზღვაზე გატანის დამატებითი რესურსი. როგორც კვლევები აჩვენებს, შუა დერეფანში, მომავალ წლებში იქნება ტვირთების 2-ჯერ და 3-ჯერ მეტი ზრდა. შესაბამისად ახალი საპორტო ინფრასტრუქტურა უზრუნველყოფს იმას, რომ ამ ტვირთების გატარების მოხდეს. ამიტომაც ანაკლიის ღრმაწყლოვანი პორტი არამხოლოდ საქართველოსთვის, ზოგადად შუა დერეფნისთვის არის მნიშვნელოვანი და კრიტიკული მთელი ცენტრალური აზიის ქვეყნებისთვის. ვმუშაობთ მსოფლიო ბანკთან ერთად, რომ მიმდინარე წელს გამოვაცხადოთ ტენდერი და ანაკლიის ღრმაწყლოვან პორტამდე მისასვლელი რკინიგზის მშენებლობა დავიწყოთ. ეს იქნება სრულიად ახალი სარკინიგზო ინფრასტრუქტურა. ჩვენ ვაშენებთ ახალ სადგურებს და ახალ სარკინიგზო ინფრასტრუქტურას“, - განაცხადა ლაშა აბაშიძემ.

1790867033

„შეგახსენებთ, რომ აღნიშნული ქონების გადასახადის დეკლარირების ვადა მიმდინარე წლის 2 ნოემბრის ჩათვლით (ვინაიდან 1-ელი ნოემბერი არასამუშაო დღეა) არის შესაძლებელი. ამასთან გაცნობებთ, რომ ფიზიკური პირებისთვის ქონების გადასახადის შეღავათის ზღვარი 40 ათასი ლარიდან 100 ათას ლარამდე გაიზარდა, რაც ნიშნავს, რომ დაახლოებით 81 ათასი ოჯახი, რომელთა წლიური შემოსავალი 100 ათას ლარს არ აღემატება, ქონების გადასახადს (გარდა მიწისა) აღარ გადაიხდის.აღსანიშნავია ის მნიშვნელოვანი გარემოება, რომ იმ ფიზიკურ პირებს, რომელთა ოჯახის მიერ მიღებული შემოსავალი 2025 წლის განმავლობაში არ აღემატებოდა 100 000 ლარს დასაბეგრ ქონებაზე (გარდა მიწისა) საგადასახადო ორგანოში დეკლარირების/შესაბამისად ქონების გადასახადის გადახდის ვალდებულება აღარ წარმოეშობათ. ამასთან, საგადასახადო ცვლილებიდან გამომდინარე, ფიზიკურ პირს უფლება აქვს 2026 წელს აღარ წარმოადგინოს ე.წ. „ნულოვანი დეკლარაცია“ (გარდა მიწისა) თუ მისი და მისი ოჯახის მიერ მიღებული შემოსავალი წინა საანგარიშო წლის მიხედვით 40 000-დან 100 000 ლარამდე იყო.გთხოვთ გაითვალისწინოთ, თუ თქვენი და თქვენი ოჯახის წევრების შემოსავალი გასული 2025 წლის მიხედვით აღემატებოდა 100 000 ლარს და თქვენ ან თქვენი ოჯახის წევრები საქართველოს ტერიტორიაზე ფლობთ დასაბეგრ ქონებას, ან შემოსავლის ოდენობის მიუხედავად თქვენ ან თქვენს ოჯახის წევრ(ებ)ს გაქვთ დასაბეგრი მიწა, წარმოგეშვებათ ფიზიკური პირის ქონების გადასახადის წლიური დეკლარაციის წარდგენის/შესაბამისად გადახდის ვალდებულება.აქვე დამატებით განვმარტავთ, რომ თუ ფიზიკურ პირს წარდგენილი ჰქონდა ფიზიკური პირის ქონების გადასახადის 2025 წლის დეკლარაცია და მის მიერ არ იცვლება დეკლარირებული მონაცემები, ამ შემთხვევაში საგადასახადო ორგანო პროგრამულად დაარიცხავს მიმდინარე 2026 წლის ქონების გადასახადს. გადასახადის გადამხდელს ევალება კუთვნილი გადასახადის გადახდა არაუგვიანეს 16 ნოემბრისა (ვინაიდან 15 ნოემბერი არასამუშაო დღეა) წინა საანგარიშო წლის მონაცემების მიხედვით“, - აღნიშნულია გავრცელებულ განცხადებაში.სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ახალი სერვისით „RS ჩატი“ ან დაუკავშირდეთ საინფორმაციო საკონსულტაციო ცენტრს 2 299 299.

1790865976

McKinsey-ის ინტერვიუ საქართველოს ბანკის გენერალურ დირექტორთან, არჩილ გაჩეჩილაძესთან,უფრო ღრმად იკვლევს იმ გადაწყვეტილებებსა და პრინციპებს, რომლებმაც ამ შედეგების მიღწევა განაპირობა. ერთ-ერთი მთავარი გადაწყვეტილება მიზანმიმართული არჩევანი იყო, ბანკს მომხმარებლისთვის ციფრული სერვისები ფინტექ კომპანიების მსგავსად სწრაფად და მარტივად მიეწოდებინა.„ჩვენ გადავწყვიტეთ, მომხმარებლისთვის ისეთივე სერვისები შეგვეთავაზებინა, რაშიც ფინტექ კომპანიები ძლიერები არიან - და ამავდროულად, შეგვენარჩუნებინა და განგვევითარებინა ის უპირატესობები, რაც უკვე გვქონდა, კერძოდ, ნდობა და ძლიერი ფინანსური მაჩვენებლები,“ - განმარტავს არჩილ გაჩეჩილაძე ინტერვიუში.პრაქტიკაში, ეს ორი მიმართულების პარალელურად განვითარებას ნიშნავდა. ერთი მხრივ — ტექნოლოგიებში უწყვეტ ინვესტირებასა და მომხმარებლის გამოცდილების გამარტივებას: ისეთი ორგანიზაციის შექმნას, რომელსაც შეუძლია ფინტექ კომპანიის სისწრაფით მოქმედება, თუმცა ბანკის მასშტაბითა და შესაძლებლობებით ოპერირება. მეორე მხრივ კი ორგანიზაციის მუშაობის პრინციპების გარდაქმნას: გადაწყვეტილებების მიღების დელეგირებასა და ისეთი კულტურის ჩამოყალიბებას, რომელიც გუნდს შეცდომებზე სწავლის შესაძლებლობას აძლევს, მნიშვნელოვანი რისკების შექმნის გარეშე.Bloomberg იმავე ტრანსფორმაციას განსხვავებული პერსპექტივიდან აფასებს — ბაზრების, ინვესტორების ნდობისა და ჯგუფის ზრდის დინამიკის ჭრილში. გამოცემის სტატიაში, „როგორ იქცა ქართული ბანკი ევროპის ერთ-ერთ ყველაზე სწრაფად მზარდ კომპანიად", ნაჩვენებია, თუ რა შედეგებამდე მიიყვანა ბანკი ამ წლების განმავლობაში განხორციელებულმა სტრატეგიამ: FTSE 100-ის ინდექსში გაწევრიანება, £5.8 მილიარდის საბაზრო კაპიტალიზაცია და, Bloomberg-ის მონაცემებით, ბოლო ხუთი წლის განმავლობაში აქციის ფასის 740%-იანი ზრდა.„ყოველ წელს ყველაფერს ოდნავ უკეთ ვაკეთებდით და ეს ყველაფერი დაგროვდა," - აღნიშნავს არჩილ გაჩეჩილაძე.Bloomberg-თან ინტერვიუში საქართველოს ბანკის გენერალური დირექტორი ასევე აღნიშნავს, რომ სწორედ ეს ფილოსოფია- თანმიმდევრული, თუნდაც მცირე გაუმჯობესებების განხორციელება და მათი დროთა განმავლობაში დაგროვება ჯგუფის ზრდის შემდეგ ეტაპსაც განსაზღვრავს. ეს ეტაპი საქართველოსა და სომხეთის ფარგლებს გარეთ გაფართოებას და ცენტრალურ აზიაში, ბალტიისპირეთსა და ბალკანეთში ახალი შესაძლებლობების ძიებას მოიცავს.Financial Times-ის მიერ შედგენილ რეიტინგში კი, რომელიც ბრიტანეთის უმსხვილესი საჯარო კომპანიების ხელმძღვანელთა საქმიანობას აფასებს, არჩილ გაჩეჩილაძემ მეორე ადგილი დაიკავა. შეფასება ცხრა ძირითად კრიტერიუმს ეფუძნებოდა, მათ შორის კომპანიის მდგრადობას, ხელმძღვანელობის ეფექტიანობასა და ანალიტიკოსების შეფასებებს.ეს შედეგი განსაკუთრებით მნიშვნელოვანია Lion Finance Group-ის FTSE 100-ის ინდექსში შესვლის შემდეგ და წარმოადგენს კომპანიის ძლიერი ფინანსური შედეგების, ეფექტიანი მმართველობისა და გრძელვადიან ღირებულებაზე ორიენტირებული სტრატეგიის აღიარებას.McKinsey-ის, Bloomberg-ისა და Financial Times-ის მასალები ერთად გვაძლევს უფრო ფართო სურათს იმის შესახებ, თუ სად იმყოფება დღეს Lion Finance Group და რა მიმართულებით მიდის მომავალში.

1790865720

ეს სიახლე ბიზნესებს შესაძლებლობას აძლევს, სატენდერო გარანტია სრულად ციფრულად, ბანკის ფილიალში ვიზიტის გარეშე, მცირე დროში მიიღონ. პროცესი მაქსიმალურად გამარტივებულია: განაცხადის შევსება, დამტკიცება და გააქტიურება პირდაპირ ბიზნეს მობილბანკიდან წუთებში ხდება.სატენდერო გარანტია აუცილებელი ფინანსური ინსტრუმენტია სახელმწიფო თუ კერძო შესყიდვებში მონაწილეობის მისაღებად, რადგან ის აზღვევს შემთხვევას, როდესაც ტენდერში გამარჯვებული კომპანია ნაკისრ ვალდებულებებს ვერ ასრულებს.“მცირე და საშუალო ბიზნესების გაძლიერება და მათი ყოველდღიური პროცესების ხელშეწყობა ბანკის უცვლელი პრიორიტეტია. სწორედ ამიტომ, ციფრული სერვისების განახლება და ბიზნეს მობილბანკის ფუნქციონალების გამრავალფეროვნება მუდმივ რეჟიმში მიმდინარეობს, რათა მომხმარებლებმა ნებისმიერი ადგილიდან შეძლონ საჭირო საბანკო სერვისებით ოპერატიულად სარგებლობა. საქართველოს ბანკის ციფრული სატენდერო გარანტიის ერთ-ერთი მთავარი უპირატესობა საბრუნავი კაპიტალის გამოთავისუფლებაა - ბიზნესებს ტენდერის დასრულებამდე თანხის საკუთარ ანგარიშზე გაყინვა ან უზრუნველყოფის სახით ქონების დატვირთვა არ უწევთ. ეს მათ შესაძლებლობას აძლევს, ფინანსური რესურსი თავისუფლად მიმართონ მიმდინარე ოპერაციების საწარმოებლად” - აცხადებს ლევან თეთრაძე, საქართველოს ბანკის Product Owner ბიზნეს დაკრედიტების მიმართულებაში. სატენდერო გარანტიით სარგებლობისთვის ეწვიეთ ბიზნეს მობილბანკს ან ბიზნეს ინტერნეტბანკს.

1790862871

საარჩევნო საკითხებთან დაკავშირებით უფროსი თაობის ადამიანების გამოცდილების, რეკომენდაციების და მოსაზრებების მოსმენას საარჩევნო ადმინისტრაცია განსაკუთრებულ ყურადღებას უთმობს.სწორედ ამ მნიშვნელობის და პატივისცემის ხაზგასმა, ასევე ხანდაზმული ამომრჩევლების ინფორმირებულობა, საარჩევნო პროცესში მათი მონაწილეობის ხელშეწყობა და სერვისების გაცნობა იყო იმ აქტივობების მიზანი, რომელიც დღეს საარჩევნო ადმინისტრაციამ ხანდაზმულთა საერთაშორისო დღის აღსანიშნავად განახორციელა.ამ დღის აღსანიშნავად ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი, ცესკოს პრესსპიკერთან ნათია იოსელიანთან და ადმინისტრაციის თანამშრომლებთან ერთად, თბილისში, საერთაშორისო ჰუმანიტარულ კავშირ „კათარზისს“ ეწვია და მათ სიმბოლური საჩუქრები გადასცა. შეხვედრისას გიორგი კალანდარიშვილი ორგანიზაციის ბენეფიციარებს არჩევნებთან დაკავშირებულ მნიშვნელოვან საკითხებზე ესაუბრა, მოისმინა მათი მოსაზრებები და არჩევნებში მონაწილეობის გამოცდილება.გარდა ამისა, ხანდაზმულთა საერთაშორისო დღის აღსანიშნავად, ცესკოს თავმჯდომარე გიორგი კალანდარიშვილი, თავმჯდომარის მოადგილე გიორგი შარაბიძე და ცესკოს პრესსპიკერი ნათია იოსელიანი თბილისში და სოფელ წეროვანში მცხოვრებ ხანდაზმულ ამომრჩევლებს, 97 წლის თინა გიორგობიანს და 101 წლის ლევან ჯაშს ეწვივნენ, მათ ეს დღე მიულოცეს და პატივისცემის ნიშნად, საარჩევნო ადმინისტრაციის სახელით სამახსოვრო დოკუმენტი და სიმბოლური საჩუქრები გადასცეს. წეროვანში ლევან ჯაშთან გამართულ შეხვედრას მცხეთის საოლქო საარჩევნო კომისიის თავმჯდომარე რობერტ აზარაშვილიც ესწრებოდა.ამასთანავე, ხანდაზმულთა საერთაშორისო დღესთან დაკავშირებით, ქობულეთის მუნიციპალიტეტში მცხოვრებ ერთ-ერთ უხუცეს ამომრჩეველს, 100 წლის თამარ გორჯელაძეს ესტუმრნენ აჭარის ავტონომიური რესპუბლიკის უმაღლესი საარჩევნო კომისიის თავმჯდომარე პაატა კეშელავა, თავმჯდომარის მოადგილე ნოდარ მელაძე და ქობულეთის საოლქო საარჩევნო კომისიის თავმჯდომარე გელა ხახნელიძე.საარჩევნო ადმინისტრაციის წარმომადგენლებმა თამარ გორჯელაძეს, როგორც აჭარის ავტონომიური რესპუბლიკის ტერიტორიაზე რეგისტრირებულ ერთ-ერთ უხუცეს ამომრჩეველს, სამახსოვრო სიგელი გადასცეს. ასევე გააცნეს საარჩევნო ადმინისტრაციის მიერ დანერგილი სიახლეები და ამომრჩევლებისთვის ხელმისაწვდომი სერვისები.ამომრჩეველთა სხვადასხვა ასაკობრივ ჯგუფთან კომუნიკაცია და მათ აქტიურ ჩართულობაზე ზრუნვა იყო და რჩება საარჩევნო ადმინისტრაციის ერთ-ერთ მთავარ პრიორიტეტად.

1790859918

რობინ პეიჯის ხელმძღვანელობით „ბენტლის“ დიზაინის გუნდმა ქრიუს ცენტრში შექმნა ელეგანტური SUV, რომელიც ბრენდის დიზაინში ახალ ეტაპს გვთავაზობს, თუმცა, ამავდროულად, „ბენტლის“ დამახასიათებელ სტილსა და მემკვიდრეობას ერთგულად ინარჩუნებს.რობინ პეიჯი, „ბენტლის“ დიზაინის დირექტორი: „ახალ მოდელზე მუშაობისას ვითვალისწინებთ იმას, თუ როგორ აღვიქვამთ ადამიანები ობიექტს ბუნებრივად. არსებობს გარკვეული იერარქია იმისა, რასაც პირველად ვხედავთ და შემდეგ ვაცნობიერებთ. ამ პრინციპს აღქმის ოთხ ეტაპს ვუწოდებთ“.ავტომობილის პროპორციები მალევე მიგახვედრებთ, რას ნიშნავს „ბენტლის“ მემკვიდრეობა: თვლების გრძელი ბაზა, მოკლე განაკიდები და სიამაყის გამომხატველი წინა მხარე Torcal-ს მძლავრ იერსა და თამამ ელეგანტურობას ანიჭებს. დიზაინში „ბენტლის“ საკულტო მოდელების, განსაკუთრებით Continental GT-ს, ელემენტებსაც აღმოაჩენთ. განათების ინოვაციური ტექნოლოგიებითა და ალმასების დიზაინში გადაწყვეტილი ცხაურით ავტომობილის სახე სრულიად ახლებურადაა ინტერპრეტირებული, უკანა მხარეს კი დახვეწილი მინიმალიზმი გამოარჩევს.დიზაინის მესამე ასპექტი ავტომობილის მთლიანი ფორმაა - Torcal ნებისმიერი პერსპექტივიდან ელეგანტურად გამოიყურება. დიზაინზე მომუშავე ჯგუფმა უარი თქვა ზედმეტ, არასაჭირო ხაზებზე და ავტომობილს ემოციური და მკაფიო გარეგნობა მიანიჭა. მეოთხე ასპექტი კი ხელით შესრულების ბრიტანული, ნატიფი ხელოვნებაა.ამგვარი ფილოსოფია ინტერიერშიც გრძელდება. ხელსაწყოთა პანელი „ბენტლის“ ფრთების შთაგონებითაა შექმნილი და დიზაინის ელემენტების სიმეტრიულობით გამოირჩევა. ზედაპირებზე შეხვდებით ავთენტიკურ მასალებს - ტყავს, შალსა და ალუმინს. ცენტრალურ კონსოლსა და საჭეზე შენარჩუნებულია ფიზიკური ელემენტებიც, რათა ავტომობილის მართვისას უსაფრთხოების პრინციპები არ დაირღვეს.Torcal-ის სავარძლები 16 მიმართულებით რეგულირდება და აღჭურვილია გათბობით, გაგრილებით, გვერდითი რეგულირებადი მხარდაჭერითა და მასაჟის ახალი ფუნქციებით. დამატებით ხელმისაწვდომია Postural Adjust და სავარძლების ავტომატური კლიმატიზება. Wellness Seat Specification-ის შემთხვევაში მასაჟის ფუნქცია არა მხოლოდ საზურგეზე, არამედ მთელ სავარძელზე ვრცელდება.გაყიდვების საწყის ეტაპზე Bentley Torcal-ისთვის ხელმისაწვდომია დისკების 5 დიზაინი. საბაზისო მოდელში სერიულად გვხვდება 21-დუიმიანი დისკები, S-Modell-ს კი 22-დუიმიანი დისკები აქვს. დამატებით ხელმისაწვდომია 22-დუიმიანი დისკების კიდევ 3 ვარიანტი, რომელთაგან ერთი აეროდინამიკას ემსახურება. Torcal ასევე პირველი „ბენტლია“, რომელმაც ბრენდის განახლებული ემბლემა მიიღო.სიმძლავრე და ტრადიციების ერთგულებაTorcal ბრენდის ისტორიაში პირველი ელექტრომობილია და 888 ცხენის ძალამდე სიმძლავრესა და 1350-ნიუტონმეტრიან მაბრუნ მომენტს ავითარებს - ეს უკანასკნელი „ბენტლის“ ისტორიაში ყველაზე მაღალი მაჩვენებელია. ასეთი შესაძლებლობებით Bentley Torcal-ს 100 კმ/სთ-მდე აჩქარება 2,9 წამში შეუძლია.ავტომობილი აღჭურვილია ორი უმძლავრესი, მუდმივი მაგნიტის სინქრონული ძრავით. წინა აგრეგატს ღია დიფერენციალი აქვს, უკანა მოტორი კი ბლოკირებადი დიფერენციალითა და მრავალდისკიანი გადაბმულობითაა აღჭურვილი.ელემენტის გარანტია 10-წლიანია (ან 100 000 მილი). Torcal-ს ერთი დამუხტვით 600 კილომეტრამდე მანძილის დაფარვის შესაძლებლობა აქვს, 400-კილოვატიანი დამუხტვის სიმძლავრით კი 10-დან 80 პროცენტამდე 20 წუთზე ნაკლებ დროში იმუხტება. 161 კილომეტრისთვის საკმარისი ენერგიის მიღება 7 წუთში შეუძლია.ავტომობილი აღჭურვილია უკანა ღერძის მოხვევითაც - 5 გრადუსამდე, რაც მობრუნების რადიუსს 11,1 მეტრამდე ამცირებს. ამით Bentley Torcal არა მხოლოდ კომფორტული და სოლიდური, არამედ მაქსიმალურად მოქნილი და მანევრულიცაა. ის Bentley Flying Spur-ივით კომფორტული და Continental GT Speed-ივით დინამიკურია.Bentley Torcal-ში ხელმისაწვდომია ორი აუდიოსისტემა. პირველი 620-ვატიანია, 16 დინამიკით. Naim-თან თანამშრომლობით შექმნილი 1780-ვატიანი აუდიოსისტემა 28 დინამიკით მოიცავს სავარძელში ჩაშენებულ ვიბრაციის აქტუატორებს, თავის მისაყრდნობებში ჩაშენებულ დინამიკებსა და Dolby Atmos 7.1-ს.Bentley Torcal ორი სხვადასხვა კომპლექტაციითაა ხელმისაწვდომი: საბაზისო ვერსია და სპორტული S-ვარიანტი. საბაზო მოდელის სიმძლავრე 821 ცხენის ძალა და 1194-ნიუტონმეტრიანი მაბრუნი მომენტია. ეს ვერსია 0-100 კმ/სთ-მდე 3,4 წამში ჩქარდება და 250 კმ/სთ-ის განვითარება შეუძლია. სპორტული S-ვერსია გააქტიურებული Launch Control-ისას 888 ცხენის ძალას გამოიმუშავებს და 1350 ნმ-ს ავითარებს. მისი აჩქარება 0-100 კმ/სთ-მდე 2,9 წამია, მაქსიმალური სიჩქარე კი - 260 კმ/სთ.მარტინ პეიჯი, Torcal-ის წარმოების ხაზის დირექტორი: „Bentley Torcal სრულიად ახალი და უნიკალურია. მისი შექმნისას უდიდესი ყურადღება დაეთმო „ბენტლის” ტრადიციების შენარჩუნებასა და ტექნოლოგიას, რომელიც მძღოლს ეხმარება, მაგრამ მის ნაცვლად გადაწყვეტილებებს არ იღებს. Torcal-ში გამორჩეული ფუფუნება და შთამბეჭდავი სიმძლავრე ერთიანდება და ავტომობილის მართვის გამოცდილება სრულიად ახალ დონეზეა აყვანილი“.„ბენტლის“ ოფიციალური წარმომადგენელი საქართველოში Tegeta Cars-ში შემავალი Bentley Centre Tbilisi-ა. საქართველოში „ბენტლი“ Torcal აპრილიდან იქნება ხელმისაწვდომი. ახალი მოდელის სასურველი კონფიგურაციით დაკომპლექტება უკვე შესაძლებელია მისამართზე: აღმაშენებლის ხეივანი 129.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი Bentley Centre Tbilisi ლეგენდარული ბრიტანული ბრენდის პრემიუმ ავტომობილების ოფიციალური წარმომადგენელია საქართველოში 2024 წლიდან. Bentley Centre Tbilisi-ს შოურუმში მომხმარებლებს შესაძლებლობა აქვთ, შეიძინონ ყველაზე მოთხოვნადი მოდელები, ადგილზე შეარჩიონ აქსესუარები, კონფიგურაციის საშუალებით ააწყონ სასურველი კომპლექტაცია და შექმნან პერსონალიზებული მოდელი.

1790858940