შეთანხმება გაფორმებულია - Bank FC Otkritie-ს 340 მილიარდ რუბლად VTB ბანკი ყიდულობს

სოციალურ ქსელ „ფეისბუქის“ საკუთარ გვერდზე პაპუაშვილი განმარტავს, 12 წლის განმავლობაში თუ რა გაკეთდა ამ მიმართულებით.„2030 წელს საქართველო პირველად გახდება ელექტროენერგეტიკულად დამოუკიდებელი ქვეყანა. ეს ნიშნავს, რომ ელექტროენერგიაზე ჩვენი მოთხოვნის დაკმაყოფილება ენერგიის იმპორტის გარეშე შეგვეძლება. ბოლო 12 წლის განმავლობაში აშენდა: 63 ჰესი, 2 თბოელექტროსადგური, 1 ქარის ელექტროსადგური“, - განაცხადა პაპუაშვილმა.

1729261856

გიორგი კალანდარიშვილმა დელეგაციის წევრებს ასევე დეტალური ინფორმაცია მიაწოდა 26 ოქტომბრის არჩევნებში ელექტრონული ტექნოლოგიების გამოყენების, ფართომასშტაბიან საინფორმაციო კამპანიისა და მნიშვნელოვანი სიახლეების შესახებ.„საარჩევნო ადმინისტრაცია აგრძელებს შეხვედრებს საერთაშორისო ორგანიზაციებთან და სადამკვირვებლო მისიებთან, იმისათვის რომ მათ ჰქონდეთ ამომწურავი და ზუსტი ინფორმაცია ყველა მიმდინარე და მნიშვნელოვან საკითხთან დაკავშირებით. საარჩევნო ადმინისტრაციისთვის მნიშვნელოვანია არჩევნებში ჩართულ მხარეებთან თანამშრომლობა და მათი დროული ინფორმირება, რაც თავის მხრივ დადებითად აისახება საარჩევნო გარემოზე. დღევანდელ შეხვედრაზე სხვადასხვა მნიშვნელოვან საკითხებთან ერთად დეტალურად ვისაუბრე უწყების წინაშე არსებული გამოწვევებისა და საარჩევნო პროცესში დეზინფორმაციის გავლენაზე. 26 ოქტომბრის არჩევნებამდე ცოტა დრო რჩება, შესაბამისად, ადმინისტრაცია ყველანაირ ძალისხმევას იყენებს იმისათვის, რომ 26 ოქტომბრის არჩევნები საერთაშორისო და ევროპული სტანდარტების შესაბამისად ჩატარდეს“, - განაცხადა გიორგი კალანდარიშვილმა შეხვედრის შემდგომ.თავის მხრივ, დელეგაციის წევრებმა დადებითად შეაფასეს საარჩევნო ადმინისტრაციის მიერ განხორციელებული საქმიანობები, როგორც ტექნოლოგიური ინტერვენციის, ისე ამომრჩეველთა ინფორმირების მიმართულებით.მათი თქმით, 26 ოქტომბრის არჩევნებს საერთაშორისო საზოგადოება ყურადღებით დააკვირდება.18 ოქტომბერს ცესკოში გამართულ შეხვედრას ამერიკის შეერთებული შტატების საგარეო საქმეთა კომიტეტის (HFAC) დელეგაციის წევრებთან ერთად, ასევე, ესწრებოდნენ აშშ-ის საერთაშორისო განვითარების სააგენტოს (USAID) და საქართველოში ამერიკის საელჩოს წარმომადგენლები.

1729260414

ბიზნესასოციაციის ინფორმაციით, შეხვედრაზე მედიატორთა ასოციაციის თავმჯდომარემ, ირაკლი ყანდაშვილმა ბიზნესასოციაციის წევრი კომპანიების წარმომადგენლებს ასოციაციის საქმიანობა დეტალურად გააცნო. საუბარი, ასევე შეეხო „მედიაციის შესახებ“ საქართველოს კანონს, რომელიც აღნიშნულ საქმიანობას არეგულირებს.ინფორმაციის მიხედვით, შეხვედრა წარიმართა კითხვა-პასუხის რეჟიმში, რა დროსაც BAG-ის წევრი კომპანიების წარმომადგენლებს შესაძლებლობა ჰქონდათ ამომწურავი ინფორმაცია მიეღოთ მათთვის საინტერესო და აქტუალურ საკითხებზე.„საქართველოს ბიზნესასოციაცია აქტიურად თანამშრომლობს მედიატორთა ასოციაციასთან, ვინაიდან ბიზნეს დავების ეფექტიანი და დროული გადაჭრა მნიშვნელოვანი პრიორიტეტია სექტორისთვის. გამომდინარე იქიდან, რომ სასამართლო სამართალწარმოების პროცესში დავების განხილვა დროში საკმაოდ გახანგრძლივებული პროცესია, ვთავაზობთ ჩვენს წევრ კომპანიებს ამ მექანიზმის გამოყენებას, რაც მნიშვნელოვნად დაზოგავს მათ დროსა და რესურსებს“, - განაცხადა საქართველოს ბიზნესასოციაციის აღმასრულებელმა დირექტორმა, ლევან ვეფხვაძემ.

1729254805

„მაგთიკომმა" განაცხადი ასევე შემოიტანა ცალკემდგომ ლოტებზე 700, 800, 3410-3710 და 2600 მჰც დიაპაზონებში, რომელთა აუქციონიც 21, 22 და 23 ოქტომბერს გაიმართება. სიხშირეების მოპოვებასთან ერთად კი, „მაგთიკომი" ვალდებული იქნება მომდევნო 7 წლის განმავლობაში 5G ქსელით ეტაპობრივად დაფაროს საქართველოს მჭიდროდ დასახლებული პუნქტები, ტურისტული ზონები, პორტები, აეროპორტები, რკინიგზა და ძირითადი საავტომობილო გზები. ამასთან, 5G ქსელების აგებისას, კომპანიამ უნდა იხელმძღვანელოს ევროკავშირის მიერ განსაზღვრული ტექნიკური ნორმებით, რაც ქსელის მაღალ ხარისხსა და უსაფრთხოებას უზრუნველყოფს.5G-ის დასანერგად აუქციონი სულ 17 ლოტზე იყო გამოცხადებული, რომლის ფარგლებშიც 700, 3410-3710, ასევე 2600 მჰც დიაპაზონების სიხშირული ზოლები იყო გამოტანილი. 17 ლოტიდან ორ კომბინირებულ, მათ შორის ერთ კონკრეტულ და ერთ აბსტრაქტულ ლოტს ერთნაირი დაფარვის ვალდებულებები და ფასი ჰქონდათ განსაზღვრული. ორივე მათგანი სიხშირული სპექტრის ორი განსხვავებული, 700 და 3410-3710 მეგაჰერცი  დიაპაზონის ზოლებისგან შედგება და დასახლებული პუნქტების დაფარვის ერთნაირ ვალდებულებას ითვალისწინებს. გარდა 5G-ის დასანერგად გამოცხადებული ლოტებისა, აუქციონი ასევე გამოცხადებული იყო 800 და 2100 მჰც სიხშირულ დიაპაზონებში ლიცენზიის მოსაპოვებლად დამატებით 4 ცალკემდგომ  ლოტზე. საგულისხმოა, რომ კომბინირებული ლოტის შეძენისას MVNO-ს დაშვების სავალდებულო მოთხოვნა არ არსებობდა, თუმცა, იმ შემთხვევაში, თუ კომპანია ლოტს MVNO-ს ვალდებულებით აირჩევდა, საწყის საფასურზე 20%-იანი ფასდაკლება იმოქმედებდა. „მაგთიკომმა" N1 კომბინირებული ლოტი MVNO-ს სავალდებულო დაშვების გარეშე შეიძინა.შეგახსენებთ, რომ გასულ წელს გამოცხადებულ 5G აუქციონში მონაწილეობა მხოლოდ „სელფი მობაილმა" მიიღო, რომლის ფარგლებშიც MVNO-ს დაშვების ვალდებულებასთან ერთად მოიპოვა ლიცენზია მეხუთე თაობის ტექნოლოგიის დასანერგად. დღეისთვის, „სელფი მობაილს" 5G ზუგდიდში, ბაკურიანში, გუდაურში, ბათუმში, ქობულეთში, შეკვეთილში, გონიოსა და  კვარიათში უკვე დანერგილი აქვს და ამ პროცესს კვლავ აქტიურად აგრძელებს. გამომდინარე იქიდან, რომ ComCom-ისთვის ახალი თაობის ტექნოლოგიების დანერგვა კრიტიკულად მნიშვნელოვანია, კომისიამ გაითვალისწინა ოპერატორების მომართვა და პირველი აუქციონიდან ერთი წლის შემდეგ, კომპანიებს მეორედ მისცა შესაძლებლობა მიიღონ მონაწილეობა აუქციონში, დანერგონ მე-5 თაობის ტექნოლოგია და მომხმარებელს მაღალი ხარისხის მომსახურება შესთავაზონ.5G - ეს არის უსადენო ახალი თაობის ინტერნეტ ტექნოლოგია, რომელიც უკვე არსებულ ტექნოლოგიებთან შედარებით, მნიშვნელოვნად  გაზრდის მობილური ინტერნეტის სიჩქარეს,  შეამცირებს დაყოვნებას  და საკომუნიკაციო სექტორთან ერთად, სრულიად ახალ საფეხურზე გადაიყვანს ისეთ უმნიშვნელოვანეს დარგებს, როგორიცაა: ჯანდაცვა, განათლება, ბიზნესი, სოფლის მეურნეობა, ინფრასტრუქტურა და სხვა. რაც, თავის მხრივ, ქვეყნის ეკონომიკას გააძლიერებს.

1729252899

Galt & Taggart-ის ანალიტიკოსი განაკვეთის შენარჩუნების რამდენიმე მიზეზს ასახელებს:„ჩვენი მოლოდინია, რომ მონეტარული პოლიტიკის განაკვეთი 8%-ის დონეზე შენარჩუნდება. ამის ძირითადი მიზეზია, ის რომ არის ძლიერი ეკონომიკური ზრდა და სწორედ ამის გამო ვფიქრობთ, რომ განაკვეთი არ შეიცვლება.გარდა ამისა ჩვენ ვხედავთ, რომ მოკლევადიანი რყევებია ვალუტის კურსზე. ფაქტობრივად მეორე თვეა ეროვნულ ბანკს მეორედ მოუწია ბაზარზე ინტერვენციის გაკეთება, ერთჯერადი ტრანზაქციებით ლარის კურსზე ზეწოლის გასანეიტრალებლად.არსებობს კიდევ გეოპოლიტიკური რისკები, რომლებიც შესაძლოა, ნებისმიერ დროს გააქტიურდეს და ზეწოლა ჰქონდეს ინფლაციაზე. სწორედ ამ ფაქტორების გამო  ვფიქრობთ, რომ მონეტარული პოლიტიკის განაკვეთის შენარჩუნება 23 ოქტომბრის სხდომაზე მიზანშეწონილი იქნება“, - განაცხადა ლაშა ქავთარაძემ.აღსანიშნავია, რომ სებ-ის მონეტარულს კომიტეტს განაკვეთი უკვე სამი სხდომის გამავლობაში არ შეუცვლია და 8%-ის დონეზე ინარჩუნებს.მონეტარული პოლიტიკის კომიტეტის შემდეგი სხდომა 2024 წლის 23 ოქტომბერს გაიმართება.

1729251553

პირველი ნაბიჯები საქართველოს ბანკშისაქართველოს ბანკს 2022 წლის მაისში შევუერთდი, რისი მთავარი მიზეზიც Data-ს მიმართულებით ბანკის მოწინავე პოზიცია და ინოვაციებისადმი მიდგომა იყო. ამ დროისთვის, ანალიტიკის მიმართულებით უკვე გარკვეული გამოცდილება მქონდა და მინდოდა, ისეთ გუნდში ვყოფილიყავი, რომლისთვისაც მონაცემები მნიშვნელოვანი გადაწყვეტილებების საფუძველი იყო. ასევე, პროფესიული ზრდისა და ბანკის საქმიანობაში ჩემი წვლილის შეტანის შესაძლებლობას ვხედავდი. ონბორდინგის პროცესში მივხვდი, რომ სწორი არჩევანი გავაკეთე — პირველივე დღიდან ვგრძნობდი სრულ მხარდაჭერას როგორც გუნდის, ისე HR-ის მხრიდან, რაც ძალიან კომფორტულ გარემოს ქმნიდა. კარიერულ გზაზე ძალიან მნიშვნელოვანი იყო პროექტების მრავალფეროვნება, რადგან თითოეული მათგანი მოითხოვდა განსხვავებულ მიდგომას და ახალი უნარების განვითარებაში მეხმარებოდა. ზოგადად, ტექნოლოგიური სპექტრის მრავალფეროვნება საშუალებას მაძლევს, მუდმივად განვვითარდე და დავეუფლო ახალ ხელსაწყოებს, როგორიცაა, მაგალითად, Big Data ტექნოლოგია და სხვა.უფროსი მონაცემთა ანალიტიკოსის საქმიანობაციფრული პროცესების ზრდასთან ერთად, მონაცემთა ანალიტიკის როლი კრიტიკულად მნიშვნელოვანია. ჩემი საქმიანობის მთავარი მიზანია, მონაცემების გამოყენებით კომპანიას ინფორმირებული გადაწყვეტილებების მიღებაში დავეხმარო. უფრო კონკრეტულად, ჩემი საქმიანობა მოიცავს ნედლი მონაცემების ღირებულ შეხედულებებად გარდაქმნას, რაც ბანკს სტრატეგიული მიზნების მიღწევაში ეხმარება.ჩემი გუნდის საქმიანობა ძირითადად ორიენტირებულია მანქანათმცოდნეობის (ML) მოდელების შექმნაზე. ჩვენი სამუშაო პროცესის დასაწყისი არის ბიზნესის გამოწვევების გააზრება და მონაცემების ანალიზის საჭიროების განსაზღვრა. ამ მიზნით, სხვადასხვა დეპარტამენტთან მჭიდროდ ვთანამშრომლობთ. შემდეგ ეტაპზე ხდება მონაცემების დამუშავება — ეს ძირეული ნაბიჯი გადამწყვეტია, რადგან მონაცემების ხარისხი მოდელების ეფექტურობაზე პირდაპირ გავლენას ახდენს. ამის შემდეგ კი ვაგებთ მოდელებს, რომლებიც დიდი რაოდენობით მონაცემების დამუშავების შედეგად მნიშვნელოვანი შაბლონებისა და ტენდენციების შესახებ ინფორმაციას იძლევა. მოდელების შემოწმება, დახვეწა და მუდმივი მონიტორინგი კი მათ სანდოობასა და ეფექტურობას უზრუნველყოფს.როგორ იქმნება საუკეთესო საბანკო სერვისებიჩემი გუნდის მუშაობა ბანკისთვის გადაწყვეტილებების მიღების პროცესს მნიშვნელოვნად ამარტივებს. კომპლექსური მონაცემების მკაფიო და მოქმედ იდეებად გარდაქმნით, ბანკს ვეხმარებით, რომ გამოწვევებს უფრო ზუსტად და პროგნოზულად გაუმკლავდეს. სასიამოვნოა იმის გაცნობიერება, რომ ჩვენი საქმიანობა ხელს უწყობს ინფორმირებულ და გააზრებულ გადაწყვეტილებებს, რომლებიც ბანკის წარმატებაში მნიშვნელოვან როლს თამაშობს.ჩემი გუნდის ერთ-ერთ გამოწვევად მონაცემების რაოდენობის სწრაფი ზრდა შეიძლება ჩაითვალოს, რის მოგვარებასაც ახალი ტექნოლოგიების შესწავლითა და დანერგვით ვცდილობთ. ასევე მნიშვნელოვანია, რომ სწორად მოხდეს ბიზნეს გამოწვევის ანალიტიკურ/ტექნიკურ ამოცანად თარგმნა, რისთვისაც სტეიკჰოლდერებთან მჭიდროდ ვთანამშრომლობთ. დიდი რაოდენობით მონაცემების გაანალიზება საშუალებას გვაძლევს, პროდუქტები და სერვისები ინდივიდუალურ მომხმარებლებს მოვარგოთ და მათ უფრო შესაბამისი და დროული შეთავაზებები მივაწოდოთ. ანალიტიკა არა მხოლოდ ინფორმირებულ გადაწყვეტილებებს უზრუნველყოფს, არამედ საშუალებას გვაძლევს, მოვახდინოთ პროცესების ოპტიმიზაცია და ავტომატიზაცია, რაც თანამშრომლებს უფრო ეფექტურ და ნაკლებად სტრესულ სამუშაო გარემოს უქმნის.პროფესიული ზრდის შესაძლებლობები საქართველოს ბანკშიამ დროის განმავლობაში შესაძლებლობა მქონდა, სხვადასხვა პროექტზე მემუშავა, რომლებიც ერთმანეთისგან განსხვავებული იყო როგორც ტექნიკური, ასევე ანალიტიკური თვალსაზრისით. თითოეული პროექტი უნიკალურ გამოწვევას წარმოადგენდა და ჩემს განვითარებაში განსაკუთრებული როლი შეასრულა. ასე რომ, ყველა პროექტი თავის მხრივ საინტერესო და ღირებული გამოცდილება იყო. თითოეული პროექტის უკან დგას იდეა, რომ მონაცემებს შეუძლია ბიზნესპროცესები და მომხმარებლის გამოცდილება გააუმჯობესოს. ჩვენი მთავარი ამოცანა კი მონაცემების მნიშვნელოვან ინსაითებად გარდაქმნაა.პროფესიულ განვითარებაში ხელშეწყობა ნამდვილად გვაქვს, რადგან საქართველოს ბანკში ჩვენთვის საინტერესო კურსების გავლა შეგვიძლია. ასევე, გარკვეული პერიოდულობით შიდა ცოდნის გაზიარების სესიებიც ტარდება, ამასთან, შესაძლებლობა გვაქვს, ჩვენთვის საინტერესო კონფერენციებს დავესწროთ. მიმაჩნია, რომ მუდმივი სწავლა და ადაპტაცია სწრაფად ცვალებად ტექნოლოგიურ გარემოში აუცილებელია. ჩვენი სამუშაო პირდაპირ გავლენას ახდენს ბანკის წარმატებასა და მომხმარებელთა კმაყოფილებაზე, რაც პირადად ჩემთვის ძალიან მნიშვნელოვანია. კომპლექსური პრობლემების გადაჭრის გზების ძიება კი მაძლევს მოტივაციას, რომ არ გავჩერდე.

1729251400