არ გამოგრჩეთ "გორგილაძის აუტანელი სიმსუბუქის" ახალი ეპიზოდი 16 ივნისს YouTube-ზე - პროექტის მხარდამჭერია საქართველოს ბანკი

ამიტ კუმარ მიშრა საქართველოში ინდოეთის რესპუბლიკის პირველი რეზიდენტი ელჩია. როგორც დავით სონღულაშვილმა აღნიშნა, საქართველოში ინდოეთის რესპუბლიკის საელჩოს გახსნა ქვეყნებს შორის თანამშრომლობის გაღრმავების მნიშვნელოვან წინაპირობას წარმოადგენს.შეხვედრაზე სოფლის მეურნეობის სფეროში გამოცდილების გაზიარების მნიშვნელობაზე ისაუბრეს. ყურადღება გამახვილდა ორმხრივად საინტერესო სექტორული პროგრამების განხორციელების და იმპორტ-ექსპორტის მიმართულებით თანამშრომლობის გაფართოების შესაძლებლობებზე.როგორც შეხვედრაზე აღინიშნა, კლიმატის ცვლილება ორივე ქვეყნისთვის საერთო გამოწვევას წარმოადგენს, შესაბამისად, მხარეებმა კლიმატის ცვლილებისადმი მდგრადი სოფლის მეურნეობის განვითარების, ადაპტაციის ღონისძიებების და გარემოს დაცვის სხვადასხვა მიმართულებით თანამშრომლობის პერსპექტივები განიხილეს.მხარეებმა შესაბამისი ჩარჩო შეთანხმებებისა და თანამშრომლობის კონკრეტული მექანიზმების შემუშავების საკითხს გაუსვეს ხაზი, რაც ორ ქვეყანას შორის სექტორული პარტნიორობის კიდევ უფრო გაძლიერებას შეუწყობს ხელს.გარემოს დაცვისა და სოფლის მეურნეობის სამინისტროში გამართულ შეხვედრას  მინისტრის მოადგილე ლაშა დოლიძე და საერთაშორისო ურთიერთობებისა და ევროინტეგრაციის დეპარტამენტის ხელმძღვანელი დავით ჩიტაიშვილი ესწრებოდნენ.

1781533481

ევროპული მოგზაურობის ფარგლებში, მაყურებელს კვლავ აქვს შესაძლებლობა, მოისმინოს ისტორიები ადამიანებზე, რომლებიც საკუთარი გამოცდილებით, იდეებითა და ხედვებით ქმნიან ახალს და ინსპირაციას აძლევენ სხვებს.ახალი ეპიზოდის სტუმარია ზაალ ანდრონიკაშვილი, ბერლინის კულტურისა და ლიტერატურის კვლევების ცენტრის მეცნიერ თანამშრომელი.გადაცემა ეთერში 16 ივნისს, 21:00 საათზე YouTube-ზე დაიდება. ეპიზოდის სანახავად ეწვიეთ ბმულს.ინფორმაციისთვის, „გორგილაძის აუტანელი სიმსუბუქის“ მიზანია საზოგადოებისთვის კარგად ნაცნობი დანაკლებად ცნობილი ადამიანები განსხვავებული კუთხითწარმოაჩინოს.გადაცემის ფორმატი პორტრეტის, ღია დიალოგისა და„ჰარდ თოქის“ სინთეზია, რომლის ფარგლებშიცსტუმრები საუბრობენ თავიანთ გამოცდილებაზე, იდეებზე, საზოგადოებრივ პროცესებსა და პირად ხედვებზე რაცმაყურებელს აძლევს შესაძლებლობას უკეთ გაიაზროსროგორც მათი პერსონა, ისე მათ გარშემო არსებულიკონტექსტი.არ გამოგრჩეთ “გორგილაძის აუტანელი სიმსუბუქის” ახალი ეპიზოდები YouTube არხზე.

1781531465

2 წლიანი ვადის მქონე ობლიგაციების გამოშვების თარიღად 2026 წლის 29 მაისი განისაზღვრა, ხოლო საპროცენტო სარგებლის (კუპონის) გადახდა განხორციელდება ნახევარწლიურად. საბოლოო საპროცენტო სარგებლის მაჩვენებელმა 8.5% შეადგინა.ობლიგაციებიდან მიღებულ სახსრებს ნუტრიმაქსი არსებული ვალდებულებების რეფინანსირებისა და კაპიტალური დანახარჯების დასაფინანსებლად მიმართავს. აღნიშნული ფასიანი ქაღალდების სს „თბილისის საფონდო ბირჟის“ სავაჭრო სისტემასა და ლისტინგში იქნება დაშვებული.“მოხარული ვართ, რომ როგორც განთავსების აგენტმა, მონაწილეობა მივიღეთ ნუტრიმაქსის სადებიუტო ობლიგაციების განთავსებაში. ეს ტრანზაქცია ნათლად აჩვენებს, რომ ქართული კომპანიები სულ უფრო აქტიურად იყენებენ კაპიტალის ბაზარს როგორც ზრდის, ისე დაფინანსების დივერსიფიკაციის ინსტრუმენტად.ემისია წარმატებული აღმოჩნდა, რასაც ადასტურებს დივერსიფიცირებული ინვესტორთა წრე და მაღალი ნდობა კომპანიის ბიზნეს მოდელისა და მისი რეგიონული განვითარების პერსპექტივების მიმართ. ვფიქრობთ, მსგავსი გარიგებები მნიშვნელოვნად უწყობს ხელს ადგილობრივი კაპიტალის ბაზრის გაძლიერებას და მისი გამჭვირვალობის ზრდას. ვულოცავთ კომპანიას წარმატებულ სადებიუტო ემისიას და გვჯერა, რომ ჩვენი პარტნიორობის ფარგლებში სამომავლოდ ბაზარს მრავალ წარმატებულ ტრანზაქციას შევთავაზებთ ერთად”, - განაცხადა გიორგი კუპრაშვილმა, გალტ & თაგარტის გენერალურმა დირექტორმა."ჩვენთვის ეს სადებიუტო ემისია განაცხადია, რომ ნუტრიმაქსი მზად არის განვითარების ახალი, უფრო ფართომასშტაბიანი ეტაპისთვის. სადებიუტო ობლიგაციების გამოშვება გვაძლევს შესაძლებლობას, გავაუმჯობესოთ დაფინანსების სტრუქტურა, უფრო ეფექტიანად ვმართოთ კომპანიის ფინანსური რესურსები და მნიშვნელოვნად გავაძლიეროთ კორპორატიული მმართველობის სტანდარტები.  დარწმუნებული ვართ, რომ დღევანდელი ნაბიჯი გახდება მყარი საფუძველი ნუტრიმაქსის შემდგომი ზრდის, ახალი შესაძლებლობების ათვისებისა და კომპანიის ღირებულების კიდევ უფრო გაზრდისთვის", - განაცხადა ბექა ბექაიამ, ნუტრიმაქსის სამეთვალყურეო საბჭოს თავმჯდომარემ.„მინდა მივულოცო კომპანიას „ნუტრიმაქსი“ ამ მნიშვნელოვანი ნაბიჯის გადადგმა და სადებიუტო ობლიგაციების წარმატებით განთავსება. მისასალმებელია, რომ სახელმწიფოს მხარდაჭერით, სულ უფრო მეტი ქართული კომპანია განიხილავს კაპიტალის ბაზარს, როგორც გრძელვადიანი განვითარების და ფინანსური რესურსების მოზიდვის ეფექტიან ინსტრუმენტს.კაპიტალის ბაზრის მხარდაჭერის სახელმწიფო პროგრამა 2024 წელს დავიწყეთ, რამაც ბიზნესის მხრიდან დიდი ინტერესი გამოიწვია. აღსანიშნავია, რომ პროგრამის ამოქმედებიდან დღემდე განთავსებულია 14 კომპანიის 22 ემისია, რომელთა მეშვეობითაც საფონდო ბაზარზე მილიარდ ლარზე მეტი საინვესტიციო რესურსია მოზიდული.საქართველოს ეკონომიკისა და მდგრადი განვითარების სამინისტროს ეკონომიკის განვითარების კორპორაციისთვის კაპიტალის ბაზრის განვითარება სტრატეგიული მიმართულებაა, ამიტომ მომავალშიც აქტიურად გავაგრძელებთ მსგავსი ინიციატივების მხარდაჭერას. ვიმედოვნებ, კიდევ ერთი წარმატებული ემისია სხვა კომპანიებისთვისაც პოზიტიური მაგალითი იქნება და წაახალისებს მათ, რათა უფრო აქტიურად შეძლონ კაპიტალის ბაზრის გამოყენება“, - განაცხადა ირაკლი გაბრიაძემ, საქართველოს ეკონომიკის განვითარების კორპორაციის დირექტორმა.„ნუტრიმაქსი“ საქართველოს ბაზარზე 2009 წლიდან ოპერირებს და წარმოადგენს შინაური ცხოველების, ფრინველებისა და აკვაკულტურის საკვების ერთ-ერთ წამყვან მწარმოებელ კომპანიას რეგიონში. 2023 წლიდან კომპანია გაფართოვდა და ევროპული სტანდარტების კომბინირებული საკვების საწარმოსთან ერთად, ფლობს რეგიონში ექსტრუდირებული საკვების ერთადერთ მაღალტექნოლოგიურ საწარმოს კომპანიონი ცხოველებისთვის. ადგილობრივ ბაზარზე რეალიზაციასთან ერთად, ნუტრიმაქსი აქტიურად ეწევა ექსპორტს სომხეთის, აზერბაიჯანის, ყაზახეთის, უზბეკეთის და მოლდოვის ბაზრებზე

1781528690

ძლიერი ორგანიზაციული კულტურა თანამშრომლებს აძლევს მიმართულებას, აერთიანებს მათ საერთო მიზნის გარშემო და ქმნის გარემოს, სადაც ადამიანები საკუთარი პოტენციალის სრულად რეალიზებას ახდენენ. როგორ ყალიბდება და ვითარდება ასეთი კულტურა საქართველოს ერთ-ერთ ყველაზე დიდ ორგანიზაციაში, რა მნიშვნელობა აქვს „არ გაჩერების“ პრინციპს და როგორ უწყობს ხელს ის თანამშრომლებისა და ბიზნესის წარმატებას - ამ საკითხებზე საქართველოს ბანკის ადამიანური კაპიტალისა და თანამშრომელთა კმაყოფილების მიმართულების ხელმძღვანელი, ელენე ოქრომჭედლიშვილი გვესაუბრება.საქართველოს ბანკის მთავარი მოწოდებაა “არ გაჩერდე” - რას ნიშნავს არ გაჩერების კულტურა ორგანიზაციული თვალსაზრისით?საქართველოს ბანკი გამოირჩევა მუდმივი განვითარებით და გაბედულობით. მუდმივი მოძრაობა და წინსვლა არის ის, რაც გვაცოცხლებს და გვაძლევს შესაძლებლობას, შევქმნათ ახალი, ინოვაციური პროდუქტები, მუდმივად ვიფიქროთ იმაზე თუ რა სჭირდება მომხმარებელს და ასევე ვიზრუნოთ ჩვენი გუნდის თითოეულ წევრზე.განვითარება ძალიან საინტერესო პროცესია, რომლის დროსაც ხდება აღმოჩენები, საკუთარი ძალების მოსინჯვა და შესაძლებლობების გაფართოება.შევუწყოთ ხელი ადამიანებს (მომხმარებლებს და თანამშრომლებს) საკუთარი პოტენციალის მაქსიმალურ რეალიზებაში - ეს არის ჩვენი დევიზი. ყველა ინიციატივა ამ იდეის გარშემო ტრიალებს.როგორ ხდება ორგანიზაციაში, 9000-მდე თანამშრომელში არ გაჩერების კულტურის წახალისება და მათი მოტივირება?მუდმივ მოძრაობას აუცილებლად თან უნდა ახლდეს მიმართულება და შინაარსი. კერძოდ, უნდა გვესმოდეს საით მივდივართ და რისთვის ვაკეთებთ იმას რასაც ვაკეთებთ. ჩატარებული შიდა კვლევების შედეგების მიხედვით, თანამშრომლებს მოსწონთ და ეამაყებათ, რომ არიან წარმატებული გუნდის ნაწილი და აქვთ შესაძლებლობა, განვითარდნენ.ჩვენ კარგად გვაქვს გააზრებული ის, თუ რა როლი უკავია ჩვენს ორგანიზაციას ქვეყნის ეკონომიკის განვითარებასა და მომხმარებლების ყოველდღიურ ცხოვრებაში. მნიშვნელოვანია, ბანკში თითოეულ გუნდს ესმოდეს თუ რა როლს ასრულებენ ისინი მომხმარებლებისთვის ღირებულების შექმნაში.მსოფლიოში საუკეთესო ციფრული ბანკის უკან დგას ადამიანთა დიდი ერთობლიობა, რომლებმაც “არ-გაჩერებით” შექმნეს გლობალურად საუკეთესო პროდუქტი. ამ პროცესში მონაწილეობა გვავსებს სიამაყის შეგრძნებით.ყველაზე დიდი მოტივაციაა, როდესაც უკან მოიხედები და დაინახავ, რამდენი რამე შექმენი შენს გუნდთან ერთად და რა დადებითი გავლენა მოახდინა ამ ყველაფერმა სხვა ადამიანების ცხოვრებაზე.ამასთან, გვაქვს არაერთი ინიციატივა, რომელიც მიზნად ისახავს თანამშრომელთა ჩართულობის გაზრდას. წელიწადში რამდენჯერმე ვზომავთ თანამშრომლების კმაყოფილების მაჩვენებელს, ვუსმენთ თითოეულ მათგანს და ვცდილობთ, დავეხმაროთ მათ გამოწვევებთან გამკლავებაში.უშუალოდ თქვენთვის, ყოველდღიურ საქმიანობაში, როგორ და რაში გამოიხატება “არ გაჩერების” კულტურა?მუდმივად ვეძებთ შესაძლებლობებს, გარეთ თუ შიგნით. ყველა “შეცდომა” არის სწავლის შესაძლებლობა. გვაქვს ასეთი წესი, რომ თუ რაიმე პროცესი ან პროექტი ისე არ იმართა, როგორც გვინდოდა, ვსხდებით და განვიხილავთ როგორ სჯობდა რომ გაგვეკეთებინა და რა გავაუმჯობესოთ სამომავლოდ.გვაქვს ერთი ერთზე უკუკავშირის შეხვედრები გუნდის წევრებთან და კოლეგებთან ბანკის მასშტაბით, იმისთვის, რომ ერთმანეთს დავეხმაროთ განვითარებაში. უკუკავშირის დროს ვცდილობთ, ვიყოთ პირდაპირები და ემპათიურები. ეს ყველაფერი გვეხმარება იმაში, რომ არ ვიდგეთ ერთ ადგილას და მუდმივად ვიმოძრაოთ, რადგან არ გაჩერება ჩვენი იდენტობის ნაწილია.როგორ ეხმარებით ახალ თანამშრომლებს ონბორდინგის პროცესში?პირველი შთაბეჭდილება ორგანიზაციასთან მიმართებით მნიშვნელოვან გავლენას ახდენს თანამშრომლის სამომავლო მოტივაციაზე. პირველ რიგში, გასაუბრებაზე ვაკვირდებით კანდიდატის პიროვნულ თვისებებს და ვაფასებთ მის კულტურულ თანხვედრას ჩვენთან. აუცილებელია, რომ კანდიდატი იყოს განვითარებაზე ორიენტირებული და არ ეშინოდეს გამოწვევების. შემდეგ, სამსახურში აყვანის დროს, თანამშრომლებს უტარდებათ ონბორდინგის შეხვედრა, სადაც ვაცნობთ ბანკის ღირებულებებს, მუშაობის პრინციპებს, ბანკის ისტორიას და მნიშვნელოვან ინფორმაციას ორგანიზაციის შესახებ. ეს შეხვედრა არის ინტერაქტიური იმისთვის, რომ თანამშრომლებმა მაქსიმალურად იგრძნონ როგორი გუნდის ნაწილი ხდებიან.გვაქვს ასევე ონლაინ კურსი ბანკის მუშაობის პრინციპების შესახებ, რომელსაც თანამშრომლები გადიან და აქ უფრო დეტალურად არის ახსნილი რა იგულისხმება თითოეული მათგანის უკან. ონბორდინგის შემდეგ, პირველი 6 თვის განმავლობაში, აქტიურად ვართ კონტაქტზე თანამშრომლებთან, რომ გავიგოთ, როგორ ჩაერთნენ სამუშაო პროცესში და როგორ გრძნობენ თავს.2026 წლის გეგმებზე რომ გვესაუბროთვაგრძელებთ მუშაობას კულტურის გაძლიერების მიმართულებით, რადგან სწრაფად ცვალებად და დინამიკურ გარემოში, სწორედ თანამშრომლების ჩართულობა, ლოიალურობა და ჯანსაღი კულტურა არის ორგანიზაციის წარმატების საწინდარი. ყოველდღიურად ვცდილობთ ერთმანეთს დავანახოთ, რომ ჯანსაღი კულტურა თითოეული ჩვენგანის პასუხისმგებლობაა, ვფიქრობთ ამის გააზრება და ყველა თანამშრომლამდე მიტანა არის ის რაც ორგანიზაციული კულტურის გაჯანსაღებას უწყობს ხელს. ერთი მიზნის გარშემო გაერთიანებული ძლიერი გუნდი ნებისმიერ სირთულეს გაუმკლავდება. კულტურის ჩამოყალიბებაში დიდი როლი უკავიათ გუნდის ლიდერებს. ვაგრძელებთ მუშაობას თანამშრომლების ლიდერული უნარების განვითარებაზე შესაბამისი მასალების, ტრენინგების, პერსონალური ქოუჩინგისა და კონსულტაციების მეშვეობით. შიდა კვლევების საფუძველზე გამოვყოფთ ლიდერულ უნარებს, რომლის გაუმჯობესებაც გვჭირდება ორგანიზაციულად და შესაბამისად ვგეგმავთ ინიციატივებს. რაც მთავარია, ვაგრძელებთ თანამშრომლების მოსმენას, რადგან ამის გარეშე ვერ გვეცოდინება რა უდგათ თანამშრომლებს დღის წესრიგში და როგორ შეგვიძლია შევუწყოთ მათ ხელი საკუთარი პოტენციალის სრულად რეალიზებაში.

1781526580

ლაშა აბაშიძის თქმით, მიმდინარე წლის ხუთი თვის მაჩვენებლებით გაუმჯობესებაა სატვირთო გადაზიდვებშიც.„საქართველოს რკინიგზის წმინდა მოგება 2025 წელს იყო 152 მილიონი ლარი, შედარებით 68 მილიონ ლართან [2024 წლის წმინდა მოგება იყო 68,2 მლნ ლარი]. ასევე მნიშვნელოვანია, რომ წელს, ხუთი თვის მაჩვენებლებით საკმაო გაუმჯობესება გვაქვს. უკვე გვაქვს დაახლოებით 88 მილიონი ლარი მოგება. ასევე, გვაქვს გაუმჯობესება ე.წ. EBITDA-ში და საოპერაციო მოგების ნაწილში.ჩვენ მიმდინარე წლის ხუთი თვის მაჩვენებლებით გაუმჯობესება გვაქვს სატვირთო გადაზიდვებში. ტვირთის მოცულობა უფრო გაზრდილია. დაახლოებით 400 ათას ტონაზე მეტი გვაქვს უკვე გადაზიდული, რაც პირდაპირ აისახება და რომელიც აგენერირებს ჩვენს პირდაპირ შემოსავლებს“, - აღნიშნა მან.

1781525130

როგორც მინისტრის მოადგილემ აღნიშნა, მიმდინარე წლის იანვარ-მაისის მაჩვენებლებიც რეკორდულია - საქართველოდან, ჯამში, 3,108.5 მლნ აშშ დოლარის პროდუქციის ექსპორტი განხორციელდა, რაც დაახლოებით 19.8%-იანი ზრდაა წინა წელთან შედარებით.„იანვარ-მაისის პერიოდში ასევე რეკორდულია საგარეო სავაჭრო ბრუნვის მაჩვენებლები და 10,439.7 მილიონ აშშ დოლარს უტოლდება. ყოველივე ზემოაღნიშნული კიდევ ერთხელ ადასტურებს, რომ საქართველოში წარმოებული პროდუქცია კონკურენტუნარიანია არამხოლოდ ადგილობრივ, არამედ საერთაშორისო ბაზრებზე.როგორც ვახტანგ ცინცაძე აღნიშნავს, სახელმწიფოს არაერთი ინსტრუმენტი აქვს, რომელთა საშუალებითაც მხარს უჭერს ადგილობრივი წარმოების განვითარებას, მათ შორის, საქართველოს ეკონომიკური განვითარების კორპორაცია სხვადასხვა ინსტრუმენტებით ეხმარება ბიზნესს, მათ შორის მცირე და საშუალო მეწარმეებს, ქვეყანაში კონკურენტუნარიანი პროდუქციის წარმოებაში.„საქართველოს მთავრობის მიზანია, ხელი შეუწყოს ქვეყანაში ადგილობრივი წარმოების განვითარებას. სწორედ ამას ემსახურება პროგრამები, რომლებიც ქვეყანას აქვს არაერთი მიმართულებით და რომლებიც ადგილობრივ მეწარმეებს სხვადასხვა ფინანსური თუ არაფინანსური ინსტრუმენტებით ეხმარება. ეს ყველაფერი მნიშვნელოვან როლს თამაშობს ექსპორტის ზრდის დინამიკასა და მზარდ ტენდენციაში“, - აღნიშნა ვახტანგ ცინცაძემ.

1781524846